رواية غرفة العمليات الفصل الثالث عشر بقلم جمانه السعيدي
اسيل....بدا شغلنا يتوسع الحمد لله نشتغل
وتجينا زبائن
ونطلع حفلات نصور
الحد مايوم اجتنا دعوه تصوير عرس
طالبين كادر نسائي للعروس والعريس طالب مصور خاص
ثامر طلع قبل العرس بيوم
صور حفله الحنه للولد
واليوم الي بعدا طلبوني حتى اصور العروس
العريس ابن عم العروسه وجيران البيت بصف البيت
ثاني يوم طلعنا الساعه بلعشره الصبح
اني وبابا للاستوديو
لبست نفنوف شيفون ابيض وبي ورد أصفر كلش حلو
حزام اسود ضعيف وجنطه سوده زغيره
وحجاب ابيض خليت مكياج بسيط
لبست حذاء ابيض سبورت
وصلنا للاستوديو بس شافني ثامر ابتسم
نضرات الإعجاب كانت تلاحقني
صعدنا بلسياره
ثامر...اني خايف
اسيل...ليش عمو
ثامر...طالعه احلى من العروس
اسيل...ابتسمت انت شايف العروس
ثامر...لا بس مستحيل تطلع احلى منج
اسيل....شكرا بس من ذوقك
وصلنا البيت يخبل داخل منطقه زراعيه بس مو بيت فلا
والبيت الي بصفه بيت العروس
بعد احلى
وكفنا السياره ثامر نزل بعدين لبس يلك على اسم الاستوديو حتى يعرفون احنا كادر التصوير
اني بقيت بلسياره
اكو مجموعه شباب واكفين بعيد شويه وواحد منهم اجا تقدم علينا
اني رتبت ثوبي وعدلت الجنطه ماركزت علي
نزلت
جمانه السعيدي
سلم على ثامر جان اسمع اسيل
رفعت راسي
ماهر....اسيل
ثامر....انت تعرفها
اسيل....اتفاجئت بي بقيت واكفه وماعندي اي ردت فعل
عاف ثامر واجا قرب عليه
لان اني واكفه بلجهه الثانيه من السياره
الشباب اتقدمو على ثامر حتى يرحبون بي
واني ماهر اجا عليه
ماهر...شلونج اسيل
اسيل...الحمد لله فتحت باب السياره وطلعت الكامرا المحموله وخليته بركبتي
ماهر...شسوين هنا
اسيل...اشتغل مثل ماتشوف
ماهر.... اتصورين ولله زين حققتي حلمج
اسيل....اكيد أحقق حلمي لان الدنيا ماتوكف على واحد
ماهر.....العريس صديقي المقرب
اسيل....بلعافيه
ماهر.....عرفت كلشي صار بس
اسيل...بس شنو
ماهر...ماعندي الجرئه اجي اعتذر منج
اسيل...شنو كنت اتابع اخباري حتى تشهر بيه اكثر
ماهر...لا ولله بلصدفه ولد صديقي بلدائره
اخو كان لازم القضيه وحجالي عنج الحمد لله طلعت الحقيقه
اسيل...الحمد لله ممكن اكمل شغلي
مشييت لزمني من زندي راسا سحبت ايدي
ماهر....جاي ادور وحده مثلج بس مالكيت
اسيل...اكيد ماتلاكا لان انت انسان مريض كلك عيوب ودور الكمال بغيرك
الكمال بس الرب العالمين
راح تتعب ومراح تحصل شي
ماهر....اسف لان ماسمعتج اسف لان مديت ايدي عليج
سمعت ثامر صاح اسيل
التفتت لكيته واكف وياشرلي بايدا يكول يله
عدلت الكامرا وكتله يله
مشينا شويه
ثامر. منو هذا
اسيل....بعدين احجيلك خل نشوف شغلنا
دخلت اني على بيت العروسه
وثامر دخل على بيت العريس الصراحه حسيت مزاجي اتعكر من شفت ماهر
لان كلشي انعاد كدام عيني من اول مره شفته بيها
الاخر لحظه لمن دفعني على باب اهلي
وكفت جريت نفس عميق غمضت عيوني رجعت جريت نفس ثاني اريد انسى كلشي وابدي من جديد
انسى كل الناس الي ضلموني
بسم الله الرحمن الرحيم
فتحت عيوني ودخلت للبيت
ماشاء الله البيت يخبل وام الصالون جايه للبيت هي والكادر الضاهر ناس شبعانيين
بلبدايه صور عائليه بعدين حضرو الاكل
الاكل يخبل وكميات مو معقوله
اتصل عليه ثامر
ثامر...هاا شلونها الاجواء
اسيل...تخبل
ثامر...اكلتي
اسيل...اي جاي اتغدا
ثامر...اذا تتعبين لو تحتاجين شي اتصلي عليه
اسيل...لا مااتعب حديد
ثامر...رادو يطلعونه كل واحد سياره انتي بسياره واني بسياره علمود نصور الزفه بس اني ماقبلت
اله نطلع بسياره وحده
جمانه السعيدي
اسيل....اي لازم كل واحد سياره حتى التصوير يكون اكثر من مكان واحد
ثامر...لا ممنوع كدام عيني لا يروح يصير شي شيخلصني من ابوج
اسيل...لا تخاف مايصير شي
ثامر..اذا عليج مااخاف اخاف عليمن
اسيل...خل نكمل اكل حتى نطلع تصوير
ثامر...اوكي
جمانه السعيدي
الحفله كانت خياليه شي جميل بشكل مبالغ بي
ياعمي الفلوس تحجي
هلكد ماامورهم تمام صارفين على العرس كل قوتهم
طلعنا للزفه
لكيت ماهر منتضرني
ماهر...اسيل تعاي اصعدي هنا حتى نروح للزفه اتصورين
اسيل...شكرا
باوعت لكيت ثامر ياشرلي تعاي
عفت ماهر ورحت على ثامر
ماهر شغل السياره واجا ورانا
طلع راسه من الجامه اني الي اخذكم للزفه يله اصعدو
ثامر...انزعج من ماهر رغم هو مايعرفه بس لان شافه حجا وياي بلبدايه
ثامر. .شكرا اني عندي سياره
ماهر...بس سيارتك قديمه
ثامر. .وانت شكو راح تشتريها
راسا التفت عليه ثامر واشرلي يله
ماهر....تعاي اسيل انتي اصعدي عوفي هو يروح بسياره
الولد
اسيل...وكانما مااسمعه
عفته ورحت ورا ثامر
جمانه السعيدي
ثامر مااعرف شنو حجا وياا العريس
طلعونا سياره حديثه
صعدنا ثنيبنه بيها
فتحو السياره من فوك وثامر صعد يصور واني فتحت الجامه
واصور بالاتجاه الثاني
خلصت الزفه ورجعنا للبيت اني دخلت وياا الزفه
جوا حتى اصور العرسان
واصور الاحتفال الي صار بعد وصول العرسان
البيت العريس
دخلو اخوان العريس وولد عما جوا يحتفلون
ويا العرسان اني صعدت على القنفه وكمت اصور من فوك
لمن خلصت الحفله
رحت للمطبخ اجيب مي
جان ماهر واكف رجعت بس شفته رجعت
لحكني بسرعه
ماهر...اوكفي لله عليج اوكفي بس اربد احجي وياج كلمتين
اسيل....انت شبيك اليوم
ماهر...مابيه شي بس حبيت اكلج اني ماسويت شي غلط
اني سويت شي كل الشباب اذا بموقف هذا راح يسوون مثلي
يعني شنو بليلة عرسي
واحد يتصل وينطيني مواصفات جسم زوجتي
لا مو بس هاي النوب نايم وياها
اني تخبلت ماكدرت اركز
اسيل...خلصت اني ماعاتبتك ولا لمت عليك انت رجال
هاي هي كلشي خلص
انت بلنسبه اليه خلاص انتهيت
والدليل اني بديت حياة جديده مثل ماتشوف
نسيتك يااخي افهم نسيتك
ماهر...اخي
اسيل...من رخصتك
عفته ورحت كعدت يم العروس بعدين صعدت العروس
الغرفته
لا سنو غرفته الجناح الخاص بيها
صعدت صورتها كم صوره
بعدين من اجت الزفه
الكل طلع من الغرفه بقيت بس اني والعرسان
اخذتلهم كم صوره رومانسيه حلوه
العريس انطاني ١٠٠ دولار هديه
يمه من الفرحه مااعرف شلون نزلت مو علمود الفلوس
علمود شغلي الي جاي يعجب الناس
وهم الفلوس حلوه
جمانه السعيدي
نزلت جوا لكيت ثامر كاعد بلسياره ينتضرني
ثامر.. اتاخرتي
اسيل....اصور بلعرسان بغرفتهم
ثامر...وليش هيج فرحانه
اسيل..العريس انطاني ١٠٠ دولار هديه
ثامر...بلعافيه
اسيل...نتقاسمهن اني وياك
ثامر...لا اللج بلعافيه هذا تعبج
اسيل...ليش
ثامر ...تعبج تستاهلين من الصبح لسه تفترين
اسيل....شكرا
ثامر...الشكر لله تعالى ممكن اسئل سوال
شغل السياره وطلع واني عرفت هو شنو السوال الي يدور اباله
اسيل...اعرف شتريد تسئل ممكن ناجل الحجي بهذا الموضوع اليوم ثاني
ثامر...ليش
اسيل...لان اني اليوم فرحانه وبنفس الوقت تعبانه
اريد ارجع للبيت ارتاح
راح نحجي بغير يوم
ثامر...بس وعد تحجيلي كلشي
اسيل...بلتفاصيل الممله
ثامر...خلاص موافق
اسيل...دنكت نزعت الحذاء رجليه يوجعني
ثامر...هاا نزعتي الحذاء
اسيل...اي استحيت انزعها بيتهم رجليه يوجعني
ثامر...خل نرجع لااستوديو ناخذ ابوج وواصلكم للبيت
اسيل...لا روح انت ارتاح اني ااجر تكسي وارجع للبيت
ثامر...مايصير لازم اني اوصلكم
اسيل...تسلم
وصلنا للا ستوديو اخذنا بابا ورجعنا للبيت
ثامر شأل بابا وخلا على الكرسي ودخله للبيت
واني شلت الحذاء بايدي وامشي على أطراف اصابعي
حافيه
طلع ثامر من بيتنا شافني وكام يضحك
اسيل...اني هم ضحكت
ثامر...اكو وحده محصله ١٠٠ دولار تمشي حافيه
اسيل...اي اني المليونيره الحافيه
ثامر...اوكفي اخذلج صوره هيج شكلج حلو هاي الصوره تكون عفويه
لزمت الحذاء بايدي وحدا ووكفت على أطراف اصابيعي
ابتسمت ورفعت ايدي الثانيه علامة النصر
اني فعلا انتصرت على نفسي وعلى كلام الناس
وكدرت اطلع واشتغل واحقق ذاتي
شكرا لزيارتكم عالم روايات سكيرهوم
