رواية رغبة ملوثة الفصل الثاني عشر بقلم دلال عماد
گعدت الصبح باوعت الساعة بـ 8 گمت غسلت و بدلت بعدها نزلت شفت الحجية گاعدة ومشغلة قرأن صبحت عليها وگالتلي
الحجية: صباح النور يما شو گاعدة من وكت
سليـل: والله گعدت لحالي
الحجية: على راحتج يما
سليـل: اني راح اسـوي ريـوگ
الحجية: اي يمـا روحي تندلين مكان الأغراض مو
سليـل: اي اسـراء علمتني
الحجية: خوش
رحت اسوي ريوگ خليت الچاي على النـار وفتحت الثلاجة حضـرت الاجبـان والروبـة، كملته وخليته بصينية وجبته يم الحجية وگعدنا تريگـنا وبعد ماكملنا گمت للمطبخ غسلت المواعين وعدلتهم بمكانهم و رجعت يم الحجية گعدت يمها وهـيَ تضحك و تسولف روحها كلش حلوه بعدها نزلت اسراء صبحت علينه وگالت
اسـراء: هـا من ايمت گاعدين
الحجية: اني گاعدة من الـ 7 وسليل بـ 8 وسوت ريوگ وگعدنا نسولف بين ماتگعدون
اسـراء: خـوش راح اسوي ريـوگ
الحجية: احنـا تريگنا يما سـوي بس الچ
اسـراء: اي يمـا
راحت اسـراء سـوت ريـوگ بيـن ما هي سوته، الكل نزلو صبحـو علينا وراحو للمطبـخ ياكلون وراهم بشـويه نزل حسام گال صباح الخير والحجية ردت علي اني مارديت
اتريگوو وطلعوو وكلمن راح لشغلة
َوصارت السـاعة ب11 گامت اسراء دتسوي الغدة گمت وياها اساعدها والحجية يمنا تسولف حتى يضيع الوقت بسرعة ع سوالفهم و ضحكهم
صار وقـت الغدة، والشباب رجعـو والتمينا كلنا على سفرة وحدة وسمينا دناكل جان يگول حسـام
حسام: حجية اليوم انـي رايح على حنين رايد اراضيها واجيبها تتعشة هين
الحجية: على راحتك يمـا
شهم: عود اذا مارضت گلي حتى ناخذ عمي ونروح نحچي وياهم
حسـام: ان شاء الله
حسيت بقهر من گال هيج مع انو حاولت اكرهه بعد الي صار بس ماسهلة ابد، رجعت گلت بيني وبين نفسي بتناقض، ليش ضجت اني معقولة لحد هسة احبه بعـد الي سواه بيـا؟ لا لا اني ماحبه اي ماحبه اكرهـه وماريـده بـعـد، هفففف يا رب طلعه من گلبي ارجووك خليني اشوفه قرد يا رب قرد
لا والله هم حشا القرد خاف يزعل عليا
****
رقية"
مرت الايام عادية وروتين عـادي، اهل سليل حيـل لطيفين ويحبوني واني هم چثيـر حبيتهم وبديت اتعود عليهم نوعًا ما واهلي كلما اشتاقلهم اخابرهم واطمنهم عني واسأل عليهم.
گاعدين ع الغـدة نتغـدة بين ضحك وسوالف
كملنـا اكـل
اسامة: عاشت ايدچ يوم الاكل حيل طيب اليوم
ايات بأبتسامة: مو اني طبخته اليوم رقية طبخت
اسامة: احم عاشت ايدچ رقـية
رقـية بخجل: بالعافيـة
ايات: يـلا نـورا المواعين عليچ
نـورا: تدللين عيني تدللين
رقـية: لا خالتي عليا ماعندي شي انـي
ايات: لا بنتـي خلي نـورا انتِ تعبتي
نـورا: اي والله انتِ طبختي اليوم وعاشت ايدچ هسة اني اكوم اغسلهم
رقـية بإبتسامة: تمام
لمـت نـورا الأكـل وغسلت الأمواعين واني سـويت الچاي واخـذتو ورجعت الصينية ع المطبخ، وگفت حتى اغسلها اجـا اسامـة وگف بالبداية غلست لان استحيت بس بقى واكف ف جبرت روحي احچي وگتلو
- محتاج شـي؟
اسامة وهوَ يحك راسه: اي والله اريـد مي اذا ماكو زحمـة
رقـية: اي هـسة
شلت الكلاص وصبيت بي مي بارد من الثلاجة وانطيتو اخذو مني وطخت ايدي ب ايدو
كزبر جسمي وگبـل سحبت ايدي وهوَ باوعلي واخذ الكلاص وطلع، انداريت كملت غسل، وغسلت ايدي و رجعت للصالـة و احس بعيون اسامـة تلاحگني وين ماروح بـس ثولتها ورحت گعـدت يم نـورا اگلـب بالتلفون
بعد فترة عيني گامت اتاذيني رفعت راسي من الموبايل وشفت عين اسامة عليا، بسرعة دار وجهو من شافني انتبهت عليه، اتوترت ورجعت عيني بالموبايل اريد بس يتحرك ويگوم او يسوي شي حتى افلت، وفعلًا گام ديطلع من الغرفة واني الغبية ما انتظرتو يروح گبل گمت وراه دصعد على غرفتي وعثرت بالدرج وردت انمطل، ما حسيت غير لمن اسامة مسكني من خصري وثبتني ع الأرض، گمت ارجف بعد ما اعرف شسوي هو صفن شوية ورجع گال
اسامة بهمس: خوما اتأذيني؟
رقية بإرتباك: لالا
اسامة: تمام انتبهي ولا تركضين
هزيت راسي بالإيجاب وهو عافني اني بسرعة صعدت اركض ولا كأنو گالي شي سمعت صوت ضحكو عليا كرهت روحي وغبائي فتت بساع ع الغرفة سديت الباب غمضت عيوني وگعدت اعض بإيدي واگول لروحي حتى اهدأ
رقية الثولة رقية الغبية رقية بعد ما راح تعيدها رقية راح تفكر يلا تتصرف ما راح تسوي شي بدون تفكير بعد
ضحكت على نفسي هاي الطريقة فعلًا دائمًا تهديني من تصيرلي فشلة وكل ما اشوف احد يتفشل اعلمو ياها حتى يحس بالراحة ويكمل حياتو بشكل طبيعي.
****
حـسـام"
سبحت وبدلت حتى اروح على حنيـن ووگفت امشط شعـري، كملت تمشيط ولبست ساعتي وخليت عطر وراها اخذت السويچ وطلعت
رحت على حنيـن طبعًا حنين اهلها متوفين وهـي عايشـة عـند خالتهـا
دگيت البـاب طلعت حنين شافتني بوزت وگالت
حنين بعصبية: شعندكك جايي هـا بعـد الي سويتوو هم الك عين تجي
حسام: يول بس دخلي افهمچ شنـوو الـي صـارر
حنين: احچي بسرعـة وياريت تختصر
حسام: فوتيني يـلا احچـي بالباب ماگول شي ترى
حنين بضوجة: فـوت
فـتت للبيـت ووگفنـا بالحديـقـة وگلتلها
شوفي حنين جاي احچي وياچ اليوم وابينلچ سوء الفهم الي صار تـرى والله العظيم سليل ما احبها ولا رايدهـا اساسًـا، مجـرد بنية عرفتها على النـت ما چنت متوقع الأمور راح تكبر لهاي الدرجة، حنين ترى انتِ خطيبتي والباقي نزوات تفتهمين كلامي لو لا؟ يعني بالاخير اني الچ مو لغيرچ واني ماريد اعوفچ اني اريد نتزوج ونكمل حياتنا سوية انتي بنية حبابة وخلوقة صح بالبداية ماچنت راضي بيچ لان ماچنت اريد اتزوج أصلًا بس مع الوكت ارتاحيتلچ، وهمـا سنتين وياها وبعديـن اطلگها وتروح لحال سبيلها وبعدين الي صار هوَ انو ابوها گضبها تحچي وياي وسـوى كـل هل مشاكل على مود بنتو وهي هسة هينا بسبب هالشي يعني لو ما ابوها گاضبها ما راح تكون موجودة هين، شبيچ اني خطبتچ انتِ مو غيرچ وانتِ تريدين اعوفچ وهي تاخذ مكانچ؟
حنين: ليشش بنااات الناس لعبةة بأيدكك حساام
حسام: حنين ترى والله العظيم كلهم كلهم يعرفون انو اني مجرد احچي وياهم تگضية وكت واغلبهم يعرفوني خاطب وبيهم متزوجات هم، الوحيدة
حسام: حنين ترى والله العظيم كلهم كلهم يعرفون انو اني مجرد احچي وياهم تگضية وكت واغلبهم يعرفوني خاطب وبيهم متزوجات هم، الوحيدة سليل ما چانت تدري بالموضوع ولمن درت خابرتني واتكاونا وابوها سمعها تحچي وياي وكبرت المشكلة، شوفي اني اعرف روحي غلطان من راسي لساسي وشوفة عينچ گاعد اتعاقب على افعالي واوعدچ وعد زلم بعد اسوي هاي السوالف لو على گص رگبتي صدگيني اني توبت من اخر مشكلة خصوصًا بعد ما شفت نتيجة افعالي كلها صارت براس اختي
شفتهـا صفنـت وگعـدت تفكر شويه وگالت
حنين: اوكك بس كلمـة وحدة ما الك وياها، واذا بيوم لگيتك تحچي ويا سليل رجعـه ماكو بعد وتنـسى وحده اسـمها حنين
حـسام: موافق على كلامـچ وخليها ببالچ اني رايدچ الچ مو غيرچ
حنين: اي واضـح من حچيك وي البنـات
حسام بضوجة: لفي السالفة هاي كتلچ اني احبچ الچ وماحب غيرچ وتاليتي الچ وراح اترك كل هاي السوالف وبعد ما اسويها، وفهمتج السالفة كلها... هسـة اريد نروح الاهلي لان گلتلهم راح اجيبها وياي واجي
حنين: اگول لخالتي وابدل واجي
حسام: انتظرچ
كملت تبديل حنين و رحنـا الاهلي اول ما فتنـا شفنـا سليل بالمطبخ هـي شافتنـا گمت لزمت ايـد حنين حتى اضوجها چان كل همي ازعجها بأي شكل من الأشكال، دخلنا جـوى وسلمت حنين علـى امي واخـواني واسـراء وگعـدنا نسـولف ونتشـاقة شوية واتصـل عليـا مرتضـى رديت علي وگلت
حسـام: الـوو
مرتضـى: ها لك شلونك
حسـا : هلا يخالي الحمدلله بخير وانت
مرتضـى: تعال اطلع منتضـرك بـرا
حسـام: خوش جايك
سديتـو من مرتضـى وگلت لحنين راح اطلع شوية واجي صاحبي جاي عليا گالت اي
گمـت عفتهم وطلعت على مرتضـى شفتوو واگف يم بيتهم رحت علي گتلو
حسـام: هـا ابـو الشباب
مرتضـى: وللكك حسـاام لگييتها لگييتها
حسـام: منوو هيا خبال
مرتضـى: فارسـة احلامـي
حسـام: هههههههههه وين لگيتها
مرتضـى: احچي صدگ تـرا
حسـام: ادري ووين لگيتها يول
مرتضـى: يم المدرسـة
حسـام: يا مدرسـة شنو صرت تروح تتحارش بالبنات يم المدارس
مرتضـى : ما تنچب شوكت سويتها ليش، بعدين بالمدرسة مالتها يا مدرسة يعني غير رحت اجيب اختي من الدوام وشفتها هناك بوويه شلون شووفه
حسـام: طيح الله حظك دروح اخطبها
مرتضـى: غيير اعرف عنها شي اروح اخطبها ووبعدني اليوم شفتها بلكت تطلع مخطوبة متزوجة شي واني حظي واعرفه يسويها
حسـام: ههههه لا ان شاء الله تطلع سنگل
مرتضـى: خوب اليـوم رحت اوصل اختي وشفتها وچانت كل مرة اختي تگلي وصلني وصلني واني اگللها الزملج خط عندي شغل وريتني من زمان موصلها وشفت فتاة احلامي منا وجاي اني اصير ابو الخـط مالت اختي بعد اني اوديها واجيبها
حسـام: هههههههه الله يطيح حظك مصلحچي
مرتضـى: انچب لك هاي اختي وحقها عليا
حسام: اي اي يابا شلون، روح ولي عن وجهي يلا
مرتضى: شبيك صاير بيك توحد اخابرك تفصل بوجهي اجيك تطردني
حسام: ههههه لا خطيبتي جوى
مرتضى: ها صدگ يعني هسة انت خاطب ومتزوج
حسام بضوجة: اي
مرتضى: وشبيك ضايج انت حققت حلم كل الشباب
حسام: ههههههههههه شگد كديش الي يسمعك يگول اني بشهر العسل مو صايرتلي مشكلة بگد راسي
مرتضى: الي من ايده الله يزيده
حسام: اهووو علينا عمي تبت والله تووبت هاهيه
مرتضى: بعديش؟ المهم احچيلي شلونك ويا البنية
حسام: اعداء
مرتضى: طيح الله حظك ليش
حسام: مرتضى ادري بروحي غلطان بس الي صار شي چبير يعني شنو تريدني استقبلها بالأحضان مثلًا
مرتضى: اي
حسام: وجع
مرتضى: عمي لو تجيني هيچ وحدة ع الحاضر حتى ابوها استقبله بالأحضان
حسام: انچب للمرة الألف اگلك انچب
مرتضى: البنية ترا مالها ذنب حتى لو غلطت من ردت عليك بس تبقى صغيرة واللوم كله عليك
حسام: ادري
مرتضى: غير عار شلون ما تدري
حسام: چنت متحلفلها من تجي اكرهها عيشتها
مرتضى: وسويتها يا نذل؟
حسام: لا طبعًا
مرتضى: شعجب
حسام: الحقيرة طلعت حلوة
مرتضى: بربك
حسام: والله، واني گلبي ما ينطيني تعرفو رجيج يم الحلوات
مرتضى: هههههههههههههه ادري بي
حسام بحدة: استغفرالله ربي شلون نسيت هاي صارت مرتي وليي مرتضى عن وجهي
مرتضى: عادي اني اخوك بس دير بالك تچفصها گدام غيري
حسام: لا انت لان اخويا الوحيد اچفص گدامك المهم انسى الي گتلك يا
مرتضى: صار
حسام: يلا ولي عن وجهي
مرتضى: إلى اللقاء
حسام: ههههه الله وياك
****
"سليل"
واگفـة اغسـل المواعين وطب حسـام وخطيبتـه شافنـي گـام ولـزم ايـدها وهي تضحـك دمعت عيوني ودرت وجهـي بسـرعة وهمـا طبـو جـوى،
انيي موو اكررهكك لعدد لييش منن اشووفك ويي غيريي اتخبـل لييييش ياربيي ليييش
كملت الأمواعين وبديت ارتـب المطبـخ وگمت اطـلع شغـل مـن جـوى الگـاع گلت الهـي نفسـي لـي ما تـروح تقريبًـا نـص سـاعة وهـوَ طـلع ماعـرف ويـن وانـي بقـيت بالمـطبخ بهالأثنـاء سمعـت صـوت بنيـة ورايـة أَنـدرت وشفـت خطيبـة حُسـام تخابـر ماهتميتلها رجعت اكمـل شغلـي وانـي اسمعها تگـول
حنيـن: اي حيـاتي اي والله بنـات الشوارع كثـرانات وواتخيلي گامـو يوگعون نفسهم ع الزلـم بـس حتـى يگلبون وجههم وياخذوهـم بـس شنسـوي همـا اسمهم بنـات شـوراع يعني دايحـات وتاليتهم فترة ويرجعـون على الشـارع الي اجـو منـوو هههههه
عرفت تقصـدني بكـلامها بـس سكـتت عنهـا رغم كلامها مزعج حيل بس عذرتها لأن اي وحـدة بمكـانها راح تسـوي نفـس الشـي حتى لو اني هم چان سويت هيچ
كملت من التلفون واندارت عليـا وگـالـت
حنيـن بأستهزاء: انتِ سليل
چانت تباوعلي بقرف وتحچي بأستهزاء لزمت رووحي گوة ما اروح املخها، هديت نفسي ورفعتلها تك حاجب وگلت بإبتسامة
سليل: ليش شايفتني قبل هنا حتى هسة تسألين اذا اني سليل او لا
حنيـن: هه يعني انتِ الي جابـچ حسـام يسـتر عليـچ لان چنتـي ميـتة علـي وعـرفو اهلچ بيـچ
سليـل: عفـوًا
حنيـن: ههه وتغشم نفسهـا هم يربـي
سليـل بإستهزاء: قصدچ اني الي جابني حسام غصبًا عنو وعنچ حتى يصحح غلطو الي سواه لان خانچ وياي الظاهر مچان مكتفي بيچ
حنـين بعصبية: احنـا شـون ابـنات الشوارع فـوگ ما جـايات مستوليات على البيت كأنوو
حنـين بعصبية: احنـا شـون ابـنات الشوارع فـوگ ما جـايات مستوليات على البيت كأنوو البـيت بـيت الخلفوهم هم يتجـاوزون، صيري ادمية لا ارجعچ من وين ما اجيتي سافلة فوگ ما الليل كله تسهر ويا الولد جايا تستشرف براسي
سليـل: احتـرمي نفسج ولتجاوزين لا اشوفچ شي ميعجبچ ثانيًا اذا انتِ ضايجة وميتة والله شنو اني جيت قبلچ فروحي بسرعة جهزي نفسچ واتزوجي بلكت تجين وتعيشين هنا وتبردين هاي الدودة، وخليها ببالچ الغلـط مـو مـني منچ انتِ معرفتي تخلي يكتفي بيچ وهسـة ضحك عليـچ بكلمتيـن وجابچ
حنيـن: لـوو مـا انتِ مابعتيلوو روحچ ما چان صَـار كُـل هـذا بس كـ.... شترجه منـچ، وايـاچ تحچـين هيچي وياي مرة ثانيـة احسـب الله ما خلقـچ
سليـل: تجاوزتي كومـة وانـي اگـول ماخلي عقلي ويا عقلها لان خطية مقهورة على خطيبها الي راح من ايدها بس انتِ ماگاعدة تحترمين نفسچ وهاي اخر مرة اكلچ احترمي نفسج احسن
حنيـن: دمشي ولي هييو كلچ خلگ دايحـة بنت ليل من شوكت تعرفين الاحترام خلف الله على حسـام اخـذچ وسـتر عليـچ
سليـل بعصبية: سـترر عليا شنـوو انتِ هيي احچي عـدل بعدين شنو حبيبتي منين تعرفين اني بنت ليل لازم چنتي تشتغلين وياي؟ وثاني شي اني الحمد لله اعرف نفسي كلش زيـن وما احتاج ناس رخيصـة مثلچ يقيمونـي وثالثًا يا گلبـي الدايحـة هـي الـي تبقـى وي واحـد يهينها ويعرف عليها نسـوان ويقشمـرها بكلمتين وهي تصدك بس لأنـو ميـتة على الرجـال ولاتخافيـن حسـام راح يبـرد دودتچ وياخـذچ ما يبقيج عانس عـند خالتـچ
بهالأثنـاء سمعـت صـوت اسـراء وخالة ام حسـام وهمـا يگولون
شكـوو؟
اندارينا عليهم وحنيـن گبل گـامـت تبچي وتگـول
حنيـن ببچي: شفتتيي خالة شفتي بعيـنچ وسمعتـي بأذنچ كلامهـا، حسـاام جابنني هيـن حتـى سليل تهيني بهـاي الطريقـة شافتني سكتت وماحچيت وياها شـي صـارت تتطـاول عليـا بس ما گلچ يا سليل غيـر خـلف الله عليـچ على هـذا كلامچ واني ما راح ارد عليج احترامًا لخالتي
سليـل: فتحت حلگي وعيوني مصدوومة من كلامها شهالتمثييـل يرربيي النـوب حتـى اني صدگتهـا
تونـي داحچـي وادافـع عـن نفسـي وچان خالة تگول
الحجية: ليـش سليـل ليـش مو عيـب هـذا الحچـي البنـية مسـوتلـچ شـي ولا جايـة يمـچ تحچين وياها هيچي هاي اخلاق بنيـة؟ مـن جيتي لهسـة واحنـا ما سمعنـاچ حـرف يضوجچ وانتِ تحچيـن وي بنيـة ماتعرفيـها هيچي بـس عبـنها خطيبـة حسـام
سليـل بدموع: خـالة والله چـذابـة والله هـي الـي بـدت واجـت تحاچيني حچـي محـلوو
بهالأثنـاء سمعنـا صـوت حسـام يگـول
حسـام: شصايـر
حنين بشهكة ودموع: زيـن جيـت حسـام تعاال شوف شسـوت بيـا سليل انتت جايبني حتـى انهـان لـوو شنـوو
حسـام: شكوو شبيـچ
حنين ببچي: فـتت للمطبـخ حتـى اخـابـر صديقتي لان اتصلت عليا واشـو سليل استلمتني دگ رزايل وسب وكـلاام حتـى ماگـدر احچـي والله ماعرف شون هي حچتو حتى خالة سمعت وقبلها تگلي بيـت الخلفـوج جايـة تتمشيـن وتتمخطرين بـي وتگلي حسام راح يستر عليچ وياخذچ مايبقيچ معنسة عـند خالتچ وانتِ دايحة وحسام يقشمرچ بكلمتين ويحچي ويا بنات غيرچ ويخونچ وانتِ مثل الثولة تصدگين
حسـام بعصبية: صحييحح هالحچيي هـذا سـت سليل
سليـل: لا موو كله صح بي صح وبي تأليف
حسام بحدة: يعني تعترفين؟؟؟
سليل: ترى هي الي بدت وهي اجت تگلي دايحة ام الشوارع وتتمخطرين بكيفچ بالبيت اسمع من الطرفين
حنين: اسأل خالة والله هي سمعتتها شون تحچـي وياي
حسـام: صدك هالحچي يوم؟؟
ام حسـام: اني جيت ع الاخيـر وسمعت عاد ماعرف حنين شنو گالتلها حتى هيچ گامت تحاچيها
حنين ببچي: والله ماگلتلها شيي
الحجية: معقولة
ارييد احچي اريد ادافع عن نفسي ميخلوني كلمن يحچي بكيفه اتقرب عليـا حسـام وضربني راشـدي وگعني بالگاع گوة لزمت دموعي حتى لا ينزلون گدامهم، ورجع گال
حسـام بعصبية: هاااي منووو تحچيي بالأخلااق والشرف ستت سليلل هاي وانـي ضاحك عليچ بكلمتين وخليتچ تركضين ورايا والحچي
والمخابرات وصورچ كل هذا وانتِ
شريفة وعندچ اخلاق وهي دايحة؟ وتستشرف
على الأقل هي ماسووت مثلچ مااخانت ثققة اهلها وراحت تخابر بواحد بنص الليالي ما صااحبتلها وااحـد على النت لاا تعرف اصلو ولا فصلوو وفوگاهاا تجيين انتِ تعايريها دحمدي ربچ انتِ انو اني اخذتچ وسترت عليچ وهاي مال بيت الخلفوچ ليش عبالچ اذا خليناچ تفترين بالبيت وتاكلين وتروحين وتجين يعني هاهيه صار بيتتچ لااا طبعًا انتِ خططار ويجيي يوم وتولين والخطاار لازم يحترم نفسو ويعرف مقاموو عند الناس وخصوصًا اذا چان خاطر غيير مررحب بي سمعتتي غيير مررحب بيي
الحجية بعصبية: بسسس حسـااام شننوو هذاا الحچيي هاا، ترى البيت هوَ بيتها وانت الخاطرر بيي خاف ماتعرفف احچيي عدل احسن ولا تچفص بالحچي
دموعي نزلت واني اسمع كلامه الي جان عبارة عن سچينة وتطعن بگلبي بحياتي مانهانت كرامتي لهاي الدرجة بهاي اللحظـة تمنيت الله ياخذني واني اشوف نضرات التشـمت بعيـون حنيـن والأبتسامة مالتها بقى هوَ وخالة يتصايحون واني بالگاع مصـدومة ودموعي تجري، قويت نفسي بالگوة ومسحت دموعي، وگمت وگفت گدامه بتحدي وگلت
سليل بعصبية: اولًا يااا استااذ حسام اني الف الحمدلله شريفة وغصبًا عن الي يرضى وما يرضى ما يهمني لا كلامك ولا رأيك لان حضرتك المفروض اخر واحد تحچي بشرف بنية وانتَ اصلًا ماكو عرض ما انتهكته، واتذكر انو انت الي راسلتني وانت الي گتلي جاوبيني عندي سؤال واني جاوبتك بنائًا على طلبك لان عبالي عندك صدگ سؤال ما عبالي هذا مجرد مصيدة من عندك واني اعترف انو اني ولأول مرة بحياتي غلطت وحاچيت شخص مثلك بس سبحان الله بسرعة رب العالمين بينلي غلطي والحمدلله الي خلى ابويا يكشفني ويسويلك هاي المصيبة كلها ويفضحك بين اهلك وناسك ع الأقل اني عمري 17 سنة بس انتَ شگد عمرك بالله اتوقع راح توصل للثلاثين، هه واذا على بيتك فلا عبالك اني مرتاحة مگابلتك وگاعدة واني لا بقيدك ولا بقيد بيتك اني گاعدة هنا لمدة معينة واروح واختك عدنا لمدة معينة وترجع واني منا وجاي ما اريد من عدكم اي شي أگعد بغرفتي الي هي من حقي ومن واجبك تنطي
17 سنة بس انتَ شگد عمرك بالله اتوقع راح توصل للثلاثين، هه واذا على بيتك فلا عبالك اني مرتاحة مگابلتك وگاعدة واني لا بقيدك ولا بقيد بيتك اني گاعدة هنا لمدة معينة واروح واختك عدنا لمدة معينة وترجع واني منا وجاي ما اريد من عدكم اي شي أگعد بغرفتي الي هي من حقي ومن واجبك تنطيني غرفة اسكن بيها وبالنسبة للمصرف الحمدلله اهلي ممقصرين ومنطيني فلوس تكفيني وتعيشني شهور وحتى من تخلص لو اعرف اطلع اجدي بالشارع ولا اخذ منك فلس افتهمت لو لا استاذ حسام هاي خليها يمك اني لا تايهتلك ولا اسمحلك تتجاوز عليا وانت اصلًا ما فاهم الموضوع لمجرد عندك ثار وياي يا رجل القانون الي المفروض يسمع من الطرفين ويكون عنده ادله يلا يتصرف هه
گلت هيچ وتركت الكل بصدمة حتى حسام وحنين وطلعت بسـرعة للغرفـة واني ابچي واشهگ طبيت و
قفلت البـاب وگعدت على ركبي ابچي واضـرب بروحي... ارتااحيتيي يا سلييل ارتاحييتي كلل كلااامه صحح كلل كلااامه صحح الله ياخذذني ويخلصني ويينك ااساممة ويننك باباا تعاالوو شووفوو بنتكمم شلوون نذلتت تعالوو وييين عفتوووني ويااا هذا النذذل الي ما يخااف الله، اوووفف ياربيي شسووويت برروحي خليت اليسوى والمايسوى يحچيييي بشررفيي، ربييي اخذني وخلصني من هذا الحقيررر ارجوووك
****
للحكـايـة بقيـة...
بقلم: دَلال عِماد.
رغبة ملوثة
"سليل"
بقلم: دَلال عِماد.
****
رقـية"
اليـوم عمتي ونـورا يروحون للسـوگ على مود يشتـرولها صـدرية وقرطاسيـة لان مـاضـل كـم يـوم على الـدوام گعـدنا الصبـح سويت ريـوگ واسـامة تريگ وراح للصيـدليـة ونورا وعمتي بـدلـو وطـلعوو حتـى يرجعـون مـن وكـت بقيـت وحـدي بالبـيت كـمت انظـف لبيـن ما يجـون لميـت الأمواعين وغسلتهـم ونظفت المطبـخ ورحـت اتشـكلت وبـديت اشطـف البيـت، چنت رافعة ملابسي واجـر بالماسحة وما حس الأ احـد فـات عبـالي رجعو گلت شبسرعة، انداريت داگللهم شعجـب جيـتو مـن وكـت وچـان انصـدم مـن شفـت اسـامـة واگف صـافـن عليـا انتبهت علي نفسـي سيقانـي طالعـة گـمت بسـرعة نـزلـتها وهـوَ انتبـه على نفـسوو وگـال
اسـامـة: احم اسـف طبيـت هيـچ على غفـلة بـس نسـيت شغـلة واجيـت اخـذهـا
رقـية بتوتـر: ءء عـادي ماكو مشكلة
اسـامـة: امـي ونـورا راحـو للسـوگ مـو
رقـية: اي
اسـامـة: ماشي طالع اجيـب الشغلة الـي نسيـتها واطـلع
رقـية: اممم
حسـيتوو گاعد يطلع سوالـف حتـى يحچـي ويـايـه بـس غلسـت، طلع هـوَ وانـي رجعـت اكمـل مسـح شويه ونـزل بيـدو چيس ماعرف شنـو يمكن ادويـة وطلع جريـت نفـس براحـة وارتاحيت نوعًا ما لان چنـت خايفـة ماعرف مـن شنـوو هه خرب يومچ رقـية شراح يسويلچ يعنـي
مـرت سـاعـة وانـدگ البـاب طلعت صحـت منـوو سمعت صوت عمتي تصيـح اني، فتحت البـاب وفاتـو شايلين علاليـگ وهلكانات ضحكت على شكـل نـورا من التعب حلگها انعوج وكفشتها صايرة شعلاتها شكلها يضحك شافتني اضحك گالتلي
نـورا: اضحكي اضحكي شهامچ اني التمرغلت مو انتِ
رقـية: ههههههه
فاتو ورحت وديت الهم مي وشربـو ونـورا گعـدت تشوفني اغراضها چانو حيل حلوات ذوقهـا حلـوو وعجبني
صاحتني عمتي وچان بيدها علاگتين مدتهم الي وگالت
ايات: هاي الچ حبيبتي
ابتسمت بخجل اخذتهم، اتشكرت منها ووصعدتهم لغرفتي چانو دشداشة ذهبي ومطرزة حيل حلوهه وبكج مكياج وتراك وردي چثير حلوات وحبيتهم حيـل.
تقريبًا لل2 هيچ عمتي كملت الغدة وبدينا نصب على ما يجي اسامة وتونا كملنا صب وفات اسامة گال
اسامة: السلام عليكم
- وعليكم السلام
اسامة: الله باميا عاشت ايد الي طبختها
ايات: بالعافية حبيبي
نورا بخبث: ماما ترى عباله رقية طبخت هههههه
وجهي احمر وهاي بقت تضحك اسامة خزرها وهي ولا اهتمت رجع كمل وگال
اسامة: عادي اي وحدة تطبخ عاشت أيدها المهم اكل طيب
نورا: اي عيني اي
اسامة: انچبي نورا
ايات: هههههه ولچ وكحة عوفي اخوچ ومرته ياكلون
من گالت هيچ عمتي اسامة رفع عينو عليا ثواني ونزلها وهو مبتسم، غلست اني لان وجهي بدا يشتعل نار، كملنا اكل ولمينا اني ونورا ونظفنا وتوني دصعد انام بغرفتي وگفني صوت أسامة وهو يگول
اسامة: رقية تعاي شوية
چان واگف يم باب الإستقبال وحدو، رحت يمو وگلت بخجل
رقية: ها
طلع من جيبو فلوس وقدمها عليا وگال
اسامة: هذا مصرف الچ واذا تحتاجين بعد گولي
رقية بتوتر: اااا تسلم بس عندي فلوس ميحتاج
اسامة: رقية گتلچ اخذيهم هذا حقچ عليا ولازم تاخذي وشوكت ما تريدين تروحين لسوگ او لأي مكان گولي خوش
رقية: خوش شكرًا
اسامة: لا تشكريني هاذ واجبي
ابتسمت وطلعت على غرفتي بساع واحس نظراتو بقت تراقبني وتراقب خطواتي الي متوجهة للطابق الثاني.
****
