رواية غرفة العمليات الفصل السادس عشر بقلم جمانه السعيدي
اسيل...طلعت العصر للسوك اشتريت كم قطعة ملابس ورحت للصالون عدلت شعري لان من عرسي
مارايحه للصالون
حفيت وسويت عنايه للبشره وللادين
رجعت للبيت لكيت امي مكمله العشى
تعشينا وصعدت اقيس ملابسي
فتحت التليفون لكيت رسائل واتصالات من ثامر
يتأسف بيهن ويطلب مني ماازعل وارجع للشغل
مارديت علي
لان اني مو زعلانه منه بس حبيت افرمل شويه حتى استعيد نشاطي واشتغل من جديد
وهم كنت محتاجه احدد موقفي من ماهر لان جاي يلح عليه
كملنا عشى جاي نشرب جاي اندكت الباب
اني لابسه تراك طويل اسود رحت جبت شال خليت على شعري
اسيل...منو
...اااني حمودي
اسيل....فرحت فتحت الباب كبل دخل وحضني شلووونج
اسيل...انت شلونك مشتاقتلك
ثامر...بس هو مشتاقتله
دخل ورا حمودي باوع عليه دنكت
طالع حلو حمودي ولو انت حلو كل وقت يمكن لان اليوم ماشفتك مشتاقلك
اسيل...عدلت حجابي هلو عمو شلونك
اني متعمده كلمة عموو حتى يصير اكو حدود بيني وبينه
لان هاي الفتره كنت اتعامل ويااا بعفويه
اسولف اضحك يمكن هو افتهمني غلط
ثامر...عموووو اي عمو خره عمو الي من الصبح لسه يتصل ويدز مسجات وانتي عبالك ماتشوفين
اسيل...تفضل عمو اهلا وسهلا
دخلو جوا اهلي حيل فرحو بيهم
بابا...هله هلا بحمودي شلونك
امي...هله بااحلى الشباب
ثامر...اني بطلت بعد مااجي شنو ماكو ترحيب اليه مثل حمودي
بابا...انت كل يوم نشوفك بس حمودي ما نشوفه دائما
اسيل رحت خدرت جاي جديد
كاعده اصب جاي اندكت الباب مره ثانيه
اسيل....منو
ماهر... خطار اني ماهر اسيل
اسيل....يبووو هذا شجابه هسه والنوب ثامر موجود
اسيل...دقيقه
رحت لبست رداء وعدلت الشال
اشرت الامي وخواتي يطلعن لان اجانا خطار
جمانه السعيدي
ثامر...اجي اني افتح الباب
اسيل...اني وحمودي نفتح الباب
فتحت الباب وكتله تفضل
ماهر...شلونج اسيل منو هذا الشاب الحلو
حمودي...تفضل عمو تفضل
ماهر...زاد فضلك
هو دخل على بابا وثامر جان ثامر يوكف على حيله
ثامر...انت شعندك جاي
ماهر...مجاي بيتك اذا اجيت بيتك اطردني
بابا...تفضل اهلا وسهلا
ماهر...السلام عليكم ابو اسيل شلونك
بابا...الحمد لله
اسيل...رحت ضفت كوب جاي اضافي ورحت قدمتلهم الجاي
ثامر كاعد وعيونه اطير شرار ورجليه تهتز من العصبيه
ودا يشيل ماهر ويشمرا بلشارع
ماهر....اسف اني مااجيت قبل الحمد لله على السلامه
الشفاء العاجل انشاء لله
بابا...الله يسلمك
اسيل...كعدت بصف بابا
جمانه السعيدي
راسا ثامر خزرني عود لا تكعدين كباله بس اني ما تحركت
لان اريد احسم هذا الموضوع نهائيا
مااريد ماهر يرجع يطلع بحياتي مره ثانيه
ماهر. .اني جاي اليوم اطلب ايد اسيل ومستعد الكل طلباتكم حتلو تريد تسكن وحدها بس ايجار الحد ماابني بيتي وننتقل اني وياها
اني من عفته لليوم مجاي اكدر الكه وحده مثله
لحظه شيطانيه خلتني خسرتها
ذاك الملعون دمر حياتنا
اسيل ثامر كله يهتز من العصبيه منتضر رد ابوي حتى ينفجر
بابا...اني بلنسبه اليه ماعندي مانع انت خوش ولد
والي صار مجرد ضرف والحمد لله عدا على خير
طلعت برائة اسيل بنتي من البدايه ماعدها غلط
ثامر...شنو ماعندك مانع
بابا اجاهل كلام ثامر وكال الرد الاخير الاسيل هي الوحيده الي من حقها تقبل او ترفض
اذا قبلت هي تتحمل كل العواقب واذا رفضت هي تتحمل اختيارها
تفضلي بابا شنو ردج لو تردين وقت تفكرين
اسيل....لا مايحتاج وقت افكر اني هذا الموضوع محسوم بلنسبه اليه
اني ارفض طلبك ماهر اسفه مااكدر اكمل حياتي وياك
انت انسان محترم وما ناقصك شي بس اني مااكدر اوافق
على طلبك
اني حاليا شايله فكرت الزواج من دماغي
اريد اشتغل واكون ذاتي بعد العمر كدامي توني ٢٢ سنه
مامستعجله على الزواج
حاليا مو بخططي الزواج ابد
شكرا لان تفهمت موقفي ورجعت اتقدمتلي بس اني وياك
مستحيل نرجع واحد للثاني
اتمنى تختار وحده غيري وتشوف حياتك اتمنالك السعاده من كل كلبي
ماهر...قبل لا تاخذين هذا القرار ممكن تاخذين وقت للتفكير
واني مستعد انتضرج اكثر
ثامر...شنو انت لزكه خلاص انطوك الجواب النهائي
اسيل...اني خنزت على ثامر الموضوع مايخصه ليش يدخل
هو افتهم نضرتي سكت وكال العفو اني جاي ادخل
اسيل...مااحتاج وقت افكر اني اعرف نفسي زين
مستحيل اكدر ارتبط بيك واكمل وياك
اسفه شوف وحده غيرج
جمانه السعيدي
ماهر...مالكيت وحده مثلج
راسا ثامر صار عصبي استغفر الله العظيم
اسيل..انشاء الله تلكه انت انسان محترم والف وحده تتمناك
ماهر. ليش مو انتي اني متعلق بيج
اسيل....لا مااكدر من رخصتكم كمت طلعت من المكان
شويه وسمعت ماهر طلع وطبك الباب ورا
نزعت الرداء وكعدت بغرفة ماما خواتي وامي يمي كاعدات
اجا حمودي .... اثوله ( اسوله ) تجين باجر للتصوير
عرفت ثامر دازه عليه
اسيل.. اي اجي
حمودي...اي بابا يكول اثوله تجي باجر
اسيل...اي اجي
امي راحت كعدت يم ثامر وبابا واني والبنات بعد ماطلعنا
نص ساعه وطلع ثامر
بابا...تعاي اسيل
اسيل...هاا بابا
بابا.. مو جاي من الباب جاي يتقدملج اكيد يحبج لان الرجال بكلشي يسامح اله شغلت العرض
ولو هو ما متأكد من برائتج مجان اجا اتقدملج
اسيل...مااكدر ارجع الماهر مره ثانيه اذا رجعت وياا ماهر مستحيل انسى جرحي واتعافى منه
اريد ابتعد عنا بلكت انسى
ثاني يوم كعدت الصبح حضرت الاكل الي اخذا وياي
دخلت سبحت وبدلت وكعدت بابا
بدل ملابسه وتريكنا وطلعنا للشغل
وصلنا وثامر جان واكف برا ينتضرنا
اجا نزل بابا واني طلعت الكرسي من جنطة السياره
دخلنا بابا
ثامر...اليوم المحل نور بالسيل
اسيل...منور بيك
كل النهار اجنبت الحديث ويااا لازكه بابا حتى من دخل يرتاح بغرفة التصوير دخلت وياا
هو حس اني جاي اتهرب منه
خلصن يومين واني وياا مانحجي غير بلعمل بس يريد ياكلني بنضراته ويحاول يخلق حديث حتى نحجي اني ويااا
احسه عصبي لان متجاهلته
مايكدر يحجي بسبب بابا
واي مسج يجيني منه ماارد علي
ثامر....ليش هيج ماتحجين وياي
...ليش جاي تنهزمين مني
...انتي ماتعرفين حقيقة مشاعري اتجاهج
اليوم الي بعدا ماجا ثامر اني عندي نسخه من المفتاح
فتحت الاستوديو وكعدنا اني وبابا
اتصل مايرد عليه
الصراحه مو من عوايده خلانا بقلق علي
اتصل علي بابا
ثامر...اي جاي للضهر يله اجا
بابا..خير شكووو
ثامر...الهام اجو عليه ناس خطابه
بابا...الهام منو
ثامر.. ام حمودي
بابا...وانت ليش ضايج اكيد تزوج اذا مو اليوم باجر
ثامر...خليه تزوج بلعافيه اني مالي شغل بيها
زوجها رافض حمودي يكول مااتحمل مسوليته وحمودي متخبل بس يبجي يريد امه
جمانه السعيدي
بابا...جيبه انت اهتم بي
ثامر...اني اطلع من الصبح للشغل وارجع بليل هو متعود على نضام اكل خاص والعاب ومدرسه
يوميه اكثر من ساعتين تكعد ادرسه امه
اذا جبتا عندي شلون راح اهتم بي مستحيل اكدر اوفق
بينا وبين شغلي
واذا عفت الشغل شلون راح نعيش حتى مدرسته بفلوس
وهو ابد مايكدر يستغني عن امه
متعلق بيها حيل
من الصبح لسه اني بيتهم نتفاوض على حمودي
شنو الحل مااعرف
اني اذا جبتا عندي مااكدر اهتم بي
اخلي بلبيت وحده اخاف علي لو اجيبه وياي هنا
يريد يدرس يريد ينام يسبح مستحيل الوضع فوك طاقتي
بابا...زين امه شنو رائيه بهذا الكلام
ثامر...امه تكول اني مو زغيره وهاي خوش فرصه واذا ضاعت بعد ما تتعوض
بابا...ليش ماترجعها حاول ايجوز تقبل ترجع
ثامر...مااريدها
بابا...الخاطر ابنك حتلو ماتريدها
ثامر...اني وياها مستحيل نرجع مثل قبل هي ماتريدني واني مااطيقه
رجعتنا مستحيله
جمانه السعيدي
اسيل...اني عندي حل
ثامر...شنو هذا الحل
اسيل...تحاول اتاجر بهذا الشارع بيت قريب على عملك
حتى تكدر اتابع حمودي ودير بالك علي
ثامر.. هنا الايجارات غاليه
اسيل...حتلو غرفه ومطبخ المهم البيت يكون قريب
واني وبابا نساعدك بلعمل حتى تهتم بحمودي
واذا يوم عدنا شغل بغير مكان
حمودي يروح يم اهلي منا لمن نرجع وبلعطله انشاء الله
نجيبه هنا ويانا بلشغل
نعلمه على الاستنساخ ونخلي يشتغل وهو ماشاء الله ذكي ويعرف كلشي
بابا.. اي خوش حل
ثامر...خايف اجيبه ومااكدر ادبر هاي المسوليه
اسيل...احنا نساعدك كد مانكدر اني عليه ادرسه كل يوم
والطبخ لا تشيل مسوليته
بقا عليك تشوف سكن قريب على عملك
ثامر...احاول كد مااكدر
اسيل...خل ننشر إعلان على الصفحه ندور سكن قريب
بابا...اي انشري اعلان بلكت نلكا مكان مناسب
نزلت اعلان بالصفحه بس مالكينا سكن مناسب
البيوت كله جبيره والا يجارات غاليه
واذا مشتمل ايجار غالي ويريد مال سنتين ليكدام
إمكانية ثامر ماتسمح هيج لان مدرسة حمودي بفلوس
قرب عرس ام حمودي واحنا مالاكين حل مناسب
قررنا حمودي يجي ويانا للبيت
يعيش ويانا خواتي يدرسنا وامي تهتم بي
منا لمن نلكا حل مناسب
وثامر بقى بنفس السكن
الصبح يجي ياخذه للدوام ويرجع يفتح الاستوديو
والضهر يجيبه من المدرسه البيتنا
بعدين اجر خط يجي الصبح ياخذه للدوام
والضهر يرجعه للبيت
يتواصل وياا ابو الخط بلتليفون
بيتنا صار اله طعم خاص من اجا حمودي
لان كلنا كبار وهو زغير كلش فرحانيين بي
امي طايره بي شكد تحبه
وبابا كل يوم يشتري حلويات الحمودي
ثامر يجي بليل يشوفه يكعد شويه ويروح
اذا يريد ياخذه وياا البيتهم حمودي مايقبل
مااروح اريد ابقى هنا
شكرا لزيارتكم عالم روايات سكيرهوم
