رواية دار الايتام الجزء الثالث (اللقاء المنتظر) الفصل العشرون
خلف كل قناع قوه ضعف
رفقاً بالأقوياء فاهم اشد تعب وضعف💔
.............
حاله الحزن والتأثر والدموع كانت ظاهره علي الجميع..
قدرت ليان انها توجع كل شخص بطريقتها من غير ما تقصد عشق وتمارا وزهره..قدرت تصحي فيهم وجع كانوا فاكرين ان الايام هتقدر تداويه خاصتاً ان الظروف اللي أتحطت ليان فيها كانت شبه ظروفهم اترموا في الشارع من غير أي ذنب يعملوا تعرض للآذي النفسي والجسدي. تعرض للتحر..ش ..ضياع و توهان في الشارع وكأن الدنيا كبيره عليهم
خوف وفزع ودموع وقهر ووقت ما تعبوا وقرروا أنهم يستسلموا
أستسلموا علي نفس الرصيف.
الفرق الوحيد اللي في حكايتهم انها شافت والدها ووالدتها عارفه هي مين وبنت مين لكن هما لأ💔
اما نور وريم وسما كان وجعهم وجع طبيعي وجع حزن علي حالتها وحاله باقي البنات في الدار
سيلا كان وجعها مختلف ومختلط بين حزنها علي حالهم جمبعاً وبين شعورها كأي ست بتتمني تكون ام وبين شعور بالذنب محدش يعرفه غير أتنين وبس👌
اما روكا وجعها كان وجع تاني خالص كان كل اللي بيدور في بالها أزاي في ام تقدر ترمي أبنها في الشارع ازاي في ام ترفض نعمه زي دي..والسؤال اللي كان واجعها بجد ليه يارب رزقت كل الستات دي بأطفال ويرموهم وانا بتمني طفل ومش قادره اجيبه
اما الوجع الاكبر هو ليان اللي بمجرد ما شافتها حست ان قلبها اتشد ليها.
فضلت ليان في حضن روكا كتير
ودموع روكا مش بتقف ويمكن من المرات القليله اوي اللي صحابها يشوفوا دموعها ديماً روكا بالنسبالهم مصدر القوه اللي من الصعب حاجه تهزها
سما....روكا حبيبتي اهدي شويه عشان خاطري.
مسحت روكا دموعها وخرجت ليان من حضنها و مسكتها من ايدها.
روكا....بجد انا شبه مامي.
ليان...ايوه شعرها كان نفس طول شعرك ولونه كمان مامي عينها كانت لونها اخضر بس لكن شكلك بالظبط تحبي اوريهالك😊
روكا...بأبتسامه طبعا انتي معاكي صوره ليها.
ليان....ايوه حطت ليان ايدها في رقبتها عشان تطلع السلسه اللي كانت لبساها ملاقتش اي حاجه
ليان....بحزن دي مش موجوده شكلها وقعت.
روكا...طيب خلاص متزعليش مش مهم مامي هتبقي تجبلك واحده تانيه.
ليان....ممكن تفضلي معايا لحد مامي ما تيجي🥺
روكا....🥺🥺ياريت بس المكان هنا للاطفال بس ممنوع الكبار يفضلوا فيه.
ليان...بس في دادات كتير هنا
روكا....بس ده شغلهم لكن انا مش هعرف اقعد هنا لاني مش بشتغل هنا🥺
ليان...طيب ممكن تجيلي تاني
روكا....طبعا وعد هجيلك كل يوم
واطمن عليكي كمان.
عشق....ليان ممكن بقي يلا تطلعي مع الداده بتاعتك هما بيطلعوا البنات خلاص عشان تتعشي وتنامي.
مسكت ليان في روكا انا عايزه افضل معاها🥺🥺
روكا...بدموع وانا كمان والله بس لازم تاكلي كويس عشان مش تتعبي ولا عايزه مامي لما تيجي تاخدك تلاقيكي تعبانه. اطلعي ووعد بكره هجيلك بدري اقعد معاكي شويه قبل ما اروح الشغل
اتفقنا.
ليان...أتفقنا 🥺🥺😔
مسحت روكا دموع ليان ممكن متعيطيش يا روحي عشان خاطري صدقيني انا مش بكذب عليكي هجيلك
ليان....حاضر هصدقك
روكا...طيب قوليلي محتاجه ايه اجيبهولك معايا لما اجي
ليان....مش عايزه حاجه انا عيزاكي انتي.
روكا...بحزن خدتها في حضنها وضمتها اوي وهي دموعها نازله.
وبعدين ودعوها وراحت مع الداده وفضلت تبص كل شويه عليها وهي في ايد الداده. لحد ما اختفت.
لفت روكا عينها بعيد عن البنات وهي منهاره من العياط.
سيلا...بدموع روكا ممكن تهدي شويه عشان خاطري.
تمارا....اهدي ياروكا انا عارفه ان ديما زياره الدار بتبقي متعبه جدا خصوصا لو اول مره تزوري دار ايتام.
روكا....البنت دي و جعتني بجد💔
ليل...بقولكم ايه انا اخلص من عشق تطلعولي كلكم ما تبطلوا عياط بقي.
سما.....بجد يمكن يا عشق المكان جميل اوي وفي نظام وفي الاهم من كل ده في حب واضح علي كل الموجودين حتي البنات كلهم واضح انهم مبسوطين واصحاب وبيخافوا علي بعض بس فعلا حاجه توجع القلب.
عشق...بوجع حتي لو مبسوطين وفي حب زي ما انتي بتقولي يا سما بس مفيش اصعب من احساس اليتم ولا اصعب من أحساس انك جواكي حاجه ناقصه ولو شايفه الحب في عيون الكل مش هيقدروا يعوضوكي عن حب انتي بتتمنيه. الام💔😔
ريم...معاكي حق 💔🥺بقولكم ايه انتوا نكدتوا عليا انا كنت فاكره هنيجي نلاعب البنات ونفرحهم ونتبسط معاهم مكنتش اعرف ان القاعده هتقلب نكد كده😩😩😩
سيلا....هو انتوا بلغتوا اول عملتوا حاجه عشانها.
ليل...انا كلمت دياب انهارده حكيتله وبيتهيألي ممكن يقدر يساعدنا في حاجه زي دي.
روكا...مسحت دموعها هو لو يعني مقدرتوش توصلوا لحاجه تخصها المفروض بيحصل ايه.
عشق....المفروض اننا بنبلغ بالحاله ويا بتفضل معانا هنا او بيودوها مكان تاني بس في حالات كتير زي كده وكنت انا باخدها عادي إلا لو ولاد لان الدار هنا بنات وبس.
سرحت روكا في كلام عشق وسكتت.
وبعد وقت بسيط مشيوا كلهم من الدار.
وصلت روكا سما وطول الطريق كانت ساكته وحزينه
سما...ماتيجي تقعدي معايا شويه جوه.
روكا...بابتسامه لا خليني اروح انا تعبانه اوي ومصدعه محتاجه ارتاح وزمان عامر راجع في الطريق.
سما...انتي كويسه.
ابتسمت روكا وهزت راسها متقلقيش عليا انا زي الفل
سما...بأبتسامه خلي بالك من نفسك هطمن عليكي لما تروحي.
روكا....ماشي يا روحي.
سما...باي🥺
روكا...باي ياسما.
نزلت سما ومشيت روكا وبمجرد ما بقت لوحدها رجعت دموعها تنزل تاني.
.........
وصلت سيلا الڤيلا كان بدر روح وبياخد شاور لحد ما نوني تحضر العشا دخلت سيلا كانت نوني بتحط اخر طبق علي السفره. و مستنياها توصل و مستنيه بدر ينزل.
سيلا...بابتسامه حزن مساء الخير يا نوني وقربت باستها من خدها.
في نفس الوقت اللي كان بدر نازل فيه من علي السلم.
نوني....مساء السكر بصت نوني في عين سيلا انتي معيطه
انتبه بدر وبص بأستغراب من بعيد وفضل يقرب
سيلا....بصتلها واتجمعت في عينها الدموع بسرعه.
نوني...بفزع ايه ده في ايه مالك🥺🥺
سيلا....بدموع دخلت جوه حضن نوني وأنفجرت من العياط قرب بدر منهم بسرعه وهو مفزوع من منظرها وأنهيارها بالشكل ده
بدر....سيلا في ايه مالها يا نوني
نوني...معرفش والله انا لاقتها جايه كده.
سيلا....خرجت من حضن نوني من غير ما تبص لبدر مفيش يا حبيبتي متقلقيش انا بس اضايقت لما شوفت الاطفال في الدار وفي بنت هناك اضايقت عشانها مش اكتر انا بس محتاجه ارتاح شويه
نوني...انتي مش هتاكلي
سيلا....معلش يا نوني مليش نفس تصبحي علي خير
خدت سيلا خطوه واحده وفجأه حست بأيد بدر بتمسك كف ايدها
وقفت سيلا فجأه ولفت ضهرها ليه 🥺🥺
بدر.....انتي كويسه.
هزت سيلا راسها بلأ🥺
شدها بدر من ايدها لصدره وحضن راسها بقوه وفي اللحظه دي انهارت كانت محتاجه منه كلمه صوته وحضنه وحنيته عليها وحشوها ومصدقت خدها في حضنه وانهارت.
نوني....ايه كل العياط دي اهدي يا حبيبتي
بدر...معلش يا نوني هاتيلها كوبايه مايه
نوني....حالاً
بدر...بحب باس راسها ممكن تهدي شويه.
سيلا....قلبي و اجعني اوي يا بدر الدنيا دي وحشه اوي🥺💔💔
بدر...طيب عشان خاطري اهدي مش عايز اشوفك كده.
نوني...امسكي يا حبيبتي اشربي يا سيلا.
مسكت سيلا الكوبايه شربت حاجه بسيطه.
بدر...ممكن تطلعي تاخدي شاور وتيجي تاكلي و تهدي شويه.
سيلا...صدقني مش جعانه انا محتاجه اخد شاور وارتاح .
بعد اذنكم.
طلعت سيلا علي اوضتها.
نوني...هي شافت ايه عمل فيها كده.
بدر...مش عارف يا نوني
نوني...طيب بقولك ايه هجيب صنيه واطباق و هحطلك فيها الاكل اطلع كل معاها فوق متسبهاش تنام من غير اكل.
بدر...حطيلها هي وعلي ما تاخد شاور هطلع اكلها وانا هاكل معاكي يا حبيبتي.
نوني...ياواد خلي عندك دم 😒 مراتك بتعيط وانت تقولي هاكل هنا .
بدر...🤨في ايه يا نوني الحق عليا مش عايز اسيبك لوحدك.
نوني...لا حسيس اوي 😒اطلع للبت اللي مفحومه من العياط ولو عليا انا مش عايزه اكل معاك اطلع يلا انا هاكل حاجه بسيطه اصلا وهطلع انام.
بدر...بابتسامه حب قرب منها باس ايدها ربنا يخليكي لينا يا ست الكل.
طبطبت نوني علي ايده بحب و يخليكوا ليا يارب يلا بقي اطلع متبقاش رخم 😒😒
بدر....بضحك مش لما تجيبي الاكل.
نوني...ايوه صح تعالي معايا.
ثواني وطلع بدر الاوضه كانت بتاخد شاور وصوت المايه شغال
حط صنيه الاكل علي التربيزه وفضل مستنيها لحد ما خرجت.
بدر...عامله ايه الوقت.
سيلا...الحمد لله.
بدر...يلا عشان تاكل نوني حطتلي انا وانتي الاكل عشان ناكل سوا.
سيلا....مش عايزه والله يابدر ليه سبت نوني تاكل لوحدها.
بدر... انتي عارفه ان هي اغلب الوقت مش بتتعشي اصلا وهي اللي صمت اكل معاكي وانا جعان علي فكره مكلتش من الصبح ولو مكلتيش مش هاكل.
سيلا...بحزن بس انا عايزه انام
بدر...هناكل و هسيبك تنامي تمام
سيلا...حاضر.
مسكها بدر من ايدها وراحوا قعدوا علي الكنبه وبدأوا ياكلوا كانت بتاكل وهي شارده وباين عليها الحزن.
كلت حاجه بسيطه وسابت الاكل
سيلا...الحمد لله.
بدر...كده انتي كلتي يا سيلا.
سيلا...صدقني شبعت
بدر...طيب اغسلي ايدك وروحي عالسرير هنزل الاكل واطلع
سيلا...ماشي.
نزل بدر ودخلت سيلا غسلت ايدها ورجعت طلعت علي السرير انكمشت علي نفسها و فضلت مفتحه عينها ودموعها نازله.
طلع بدر دخل الاوضه وطلع علي السرير قرب من سيلا باسها في راسها وفضل يلعب في شعرها.
غمضت سيلا عينها بوجع كان وحشها اوي💔🥺
بدر.....سيلا نمتي.
سيلا....لا🥺
بدر...طيب تعالي مسكها من دراعها ولفها ليه وخدها في حضنه
مسكت سيلا في التيشرت بتاعه
بدر....ممكن بقي اعرف بتعيطي ليه وايه اللي حصل خلاكي عامله كده.
سيلا...مفيش صدقني زي ما قولت البنات صعبوا عليا والبنت دي بالذات صعبت عليا تقريبا حكايتها زي حكايه عشق والبنات وبدأت تحكيله كل اللي حصل.
بدأ...يمكن هي صدفه غريبه بس ده بيحصل يا حبيبي و بيحصل اكتر من كده كمان اطفال كتير بتعاني وحوادث كل يوم نسمع عنها فيه اللي ربنا بيرحمه وبيوصله للأمان وفي اللي لسه مجاش عليه الدور.
سيلا...عارفه بس انا اول مره اروح مكان زي ده وبعدين روكا صعبت عليا اوي كنت حاسه بيها وبوجعها خصوصا لما البنت مسكت فيها و مكانتش راضيه تسيبها وتقولها انتي شبه مامي
اول مره اشوف روكا منهاره كده اخر مره شوفتها بحالتها دي لما حصل مشكلتها مع عامر قبل الجواز .
بدر...بس هي انسانه في الاخر ياسيلا مش معني ان روكا ديما بتبان قويه وجامده وبتقدر تحل اي مشكله وبميت راجل انها مفيهاش جزء ضعيف زي باقي الناس بالعكس روكا من الناس اللي لما بتضعف ممكن تنهار لانها طول الوقت باينه انها قويه صدقيني الشخصيات دي بتتحمل كتير بس لما بتتعب مبتقدرش تتحمل.
سيلا....عارفه بس يمكن انا بحب ديماً اشوفها كويسه مش بحب اشوفها ضعيفه او موجوعه او فيها اي حاجه.
بدر...امممم🤨 لا ده انا كده اغير بقي وهفتن كمان لريم وسما.انتي بتحبيها اكتر ولا ايه🤨
سيلا....مش كده والله سما وريم غاليين عليا فوق ما تتصور مقدرش اتخيل يوم يعدي من غير ما اتصل اتكلم مع سما واخد رأيها في حجات ولا اقدر يعدي يوم من غير ما اتصل اهزر واضحك مع ريم ولو حصل واتشغلت او هما اتشغلوا ببقي حاسه اني ناقصني حاجه هما بجد اكتر من اخواتي بس روكا بالنسبالي يمكن هي سنها مش كبير بس وجودها في حياتي بيحسسني انها امي ضهري وسندي .
بدر...من معلوماتي يعني ان سما هي الام الحنون. وانا الضهر والسند ولا ايه🤨🤨
سيلا...بابتسامه حقيقي سما ام جميله حنينه وبتخاف علينا هي فعلا ام في نفسها كده واكيد انت الضهر والسند بس اللي اقصده ان روكا بالنسبالي حاله خاصه عارف كده الام اللي بتدلع وتخاف و تصاحب ولادها دي روكا عارف يعني ايه تغلط و تبقي مطمن انك هتلاقي حد يقف وراك دي روكا
انك تقع في مشكله او يحصلك اي موقف تتصل عليها وانت واثق ان مفيش غيرها اللي هيسعفك دي بردو روكا...روكا يا بدر وقفت معايا في حجات عديت بيها كتير اوي عمري ما حتجتها وملقتهاش عمري ما حسيت اني مخنوقه او زهقانه إلا لو عملت كل اللي تقدر عليه عشان تنسيني وتضحكني.
بدر...بحب روكا دي مفيش زيها انا عارف قلبها كبير بجد هقولك علي سر يمكن لما اتجوزوا هي وعامر
كان جوايا احساس كبير انهم هيقضوا مع بعض شهر ولا اتنين وبعدين يسيبوا بعض لاني كنت عارف دماغ صاحبي مش بتاع جواز عامر بحسه زي الطير ملهوش بيت ديماً طاير ميقدرش يعيش في قفص وبردو روكا شبهه اوي وكنت فاكرها من اول ما اتعرفت عليها انها خفيفه ودماغها طايره اهم حاجه الشغل والسفر لكن أتفاجئت بعلاقتهم اللي كل يوم بتتطور وبيتمسكوا ببعض اكتر لما نوني قبل كده قالت ان علاقتهم بالنسبالها مميزه كنت فاهم قصدها لانهم فعلا مميزين
تحسيهم من بعيد مش هيقدروا يكملوا لكن لما تقربي منهم تحبي حبهم لبعض وعارف ان عامر لقي الامان والاستقرار مع روكا وقدرت فعلا تخليه يتعلق بيها ويحبها والاهم انهم مكانوش سجان لبعض لا دول كملوا طير بس وهما في ايد بعض.
سيلا...بابتسامه لا ده انا كده اللي شكلي هغير😒🥺
ضحك بدر وخدها في حضنه وباسها.
بدر...لا انتي حاجه تانيه خالص انا مهما قولت علي اللي كنت محتاجه ولقيته فيكي مش هيكفي الكلام يا سيلا انتي بنتي اللي بحب خوفها وضعفها اللي بحب اشوفها بتجري عليا زي الاطفال
سيلا....ده باماره ما انت قالب عليا وسايبني من غيرك بقالي يومين🥺🥺🥺
بدر...طيب بصي خلينا نغير الموضوع.
قامت سيلا من حضنه وقعدت قدامه وهي متعصبه ودموعها نازله لا مش هغير حاجه بقالك كام يوم متغير ومش بتتكلم معايا ولا بتنيمني في حضنك ولما بكلمك في اي وقت بتكلمني علي قد الكلام وتقفل حاولت اعرف مالك مش راضي تقول طيب ما انا لو زعلتك لازم تعرفني احنا مش متفقين علي كده با بدر غيرت اتفاقك ليه🥺🥺
بدر...بحب طيب ممكن تهدي وتبطلي عياط وتوطي صوتك اللي خرم ودني ده😡
سيلا....مش قبل ما تقولي مالك.
بدر...بصي بصراحه كده صدقيني معرفش مالي بس انا حاسس ان انتي اللي فيكي حاجه ومش من اليومين اللي كنت بعيد فيهم يا سيلا بس لا بقالي فتره .
سيلا...فتره وساكت يابدر طيب اتكلم معايا يمكن انت اللي فاهم غلط بدل ما تبقي شايل مني وحاسس ان فيا حاجه.
بدر...يا حبيبي شايل منك ايه بس انا عمري ما اشيل منك ابدا كل الحكايه اني حاسس انك متغيره بتسرحي كتير ديما مرتبكه ديما متوتره حاسس ديما انك بتفكري في حاجه ومتقوليش شغل لانك ياما انشغلتي وياما كان عندك شغل صعب وكنتي كويسه واللي خلاني متكلمش معاكي هو اني كنت بحاول اتأكد انتي فعلا في حاجه مضيقاكي او شغلاكي ولا انا بيتهيألي مع العلم ان لو تفتكري طول الوقت بسألك مالك وفيكي ايه تقولي شغل صح ولا لا.
سيلا...بأرتباك اه صح بس هي دي الحقيقه فعلا الشغل مش اكتر احنا طول الوقت بنخرج ونتجمع ونتبسط وانا عمري ما كنت متغيره غير في الوقت اللي فيه الشغل وبس.
بدر...مش حقيقي ياسيلا وإلا مكنتش زعلت.
سيلا...صدقني هي دي الحقيقه يمكن انت عشان مش بتحب تشوفني مضايقه بس
بدر...يمكن وعموما ياستي انا صارحتك باللي في قلبي وهصدقك يا سيلا بس صدقيني لو مش هي دي الحقيقه واكتشفت انك مخبيه عني حاجه او في حاجه مضيقاكي او بتفكري فيها ومخبياها عليا هزعل منك بجد.
سيلا....بارتباك🥺😔صدقني مفيش يا بدر المهم متبعدش عني تاني.
بدر...بأبتسامه حاضر يا سيلا مسكها من ايدها براحه وقربها لصدره.يلا نامي وارتاحي بقي
حطت سيلا ايدها علي صدره وفضلت تبص بعينها في كل مكان في الاوضه بأرتباك وتفكير لحد ما راحت في النوم.
اما بدر كان واثق من احساسه رغم اثباتها ليه انها كويسه ومش مخبيه حاجه لكن قرر يصدقها ويفضل جميها لان هو كمان ميقدرش يبعد عنها.
...................
اتصلت ريم علي عامر اول ما وصلت وقفت في الجنينه تكلمه.
ريم...الووو.
عامر...يا ريمووو ايه الاخبار.
ريم...الحمد لله يا عامر انت عامل ايه.
عامر...بخير الحمد لله ايه رجعتوا ولا لسه.
ريم...انا رجعت روكا راحت توصل سما وزمانها وصلتها وراحت عالڤيلا انت مرجعتش.
عامر...انا داخل عالڤيلا خلاص في حاجه ولا ايه.
ريم....لا بس كنت هقولك خلي بالك علي روكا
عامر...بفزع في ايه روكا كويسه
ريم...ياعم براحه عليا اه كويسه وزي القرده بس نفسيتها تعبت شويه لما روحنا الدار وفي بنت فضلت ماسكه فيها وهي كانت منهاره واول مره اشوفها كده وبصراحه قلقانه عليها.
عامر...بتنهيده يا الله ما انا قولت بلاش مسمعتش الكلام.
ريم...بلاش ايه مش فاهمه.
عامر...ابدا كلمتني وقالتلي انها ممكن تعدي عليا او تشوفكم هتعملوا ايه وبعدها بشويه كلمتني قالتلي انها راحه الدار فضلت اقولها لا وبلاش لاني عارف روكا مش هتستحمل وعارف كمان اللي هيحصل ده بس تقولي ايه ولمين دماغها ناشفه سبتها علي راحتها
واهو اللي حسبته لاقيته.
ريم...بقولك ايه اللي حصل حصل عموما كلنا راجعين من هناك نفسيا مش احسن حاجه بس انا بجد قلقت عليها و خايفه اكلمها تشتمني و تقفل في وشي فا قولت اقولك وتطمني عليها لما توصل.
عامر....ماشي يا ريم هطمنك متقلقيش.
ريم...اوك يا عامر يلا خد بالك من الطريق.
عامر...خليها علي الله يلا باي.
ريم...باي.
............. ..
وصل عامر الڤيلا لقي روكا قاعده في الجنينه علي التربيزه من وقت ما رجعت وسرحانه خالص وشكلها حزين.
قرب منها بأبتسامه مساء السكر
وقرب من شفايفها طبع عليهم بوسه سريعه ايه لسه راجعه.
روكا...يعني بقالي ربع ساعه وصلت سما وجيت.
عامر...وليه مطلعتيش خدتي شاوري ودخلتي جوه.
روكا...عادي كنت محتاجه اقعد شويه مع نفسي.
عامر...روكا انتي كويسه
بصتله روكا بأبتسامه حزينه وهزت راسها بلا.
ابتسم عامر ومسك ايدها عارف وعارف كمان اني هاجي الاقيكي كده بس انا بحب واحده دماغها ناشفه مش بتسمع الكلام.
روكا....مكنتش عارفه اني هتعب كده يا عامر مكنتش عارفه اني هرجع قلبي واجعني كده.
عامر...سلامه قلبك ياقلبي بس انا مش متعود اشوفك كده يا روكا.
مسحت روكا دمعه خانتها..🥺 روكا...علي قد ما حالتهم كويسه جدا وبجد عشق والبنات مش مخلينهم ناقصهم اي حاجه علي قد ما هما يوجوعوا القلب بجد
خصوصا بنت اسمها ليان لسه واصله امبارح وجعت قلبي اوي يا عامر تخيل انها بتقولي اني شبه مامتها وفضلت ماسكه فيا مش عايزه تسيبني.
عامر...بحزن ادعيلهم يا روكا ربنا يفضل معاهم ويبقوا احسن حد في الدنيا.
روكا....ممكن اطلب منك طلب.
عامر...بابتسامه ممكن ياقلبي.
روكا....انا وعدت ليان اروحلها تاني ممكن تيجي معايا ونروحلها سوا.
عامر....بتنهيده حاضر يا روكا حاضر بس ممكن تبطلي عياط بقي ويلا اطلعي خدي شاور.
روكا....مش قادره حاسه اني عايزه انام بهدومي زي ما انا.
عامر...لا بقولك ايه وحياه صفيه 🤨🤨🤨🤨 انا ميتنامش جمبي ببنطلون چينس
ضحكت روكا غصب عنها والله انت ما اتربيت.
عامر...بضحك ابوه طبعا انا مليش في الچينس ده خالص انتي عارفه طلبي😉
روكا....بضحك والله ما قادره اقوم حاسه اني جسمـ.ي كله تعبان من الزعل.
عامر...يبقي نفكه يا قلبي ومش هتعبك هطلع أملالك الچاكوزي مايه دافيه وناخد شاور اصل انا كمان تعبان اوي😉
روكا...بضحك ده علي جثتـ.ي 😂🙈🙈
عامر....🤨🤨هاتي ايدك.
روكا...بضحك لا ويلا امشي
عامر...بقت كده استعني عالشقي بالله 🤨 قرب منها شالها وهي بتضحك في ايده
وطلع بيها عالاوضه وقفلها بالمفتاح.
روكا...انت بتحبسنـ/ى يا عامر.
عامر...اه مش هتعرفي تزوغي مني 😉 دخل علي الحمام ملأ البانيو وشغل الچاكوزي وخرج قلع الچاكت وفك القميص ووقف بصدره😉
روكا...بضحك اتلم يا عامر انا مش هاخد شاور مع حد.
عامر...يابت انتي تطولي تاخدي الشاور بتاعك مع عامر الالفي 😉
روكا...بضحك بحبك يا مغرور بس بردو بعينك.😂🙈🙈🙈
مسكها عامر من ايدها وشدها لحد الحمام وهي بتضحك
قفل عامر من جوه.
عامر....بقولك ايه انا مش قادر علي الفرهده دي يا توافقي بهدوء يا غصب وعلي فكره قفل الباب ده كده غلط عشان البخار فا خليني افتح الباب من غير اي حركه غد/ر قولتي ايه.
روكا...بضحك ياعامر بطل قلت ادب بجد انا مزاجي مش رايق خالص .
عامر....هو انا قولت حاجه ده شاور 😉
روكا...باحراج مش هعرف بجد متبقاش رخم.
عامر...انا عارف انتي بتحبي
العنـ/ف🤨 قرب منها وبدأ يشيل من عليها اللبس وهي هتموت من الاحراج ومش قادره تمسك نفسها من الضحك لحد ما استسلمت لانها عارفه انه مش هيسيبها🙈
وثواني وكان دخل معاها في البانيو خدها في حضنه والسيجاره في بوئه مسكت روكا فيه بحب ونامت علي صدره و كالعاده بيقدر ديماً عامر يخلي لحظات ضعفها متتعداش الثواني ❣️
.....................
بعد وقت بسيط خرجوا وراحوا عالسرير.
عامر...يلا يا حبيبي نامي بقي وارتاحي .
روكا....هتيجي معايا بكره.
عامر...هاجي يا قلبي.
روكا....عامر
عامر...قلب عامر
روكا....عايزه اسافر اسكندريه بابي تعبان وعايزه اطمن عليه وبصراحه انا كمان عايزه اشوفهم وحشوني اوي ولسه مرجعتش الشغل عايزه اقعد معاهم يومين واغير جو.
عامر...ماشي يا قلبي بس اليومين دول للأسف مش هقدر اسافر معاكي انتي واخده اجازه في عز الشغل عندي زي ما انتي شايفه
روكا...عارفه يا حبيبي وانا والله مش عايزه اسيبك بس دي فرصه انا لما ببدأ الشغل مش بيبقي عندي وقت.
عامر....عارف خلاص شوفي هتروحي امته
روكا....انا بصراحه كنت عايزه اروح بكره يعني قولت نشوف ليان واطلع علي طول علي اسكندريه.
عامر....ايه ده احنا هنهرج كده علي طول🤨
روكا....عشان الحق اقعد معاهم ايه 🙄
عامر...بحب خلاص يا ستي هنزل الشغل بدري وهقابلك عالضهر كده نروح نقعد معاها شويه وبعد كده تطلعي علي اسكندريه عشان توصلي في النور.
روكا....ماشي يا حبيبي
عامر...ولو قدرت يا ستي اجيلك حتي قبل ما تيجي بيوم هاجي ونروح سوا اتفقنا.
روكا....اتفقنا😍 بحبك
عامر....وانا بموت فيكي😍
..................
في صباح يوم جديد نزل عامر عالشغل عادي وصحيت بعد شويه روكا عرفت عشق انها هتروح لليان تشوفها.
عشق قالتلها تروح وهي تبلغهم في الدار لانها مش هتبقي موجوده في الوقت ده.
وبدأت تحضر شنطتها عشان تكون جاهزه.
وبعتت تسلم عليهم في الشات وعرفتهم انها مسافره.
سيلا زعلت اوي بس كانت حابه انها تغير جو سلموا عليها كلهم
وقفلت معاهم وقامت لبست وراحت علي الدار بعد ما قابلت عامر في الطريق ومشيوا مع بعض. وقفت روكا اشترت عروسه لليان وكملت الطريق
وبعد مده بسيطه وصلوا وقابلوا ليان عرفتها علي عامر وحس عامر انها خطفته وكان ليها حق روكا تزعل عشانها اوي كده..
عامر....انا مكنتش اعرف انك حلوه اوي كده.😉
ليان...بسعاده ميرسي وبصت لروكا انا مبسوطه عشان جيتي تاني.
روكا...انا وعدتك عشان كده كان لازم اجي.
ليان...هتيجي تاني بكره.
روكا....للاسف مش هقدر اجيلك كام يوم كده عشان بابايا تعبان جدا وهو عايش في مكان ابعد شويه من المكان اللي انا فيه فا هسافر اطمن عليه كام يوم وارجعلك.
ليان....بخوف بلاش تسافري عشان مش تعملي حادثه زي مامي وبابي.
روكا....متخافيش ياحبيبتي انا هرجعلك ان شاء الله وهسيبلك رقمي في ورقه كمان خليه معاكي كل ما تحبي تكلميني كلميني اتفقنا.
ليان....اتفقنا
عامر...بابتسامه قوليلي بقي عجبتك العروسه.
ليان....جميله اوي بس مين اللي جبهالي روكا ولا حضرتك.
روكا...بصراحه بصراحه انا كنت هجبهالك بس عامر صمم هو اللي جبهالك .
قامت ليان ببراءه باسته من خده وحضنته غمضت عامر عينه بسعاده وضمها ليه وطبطب علي ضهرها.
ابتسمت روكا بحزن وطبطبت علي ضهر عامر ولعبت في شعر ليان.
روكا....ايه ده وانا مفيش حضن😔
عامر...بضحك لا خلاص بقي احنا بقينا صحاب😉
ليان...احنا صحاب بس هي كمان صحبتي مش عيزاها تزعل وقربت من روكا حضنتها
روكا...ياروحي عالجمال.
فضلوا معاها شويه وبعدين طلب عامر من روكا يمشوا عشان يرجع لشغله وهي تلحق تسافر.
روكا....انا همشي بقي وهجبلك اول ما ارجع اتفقنا.
ليان....بحزن اتفقنا ممكن تبقي تيجي معاها تاني🥺
عامر...بحب حاضر يا ليان هجيلك يا حبيبتي واي وقت تحتاجي اي حاجه قوليلي انا او روكا اتفقنا.
ليان...اتفقنا 😔
عامر...لا انا عايزه ضحكه حلوه وحضن تاني
ابتسمت ليان وحضنتهم وبعد وقت بسيط ودعوها وخرجوا.
روكا ...جميله اوي.
عامر...بابتسامه حزن تجنن واتنهد تنهيده طويله يلا بقي اركبي كل شويه هكلمك اياك تسوقي بسرعه يا روكا اتفقنا هفضل علي اعصابي لحد ما توصلي
روكا....هي اول مره اسافر يعني.
عامر...لا بس عارف انك مجنونه سوقي براحه وحياه عامر.
روكا....حاضر والله يا حبيبي
باسها عامر من راسها هتوحشيني
روكا...وانت كمان يا حبيبي
عامر...لا إله إلا الله.
روكا....محمد رسول الله.
اتحركت روكا بالعربيه ومشي وراها عامر راح عالشركه.
............
في شركه ليل.
خرج جاسر من مكتبه بعد ما اتصل كتير علي تمارا في مكتبها اللي بره مكانتش بترد فتح الباب
يشوفها كانت قاعده سرحانه.
جاسر....تماااارا
بصتله تمارا في حاجه يا جاسر.
جاسر....انتي مش سامعه التليفون بتاع المكتب
تمارا....معلش مخدتش بالي والله قولي محتاج جدول المواعيد صح لحظه واحده كان جنبي هنا وبدأت تدور وهي مش مظبوطه
مسكها جاسر من ايدها ورفع وشها بايده.
جاسر....انتي كويسه
تمارا....🥺🥺🥺
