رواية وجه محروق الفصل الثاني عشر بقلم جمانه السعيدي
اصيل...ابو منار دنك شال المخده وطلع المسدس سحب أقسام ووجها على منار
اني اتقدمت كدامها هي صارت وراي لزمتني من الستره وعاطت يمه
وامها كامت تعيط
ام منار...دخيلك ودخيل الله
اصيل...لا لا عمي مو هيج
ابو منار...وخر عني اليوم اموتها هنا راجعه حضرتها ماعاجبها العرس تريد اتخلي راسنا بالكاع
اكلك وخر عني
اصيل...مو هيج التفاهم مايصير هيج البنيه مو غلطانه
ابو منار... وخر عني ترا انت وياها ثنيبنكم اكتلكم هنا
اصيل...لزمت ايد ابو منار ورفعتها فوك اريد اخذ المسدس من ايده
وهو يدفعني واني ادفعه كوه اخذته من ايدا
اصيل...منار اطلعي انتظريني بلباب هسه اجيج
راسا طلعت تركض
وامها طلعت وراها
اصيل...مايصير هيج لازم نتفاهم
ابو منار...شنتفاهم اكو بنيه ترجع البيت اهلها بليلة عرسها
اصيل...من حقها ليش تغصبها
ابو منار ...تاكل خره شنو اغصبها هي ما تعرف مصلحتها زين ماخذه رجال يسوه راسها
اصيل...اهدء لا تصير عصبي اني راح اخذها واروح
ابو منار...شوف اصيل هذا بيتي ممنوع على منار تدخله
حتلو متت مااريدها توكف على كبري
اصيل...خليت المسدس على الطبله وطلعت لكيتها واكفه برا وترجف من رأسها الحد.رجليها
راسا ابوها طلع وراي اسمعي منار ممنوع توصلين الهذا البيت والا قسما اكتلج وادفنج هنا فهمتي لو لا
دخل ابوها وقفل الباب جمانه السعيدي
اصيل...لزمتها من ايدها ترجف كلها وتبجي
لا تخافين دخل للبيت يله نرجع البيتنا
امشي شبيج
منار...رجليه مااكدر امشي وكلبي يوجعني على كيفك
اصيل...اشيلج
منار...لا هسه اصير احسن
اصيل..كامت تمشي على كيف واني لازم ايوها وما بطلت تبجي من بيتهم الحد ماوصلنا بيتنا
دخلنا للبيت
اصيل...هذا ابوج هيج من زمان ما يتفاهم
منار...اي عصبي وما يتفاهم دمر حياتي كلشي عنده ضرب وصياح
اصيل...يعني عصبي الهلدرجه ما يتعامل بلكلام
كبل بلسلاح
منار...اهييي اهيي
اصيل...لا تبجين ماصار شي ادخلي بدلي ونامي
انشاء الله راح نلكه حل الهاي المشكله
ادخلي بغرفتج
بس خل اخذ تراكي واروح انام بلغرفه الثانيه
منار...لا اني اروح انام هناك انت متعود على غرفتك
اصيل...لا متعود ولا شي اني وين ماكان انام
ماعندي مشكله
اصيل...اخذت تراكي ورحت للغرفه الثانيه انام
ابد مااكدر اجاوز موقف ابو منار صدك جذب
اول شي شلون يجبر بنته على الزواج وين اكو زواج إجباري بعد
وثاني شي يريد يقتلها
هذا شنو من بشر
جمانه السعيدي
اني الي طحت بلنص لا مزوج ولا اني مامزوج
شلون ورطه هاي
هسه اني شراح اسوي وياا منار ابقيها هنا تبقى بصفتها شنو هي ماتريدني ارجعها بيت اهلها ابوها يقتلها
ابد ماكو مثل مشكلتي مالها حل
شلون حظ عليه ماله مثيل
الصبح كعدت قبلها اني متعود اكعد من الصبح رغم اني البارحه حيل اتاخرت يله نمت
خدرت جاي وطكيت بيض طلعت خبز تريكت
ورحت للورشه اشتغل
كل للي يفوت كبال الورشه يذبله حجايتين
هااا عريس شو تشتغل
مايدورون اني لا عريس ولا تهنيت بلعرس
جمانه السعيدي
للعشره الصبح اجتني منار للورشه لابسه تراك وردي
بخبل عليها وخاله شال على راسها
جنت مشغل المنشار والصوت عالي
منار...صباح الخير
اصيل...ما سمعتها
دخلت للورشه قربت عليه صباح الخير
اصيل...طفيت المنشار صباح الخير
منار...احضرلك الريوك
اصيل...لا اني تريكت شكر انتي روحي تريكي
منار...اني مااشتهي
اصيل...ليش اكلي حتى تتقوين لا تخافين راح نلكه حل
منار...البارحه كوه نمت كلبي يوجعني من الهبطه الخوفه ما تقبل تطلع من كلبي على لحظه جان متت
اصيل...اسم الله عليج ما معقوله يقتلج جان يريد يخوفج
ماكو اب ما يحب اولاده
منار...ابوي مجرم
اصيل...شنو رائيج اجي وياج اني راح احضرلج ريوك على طريقتي
تعاي وياي
اجت تمشي وراي
التفتت عليها اجن عيونها بعيوني شكد حلوات عيونها
راسا دنكت
اصيل...اني مو بس نجار طباخ ماهر
هسه تشوفين طبخي
منار....من زمان وانت عايش وحدك
اصيل...من مات ابوي وعافني وحدي صار ١٣ سنه
منار...حيل كل هذا الوقت وانت عايش وحدك
ماتضوج
اصيل... شسوي يعني ماعندي اهل قابل اشتريهم البشر كلشي يكدر يشتري ملابس اكل بيت
سياره بس مايكدر يشتري اهل
منار...اهل مثل اهلي مااريدهم
اصيل...مهما يكون يبقون اهلج ايجوز يعرفون مصلحتج اكثر منج
( طبعا احضر بلريوك واسولف عليها وهي واكفه بصفي ،)
برشت بتيته صفيت مايها وغسلتها حمستها خليت عليها ملح وفلفل اسود
وطكيت عليها بيض بعدين خليت عليها جبن وخليت قبق على الطاوه ونصيت النار
حتى الجبن يذوب وينزل على البيض
راحت هي غسلة القوري وخلته على النار
جمانه السعيدي
منار..شلون اهلي يعرفون مصلحتي .وين مصلحتي من عفت المدرسه
صديقاتي مرحله ثالثه جامعه
وين مصلحتي ازوج واني رافضه هاي الفكره
العفو منك مو اقصدك بس احجي على الزواج بصوره عامه
اصيل...الغلط منج
منار...شلون.. الغلط مني
اصيل...تعاي اتريكي واني احجيلج
منار...اني مراح اكدر اكل هذا الاكل كله وحدي
اصيل...يله أمري لله راح اكل وياج
منار...خل اخلي الجاي على المهداره واجي
اصيل ...اجت كعدت كبالي كولي شلون السبب منح
منار.....اي شلون
اصيل...اني مو دزيتلج تليفون لو متواصله وياي
وحاجيتلي الموقف
جان اني انسحبت طلعت اي حجه وانسحبت
منار.. حتى ابوي يموتني
اصلا اني البارحه مااعرف شلون طاوعتك ومشيت وراك
واني اعرف ابوي مراح يتقبل هيج موقف
بس انت طمنتني وكتلي لا تخافين واني وياج
عوفيها عليه امنت بكلامك ورحت وياك
اصيل...واني شمعرفني ابوج خال مسدس جوه راسه
ليش ماحجيتي
جان اني وياج هسه مكتوب على بيتنا انتقل كل من اصيل
وحرمه للرفيق الاعلى
منار...تعرف اني كلبي يوجعني من البارحه لليوم
بس ابوي طلع المسدس راسا شفت نفسي ميته
اصيل...شلون شفتي نفسج ميته يعني شلون طالعه
مثل هسه هيج حلوه رفعت حواجبي وضحت
راسا ابتسمت ودنكت
اصيل....شنو رائيج طيب الريوك اعرف اطبخ لو لا
منار.. عاشت ايدك اطيب بيض اكلته بحياتي
اصيل...لو شايفه الفاصوليا الي اطبخها مستحيل اكو وحده تطبخها مثلي
منار...اني هم اعرف اطبخ
اصيل...شنو الأكلات الي تعرفين اطبخيها
منار...كلشي اي شي يعجبك اطبخ
اصيل... زين الماي يجذب الغطاس اطبخلينا غده
واني راح احجي الصراحه
اذا اكلج موطيب مراح اجاملج
منار.. متفقين شنو عدنا مسواك
اصيل.. عدنا دجاج وسمجه جبيره وعدنا لحم
شوفي انتي شنو يعجبج اطبخي
منار.. تمام
اصيل.. اني ارجع للورشه واذا تحتاجيتي شي
بس دكي الباب
منار...اي مثل قبل شويه دكيت الباب كلت صباح الخير
اصيل...صوت المكص عالي
منار...تمام
اصيل...هنا الجدوره وهنا اني خال المواعين
وفوك البهارات
منار.. خلاص روح الشغلك اني مراح يضيع عليه شي
اصيل...زين رايح وكفت علي حيلي
لا تدفعين رايح على كيفج عوفيني
منار.. هههه انت منو لازمك
اصيل.. غير انتي جاي تعطليني عن شغلي
حتى ريوك ماتعرفين تسووين
منار...يااا شنو مااعرف باجر اني احضر الريوك
اصيل.. لا صدك خاف ترديني احضرلج الريوك اني
منار....عاد لا تمن عليه
اصيل.... لا اتشاقا وياج اذا ما يعجبج تطبخين اني اطبخ
اني متعود
اني فتحت عيني على الدنيا لكيت ابوي يطبخ
ويشتغل ويربي
ابوي احسن اب بلدنيا لو شمااحجيلج عنه قليل بحقه
حتى من ازوج هم ماعافني
بقه يفضلتي على زوجته وبناته
البارحه من شفت تصرف ابوج تخبلت معقوله اكو اب هيج يتصرف
منار.. اوووي اووي لا اذكرني بابوي
اني مااحس عندي اب بعمري ما سمعت منه كلمه حلوه
ولا حن عليه بيوم
جمانه السعيدي
اصيل...لا تزعلين ابوج عصبي بس عنده حنيه
منار.. اي حنيه وهو يريد يقتلتي
اصيل...لان اذا مايضغط عليج هيج
راح اضيع سمعته ومراح يكدر يرفع راسه بين الناس
منار...اني يهمني احس بحبه وبس عمري ما حسيته يحبني ابد
اصيل...لا اضوجين اني احبج بمكانه
فتحت عيونها حيل وبتسمت
اصيل.. حتلو تردين اسجلج باسمي موافق يصير اسمج
منار اصيل الله حلو هذا الاسم
منار...روح الشغلك اني مناويه اغير اسمي
اصيل. ..رجعت للورشه بس ماجاي اكدر اشتغل
حلو الكلام ويا منار
حلو الوقت الي يمر واني كاعد احجي وياها
ياريت تتقبلني وتبقى عايشه وياي
اني الصراحه احبها واتمنى تبقى وياي
الساعه وحده اجت للورشه
منار...خلصت
اصيل... شخلصت الشغل ما يخلص
منار.. الغده كمل تجي نتغده
اصيل....اي اجيت
غسلت اديه وغيرت ملابسي لان ملابس الشغل كلهن نشارة خشب
لكيتها محضره السفره
طابخه دجاج وتمن برياني وزلاطه وخبز
منظر السفره يشهي
وطعم الاكل خرافي كلت بكلبي ياريت هاي النعمه ادوم للابد
منار.. هااا عجبك الاكل
اصيل....هذا طبخج لو طلبتي اكل من برا
منار...لا طبخي انت شنو مستهين بقدراتي
اصيل....اتشاقا وياج احب اداهرج كلش طيب عاشت ايدج الحلوه
منار.. ..الف عافيه
اصيل...الله يعافيج
شكرا لزيارتكم عالم روايات سكيرهوم
