رواية الامل الفصل الثاني عشر بقلم سلمي عبد الجليل
هاني بغضب : حاتم تعالالي البيت حالا
حاتم بضيق : انا مش هخرج من بيتي ي باشا الدنيا لبش بره وانا مش حمل الحكومة
هاني بعصبيه : البت الي كانت حسنات خطفاها تبقى بنت اخوك سامح
حاتم بصدمه : اي الي بتقوله دا
هاني بغضب : انا كنت هناك انهارده ف شقة جهاد وشوفت البت دي نسخة تانيه من هناء ف اتاكدت انها بنتها
حاتم بخوف : انا لازم اختفي مينفعش يعرفوا الي حصل زمان
هاني بسخرية : ليه خايف يعرفوا انك السبب ف التعاسة الي هما فيها دي وحرقة قلب هناء ع بنتها انت السبب فيها بردو
حاتم بضيق : م كله كان من تخطيطك انت مش انت الي قولتلي لازم نقتل سامح عشان ناخد فلوسه
هاني بضحك : انا قولت فكره بس انت نفذت وقتلت اخوك
حاتم بغضب : كان بأمر منك عشان متسجنيش
هاني بسخريه : وهو انا لما اقولك حاجه تنفذها وبعدين السجن ارحم م الي هيحصل فيك الفترة الجايه خاف ع نفسك ي حاتم
قفل معاه وحاتم كان خايف جدا مكنش يعرف ان هييجي يوم ويتكشف فيه سره الي خفاه لاكتر من ١٧ سنه
**********************************************************************************
سبحان الله وبحمده سبحان الله العظيم
[تاني يوم الساعه ٨ صباحا]
سامر صحى لقى تميم بيكلم ريماس
تميم بحب : ي ريمو م انتي عارفة اني بغير عليكي
ريماس : لا بس انت اوفر بجد ي تميم الدكتور كان بيوريني صورة بنته الي لسه مولوده يعني هو متجوز ومخلف اكيد مش هيبصلي يعني
تميم بغيرة : م هما اوقات بيبصوا عادي وبعدين بقولك اي انتي هتقعدي م الشغل اصلا
ريماس برفض : مستحيل ي تميم انا مش هلغي كياني وتعبي طول السنين دي عشان قلة ثقتك فيا
تميم بحب : ي حبيبتي انا والله واثق فيك بس مش واثق ف الي حواليك وبعدين اي رايك تيجي تشتغلي معايا واهو ابقى اوريكي صورة بنتنا بردو وهي مولوده
ريماس ضحكت : ان شاء الله خلاص هاجي الصيدلية بتاعك ، بابا بيسلم عليك ع فكرة
تميم : الله يسلمه انا كدا كدا جايله الاسبوع الجاي هخلص حوار كدا واجي
ريماس بقلق : حوار اي خير
تميم : مفيش دا موضوع كبير كدا ابقى اكلمك عنه بعدين يلا ارجعي نامي بق ومتنزليش الشغل وخلي عمي يكلم الدكتور يقوله انك مش هتروحي الصيدلية تاني وهتيجي تشتغلي مع تيمو حبيبك
ريماس بضحك : حاضر يلا باي
تميم قفل الموبايل وبصله بحب بص وراه لقى سامر ميت ضحك
تميم زغرله : انت سمعت المكالمه !!!
سامر بضحك : اي الحنية دي ياض الي يشوفك وانت بتتعامل مع ماجد ومحروس وسيد ميشوفكش وانت كوتي كوتي معاها كدا انشف شوية
تميم بضحك : اومال فاكرني زيك لازم كدا يكون فيه جانب محدش يشوفه غيرها
سامر بصله بنص عين وتميم ضحك
تميم بجدية : مش هتروح القسم بق ولا اي
سامر : هروح بس شوف ماما كدا عشان عينات التحليل هوديها قبل م اروح الشغل
تميم : حاضر ادخل خد شاور كدا وانا هظبطلك الدنيا
سامر دخل الحمام وتميم راح اوضة مامته وخبط ع الباب
سُمية : مين
تميم : انا تميم ي سُمية ماما صاحيه ولا اي
جهاد: ايوة صاحيه ي حبيبي ادخل
تميم دخل
تميم : انتي كويسة دلوقتي ي سومة
سُمية : الحمدلله اسيبكوا تقعدوا براحتكوا وهطلع فوق اطمن ع الولاد
سُمية خرجت وسابتهم
تميم : جبتي عينات من شعرها ؟
جهاد طلعت كيس صغير كان سامر اداهولها عشان تحط فيه العينات
تميم بسعادة : يارب تبقى بنت طنط هناء
جهاد بحب : يارب ي ابني يلا قوم لو هتروح تعمل التحليل
تميم : سامر الي هيروح وهياخد طنط هناء معاه ف ادخلي صحيها وانا هنزل الصيدلية
جهاد : ماشي ي حبيبي
تميم سابها ونزل الصيدلية
*****************************************************************************
“لا إله إلا أنت سبحانك ، إني كنت من الظالمين”
[ف الصيدلية]
حسام : اي ي ابني اتاخرت ليه
تميم بصله باستغراب : انت اي الي جايبك بدري كدا !!
حسام بهروب : ايوة بردو اتاخرت ليه
تميم بصله بشك : بقولك اي الي جابك بدري
حسام بحزن : انا نمت ف الصيدلية
تميم بقلق : ليه في اي مالك
حسام بحزن : عمي خد الشقة الي انا عايش فيها طلع بابا الله يرحمه كاتبها باسم عمي وانا معرفش وطردني م الشقة جبت حاجتي وجيت هنا
تميم بصدمه : اي القرف دا طب انت مكلمتنيش ليه كنت جيت عندنا
حسام : انت عندك كفايتك ي تميم هاجي اشيلك همي انا كمان دا انا ابقى بجح
تميم بلوم : واحنا من امتى في بينا الكلام دا ي حسام طول عمرك اخويا الي مخلفتوش امي همك همي وحزنك حزني وسعادتك سعادتي ، من امتى وفي بينا الي انت بتقوله دا !!
حسام سكت
تميم بضيق : متسكتش متعصبنيش وفين عمك الزفت دا م يمكن العقد الي معاه مزور ي حسام
حسام بحيرة :العقد سليم بس الي مستغربه ان بابا كان فيه مشاكل بينه وبين عمي اصلا ازاي دا حصل
تميم سكت شوية و بعدها اتكلم : اكيد عمك خلى عمو هادي يمضي ع العقد وهو تعبان اخر فترة
حسام بتذكر : ايوة عمي فعلا كان بيجيلنا كتير وقتها
تميم : طب متقلقش مشكلتك هتتحل ع طول هكلم سامر وهنحل الدنيا بس نثبت الاول ان والدك كان مريض ومكنش ف وعيه الكامل لان عمو هادي كان عنده زهايمر وقتها ومعانا اثباتات بكدا ف هنطعن ف العقد وحقك هيرجعلك ومتشيلش هم حاجه
حسام حضنه بحب : ربنا يخليك ليا يارب وتفضل سندي ف الدنيا بعد ربنا
تميم : ويخليك ليا ي حُس بس انت معفن بردو انك مكلمتنيش
حسام : انت عندك الي مكفيك يا صاحبي وامبارح كان يوم متعب عليكم كلكم
تميم : مكانش هيحصل حاجه لو رنيت حتى ، مش تيجي هنا وتنام ف البرد دا بس يلا هتيجي عندنا عما موضوعك يخلص
حسام : ربنا يسهل ، المهم سُمية عاملة اي انهارده
تميم ابتسم بخبث : مش كويسة خالص ي حُس سايبها تعبانه وماما جنبها
حسام قام من ع الكرسى بسرعه : طب يلا نطمن عليها ، ينفع يعني تسيبها وتيجي ي تميم انت بتهزر
تميم ضحك باعلى صوته وحسام اتحرج وقعد مكانه تاني
تميم بضحك : مش من شوية مش هاجي عندكم مش هاجي عندكم لا بس سومه تفعل المستحيل والله
حسام خبطه ف كتفه بخفه : اسكت بق
تميم بجدية : كلها كام ساعه ونعرف هي بنت مين ومتقلقش اخوك ف ضهرك
حسام بصله بحب وابتدوا يشتغلوا
*****************************************************************************
“استغفر الله العظيم واتوب اليه”
[ف المستشفى]
الدكتورة : اهلا وسهلا سامر باشا
سامر : ازيك ي عمر اخبارك اي
عمر : بخير ي باشا الحمدلله انت عامل اي
سامر : الحمدلله بخير عاوزك ف خدمه
عمر : عينيا ليك بس اتفضل اشرب حاجه الاول
سامر :معلش مستعجل انا بس عاوز اعمل تحليل DNA بس عاوزه بسرعه عشان الموضوع مش مستحمل انتظار دي العينات اهي الاتنين عينات شعر دي للام ودي لبنتها
عمر : ساعتين وتكون النتيجة معاك
سامر : طب انا رايح القسم دلوقتي ابقى ابعتلي النتايج واتساب
عمر : حاضر ي باشا
سامر سابه ونزل ورن ع تميم
تميم : ها عملت اي ؟
سامر : انا خدت عينه من شعر طنط هناء ومرضتش اخدها معايا عشان متعبهاش وسلمت العينات لعمر وساعتين والنتيحة تكون معانا
تميم : طب ابقى طمني
سامر : ماشي انا رايح القسم اهو وماجد بعتلي تسجيل بالليل بس مسمعتوش عشان مكنتش قادر ونمت استنى كدا خليك معايا
سامر سمع التسجيل وكان ظاهر ع وشه علامات صدمه
تميم ع التليفون :ي ابني روحت فين كل دا بتسمع الفويس
سامر : انا جايلك
قفل معاه واتحرك بعربيته ع الصيدلية
تميم بقلق : اي ي ابني اي الي جابك مش قولت هتروح القسم
سامر : بابا الرئيس بتاعهم
تميم بصله بعدم فهم
سامر بحزن : بابا ي تميم هو السبب ف كل الي بيحصل دلوقتي مع سُمية و الولاد
تميم وحسام بصوا لبعض بصدمه ومحدش عرف يتكلم
سامر قعد وحط وشه بين ايديه : انا كنت عارف انه قاسي بس مكنتش اعرف انه بالدناءة والحقاره دي ، دي تجارة مخدرات وخطف اطفال والله اعلم بالي مستخبي لسه
حسام : طب وهتعمل اي
سامر بصله ومتكلمش
تميم بجمود : هيتقبض عليه ويتحاسب القانون بيقول كدا
حسام خبطه ف كتفه عشان يسكت
تميم كمل بغضب : انت اي الي مضايقك هاا اي الي مضايقك ، انه طلع وحش !! ولا انه طلع خاطف اطفال !! ولا انه طلع السبب ف كل دا !! ولا انه مدمرناش بس ودمر غيرنا كتير اوي !! ولا انه قهر قلوب ام واب ع ولادهم !! ولا عشان افتكرتنا واحنا صغيرين وهي بيتعامل معانا بجفاء وقسوة وكان بيتعامل معاك يوم حلو وعشره لا !! م تردد
سامر : انا تايه ومش مستوعب ومش فاهم ، حاسس اني عاجز ، هقبض عليه ازاي ، هحط الكلبش ف ايديه ازاي وانا ابنه
تميم قعد قصاده ورفع راسه ليه : انت كدا هتكون حققت العدل والقانون وهو هياخد عقابه من ربنا ومن الحكومة وانك تقبض عليه دي اقل حاجه عشان الي عمله مع الاطفال دول ، لازم تعمل كدا ي سامر لازم وانا معاك مش هسيبك
حسام : يلا ي سامر قوم روح شغلك وتوكل ع الله ومتقلقش واعرف ان الي بتعمله ف سبيل انك تظهر الحق
سامر بصلهم بنظرات غير مفهومة وسابهم ومشي
حسام بحزن : سامر صعبان عليا اوي هو كان مستحمله عشان اوقات كان بيعامله كويس بس هو كدا خسره للابد وكمان خسران مامته من وقت ولادته هو كدا شايف انه بق لوحده من غير اب ولا ام
تميم : واحنا فين
حسام طبطب ع كتفه بهدوء : انت اخوه وطنط جهاد ف مقام مامته لكنها مش امه ي تميم هو كدا بق يتيم بجد لازم تفهم دا وتتعامل معاه كويس عشان هو دلوقتي مكسور اوي
تميم سكت وهو بيفتكر طفولته مع سامر وانه كان دايما بيفضل حزين مهما لعبو سوا كان دايما بيلاقيه زعلان
********************************************************************************
“لا حول ولا قوة الا بالله العلي العظيم”
[ف القسم]
محروس : انا خلاص خدت قراري هبلغ عن هاني
سيد : اسكت ي محروس هما مش هيقدروا ياخدوا مننا لا حق ولا باطل احنا مش هنتكلم ولا هنقول حاجه
ماجد بمكر : لا لازم يتكلم ي سيد عشان متتحاسبوش لوحدكم
سيد بضيق :اسكت انت ملكش دعوه م انت من يوم م دخلت بينا والدنيا خربانه
ماجد : وهو انا عملت اي لولايا مكنتوش عرفتوا مكان سُمية والعيال
سيد بسخرية : لا واحنا معانا العيال ي واد م هي بسبب افكارك احنا هنا دلوقتي
ماجد : المعلمه هي الي عملت الخطة مش انا متلومنيش انا
محروس بغصب :اخرسوا بق انا مش طايق اسمع صوتكوا مش كفاية دراعي الي هيتقطع م الوجع دا
الشاويش : محروس مجاهد ، ماجد مجاهد ، سيد فوزي الباشا عاوزكم
قامو هما التلاته وراحوا ع غرفة سامر لقوا حسانات هناك
سامر فضل يقولهم ع كل جرايمهم الي عملوها باثباتات و صور كتيرة وهما كانو مصدومين ومش عارفين هو عرف دا ازاي ولكن شكوا ف ماجد ودا الي سامر لاحظه من نظراتهم
سامر بهدوء : دلوقتي انتو قدامكم حل م الاتنين ، يا هتتحبسوا واقل حاجه هتاخدوها ٢٥ سنه سجن وبكدا القاضي يكون كريم اوي معاكم ، ي تعترفوا وتقولوا مين الي وراكم عشان متشيلوش الشيله لوحدكم
محروس : انا هقول كل حاجة ي باشا
سيد زغرله وماجد ابتسم وحسنات مدتش اي تعبير
محروس : انا هقول كل حاجه انا مش هخاف منهم بعد كدا الي ورانا هاني السباعي ابوك ي باشا وواحد اسمه حاتم حرفوش دول الي كانو بيدونا الاوامر وهما الي كانو بيجبلونا معلومات عن العيال الي هنخطفهم و بنروح نخطفهم ، والمعلمه قتلت واحده اسمها سماح قبل كدا انا شاهد ع الجريمة دي لاني انا الي دفنتها ، هاني وحاتم كانو بيبلغونا بالي هنعمله والمعلمه كانت بتجيبلنا المخدرات عشان نسلمها ، انا عمري م شوفت هاني وحاتم بس كانو دايما بيكلمونا وانا عارف اسماؤهم بس وكانو بيبعتوا المخدرات للمعلمه والمعلمه بتديهالنا واحنا بنخلي العيال يحطوها ف اكياس صغيرة ويوزعوها
سامر بص للي بيكتب الاقوال : سجلت كل دا ي ابني
الشاب : ايوة ي باشا
سيد بص لمحروس بغضب
سامر : مش عاوز تقول حاجه ي سيد
سيد بضيق :لا ي باشا
سامر بص لحسنات : وانتي ي حسنات ؟
حسنات بصتله بقرف : ابوك السبب ف كل حاجه هو الي خلاني اتجه للي بعمله دا وعدني بالجواز وقالي هنبتدي شغل عادي وبعدها لقيت الشغل بيكبر ولقيت حاتم قالي ان في اتنين جايينلي هيساعدوني ف الشغل اسمهم محروس وسيد ولقيته بيقولي هنخطف عيال عشان يكبروا ويساعدونا ف الشغل وكانو بيخطفوهم من ناس غنيه عشان كان في بينهم شغل وغدروا بيهم ، ابوك دا قتل اربع رجاله ومن ضمنهم ابو مختار ، ابو مختار كان تاجر فاكهه كبير و عشان هو كان عارف الي ابوك بيعمله وقاله هيبلغ عنه ابوك قتله اما ابو سُمية اخوه الي قتله
سامر مكنش قادر يستوعب الي سمعه عن ابوه وحس انه محتاج يهدى عشان ميبينش حاجه قدامهم
سامر :اخوه مين ؟
حسنات : اخوه حاتم م هي سُمية تبقى بنت اخو حاتم واخو حاتم كان غني اوي كان عنده شركتين وحاتم شغال معاه بس الغيرة خلته يقتله
سامر : وبعدين
حسنات : ولا قبلين حاتم قتل اخوه وطرد مراته بعد م ولدت ولما البت بق عندها سنه كانت تعبانه وراحت المستشفى قام اتفق مع الدكتور وقاله يقول انها ماتت وقام خاطفها وجايبهالي ، انا مكنتش فاهمه حاجه وكنت مخضوضة بس هما قعدوا يقولولي متقلقيش احنا ف ضهرك وعيل مع عيل بقوا ٢٠ عيل وكلهم ولاد ناس اكابر زي م قولتلك ي باشا ، انا بعترفلك دلوقتي مش عشان خايفة منك انا بعترفلك عشان انا مش هغرق لوحدي و اول واحد لازم يتحاسب هو ابوك لانه هو السبب ف كل الي انا فيه دلوقتي
قالت جملتها الاخيرة بدموع
حسنات بدموع : كنت عيله غلبانه لا بيا ولا عليا قام قايلي هتجوزك وانا عندي وعندي وعندي دخل عليا بالكلام دا ووافقت قالي هيتجوزني عرفي عشان ميبانش ف السجل المدني انه متجوز ولا حد يحس بحاجه ف الاول رفضت لكن قعد يومين يقنعني وفعلا سمعت الكلام وعشت معاه سنتين زي الفل وبعدها ابتدى شغله دا ، ف انا لازم اخد حقي منه ولازم يتعدم قدامي كدا واشفي غليلي منه
سامر طلب م الشاويش انه ييجي ياخدهم وياخد ماجد ع الحبس الانفرادي عشان يبعده عن محروس وسيد
سامر كلم تميم وطلب منه يجيله القسم
تميم راح بسرعه وهو قلقان لان سامر كان صوته مش كويس واول م وصل دخل ع طول
تميم بقلق: صوتك مكنش كويس مالك في اي
سامر ابتدى يعيط و تميم راح عليه بسرعه حضنه بقلق
تميم بقلق : مالك في اي حصل اي ي سامر
سامر بعياط : طلع قتال قتله ي تميم وخاطف اطفال وتاجر مخدرات ي ترى هنعرف عنه اي تاني
تميم بعدم فهم : انت بتتكلم عن اي
سامر بقهر : بابا ي تميم بابا طلع وحش اوي
تميم بصدمة : قتال قتله ؟!!
سامر :قتل اربعه ومن ضمنهم ابو مختار
تميم سكت ومعرفش يتكلم وبعدها لقى موبايل سامر بيرن وكان هاني
تميم : هترد ومش هتقول اي حاجه وتشوف هيقولك اي واهدى كدا واعدل صوتك
سامر رفض ولكن تميم اصر عليه والموبايل وقف رن ورن مره تانيه تميم فتح الاسبيكر
سامر حاول يعدل صوته : ايوة ي بابا خير
هاني : انا عاوز ابلغ عن واحد اسمه حاتم حرفوش انا عارف عنه بلاوي ف قولت اعرفك عشان تقبص عليه
سامر :وانت تعرفه منين ي بابا
هاني بتوتر : ءءء عرفت عنه الكلام دا ف قولت ابلغك واهو ننضف البلد من امثاله
سامر : تمام ي بابا سلام
سامر قفل معاه وبص لتميم بحزن
تميم مسح دموعه : ولا اي حاجه اخوك جنبك وماما جنبك وهتعدي وهتترقى وهتبقى افضل مقدم ف الدنيا كلها هتعدي والله دا اختبار كبير من ربنا ولازم تبقى اده
الشاويش دخل بدون استئذان : سامر باشا سيد ومحروس ماسكين ف خناق بعض و سيد عور محروس بموس
