رواية رغبة ملوثة الفصل الثالث عشر بقلم دلال عماد
سليل"
گاعدة بالغـرفـة ابچـي مغثوثة حيل من الموقف الي صار كرهت الكل وكرها نفسي وكرهت حتى جملة ممكن سؤال، فوگاها هسـة كلهم صارو ضدي عبـالهم انـي الـي اتعـاركت وي حنيـن وبـديتـها
بقيت حابسة روحي بالغرفة وما طلعت ولا ناوية اطلع بعد، بهاللحظة اندگ الباب مسحت دموعي وگلت
سليل: منـوو
اسـراء: اني اسـراء تعاي اتعشي
سليل: ماريد
اسـراء: يـول شنـو ماتريدين تعاي اتعشي شنو تضلين جوعانة
سليل: لا مجوعانة ماريد
بقت اسراء تلح عليا حتى اتعشة بس اني رفضت لحد ما ملت وراحت واني رجعت تمددت ودموعي رجعت تاخذ مجراها...
شويه واندگ جهازي رفعته شفت ماما تخابر فرحت كلش فتحته وحچيت وياها وويا نورا اشتاقيتلهم حيل صح من اجيت لهسة هما يخابروني ويسألون عني بس ابقى اشتاقلهم لان بعيدة عنهم ومامتعودة ابتعد عن اهلي هيچ، وقررت اخلي علاقتي سطحية بيهم لان مهما يكون كرامتي راحت بعد الي صار، وحيل حسيت روحي مذلولة فمستحيل بعد اگدر اتواطن وياهم بسهولة، والحجية رجعت دزت امير عليا حتى انزل اگعد وياهم وهم رفضت، عبالهم هي هيچ سهلة انزل واشوف هاي گدامي تتشمت بياا ولا كأنو صاير شي.
****
حسـام"
مـن بـعد ما سمعت حنين تبچي وتشـكي من كـلام سليل الهـا اتعصبت وتكاونت ويا سليل وضـربتها لان كلامها چان غلط بحـق حنيـن امي ضلت تتـكاون وياي على مـود سليل بـس ما هتميت لأن هـي غلطـانة ولازم تتعاقب بس مستحيل انكر واگول ما انقهرت عليها لا ما ادري شنو صارلي حسيت روحي اتأذيت بمكانها بس سكتت وما بينت هالشي حتى لا تعيدها، انداريت شفت حنيـن تضحـك بشماتـة گلتلهـا
- خيـر شـو شاگه الحلك
حنيـن: هـا لا حبيبي ماكـو شي
حسـام : دفوتي جـوى بساع وبلا ضحك زايد
هي فاتت واني ضجت منهـا لان تشمتت واني امـوت مـن شخص يتشمت لـو مهمها يكـون السـبب
فتت للاستقبال وگعدنا نسـولف وهـم امي تحچي عليا بس غلست وما رديت حتى لا تكبر اكثر، بعـد سـاعـة تقـريبًا صـار العشـا وصـبو وراحت اسـراء حتـى تصـيح سليل ورا دقايـق اجـت وگالـت
اسـراء: ماتقبل تجي تگول ما جوعانـة شگد لحيـت عليـها وماقبـلت
الحجية بحزن: تعاي يما اكلي ووكلي ابنچ تعاي
اسـراء: اي حجية
گعدت اسـراء تاكل وانتبهت على حنين مبتسمة خزرتها وهي دنكت تكمل اكل، اضوج حيل من هـذا طبعها چم مرة نبهتها تبطل هاي السالفة بس مايفيد ابو طبع مايبدل طبعو
كملنا اكل ورحت غسلت
دامشي حتى اروح للغـرفـة وابـدل ملابـسي سمعت صوت حنين و سليل جـاي من غـرفـة اميـر استغربت ورحت فتحت الباب لگيتـو يتفرج على التـاب ويضحك، وبالتـاب صـوت سليل وحنيـن
حسـام بأستغراب: عمو شنـو هاي
امـير: عمو هاي كـونة حنين وسليل صورتهم حتى كـل مـا اضـوج ادحگ على الفيديو واضحك
حسـام: شو حبيبي جيـب خـلي
امـير: عمو هاي كـونة حنين وسليل صورتهم حتى كـل مـا اضـوج ادحگ على الفيديو واضحك
حسـام: شو حبيبي جيـب خـلي اشوف اني هم
انطاني التـاب وگعدت اتفرج عليهم شـفت الفيد وسمعـت حچـي حنيـن
لحظـة؟ يعني حنين الحاچية هيچ وگايلـة سليل الي حاچية عليها وتجاوز سليل چان فقط رد على حنين، صح ضوجتني من گالت غصبًا عن حسام بس هذا ما يمنع حنين المتعدية وهي الي جابت الكلام الي والها...
طلعت من الغرفـة بسـاع من بعد ما وصيت امير يحذف الفيديو واني على نار شلون تتجرأ تچذب عليه فوگاها خلتني اضـربها وهي ما متعدية
رحـت لگيتها گاعـدة يم امي و اسراء و تسولف وتضحك ولا عبالك مسويـة مشـكلة
صحت حنينن
حنيـن: ها حبيبي
حسـام: عندي حچي وياچ تعاي
حنين: ماشي جيت
اخـذتها ورحت للحـديقـة وصلنا للحديقـة وهي فرحانة، وگفت وگلتلها
حسـام: حنين منـو بـدأ بالكـونة انتِ لو سليل
حنين: حبيبي مو گتلك سليل بـدت وتجـاوزت عليـا بالكلام
خلـيت الجـگارة بحلگي وگلت ببرود
حسام: متأكدة؟
حنين: شبيـك حبيبي شـنوو مچـذبة عليك قابل
حسـام: لا حبيبي ابـد بـس گـاعـد اشـوف مـنوو الي بـدت حتـى اعاقبها
حنين: اي حبيبي عجـل عاقبها لان هـي البـدت
حـسام: اي
اتقربت علـيا وگـالـت
حنين: مشتاقتلك
گضبتها من فكها بعصبية وصحت
- انتِ شلون تچذبين عليـاا
حنين بخوف: شبيك بشنو چذبت
حسـام بعصبية: گلتيلي سليل مسوية المشكلـة ومتجاوزة علـيچ وتالي طلعتي انتِ الي مسوية المشكلة ومتجاوزة عليها شهل اخلاق العندچ شهل غلط هذاا اكو بنـية مؤدبة تحچي هيچ وفوگاها خليتيني امد ايدي على البنيـة
حنين: نعممم نعممم گول ضل بالك عليها من الضربـة تحبهاا مو؟؟ اني اعرفف بس ليش قبلت ارجع وياك ماعرف و بعدينن ماشفت حچيها وياي شلونو و منين عرفت انو اني حاچية لو هي چذبت عليك بكم كلمـة وگبـل صـدگـت واجيت تمشيهم عليـاا
حسـام بعصبية: دتأدبي لا تخليني امد ايدي عليچ مو محترمچ و مخليلچ اعتبار گدام الكل تجين انتِ تالي مـتالي تحاچيني هيچ وتسوين مشكلة ادبسسزز طلعتي صدگ مو مال احترام
حنين بعصبية: وهيي من غلطت علياا اشكااال شو ما حچيت
حسام: كلامها وتجاوزها كلو ردًا على كلامچ ولو اني بمكانها ويجي شخص يحاچيني هيچ اسوي الأكثر من هذا، اذا ما عجبچ كلامها شكو تروحين تتكاونين معاها؟
دفعتها على الحايط حيل وفتت جـوى
صـدك هيـج نـوع من النسـوان مو مال تنطيهم عين
لان ما يعرف الواحد شيطلع منهم.
****
مرتضـى"
- لچ ميمـونة ويـنچ
ميـمونة : ايي ايي اجيت
مرتضـى: متگليلي ابو الخط مالتچ وين
ميمـونة: نساني غيـرر
مرتضـى: هـذا المن لازمي اذا يوميًا ناسيچ وفوگاها بعدچ بأول يـوم
ميمـونة: شمدريني غيـر حظي الخايسس هفف مبينة سنة تخبل من اولها
مرتضـى: ديلا فضيني مستعجل
ميمـونة: اهوو راح تموتني اليوم لان حتوصلني
مرتضـى: ديـلاا يـلاا
اخذت ميمونة اختـي وطلعت حتى اوصلها للمدرسة،
وصلتها ونزلت توني داحرك حتـى امشي ولمحت بنيـة تمشـي وي صديقتها ما ادري ليش بقيت واگف وصار عندي فضول اركز عليها اكثر...
چانت بيضة وشعرها طويل وتمشي وتتمايل ولان واگف بعيد مكدرت اشوف وجهها زين وهي بسرعة طبت للمدرسة، صفنت وگلت بگلبي يا بويا على هذا الحچي بعد منا وجاي اني اصير ابو الخط مالت ميمونة، اني اوديها واجيبها شكو اختي تروح وي غريب
رجعت للبيـت واني انتظر وكت الدوام يخلص حتى اروح اجيب ميمونة واشـوف هاي البنيـة ما ادري شبيه ركزت وياها اليوم وعاجبني اشوفها بعد رغم شگد مارات عليا بنات اشكال والوان واحلى منها هم بس هاي ما اعرف ليش لطشت براسي...
گوة مشـى الوكت وصار وكت حلتهم گمت بسرعة شلت السويچ ،وطلعت بالسيارة متوجه على مدرسة ميمونة وصلت، ووگفت السيارة قريب من باب المدرسة حتى اگدر اشوفها طلعن البنات واني اباوع لوحدة وحدة وادور بينهن على البنية الي شفتها الصبح شوية ولمحتها تطلع هي وصديقتها وتضحك، يابوويا مووش غماازات ضييم ضييم منا شعر منا بياض منا عيون احترت وين اصفن رفعت راسها شافتني صافن عليها نزلت راسها بسرعة ومشت النـوب ثكلل هم يربيي رحت فدوه الك والعطيتك ماحسيت الا على صوت ميمونة وهي تگول
ميمـونة: شنـو اليـوم نبـات هنـا
مرتضـى: هاي شوكت اجيتي
ميمـونة: من چنت صافن على البنيـة
مرتضـى: ها شنو يا بنيـة
ميمـونة وهيا ترگص بحواجبها: كـانـدي
مرتضـى: يا كاندي شبيچ
ميمـونة: البنيـة الچنـت صافن عليها شبيـك
مرتضـى : اسمها كاندي؟
ميمـونة: اي
مرتضـى: منين عرفتي
ميمـونة: غيـر البنيـة صديقتي ووياي بالصف شبيك
مرتضـى: صـدك وياچ
ميمـونة: اي ليـش تسـأل
مرتضـى: ها لا هيچ
ميمـونة: اممممم
سكتت مرديت عليها لان اختي واعرفها حچاية متضل ابطنها تروح گـبل تحطها بحلگ امي وامي تحطها بحلك خالاتي وخالاتي يحطنها بحلك بيبيتي وبيبيتي تحطها بحلك ابويا وابويا يروح يحطها بحلك عماتي وعماتي يحطنها بحلك جارتهم وهكذا تنتشر قصتي واكون اني حديث الموسم والنوب حتى البنية يفضحنها وهي خطيه لا الها ولا عليها
وصلت ميمونة للبيـت ورحت يم صديقي اگعد ويا شويه وراها ارجع للبيت.
****
"سليل"
گعـدت على صـوت البـاب ينـدگ گمـت وخرت شعري ورا اذاني ورحت فتحت البـاب واني افـرك بعيـوني، صـار بوجهي حسـام دمعت عيـوني بس حبسـت دموعي حتـى لا ابچـي گـدامه، رفعت حاجبي وگتـله
- نعـم محتاج شـي
حـسام بهـدوء: ممكن نحچـي
سليـل: مـاكو كـلام بيـنا رجـاءً عوفني وروح
داسـد البـاب دفعـه حيـل خزرني وگالي سمعيني وسكتي دخل وسـد البـاب وراح گعـد ع الجـربايـة وگال
حسـام: سمعي يابـنت النـاس اني ماحـب اضـرب احـد بـدون سـبب وخصوصًا اذا بنيـة والي صـار البـارحـة سـوء فهـم وسـاعة عصبيـة
سليل ببـرود: ويعنـي؟
حـك ارنبـة خشـمه ورد
حـسام: احـم اسـف لان ضـربتـچ البـارحة ما چـنت اعرف انو حنين هي الي غلطـانة ولمن عرفت اتصرفت وياها وواتمنـى منچ انتِ هم ماتتكرر، مـن هـين لـي ما تخـلص المـدة وترجعين لأهلچ وخصوصًا سالفتچ مال جيت غصبًا عن حسام خوش
اخر جملة گالها بحدة وركز
حـسام: احـم اسـف لان ضـربتـچ البـارحة ما چـنت اعرف انو حنين هي الي غلطـانة ولمن عرفت اتصرفت وياها وواتمنـى منچ انتِ هم ماتتكرر، مـن هـين لـي ما تخـلص المـدة وترجعين لأهلچ وخصوصًا سالفتچ مال جيت غصبًا عن حسام خوش
اخر جملة گالها بحدة وركز عليها غمضت عيوني بملل ورديت
سليـل: اني ملتزمة بحدودي وممسوية شي غلط خطيبتك الي تجاوزت وقللت ادب وياي واني مجرد رديت عليها واي احد يتجرأ ويتكلم وياي بأسلوب وقح اشوفه شي ماشافه بحياته كلها، وبعدين ترى انت اجيت ومديت ايدك عليا بدون متعرف شنو السالفة وتتأكد
خزرني وگـال
حسـام: مو اعتذرت كافي عاد
مرديت اكتفيت بنظـرة حادة گام خلا وطلع
هه وهوَ الضايج هم والله يالله گمت سديت الباب وطبيت حتى اسبح وانظف غرفتي احسن شي لان اذا بقيت گاعدة وحدي وبدون ماسوي شي اطگ.
.. .. .. .. .. .. .. .. .. ..
شكرا لزيارتكم عالم روايات سكيرهوم
