رواية رغبة ملوثة الفصل الرابع عشر بقلم دلال عماد
"سليل"
صـارلي يوميـن حابسـة روحـي بالغـرفـة وبس ابچي وخطيـة اسـراء يوميًا تجيني تريـدني اطلع بس اني افـضل ابقـى بالغـرفـة لان حسـيت كـرامتي انهانت وماريـد تصيرلي مشاكـل بـعـد
گـاعدة اگلب بالجـهاز وروحـي طالعـة راسلت ماما وسألت عنهم وطمنتهم عني وما جبتلهم طاري المشكلة الصارت لان ماريدهم يقلقون ويضل بالهم
شـويهه وانـدگ البـاب گمـت فتحته شفـت اسـراء ابتسمت وگالت
اسـراء بأبتسامة: الأميـرة ديـانـا ما عاجبها تطلع اليـوم
سلـيـل: هههه تعـاي طبـي تعـاي
اسـراء: اتعودي احچي انبـاري مثلنا يـول حتى افتهم عليچ زيـن
سليـل: ههههه ليش ماكو اسهل من اللهجة البغدادية اصـلًا لهجتكم صعبة والله
اسـراء : يمصكوعة شجابها صعبـة،اصلًا هاي لهجتنا سهلة اكو بعد لهجات انبارية تخليچ تصفنين
سليـل: هي هاي مصگوعة تخوفني
اسـراء: هههههه بربچ تعاي ننزل حتى الحجية ضايجة عليچ وترى والله الحجية دافعتلچ، من طلعتي ورزلت حسام
سليـل: ضايجة حـيل من الي صـار وهسـة انتـو كلكم عبالكم اني الي بديت العركة وي حنين وتجاوزت عليها
اسـرا : لا يـولي هسة حسـام حچالنا كلشي جـوى والحجية خابرت حنين وكاونتها وهي دزتني عليچ هـسة وحتى حسام گال خلي تنزل كافي لا اني اصعد انزلها
سليـل بإستغراب: صـدوك شون عرف
اسـراء: طلع ابني الشيطان مصوركم من اتكاونتو وشاف حسام الفيديو
سليـل: هههه يا يلا هـم زيـن أستاذ حسام سـوى شغلة براسها خيـر لأول مـرة وهم مو بزودة بزود اموري
اسـراء: ههههه اششش لا يسمعچ
سليـل: خـل يسمـع وشنـو يعنـي
اسـراء: دمشي ننـزل امشي الحجية تنتضرچ جـوى... عيب ما تنزلين
سليـل: ماشـي يـلا
گمـت مشـطت وبـدلت ونزلت جـوى
چانت الحجـية گـاعـدة ع التلفزيون شافتني ابتسمت وگالت
الحجية بأبتسامة: يـا هـلاا
رديتلها الأبتسامة وگلت بهـدوء
سليل: يـا هـلا بيچ
الحجية: تعاي يمصگوعة مشتاكتلچ
سليل: ههههه جيت
الحجية : حابسة روحچ بالغرفة مثل الفارة ليش يالمهبولة
سليل: ههه ليش الي صار شوية حجية
الحجية: اعذريني يما ما چنت اعرف هذيچ المهبولة سوت المشكلة وسبتچ
سليل: لا عمة عادي لا تعتذرين انتِ هم امي وشماتگولين غصبًا عني اسكت...
بس اهم شي عرفتو منو المتعدية
الحجية: الله يحفظچ بنيتي
اجت اسراء وجايبة صينية اكل وياها وگالت
اسـراء: گومي يلا اكلي ولا تگولين ما اكل
سليل: هههه
الحجية: كومي لي غـاد واكلي يـلاا
سليل: صار
گمت وگعدت يم الصينية وبـديـت اكـل واسولف وياهم لحد ما كملت
وراها كمت وشلت الصينية ورحت للمطبخ خليتهم ع السنگ وبديت اغسلهم بين ما واگفة وانظف سمعت صوت واحد يگلي
- احم بس اريد مـي
انداريت شفت حسـام مارديت علي رحت طلعت بطل من الثلاجة وصبيتله بالگلاص وانطيته اخذه مني شربه وطلع واني رجعت اكمل الأمواعين
واني اعرف هو راد بس ديحچي لان هو مو من النوع الي يخلي احد يلبي طلباته خصوصًا هاي الأشياء البسيطة...
للليـل اسـراء گـامـت حـتى تسـوي العشا والحجيـة گاعدة تخابر بنتها رقية، ووگفت اني اساعد اسـراء چانت تسـوي برياني واني اسوي الزلاطة كملنا الأكـل ورحت خليت السفرة وخليت المي والخبـز والزلاطة واسـراء جابـت البرياني وراحت تصيـحهم شويه واجو كلهم التمو ع السفرة
وبدينا ناكل شويه وگال الشيـخ
شهم: انـي طـالـع على دهـوك بـاچـر
الحجية: ليش يمـا خـير
شهـم: عـندي شغـل هنـاك
الحجية: دير بالك على روحك يمـا
شهـم: ان شاء الله حجية
احـمد: شكد تتأخر
شهـم: يومين ثلاثـة بالچثيـر
الكـل: تـوصل بالسـلامة
شهـم: الله يسلمكم
كملنا اكل والشباب گاموا واني واسراء لمينا وغسلنا الأمواعين ورحـنا گعدنا بالصالة محد موجود كلهم بـرى بس اني واسراء والحجية گاعدين نسولف وامير يلعب بالتاب مالته شوية وحسام جا گعد يم الحجية وضلو يسولفون لأول مرة انتبه على حسام يضحك ويسولف طلع شقاچي واني عبالي عكضة اثاري بس وياي هيچ، فجأة رفع عينه واجت بعيني رفع تك حاجب بإستغراب من انتبه عليا چنت اباوع عليه توترت وبساع خليت راسي بالموبايل وسويت روحي اگلب بي وهو رجع يكمل سوالف... شوية ورادو چاي چانت دتگوم اسراء بس ما خليتها لان خطية حيل تعبت والشغل كله على راسها فرحت للمطبخ وبديت اسوي الچاي ووگفت ع السنگ اسقي النباتات الي صايرات بگحف ومستندات على الشباك، فجأة حسيت انجريت بقوة وانضرب ظهري بحافة الثلاجة رفعت عيني وشفت حسام بوجهي، خليت أيدي بعصبية على ظهري وگلت
سليل: شبييك؟؟؟؟
حسام بعصبية: شنوو ماا تشووفينن هذااا الوااگف مقاابيلچ!
استغربت من كلامه ومديت شوية راسي ع الشباك وشفت رجال واگف بالبلكونة الي مقابيلي بس ما شافني لان لازم بيده الموبايل، رجعت نظري لحسام وگلت
سليل: ترى ما شافني!
راح سد البردة مال الشباك بقوة وگال
حسام: تررى على غفلة يرفع راسو ويشوفچ ركززي زين
سليل بملل: لا اله الا الله
حسام بحدة: محمد رسول الله.
درت وجهي عنه وگمت اصب الچاي وطول ما اني بالمطبخ هو ضل واگف يمي وما يطلع اخر شي انداريت وگلت
سليل: ترى وترتنيي
حسام: ترى بكيفي، اذا انتِ ما تركزين اني موجود واركز
گلبت عيوني بملل شلت الصينية وقدمتها عليه حتى ياخذ استكانة، اخذ وحدة واني ورحت بساع وديت البقية وگعدت يلا هو أجا وگعد، وكل شوية انتبه علي يباوعلي بطارف عينه حتى لا اشوفه واگله تباوع، ضجت من الوضع واترخصت منهم وگلتلهم اني نعسانة واريد انام... وفعلًا طلعت لغرفتي وركض انمطلت ع الچرباية صح ما چنت نعسانة صدگ بس بقيت أگلب بالموبايل لحد ما تعبت ونمت.
رقـيـة"
گاعـدين نتـغدة وگـال اسـامـة
اسـامة: رقيـة خابرتي اهلچ على مود النقل
رقـية: ها اي وگالو هما عدهم معارف هين وراح يدزونهم
اسـامة: تمام حتى انقلچ هنا لان بـدو يداومون وماريد تفوتچ محاضرات
رقـية: ان شاء الله
كملنا اكل وگمنا اني ونـورا لمينا الأمواعين وغسلناهم والي عرفتو من نـورا اليـوم عمـو ابـو اسامة ينزل...
بعـد ما كملنا رحـنا گعـدنا بالهـول، گضبت جهازي وحاچيت امي مشتاگتلها چثيـر
ورا ما كملت من يم امي
صعدت على غرفتي حتى انام شويـه، عدصـعـد ع الـدرج ماحس الأ عثـرت وردت اوگع بس فجأة شخص گضبني وسحبني حتى لا اوگع رفعت راسي شفت اسـامـة جرني صعدني من على الدرج واني بعدني بحضنو، استحيت ووخرت عنو بساع وهوَ گال
اسـامـة: خوما تأذيتـي؟
رقـية: ها لالا، شكرًا
اسـامـة: العفـو انتبهي مرة ثانيـة
هزيت راسي بخجل وهوَ راح واني صعدت على غرفتي وارزل بروحي خررب يوللي رقية ماشففتي گداامچ مانتبهتيي شوون فششلة خرب حظظي خربب...
طلعتلي ملابس وفتت ع الحمام حتى اسبح بس للأسف المي الحار چان خلصان واني مستحيل اسبح بمي بارد حتى لو بالصيف هيچ طبيعتي... عاد گلت خلي اسبح بالحمام الثاني الي يم غرفة نورا، اخذت البرنص بعد ما اتأكدت من اسامة طلع من البيت وفتت سبحت... وبعد تقريبًا ساعة لبست البرنص حتى اطلع توني طلعت من الحمام وچان اشوف أسامة بوجهي فتحت عيوني على وسعها وهو ضل واگف متجمد فوگاها برنصي گصير فوك الركبة ولونو احمر، ارتبكت گمت معرف شسوي ونسيت وراي اكو حمام ركضت بساع على غرفتي وچان اتزحلگ بنص الطريق وانمطل على وجهي، من قوة الوگعة صرخت وهو جا ركض عليا ورفعني واني گوة اگوم
اسامة بخوف: على كيفچ يابا بس ارفعي نفسچ وگومي
رقية بدموع: رجلي تأذينييي
بدون اي كلام شالني گبل واتوجه على غرفتي، اني صفنت ونسيت حتى رجلي، حسيت وجهي صار طماطة وگلبي يريد يطلع من مكانو... فوتني ع الغرفة وخلاني على تختي وچان قريب مني لدرجة راسي صار برگبتو، وخر عني وگال هو ويلهث
اسامة: لتخاافيين ههسة تطيب
رقية بتساؤل: هيچ وزني زايد؟؟
اسامة: شنو؟
رقية: شوف من شلتني صرت تلهث من التعب حتى عرگت عبالك چنت شايل سيارة، انيي لاززم اسووي دايتت
هز راسو بيأس وگال
اسامة: لا مو وزنچ زايد اني روحي رايحة هالأيام مادري شبيه
بقيت ادحگ عليه بشك وهو گام يضحك وگال
اسامة: تگدرين تبدلين وحدچ لو اگعدلچ نورا تساعدچ
رقية: لا خطية عوفها نايمة اگدر ابدل اصلًا اشو هسة ما عتوجني حيل مثل اول ما وگعت
اسامة: اي رض بسيط اثر الوگعة لا اكثر
رقية: اي الحمدلله
اسامة: انتبهي على نفسچ مرة ثانية وعوفي هاي الركضة مالتچ لان انتِ حتى ركض ما تعرفين تركضين گبل على وجهچ
ضحكت على كلامو وهو ابتسم وطلع واني جريت ملابسي بدلت واتمددت... بقيت افكر بالموقف الي صار وصافنة، ابتسمت من اتذكرت شالني دفنت وجهي بالمخدة بقوة وصحت
- يماااااااااا شهالموووقف الحلووووو.
****
حسـام"
گاعـد بالديـوان والشيـوخ موجودة صايرة مشكلة بين عشيرتين وجايين يحلونها، شويه واندگ جهازي رفعتو شفت مكتوب حنين سديتو وخليت الجهاز بجيبي رجع دگ مرة ثانية وهم فصلتو وقفلت جهازي لحد ما خلصت الگعدة وتراضو الطرفين وكلمن راح لبيتو، طلعت برا فتحت جهازي وشفت كومة اتصالات من حنين بين ما طلعت رقمها حتى اتصل خابرت هي، فتحت الخط بساع وگلت
الـو
حنين: الـو حبيبي
حسـام: هـلا
حنين: شلونك
حسـام: زين
حنين : مشتاگتلك
حسـام ببرود: شتريدين حنين عندي شغل
حنين: الشغل اهم مني يعني
حسـام: حنين گولي شعندچ
حنين: ها هيچ صـارت
حسـام : شمسوي اني هسة، لا اله الا الله
حنين: حبيبي اسفة على الي صار اسفة والله بس من غيرتي عليك هيچي سويت اخاف لا تاخذك منـي
حسـام: لو مهما يصير، المفروض ما تسوين هيچ مشكلة تافها وتخليني اضربها
حنين: اسفة والله ماتنعاد
حسـام: ولسانچ الي صاير طويل وينرادلو گص وتجاوزچ عليا
حنين: اسفة يعمري والله من غيرتي وعصبيتي عبالي تحبها وماتريدني بعد وبعدين غير اني حبيبتك وعمرك يعني امون عليك مو حبيبي
حسـام: لا ما تمونين بهيچ شي ممنوع تتجاوزين حنين مو جاهل عندچ ماكو ميانة بالتجاوز، احترمي مرة ثانية ولا تعيديها
حنين: صار اسفة يروحي اسفة، سامحني وخلي نرجع مثل قبـل
حسـام: ماشي بس تگضبين لسانچ بعد وماريد مشاكل وي اي احد وسليل مالچ علاقة بيها ولا هي الها علاقة بيچ، لان هي اصلًا ما راح تندگ بيچ او تسوي مشكلة اعرفها
حنين: صار
حسـام: تمام
حنين: يعني هاهيه رضيت
حسـام: اي حبيبي هاهيـه
حنين: احبك
حسـام: وانـي هم گلبي، يلا هسـة رايح عنـدي شغل بعدين احاجيچ
حنين: ماشي حبيبي باي
حسـام: باي
سديتو من حنين وگلت ويا نفسي، اعرف بيچ مو من الي يحبن المشاكل والقال والقيل واعرف گلبچ طيب وراح تبتعدين عن المشاكل مثل ما گلتي، بس حقچ ماكو وحدة تتحمل الي اتحملتي، والغلط كلو مني وگعت روحي بمشكلة ما اگدر اطلع منها.
بهاللحظة انداريت شفت شهم گتلو
ها شوكت تروح لـدهوك
شهم: باچر ان شاء الله
حسـام: تروح وترجع بالسلامة
شهم: الله يسلمك حبيبي
حسـام: يلا طالع اني
شهم: دير بالك على روحك
حسـام: ان شاء الله
طلعت وگفت يم مرتضـى شويه ورحنا للكوفي لان باچر راح نلتحق فـگلنا نطلع نتونس شويه ورانا حبسة بالمركز عدنا شغل جثـير غـاد.
مـرتضـى"
گعـدت الصـبح على صوت المنبه طفيته وگمـت سبحت وبدلت، خليت عطر وگعدت على الچرباية حتى البس الحذاء، لبسته ونزلت جـوا شفـت امي وميمـونة گـاعـدات يتريگون صبحت عليهم وگلت لأمي تصبلي چـاي
شربته وگلت لـميمـونة
- ميمـونة كملي حتى اوصلچ بطريقي
ميمـونة: ليـش ابـو الخـط شبي
مـرتضـى: اني اوصلچ منا وجـاي ميحتاج خـط لان على طريقي
ميمـونة بخبث: امممم على طرييقك موو
اتقربت عليها وهمست
مرتضى: تسكتين لو ارگع راسچ بطاوة البيض
ميمـونة: سكتنا عيني سكتنا
ام مرتضى: شبيـكم
مـرتضـى: ماكو شي يما سلامتچ... يلا كملتي ميمونة
ميمـونة: اي يـلا
گامت ميمونة ورحنا صعدنا بالسيارة، حركت ومشيت بأتجاه المدرسة
شويه وسألت ميمونة
مـرتضـى: اگلچ ميمونة
ميـمونة: گول
مـرتضـى: هاي الي اسمها كاندي بعمرچ؟
ميمـونة: شنوو خليت عينك عليها
مـرتضـى: وحق الله ميمونة اذا وصلتي حچاية لأمي اكسر راسچ
ميمـونة: اي عيني اي لا تخاف سرك ببيـر
مـرتضـى: خوفچ لا البير يطلع مزروف
ميمـونة : هههه لا لا تخاف
مـرتضـى: ماجاوبتيني
ميمـونة: اي بعمـري 17
مـرتضـى: اممم... ميمـونة هاي السنة انتِ سادس فيا خيتي خلي عقلچ براسچ لا بغير مكان اكيد فهمتيني، وادرسي زين حتى تطلعين معدل حلو وكلية زينة
ميمـونة: اي ان شاء الله
مـرتضـى: يـلا انزلي خلصت فلوسـچ
ميمـونة: باي
مـرتضـى: الله وياچ
نزلت ميمـونة وباوعت شفت كاندي نازلة من سيارة هي وبنتين وياها اعتقد هذا ابو الخط مالتها، ارتچيت على الستيرن وبقيت اباوعلها واتأمل بيها لحد ماطبت للمدرسة ابتسمت وشغلت السيارة، مشيت على شغلي الي هنا اشوفه لان باچر التحق وماگدر اجي اچيك على الوضع لحد ماانزل طبعًا شغلي الي هنا عبارة عن محلات النا، فكل يوم من اكون متواجد لازم اجي واشوف شيحتاجون، ومن اكون ملتحق ابويا يجي بمكاني وهيچ.
****
شـهـم"
گعدت من الصبح سبحت وطلعت مشطت شعري ورحت لبست ملابسي الي حظرتهم البارحة، وراها لبست الحذاء وشلت الجنطة الي بيها أغراضي ونزلت شفتهم گاعدين يتريگون سلمت عليهم
وودعت الكل لان راح اضل كم يوم هنـاك والطريق طويل ما معلوم اموت اعيش طلعت وصعدت بسيارتي ومشيت على دهوك...
من بعد مادري چم ساعة وصلت وچنت تعبان حيل رمشت عيني وطولت شويه وماحس الا صوت ضربة بالسيارة فتحت عيني بساع واشوف روحي ضارب بنية شلون و شـنو الصـار ماعـرف نزلت بسرعـة اشوفها لگيت البنيـة تبچي وعيونها حمرر
شهـم: شبيچ ابويه خوما اتأذيتيي
- ايديييييي
شهـم: اسـف والله بالغلط ضربتچ مو بقصدي
اتقدمت عليها وگلت اشو شبيها ايدچ شوفيني
- ايـدي توجعنييي
شهم: گومي ابويه گومي اخذچ للمستشفى
- مااجيي عوفنني
شهـم: يـا بنـت الحـلال گوميي اخذچ للمستشفى نشوف ايدچ شبيها
- انتت شعلييك بيـا عوفني وروح
شهـم: شنـو شعلية يـول غيـر اني ضربـتچ بالغلط ولازم اصلح غلطي گومي للمستشفى وداعت امي ماسويلچ شي لا تخافين انتِ حالچ حال اختي
- ماريدد وخر عن خلقتي
شهم بعصبيـة: گـاعـد اكولل امشيي ماا تفتهمين انتِ؟
الاصيحت عليها يلا گامت وصعدت بالسيارة اخذتها للمستشفى وسوولها اشعة وطلـع عدها فـطر بايدها گلتلهم يجبسون ايـدها، وهي من عرفت گامت تبچي اكثـر هديتها شويه وگلت للدكتور يبلش
بـدأ الدكتور يجبس ايدها وهي خبصت الدنيا وماتنطي مجال چنها جاهل هم لو مجبسين ايد امير ابن اخوي ما يسوي هيچ صحت على ممرضة تگضبها لان ما يصير اگرب صوبها، وهي ما قصرت ربطتها ربط وجبسولها ايدها بالگـوة.
بعد ما خلصو جيت عليها وگلتلها...
شهـم: ما صـار شي شفتي هوه تجبير دقايق ويخلصون ميحتاج هيچ تسوين وتفضحينا
- مايخصك و الدموع بعدها بعينها
شهـم بنفاذ صبـر: لا اله الأ الله
سئلتـها على عنـوان اهلها و دلتنـي علـيه
رحت وديـتها لبيـت اهلهـا نزلت هي ونزلت وياها دگيت البـاب طلعلي رجـال چبير بالعمـر عرفتو ابوها هوَ شافها انصدم وضل يسألها شبيچ
عـاد حچيتلو السالفة كلها واعتذرت منـو وفهمتو انـو بالغلط ضربتها، وگتلو شتطلب اني خادمكم بس هـوَ طلع خوش رجـال وگالي الي صار قضاء وقدر واتشكرني لان جبرت ايدها وگتلـه لا هـذا واجبـي اترخصت منهم ودرت وجهي وصعدت بالسيارة شغلتها ورجعت اكمل طريقي.
رغبة ملوثة
"سليل"
بقلم: دَلال عِماد.
****
"سليل"
مـرت الأيـام طبيعيـة وحسـام ملتحق صارلـه فتـرة وبـاچر يـرجـع واهلـي دزو اوراق نقلـي والشيـخ شهـم نقلني على الأنبـار وبـاچـر ابـدي اداوم، وطبعًا دزو اوراق رقيـة لبـغـداد حتى ينقلوهـا هنـاك والبـارحة خطية اسـراء اخـذتني للسـوك واشترتلي ملابس واحتياجات المـدرسـة كـلش فرحت بيـهم واتشـكرت منها ومن زوجهـا احمـد لان على حسـابه
مـر اليـوم طبيعي وروتيـن عـادي من ناحية تنظيف وطبخ كمـلنا كـلشي وصـارت الدنيـا ليـل وكلـمن راح لغرفته واني وقتت جهازي ع الساعة 6 ونـص حتى اگعد ونمـت متحمسة للدوام مثل اي طالب من بعد عطلة طويلة وتجي المدرسة بأول يومين يتحمس وبعدين يگضيها بچي ولطـم...
گـعـدت ثاني يـوم على صـوت المنبه يـدگ انزعجت كلش من صـوته يالله بعـدني بـأول يـوم ومليـت لعد وين راح حماس البارحة هفف
گمت غسـلت وبـدلت ومشطت شعري ورفعته ذيـل حصـان وگعدت على الچرباية لبست حذائي وشلت جنطي ونزلت شـفت اسـراء والحجيـة واحمـد گاعدين ابتسمت وگلتلهم
سليل بأبتسامة: صبـاح الخيـر
ردولي الأبتسامة وگالو...
- يـا صبـاح النـور
الحجـية: تعاي يما اتريگي تعاي
گعدت يمهم واسراء صبتلي چـاي
اكلت شويه وشبعت گام احمـد ديروح وگالي
احمـد: امشـي سليل اوصلچ بطريقي
سليل: ماشي
شلت جنطتي وگلتلهم مع السلامة وردولي...
طلعت ويا احمد صعدنا بالسيارة ووصلني للمـدرسة اتشكرت منـه ونزلت طبيت بهدوء للمـدرسة واني امشي ببطئ واباوع للمدرسة والطالبات
تجـربة جـديدة بحيـاتـي الجديدة
ومدرسـة من محافظـة اول مـرة ازورها
واوجـه اول مـرة اشـوفها
چنت خايفة ومتوترة نوعـًا ما لان حياة مختلفة ولهجة جديدة اشـوف كل بنيـة واگفة وي صديقتها ويضحكون ويشاقـون بس اني وحدي اشتاقيت لصـديقاتـي ولحيـاتي القـديمة... ابتسمت بحزن وگلت الحمدلله على كل حال
طبيت للأدارة وحچيت وي المـديرة ودلتني على شعبتي الي هي شعبة ج رحت على الشعبـة مالتي دگيـت البـاب وفتحته شافتني المـدرسة گالت
المدرسة: نعم بنتي اتفضلي
سليل: ست اني طالبة جديدة واليـوم داومت
المدرسة: ها اهلًا بيـچ بنتي فوتي
طبيت وباوعت الصف مليان وين اگعد صاحتلي بنيـة وگالتلي تعاي يمي ماكـو احـد رحت گعدت يمها والمدرسة گالتلي
المدرسة: شنو اسمچ
سليل: اسمي سليل
المدرسة: خوش سليل عود اخذي الدروس الي فاتتچ من زميلتچ ميمونة
چانت تأشر على البنيـة الي گاعدة بصفي
طلع اسمها ميمونة
گلتلها تمام ست وهي رجعت تكمل شرح واني مثل الأطرش بالزفة، بعد فترة دگ الجرس
والمدرسة طلعت والبنية الگاعدة يمي گالتلي
- هـلاوو
سليل: هلوات
ميمـونة: اني اسمي ميمونة
سليـل بأبتسامة: عاشت الأسامي گلبي
ميمونة: عمري تسلمين
واسمچ حلو
سليل: هههه عيونچ الحلوه
مدتلي ايدها وگالت
ميمونة: نكون صديقات؟
سليل: ليش لا
بهالأثنـاء اجـت المـدرسـة
وگفنا قيام وهمست لميمونة
- بعدين نكمل التعارف
ميمونة بهمس: تمام ههه
كملنا درس ورى درس لحد ما دگ
الجـرس للفرسة، طلعنا اني وميمونة وگفنا بالساحة ونحچي، اتعرفنا على بعض وصرنا صديقات والصدمة، انو طلعت اخت صديق حسام واقترحت عليا انو اروح وياها واخوها يوصلنا بس رفضت لان
عيب شسالفة والبنية توني تعرفت عليها
شويه وسمعنا صوت الجرس وطبينا للصف وكملنا الدروس كلها لحد ما خلص الدوام وطلعت شفت احمـد ينتضرني، رحت صعدت بالسيارة وگلت
سليل: السلام عليكم
احمد: وعليكم السلام
سليل: اسفة داتعبك وياي كلش
احمد: گولي يالله يمعودة انتِ هم
اختي حالچ حال رقية
سليل بأبتسامة: تسلم الله يحفظك
ردلي الأبتسامة وشغل السيارة ومشى
شويه ووصلنا البيت نزلت وطبيت للبيت
شافتني اسـراء وگالت
اسراء: يا هلا
سليل: هلا بيچ
اسراء: يلا فوتي غسلي وبدلي حتى تتغدين
سليل: تمام
رحت صعدت لغرفتي غسلت وبدلت ونزلت
چانت اسراء جاي تخلي الأكل
رحت ساعدتها وصحت الكل على الأكل
اجو وگعدنا ناكل وسألتني الحجية
الحجية: شلون چان دوامچ يما
سليل: الحمدلله زين
الحجية: الحمدلله
شهم: اي شي تحتاجي سليل گولي لا تستحين
سليل: تسلم شيخ ماتقصر
احمد: اليوم يرجع حسام غير
شهم: اي اليوم ان شاء الله
كملنا اكل والكل گام بقينا اني واسراء
ننظف ونغسل الأمواعين
خليت الچاي على النار ووگفت ساعدت اسراء
بالأمواعين لحد ماصار
غسلت ايدي ورحت صبيته بالأستكاين
ووديتلهم
بعدين رجعت اكمل تتظيف وي اسراء
نص ساعة وكملنا كلشي
غسلت وصعدت لغرفتي
طلعت كتبي وبديت احظر بالواجبات
الي انطونا هما وميمونة گالتلي على الأشياء
الفاتتني واخذت حسابي وگالت تدزهم الي ع التلي
شويه ووصلتني رسالة على التلي فتحتها
شفت كومة محاضرات
عرفت هاي ميمونة كتبتلها
- حيل كل هذا فاتتي
ميمونة: اي چـا شعبالچ يركضون بينا ركض
سليل: لهجتچ مو انبارية انتِ من وين
ميمونة: اني من الديوانية بس عايشة بالأنبار
سليل: اها صدك
ميمونة: اي والله بس شنو يعني بقينا على لهجتنا
ماغيرناها بس اخويا عندچ يحجي مشكل
جنوبي على انباري على بغدادي حسب المكان المتواجد بيها
سليل: ههههه خطية
ميمونة: اي اي ولچ تعاي صدك انتِ هم حجيچ
مو انباري
سليل: ها لا بس اني يعجبني احچي بغدادي
ميمونة: اها صدك
سليل: اي
.. ماحبيت احچيلها شي لان اول شي البنية ماعرفها توني اتعرفت عليها وثاني شي اخوها يصير صديق حسام ويمكن اهل حسام مايريدون احد يعرف بالي صار ففضلت انو ماحچي شي
سديته من ميمونة ورحت حتى اكمل درس
لان فاتني هوواي ومادري شون راح الحگ واني هاي السنة سادس
****
رقـيـة"
مرت الأيام جدًا عادية واهلي دزو اوراق
نقلي واسامة نقلني على جامعة بغداد
وباچر ابدي اداوم ان شاء الله
وگالي هوَ راح يوديني ويجيبني
چنا گاعدين ونورا گالت
نورا: خلي نطلع والقرأن ضايجة
ايات: وين تطلعين
نورا: نفتر او لمول لمطعم اي شي
ايات: گعدي راحة شيطلعنا
نورا: يووم والله ضايجين وحتى رقية
هم خطية من اجت لهسة ما طلعت
مو بالله رقية خطية لا شافت بغداد
نورا: يووم والله ضايجين وحتى رقية
هم خطية من اجت لهسة ما طلعت
مو بالله رقية خطية لا شافت بغداد لا شي
رقـية: ها لا عادي يمعودة
ايات: اسامة طلعهم خطية
اسامة: ماشي بس اذا طولتو بالتبديل
اغير رائيي
نورا: اي اي يلا رقية
گمنا اني ونورا خرب يومها
خلت السالفة براسي
طلعنا بدلنا اني لبست فستان گصير جوى الركبة عسلي ومنقوش بدوائر بنية وجواه
كالون شفاف ولبست كعب عسلي
وشال لونو قريب على لون الفستان
كملت وطلعت شفت نور لابسة جينز
وتيشيرت اسود وفاتحة شعرها
حيل حلوه طالعة گتلها
- طالعة كيكة يولي
نورا بابتسامة: والله مو مثلچ طالعة عسل
انتِ والعسلي
رقـية: ضحكنا ثنينا ونزلنا شافنا اسامة
دحگ عليا من فوگ لجوى بعدم رضى ورجع گال
اسامة: ها كملتو
رقية ونور: اي
اسامة: يلا
طلعنا من البيت وصعدنا بالسيارة
شوية واسامة گال
- وين تريدون تروحون
نورا: للمول
اسامة: وانتِ رقية
رقية: بكيفكم اي مكان عادي
أسامة: تمام
شغل السيارة ومشى والطريق چان حلو، حلوه بغداد وشوارعها تجنن هاي اول مرة ازورها... من بعد ربع ساعة تقريبًا وصلنا للمول
ونزلنا فتنا للمول وبدينا نفتر ونورا تمشينا من محل لمحل ومابقى شي ما شترتو اسامة دحگ عليا وگال
اسامة: وانتِ ليش ما تشترين شي
رقـية بخجل: ها ماحتاج شي عندي كلشي
اسامة: يعني هسة نورا محتاجة مثلًا؟
دشتري يمعودة حالچ حال نورا... ترى هاي بطرانة اشترت المول كله
وتريد بعد انتِ هم اتبطري مثلها
رقـية: هههه
نورا: لتخاف اسامة لتخاف شما اشتري لروحي
اشتري لرقية هم
اسامة: اي عفية
رقـية: لا والله ممحتاجة شي
اسامة: معليج بيها نورا اشتري
خجلوني حيل بكرمهم يعني هاي العائلة حيل حيل ناس اوادم ومؤدبين وكريمين وعينهم فضية ابد ماعدهم، سالفة حقد او شي لا سبورتية ويحبون الكل واني فعلًا الله يحبني وجابني الهم الف الحمدلله
بعد ما كملت نورا مشتريات اسامة اخذنا ورحنا
للطابق الي فوگ حتى نتعشا
گعدنا واسامة طلب النا اكل وگعدنا ننتظر الأكل
بس چنت ممرتاحة بگعدتي لان اكو شباب ثنين
ينرگلون وعينهم عليا وعلى نورا ويتشاورون
ويضحكون
اسامة حس عليا ممرتاحة وادحگ لي غاد
اندار وراه وشاف هذولة الثنين خزرهم وگلي
تعاي كعدي بمكاني
گام هوَ وهما كبل نزلو عينهم سوو روحهم يگلبون
بالجهاز وجا گعد بمكاني واني گعدت بمكانو
بقت عينو عليهم ويخزر بيهم لحد ما گامو
ووراحو اووف ارتاحيت نفسيًا وحتى شهيتي
للأكل انفتحت وصل الأكل وبدينا ناكل
ونورا نزلت حدر تگول تتكاون مو تاكل
كملنا اكل هم واسامة حاسب وگاللنا
اسامة: ها ترجعون
رقية ونورا: اي تعبنا
اسامة: تمام
گمنا طلعنا من المول ورحنا صعدنا
بالسيارة... اسامة حرك واتوجه للبيت
واحنا من التعب نمنا بالسيارة ومحسينا
على روحنا الا واسامة يگعد بينا ويگول
اسامة: گومن يمعودات نامن جوى
گمنا وگوه نمشي فتنا للبيت وحتى ماسلمنا
بوجهنا للغرفة واني من التعب نمت بدون حتى مابدل
حـســام"
من بعد ماكملت شغلي وصار وكت نزولي رجعت من الدوام... اني وبالطريق موبايلي دگ رفعتو داشوف منو لگيتها حنين فصلتو لان بالطريق رجعت خابرت جاوبت
وگلت
- الو
حنين: هلوو حبيبي
حسـام: هلا حبيبي
حنين: حبيبي طلب
حسـام: گولي
حنين: اريد اجي اعتذر من خالة وسليل و افهمهم سويت هيچ بسبب حبي الك وغيرتي عليك
حسـام: تمام اني حاليًا فتت للأنبار اتجهزي اخذچ بطريقي
حنيـن: انتظرك
غيرت طريقي واتوجهت لبيت حنين حتى اجيبها ربع ساعة وخابرتها گلتلها اني وصلت اطلعي شويه واجت صعدت يمي باستني وگالت
حنين: شلونك حبيبي اشتاقيتلك
حسام: الحمدلله وانتِ شلونچ عمري، واني هم مشتاقلچ
حنين: الحمدلله
حسام: حنين دير بالچ تسوين مشكلة او شي
انتِ جايه تعتذرين و بس تمامم
حنين: ادري حبيبي لا توصي حريص
حسام: اي ان شاء الله خير
حركت السيارة ورحت للبيت فترة ووصلنا
نزلنا ثنينا دگيت الباب وامير فتح الباب شلتو
وبستو وراها فتنا للبيت امي اجت عليا دتسلم
شافت حنين گلبت وجها بساع واجت باستني
وسليل شافتنا وراحت للمطبخ
حسام: يما حنين اليوم جايه حتى تعتذر منكم مو حنين
حنين: اي والله خالة اني حيل اسفة ماقصدي
اسوي هيچ بس والله من غيرتي على حسام
يعني بين يوم وليلة تجي وحدة ماعرفها
تاخذ حبيبي مني شون تريدين ردت فعلي تكون
الحجية: امي لو مهما يكون مايصير هيچ تسوين
بالبنية روحي اعتذري من سليل واذا سامحتچ سليل
