رواية رغبة ملوثة الفصل الحادي عشر بقلم دلال عماد
- وعليكم السلام
رديت بصوت ناصي واني الهي نفسي بالمواعين وهوَ راح صعد يمكن حتى يغسل ويبدل
انطيت المواعين لخالة وهي تصب واني ونورا ننقل كملنا نقل كلشي وگعدنا ع الطاولة ننتظر اسامة يجي طبعًا اني اريد بس اگوم حتى غدة ماريد اتغدة استحي اگعد گدامو بعدني ماتعودت شويه واجا فات وگعد يمنا وگال
اسامة: اسف اتأخرت عليكم بس چان اكلتو ليش انتظرتوني
ايات ميخالف ابني قابل انتظرناك سنين
اسامة: هههه يلا بلشو
گاعدة اكل وگوة ابلع اللگمة احس يسمع حتى صوت اللگمة من ابلعها
شوية ونورا شبعت وگامت تغسل ووراها خالة هم شبعت وگامت يماااي بقينا بس اني وهوَ واني اكل على كيفي كل لگمة
گاعدة اكل وگوة ابلع اللگمة احس يسمع حتى صوت اللگمة من ابلعها
شوية ونورا شبعت وگامت تغسل ووراها خالة هم شبعت وگامت يماااي بقينا بس اني وهوَ واني اكل على كيفي كل لگمة سنة علما اخلصها صرت اغلط على نورا بگلبي خطية عاد گلت كافي گومي حتى لو ما شبعتي توني دكوم وطخيت الكلاص بأيدي ووگع وانكسر اني جفلت وهوَ هم خطية جفل وگال
اسامة: ميخالف انكسر الشر
رقـية بتوتر: ااا اسفة مو قصدي بالغلط طخيتو
گتلو هيچ ودنگت الم البلول من الگاع
اسامة: فدوتچ يمعودة ماصار شي
رقـية: فتت بنص هدوومي يمااي لو ضالة اعلف احسنلي ولا هالگومة الي گمتها گاعدة الم وهوَ هم نزل يلم وياي ويگلي
اسامة بضحك: شبيچ ترجفين ترى امي ماراح تسويلچ شي بس تموتچ ههههه
رقـية: ههه شسمو مو قصدي
اسامة: عادي عادي لتهتمين انطيني الگزاز البيدج اذبهم لتتأذين
رقـية: اااي هاك
اخذهم مني وراح ذبهم بالزبالة واني بيني وبين نفسي اگول شگدد فششلة يربيي وبهالأثناء فاتو نورا وخالة عااه بعدد وكتت
ايات: ها شبيكم
رقـية: ااا بالغلط طخيت الگلاص ووگع ونكسر
ايات: بس گلاص وهيچ خايفة؟ فدوتچ حبيبتي اني نورا تهجملي المطبخ هجم
نـورا: اي عينيي هاي لو اني چان كسرتي بقية السيت على راسي
- ههههه
اسامة بضحك: هي هم چانت خايفة مادري عليمن يمكن چان تفكيرها مثل تفكيرچ
ايات: ههههه لا يما شدعوة هوَ گلاص فدوه الچ
رقـية بخجل: تسلميـن
طلع اسامة وخالة گالت
ايات: الله يسلمچ بنتي
وانتِ نورا ماما سوي چاي وغسلي المواعين
نورا: هسـة
رقـية: لالا اني راح اغسل المواعين
ايات: لا نورا تغسلهم هية شبلاها
نورا: يما هسا اني حاچية شي؟
ضحكنا كلنا على شكلها متعصبة وتحچي، رجعت گلت لعمتي
رقـية: اي عجل اني اسـوي الچاي
نـورا: اي والله ياريت اكره الچاي
ايات: ولچ نورا عيب
رقـية: ههههه لا يوم عادي عوفيـها على راحتها
ايات: ماعدها لحية مسرحة هالبنية
رقـية: ههههه
وگفت اني اسوي الچـاي ونـورا تغسل المواعين دعيت ربي يطلع طيب وماتفشل گدامهم اكثر من فشلت الگلاص
استـوى الچـاي وصبيتـو بالستكاين نورا ماتشرب چـاي ولا اني فصبيت بس ثنين ووديـت لعمتي بس ماشفت هذا الولد الي يصير زوجي نسيت اسمـوو حتى انطي الستكانة گلتلها
رقـية: خالة وين الـولد عجـل
ايات بتسائل: يـا ولـد
رقـية بغباء: ابنـچ الـي متزوجني نسيت اسمـوو
اسـامة : ابنهـا الي متزوجچ واكف وراچ
ايات: هههههههههه
سمعت صوتو وانداريت شفتوو واگف مرتچي على الباب يماااي سمعنيي شگدد عيبب لا يربيي ضربتين على الراس توجع النـوب ثنينهم واگفين يضحكـون گتلو
اي شسـوي نسيت اسمك
اسامة بضحك: اسمي اسامة اساامة
رقـية: دمعت عيوني من الفشلة وگتلـوو
بس دخذ الچاي
اسامة: تسلمين يا بنـت هههه
گلي هيچـي واني طلعت ركـض واسمعهم يضحكون عليـا اخخخ من حظـي الحيـوان اخخ ماتصيرلو چـارة دوموو مفشلني
هاي فشلتين بنفس الساعة سترك ياربي من الثالثة.
****
شكرا لزيارتكم عالم روايات سكيرهوم
