رواية غرفة العمليات الفصل الرابع عشر بقلم جمانه السعيدي
اسيل...دخلت للبيت وانطيت الفلوس البابا
بابا...شنو هاي هاي ١٠٠ دولار
اسيل...هاي اجتني كراميه من العريس
امي...يالله ياكريم
بابا... لا اخذيهن اشتري ملابس جديده انتي من ايام العرس ماشتيرتي ملابس جديده
اسيل....لا مااخذهن انت وماما اشترو ملابس جديده
واني راح اجمع فلوس وادزكم للعمره
امي...الله يحفظج ويبارك بيج يارب
اسيل...اصعد انام لان تعبانه
صعدت الغرفتي اجتني رساله فتحته لكيته جايه من ثامر
دازلي صورتي الي اخذها اليه واني حافيه
كاتب جواها قمر انتي قمر
بدلت ملابسي وتمددت
مااعرف اجاوب ويااا اني بعدني ماطلعت من صدمة عرسي
وثامر اكبر مني ١٨ سنه
صحيح هو طيب وحنين انسان راقي
يهتم بيه بس اني بعدني ما تعافيت من جرحي
مااريد اقرر بسرعه وازوج خاف اتندم
اريد اركز على شغلي اريد يكون عندي مكان خاص بيه
اشتغل ويكون الي اسمي
والوقت كفيل يكشف معدن ثامر
البشر ماتكدر اتثمنا اله اجربه وتعاشره
اريد اعوف كلشي للزمن هو كفيل يحل هاي الشغله
جمانه السعيدي
ثاني يوم كعدت الصبح حضرت الاكل الي راح أخذا وياي
بدلت لبست بنطرون وستره اسود
وقميص اصفر حجاب اسود جنطه وحذاء ابيض
نزلت حتى اكعد بابا نتريك ونطلع
اسيل...بابا هااا اليوم نايم ووين النشاط
بابا...اليوم احس نفسي شويه تعبان
اسيل...خيرك ليش تعبان نروح للمستشفى
بابا...لا مايحتاج شوية تعب بس لان امس بقيت كل النهار كاعد على الكرسي ومافردت ضهري
اسيل...اني اليوم مااروح راح ابدل ملابس واجي افرك رجليك
بابا...لا روحي زحمه ثامر وحدا واني اذا شفت نفسي زين
اجي وراج بعد الضهر
اسيل...لا مااروح ابقى بقلق عليك
بابا...لا تخليني اروح واني تعبان روحي شوفي شغلج
واني اذا صرت احسن اجي وراج
اخذت الاكل وطلعت اجرت تكسي ورحت للاستوديو
ثامر...صباح الخير وين ابوج
اسيل...اليوم تعبان البارحه رحنا للعرس وبقى طول النهار كاعد على الكرسي
وهاي االكعده موزينه علي
ثامر...خل يكعد بلبيت اذا تعبان اني وياج نمشي الشغل
اسيل... مستحيل يقبل اني اعرفه زين يحب الشغل مثل عيونه
ثامر...خير انشاء الله خل اتصل اطمن علي
اتصل ثامر سلم على بابا وطمن علي
اسيل...دخلت كعدنا شويه واجن بنات يصورن
اجا تليفون الثامر
ثامر...اي اجيت
اسيل....صاح عليه شويه واجي
كملت تصوير والبنات طلعن تقريبا نص ساعه ورجع
وويا ابنه يخبل ابيض وشعرا اشكر سرح نازل على عيونه
شكله كلش حلو ملابسه حيل مرتبه لابس ساعه ومحبس
ثامر...تعال بابا اعرفج حمودي
اسيل...تفاجئت بي وكفت هلو حمودي
راسا اجاني وحضني
حمودي....ااااننني حمودي
اسيل...واني اسيل
حمودي...انتي حلوه
اسيل...انت حلو تخبل كرصته من خده
كعدت على المكتب وهو كعد بصفي
حمودي...اااني اعررف على الحاثبه ( الحاسبه )
اسيل...شتعرف
حمودي...اعرف اكتب واعرف إقرا
اسيل...عفيه اكتب اسمك
راسا كتب اسمه الثلاثي ويعرف يكتب اي شي
ويعرف يحسب ويجمع الأرقام
ماشاء الله ذكي وشاطر
ثامر...هو داخل مدرسه خاصه كلشي يعرف
اسيل...اي ولله ذكي وحلو ماشاء الله
ثامر...اليوم امه عدها طلعه وهو مايقبل يروح وياها
اليوم جمعه ماعندا دوام
اتصلت حتى اخذا
اسيل. .هله بي نور المكان بوجودك حمودي
كعد حمودي يلعب بلحاسبه
جمانه السعيدي
ثامر...اني منتضر
اسيل...شنو
ثامر...تحجيلي هذا منو
اسيل...الصراحه اني اريد انسى هاي القصه او احاول اتناسها بس البارحه من شفته رجعت كل الجروح انفتحت
ثامر...تحبي
اسيل....مو شغلت احبه بس اني اتعرضت الاكبر مصيبه بحياتي وهو ماقبل يسمعني ولا ينطيني مجال ادافع عن نفسي
ثامر...شلون
اسيل....الشغله محرجه ومااعرف منيبن ابدي
ثامر...منيين ماتحبين ابدي
اسيل...هذا الي شفته البارحه هو طليقي
ثامر...طليقج
اسيل...اي طلكني ليله زواجي
ثامر....لا ياحيوان
اسيل...مو بس هو حيوان اكو واحد كان السبب بهذاه لطلاك حيوان اكثر منه
هسه راح احجيلك كلشي صار وياي بس اريد اطلب منك طلب هاي اخر مره تسئلني على هذا الموضوع
لان مااريد اذكر اي شي يخص هاي الشغله اريد انساها
نهائيا ومااربد اي شي يذكرني بيها
جمانه السعيدي
اسمعني بديت احجيله كلشي صار وياي وسبب انتقالنا
الهاي المنطقه وسبب الجلطه الي وكعت بابا وحرمته من الشغل
ثامر....لا ياحيوان يانذل صدك جذب شلون كدر يدبر هاي المصيبه شلون قرب عليج بشرفي لو اني اله اذبحه خلاص حتلو ادخل السجن
اسيل....المشكله مااكتفا بهاي المصيبه وطلاكي بسببه
وابوي الي انجلط رجع يهددني بلصور
لو اعتدي عليج مره ثانيه وثالثه لو انشر الصور
بس اني ماسكتت بلغت بابا وبابا قدم بي بلاغ وكمشو
اليوم الي رحت حتى التقي بي باتفاق ويااا الشرطه
حتى تكمشه صدك من اذكر ذني الحظات رجليه يوجعني ومااكدر اوكف على حيلي
خفت بشكل مو معقول
ثامر...الله ينتقم منه اني منج اطعن بلحكم اله خمسين سنه يله اقبل
اسيل...لو يسجنونه مية سنه لو الف اني بعد ضاع مني
شرفي وسمعتي وابوي الي كلما اشوفه اموت الف مره
وبيتنا الي عفنا
جمانه السعيدي
ثامر....والبارحة شيريد منج ماهر يركض وراج
اسيل...يكول مالكيت مثلج ويريد يعتذر
ثامر...اي اعتذار مامقبول بعد مامد ايده عليج لا تقبلين اي اعتذار
اسيل....هاي صفحه ونطوت وبعد مااريد احجي بيها مره ثانيه ابد
ثامر...انتي قويه
اسيل...هاي القوه من رب العالمين ولا اذا وحده غيري تمر عليه هاي المصيبه شلون تتحمل يتهمونها بشرفها بليلة عرسها وتنضرب وتنهان وترجع البيت اهله
محد يكدر يتحمل كمية الصدمات هاي
ثامر....هاي الصدمه قوتج اكثر وخلقت منج انسانه جديده واعيه وفاهمه للدنيا صح
اسيل...الحمد لله على كل حال
يله نتغدا احنا وحمودي
خليت الاكل وحمودي كل شويه وكال الله الاكل طيب
اسيل.. اني عازمتكم على العشى ببتنا
ثامر...عشى هم فوك الغدا كل يوم جايبته وتطبخين وتعبانه النوب عشى
اسيل...اريد اهلي يشوفون حمودي
حمودي....اروح اااني ااروح
اسيل... خلاص حمودي قرر يروح
كملنا اكل وحمودي شاور ابو
اسيل... للضحك سمعتك حمودي
ثامر...تعرفين شيكول
حمودي....لا لا عيب
ثامر...لا راح اكول وافضحك اسرارك حمودي يكول عليج حلوه ويكول هااا حمودي احجي
راسا حمودي غمض عيونه وخلا ادي على وجهه
اسيل. .. يااا تستحي
ثامر...حمودي يكول احبها
اسيل....اني هم احبك هووواي
اتصلت اطمنت على بابا وثامر حجا وياا بس كال مااكدر اجي بليل وصلني ثامر هو وحمودي واني عزمتهم على العشى صممت يدخلون وياي للبيت
خواتي فرحن من شافن حمودي لان هو حلو ومحبوب
اصلا الي مثل حمودي يسموهم متلازمة المحبه
لان يكونون محبوبين
كملنا عشى وشربنا جاي الاجواء كانت كلش حلوه
والكعده تخبل
بعدين اخذتلهم صوره جماعيه اهلي وثامر وحمودي
ويانه
من بعدها بابا ماكدر يجي للاستديو كل يوم
بس الايام الي يكون عدنا تصوير خارج الاستوديو
اذا حفله او مناسبه بابا يجي يكعد بمكانا بلاستوديو
واحنا نطلع نكمل شغلنا برا
جمانه السعيدي
بعد اسبوعين من شوفتي الماهر كنت كاعده عندي شغل ارتبه وثامر طلع يشتري شغلات خاصه بلتصوير
مدنكه وسمعت مساء الخير شلونج اسيل
رفعت راسي ماهر
اسيل.. اهلا نزلت حواجبي مستغربه من وجوده
ماهر...اريد احجي وياج
اسيل....اذا بخصوص الشغل تريد تحجز تصوير ماكو مانع تفضل
واذا تريد تحجي بلموضوع القديم تفضل اطلع
ماهر....بس اريدج تسمعيني بس هلمره
اسيل...ماهر
ماهر... بس هلمره
اسيل. هذا مكان عملي مو كوفي حتى نكعد نحجي
مشاكلنا العائليه
ماهر.. تقبلين اعزمج على كوفي
اسيل...أما انت امرك عجيب
ماهر....اذا ماتسمعيني مراح اعوفج
اسيل .تفضل شتريد
ماهر... من تقدملج لكيت بيج كل المواصفات الي ابالي
مثل مااريد واحسن
كنت اكثر من فرحان ومامصدك نفسي
كل يوم احسد نفسي عليج واكول اني شكد محضوض
بس من قريت الرسائل ليلة عرسنا تخبلت انجنيت كمت مااشوف بعيوني ماكو كدامي غير صورتي واني مغفل
وانتي اضحكين عليه
من الدكتوره اكدت انتي مو بنيه اتهسترت بلزايد
بعد الطلاك عشت كابوس وفقدت ثقتي بكل الناس
تعرفين اكثر وحده عرفتج على حقيقتج منو
امي من يوم انفصلنا لليوم وهي كل يوم تكول مستحيل
اسيل تسوي هيج شي
واني كنت اكول يمكن اني غلطان
لان اني اختبرتج اكثر من مره وعرفت انتي شنو
كلما اشوف وحده واحاول اتقدملها عقلي تلقائيا يقارنها بيج مثل الي عندا صوره اصليه
ويقارنها باقي الصور التقليد
اسيل...المطلوب مني شنو اني مسامحتك روح شوف حياتك واني هم اريد اشوف حياتي
ماهر....اني اسف
اسيل.. اسفك مقبول
ماهر...اريد اطلب ايدج من جديد توافقين
راسا اجا صوت ثامر من ورانا صوت عالي وعصبي
ثامر ...اكيد لا طلبك مرفوض
شكرا لزيارتكم عالم روايات سكيرهوم
