 |
رواية دار الايتام الجزء الثالث (اللقاء المنتظر) الفصل التاسع عشر بقلم اميرة اسامة
في عز الوقت اللي انت بتحس فيه انك اسعد حد في الدنيا بيبقي نفس الوقت اللي حد تاني حاسس انه اتعس حد في الدنيا.
في عز الوقت اللي بتمر فيه بموقف كله ضحك غيرك بيمر في نفس الوقت بموقف كله دموع.
في عز الوقت اللي انت حاسس في بالأمان و الدفئ و الأستقرار
غيرك بيمر بوقت كله خوف وتخبط و توهان.
حياتنا عمرها ما كانت واحده ويومنا مش بعض التفاصيل اللي بنعيشها مختلفه اللحظه اللي احنا فيها الوقت حالاً لو بتمر عليك بهدوء فاهى بتمر علي غيرك في صخب..
لو مش راضي علي حياتك لكن يومك بيعدي بسلام إحمد ربنا ألف مره عشان أنت مش عارف قيمه النعمه دي ومش عارف غيرك في اللحظه اللي انت فيها بيحصل معاه أيه.💔
................
وصلت عشق وليل ونوح ونور الدار في وقت قياسي الشوارع كانت رايقه والجو كان هادي
دخلت عشق بسرعه علي مكتبها وهما وراها.
اول ما فتحت الباب كان حاج محمد صاحب الكشك قاعد في المكتب زي ما عشق نبهت علي الامن والمسؤولين عن الدار.
لكن وقفت مصدومه لما لمحت بنت صغيره نايمه علي الكنبه منكمشه علي نفسها وباين عليها التعب والبهدله.💔
وقفت عشق مصدومه من المنظر
والحال كان نفسه عند ليل ونور ونوح لكن هنا بسرعه تداركوا الموقف و فهموا.
وقف حاج محمد اول ما دخلوا.
نور...أزيك يا عمو حضرتك عامل ايه.
حاج محمد...اهلا يا بنتي إزيك يا بنت الغالي.
نور...لليل ونوح ده عمو محمد عنده كشك في الحسين قريب من المكان اللي كنا ساكنين فيه وكان صاحب بابا الله يرحمه و أسمه علي اسم بابا تقدروا تقولولوا حاج محمد زي ما كنتوا بتقولوا لبابا
وبصت لحاج محمد وده يا عمو محمد نوح جوزي وده ليل جوز عشق.
حاج محمد...اهلا بيكم يا بشوات.
ليل...اهلا بيك اتفضل اقعد.
نوح...اهلا بحضرتك .
حاج محمد...بص لعشق ازيك يا بنتي عامله ايه.
عشق كانت لسه مصدومه بصتله الحمد لله يا حاج محمد حضرتك عامل ايه.
حاج محمد....الحمد لله وكمل بأحراج سامحوني علي الطريقه اللي جيت بيها و انا اسف والله اني جيبتكم في الوقت المتأخر ده والجو الوحش ده.
ليل....ولا يهمك يا راجل يا طيب
عشق...مين دي يا حاج محمد.🥺
حاج محمد...قبل ما اقولك مين دي عايز بس اقول سبب زيارتي اللي يمكن البنت دي جزء منها اخر مره من سنه لما كنتوا في الحسين وجيتوا سلمتوا عليا وقتها نور ادتني رقمها الجديد وقالتلي ان رقمها القديم هي غيرته وطبعا بما اني شقتي قريبه من شقتهم في الشارع فكانت مدياني الرقم عشان لو في اي حاجه حصلت وعشان تطمن علي الشقه ديما
وقتها كمان يا عشق يا بنتي قولتيلي انك بقيتي صاحبه دار ايتام و سبتيلى كمان الكارت بتاعك وعليه عنوان الدار والارقام وقولتيلي يوم الافتتاح هتقوليلي يومها انا سجلت الارقام عندي قولت احسن الكارت يضيع مني.
بس انتي مقولتليش وانا نسيت الموضوع خالص لكن انهارده أفتكرته ودعيت ربنا اني الاقي الارقام عندي اتصلت عليكي يا نور يا بنتي بس مردتيش و كنت هتصل علي رقم الدار بس مكنتش عارف اقول ايه فا قررت اني اجي علي العنوان المكتوب.
ولما جيت بلغتهم و قولتلهم اني جاي من طرفك واني اعرفك عشان يكلموكي وفعلا كلموكي وانا كلمتك بس مكنتش هقدر احكيلك في الموبايل عشان كده طلبت من حضرتك اشوفك حالا فا بعتذر يا بنتي.
عشق....خالص مفيش اي إعتذار بس انا بردو مش فاهمه حاجه وايه حكايه البنت دي.
حاج محمد...قبل العشاء كنت قاعد في الكشك زي العاده جاتلي البنت دي كانت باين عليها التعب و البهدله زي ما انتي شايفه كده ويظهر انها واخده دور برد طلبت مني كيس مناديل وطلعت فلوس عشان تحاسبني مرضتش اخد منها و قولتلها ده هديه شكرتني وخدت المناديل وهي بتعطس ومرشحه ومشيت.. مشوفتهاش ولا عارف راحت فين لاني كنت جوه الكشك و اتلهيت في الشغل و الزباين اللي راحه جايه.
عدي حوالي ساعتين حسيت اني مش قادر و بردت والجو مغير قولت أقفل خرجت بره الكشك
لمحتها قاعده علي الرصيف تحت العمود بتاع النور و سانده راسها وراحه في النوم..
بصتله عشق بصدمه وكأنها بتسمعه بكل حواسها🥺🥺
حاج محمد...قربت منها يا بنتي وصحيتها قولتلها انتي ايه اللي منيمك هنا قالتلي اروح فين
قولتلها روحي بيتكم قالتلي بس انا معنديش بيت💔
سألتها فين اهلك..لقيت عينها كلها دموع وخوف قالتلي انا بدور عليهم ومش لقياهم.
ليل....يعني البنت تايهه.
نوح....كان لازم تسلمها لاقرب قسم ادام تايهه.
حاج محمد....للأسف انا كنت فاكر كده. وطلبت منها تحكيلى يمكن اقدر اساعدها..و ياريتها كانت تايهه.
وبدأ حاج محمد يحكي حكايه ليان..
حاج محمد...اللي فهمته ان البنت دي شكلها بنت ناس اوي يمكن بتتكلم عربي كويس لكن بتتكلم انجليزي بتقول بابي و مامي وكانت مسافره بره قالت لندن باين وعلي كلامها قالتلي ان يوم الخميس وصلت هنا مطار القاهره هي و باباها و مامتها وعملوا حادثه بالعربيه ونقلوهم المستشفي علي طول وكمان قالت انها صحيت من النوم لقت نفسها في مكان غريب غير المستشفي ومش معاها حد غير واحد اسمه عمو إبراهيم وقالها تعالي انا هوديكي لبابا وماما وخدها ركبها قطر. وقالها هجيب حاجه نامي لحد ما اجي وفعلا نامت و القطر اتحرك .
بصوله بصدمه من الكلام وحاسين انهم مش فاهمين اي حاجه.
كمل حاج محمد الكلام.
قالتلي انه قبل ما ينزل يشتري حاجه اداها فلوس و اداها كيس في حلويات و زجاجه مايه وسابلها التذكره بتاعت القطر صحيت دورت عليه في القطر ملقتهوش ورجعت نامت تاني و صحيت علي صوت الناس بيقولوا ان القطر وصل القاهره. وده كان الصبح انهارده يعني وكده يوم الجمعه واقع من حسابات البنت يعني تقريبا فضلت نايمه البوم كله من بعد الحادثه يوم الخميس ومتعرفش حاجه عن أهلها.
ليل....لا لحظه واحده انا مش فاهم مش المفروض انهم وصلوا مطار القاهره قطر ايه اللي ركبته ورجعت تاني القاهره يبقي هي كده مكانتش في القاهره.
حاج محمد...لا كانت في القاهره وده انا شكيت فيه فالاول ومكنتش فاهمها بس لما كملت الحكايه قدرت افهم شويه حكايه البنت دي ويمكن ده اللي خلاني اجي هنا و مسلمهاش للشرطه لاني مش ضامن لو سلمتها ورجعوها تاني للمكان اللي كانت فيه هيحصل فيها ايه.
نوح...طيب كمل اللي قالته.
حاج محمد ....وصلت البنت انهارده الصبح نزلت من القطر تنادي علي مامتها وبباها وتنادي كمان علي الراجل اللي ركبها القطر اللي اسمه إبراهيم. قالتلي انها مشيت كتير اوي وتعبت البنت دي حكتلي تفاصيل اليوم اللي مرت بيه انهارده بيتهيألي لو حد كبير مكانها عاشه كان جراله حاجه.
اول حاجه قبلتها كان كلب خافت منه وفضلت تجري خبطت ولد صغير في ايد والدته والست ضربتها ووقعتها مشيت تعيط وراحت تشوف مكان تنام فيه مش قادره من المشي بتقولي راحت نامت في مكان فاضي وهادي صحاها ولد وسألها قاعده كده ليه قالتله بتدور علي مامتها وحكتله طبعا الولد استغل الموقف وقالها انه هيساعدها وراحت معاها وداها بيت مهجور واسف يعني حاول يعتدي عليها و يقلعها لبسها وفضلت تصرخ وربنا بعتلها راجل طيب ينقذها خدها الراجل وطلع بيها علي شقته ومن كلامها ان مراته كمان خدتها اوضه وحاولت هي كمان تقلعها طبعا هي شيفاها هي كمان وحشه بس اللي استنتجته ان الراجل حكي لمراته والست كانت بتطمن ان الولد مآذهاش وبعدها بتقولي نزل بيها جمب المحل بتاعه وقعدها علي كرسي يمكن تكون تايهه ويجي حد يسأل عليها.
هربت منه وفضلت تجري لحد ما راحت عند موقف ميكروباصات ولما سألوها راحه فين قالت المستشفي هي كانت تقصد المستشفي اللي فيها مامتها وبباها بس الناس فكروها تقصد مستشفي الحسين فا ركبوها ونزلوها هناك قدام المستشفي.
ودخلت وفضلت تلف وتشوف مناظر مرعبه وتنادي علي مامتها وتقريبا خافت لما شافت ولد بيصرخ في ايد الدكاتره خرجت وجريت لحد ما وصلت عند مسجد الحسين..
انا سألتها ازاي ركبت القطر وكانت فين قيل ماتيجي من القطر قالت متعرفش بس الناس اللي كانوا عندهم كانوا بيتكلموا زي اهل بابا وقالت انها لما كانوا مسافرين وبيكلمهم في التليفون كانت بتسمعه بيتكلم زيهم.
قولتلها بيتكلموا ازاي وشكلهم عامل ازاي.
قالتلي ان باباها كان بيقول انه من الصعيد والراجل اللي اسمه إبراهيم ده كان لابس جلابيه.
سألتها طب ليه سابك لوحدك وليه ركبك وسابك قالتلي مش عارفه هو قال هيوديني عند ماما وبابا بس كان عنده في البيت ست وحشه وبتزعقلها وهي خافت منها
وطبعا لما وصلت عند المسجد حست بالجوع شافت محل من المحلات بيعمل اكل دخلت جوه المحل اللي شغال في المحل زعقلها وخرجها كان فاكرها بتشحت بس في اسره شافت الموقف و أكلوها وبعدها قالت انها دخلت المسجد عشان تصلي وتدعي زي ما ولدتها علمتها ويظهر ان ربنا أستجاب دعوتها
وكمل وهو باصص لعشق بحزن
جات عندي عند الكشك وراحت نامت في نفس المكان وعلي نفس الرصيف وكأن الرصيف ده وراه سر واول ما شوفتها وعرفت حكايتها وقتها أفتكرتكم غصب عني وحسيت ان الايام بتعيد نفسها نفس الموقف بس مع اشخاص مختلفه.
غمضت عشق عينها ونزلت دموعها بقهر ووجع.
ونزلت دموع نور
اما ليل ونوح كانوا مصدومين
حاج محمد...قالتلي هتساعدني قولتلها طبعا وطلبت منها تيجي معايا قالتلي هتوديني فين.
قولتلها هوديكي عند حد عارف انه هيقدر يساعدك هوديكي عند حد حكايته فيها من حكايتك ولقيت نفسي باجي علي هنا يا بنتي.
ليل....طيب فين امها وابوها احنا ممكن نسال في المستشفيات.
نوح....الاول هي ازاي وصلت الصعيد اصلا.
حاج محمد صدقني مش عارف يا ابني هي حكايتها غريبه وفي وراها سر وبردو متنسوش انها طفله كويس اوي انها قدرت تفتكر كل ده ده كفايه اللي شافته في اليومين اللي فاتوا الخميس ضاعت من اهلها والجمعه لقت نفسها في مكان غريب وبعدين بتركب قطر لوحدها و انهارده شافت يوم بعمرها كله.
وأه صحيح انا سألتها علي أسمها قالت اسكها ليان.
بصت عشق بوجع لليل وهي دموعها مغرقه وشها.
عشق....الامانه وصلت ياليل💔💔💔🥺🥺🥺🥺🥺
بصلها ليل بصدمه 😳وكأنه افتكر الحلم اللي قالت عليه عشق قبل ما يروحوا المزرعه امبارح.🥺
نوح....امانه ايه؟؟
نور...بدموع تقصدي ايه يا عشق؟
قامت عشق من مكانها ومشيت بهدوء لحد ما وصلت قدام الكنبه ونزلت علي ركبها مسكت ايد ليان
و بصتلها ثواني وهي دموعها بتنزل.
ورجعت بصت لنوح ونور.
عشق...امبارح قبل ما نروح المزرعه حلمت بي بابا وقالي ان في امانه هتجيلي بيوصيني عليها
فضلت أسأله امانه ايه كنت فكراه بيوصيني عليكي يا نور قالي لا انا عارف ان نور في امان معاكم لكن في امانه تانيه وبعدها مشي.
وكملت بدموع وهي باصه علي ليان بس الوقت انا عرفت كان بيوصيني علي ايه أمانتك وصلت يا حبيبي💔💔
أنهارت نور من العياط💔
حاج محمد....انا اسف والله حقكم عليا انا مكنتش اعرف انكم هتتأثروا كده بس اعذروني مكنتش عارف اتصرف ومقدرتش أسلمها صعبت عليا البنت كانت هتتبهدل وهي مش حمل بهدله.
ليل....خير ما عملت يا راجل يا طيب واضح فعلا ان وراها حكايه كبيره وياعالم لو كانت اتسلمت للشرطه كانوا ودوها فين والمؤسسه اللي كانت هتاخدها كانت هتهتم بالموضوع ولا هتسيبها في المكان وخلاص.
نوح....عندك حق احنا لازم نعرف فين مامتها وبباها وكمان نعرف هي ازاي مشيت من المستشفي أتخطفت منهم ولا ايه.
نور....بس يمكن اللي كانت معاه ده يعرف اهلها مش بيقول من الصعيد.
نوح....ايوه بس ايه الحكمه من ان البنت تسافر الصعيد وياخدها يركبها قطر لوحدها.
نور...مش يمكن مثلا ده عنده عداوه مع اهلها وخطفها منهم وسابها لوحدها.
ليل....وارد يا نور ويمكن ده اللي فكرت فيه عموما هي شكلها وراها حاجه كبيره وانا عن نفسي مش هسيبها غير لما اعرف حكايتها
حاج محمد...ربنا يباركلكم الوقت بس انا مبسوط و حاسس اني عملت اللي عليا و و صلتلك امانه صاحب عمري يا بنتي .
عشق...بأبتسامه بسيطه مش عرافه اقول لحضرتك ايه بجد
حاج محمد...ولا اي حاجه انا اللي بشكركم ومعلش هقوم بقي انا عشان الوقت اتأخر الحق اشوف تاكسي يوصلني
ليل...خليكي يا راجل يا طيب انا هوصلك لحد الحسين بنفسي
حاج محمد...ملهوش لزوم التعب يا ابني انا عارف طريقي.
ليل....تعب ايه بس كفايه الخير اللي انت عملته.
عشق....من فضلك ينفع تستني بس نصحيها عشان لو صحيت ممكن تخاف لو مش لاقيتك هي جايه معاك واكيد حست معاك بالامان خليها تعرف انك هتسيبها هنا قبل ما تمشي.
حاج محمد.... طبعا يا بنتي
قرب حاج محمد وصحي ليان اللي كانت غطسانه في النوم ومش دريانه بأي حد.
واول ما شافتهم مسكت في ايده وهي خايفه.
حاج محمد بأبتسامه صحي النوم يا قمر بصي بقي انا مضطر اني امشي يا حبيبتي الوقت عشان اتأخرت اوي
ليان....بخوف هتسيبني لوحدي 🥺
حاج محمد ...لا طبعا هجيلك تاني وبعدين انا قولتلك هوديكي عند الناس اللي يقدروا يساعدوكي و يرجعوكي لماما وبابا
بصتلهم ليان وبصت لعشق اللي كانت قاعده قدامها بصالحها ودموعها نازله.
ليان...هتوديني لمامي
عشق...بوجع أبتسمت هوديكي يا حبيبتي مش هسيبك متخافيش.
قربت منها نور...هو انتي اسمك ايه.
ليان....انا أسمي ليان
نور...أسمك حلو اوي
عشق...قوليلي يا ليان انتي كنتي ساكنه فين قبل ما تيجي هنا مصر.
ليان....انا كنت مع بابي ومامي في لندن.
عشق...طيب جيتوا مصر ليه.
ليان....مش عارفه بس بابي قال اننا هنروح نشوف اهله ونطمن علي جدو.
ليل....طيب تعرفي مكانهم او تعرفي اي حاجه عنهم
ليان...اعرف انهم عايشين في الصعيد بس.
ليل...طيب تعرفي اساميهم تعرفي شكلهم.
ليان....اعرف اسم جدو مش عارفه شكلهم اوي وكمان بابي عنده اخوه
ليل...واسمه ايه.
ليان....مش فاكره اوي بابي كان بيخليني اكلم ناس كتير اسلم عليهم جدو اسمه زكريا. وفي واحد اسمه إبراهيم زي عمو اللي ركبني القطر.
ليل...يعني اللي ركبك ده يبقي اخو بابي
ليان...لا ده معرفهوش مش شوفته قبل كده انا شوفت صورت اخو بابي وجدو بس شكله مكانش زي ده.
عشق....طيب تقدري تقولي اسمك بالكامل او تقولي اسم مامي بابي يعني يمكن نقدر نوصلهم
ليان....ايوه اعرف مامي اسمها لميس وبابي محمد وجدو زكريا.
ليل...يعني انتي اسمك ليان محمد زكريا.
ليان...اسمي ليان محمد زكريا طاحون.
ليل...بأبتسامه نصر براڤو انتي شاطره جدا يعني اسم عيلتكم طاحون.
بصله نوح....بيتهيألي نقدر نوصلهم بسهوله عن طريق المطار او معارفنا في الصعيد
ليل...بالظبط
عشق....طيب كويس اوي ويمكن كمان نسأل في اقرب مستشفيات من المطار عن اساميهم ونشوف الحوادث اللي دخلت يوم الخميس.
نور...طيب مش يمكن الحادثه محصلتش جمب المطار ونبقي بندور في مكان غلط.
ليل...صح قوليلي يا ليان لما عملتوا حادثه بالعربيه تقدري تقوليلي ايه اللي حصل وعملتوها بعد ما ركبتوا بكتير ولا لا.
ليان....انا كنت جمب مامي وبابي كان قدام ومش فاكره امته عملناها بس بعد ما ركبنا بشويه ومامي خدتني في حضنها اوي وفضلت تصرخ وبعدين معرفش حصل ايه.
نور....يعني الجروح اللي فيها دي من الحادثه وادام محصلهاش حاجه جامده يبقي ان شاء الله هما كمان كويسين.
عشق...يارب عموما احنا من بكره لازم نتحرك الله اعلم اهلها عاملين ايه الوقت.
ليل...خير ان شاء الله هنقدر نوصلهم.
عشق...بصي بقي انا الوقت هوديكي اوضه جميله اوي هتحبيها جدا وعلي فكره المكان هنا كله بتاعي انا وفي اطفال كتير هما نايمين الوقت بس الصبح هتشوفيهم وتتعرفي عليهم وتلعبي كمان معاهم هوديكي بس الاوضه الوقت ونشوف لبس حلو تلبسيه عشان تنامي وتاكلي كمان وانا بكره هعمل كل حاجه في ايدي عشان اقدر ارجعك لاهلك اتفقنا.
ليان....اتفقنا بس هو انا ممكن اخد شاور
عشق...بابتسامه طبعا ممكن كل اللي انتي عيزاه هعمله حالا بس مش عيزاكي تخافي ولا تقلقي
ليان....بخوف طيب ممكن متسيبونيش و تساعدوني بجد في ناس كتير قالوا هيساعدوني وكانوا وحشين🥺🥺
عشق...بدموع لا يا حبيبتي انا مش هسيبك ابدا متخافيش وانتي هنا في امان اطمني اتفقنا
ليان...أتفقنا.
عشق...ممكن تيجي معايا بقي اوريكي الاوضه واعرفك علي ناس بيشتغلوا هنا هيخلوا بالهم منك طول ما انا مش موجوده اوك
ليان...اوك.
عشق....ليل تقدر توصل حاج محمد وترجعلي تاني اكون اطمنت عليها.
ليل...بابتسامه وتأثر طبعا هروح انا ونوح نوصله وهرجعلكم تاني
حاج محمد باس راس ليان وسلم عليها ووعدها يجي يشوفها تاني وبعد كده مشي مع ليل ونوح.
مر حوالي ساعه ونص في الوقت ده كانت عشق دخلت ليان اوضتها الخاصه بيها هي والبنات وعرفتها علي الدادات الموجودين
والاخصائيه الاجتماعيه وعرفتهم من غير تفاصيل انها حاله خاصه وطلبت منهم انهم يهتموا بيها
جابتلها غيار يناسب سنها وحضرولها عشاء وقعدت معاها هي ونور...علي قد ما كان باين انها رقيقه وجميله لكن كانت بتاكل بجوع فظيع كانها بقالها كتير مكالتش.. طول الوقت كانت عشق دموعها نازله ومش قادره تسكت.
بعد ما خلصت ليان الاكل طلعت علي السرير وفضلت عشق جمبها
عشق....يلا نسمي الله ونامي شويه بقي وارتاحي.
ليان....حضرتك مش هتسبيني صح
عشق ..لا هفضل معاكي لحد ما تنامي.
ليان...يعني هتساعديني.
عشق...هساعدك يا حبيبتي متخافيش.
ابتسمت ليان وفضلت عشق جمبها ماسكه ايدها وضاغطه عليها عشان تحسسها بالامان لحد ما راحت في النوم.
مسحت عشق دموعها.
نور...يلا ياعشق خلينا نخرج ونسيبها يا حبيبتي .
عشق...بدموع مش هاين عليا يا نور دي شكلها مش وش بهدله خالص.
نور...بدموع عارفه والله ولا هاين عليا انا كمان وعموما مش هنسيبها ده يمكن ربنا حطها في طريقنا عشان عارف اننا هنصونها.
عشق....بابا وصاني عليها كتير اوي مكنتش فاهمه يقصد ايه وكنت هتجنن واعرف ايه هي الامانه.
مكنتش اعرف يا نور ان حكايتنا هتتكرر من تاني ولا كنت اعرف ان الرصيف ده ممكن يكرر حكايتنا
نور...بدموع طيب ممكن تهدي
يا عشق صدقيني زي ما الرصيف ده وصلكم لبر الامان ان شاء الله ليان كمان هتوصل لبر الامان هي ربنا بيحبها انها وقعت في طريقنا
انتي متخيله هي شافت ايه وفي يومين اتنقلت من بلد لبلد وفالاخر تجيلنا هنا اكيد في حكمه من كل ده.
عشق...ونعم بالله ان شاء الله نعمل كل اللي نقدر عليه
نور...طيب يلا بقي نوح وليل مستنين بره.
عشق...حاضر..بصت عشق علي ليان و باستها من راسها وخرجوا من الاوضه وفضلت توصي عليها الداده ونزلوا تحت
كان واقف ليل مستنيها جمب البوابه وعارف انها نفسيا اكيد تعبانه بصلها من بعيد وهي جايه وشها وعينها حمرا بصلها بحزن
ودلها ايده من بعيد وبمجرد ما قربت منه عشق ولأول مره في حياتها تعمل كده قدام اي حد دخلت جوه حضنه وانهارت من العياط.💔🥺
لف ليل ايده علي ضهرها وحضنها بايد واحده والتانيه حطها علي راسها.
ليل....عشق بلاش كده عشان خاطري.
نور...بدموع مبطلتش عياط من ساعت ما مشيتوا
نوح....وحدي الله يا عشق متقلقيش احنا مش هنسبها اكيد.
ليل...حبيبي يلا نمشي من هنا انتي لازم ترتاحي
خرجت عشق من حضنه وبصتله مش قادره اسيبها وامشي ياليل.
ليل...بحزن عارف عارف والله يا حبيبي وقولتلك هي ان شاء الله قاعده هنا بشكل مؤقت ومن بكره هعمل كل حاجه يقدرني عليها ربنا عشان اوصل لأي معلومه عن أهلها
اهدي بقي عشان خاطري.
هزت عشق راسها بهدوء وراحت معاه علي العربيه وركب نوح ونور معاهم و وراهم الجارد وراحوا علي الڤيلا.
واول ما وصلوا كانت سهام لسه صاحيه مستنياهم.
حكولها اللي حصل وفضلت عشق منهاره
سهام....اهدي ياعشق هتتعبي من كتر العياط ده يلا حبيبتي اطلعي ارتاحي شويه عشان تقدري تصحي.
ليل....لا عشق مش هتنزل الشركه بكره
بصتله عشق وسكتت🥺
ليل...متبصليش انتي تعبتي انهارده خليكي مرتاحه.
عشق...طيب هو انا ممكن اروح الدار .
ليل....لو هتروحي وتفضلي كده مش هتروحي يا عشق عشان تبقي عارفه.
سهام....خلاص انا كمان هروح معاكي كنت ناويه انا ومني نروح لاننا مروحناش من يوم الخميس.
ليل....خلاص روحوا مع بعض بس لو فضلت في حالتها دي تكلميني
سهام...اطمن عليها متقلقش يلا اطلعوا ارتاحوا شويه.
طلعوا كلهم علي اوضهم عشان يناموا والحزن كان باين علي الكل
خدت عشق شاور وخرجت خدها ليل نيمها علي السرير ونام جمبها وفضل واخدها في حضنه لحد ما راحت في النوم.🥺
..................
في صباح يوم جديد.
صحيت روكا من النوم علي الضهر كان عامر راح الشركه الصبح
وهي طبعا لسه واخده أجازه من بعد العرض. نزلت تحت عملت قهوه و قعدت علي كرسي البار اللي في المطبخ واتصلت بعامر.
روكا....ألووو
عامر...ياصباح الدلع
روكا....صباح السكر.
عامر...أخيرا صحيتي.
روكا....انا حاسه من يوم الخميس وبعدين يوم المزرعه عند ليل وانا واكله حتت علقه من امبارح بنام وبقوم وبس.
عامر...انتي واخده أمبارح نوم كل شويه تقومي وتنامي.
روكا....كنت تعبانه جدا والله يا عامر ست شهور شغل وبس مستكتر فيا كام يوم انام فيهم.
عامر...لا يا قلبي بس انتي واخده أسبوع أجازه عايزك تتبسطي فيهم
روكا.....والله انا اهم حاجه اني انام هتبسط اوي.
عامر....ياستي نامي هو في احلي من النوم😉
ضحكت روكا بدلع مش كده برده
عامر....كده بردو😉 بتعملي ايه.
روكا...ابدا صحيت ظبط نفسي ونزلت عملت قهوه واديني قاعده اهو في المطبخ بكلمك.
عامر....اوباااا🤨قاعده علي الكرسي بتاعي ولا بتاعك.
روكا....انت عارف طول ما انت مش موجود بقعد علي الكرسي بتاعك انت عشان احس بيك😉😂😂
عامر...بأبتسامه ايوه بقي يعني انتي الوقت قاعده علي رجلي😉
روكا...بضحك مش هتبطل سفاله عمري ما شوفتك مؤدب🤨
عامر....ولا هتشوفيني ياقلبي هو اللي يتجوز روكا يبقي مؤدب برده.
روكا....علي فكره بقي انت وحشتني❣️
عامر...وانتي كمان والله العظيم ومن ساعت ما جيت الصبح وانا قالب علي كل الموظفين و مزاجي كان زفت متبسطتش غير لما سمعت صوتك.
روكا....طيب بزمتك انت بتقلب علي حد انا عمري ما شوفتك قالب يا عامر انا ديما بشوفك طيب.
عامر...عشان انا عمري ما وريتك الوش التاني يا عمري🤨
روكا....بدلع أخاف أنا🙈
عامر...بتكلم جد علي فكره 🤨
روكا....خلاص ادام اتبسطت اني كلمتك يبقي اجيلك بقي عشان تتبسط اكتر.
عامر....ياسلام ده صاحب الشركه ينزل يستقبلك بنفسه كمان.
روكا...بضحك متطلعهاش في دماغي .
عامر....طيب طلعيها يلا و ساعتها مش بس الأستقبال ياستي هصرف مكفأه لكل الموظفين فوق مرتبهم.
روكا....لا لا لا عامر الالفي بيضحي وانا كده مقدرش وهاجي عليك بخساره.
عامر....انتي ديما مكسب ياروكا.
روكا....بحبك يارخم🥺
عامر...وانا بموت فيكي يا قلب الرخم.
روكا....يلا روح شوف شغلك وانا هشرب القهوه واكلم مامي وبابي اطمن عليهم وبعدين هشوف أعمل ايه .
عامر....ماشي يا حبيبي ولو هتيجي عرفيني هااا🤨
روكا....حاضر
عامر...كلي حاجه متشربيش قهوه بس.🤨
روكا ...بدلع حاااضر.
عامر...وبلاش سجاير كتير عشان صدرك هااا😉😉
روكا....بضحك اقفل يارخم يلا
عامر...بضحك سلام ياروكتي😉❣️
روكا....باي يا حبيبي❣️
قفلت معاه روكا وهي مبتسمه وسعيده واتصلت علي مامتها.
صفيه....حبيبتي كنتي علي بالي والله كنت بخلص اللي في ايدي وهكلمك.
روكا...بعد ايه بقي يا صفصف ما انا سبقتك اهو🥺
صفيه....كلمتك امبارح كذا مره مكنتيش بتردي قلقت عليكي اتصات علي عامر قال انك نايمه.
روكا.....كنت هموت من التعب يا صفيه والله.
صفيه...بعد الشر عليكي يا حبيبتي.
روكا....وحشتيني اوي انتي وبابي وساره وولادها.
صفيه....انتي اللي وحشتينا اوي
روكا...كان نفسي تبقوا معايا يوم العرض اوي🥺
صفيه...واحنا كمان والله بس انتي عارفه هاشم كان واخد دور برد شديد وكان تعبان.
روكا...طمنيني عليه عامل ايه الوقت.
صفيه...احسن الحمد لله
روكا....هو فين في المعرض ولا لا
صفيه...لا لسه مريح اخو جمبي
روكا...طيب هاتيه.
صفيه....خدي معاكي اهو.
هاشم....بصوت واضح عليه التعب ألووووو وحشتيني يا روكا.
روكا....لا بقولك ايه متعملش فيها
صوتك تعبان عشان تصعب عليا ومتخانقش معاك
هاشم...بضحك وتتخانقي معايا ليه بقي.
روكا...عشان وحشتني وكنت عايزه اشوفك في العرض
هاشم....اولا العرض انتي عارفه انه غصب عني كنت تعبان جدا
اما بقي لو وحشتك كنتي جيتي اطمنتي عليا و شوفتيني.
روكا....هجيلك يا حبيبي انا كده كده خدت اجازه اريح شويه وهاجي اشوفك واقعد انا وانت في البلكونه نسهر ونرغي للصبح زي زمان.
هاشم....ياسلام وانا مستني و محضر نفسي للسهر من الوقت.
روكا....بحب خلاص هظبط نفسي وهاجي علي طول يا حبيبي المهم خلي بالك من صحتك.
هاشم....ابوكي صحته حديد يا بت
روكا....يعني اجيب العروسه ولا هتكسفني.
هاشم...بضحك امك جمبي وهتقتلك وتقتلني.
روكا...بضحك احيه صفصف دي قمر😂😂😂
هاشم....ماشي يا خوافه
روكا...بحب يلا يا حبيبي روح ارتاح عشان متتعبش.
هاشم...متتأخريش عليا ياروكا وحشتيني يا بنت قلبي.
روكا....بحب 🥺مش هتأخر يا حبيبي والله انت اللي وحشتني اوي.
هاشم...يلا حبيبتي خدي صفيه معاكي.
صفيه....ايوه يا روكا.
روكا....صوته لسه تعبان🥺
صفيه....لا تعبان ايه كنا فين وبقينا فين.
روكا...المهم خدي بالك عليه وانا يومين وهبقي عندك وهعرف ساره قبلها عشان تيجي هي كمان وتبقي عامله حسابها.
صفيه....ماشي يا حبيبتي كلنا مستنينك
روكا....ماشي يا حبيبتي لا اله الا الله.
صفيه...سيدنا محمد رسول الله.
.............
في شركه ليل كان وصل طبعا هو والشباب وسألوا عن عشق وحكالهم ليل اللي حصل تمارا وزهره كانوا هيتجننوا علي عشق ومتأثرين بحكايه ليان
وبالفعل بدأ ليل يتحرك بطريقته في موضوع ليان.
جاسر......بقولك ايه ياليل انا حاسس ان اللي ركب البنت دي القطر هو عمها.
ليل...وانا كمان يا جاسر لما البنت قالت انه اسمه إبراهيم علي اسم عمها شكيت
نور...بس هي قالت لا مش شبهه.
ليل....بس كمان متنسيش انها في الاول والاخر طفله متقدرش تميز اوي الشكل و قالت ان والدها كان وراها صوره ليه مع عمها يعني اكيد الصوره دي وهما صغيرين فا عمرها ما هتقدر تميز الشبه ابدا.
نوح....صح يا ليل
تمارا....بس مستحيل يا جماعه يكون عمها وليه هيعمل كده طيب فين مامتها وبباها وبعدين معلش يعني لو عمها هيروح يخطفها من المستشفي ويرجع يركبها القطر ويسيبها ولا هيروح ياخدهم من المستشفي ويخطف البنت بسهوله منهم ويركبها القطر في حاجه غلط يا جماعه.
زهره....انا بقول اهم حاجه الوقت الخطوه اللي ليل خدها يتأكد الاول انهم فعلا وصلوا الخميس المطار .
ادم....فعلا لازم الخيط يتمسك من اوله.
تمارا....بس انا عند رأيي ميتهيأليش عمها يعمل كده.
جاسر....لا يعمل يا تمارا وفي ناس اسوء من كده كمان
نور...انا حاسه ان ممكن يكون اللي عمل كده عمل كده انتقام من عيلتها وهو مش منهم ويمكن تكون تشابهه اسماء.
ادم...ياريت يانور عالاقل الموضوع هيبقي حله اسهل بكتير.
نوح...يعني ايه حله اسهل وهو لو فعلا عمها ايه اللي هيعقد الحوار في الاخر المهم ان البنت ترجع لوالدتها ووالدها.
ليل....ادم بيتكلم صح يا نوح وانا فعلا اول حاجه فكرت فيها اني اعرف السر ورا البنت دي من غير اي شوشره اصل لو اللي عمل كده عمها فعلا تبقي كارثه واكيد البنت في خطر وبعدين انا شاكك في حاجه خايف البنت يكونوا مامتها وباباها لسه في المستشفي وهو جه خدها من وراهم.
جاسر...يبقي لازم فعلا التحرك يكون في هدوء عشان البنت متتأذيش
ليل....لو هلي آذيه البنت متقلقش هي معانا خلاص يعني في امان محدش هيقدر يوصلها غير لو انا حسيت انها فعلا في امان.
نوح....بقولك ايه ما تكلم دياب كده وتحكيله يمكن يقدر يفيدك هو مش شغال في المباحث يعني اكيد هيفدر يفيدك ويعرفك تبدأ منين.
جاسر....فعلا بيتهيألي دي فكره حلوه.
ليل....اممم تمام هكلمه كده وأفهم منه.
ادم....ان شاء الله خير
ليل....يلا روحوا علي مكاتبكم خلونا نكمل شغلنا عشان عايز ابقي اعدي عليهم في الدار عشق حالتها من امبارح مش حلوه.
جاسر.....خلاص تمام وانا وتمارا هنيجي معاك بردو.
ليل...نخلص بس واللي فاضي يجي.
جاسر...تمام يلا ياشباب.
خرجوا كلهم ومسك ليل الموبايل كلم دياب.
وبعد ما سلموا علي بعض.
ليل....معلش يا دياب انا مش هعطلك بس كنت عايزك في خدمه يعني مجرد استفسار.
دياب....عيب متقولش كده عطله ايه بس تحت امرك قول.
ليل...انا هقولك كده بأختصار هو حوار يخص بنت صغيره وصلت امبارح الدار.
دياب....تمام معاك.
بدأ ليل يحكيله عن ليان وبعد ما خلص.
ليل...بس هي دي كل الحكايه انا ليا معارف في المطار اتصلت بحد حبيبي كده يتأكد بس هما فعلا وصلوا يوم الخميس ولا لأ وليا معارف في الصعيد بس لسه مكلمتش حد غير لما اتأكد من المطار.
دياب....بقولك ايه مش عايزك تتواصل الوقت مع حد في الصعيد عشان متلفتش النظر احنا مش عارفين ملابسات الموضوع هناك ايه متنساش انك واخد الكلام من طفله و طفله مش عارفه اي حاجه ولا عارفه هي بتتعامل مع مين اصلا ..
ليل....ايوه يعني اعمل ايه الوقت.
دياب....سيبلي انا الحوار ده وانا هرسيك عليه..بس الاول انت قولت اسمها بالكامل أيه.
ليل....قالت ان اسمها ليان محمد زكريا طاحون. والدتها اسمها لميس والراجل اللي ركبها اسمه إبراهيم وعمها كمان اسمه إبراهيم. وطبعا من الصعيد
دياب....متشي بس خد بالك الصعيد دي كذا محافظه وطاحون ده اسم هتلاقيه في كذا مكان
ليل....انت بتعقدهالي ليه انا عندي استعداد ادور في الصعيد كلها.
دياب...مش بعقدها وبعدين متقلقش الاسم رباعي معانا يعني هنقدر بسهوله مع شويه معلومات نوصل بس عايز اقولك حاجه البنت دي الراجل اللي وصلها مليون في الميه عمها.
ليل...انا شاكك في كده بس مش عارف ازاي خدها من المستشفي وسافر بيها ولو هيسافر بيها مع والدتها ووالدها ازاي خدها منهم ولو خطفها خدها ليه الصعيد لما هو هيسيبها ترجع تاني لوحدها ماهو لو قاصد انه يخليها تتوه كان خدها من المستشفي ورماها في اي مكان.
دياب....اممممم بس في حاجه تانيه انت مفكرتش فيها يا صاحبي.
ليل....ايه هي؟
دياب....مش يمكن والدها ووالدتها ماتوا في الحادثه مثلا؟
ليل....بصدمه ازاي وليه يعمل كده اصلابدل ما يخدها يرميها ولو اللي بتقوله ده صح هيعمل كل ده امته.
دياب.....لا هيعمله بسهوله عموما في سيناريو كده في دماغي بس مش عايز نسبق الاحداث خليني انا اشوف الدنيا فيها ايه وهكلمك.
ليل....ماشي وانا لو جاتلي مكالمه من المطار هكلمك.
دياب....متحملش هم انت بقي انا هتصرف متقلقش.المهم زي ما قولتلك متعملش اي حاجه لحد ما نتأكد رجوع البنت في مصلحتها ولا لأ.
ليل....ماشي يا دياب وحقك عليا انا قلبت دماغك
دياب...يا جدع عيب متقولش كده يلا روح وهبقي معاك علي اتصال.
ليل....ماشي يا حبيبي تسلم يلا سلام
دياب...سلام.
...............
في شات الواتس
بعتت روكا تطمن عليهم وتغيظهم انها واخده اجازه وهما في الشغل.
💃💃 Crazy Girl🤯
الكبيره💃: مسامسا عاملين ايه يا عاملات 😂😂 طبعا مسحولين في الشغل وانا مرتاحه. وفين عشق غريبه يعني مبعتتش وقت الفجر ولا وقت الضهر علي الصلاه
طمنيني عليكي.
سيلا⭐: بتغيظينا ليكي يوم يعني هي الاجازه مش هتخلص.
الكبيره💃: عامله ايه يابت وحشتيني .
سيلا⭐: الحمد لله كويسه
الكبيره💃: طمنيني عليكي في الجريده ولا ايه.
سيلا⭐: اه بس ممكن شويه كده وامشي.
الكبيره💃:لبه بدري كده مفيش شغل ولا ايه.
سيلا⭐: لا في بس تقدري تقولي كده يبقي الحال علي ماهو عليه وبصراحه انا زهقانه اوي
الكبيره💃: طيب ما تعدي عليا
سيلا⭐: مش عارفه عموما هشوف واقولك.
نور: عاملين ايه يا بنات
الكبيره💃: الحمد لله با قلبي طمنيني عليكي وعلي عشق غريبه مدخلتش ماسكه العصايه عشان نصلي.
سيلا⭐: ازيك يا نور.
بعتت نور ڤويس سلمت عليهم وطمنتهم علي عشق وحكيتلهم باختصار اللي حصل وانها مراحتش الشركه ونفسيتها تعبانه وراحت علي الدار.
الكبيره💃: بقول ايه طيب ابعتيلي العنوان وهروحلها انا كده كده كنت عايزه اروح الدار واصلا قاعده مش عارفه اعمل ايه وهاخد البت سيلا معايا هي كمان هتخلص خلاص.
نور: خلاص هبعتلك وكده كده احنا شويه وهنروحلها.
الكبيره💃: خلاص تمام يبقي اشوفكم هناك.
نور: تمام هروح اخلص بسرعه بقي
لمار: خيانه هتروحوا من غيري
الكبيره💃: تعالي معانا
لمار: مسحوله والله ياروكا مش هعرف خليني مره تانيه انا بحاول اسابق الزمن عشان افرش بقي الڤيلا.
الكبيره💃: ان شاء الله هتخلصيها وعموما انتهزيها فرصه
انا لسه اجازه لو محتجاني في اي حاجه.
لمار: ان شاء الله يا قلبي المهم سلمولي علي عشق كتير لحد ما اكلمها.
الكبيره💃: حاضر هسلم عليها يلا هقوم اخد شاور واجهز نفسي علي بال ما يخلصوا شغل البنات
لمار: تمام يا قلبي يلا باي.
................
قفلت معاهم روكا واتصلت بسما وريم تشوفهم لو فاضيين يروحوا هما كمان
وتفقت سما وطلبت منها تعدي عليها تاخدها بدل ما تسوق بي تيم وريم كمان قالت هتروح
...........
اتصلت سيلا علي بدر تبلغه.
سيلا...الوو
بدر...ايوه يا سيلا.
سيلا....عامل ايه.
بدر...تمام الحمد لله انتي عامله ايه
سيلا....تمام كنت بس هقولك اني خلاص بخلص الشغل وكنت هروح مع روكا لعشق في الدار.
بدر....طيب تمام هتتاخري
سيلا....لا مش اوي هطمن بس علي عشق وهقعد معاهم شويه وهنمشي.
بدر...مالها عشق.
سيلا....معرفش بس نور قالت انها نفسيا مش تمام وبدأت تحكيله في السريع كده اللي حصل.
بدر....طيب تمام يا سيلا روحي
سيلا...بحزن من طريقته اوك يا بدر مش عايز حاجه.
بدر...كلتي؟
سكتت سيلا شويه ونزلت دموعها حاولت تاخد نفس عشان ميحسش انها بتعيط..اه الحمد لله
انت كلت.
بدر....لا لسه شويه كده
سيلا....تمام ابقي كل بقي.
بدر....حاضر
سيلا....مش عايز حاجه🥺
بدر...لا سلامتك خلي بالك من نفسك.
سيلا....حاضر
بدر....يلا باي.
سكتت سيلا ثواني....... باي🥺💔
......................
عدي الوقت بسرعه ووصلوا البنات الدار كانت عشق علي قد ما هي باين عليها الحزن لكن فرحت انهم جم فرجتهم علي الدار وشافوا عدد كبير من الاطفال كل واحده فيهم كان جواها مشاعر مختلطه من الحزن علي حاله البنات وخاصتا روكا اللي بمجرد ماشافت الاطفال راحت في عالم تاني حكتلهم عشق حكايه ليان وكانت متاثره جدا ورجعت تعيط تاني .
ليل....هو ممكن بقي تبطلي عياط شويه ولا نمشي افضل.
سهام...انا غلبت معاها ياليل
ليل....ما انا قولتلك يا امي لو فضلت كده بلغيني.
تمارا...بدموع هي فين يا عشق البنت مش قاعده معاهم ليه.
مني....كانت هنا من شويه بس راحت تلعب .
روكا....بحزن هو انا ممكن اشوفها يا عشق.
عشق...طبعا تعالوا اعرفكم عليها
ليل...روحوا واحنا هنفضل هنا انا والشباب.
عشق....استنوا اهي ماشيه لوحدها هناك.
وبدأت تنادي عليها.
عشق....ليااااان لياااان.
بصت ليان علي صوت عشق
وراحت عليها.
عشق....بابتسامه تعالي اعرفك علي صحابي مش احنا بقينا صحاب يبقي لازم تعرفيهم صح
ليان....صح.
بدأت عشق تعرفها عليهم وهما باين عليهم التأثر وبيحاولوا يحبسوا دموعهم.
سيلا....🥺 انا اسمي سيلا
ليان....بابتسامه وانا ليان❣️
سيلا...اسمك حلو اوي زيك بالظبط
ليان....بسعاده ميرسي.
عشق...ودي بقي روكا يا ليان.
بصتلها ليان كتير وقرت منها اكتر وفضلت مركزه في وشها من غير اي رد فعل
ابتسمت روكا بوجع ونزلت علي ركبتها في الارض عشان تبقي في مستواها وهي دموعها علي وشك الانفجار.
روكا....انا بقي اسمي الحقيقي روقيه بس صحابي بيقولولي ياروكا ولو انتي موافقه نكون صحاب تقدري تقوليلي زيهم روكا هااا قولتي ايه🥺🥺🥺💔
رفعت ليان ايدها وهي لسه مركزه وقربتها من وش روكا تحت انظار الجميع البنات والشباب وسهام ومني.
بمجرد ما لمست وش روكا غمض روكا عينها بوجع ونزلت دموعها
واتبدلت أبتسامه ليان اللي كانت مع الكل للحزن بمجرد ما شافت روكا.
ليان....حضرتك شبه مامي اوي🥺
روكا....بصتلها بصدمه ودموع🥺
وبسرعه شدتها لحضنها 💔🥺
