رواية شيخ البصره الفصل الثاني عشر بقلم مجهول
فزيت من نومتي وانه صاير اعصاب .واتعوذ من الشيطان وراسي كل مجاله يوجعني اكثر.
بلسم:- كعدت الصبح وكلبي متلهف لشوفة ضرغام الي ملك كلبي و روحي.
بدلت ملابسي واني اغني اغنية يارا ماادري شجابها على بالي...
ماروم يارايح عن العين
يا مسافر على وين ماروم
اذا ما شفتك اليوم تكعد الدنيا وتكوم ماروم
فجأة دك تلفوني شفت رقم بابا وممصدكة
بلسم:- الوووو بابا حبيبي؟؟؟
الاب :- حبيبة بابا شلوووونج بنتي ؟مشتاقلج.
بلسم وهي ماسيطرت على دموعها:- حبيبي اني هم مشتاقتلك ومشتاقة للكل شلونكم؟
الاب:- حالنا من بعدج مو حال يا فرحة بيتي.
بلسم:- اسم الله عليكم حبيبي اني زينه الحمدلله وكلهم زينين ويايه .
الاب:- اريد اشوفج حبيبتي والله مشتاق لعيونج.
بلسم:- راح احاول احجي وية ضرغام بلكي يقبل يجيبني لبغداد.
الاب:- حتى لو مايكدر يجيبج كليله احنا نجي ونشوفج والله مااتحمل بعد واخاف اموت واني ماشايف وجهج الحلو حبيبة بابا.
بلسم:- وزاد بچيها:- عسى يومي قبل يومك بابا لاتكول هيج ان شاء الله اليوم احجي وياه ونتشاوف.
سديت التلفون واني فرحانه سمعت صوت بابا ومقهورة بنفس الوكت عليه
نزلت ركض دااحضر الريوك وية سهاد وبثينة وشفت الحجية كاعده صبحت عليهم وبست راس الحجية.
الحجية:- شنو هالصباح الحلو؟؟
سهاد:- يممممه الحب وعمايل الحب .
بلسم:- ابتسمت ونزلت راسي خجلانه كلتلهم حجيت وية ابوية واطمنت على اهلي و يريدون يشوفوني.
الحجية:- من حقهم يمه اليوم احجي ويه ضرغام وشوفي شيكول.
فجأة دخل ضرغام للمطبخ بس وجهه مايتفسر وتعباااان
الحجية:- صبحك الله بالخير وليدي تعال اكعد هين اتريك وياي.
ضرغام:- صبحج الله بالخير يمه مااريدن مااشتهي اكل شي.
الحجية:- شبيك يا وليدي مو على بعضك ؟
بلسم:- اباوع على ضرغام لازم راسه ويفرك بي
حتى علينا ما يباوع.
ضرغام:- مالي خلك يمه.
عافنا وطلع وكال من يكعد فلاح خلي يمرني للديوان.
اني بقيت مصدومة البارحة شمحلانه و هسه حتى بوجهي ما يباوع. وشلت هم شلون راح افتح موضوع اهلي وياه؟
اتريكنا وغسلنا مواعين ونظفنا البيت و بثينة خطيه كلساع تروح تتقيء وحامها كلش قوي.
كلتلها :- بثينة وصي فلاح خلي يجيبلج حبوب
B6
يفيد الحوامل الي وحامهم مثل وحامج و امن للحامل.
بثينة:- والله يااخيتي ياريت تعبت وانه كل ماافوت استفرغ احسن روحي تطلع .
صار الظهر و احنا مجهزين الغدا ودخلو فلاح وضرغام بس ضرغام حالته ماتعجب ابد.
صبينا الغدا وهو يادوب اكل لكمتين وكال رايح ارتاح شوي.
عافنا وحتى چاي ما طلب واني بقيت افكر بحالته والحجية تباوع على ابنها الي ماتدري شبي .
ضرغام :- دخلت اريدن انام عسى وجع راسي يختفي اول ماحطيت راسي عالمخده وانه الكوابيس مافاركتني كمت اكره النوم
وانه نايم حسيت ببرودة بأطرافي فتحت عيني بس مثل المشلول مااكدر اتحرك
واشوف مثل الخيال واكف بطرف چربايتي فتحت عيني على وسعها و چان الخيال يكمز على صدري وخنكني . صحيت مخروع من النوم و هدومي مليانه عرك
دخلت سبحت وبدلت ملابسي وطلعت من الغرفه وصارت بوجهي بلسم بس انه مااعرف شبيه وضعي متخربط.
بلسم:-شلون صرت بعده راسك يوجعك؟
ضرغام :- مابيه شي انه زين.
بلسم:- اصبلك چاي ؟
ضرغام:- لا مااريد تسلمين
وعفتها وطلعت حتى ما باوعت بوجهها.
بلسم:- صدمني ضرغام بتصرفه شبي ليش هيج ما طايقني معقول اتندم ومايريدني بعد؟؟
فكرة توديني وفكرة تجيبني
صار الليل وفلاح اجه وضرغام ابد ما بين كلهم فاتو لغرفهم واني بقيت انتظره بالمطبخ سمعت حس الباب انفتح ودخل ضرغام
بلسم:- الله يساعدك.
ضرغام:- وهو دينزع حذاءه ويساعدج شعندج كاعده لحد هسه؟
بلسم :- داانتظرك ظل بالي عليك.
ضرغام:- مو كتلج مابيه شي بس تعبان شويه اريد ادخل انام.
بلسم وكفت كباله وكتله :- شبيك ضرغام اكو شي مضوجك مني؟
ضرغام:- دااكلج مابيه شي انتي ليش صايره تلحين؟
عافني ودخل لغرفته وطبك الباب حيل
دمعت عيوني اول مره اشوف ضرغام بهالوضع
صعدت فوك واني كاتمه بچيتي ومخنوكة باوعت على تلفوني لكيت نهى مرت اسامة داكة عليه مرتين .. خابرتها وسولفنا كلش مشتاقتلها ومشتاقه لأسامة ودزتلي صورهم وصورة الفصعون ابن اسامة الصغير لأن جابته واني ماشفته ابد
حبيبي يخبل ماخذ لون عيوني .
عفت التلفون وبقيت اتكلب بفراشي وافكر ليش ضرغام ديتصرف هيج اكييييد صاير شي.
مرت ٥ ايام على هالحال.. اجه يوم العقد مال مروة وجمال جان يوم خميس
صبح الصبح واني مانايمة زين بسبب التفكير نزلت اساعد البنات
وجان نسمع سيارة ضرغام طبكت بكلبي كلت هذا وين چان من الصبح؟
دخل وهنا المفاجئة
ضرغام:- عفت بلسم بالمطبخ و دخلت للغرفة وانه بس اتكلب مااكدر انام واحس حراره بجسمي فضيعه
صارت ساعه ٥ الفجر ماحسيت غير وانه مشغل السياره ورايح للناصرية ليش مااعرف .
رحت وصلت لبيت هند واريد ارجعها بدون سابق انذار.
استقبلوني اهلها فرحانين ودخلوني للبيت وقدمولي چاي و راحت هند ركض حضرت غراضها و صعدنا للسياره ورجعنا. بس طول الطريق اسأل نفسي ومستغرب ليش رجعتها؟ وليش رحت؟ وانه مو عساس اطلكها وابقى وية بلسم؟ بعدين اجاوب نفسي واكول هي هم مرتي ليش دااطلكها؟
بلسم:- دخل ضرغام
اجه وجايب هند وياه ودخلها واني بقيت واكفه مصدومة.
الحجية استقبلت هند والبنات بوسوها واني تباوع عليه من فوك ليجوة وتضحك وتباوع على ضرغام.
اني هنا حسيت راسي صار نار وكلبي يتكطع
اباوع على ضرغام اصلاً ما يباوع بوجهي
عفت كلشي وصعدت لغرفتي طكيت بجي والزم هدومي اريد املخها على نفسي من القهر.
شلون اتقشمرت وحبيته وشلون صدكت بي وبكلامه؟
ضرغام دخلت هند للغرفة وجان تشمر روحها عليه وتبوس بركبتي وتكلي مشتاقتلك
انه هنا ماحسيت بروحي الا بايسها و دافعها عالجرباية ..
نمت وياها و دخلت سبحت اول مره احس انه راغبها لهند بس ورة ما كملت لعبت نفسي
دكو الباب ديصيحونا عالغدا لبست دشداشتي و طلعت شفت الكل كاعد عالسفره منتظرينا
بلسم:- صاحتني سهاد حتى نحضر الغدا نزلت بس لا ضرغام ولا هند موجودين راحت مروة دتصيح ضرغام
طلع وشعره مبلل مبين هستوه سابح و جان تطلع وراه هند تتمخطر ولافه شعرها بخاولي
اني هنا عقل ما ظل براسي اريد اعيط اريد الطم اريد اطلع حركة كلبي بيهم .
اباوع على ضرغام يباوع عليه و ينزل راسه ويرجع يباوع لهند . بالكوة اكلت لكمتين واني احسها تشك صدري.
كمت كلتلهم شبعت دخلت للحمام غسلت فتحت الباب دااطلع جان الكه هند كبالي
هند:- شبيج متزوهرة من ساعه ماشفتيني ؟ تغارين؟
بلسم:- ضحكت هاي شبيها ؟منين اغار منج؟
هند:- ههههههههههه اي مني لأن تشوفين ضرغام حبيبي ماكدر يبعد عني وعن حضني واجه اخذني من بيت اهلي يتوسل حتى ارجع. واول مارجعت مااتحمل و فرغ شوگه وياي حتى ماانتظر لليل.
بلسم:- احس نفسي لازمة روحي كوه والدنيا تفتر بيه. قويت نفسي وكلتلها:- اشبعي بي حبيبتي. عفتها و رحت للمطبخ بس دمعتي واكفه بطارف عيوني اذا احد يطخني انفجر .
طلع ضرغام جان توكفله هند وتحضنه باوعت عليهم انتبه عليه و دفع هند كللها عيب كافي.
عفتهم وصعدت حضنت مخدتي و بچيييييت لحد ماتعبت . كمت حتى احضر نفسي مابقه شي ويجون العالم حتى يعقدون مروة وجمال.
لبست فستان اسود طويل ردن بس الظهر كله مفتوح وچاكة من كدام طويله
اندك الباب واني دا البس حذائي كلت اكيد وحده من البنات ..
دخل ضرغام واني كمزت من مكاني و وكفت ورحت بأتجاهه :- شكو شتريد جايني لهنا؟ روح لمرتك شكو جاي.
ضرغام عكد حاجبه يتفحصني من فوك لجوه وصك سنونه:- نصي صوتج لا اكص لسانج. واحجي وياي عدل .
بلسم :- ها اسفه اوكف دقيقه :- عدلت نفسي وكلت بهدوء:- اتفضل شيخ ضرغام ابيش تأرمني؟ أنت أأمر واحنا انفذ.
لزمني من ايدي حيل وقربني اله ولزمني من خصري بالايد الثانية وكلي:- اشتاقيتلج مايصير اشتاق لمرتي؟
دفعته حيل وكتله:- مررررتك؟؟؟ اني مو مرتك وعمري ماراح اصير ومرتك الي دتحجي عليها جوه روحلها لأن بعد مااريدك ولا اريد اشوفك.
اجه علية ورجع جرني من ايدي و لزمني من شعري
ضرغام:- اي مو هو بكيفج وجان يتقرب حيل عليه و كام يبوس و يفرض نفسه وحصرني ويتلمس بجسمي واني ادفع بي
انكلب وحش مو هو ضرغام كأنه شيطان
لزمني يريد ينزعني الفستان واني ابجي ومااقبل شمرني عالجرباية وهجم عليه
اني كمت اعيط وابجي :- كافي الله يخليك كافي مااريدك وخر عفيه الله يخليك .
فجأة كام وهو فاتح عيونه ورجع ليوره كأنه مصدوم بالشي الي ديسويه
بقيت نايمه عالفراش وابجي و هو طلع .
ضرغام:- ماادري شبيه احس روحي انسان مو طبيعي هاي مو تصرفاتي
شلون هيج اسوي وية بلسم واني احبها وليش صعدتلها اساساً احس كأنه واحد يدفعني حتى من نمت وية هند مااسيطر على نفسي و ٢٤ ساعه راسي يوجعني ومااشتهي اكل..
عدلت نفسي ونزلت يم الزلم واجه السيد وعقد لجمال ومروة.
واني كاعد على اعصابي من الالم .
بلسم:- كمت من الفراش بالكوة اجر بروحي احس جسمي متشنج عدلت نفسي ومسحت دموعي والمكياج كله خرب
رجعت حطيت مكياج من جديد و نزلت و العالم كلها تباوع عليه كأنه اني العروس و وحده تبسبس للخ .
عقدو جمال ومروة واني مو على بعضي احس نفسي راح اتمرض جسمي كله يوجعني وبدت حرارتي تصعد قبل ماتخلص الحفله اعتذرت من سهاد وصعدت نزعت ونمت بفراشي .
خلصت الحفلة و رجعو الكل لبيوتهم وضرغام دخل للحجية..
ضرغام:- يمه انه بيه شي احس نفسي مو طبيعي حتى القرأن مااتحمل اسمعه.
الحجية ضربت على صدرها:- يمه وليدي لتكون مسحور؟
ضرغام:- ماادري يمه اريد وجع راسي يروح مدااتحمل بعد .
الحجية :- نام يمي اليوم وباجر من الصبح نروح للنجف نزور و اعرف سيد هناك يقره عليك .
نمت يم الحجية و من الصبح اجه عمران علينا اخذنا بس انه وياها و رحنا للنجف بس من وصلت هناك احس حيلي انهد ورجولي ماتشيلني لزمني عمران ودخلنا زرنا الامام علي عليه السلام خاص بالبيج قصص عراقيه واقعيه وطلعنا وشفنا سيد كاعد يم الحجية وكلتله هذا وليدي
باوع عليه وكللها هذا عليه عمل
دخلوه للغرفه:- جانت اكو غرفه بداخل المرقد دخلنا بيها و لزمني من راسي وبده يقره وكل ما يقرا احس الم يزيد اكثر واكثر لحد ماوصلت لمرحله كمت ارفس برجلي من الوجع وعيني اظلمت وفجأة حسيت روحي تريد تطلع كمت اصيح بوجع والسيد يضرب بأيده على راسي و راها نزع عباته وغطاني بيها بس صوته كام يعلى شوية شوية لحد ما استفرغت
بس استفراغي اسود وبي اشياء غريبه .
اباوع للحجية تبجي و تصيح احضرنا يا علي
وعمران لازمني و يبجي
السيد كله لعمران هذا معموله عمل نكس ومدفون بمقبره وانطاهم جيس بي ملح وحرمل وشغلات وبطل مي مقري عليه وكللها للحجية كل يوم المغرب تبخرين البيت بي و تنفخين من البخور على وجهه وتشربيه من هذا المي لمدة ٣ ايام بس لازم تعرفون الي سوه العمل هذا لأن قوي و بس هو يندل مكان العمل ويكدر يفكه .
شالني عمران و انه بالكوه اشيل راسي و صعدني بالسيارة وطول الطريق اسمع الحجية تبجي وتتحسب.
كتله لعمران لا ترجعني للبيت مااريدن احد يشوفني بهالحال. وصلنا الحجية وعمران اخذ من البخور واخذ المي كللها للحجية خليه يمي وكلليهم مسافر بشغله وانتي كل يوم المغرب بخري البيت وانه ابخر لضرغام واشربه المي .
رحنا لبيت عمران و بقيت عنده ٣ ايام بس اصعب ٣ ايام مرت بحياتي
وراها صبحت شوية احسن و بلشت اكل بعد ما جنت كاطع الاكل عبن احس نفسي مسدوده.
عمران:- ضرغام منو تتوقع يريد يأذيك ومسويلك هالعمل؟
ضرغام:- ماادري صار اسبوعين مو على بعضي دمروني الله يدمرهم.
عمران:- بس هاي السوالف مال نسوان.
ضرغام:- صفنت عليه شتقصد؟
عمران:- يعني هاي الشغله مال وحده تريد تأذيك مو واحد انت ماتشك بوحده؟
ضرغام ضليت صافن وافكر بكلام عمران
منو يريد يأذيني؟ سهاد اختي مستحيل تأذيني و بثينه فقيرة ومالها علاقه بأحد
بلسم؟ لا بلسم ٢٤ ساعه بالبيت لاتطلع ولا تفوت.
ماظلت بس هند :- معقول هي؟ زين ليش وهي تحبني وتتمنى رضاتي؟
ضليت حسبه توديني وحسبه تجيبني و اتفقت ويه عمران كتله انه شاك بمرتي الثانية بنت ابو مزهر بس شلون نعرف هي ورة هالعمله؟
عمران:- ارجع اليوم للبيت و مشي الوضع طبيعي بس عينك لا تفاركها و بعد اسبوعين دزها لأهلها وخلينا هناك نراقبها و لابد يبين شي.
رجعت للبيت واستقبلوني الكل عبالهم مسافر والحجيه تبوس بيه
بس ادور على بلسم ابد ما بينت.. اجتي هند وتحمدتلي بالسلامة وتدلع وانه اضحك بوجهها مااريدنها تحس بشي.
اتغدينا و شربنا الچاي وبلسم ما هيه.
دخلت للمطبخ وسألت سهاد :- خيتي لعد وين بلسم ماشفتها؟
سهاد:- والله يااخوي هالبنية مو على بعضها طول الوكت حابسه رويحتها بالغرفه و لو تنزل تاكل لكمتين لو ماتاكل ابد.
ضرغام بعد كلام سهاد صعدت على بلسم وكبل دخلت
لكيتها معكفه نفسها ونايمه عالفراش واول ما شافتني كمزت.
بلسم وهي تبجي وترجف:-شتريد مني عفيه اطلع بره .
ضرغام:- شبيج بلسم انه ضرغام حبيبج.. تعالي ابوية والله مااذيج.
بلسم:- لا تتقرب اطلع بره مااريد اشوفك .
ضرغام انقهرت من شفت حالتها وشلون ابد ماتريدني وخايفه مني :- حقها وانه ذاك اليوم اتهجمت عليها وماخليت اذية مااذيتها بيها
عفتها وطلعت وانه القهر ماكلني.
وكل مااصعدلها الكاها على نفس الحاله من تشوفني تتغير اوضاعها لحد ما كلتلها
شنو تريدين اسويلج حتى ترتاحين وترضين؟؟
بلسم سكتت وباوعت عليه:- طلكني وخليني ارجع لأهلي بعد مااتحمل اذية راح اموت.
ضرغام سكت...انقهر ونزل راسه وكال:- يعني هذا اخر كلام عندج؟
بلسم بتردد والدمعه نزلت على خدها:- اي .....اخر كلام.
ضرغام كام على حيله وكال:- انه وعدتج و يجرالج الي تريديه.
عافها وطلع
وهنا بلسم انهد حيلها وكامت تدهك وتبچي
ماتعرف شتريد لابيها تبقى وتتحمل اهانات ضرغام الها خصوصاً من رجع هند و من اتهجم عليها وراد يغتصبها
ولا بيها تعوفه وتروح وتكمل حياتها لأن بعدها تحبه.
شكرا لزيارتكم عالم روايات سكيرهوم
