رواية غرفة العمليات الفصل الثاني عشر بقلم جمانه السعيدي
اسيل...اني عندي رائي
ثامر...اي كولي اني معجب بافكارج
اسيل...اولا نسوي صفحه على الفيس ونزل بيها عروض
ثامر...شلون يعني عروض
بابا...احنا قابل نبيع مخضر لو حلويات ونسوي عروض
اسيل....بس دقيقه خل افهمكم
يعني ممكن الي ياخذ ٢٥ صوره يحصل البوم مجاني
كثرت الشغل حتلو ربح قليل احسن من شغل قليل وربح
هواي
ممكن جلسة العرسان تكون بسعر معقول وياها هديه
ساعه بيها صورة العرسان
ممكن نسوي عروض على الاستنياخ
ممكن عروض على تصوير لعرسان داخل القاعات
ممكن نوكف هنا بلشارع وناخذ صور للناس الي جاي تمر وننطيها مجاني
مقابل هذا الفديو ينزل بصفحة الاستوديو
على الفيس
كدعايه
انزل هاي العروض على الصفحه
ونزل صور من تصورينا بس حلوه مدخلين عليه
بعض البرامج
احنا لازم نتحرك حتى يصير النا زباين اكثر
كثرت استوديوهات التصوير بالوقت هذا
والناس ادور على شي مميز
شي مختلف
نسوي عروض على تصوير أعياد الميلاد ممكن نطلع للبيوت ونصور
والزبون هو الي يختار اذا يريد كادر نسوي اني اروح اصور واذا يربد كادر رجالي عمو ثامر يروح
واذا طلعنا ثنينه علمود التصوير بابا يبقى هنا
بمكانه
جمانه السعيدي
اسيل...بابا باوعلي مثل الي ماقتنع بكلامي وعتبره طموح زايد وبس
بس عمو ثامر ابتسم
ثامر...انتي منيين اجيبين هاي الأفكار
عاشت ايدج لازم نبدي فعلا انفذ هيج أفكار حلوه
اسيل.. محتاجين نصور عيد ميلاد ونزله على الصفحه
كدعايه
واذا عرس بعد احسن
ثامر....لازم ننتضر لمن يجي احد يحجز ولله اعلم شكد
وقت بعد
اسيل....اول نسوي الصفحه ونقويه بعدين نزل مسابقه
ونكتب الي يشارك اكثر نصورله مناسبه مجانيه
بابا...شنو مجانيه لعد تعبنا وين يروح احنا مانشتغل مجاني
اسيل...افهم بابا إذا صفحتنا انتشرت راح نشتغل أضعاف مضاعفة
ثامر...انتي عبقريه وين جنتي من زمان
اسيل...جنت اخ لو تدري لو تدري بابا شلون حابسني ومايقبل اشتغل
لو اعبر عن رائي
بابا...غير اخاف عليهن شكد جنت خايف عليهن وماكدرت احافظ استغفر الله ماكو داعي
بعد الحجي مايفيد
ثامر...ايدي بايدج نبدي هذا المشروع مراح نخسر شي
ابد بلعكس بلحركه بركه
تعاي اكعدي هنا بصفي خل نزل صفحه باسم الاستوديو
اختاري صوره
اسيل خلي هاي الصوره
بلبدايه لازم ندفع فلوس حتى هذا الإعلان يصير ممول
وبطلع بكل مكان
هسه نزل صور حلوه كدعايه للاستديو
يله انزل مسابقه
اكتب الي يشارك المنشور اكثر يحصل جائزه تصوير حفله مجاني
نزل بعد منشور الي ياخذ ٢٥ صوره يحصل البوم مجاني
يله انزل صور من تصوير الاستوديو
سوينا المستحيل اني وثامر نزلنا مسابقه
جوائز
نزلنا اعلان الي يجي يصور اول مره الصور تكون مجاني
بابا ابد ما مقتنع يكول هذا لعب وصرف فلوس ابلاش
اسبوع و كلشي ماكو مجرد كم واحد اجا للاستوديو
بس وضعنا ماتغير رغم حاولنا بكل الطرق
بابا كان متشمت بينا
بابا.. هاا مو كلت كتلكم لا تعبون نفسكم
ثامر....اكيد محتاجين وقت بله الصفحه توصل الكل الناس
وهاي الأفكار جديده على الناس
اني مؤمن بختيارات اسيل
واثق منها
جمانه السعيدي
اسيل....كلام ثامر كان يعزز ثقتي بنفسي مجاي يخذلني
رغم هو صرف من جيبه على هاي الدعايه
بس مستمر يساندني
الاسبوع الثاني كلشي ماكو حسيت بلاحباط
وكمت اسكت ومااشارك باي شي
ليش هيج أفكاري حلوه ليش مجاي تاخذ صداها
الاسبوع الي بعدا اجانا طلب تصوير حفلة اطفال
حفلة عيد ميلاد
الحفله عائليه وطلب نريد كادر نسوي للتصوير
طرت من الفرح يالله
بابا ماقبل كال اخاف عليج
ثامر...اني اوصله ومن تكمل تتصل عليه واجيبها خل
تروح اسيل قويه لاتخاف عليه
الصراحه بيني وبينكم جنت خايفه
اول تجربه اليه يعني اني راح اصور الحفله كله
خاف التصوير مايعجبهم
خاف مايطلع حلووو
انتبهت ثامر يباوع عليه
ثامر...هاا خير شكووو ليش خايفه ووين الطموح ووين
الأفكار الحلوه
ووين التشجيع اني صار شكد اصور شجعتني اطور شغلي من جديد
اني اخذج وراح اكون قريب عليج اذا تحتاجيني شي
راح انتضرج بلباب منا لمن تخلصين
وراح تنجحين اوعدج راح تنجحين لان انتي مصممه من داخل على النجاح
كلماته عززت ثقي بنفسي اكثر
ابد ماعندي جرئه لان بابا موقف احلامي ومايقبل
اشتغل ويحسسني بلفشل
ثاني بوم كان الموعد قررت البس شي مميز لان هاي حفله
مو يوم عادي
لبست نفنوف طويل كابوي وحذاء سبورت وحجاب
ابيض نضفت وجهي وخليت شويه مكياج
طلع شكلي غير احس نفسيتي تغيرت على الشغل
فرحانه وكان الحفله حفلتي
طلعنا اني وبابا من البيت صلنا للاستوديو
بس شافني ثامر بقى يباوع عليه
انحرجت من نضراته دنكت
ثامر...صباح الخير اتاخرتو
بابا...اسيل اليوم اخرتنا عبالك الحفله حفلته
ثامر...لازم تحس هاي الحفله حفلته حتى تنجح وتقدم شي
مميز
عفيه عليج اسيل كل يوم تفاجئيني يشي جديد
الحفله كانت الساعه ٣ العصر
بقه ثامر يعلمني شلون اكدر اسيطر على كل الزوايا
واجيب الصوره حلوه
تغدينا اني جايبه وياي اكل
بعدين بابا بقى بلاستوديو واني وثامر طلعنا
الطريق كله يهدي بيه
ثامر...لا تخافين ولا ترتبكين اعرف هاي التجربه الاولى اللج
بس اني متأكد راح تبهرين الكل بشغلج
اني راح انتضرج برا
اي شي يصعب عليج بس رني عليه تلكيني واكف بلباب
اسيل...خير انشاء الله
جمانه السعيدي
نزلت دكيت الباب اني وكامراتي وجنطتي
استقبلوني احلى استقبال الحفله كانت نسويه بحته
والأطفال كلهم اقل عشر سنوات
بلبدايه حبو ياخذون صور عائليه قبل لا يوصون المعازيم
اخذتلهم كم صوره عجلتهم
بعدين بدو الأطفال يوصلون نسيت الخوف نسيت التردد
حسيت نفسي وحده منهم
اتصل عليه ثامر
ثامر....هااا شو سكته
اسيل...الأجواء تخبل جاي اصور
ثامر...عفيه انت قويه وراح تبدعين
اسيل...شكرا لانك جاي تساندني راح اجيبلك كيك وعصير
ثامر...ههه شكرا
كملت الحفله وكان الاتفاق فلم فديو وخمسين صوره
والبوم صور هديه من الاستوديو
طلعت بلباب راسا شافني ثامر اجا عليه
ثامر..خلصتي
...اي
ثامر...جيبي الكامرات اشيلهن
...تفضل
...تعبتي
...لا فرحانه فرحانه راح اطير من الفرحه
...الله يديمها عليج وعليه يله ابوج كل شويه يتصل
جاي بتصل عليج بس ماتسمعين من صوت الديجي
اسيل...اي ولله مااسمع
جمانه السعيدي
صعدنا بلسياره صحيح سيارة ثامر تعبانه وقديمه
بس تخلص شغل
رجعنا للاستوديو قريب المغرب
بابا...هاا بابا شلون الشغل
اسيل...حضنته يخبل يخبل الشغل كون كل يوم حفله
شوف جبتلكم كيك وعصير وجكليت
كعدنا احنا التلاثه ناكل واني احجي عن اجواء الحفله
من بعدها اجانا شغل خير من الله
بس احنا بشغل الحفلات نحصل اكثر
من الشغل اليومي
من خلص اول شهر
ثامر..هاي اجرتج لهذا الشهر
اسيل...انصدمت اني اخذ اجره
ثامر...انت الي جاي تشتغلين اكثر منا هاي اجرتج
تستاهلين
اخذته وكأني اول مره الزم فلوس بعمري
عبالك ماشايفه فلوس قبل
يمكن لان من شغلي وتعبي
الحمد لله حمد الشاكرين
شكرا لزيارتكم عالم روايات سكيرهوم
