رواية عشق الضابط الفصل الثالث عشر بقلم زينب نور
صياح محمد خله الكل يهدأ ويسكت محمد كال ل جعفر
- اخذ مرتك و تفاهموا !
تقرب جعفر وكمش أيدها وأخذها صعدو لغرفتهم و البقيه شوي شوي طشو حتى محمد راح ومبين عصبي من الهوسه الي صارت .
شويه صعدت اله ل غرفته لكيته مغمض عينه ونايم ع الفراش يفرك ب راسه من حس بوجودي فتح عيونه
- هلا يبعد حيلي .
اني تقربت صعدت الچربايه خليت راسه ع رجلي و سويت مساج ل رأسه وهو من ملامح وجهه بين شوي ارتاح .
كمش ايدي وقربهم باسهم
- اروح فدوه لهل ايدي الحلوة .
اني ضحكت و كملت مساج .
شوي وشفته غفه ع رجلي اني تحركت ع كيف وخليت مخده جوه راسه وطلعت من الغرفه .
جاي انزل جوه لغرفة الضيوف دخلت لكيت ميس كاعدة ومنصدمة وصافنة وكفت يمها الوح ب ايدي يم وجها بضحك
- صافن الحلو ؟
جان هي بعدهي صافنة وكالت الي
- حمزه طلب ايدي !
- هاااا !!!
باوعت وهي تروح وتجي اني كعدت وحاولت اركز
- شوكت هو اليوم شافچ ؟
- ما ادري ، كلي اول مرة شفتچ عجبتيني واني ما أحب الف و الدوران اني رجال مباشر واريد اتقدملچ !
- وانتي شنو كلتي اله ؟؟
- كلت اله اني ما اعرفك ولا عندي اي شي تجاهك .
- وشكال بس لا صار عصبي ؟
- لا بقه هادئ ويكلي لهذا السبب سوو الخطوبة علمود واحد يتعرف ع الثاني !
بقيت صافنة عليها وهي مبينه متوترة ف كلت الها
- و شنو اخر شي كلتي اله ؟
- جان رافض فكرة أن ارفضه ف طلعت منها ب حجة اريد وقت افكر ، وكلي ع راحتچ بس قبل لا ترجعون ل بيتكم اريد جواب !
- هذا شبي مستعجل !
- ما ادري نرجس وما اعرف شسوي خايفه ولله !
- ع شنو تخافين ! اخذي وقتچ واذ ما قررتي منها لحد من نرجع كولي اله هذا زواج مو لعبة اريد افكر ع راحتي !
- خاب زين اذ اكله بعدني ممفكرة ولچ يخوف ولله هدوئه اغلب الكلام يخليچ متوترة !
- تريدني اروح ل محمد اكله ؟
- اي عفيه بلكت كايل ل اخوه ، بس اريد اعرف ليش اليوم شافني و اليوم طلب ايدي !
- هاهي هسه محمد نايم و يجوز بعده ما كايل اله ف بليل اخابره ل اروح اله !.
- اي عفيه .
چنه نحجي ودخلت نبأ و مبينه هادئة شوي جان كعدنا يمها
- ها شصار ؟
- برر الي السالفة و خلاص هاهي انحلت المشكلة .
- الحمدالله زين شنو الي صار من البداية ؟
- صاحبه عنده خط مال جامعة وفد يوم راح وياه لأن يريد يوصل ل مكان وصاحبه كله اخذك بطريقي و بنيه من الخط حاطه عينها علي !
جان ميس كالت
- ايع شهل نفسيات ؟!
- المهم ماخذه حساب الانستا مالته من صاحبه ، و اني فاتحه حسابات الانستا يمي ف اجت رسالة " شلونك حبيبي ، عرفتني ؟"
واني كبل اتعاركت !
- حقچ !
- اي فهو كلي أن ماكو اي شي بيناتنه واصلا ما اعرف منو منهن وصاحبه خابره و رزله شلون تنطي حسابي ل بنية ومدري شنو ، واني صدكته لان خابر صاحبه كدامي !
- ولله مبين جعفر يموت عليچ ، مو مال هاي السوالف!
- حتى اني اموت علي بس اني بسرعة اغار !
- كلنا خيه !
اذن المغرب كمنه صلينا و سوينه عشه ماكو احداث لحد ما صارت دنيا الليل خابرت محمد
- ها حبيبي ، لهل درجة مشتاقتلي ؟
- بطل سوالفك محمد شلون صار راسك ؟
- ايدچ مرهم توخر كل الالم !
- حياتي , اريد اكلچ شي .
- كولي حبيبي.
- حمزه كلك شي ؟
- قصدچ ع ميس ؟
- يعني تعرف تقدم الهه ؟
- اي اعرف .
- اي ؟ وشنو رأيك انت ؟
- قابل اني الي راح ازوجه ؟ يم ميس بعد .
- زين ليش حمزه كبل طلب ايديها ؟ يعني هو اليوم شافها ؟
: ولله ما ادري بس هو كلي هي دخلت كلبي من اول ما شفتها و حمزه مباشر يحب وحده يروح يكول الها و يريد شي رسمي !.
چنت فاتحة مايك علمود ميس تسمع چان هي كالت
- تره احتمال چبير ارفض !
شوي هدوء ومحد حجه فجأة اجه صوت حمزه من المايك
- ليش يابه ؟ شنو ناقصني ؟
ميس و اني انصدمنا لأن عبالنه محمد وحده ف بقينه ساكتين ف هو سئل
- سكتي ؟ ميس ليش احتمال ترفضيني ؟
- لأن ما اعرفك يجوز ؟
- مو كلت الچ وافقي وراح نتعرف ب الخطوبة.
- وليش ما نتعرف على بعض قبل الخطوبة ؟
- ما احب سوالف العلاقات مع احترامي الكم محمد و نرجس !
- واني ما موافقة حمزه !
- راح توافقين صدكيني !
- هو شنو بكيفك دروح !!
ميس راحت وعافتنا ومحمد هم كال ل حمزه لا ادخلونا ب سوالفكم وبقينا سهرانين اني و محمد !
