رواية عشق الضابط الفصل السادس عشر بقلم زينب نور
دخلت للمطبخ جاي احضر ب الحلويات الي هم جابوها علمود اقدمها الهم اجنتي رسالة ع الانستا بس مو من حسابي من حساب محمد .
اني بلعادة ما ادخل ل رسائله بس قريت اسراء دازه ف ما كدرت اتغاضه فتحتها لكيت دازه ريلز مال واحد حاصر بنية ع الحايط وكاتبه
" تذكر من جنت تحصرني هيچ "
اني انصدمت من قريت الرسالة حسيت ب ايد محمد حصرتني ع الكاونتر درت وجهي الله
كلت اله بصوت ناصي بس نبرته قوية
- محمد... هاي شنو؟
محمد انصدم من نبرة صوتي وكال ب استغراب
- ها؟ شنو؟
رفعت تلفوني وفرجيته الرسالة
- هاي شنو؟ جاوبني!
شاف الرسالة وملامح وجهه تغيرت بشكل واضح حك لحيته ب توتر وتقرب شوي مني
- اسمعيني خل افهمچ ..
قاطعته بعصبية و وخر أيده من ايدي
-لااااااا لا تحاول تبرر، لا تحاول تلف وتدور! شنو قصدها "تذكر من جنت تحصرني هيچ"؟ هاااا؟ شنو ؟
حاول محمد يهديني واني ما اكدر اهدأ كل ما اذكر الرسالة اتعصب ب الزايد !
- مو مثل ما تفكرين، اسراء وحدة مريضة آني وياها سالفة قديمة وما تعنيلي شي!
ضحكت ب استهزاء و عصبية من كلامه
- سالفة قديمة؟! زين محمد، اني اكثر من مرة سئلتك عن اسراء انت ابد ما كلت الي أن عندك علاقة وياها !
صار عصبي هو همات ويحاول يوضح الي
- مو علاقة ولا شي جدي ، سوالف مراهقين شنو هالهوس! آني وياچ، مو وياها! ليش كل شي تحولين لعركة؟
انصدمت من كلامه وهو يكلي هوس ف عيوني دمعت وكلت اله واني ابجي
- هوس ؟؟ شنو راح يكون ردة فعلك اذ ياسر دزلي هيج رسالة ، هل راح تتفهم ؟؟ لو انت ولد ما عليك العتب !
محمد يقرب منها بسرعة ويمد إيده يمسك إيدها، بس هي ترجّع إيدها بسرعة وتباوعله بنظرة كلها وجع.
- لا تلمسني...
تدور وتطلع من المطبخ بسرعة، وهو يبقى بمكانه، يسحب نفس ويحك راسه بعصبية، مدري شيسوي...
طلعت و اني ابجي صعدت ل غرفتي لكيت ياسر ع الدرج يدخن شافني ابجي تقرب عليه
- نرجس ، شبيج ليش تبجين ؟
ما كلت اله بس بقيت ابجي وما اكدر اسيطر ع نفسي
هو واضح ب البداية متردد بس شوي اخذني بحضنه وبقه يمسح ع شعري
- اش لا تبجين ، ما يلوكلج البجي .
طلع محمد من المطبخ ومن ما لكاني ب الاستقبال كدر يشرد من الهوسه وصعد شافنه اني وياسر بهذا الوضع ...
تقرب و كمش ايدي و بعدني علي بينما ياسر ما سكت وكال اله
- عوفهه مو كافي الي سويته بيها ، شوف حالتهه !
محمد جرني وخلاني وره ضهره وهو تقرب علي
- مشكلة بيني وبينها ، ولا تنسى هي حبيبتي مو حبيبتك !
دار وجهه عليه وكمش ايدي وصعدنا للغرفه
دخل وسد الباب وراه
- ما شاء الله انتي ابد ما اضيعين وقت ، كلتي ما دام خسرت محمد خل اخذ ياسر موو ؟؟؟
صاح اخر شي بعصبية و اني كلت و ما مصدكه
- تحاسبني ؟ بعد ما الك حق تحاسبني ! لان اني وياك انتهينا ! ما اكدر ابقى وي واحد يحصر كل بنيه يشوفها !
هو صار عصبي ب الزايد
- حبيبتي جاي اكلچ مراهقين قديمة السالفة ماكو اي شي بيناتنه صدكيني !
- ما اصدكك محمد , انت اصلا منحرف و ما استغرب اذ نايم وياها همات !
هو رجع وره شويه وملامحه مال واحد خاب أمله
- منحرف ؟ ونايم وياها ؟ هيج تشوفيني نرجس صدك ؟
اني بقيت ساكته وما حجيت هو ابتعد وكال قبل لا يطلع من الغرفه كال
- هاهي نرجس ، اذ انتي هيج تشوفيني اني انهي هاي العلاقة مو انتي .
------------------------------------------
خلصت الخطوبة والكل طش ل بيته واني مسحت حساب محمد من عندي وكلت ل ميس ع الصار بيناتنه وهي وكفت وياي
