رواية غرفة العمليات الفصل الخامس عشر بقلم جمانه السعيدي
اسيل....اني كنت مدنكه واسمع ماهر ابد ماانتبهت ثامر اجا
الحد ماسمعت صوته وهو يكول وبصوت عالي
ثامر...لا ماتقبل طلبك مرفوض
راسا ماهر وكف على حيله وعصب التفت وعاط بثامر
ماهر...وانت شكووو انت منو حتى تدخل بهيج شغله
ثامر...اني عمها وولي أمرها من بعد ابوها واحب اكلك طلبك مرفوض
ماهر....لا تسمعين كلام هذا اسيل خلي نرجع واني
ادللج وابد مراح امد ايدي عليج مره ثانيه
اسيل....تفضل ماهر هذا مكان عمل ممكن تتفضل
ماهر...اعرف اني فاجئتج بلموضوع بس فكري وراح ارجعلج مره ثانيه
ثامر....لا ترجع مانريد نشوف وجهك مره ثانيه
ماهر...هذا الموضوع مايخصك ابوها موجود وهو الي يقرر
طلع ماهر وثامر التفت عليه
ثامر...شلون تستقبلينه هنا شلون تسمحيله يكعد يحجي
وياخذ وينطي وياج
انتي مو كلتي هاي صفحه ونطوت اريد انسى وبعد مااحجي بيها ابد
اسيل...فرض نفسه عليه حتى اسمعه
ثامر...المفروض اطردينه لا يكون تفكرين ترجعليه مره ثانيه
اسيل....اكيد لا
ثامر...خلاص بعد ممنوع اشوفه هنا
سكتت مارديت علي احس ثامر جاي يفرض رائيه عليه
صح اني مامغكره ارجع الماهر
بس ثامر ماله دخل بهذا الموضوع ليش يدخل
هذا القرار يخصني اني وبس
بقيت طول النهار ساكته لان ضجت من موقف ثامر
بس يسئلني على شي ارد علي على كد السوال
هو حس بنفسه وتندم على كلامه
حتلو يحبني وبحترمني مو من حقه يدخل بهيج تفاصيل
خلص الدوام وصمم يوصلني للبيت
بقينا ساكتين طول الطريق
من وصلنا البيت اهلي بس وكفت السياره
ثامر...اني اسف أدخلت بخصوصياتج بس من حرصي عليج جمانه السعيدي
نزلت وماحجيت اي كلمه
دخلت بدلت ونزلت جوا
امي...منتضرينج لسه مااكلنا
اسيل...مالي نفس للاكل
امي...ليش صاير شي
اسيل...لاماصاير شي
امي....تعاي بس اكعدي ويانه على الاكل حتلو ماتاكلين
ابوج منتضرج
كعدنا على الاكل
بابا...ليش ضايجه يوميه تجين طايره من الفرح شكو اليوم احجي اني اعرفج زين
اسيل...سكتت
امي...خاف ثامر زعلها
بابا...مستحيل ثامر يزعلها ثامر يعاملها مثل بنته
امي...احجي قلقتينا عليج
اسيل....اني مااكدر أضم عليكم شي
بابا...ياستار خوفتني احجي
اسيل... اليوم ماهر اجا للاستوديو
امي...ياماهر ماااهرررر
اسيل....اي طليقي ذاك اليوم من طلعنا نصور حفلة الزواج شافني وتفاجئ بيه وسئلني على عملي
وبقا يحاول يعتذر مني
اليوم اجا المكان شغلي وطلب ايدي للزواج مره ثانيه
جمانه السعيدي
بابا....تحجين صدك
امي...طلب ايدج للزواج
اسيل...اي
امي.. طبعا طلبه مرفوض
بابا...اوكفي انطي مجال ليش طلبه مرفوض
ماهر خوش ولد وكل الناس تحلف بااخلاقه موضف
اموره الماديه زينه والمثل يكول الي تعرفه احسن من الي ماتعرفه انتي شنو رائيج بابا
اسيل.... اني مااكدر ارجع ارتبط بماهر
امي. .اي عفيه
بابا...ليش
اسيل....صح بي هواي موصفات حلوه بس هم بي موصفات مو حلوه عصبي ومايتفاهم
من يصير عصبي يضرب بدون مايفكر
بعدين مستحيل راح ينسى الشي الي صار وياي
شكد دخلني ختبارات وهو اكثر واحد يعرف طبعي
بس من اجاني الاتهام ماانطاني مجال ادافع عن نفسي
كبل ضربني واخذني للمستشفى
كعد يتهمني بشرفي واني ممثله واضحك علي
مو بس هاي
اكيد اهله واقاربه وأصدقائه كلهم عرفو بقصتي بعد الطلاك واي واحد منهم راح يشوفني ويااا
راح يحاول ينقص من قيمتي وقيمته
اني مااضمن بعد اي مشكله بينا مراح يعيد الماضي ويعاقبني علي
اني ماهر بعد مااريده مراح اكدر انسى شلون ضربني وهاني وعتدا عليه
مراح اكدر أأمن على نفسي ويااا
اريد اعيش صح اريد اختار صح
مو زواجه والسلام
اني هسه داخله مرحله جديده اريد اشتغل واكون نفسي
مااريد ازوج حاليا
اريد استعيد عافيتي بعد الشي الي صار وياي
بلنسبه اليه اي مشروع زواج حاليا مرفوض
امي....عفيه ولله كلامج ذهب يمه بنتي كبرت وتعرف تتصرف وتعرف تحجي
بابا....صح كلامج بس هم فكري مره ثانيه
اسيل...مااريد اتعب عقلي بلتفكير بغير شغلي شغلي وبس
صعدت غرفتي اجتني رساله من ثامر
ثامر...كاعده
...مارديت
ثامر....اسف أدخلت بموضوع مايخصني بس ماهر مايستاهلج
...مارديت
ثامر....اني حريص عليج اكثر من نفسي ومااحب اشوف احد يااذيج لو يضوجج
قفلت التليفون ونمت احس نفسي تعبانه اربد ارتاح
جمانه السعيدي
للصبح ماكعدت الي امي فوك راسي
امي...اليوم نايمه وين النشاط مثل كل يوم
اسيل....تعبانه اليوم اريد ارتاح
امي...ليش تعبانه بيج شي
اسيل....لا بس اريد ارتاح والعصر محتاجه كم شغله اريد اروح للسوك اجيبهن واريد اروح للصالون اعدل شعري واحف اليوم استراحه
امي...براحتج
نزلت امي واني رجعت نمت
بابا...هااا وين اسيل
امي...تكول اليوم تعبانه تريد تنام والعصر تروح للسوك اجيب شغلات محتاجتهن
بابا...خاف مريضه
امي...لا مابيها شي خليه ترتاح البوم وباجر تطلع للشغل
ثامر...تخبلت ليش تليفونها مغلق ليش ماترد معقوله بعدها تحب ماهر وتربد ترجعله
مستحيل اسمحلها ترجع الماهر
واني شنو حتى مااسمحلها مجرد ابن خال ابوها
يمكن اني زودتها شويه
ليش اني ضايج واريدها ترفض ماهر اني شنو علاقتي بلموضوع
هنا ٣ اشهر من عرفتها ليش ضايج هيج
اني تعلقت بيها وحبيتها اي اني احبها ومستحيل
اسمحلها ترجع الماهر لان مايستاهله
زبن ليش غالقه تليفونها وماترد
بقبت انتضر وتفاجئت التكسي وكفت باب الاستوديو ونزل السايق وكال تعال ساعدني
رحت بس ابو اسيل احس كلبي انقبض
معقوله زعلانه مني الدرجه بعد مراح تجي للشغل مستحيل
اسمحلها تغيب عني
كوه لزمت نفسي لمن نزلت ابوها ودخلنا جوا
ثامر.. وين اسيل
ابو اسيل...اليوم تعبانه
ثامر. خيرها شكو
ابو اسيل...مابيها شويه تعب
ثامر...كلبي مثل النار شنو تعبانه اسيل شعلة نشاط
تحب الشغل وماتحب اضيع وقتها
اكيد زعلانه مني يمكن اني زودتها بلكلام
حاولت اتصل عليها تليفونها بعدا مغلق ياستار ليش تليفونها مغلق
ثامر...جاي اتصل على اسيل وماترد اريد اطمن عليه
بابا...نايمه اني عفتها نايمه
ثامر...خير انشاء الله
ياربي شيصبرني دزيت رساله
...صباح الخير سلامات ليش مااجيتي المكان مو حلو بدونج مايسوه شي
اذا كعدتي من النوم جاوبي حتلو ادزين 👍
اسيل...كعدت الساعه ١١ من النوم اليوم نوم عميق
مافتحت التليفون نزلت جوا غسلت وبدلت
وكعدت اشرب جاي بحليب
جمانه السعيدي
امي...اليوم ليش مارحتي للشغل احجي الصدك
اسيل...ماكو شي اربد ارتاح ومحتاجه كم شغله اربد اشتري
امي...تمام
اسيل...اطبخ بمكانج
امي...لا ارتاحي اليوم
صعدت الغرفتنا البنات طالعات للدوام
طلعت الفراش برا بلشمس خليت الجراف بلغساله
نزلت البردا غسلت الغرفه فتحت الشباك
نزلت للبيت من جوا تنضيف وغسل وتلميع اي شي محتاج غسل غسلته غيرت الجرجف بغرفة امي
غسلت البرده رجعت للمطبخ لمعته
امي... حبيبتي ليش ماترتاحين تعبانه انتي
اسيل... خل انضف انتي والبنات ماتلحكن
كل هذا ابد مافتحت النليفون وشفته
ثامر...قلقت الساعه ١٢ وهي مافتحت التليفون ولا ردت عليه
دزيت مسج
...ممكن اعرف ليش غالقه التليفون وماتردين عليه
ولله اكو بكلبي حجايه بس اخاف احجيه ازعلين عليه
جمانه السعيدي
ثامر...ابو اسيل ممكن تتصل على البيت اريد احجي وياا اسيل اريد اسئله على شغله مهمه
ابو اسيل...اي تمام
اتصل ابو اسيل على امها
....اريد اسيل احجي وياها ليش غالقه تليفونها
امي..جاي تشتغل اليوم كلبت البيت كلب
اسيل تعاي ابوج يريدج
اسيل...هلو بابا
...هلو حبيبتي شلون صرتي
اسيل...الحمد لله تمام
بابا...ليش اتعبين نفسج انتي اليوم اجازه
اسيل...ميخالف الحركه بركه
بابا....ثامر يريد يحجي وياج
ثامر...هلو اسيل شلونج
اسيل...هلو عمو زينه الحمد لله
ثامر...خفت عليج لان اتصل وماتردين
اسيل...لا تخاف كلشي تمام
ثامر....لا تتأخرين علينا اليوم المكان موحلو بدونج
اسيل...انشاء الله
ثامر...جبنا لفات فلافل للغدا الاكل بدون طعم
اسيل...سكتت
ثامر...انشاء الله لا تتاخرين على الشغل
اسيل... شكرا
ثامر...الله وياج عود افتحي تليفونج حتى نطمن عليج
اسيل...اوكي
