رواية كبرياء شيخ الفصل السادس عشر 16 بقلم زينب

كمره: من الصدمه عفت التلفون والله بسرعه نمت 

احمد:طلعت منها ورجعت على البيت نزلت من السياره شفت ابو جبار كلي الأهل يردوك بالصاله ابوك كال يريدك بسالفه 

دخلت للصاله وشفتهم كلهم مجمعين وسلمت وانه مصدوم شعدهم اكيد مصيبه جديده

الشيخ: بويه اكعد نريدك بسالفه 

احمد: خير يابه ولو شكلكم ما يطمن

الشيخ: لا تخاف بويه خير • ﺂنٰ شۨـِﺂءۙ ﺂللـِه۫ہ ٰ

بويه احنا مرينا بمصيبه وبسببها زواجك تأجل وأخوك عقده وكف وأخوك ماشاء اللهُ صارت صحته احسن بعد مايصير نأجل السالفه وانت تعرف كلش زين اذا تأخرت الخطوبة بالسلف الناس تظل تحجي وتصير مشاكل وبت عمك جم دوب تظل معلكه وهي محجي عليها لأخوك ومريتك هم شنو ذنبها ظاله لا هي مزوجه ولا هي راده بويه خل نستعجل بسالفة اخوك ونسوي عرسكم فد مره انه كلت اخذ شورك هاي كدام امك وإخوانك 

احمد:بويه انه مستحيل اتزوج قبل ما اخذ بثأر اخوي 

الشيخ:لا بويه هذا مو حجي انت جاي تماطل بالسالفه

احمد: بويه شقصدك ترى انه الشيخ اذا حجيت انفذ لا اماطل ولا شي بس انه ما مرتاح لحد ما الكاهم وادميهم بيدي

الشيخ: بويه بالله طالت سالفتهم انت شتكول 

احمد: ما اطول • ﺂنٰ شۨـِﺂءۙ ﺂللـِه۫ہ ٰانه باجر طالع لبغداد عندي شغل هناك

الشيخه:شغليش بالله هذا ما خذك لبغداد لا دكلي رايحلهم برجليك والله وامان الله يا احمد اوكف جدام السياره وما اخليك تتحرك الا على جثتي

احمد: يمه انتي شفتهمتي انه ما رايح لوحدي وياي ولد عمي وبعدين شتردين اضم راسي واندب حظي لا يمه مو انه الاسوي هيج

وسام: خويه انه وياك رجلي على رجلك 

الشيخه: هلا هلا جنت بواحد صرت بثنين 

الشيخ: محد يروح منكم انه زلامي بغداد زارعهم ويوصلولي الاخبار ومن يجيني خبر عود نتحرك 

احمد: يابه انه كلت اروح لبغداد باجر يعني رايح

الشيخ: تكسر كلمتي وانا ابوك

احمد: لا يابه بس انه ما اريد السالفه تطول اريده تخلص وهي حاميه انه الليل كله ما اكدر انام اريد ارتاح وبدون ما تخلص ما اشوف راحه 

الشيخ: كلت محد يتحرك منكم الا بشوري وانت من صرت شيخ مو معناته تمشي كلامك علي ترى انه بعدي جاي اشتم الهو عود من اموت بذيج الساعه اتصرف على كيفك والأسبوع الجاي تحضروا لعقد عادل وبعدها نتحضر للعرس 

احمد: بويه اذا على عقد عادل انه ما عندي مانع براحته خل يعقد بس سالفة زواجي لا كلت ما اتزوح لحد ما الكاهم وانتو بكيفكم انه هذا العندي 

الشيخه: يمه هذا مو حل انت جم دوب تأجل ترى العالم تاكل وجهنا واخوكم ما دام صار زين اكول هاي السالفه عوفوها لا تصير ثارات ودم وانه ما مستعده أضحي بيكم 

احمد: يمه ما راح ارد عليج الحجي وياكم ما منه فايده بس العندي كلته وانه صاعد ارتاح لحد وكت الغدا 

عفتهم وصعدت كل حجيهم ما بلعته انه وين وهما وين ذبيت الشماغ وتمددت على الفراش شويه وندك الباب صحت خير خلوني ارتاح

عمار: شفت احمد شلون ضايج وحارك دمه واموره كلها تخربطت زواجه وشغله وتعيينه وكلشي بسببي لو مو انه جا مشت حياته طبيعي كلت خل احجي وياه بلكي اقنعه صعدت ودكيت الباب وهو رعد الصراحه ضحكت وفتحت الباب وكلت خير بوجهك هاي شنو اعتبرها طرده

احمد: لايخوي • تـٰ؏ـﺂﺂل صارت بوجهك اعذرني

عمار: هههه اخاف اجي صاير تنتل 

احمد: تعال ولك لا اكوملك

عمار: لا عمي جاي 

احمد: احجي بكلبك بربوره 

عمار: شكلك والله انه مستحي حتى اباوعلك حياتك تعقدت بسببي

احمد:لابشرفك عود صدك تحجي ولك انت اخوي عضيدي وسندي اليوم انت وكعت باجر انه جا هما الإخوان المن يرادون

عمار:خويه بس انه هم غلطان لازم تعرف سالفتي 

احمد: لا تحجي اعرف كلشي 

عمار: منو كلك

احمد: جلال صديقك كلي كل شي

عمار: ما ردتها توصل لهل مواصيل بس بعد صارت

احمد: لا تلوم روحك ترى مرات الكلب ما تكدر سيطر علي هو يظل يدرعم بيك 

عمار: من عرفت سالفتك قبل جنت اكول احمد يبالغ بس من ضكت نفس اللوعه عذرتك 

احمد: بعدك تحبها 

عمار: حتى لو اعبدها ما تصيرلي بعد لو يصوغوها ذهب ما أتشرف بيها مولأن تعرضت للضرب وصلت للموت بسببها لا بس ما دام عيرتني بأصلي 

احمد: شوف اذا بعدك تريدها وداعتك أجيبها الك واخليها تركع جوه رجليك 

عمار: لا خويه ما تستاهل حتى دخلتها هنا انه غبي حبيت وحده مثلها 

احمد: لا تكول هيج كتلك هذا الكلب بلوة ما تكدرله 

عمار: وانت يا خوي بعده كلبك مقفول 

احمد: هههه وين تريد توصل 

عمار: احمد البيدك جوهره محد كدر يدنسها لا تضيعها من أيدك بعدين تندم وهي هم ترباية اهلنا من ديرتنا 

احمد: ومنو كلك اضيعها ليش هي الي تدخل بعرين احمد شيطلعها بعد 

عمار: يعني مو هي السبب بتأجيلك للزواج 

احمد:عمار حتى انت 

عمار: لا مو قصدي بس من حجي اهلي عبالي تماطل بالسالفه وانه استغربت منك الصراحه هو العنده مثل مرتك يماطل

احمد: ولك شقصدك لا تروح زايد ترى احرك عشيرتك

عمار:هههههه لا ياخوي عشنا وشفنا احمد يغار لا والله ما اصدك

احمد: تكوم من يمي لا ارجعك للمستشفى 

عمار: هههه لا شيخ لا تزعل وداعتك هي مثل اختي بس يا خوي حجاية الحك تنكال لجن هي كمر 

احمد: لا اليوم وداعة ابوي اشرب من دمك شو كوم اطلع ما اريد اشوف خلقتك ايااا نذل على هل دكه

عمار:ههههه ها شعوطتك طالع وداعتك اشاقه .ﻭ୭يَــۧـَﺂڪہٰۧ لا تزعل مني بس ردت اشوف غيرتك يله ارتاح

احمد: اوكف 

عمار: مو تريد ترتاح 

احمد: اليوم بالليل تروح وياي لبيت كمره على مود تضربها الابره بس دير بالك المحك ترفع عينك افكسها الك ترى 

عمار: هههههه • ﺂنٰ شۨـِﺂءۙ ﺂللـِه۫ہ ٰأوامر ثانيه

احمد: لا تكسح ولي وسد الباب وراك

عمار: مولي 

احمد: حرك اعصابي فوك ما هي محروكه لجن هاي كمره طلعت بلوه سوده 

شلون راح اتحمل احد يشوفها هذا اخوي ما تحملت منه حجايه جا شلون الغريب تمددت وصار وكت الغدا تغدينا وطلعنا للمضيف جانت اكو طلابه انحلت ورجعنا للبيت كلت لأمي تتحضر حتى نروح لبيت كمره رحت قبلهم ركبت السياره واجو وراي امي وعمار وهم اجى ابوي بس وجها ثكيل علي 

صعد يمي وكلي تحرك بس بغضب ما حبيت افتح السالفه لأن ادري بيها ما تفظ وصلنا ونزلنا تلكونه الولد ودخلنا بالمضيف 

كمره: من راح احمد نمت بعد ما حسيت للمغرب وانه نايمه لا اكل ولا علاج دخلت علي امي والشيخه فتحت الضوه وانه بعدني سكرانه ما افرزن منو كدامي 

يمه حبابه خليني بعد فدوة روحي وعوفيني 

ام صلاح: كعدي يمه كومي اجت الشيخه تشوفج ظال بالها يمج 

الشيخه: كومي يمه ما يصلح تنامين المغرب كعدي ذكري ربج 

كمره: سمعت صوت الشيخه فتحت عيوني عدل وكعدت 

شيخه عذريني ما عبالي انتي موجوده عبالي خالتي 

الشيخه: حمدلله على سلامتج بنيتي ولو انه شايله عليج 

كمره: الله يسلمج شيخه حقج شيخه بس انه ما ردت السالفه تنعرف ما ردت أشغلكم بعدين مو سالفه جايده كسر بسيط ما يستاهل 

الشيخه: حتى لو خدش بعد انتي صرتي منا وبينا اي شي يصير وياج احنا اول الوادم لازم نعرف شتردين العالم تكول علينا جنتهم ومرت الشيخ هاملينها 

كمره: عذريني شيخه حقج شما تكولين انه غلطانه 

الشيخه: هسه ما علينا شـْ◌ـّـْ﴿💜﴾ـّْـ◌ّـْلـّوْنّ صرتي 

كمره: زينه شيخه بس وجع خفيف مرات يثكل ويظل يدك براسي عبالك بسمار 

الشيخه: اي يمه جا هو كسر مو شويه 

يله هسه جهزي روحج ولبسي شالج راح يجي عمار يضربج الابره 

كمره: لبست شالي وشويه دخل شيخ عمار اول مره اشوفه ما شاء الله ثكل ورزانه وهدوء وجمال اول مره أتمعن بوجها حجيت بكلبي جا احمد شبي ملكوف وياي خالسني خلس سلم علي وتحمدلي السلامه ودخل وراه الغضب وكله

احمد: هااا جهزت الابره 

عمار: على كيفك شيخ ما طايرين 

احمد: جهز وانت ساكت 

عمار: هههه شيخ والله مبين عليك 

احمد: تسكت لو شلون اليوم ما نخلص

عمار: شيخ خليني اكملها على راحتي لا تخاف ما اكلها 

كمره: اسمعهم يحجون بهمس وانه بس حسيت الحجي علي خجلت ودنكت جانت الابره لازم تنضرب بالكانونه بأيدي من طلعت من المستشفى ظلت بأيدي ما شالتها الممرضه كلات وراج بعد ابره تضربيها وانوب شيلها 

عمار: هااا مرت اخوي جاهزه 

كمره: اي شيخ جاهزه

تقدم علي وبدى يضرب الابره وجان دواها حار يحرك ما تحملت الألم عمار حس علي صاح على احمد تعال خويه كض ايدها وظل افرك بيها لحد ما يمشي الدوه ترى حار يحرك وهو ما صدك سمعه واجى كعد بصفي كلش قريب علي لزم ايدي وظل يفرك بيها على كيف عبالك يعرف وعنده خبره 

وانه كلش تأذيت بحيث ما سيطرت على روحي من الوجع ظلن عيوني يصبن ولزمت ايده لأحمد هاي اول مره اسويها 

عمار:خلصنا عليش البجي 

احمد: شيل الكانونه بعد ما تحتاجها 

كمره: لا الله يخليك اخاف عوفها لباجر

احمد:شل قضيه ترى انتي موطفله اتحملي وجع يوم ولا وجع دوم 

عمار: لا تخافين بسرعه اسحبها بس دوري وجهج 

كمره: جاي احجي واحمد كض وجهي وداره على صدره وحضني بكل قوه وكل لأخوه شوف شغلك 

بس انه انصدمت اول مره يصير بيه هيج موقف ما مار علي ظليت دايره وجهي على صدره ما حسيت شلون الخدرانه حسيت بدكات كلبه وظليت اشتم بعطره حتى دموعي وكفت حسيت بقربه بالأمان جان بهذا الوكت عمار ساحب الكانونه وطالع من الغرفه وانه بعدني على صدره

احمد: الظاهر عاجبج الوضع 

كمره:شلت راسي باوعتله وبعدت عنه 

هااا لا بس جنت خايفه 

احمد: امممم صدكت 

كمره: بكيفك تريد تصدك لا هذا شي راجعلك 

احمد:اخذتي علاجج

كمره: لا بعدني

احمد: بس لا اتانيني انه انطيجياه 

كمره: لا بس من طلعت جنت نايمه لحد ما اجيتوا 

احمد:هذا كله نايمه واكيد لا اكل ولا علاج ما تشوفين روحج ما تحملتي العلاج قبل شويه انتي شنو ملتج 

كمره: لا تصيح علي انه شمدريني هل كد اظل نايمه 

احمد: ما تصيرلج جاره انه هسه طالع وراح اكل لأمج وتاكلين وتاخذين العلاج اظاهر انتي مدللة زايد بس ما ظل شي وتصيرين بيدي واطلعه كله من خشمج 

كمره:رزلني وطلع وكلت هذا شبي كل ساع شكل ساعه ملاك وساعه شيطان الله يصبرني علي بس لا عنده انفصام بالشخصيه 

شويه واجت امي والشيخه وكالت راح يجي عمي الشيخ يسلم علي انه جنت ممده اجى سلم علي وراحوا يم ابوي للديوان شويه وسمعنا العيطه

احمد:جنا كاعدين بالديوان وابوي اترخص من عمي يروح يسلم على كمره وفعلا راح هو وعمي وشويه رجعوا كتله يله يابه نمشي كال لا انه عندي سالفه ويه ابو صلاح انه هنا نغزني كلبي ابوي راح يسوي الي براسه 

الشيخ: اكعد ابو صلاح رايدك بسالفه

ابو صلاح : احجي شيخ امر

الشيخ: خويه احنا طولنا عليكم بسالفه الزواج وأدري هذا الشي ما يصير والبت صح هي مثل بتي بس تعتبر مهما يكون غريبه بالنسب وصعبه تظل مخطوبه هل كد انه كلت نستعجل بزواجهم انت شتكول

ابو صلاح: شيخ البت صارت بتكم ومرت الشيخ وشوكت ما تردون هي موجوده 

احمد: من رخصتك عمي هاي السالفه انه حجيت بيها ويه الأهل بس الظاهر ابوي يريد يخليني ارضى بالأمر الواقع 

عمار: احمد خويه لا تتعصب 

احمد: عمار انت اسكت 

الشيخ: شتقصد بويه 

احمد: بويه ماكو زواج لحد مااخذ بثأر اخوي وهذا اخر كلام عندي وعمي اذا مستعجل على روحة بته ....

ابو صلاح: لاتكمل شيخ مو انه الاذب بتي انت صح شيخنا على راسي وعيني انت تأمر وانه انفذ بنيتي خط احمر ما اسمح لأحد يحجي عليها ما دام انه عدل واذا انه ما موجود اخوتها سبعه هي امانه عدهم 

الشيخ: خويه فتهمت الموضوع غلط 

صلاح: شيخ شسالفتكم ....

ابو صلاح:بويه انت لا تدخل انه ابوها واحجي والشيخ من خوفه عليها يريدها يمه بس الظاهر الشيخ احمد استعجل بويه انه ما عندي العشره هي بس هل كمره وانه كتلك قبل بهذا الديوان انه لوما خوف رب العالمين ما انطيها 

احمد: عمي انه ما كلت ما اريدها هي صارت مرتي وما عوفها بعد للموت حتى لو انت طلبت مني هذا الشي بس انه ابوي يضغط علي هسه على الزواج وفتح الموضوع .ﻭ୭يَــۧـَﺂڪہٰۧ بس حتى يضغط علي انه ما اتزوج لحد ما اكض هذوله العار لو ابقى سنين وكمره تبقى مرتي وانه ما مستعد أتخلى عنها هذا العندي وبعد ما اعتب بيتك منا لحد ما اجي بنفسي واخذ بتك يوم العرس اودعناكم 

ابو صلاح : شيخ وانه اكول كدام ابوك وأخوك وأمك بره اكيد تسمعني ما الك مره عـﹻنــدي بعد

احمد: درت وجهي ردت اطلع وسمعته حجى كال ما الك مره بعد عندي وانه شطت رجعت وانه قابض ايدي بس كلت خل اهدي روحي 

وحجيت

عمي بتك مرتي على سنة الله ورسوله وانت بمقام ابوي واذا انه غلطان هذا راسك ابوسه بس انت حط واحد من ولدك بمكاني تسوي مثلي واكثر انه هسه ما مرتاح وما اريدها تتعذب وياي انه اأجل لمصلحتها راح اعتبر نفسي ما سمعت منك هذا الحجي بس انت قدر وضعي 

بست راسه وطلعت شايط لحكني عمار بس بسرعه صعدت السياره وسقت بسرعه وصلت للبيت دخلت مثل العاصفه الي يصير كدامي اشمره تلكوني اخوتي رادو يعرفون شنو بيه بس انه ما جاوبت احد بسرعه صعدت حضرتلي ملابس بجنطه وطلعت من البيت 

كمره:سمعت كل الحجي الدار بالديوان بين ابوي واحمد وانه ما ادري شنو صار بيه ضوجه مدري غصه ومن كله ابوي بعد ما الك مره عندي وانه حسيت كلبي انقبض ما ادري ليش ودموعي بحدهن ظلن يصبن 

معقوله بديت احبه بس ليش وشوكت صار عندي هذا الإحساس معقوله كلبي رف اله وهو كل همه يذلني صدك لو كالو البزون ما يحب الا خناكه بقوا اهله بالديوان يتعذرون من اهلي 

الشيخ: خويه أحسبه علي واعتبره واحد من ولدك هو هم شايط على اخو 

ابو صلاح: لا شيخ هو هم معذور بس لازم يثمن كلامه قبل لا يحجي انه من كلت هذا الحجي ردت اشوف ردت فعله يريد بتي لو مجبور عليها تعرف الحجي بالسلف هواي ونسمع اشكال وألوان بس ردت اتأكد وانه بتي عندي تسوى الكون ما يهلي تعيش بضيجه حتى لو جان شيخ 

الشيخ: لا يا ابو صلاح انه وليدي اعرفه حنين من هل ناحيه لا يظل بالك بس كون نخلص من هل مصيبه ويصير خير وهااا ترى مريتنا النا ما نتنازل عنها وانه اجيبه الك واخلي يبوس راسك وأيدك 

ابو صلاح: لا شيخ انه ما شايل علي وهو ما قصر حس بغلطه واجى باس راسي وما تخلى عنها انه ردت اخوفه حتى يعرف قيمتها ويعرف اكو وراها اهل وسند

الشيخ: والنعم منكم يله بعـٌـــِد احنا نترخص 

ابو صلاح: مرخوص شيخنا 

عمار: اول مره اشوف احمد هيج صاير نار غضب وتعصب وتأكدت اخوي يحب كمره من كدر يتحكم بعصبيته كدام ابوها وما خلاهم يحسون انو هو غلطان وظل متمسك بيها حتى من ابو صلاح رفضه 

تأكدت هو ما مستعد يتخلى عنها بس هو الضروف جبرته يسوي هيج ركضت وراه بس ما لحكته صعد السياره وشخطها على السريع 

وجعت لهلي كتلهم راح ما لحكته وانه احجي دك تلفوني 

عادل: الوووو عمار وينكم 

عمار: ليش خويه صوتك ما يطمن شصاير

عادل: وين ابوي احمد شبي صاير نار كبره 

عمار: سالفه طويله هسه نجي ونحجي 

عادل: خويه سالفتيش ترى اخوك اخذ جنطته وطلع من البيت

عمار: شنهي صدك تحجي وليش ما منعتوا

عادل: شنمنعه هو يتفاهم ياهو الي يكضه يشمره 

عمار: وين راح ما كال الكم

عادل: لا والله اكلك دخل شلون العاصفه علينا 

عمار: بالله شيحاجونه سده خويه جايين

الشيخ: هااا بويه شصاير

عمار: بويه احمد اخذ جنطته وطلع من البيت 

الشيخه وي زين راسك يا احمد سوى الي براسه وين ولى بهل الليل بس لا تكلي بغداد

عمار: ما حاجي شي داخل مثل الرعيده وطالع 

الشيخ: والله هذا ابنج راح يجلطني على تالي عمري

وانت بويه حاجي واحد من الحرس يجي علينا

عمار: صار بويه

رجعنا للبيت ابوي كال حاجي ولد عمامك يجون وانه اتصرف 

وسام: بويه هذا ابنك راح لبغداد لا تكلي ولا اكلك هو من الصبح يخطط 

خل نروح وراه ونشوف خو ما نخلي لوحده يستفردون بي

الشيخ: لا تخافون علي احمد سبع بس انه اخاف يغدروه منا لباجر اذا ما عرفنا شي عنه اوديكم وراه انتو ظلوا دكو علي بلكي يفتح تلفونه ويرد 

الشيخه: ابني واعرفه كلش زين اذا ما يسوي البراسه ما يرتاح هذا مشى لبغداد لا يعترف بأبو ولا بأخو 

الشيخ: اي يا مره شسويله بعد ردت اربطه بمره شلون ما جان بلجن يجن يركد ماكو راسه يابس شبيدي بعد 

عادل: بويه على كيفك لا يصعد ضغطك ترى احمد مو صغير وهو يعرف يتصرف بعقل بس هو شصار وياه بويه اجانا مثل البركان ًحتى بسالفة عمار مو هيج ما يشوف احد كدامه 

عمار: انه اعرف شبي بعدن اكللكم 

سلمى: دك علينا عمار ابن عمي وكلنا بقصة احمد وشنو صار بي وكلنا أجينا لبيت عمي اخوتي مرتضى ومصطفى وانه وامي واختى الصغيره رفوله وابوي طبعا 

وصلنا لكينا آلامه مكلوبه علي دخلنا احنا البنات يم الشيخه وامي سألت على السبب والشيخه حجت كل شي يـ؏ـنـي بسبب هل عله كمره واهلها احمد هج من البيت كلت لازم اطيح حظها وحظ اهلها رحت على هديه اكيد تعرف رقمها لأن هنه صاحبات الطيور على اشكالها تقع رحت الها للمطبخ وصحت عليها

هديه: هاااا سلمى امري 

سلمى: سلمى بعينج لج انه شيخه بت شيوخ 

هديه: عذريني شيخه شرايده مني

سلمى: انطيني رقم كمره بسرعه

هديه: بس ليش

سلمى: انتي شكو رقمها اريده بلا حجي زايد ما بقى على بس الخدم يسألوني يله بسرعه 

هديه:صار 

سلمى : اخذت رقمها وسجلته ودكيت عليها وانه كلش متحمله

كمره: جنت كاعده بغرفتي وانه كلبي مقبوض اخاف صار شي او يجوز راح يصير سمعت التلفون دك ركضت عبالي احمد من شفته رقم غريب ردت مااشيله بس كلت يجوز منه شلته وكلت

الووووو منو 

سلمى: انه سلمى اكيد عرفتيني ماكو داعي اعرف نفسي

كمره: اي عرفتج شرايده بهل ليل

سلمى: احجي عدل وياي بعدج ما صرتي مرت احمد حتى تشيلين خشمج وحتى لو تصيرين تبقين بت الفلاح

كمره: وانه كلي فخر اكون بت الفلاح على الاقل بت الفلاح كدرت تاخذ الشيخ 

سلمى: ههههه ضحكتيني لا تفرحين روحج هواي كلها ايام ويرجع كلشي لمكانه

كمره: شتقصدين 

سلمى: ولج احمد هج من البيت بسببج من اهله ضغطوا علي حتى يتزوج لج ٲℓانــتيہ ما عندج كرامه انه منج اطم روحي

كمره:سمعيني زين انه ما ركضت ورى الشيخ حتى ياخذني بالعكس هو اجاني برجلي وهو ضغط علي حتى اقبل وهو قبل شوي جان هنا يمي وجان حاضني ومخلي راسي على صدره بس حتى لا احس بالوجع واعرف كلش زين احمد ما هج بسببي بس ٲℓانــتيہ وحده حقيره كل همج بس تاخذينه 

سلمى: الحقيره ما غيرج وانه اكلج احمد بكلبه وحده ما تطلع منه لو تجي عشره مثلج حب حياته ضامه بكلبه ولا تصورين هو اخذج لأن يحبج لا حبيبتي ٲℓانــتيہ غلطانه ٲℓانــتيہ بس عثره بطريقه وانه متأكده الصار اليوم عد اهلج احمد ما راح يعدي على خير انتظري وشوفي ..........

شكرا لزيارتكم عالم روايات سكيرهوم