رواية دار الايتام الجزء الثالث (اللقاء المنتظر) الفصل الثامن عشر
مع بدايه يوم جديد.
قابلت ريم لمار زي ما أتفقوا
وخدتها ريم علي مكان حلو اوي
تجيب منه أكسسوارات لغرفه زين.
لمار....حلوه دي اوي ولا ايه.
ريم...حلوه اوي طبعاً وكمان لونها حلو اوي.
لمار....بصراحه انا حبيت اخرج من اللون الازرق اللي ديماً بيرموزا بيه للولد فا حبيت المينت اكتر.
ريم...هو فعلا اختيار جميل والاحلي ان اغلب الاكسسوري ماشيه علي اللون اوي.
لمار...طيب تعالي نكمل يلا
ريم ..يلا بينا.
.................
قامت سيلا من النوم ملاقتش بدر. جمبها.
فتحت شباك الاوضه لمحته من فوق قاعد في الجنينه هو ونوني.
دخلت تاخد حمام وتلبس عشان جالها شغل مهم .
خلصت بسرعه وخدت حجتها ونزلت.
............
نوني....بأبتسامه والله ناس محترمه اوي و اتبسطت بيهم
بدر....فعلا يا نوني كلهم بلا أستثناء وفرحت اكتر بالتعارف اللي حصل بينا كلنا.
نوني...والدت ليل و والدت جاسر كمان حلوين وطيبين اوي.
خرجت سيلا في الوقت ده.
سيلا....صباح الخير يانوني صباح النور يا بدر.
نوني...صباح الخير يا حبيبي
بدر....صباح النور يا حبيبي انتي خارجه ولا ايه.؟
سيلا....اه عندي شغل في حجات جديده في القضيه لازم اروح اتابعها.
بدر....طيب و مقولتيش ليه مش المفروض انك كنتي اجازه.
سيلا....انا مكنتش عارفه ان في جديد في القضيه يا بدر وبعدين انا شغلي زي شغلك ملهوش مواعيد يا بدر انت عارف.
بدر...بعصبيه بسيطه هو ايه اللي شغلي زي شغلك مش فاهم يعني
سيلا...في ايه يابدر انا مقصدش حاجه انا اقصد لا شغلي ولا شغلك
ليهم معاد الشغل بيجي في اي وقت.
نوني....هي معاها حق يعني يحصل مصيبه الوقت والدنيا تتقلب غصب عنها لازم تنزل وانت كمان ما انت كذا مره تبقي مخلص شغلك وراجع تتفاجئ بهمه.
بدر...ايوه بس متقولش بقي انا شغلي زي شغلك وزي زيك والكلام العبيط ده.
سيلا....كلام عبيط؟؟
نوني....انت مالك عالصبح اتهبلت ولا ايه هو جديد عليها الشغل اصلا ولا جديد عليها تنزل في اي وقت.
سيلا....خليه يا نوني يقول اللي هو عايزه .
نوني...بقولكم ايه بلاش لعب عيال انا هروح اجبلك حاجه تفطري بيها قبل ما تخرجي.
سيلا...استني يا نوني تعالي يا حبيبتي انا مليش نفس ومش هلحق اصلا
نوني....انا قولت كلمتي اقعدي هنا مع المجنون ده شوفيه ماله صاحي بوزه شبرين شكله حلم حلم وحش.
بصتلها سيلا وسكتت وفضلت بصالها لحد ما مشيت ورجعت بصت لبدر وقعدت قدامه.
طلع بدر سيجاره وولعها خد منها نفس طويل.
بصت سيلا علي الطفايه قدامه كان فيها سجاير كتير مطفيه.
سيلا.....ايه السجاير دي كلها انت صاحي من امته.
بدر...من غير ما يبصلها انا منمتش نزلت قعدت هنا بعد ما انتي نمتي ولما نوني صحيت قولتلها اني صاحي من شويه.
سيلا...طيب وما نمتش ليه.
بدر...عادي يعني يا سيلا مش جايلي نوم.
سيلا....تمام لو انت شايف انه عادي خلاص.
بدر....بعصبيه بسيطه بصلها في ايه يا سيلا ايه الغريب اني مش عارف انام يعني .
سيلا...ايوه غريب يا بدر لما نكون راجعين من سهره بدأت بيوم طويل يبقي غريب لما نكون راجعين مبسوطين و بنضحك يبقي غريب لما تكون بتتكلم اصلا بالعصبيه و بالطريقه دي يبقي في حاجه غريبه. وبعدين انت اصلا واحنا راجعين قولت انك محتاج تنام وانك مرهق افهم بقي منمتش ليه وليه متغير كده.
بصلها بدر وهو مضايق وقام وقف كانت نوني خارجه من بعيد.
بدر....يعني انتي كل اللي مضايقك اني صاحي تمام يا سيلا انا زي الفل ومفيش اي حاجه و اديني اهو يا ستي طالع انام مبسوطه
سابها بدر وطلع فضلت سيلا مصدومه من طريقته ومش فاهمه اي حاجه.وبسرعه اتجمعت الدموع في عينها لكن مسكت نفسها.
نوني....رايح فين يا بدر.
بدر...رايح انام عشان سيلا تبقي مبسوطه.
سابها ودخل عالڤيلا راحت نوني علي سيلا .
نوني....احلي فطار لست البنات.
ابتسمت سيلا غصب عنها..شكرا يا نوني تعبتي نفسك صدقيني مش عايزه والله.
نوني...انا قولت كلمه بدل ما اقلب عليكي انتي كمان.
سيلا.....حاضر.
نوني....الواد ده ماله ايه اللي مشقلب يومه كده.
سيلا....مش عارفه يا نوني هو كان كويس لحد ما نمنا انا مستغربه اصلا طريقته وأسلوبه.
نوني....انتي يعني مش عارفه بدر حمقي وعلي طول متعصب اكيد في حاجه حصلت في شغله ولا جاله مكالمه وانتي نايمه ضايقته.
سيلا....يمكن بس عموما بدر طول عمره بيقدر يفصل كويس بين شغله وبين طريقته معايا.
نوني....حقك عليا انا وسيبك منه وركزي في شغلك علي بال ما ترجعي هيبقي كويس وابقوا اتكلموا.
سيلا....ان شاء الله يا نوني يلا هقوم انا
نوني...تقومي ده ايه و الفطار.
سيلا...حقك عليا صدقيني مستعجله خالص والله يلا سلام يا حبيبتي قربت سيلا من نوني باستها في خدها و راحت ركبت عربيتها وخرجت من الڤيلا.
و مخدتش بالها من اللي واقف فوق بيراقبها من البلكونه بتاعت اوضتهم.
دقايق بسيطه وسمع بدر خبط علي الباب وبعدين الباب أتفتح ودخلت نوني عليه البلكونه فضل واقف باصص بعيد
نوني....انت يا واد هتفضل لحد أمته قليل الذوق كده.😡
فضل بدر ساكت.
نوني....انا بكلمك علي فكره🤨
بدر...بتنهيده في ايه يا نوني بالله عليكي انا ما ناقص ودماغي مصدعه
نوني....ولما انت بتعرف تصدع وتتعب وعندك دم زعلتها ليه.
بدر...انا مزعلتهاش انا سألت سؤال عادي.
نوني ...والبنت ردت عليك برده رد عادي مكانش مستاهل العصبيه دي كلها. انا لما شوفتك الصبح بالبوز ده توقعت انكم اتخانقتوا بليل لما جينا عشان احنا طول اليوم كنا تمام و حتي واحنا راجعين في العربيه كنت كويس. فا محبتش ادخل بينكم بس هي أكدتلي انك كنت كويس وانها مستغربه طريقتك يعني متخانقتوش فا انا الوقت عايزه اعرف مالك.
بدر...مفيش يا نوني صدقيني انا كويس صاحي مودي مش تمام عادي يعني بتحصل.
بصتله نوني بأبتسامه لكن حست ممكن يكون حزن بدر و عصبيته بسبب تجمع امبارح والاطفال ويمكن يكون حس للحظه انه بيتمني يكون اب فا مرضيتش تطول في الكلام معاه
نوني ...ماشي يا بدر هصدقك ومش هضغط عليك بس حتي لو زي ما بتقول كده يا بدر هي ملهاش ذنب يا حبيبي ملهاش ذنب تخرجها متنكده علي شغلها و ملهاش ذنب تخرجها من غير فطار
مينفعش تيجي عليها مهما كنت مخنوق ولا مضايق ولا مضغوط هي ملهاش ذنب يا حبيبي لو حاسس ان في حاجه مضيقاك شاركها وأتكلم معاها بس اياك تزعلها او تكشر في وشها انا عمري ما شوفتها مزعلاك ولا عمري شوفتها مكشره في وشك ولا وشي بحجه الشغل والضغط ماشي يابدر اتمني تفك كده و تكلمها تراضيها هسيبك يا حبيبي الوقت.
هز بدر راسه براحه وخرجت نوني.
وطبعا مقدرش بدر يقول لنوني عن احساسه اللي هو مش عارف يفسره؟؟
..............
لمار....ايه رأيك يا كارمن خلصيني
كارمن...لا بقولك ايه هتستعجلي فيا هزعلك😡
ريم...بضحك ماشاء الله نفس علاقتنا ببعض😂😂
كارمن....قوليلها تسكت وملهاش دعوه😡
لمار...بضحك يابنتي هي كلمتك.
ريم....كلمتها ايه ده انا في حكم عدوتها الوقت 😂😂😂
كارمن...اهي قالتلك اهي 😡
ريم....لا بقولك ايه انا مليش دعوه هو انا اللي سبتك وسافرت مع جوزي🙄
لمار....امشي من هنا امشي انتي بتسخنيها عليا انا مصدقت نسيت شويه.
كارمن....مين دي اللي نسيت هي بتتكلم صح انتب اللي سبتيني وسافرتي هي ملهاش ذنب
ريم....تصدقي حبيتك😂😂
كارمن....بضحك وانا كمان😂😂
لمار....لا يا شيخه خلاص بقيتوا حبايب علي قفايا😡
ريم....بقول ايه وطي صوتك هتفضحينا الناس بتبص انا كان مالي ومال الهم ده تصدقي انا غلطانه اني جيت معاكي انتي ملكيش إلا كارمن.🤨
كارمن...هي دي حد يخرج معاها دي سابت صحبتها وسافرت
لمار...بضحك لا خلاص حقك عليا
ياريمو 😍😍
كارمن...هو ايه اللي حقك عليا سبيها تمشي احسن.
ريم...نهار اسود انتي معايا ولا معاها ولا علي مين🤨
كارمن...بضحك معاكي بس بعيد عن لمار وعليكي لو قربتي من لمار😂😂😂🙈🙈
لمار...بضحك بتغير عليا😂
ريم....اه واخدين بعض علي حب طب اسمعي بقي انتي وهي لو مخلصتوش همشي واسيبكم😡
لمار....اخلصي بقي اختاري.
كارمن....😒خلاص اللي أختارته ريم احلي.
ريم....كان لازم التاتش بتاعك 😒 كان من الاول.
لمار...بضحك امال لازم الكلمه الاخيره تبقي ليها😂 يلا خلينا نخلص ونمشي من هنا دماغي لفت🙈🙈
خلصوا واختاروا الحاجه وخرج معاهم العامل حطها في شنطه عرببه ريم وطلعوا بالعربيه عالڤيلا الجديده.
في الطريق..
لمار....بجد يا ريم مش عارفه اقولك ايه انتي بجد انقذتيني
ريم...متقوليش كده يا لمار انتي ادام دخلتي الشله بتاعتنا بقيتي واحده مننا واحنا قولنالك مش هنسييك ابدا في اي حاجه.
لمار....ربنا يخليكي ليا يا ريمو
ريم...قوليلي كده ناقصك ايه
لمار...احنا كده كملنا اوضه زين وجبنا حجات للمطبخ كتير مش عارفه بصراحه ناقص ايه بس الاساسي كله كده تمام.
ريم....طيب كويس بس بردو ابقي اقعدي افتكري كده مع نفسك اللي ناقص و اكتبي في ورقه عشان متنسيش.
لمار....انا فعلا بعمل كده وعموما اهي هانت كلها كام يوم و نستلم الاوض و يجوا يركبوا كل حاجه
ريم....ان شاء الله علي خير انتوا هتنقلوا فيها اول ما تستلموا ولا لما تخلص خالص.
لمار.....غالبا كده اول ما الاوض تيجي ده لسه في موال كبير
ريم....موال ايه.
لمار...موال الفرش و التظبيط الاخير مطبخ و نيش و الدواليب
يعني شويه شغل حلوين.
ريم....متحمليش هم كل ده سهل هنساعدك انا والبنات وهنخلص كل حاجه بسرعه.
لمار....لا تساعدوني ايه بس .
ريم...وفيها ايه طب والله ده هيبقي يوم مسخره اصلا خصوصا لو مفيهوش رجاله.
لمار....بضحك عندك حق هيعطلونا.
ريم....انتي صحيح مش ناويه تجيبي شغاله او بيبي سيتر .
لمار....لا هجيب دياب كان عايز يجيب من اول ما جينا بس قولتله لما نستقر احسن
ريم....طيب كده افضل بيني وبينك انا طلعت عين يوسف لحد ما وافقت بس بجد هو كان عنده حق ارتحت كتير اوي .
لمار....طيب وكريم عامل ايه الوقت
ريم....الحمد لله اتحسن كتير اوي علي العلاج أينعم لسه بيعيط كتير بس مش زي الاول خالص كمان البيبي سيتر بتاعته حد كويس ومحترم جدا والاهم انها دارسه شغلها صح وبجد بتعرف تتعامل معاه خالص واي وقت يصحي ويعيط تقوم و تصحي وكأنها امه
لمار....طيب الحمد لله ان شاء الله يتحسن اكتر واكتر ويبقي كويس
ريم...يارب يا لمار..ايه هي دي صح .
لمار....صح كده مش بعيده عنكم صح.
ريم....اه دي قريبه خالص ❣️
يلا انزلي.
لمار....يلا بينا❣️
.........
وصلت سيلا مكتب رئيس المباحث المسؤول عن قضيه الشخص اللي اتوفي وطلبت انها تقابله.
سيلا....بعد اذنك ممكن تبلغ شاكر باشا اني محتاجه اقابله بخصوص القضيه .
العسكري....ايوه بس شاكر باشا مش موجود اللي موجود رئيس المباحث الجديد
سيلا....بحزن ايه ده هو اتغير😔
العسكري....ايوه لو حابه تقابلي الباشا الجديد ابلغه.
سيلا....بقله حيله طيب تمام اتفضل ده الكارت بتاعي
العسكري....لحظه واحده.
دخل و سابها تلعن الحظ كانت مصدقت انها قدرت تخلي شاكر يساعدها في اي معلومه وشالت الهم لما عرفت انه مشي واكيد الجديد ده هيرفض يقولها اي معلومه.
خرجها من شرودها العسكري.
العسكري....اتفضلي الباشا منتظرك.
سيلا....شكرا.
خبطت سيلا ودخلت كان قاعد عالكرسي ومديها ضهره وماشك الموبايل بيتكلم في الموبايل.
سيلا.....مساء الخير
قفلت الخط ولف الكرسي بأبتسامه. مساء الخير يا سيلا
سيلا...بصدمه ديااااب😳
دياب...بضحك مصدقتش لما شوفت اسمك عالكارت بس قولت يمكن سيلا تانيه مع اني كنت حاسس ان انتي.
سيلا....بأبتسامه استني بس هو انت رئيس المباحث الجديد🙄
دياب...ايه مش عاجبك ولا ايه🤨
سيلا.....ده عاجبني ونص ده انا واقفه بره لما عرفت ان شاكر باشا اتغير كنت بلعن الحظ مصدقت اخد منه كلمتين ومعرفش اللي جه بداله هيبقي عامل ازاي بس متوقعتش ابدا انه انت.
دياب....لا بقولك ايه انا معلومه مش هخرج مش عشان انتي مرات صاحبي يعني هسرب معلومات😎🤨
سيلا....بضحك لا بقولك ايه ده انا قتيله عليك القضيه دي تعبت الكل عايزه اخلصها بقي والنبي.😩
دياب....هو واضح ان القضيه دي تعبت الكل عموما اقعدي واقفه ليه.
سيلا...هتساعدني 🙄
دياب....هساعدك الاول بس تشربي ايه.
سيلا....ولا حاجه.
دياب...لا ده انتي في مكتبي.
سيلا....خلاص يبقي عصير برتقال.
دياب...بس كده رفع دياب التليفون وطلب العصير وقهوه ليه.
سيلا....انا مش مصدقه والله ان الصدفه تجمعنا في الشغل😂
دياب....والله ولا انا عايز اقولك اني لسه الصبح مستلم القضيه دي
وواضح كده انها قضيه معقده.
سيلا....جدا فوق ما تتخيل طيب تصدق بالله انا نفسي لغز القضيه دي تتحل عشان بجد فضولي مموتني اعرف الراجل ده اتقتل ازاي.
دياب....انا بصيت كده شويه في الورق اللي معايا طبعا في تحليل خاص بالقضيه مش مقتنع بيه
وعارف ان حل اللغز ده علي قد ما هو صعب بس عندي احساس انه هيطلع اسهل مما يمكن.
سيلا....افهم من كده يعني انك لسه موصلتش لحل امال بدر قاعد يقول دياب مفيش زيه وانك المفتش كرومبو🙄
دياب...بضحك انتي بتسخنيني يعني اولا انا لسه ماسك القضيه دي الصبح وباين انها فعلا معقده وبما اني انا اللي مسكتها فا ده معناه انهم قرروا يحطوا القضيه في ايد رجل الصعاب🤨🤨
سيلا.....اما نشوف🤔
دياب....بصي بقي هو في لغز ولغز كبير اوي ولازم اعترف انه صعب وطبعا اللي كان ماسك القضيه حقه ميوصلش لحاجه لانها تقريبا مقفوله خالص. واحد اتقتل من علي بعد 30 متر قاعد علي الكرسي وشه للشباك وضهره للباب
رصاصه في دماغه الشباك مقفول بأحكام من جوه الأزاز مش مكسور الباب مقفول من جوه وطبعا المسافه من الباب لمكان الكرسي مش 30 متر وكمان الرصاصه جايه في راسه من قدام
طيب ازاي مفيش اي بصمات غريبه في الشقه كل كلام الناس ان هو ساكن من الناس اللي في حالهم اوي حتي ملهوش كلام مع اي حد بيطلع في حاله و بينزل في حاله تعامله الوحيد كان من خلال البواب اللي كان يادوب مقتصر علي دفع فلوس للمياه للصيانه بتاعه الاسانسير بيقولوا انه مكانش حد بيزوره خالص اخر مره حد طلعله كان سباك ولما سألوا السباك واستجوبوا قال انه كان بيصلح الخلاط بتاع الحوض وان كل سؤال السباك يسأله كان علي القد وشبه مش بيتكلم وبعدها خد حسابه ومشي وده كان قبل قتله بأسبوعين و البواب كمان قال ان هو كان طريقته مش اوي يعني عنده نفور من الناس غير طبيعي ديما مكشر وبيقول انه كان ديماً بيتلفت حواليه خصوصا الفتره الاخيره كأنه خايف من حاجه من حد متراقب مش عارف.
سيلا.....طيب انا هسأل سؤال عارفه إجابته وعارفه انه سؤال غبي.
دياب...لا خالص اتفضلي.
سيلا...يعني انا في البدايه شكيت انه انتحار وده كان اول حاجه سألت عليها.
دياب...انتحار ازاي بس اولا الطلقه مش طلقه مسدس دي قناصه يا سيلا وحتي لو هنفرض انه مسدس مفيش اي سلاح في البيت ولو في الرصاصه بقولك علي بعد 30 متر .
سيلا....طيب انا شايف اننا لو هنقول ان الرصاصه ملهاش حل غير من الشباك ليه ميبقاش البحث عن المكان اللي جات منه الرصاصه ونشوف المسافه دي بتمشي مع اي مبني
دياب....المشكله ياسيلا ان قدامه مباني كتير انتي بتدوري علي إبره في كوم قش وحواليه مسافات مختلفه الاهم ازاي الشباك اتقفل وازاي الزجاج متكسرش لازم يكون في خيط جوه الاوضه اللي كان فيها يوصلنا لازم يكون في دليل.
سيلا....هي فعلا قضيه معقده جدا .
دياب....بس اكيد ليها حل والتعقيد ده بيدل علي براعه الجاني وطبعا السر كله مع الراجل اللي اتقتل.
سيلا....ان شاء الله خير وعارفه انك اكيد هتلاقي حل بس متبقاش تنساني🥺
دياب....بابتسامه لا ياستي متقلقيش ادعيلي انتي بس الاقي الحل ده انا شويه كده و هقوم اروح علي الشقه ويارب الاقي حاجه توصلني بالدليل.
سيلا....هو انا ممكن اقولك علي حاجه لو مش هينفع خلاص🙄
دياب....اكيد اتفضلي.
سيلا....هو انا ينفع اجي معاك😁
دياب...بضحك الغريب ان شكلك ميدلش انك رخمه في شغلك كده وفضوليه😂😂
سيلا....بضحك اصل بصراحه ببقي هتجنن وانا مش عارفه اوصل للغز في اي قضيه والقضيه دي بالذات جننتني.
دياب...خلاص انا معنديش مشكله علي بال ما تشربي العصير وانا اشرب القهوه هنقوم علي طول.
سيلا....بسعاده بجد😍
ده انا كنت هموت واعرف اوصل للعماره اصلا عليها حراسه كتير.
دياب...اي خدمه ياستي وعدي الجمايل بقي.
سيلا....بجد والله ما عارفه اقولك ايه شكرا.😍🙏🏻
دياب...علي ايه بس يا سيلا انا تحت امرك يلا اشربي الثلج هيسيح.
سيلا....ماشي.
...........
وصل دياب وسيلا ومجموعه من رجال الشرطه لمكان الحادث.
وبمجرد ما دخل دياب فصل تماماً عن العالم من حواليه.
دياب....سيلا خليكي بقي كده مع نفسك وانا هشوف شغلي بس متلمسيش اي حاجه.
سيلا...حاضر متقلقش.
مشي دياب في الشقه كانت عباره عن ريسبشن طويل من اول باب الشقه بينتهي بي باب لغرفه من الغرف وجمب الغرفه ممر طويل فيه غرفتين وفيه مطبخ وحمام
اما الغرفه اللي في وش الباب بتاع الشقه كانت الاوضه الخاصه بيه.
وصل دياب ادام الباب بص علي الاوكره والخشب اللي تم كسرهم
وبمجرد ما قرب من الباب كانت لسه ريحه الاوضه ظاهره عليها
أمتعضت ملامح وشه وبسرعه حط ايده علي مناخيره.
وبدأ يتفحص كل مكان في الاوضه كل حاجه طبيعيه جدا الشباك زي ما هو ولكن وقف دياب شويه باصص علي الشباك بإستغراب.
طبعا فضول سيلا خلاها تتحرك في المكان ودخلت وراه. وهي قرفانه من الريحه جدا وفضلت واقفه ساكته بتبص علي الاوضه وبتكتب حجات في ورقه.
حتي دياب كان بيدون ملحوظات مهمه في ورقه.
وفضل كتير بعد كده يبص في كل مكان وبعد مده مش طويله اوي مشيوا من الشقه.
سيلا....في حاجه لاحظتها
دياب....يعني بس مش هقدر اقولك عليها حاليا لاني محتاج اركز عليها جداً وصدقيني لو اللي في دماغي وصلني لحاجه اكيد هقولك.
سيلا....ان شاء الله وبجد شكرا اوي انك خدتني معاك🙈
دياب....والله انا مبهور بيكي معروف يعني ان البنات قلبها ضعيف شويه بس انتي قويه
سيلا....أتعودت بقي 😂
دياب....ايوه كده 💪😂
سيلا....هسيبك انا بقي هروح الجريده.
دياب...وانا هرجع عالمكتب لو احتاجتي حاجه بلغيني.
سيلا....تمام ميرسي جدا يا دياب ومفجأه حلوه جدا.
دياب....عدوا الجمايل انتي وجوزك😂😂
سيلا....حاضر هنعدها يلا باي.😂
دياب...باي.
......................
مر الوقت بسرعه وخلص اليوم
كانت الساعه 11
وصلت سيلا البيت كانت نوني
طلعت نامت. طلعت سيلا علي أوضتها لقت بدر خارج من الحمام
كانت حاسه انها زعلانه منه جدا لانه مسألش عليها خالص طول اليوم وهي اتعمدت متتصلش بيه
طول اليوم بعد طريقته الصبح وتجاهله ليها طول اليوم.
سيلا.....مساء الخير.
بدر...مساء النور.
دخلت سيلا من سكات قلعت الجزمه بتاعتها و شالت شنطتها وشنطه اللاب وراحت عالدولاب طلعت غيار ودخلت علي الحمام
تاخد دش.
طلع بدر علي السرير بعد ما خد الشاور بتاعه وكان مرهق جدا وباين عليه التعب من وقت رجوعهم من السهره بتاعت ليل منامش.
خرجت سيلا من الحمام بعد فتره كان بدر خلاص بيسقط مش قادر
اتسرحت وخلصت ومسكت الشنطه بتاعت اللاب وخدت في ايدها ورق مهم للشغل وراحت علي الباب.
بدر...راحه فين.
وقفت سيلا وبصتله ابدا عندي شغل ومقال محتاجه اكتبه كنت هنزل تحت
بدر...طيب ما تخليكي هنا.
سيلا....معلش انا هنزل تحت افضل كمان عشان تنام براحتك.
بدر....ملكيش دعوه بيا انا هنام عادي.
سيلا....معلش انا محتاجه اقعد تحت.
بدر....كلتي ؟
بصتله سيلا وسكتت ثواني اه كلت.
بدر...بشك انتي مكلتيش حاجه صح.
سيلا...قولتلك كلت يابدر.
بدر....تمام يا سيلا ياريت تبقي تاكلي حاجه.
سيلا....تصبح علي خير وبسرعه فتحت الباب ونزلت من غير ما تستني رده.
بدر...اوووووف استغفر الله العظيم.
كان حاسس بخنقه كبيره وبسرعه حط المخده علي راسه وغمض عينه عشان يبطل تفكير.
..................
في منزل ليل كانوا قاعدين علي السفره يتعشوا.
ليل....نوح بكره اول ما نوصل للشركه اول حاجه تعملها تجبلي ورق المناقصه اللي قولتلك عليها عشان عايز اشوفها كويس.
نوح....ماشي ان شاء الله
نور....هو انت مش معاك نسخه منها على اللاب.
ليل...المفروض بس جوزك ماشاء الله شايف شغله كويس😡
نوح...ياستي ما تسكتي لازم تسخنيه😒
نور....😂😂😂خلاص سكت.
سهام...الاكل حلو اوي تسلم ايدك يا عشق.
عشق....بألف هنا😍
نور....وانا ساعدتها🙄
سهام...تسلم ايدك انتي كمان
نوح....انا نفسي اعرف هو انتوا ليه غاويين شقى هو مش في شغالين.
عشق....الاكل ده مزاج.
نور....فعلا.
وفجأه في وسط كلامهم رن موبايل عشق.
نور....موبايلك اللي بيرن هناك ده يا عشق.
عشق...ايوه هشوف مين اللي بيتصل الوقت
نور...اكيد تمارا ولا زهره.
عشق....بقلق خير يارب.
ليل...في ايه.
عشق...ده رقم الدار.
ليل...طيب ردي.
نور...ردي بسرعه لا يكون في حاجه.
عشق....الوووو
سهام...خير يارب.
عشق...بتقول مين؟؟ اه طبعا عرفاه اديهولي.
اتكلمت عشق ثواني في الموبايل وقفلت.
ليل....تروحي فين الوقت انتي عارفه علي ما تروحي هتبقي. الساعه كام.
عشق...بيقول حاجه مهمه ياليل.
ليل...وده هيروحلك في الدار ليه وايه المهم اللي عنده.
نور....يوم ما الدار بقي بتاع عشق رسمي كنت في الشقه في مره وانا قابلته وسلمت عليه وسلم عليا ووقتها كانت معايا عشق والبنات سلم عليهم وعشق طلبت منه انه لو في اي وقت شاف حد بينام في الشارع وبالذات طفل يكلمها ضروري ويمكن بيكلمها عشان في حاجه حصلت او شاف حد.
نوح....ايوه بس يروحلها الدار مش غريبه؟
ليل...طيب البسي بسرعه يا عشق وانا هاجي معاكي.
نوح....انا كمان جاي معاكم.
نور....طيب وانا كمان هاجي.
عشق...طيب اجهزوا بسرعه
...............
عند دياب كان قاعد في اوضه من اوض الشقه الكتير و بيشتغل
مسك ورقه فاضيه كتب عليها اسم المجني عليه..كتب اسم البواب وكتب اسم السباك.
دياب...بتفكير وتحليل للي شافه
كان ماسك القلم وبيكتب في ورقه وبيفكر بصوت عالي.
دياب....زجاج مقفول مش مكسور باب اوضه مقفول من جوه.
والغريب الدم اللي ظاهر علي الزجاج من جوه🧐 أزاي الدم موجود علي الشباك والدم طرطش ومكانش في أثر للزجاج المكسور
حركه غبيه لو تمويه عشان يبان ان الطلقه كانت من جوه الاوضه
والطلقه جايه من علي مسافه 30 متر..ده معناه ان اللغز مازال في الاوضه👌
........
وصلت عشق وليل ونور ونوح
الدار.
دخلت علي طول علي مكتبها اللي طلبت من الموظفين يدخلوا فيه.
فتحت عشق الباب بسرعه وهما وراها وبمجرد ما فتحت لمحت حاج محمد صاحب الكشك اللي كانوا عارفينه وبيشتروا منه ديما وكان صديق لحاج محمد والد نور.
ابتسمت نور اول ما شافته.
لكن وقفت عشق مصدومه عينها علي الكنبه اللي كانت نايمه عليها
ليااااااااااااااااااااان.
عشق...🥺🥺🥺🥺🥺
