رواية دار الايتام الجزء الثالث (اللقاء المنتظر) الفصل الواحد والعشرون
ديماً اجمل واحلي لحظه في حياتنا بتبقي اللحظه اللي بنرجع فيها للجذور الاصليه للارض والبيت اللي ضمنا سنين لذكرياتنا
اللي بنستقوي ببها وبنعيش علي حس ذكراها👌
............
حس جاسر ان تمارا مرتبكه وفيها حاجه مش مظبوطه.
مسك ايدها ورفع وشها بإيده.
جاسر...انتي كويسه يا تمارا
تمارا...🥺🥺 كويسه.
جاسر....كويسه ازاي وانا شايفك مش علي بعضك مرتبكه وحاسس انك سرحانه وفي حاجه مضيقاكي.
بصتله وسكتت🥺🥺
جاسر...تعالي معايا في المكتب جوه.
مسك جاسر ايدها ودخلوا جوه المكتب قعدها علي الكنبه وقعد جمبها.
جاسر...هااا قوليلي بقي مالك.
تمارا....صدقني مفيش بس يمكن حكايه ليان هي السبب وهي اللي مخلياني افكر في حاجه عشق قالتها.
جاسر....وعشق قالت ايه بقي؟
سكتت تمارا وفضلت تمسك ايدها في بعض بتوتر ورجعت بصتله وهي عينها كلها وجع 🥺
تمارا...هو ممكن يا جاسر حكايتنا تبقي شبه ليان؟
جاسر....مش فاهم يعني ايه شبه ليان؟
تمارا....يعني ممكن يكون لينا اهل ممكن يكون في حد ليه عداوه مع اهلنا وخطف حد فينا ممكن يكون أهلنا مظلومين وبيدوروا علينا🥺
جاسر...بابتسامه حزن مسك أيدها بصي انا عارف ان حكايه ليان فتحت جروح في الكل وممكن يكون زي ما بتقولي حد فيكم حكايته تشبه حكايه ليان بس خليني اسألك سؤال لو بعد العمر ده كله يا تمارا حصل ولقيتي أهلك ظهروا وعرفتي انهم مسابوكيش بأرادتهم هتعملي ايه هتفرحي ولا هتزعلي هتكملي معاهم ولا لأ هتسامحيهم ولا مش هتقدري.
نزلت دموع تمارا وبصتله مش عارفه يا جاسر بس فكره ان يطلع ليا اهل ومظلومين مش زي ما انا فاكره دي بتخوفني اكتر من انهم هما اللي سابوني بأرادتهم اكيد هسامحهم بس صدقني مش عارفه هكون فرحانه ولا لا ومش عارفه كمان ايه هيكون شعوري وقتها لاني بأختصار مجربتش الاحساس ده.
جاسر...شوفي يا تمارا مفيش اي حد فينا بيختار حياته احنا بنيجي وحياتنا مكتوبه من البدايه حلو وحش صح غلط بنعيشه زي ما هو مكتوب بيبقي قدامنا الصح والغلط وربنا عارف كل واحد فينا شخصيته هتمشي ورا ايه الصح ولا الغلط هنمشي ورا اللي يفرحنا ولا اللي يوجعنا. يمكن انتي وعشق وزهره أتوجعتوا بس ده مش معناه انكم تفضلوا طول حياتكم موجوعين الوجع في حياتنا يا تمارا مينغعش ياخد حجم كبير جوانا لان الوجع زي الزرع بالظبط كل ما فضلنا نبكي عليه كأننا بنسقيه و بيكبر جوانا
تمارا....انا عارفه يا جاسر وصدقني من يوم ما شوفتك وحياتي فعلا اتغيرت ومبقاش في اي حاجه في الدنيا تفرق معايا بس زي ما قولتلك حكايه ليان فكرتني مش اكتر و كلمه عشق خلتني افكر .
جاسر...وانا مش عايزك تفكري يا تمارا عايزك تسيبي كل حاجه زي ما ربنا كاتبها حتي التفكير ده يمكن يكون مش في محله خالص ويمكن يكون سابق وقته سبيها ماشيه يا تمارا زي ما ربنا كاتب
تمارا....ونعم بالله
جاسر...وبعدين في ايه يا وحش الحته انا مش مكفيكي انا وتيا ولا ايه😒
أبتسمت تمارا بحب انتوا كل حياتي يا جاسر انتوا عيلتي واهلي وكل حاجه ليا في الدنيا.
جاسر...بحب باس كف ايدها وانتي احلي حاجه في حياتنا ربنا يخليكي لينا.
ابتسمت تمارا بحب❣️
قرب منها جاسر وقبل ما يقرب قامت تمارا من جمبه بسرعه
تمارا....اتلم يا جاسر وعدي يومك🙈🙈🙈
جاسر...خد بس هقولك يا وحش الحته
تمارا...ابدا😂😂
جاسر....مش عارف مصلحتك انت
تمارا....انا فقريه من يومي😂😂
جاسر...بص تحت رجلها يا نهار اسود شركه السيوفي فيها فااار😳
صرخت تمارا وجريت عليه
قفشها جاسر من وسطها
جاسر....ايوه بقي يا وحش الحته كنا بنقول ايه قبل الفار😉
تمارا....حرام عليك قلبي وقف انت عارف اني بترعب منهم.
جاسر....من ايه 😉
تمارا...بضحك مش هصدقك تاني علي فكره😂😂🙈
جاسر...طيب هاتي بوسه وانا اسيبك
تمارا....يا جاسر حد هيدخل علينا
جاسر...ميدخلوا احنا بنعمل حاجه غلط دي بوسه😉
تمارا...بضحك طيب سبني وهديك.
جاسر....مبثقش فيكي😎
تمارا....رخمممم طيب وعد هتسيبني.
جاسر...وعد. والله.
تمارا....ماشي
قرب جاسر من شفايفها ولسه هيقري اكتر اتفتح الباب عالاخر وظهر ليل🙈🙈🙈
ليل....اللـــــــه🤨🤨
تمارا😳😳😳😳🙈🙈
حست تمارا ان هيغم عليها من الاحراج واتمنت الارض تتشق وتبلعها.
جاسر...😎😎هو مش في باب.
ليل....وحياه امك وانا استغربت لما ملاقتش تمارا بره.
تمارا....ليل بقولك ايه اوعي تفهمني غلط.🥺🙈
جاسر....غلط ايه ما هو قافشنا😂😂😂😂😂
تمارا....بغضب ضربته علي كتفه انت تسكت خالص انت السبب
جاسر....انا بردو 🤨 اسمع مني ياليل هي اللي سايبه مكتبي وجيالي😎
تمارا😳😳😳
ليل....بضحك واطي 😂
تمارا....مش عايزه اتكلم معاك تاني😡😡😡 خرجت تمارا جري علي مكتبها وهي وشها احمر من الاحراج.
ضحك جاسر وقعد عالمكتب.
ليل....مش هنتلم شويه علي طول عامل فضايح كده😒
جاسر....نفسيتها وحشه ياعم وكنت بخفف عنها😎
ليل....حنين 😒😒اعقل واتلم احنا في الشركه كويس ان مفيش حد من الموظفين دخل عليكم كنت هتخلي منظركم زي الزفت
جاسر...هو من امته وفي موظف بيطلع او بيقرب من الدور كله إلا لو بلغنا.🤨
ليل....مش هخلص منك انا..خلينا في المهم في ميتنج لشركه كروز هتحضره صح.
جاسر...اه ده كمان ساعتين كده
ليل...طيب انا عايز احضره معاك
جاسر...🤨🤨وده من امته
ليل...بعدين هتعرف.
جاسر...لا بقولك ايه جو المفتش كرومبو ده انا بقلق منه قولي في ايه.
ليل...يا عم مفيش حاجه ايه مضايق اني بتدخل في شغلك
جاسر...ياعم لا مضايق ولا حاجه تعالي معايا ديماً اقولك روح انت كل الميتنج بنفسك..مش الحوار ومتصعش عليا انت عارف انا اقصد ايه.🤨🤨
ليل...ماشي هقولك ومحدش يعرف الكلام ده أتفقنا.
جاسر....اتفقنا.
ليل...الاول خلي تمارا تطلب قهوه وبلغها محدش يدخل علينا نهائي
جاسر...ااااه شكل الحوار كبير
ليل....انجز ورايا حجات مهمه اعملها قبل الميتنج😡
جاسر...ياعم براحه متزوقش😒
طلب جاسر القهوه من تمارا وعرفها محدش يدخل خالص وبدأ
ليل يقوله سبب طلبه في حضور الميتنج.
..........
في مكتب سيلا.
رن موبايلها
سيلا....سمسمه
سما....ابه با قلبي عامله ايه.
سيلا...الحمد لله بخير بشتغل
سما...ليه مخلصتيش.
سيلا....لا لسه شويه كده وامشي.
مكلمتيش روكا.
سما....لا انا قولت استني شويه كمان عشان مشغلهاش في الطريق انتي عارفه انها مجنونه في سواقتها مش عايزه ألخمها.
سيلا...انا كمان بصراحه مش عايزه أكلمها عشان متتلخمش بس عايزه اطمن عليها واعرف ليه قررت مره واحده كده انها تسافر.
سما...يابنتي مش بباها تعبان
سيلا...عارفه بس بردو مقالتش انها هتروح وبصراحه قلقانه عليها من ساعت امبارح كانت منهاره.
سما....ايوه قطعت قلبي وهي بتعيط كنت حاسه بيها اوي موضوع الحمل ده تاعبها.
سيلا....عشان كده قلقانه عليها انا امبارح مكنتش في مود حلو بصراحه ومكنتش هروح بس لما هي قالت راحه مرضتش اسيبها لوحدها عشان عارفه انها هتتعب لو شافت الاطفال.
سما....عندك حق و انا كمان لما كلمتني مرضتش اقول لأ
المهم صحيح قوليلي انتي كان مالك بقي مودك مكانش حلو ليه.
سيلا....ابدا بدر كان متغير من يوم ما رجعنا من المزرعه وحسيت انه مش طبيعي وفضل علي حالته دي كام لحد امبارح
سما....ليه زعلانين من بعض ولا ايه.
سيلا...لا خالص محصلش حاجه بس هو امبارح لما اتكلمنا قالي انه كان حاسس اني بقالي فتره متغيره وديما مرتبكه وسرحانه يعني باختصار شاكك اني مخبيه حاجه.
سما....حقه انتي مش شايفه نفسك ولا ايه.
سيلا...اعمل ايه طيب غصب عني يا سما حاسه بالذنب.
سما...بقولك ايه متعصبنيش عليكي بجد😡 اولا انا غُلبت اتكلم معاكي انا وريم وانتي ولا هنا هو ايه اللي غصب عنك بالظبط يا سيلا انتي كل ده بمزاجك و اللي بيحصل ده غلط وانتي عارفه انه غلط ولو صحيح حاسه بالذنب يبقي ترجعي لعقلك يا سيلا عشان صدقيني مهما كان بدر بيحبك مش هيغفرلك ابدا اللي بتعمليه.
سيلا...هو انتوا ليه مش عايزين تفهموني.
سما....عشان يا سيلا اللي بتقوليه ده مش صح يمكن صح من وجهه نظرك ويمكن شعورك ده حاجه حلوه جداً بس صدقيني لو بدر عرف مش هيفكر بطريقتك دي ومش هو بس اي راجل في الدنيا مستحيل يعدي حاجه زي دي متظلميش نفسك وتظلمي بدر يا سيلا مش هقولك العمر بيجري والكلام ده عشان انتي لسه صغيره بس هو من حقه يبقي أب من حق نوني تفرح بولاد بدر واوعي تفكري يا سيلا ان الموضوع ده لو اتعرف هيعدي بالساهل
سيلا...هو انتي بتقلقيني ليه؟🥺
سما....عشان بحبك وخايفه علي مصلحتك يا سيلا مش عيزاكي تتوجعي وساعتها محدش هيقدر يقف قدام بدر عشان هيبقي حقه في كل اللي هيعمله.
سيلا....بقولك ايه غيري الموضوع ده.
سما...مش هغيره يا سيلا فكري كويس فكري في بدر يا سيلا صدقيني انا وريم ماسكين نفسنا بالعافيه من اننا نقول لروكا ونعرفها اللي انتي بتعمليه وانا واثقه ان هي الوحيده اللي هتقدر تفوق وتديكي ميت قلم علي وشك.
سيلا...اوعي يا سما اوعي سيبوا روكا في اللي هي فيه ارجوكي.
سما...يبقي تفكري كويس يا سيلا وافتكري بدر وافتكري انك شايله ذنب كل يوم عدي من يوم جوازكم لحد الوقت وانتي حارمه بدر من انه يكون اب.
سيلا...بحزن🥺🥺حاضر يا سما حاضر.
سما...انا هقفل الوقت ولو روكا كلمتك طمنتك عرفيني.
سيلا....اوك باي.
سما...باي.
.............
عدي الوقت بسرعه وأخيراً وصلت روكا اسكندريه.وكالعاده قبل ما تروح الڤيلا لازم تنزل تقف عالبحر شويه وتشم ريحه البحر اللي مفتقداها.
اتصل عليها عامر كان موبايلها في العربيه مره واتنين وتلاته وفصل كان حس انه خلاص فقد اعصابه.
حست روكا ان موبايلها بيرن بصت من بعيد شافت نور راحت بسرعه مسكته وفتحت.
روكا....الوووو
عامر...بعصبيه وصوت عالي يعني ينفع كده يا روكاااا😡😡
روكا...بس بس في ايه
عامر....هو ايه اللي في ايه انتي بتستعبطي دي رابع مره يفصل
روكا....بضحك طب براحه خلاص بزمتك ده منظر واحد خايف عليا ما تيجي تديني قلمين احسن😂😂😂😂
عامر...انتي بتهزري يا روكا اقفلي يا روكا عشان مقفلش في وشك بجد😡
روكا....خلاص بقي ميبقاش دمك تقيل والله ما كنت سمعاه وانت قافل معايا من نص ساعه قولت اكيد مش هتكلمني الوقت عشان كده مخدتهوش.
عامر...ما انتي قولتي خلاص داخله علي اسكندريه فا قولت اكيد وصلتي بطمن عليكي😡 انتي فين.
روكا.....مفيش وصلت وطبعاً شوفت منظر البحر مقدرتش اقاوم أنت عارف نزلت ابص عليه شويه والموبايل كان في العربيه مكنتش سمعاه خلاص بقي فك متبقاش رخم.
عامر...بتنهيده خلاص ماشي يا روكا تمام المهم انك وصلتي.
روكا....هو ايه اللي خلاص ماشي يا روكا 😏 مالك بتتكلم كده ليه.
عامر...روكا اقفلي عشان متغباش عليكي بجد😡
روكا....بضحك خلاص بقي ما انا قولتلك مسمعتش هو انت خوفت عليا ولا ايه😉
عامر....مش هرد عليكي يلا يا بت😡😡
روكا....وحياتي قول😂😂
عامر....اه طبعا خوفت عليكي😡
روكا...ده انت كلمتني كذا مره فديو كول عشان اوريك سايقه علي كام ايه مش واثق فيا.
عامر...لا مش كده بس كلام البت بنت اللذينه راعبني من ساعت ما مشيتي ومرضتش اقولك.
روكا...بأستفهام مين دي وكلام ايه.
عامر...ليان كلمتها لما قالتلك متسافريش عشان متعمليش حادثه زي مامي رعبتني😡
روكا....بضحك قولتلي بقي عموما يا سيدي متقلقش انا وصلت وكويسه والله
عامر...طيب يلا امشي متقفيش كده عشان محدش يعاكسك وارتكب جنايــ/ه😡
روكا...طب هترتكبها ازاي بقي 😂😂😂😂
عامر....يابت مضايقنيش ويلا امشي😒🤨
روكا....طب وحشتني والله🙄
عامر...😒😒انتي كمان علي فكره وقاعد مش طايق نفسي كل ما أفتكر اني هروح ومش هلاقيكي.
روكا....احسن جرب كده تقعد من غيري كام يوم عشان تحس اني كنت عامله فرق😂😂
عامر....انتي عامله فرق من اول ما مشيتي علي فكره.
روكا....لا بقولك ايه هعيط وهرجع🥺🥺
عامر....لا ياستي خلاص المهم روحي وظبطي نفسك وتكلميني عشان اعرف انك هناك.
روكا....حاضر اروح افاجئهم الاول وبعدين اكلمك.
عامر...هما مش عارفين
روكا....لا مقولتلهمش كنت هقول لساره بس قولت لو راحت الوقت هيشكوا خليني اقولها الصبح بقي.
عامر...ماشي يا حبيبي سلميلي عليهم اوي. وقولي لصفيه لو عرفت اجي عايز اكلت سمك من ايدها
روكا....بأبتسامه حاضر ياحبيبي يلا هوصل واكلمك
عامر...باي ياقلبي❣️
روكا....باي يا روحي😍
............
في ڤيلا هاشم النجار
وصلت روكا قدام الڤيلا ركنت العربيه بره عشان متعملش صوت وتفاجئهم كانت الساعه حوالي تسعه ونص لمحت والدها قاعد في الجنينه ابتسمت ومشيت براحه لحد ما قربت منه لاقيته مبتسم وباصصلها.
روكا....بضحك يعني ينفع يعني يا هاشم تبوظلي المفجأه سيبت العربيه بره وقولت ادخل الاول افاجئكم وبعدين ادخلها.
فتح هاشم ايده بحب وهو بيضحك.
هاشم....تعالي في حضني يابنت قلبي❣️❣️
حضنته روكا بكل قوتها وحشتني اوي اوي اوي اوي حضنك وريحتك ونفسك وصوتك وكل حاجه فيك.
هاشم...ااااااااااااه لما باخدك في حضني بنسي كل حاجه بنسي التعب والوجع وبحس اني حاضن الدنيا بأيدي.
صفيه...الله الله عالكلام الحلو
روكا....صفصف وحشتيني اوي
ضمتها روكا وفضلت تبوس في ايدها وراسها ووشها وحشتيني اوي يا صفيه.
صفيه....انتي اكتر يا روكا.
مسحت روكا دموعها اللي نزلت من غير ما تحس .
روكا....ينفع كده يا صفيه هاشم قاعد زي الرادار مستني اي حد يعدي🤨
صفيه....بضحك ما انتي لو كنتي قولتيلي كنت دخلته احسن تستلهلي اهي المفجاه باظت.
روكا قربت منه وقعدت علي ايد الكرسي وحطت ايدها علي كتفه وفي ثواني كان حاوط هاشم وسطها وهو ضحكته مرسومه علي وشه كأنها جات وجابت الشفاء معاها.
روكا...ايه اللي مقعدتك كده يا هاشم ينفع تبوظلي المفجأه وجايه اتسحب زي الحراميه لقيته مبتسم واتاريه شايفني🤨
هاشم...بضحك كنت مستنيكي والله.
روكا...احيه 🤔 هو انت لسه معين عليا الراجل اللي بيراقبني
هاشم...بضحك لا خلاص بقي ده كان قبل ما اطمن عليكي لكن مع عامر انا واثق انك في امان
روكا....اممممم امال ايه اللي عرفك اني جايه اكيد عامر السوسه😒
هاشم...لا والله ما قال اي حاجه بس انا عمري احساسي ما كدب عليا تصدقي بالله يا روكا انا من اول ما صحبت وانا حاسس انك هتيجي انهارده ومش عارف ليه وفضلت قاعد هنا عشان استناكي.
روكا....وايه اللي عرفك اني جايه الوقت انت عارف اني باجي ديما متأخر وبحب اسوق بليل.
هاشم....من يوم ما اتجوزتي عامر وانتي بتيجي ديما في الوقت ده وبتمشي من القاهره في النور فا عارف انك هتيجي الوقت.
روكا...بابتسامه 🤨بقي بتشغل دماغك عليا يا هاشم عموما ملحوقه هفاجئك برده
هاشم....هكون عارف قلبي هيقولي❣️
ابتسمت روكا وحضنت راسه بأيدها الاتنين وباست راسه
ربنا ما يحرمني منك ابداً
صفيه...بقولك ايه احنا لسه متعشيناش يلا اطلعي خدي شاور وغيري اكون جهزت الاكل.
روكا...انا هموت من الجوع عامله اكل ايه يا صفيه🙄
صفيه....عامله اكله سمك وجمبري ❣️
روكا....احيييه ده عامر قاللي لو عرفت اجي لازم صفيه تعملي اكلت سمك.
صفيه...يجي هو بس و اعمله احلي اكلت سمك.
روكا....تسلم ايدك يا صفصف
هاشم...يلا روحي هاتي عربيتك جوه واطلعي غيري
روكا....بقولك ايه انت مش هتنام انهارده هنسهر للصبح🤨
هاشم...لو عليا هسهر انتي عرفاني مش بنام بدري انتي اللي جايه من سفر.
روكا...سفر ايه دول كلهم ساعتين تلاته انا مش هسيبك انهارده.
هاشم....وانا موافق يلا هاتي العربيه.
روكا....تمام ❣️❣️❣️❣️😘
راحت روكا بره الڤيلا فتحت البوابه دخلت العربيه ونزلت قفلت الباب ورجعت تاني دخلت العربيه جوه كل ده وهاشم متابعها بعينه
و فرحته بوجودها مش سيعاه
روكا هي نقطه ضعفه الوحيده في الدنيا❣️
نزلت روكا الشنطه وسحبتها وراها
روكا...يلا بينا.
هاشم....يلا بينا.
لفت روكا ايدها علي وسطه وايدها التانيه ساحبه الشنطه.
روكا....جيبالك معايا بقي شويه حجات قمر البسبوسه واللب اللي بتحبهم وحجات تانيه كتير.
هاشم....تسلم ايدك يا روكا تعبتي نفسك ليه انتي عندي بالدنيا كلها.
روكا...لا بقولك ايه خف شويه صفيه قلابه وممكن تروقنا🙄
هاشم...بضحك لسان طويل زي ما هو مبتتغيريش
روكا...بضحك الله مش بحذرك😂
دخلوا جوه وهما بيضحكوا سابتهم روكا وخدت شنطتها وطلعت علي الاوضه تغير.
قعد هاشم علي الكنبه وهو باصص علي طيفها ومبتسم.
صفيه....اللي يشوفك الايام اللي فاتت ميشوفكش الوقت.
هاشم....بأبتسامه عشق روحي متعلقه بروحها يا صفيه لما بشوفها بحس اني لسه شباب وماسك بايدي وسناني في الدنيا.
صفيه...بحب رينا يخليها لينا ويديك الصحه واشوف ضحكتك والفرحه اللي جوه قلبك دي علي طول.
هاشم بحب....ويخليكي لينا يا صفيه ❣️
......................
جاسر....ايه قولي بقي الميتنج خلص حاسس بأيه.
ليل....بصله بغضب😡 عشان تمارا.
جاسر....قول قول تمارا تبعنا متقلقش.
تمار....هو في ايه؟
ليل...زي ما قولتلك نفس الاحساس حاجه كبيره من جوايا بتقولي انهم ورا حوار القنبله.
تمارا...بعدم فهم 😳🙄انا مش فاهمه حاجه انتوا بتقولوا ايه.
ليل...والله العظيم يا تمارا لو الحوار ده اتكلمتي فيه مع حد ليلتك انتي وجوزك الحبيب ده هتبقي طين هااا فاهمني طبعا😒
تمارا...🙄🙄 علي فكره بقي جاسر الل....
جاسر...انتي بتبيعي كده من قبل اول قلم😒
ليل....اسمعني انت وهي كويس انا بتكلم جد
تمارا....طيب بجد والله انا مش فاهمه اي حاجه.
ليل...فهمها ياللي أتسحبت من لسانك وقولت قدامها😡😡
جاسر....ليل شاكك ان شركه كروز يا تمارا ورا حوار القنبله.
تمارا....لا مستحيل
ليل...وليه مستحيل
تمارا...الشركه دي من يوم ما أشتغلت معاكم وهي شركه محترمه وبتلتزم بكل قوانين مجموعه السيوفي وانتوا عارفين ان محدش يقرب من اي صفقه غير بعد ما يرجعولكم في الاول.
ليل....عارف وكمان يا تمارا رجوعهم ليا ده مش ديكتاتوريه بس السوق لو ملهوش كبير الكل هيخبط في بعضه وانا كل الحكايه اني بخلي الكل يلتزم عشان محدش يجي علي حد حق.
تمارا....كل ده انا فهمهاه بس السؤال ليه شاكك فيهم؟
ليل....بصي مش عارف بس ديماً في حجات كده تخليكي تشكي في اللي قدامك خصوصا لما يحصلك كارثـ/ه في الوقت ده اكتر حد يقرب منك بطريقه مبالغ فيها لازم تشكي فيه.
وده اللي حصل منهم قرب زياده عن اللزوم موافقه وطاعه لكل اللي بتقال علي غير العادي ديماً كان في أعتراضات ورفض بصي طريقه الكلام مش مريحه.
جاسر...ليل يقصد انهم مش من النوعيه اللي بتحتك بسهوله او بتقرب وانهم معملوش كده غير بعد اللي حصل و التحقيق مع الكل.
تمارا....طيب مش يمكن بيعملوا كده مثلا زي دعم مسانده حاجه من الكلام ده.
ليل....ميتهيأليش يا تمارا خصوصا بعد الميتنج بتاع انهارده ده انا صمتت احضره عشان اتأكد اكتر واظن انتي حضرتي قبل كده مع جاسر كذا اجتماع مش ملاحظه ان طريقتهم متغيره.
تمارا...صراحه مش هنكر ده فعلا هما بالنسبالي افضل كتير كل مره بحسهم يمكن عمليين اكتر وبيحسسوني بالاجانب معندهمش هزار في الشغل ولا حتي بيبتسموا لكن المرادي هزار وضحك وبقوا احسن.
ليل...بالظبطط زي ما قولتي كده هو ده التفسير للي في دماغي الاول زي الاجانب والوقت الموضوع متغير صدقوني الحوار ملهوش علاقه بالدعم او المسانده
انا حاسس ان الموضوع اكبر من كده بكتير.
جاسر...طيب المفروض نعمل ايه.
ليل....انا يمكن عمري ما دخلت في اي تفاصيل شركه من الشركات المنافسه لكن المرادي بالذات عايز اعرف كل حاجه تخصنا من قريب ومن بعيد او حتي معلومات متخصناش .
جاسر....طيب معلومات تخصنا وتخص شغلنا ماشي لكن معلومات بره عننا هنعملها أزاي؟
تمارا....سهله دي انا اقدر اعملها عادي سيبوها عليا.
ليل...تمام جدا وانا واثق فيكي يا تمارا.
جاسر...مش بقولك تمارا تبعنا😉
ليل....ماشي ياعم المهم عشق يا تمارا والبنات ميعرفوش حرف مفهوم؟
تمارا....متقلقش والله محدش هيعرف اي حاجه.
ليل...تمام وانا هستني المعلومات.
تمارا...اديني يومين تلاته وهكون عندك بالمعلومات.
ليل....تمام يا تمارا.
فضلوا يتكلموا شويه مع بعض وبعدين قاموا عشان يروحوا.
.................
عند روكا.
روكا...حبيبيييي
عامر...بابتسامه ايه الاخبار وصلتي.
روكا....اه وصلت وطلعت الاوضه عشان اخد شاور وانزل اكل اكلت سمك إنما ايه 😛
عامر...اه يا قلبي بقت كده يا صفصف.
روكا....بضحك قولتلها والله قالتلي يجي هو بس واعمله احلي أكلت سمك.
عامر....ماشي ياعم ايه فاجئتيهم.
روكا....بزمتك انت مقولتش لبابي اني جايه🤨
عامر...لا وحياه ربنا ما كلمته غير امبارح الصبح سلمت عليه وقفلت مكنتش اعرف اصلا انك هتروحي. غير بليل وكمل بضحك قفشك ولا ايه😂
روكا....ركنت العربيه بره دخلت براحه بتسحب لاقيته شايفني كان قاعد في الجنينه وبيضحك😂😂
عامر...بضحك والله عسل المهم هو عامل ايه.
روكا....وشه باين عليه التعب والله يا عامر بس طبعا بقي احسن لما شافني😎
عامر...بضحك طبعا هو في حد يشوفك وميبقاش اسعد واحد في الدنيا.
روكا....من قلبك🤨
عامر...اه والله العظيم من قلبي ده انا قاعد من غيرك زي اليتيم والله لسه راجع الڤيلا حالا ومدخلتش قاعد في الجنينه مليش مزاج ادخل.
روكا...🥺 طيب ما تخرج ولا روح شوف حد من العيال
عامر...والله ما عارف كنت بفكر اروح لبدر واقعد ارخم علي نوني شويه بس مش عارف
روكا....لا قوم يلا عشان خاطري متقعدش لوحدك.
عامر...هشوفه كده ولو روح هعدي عليهم شويه.
روكا...ماشي يا حبيبي وانا هاخد شاور وانزل وهكلمك تاني
عامر...ماشي يا قلبي
روكا...باي يا حبيبي
عامر...باي.
...............
خلصت صفيه تحضير الاكل
ونزلت روكا بعد ما خدت الشاور بتاعها.
روكا...الله علي الريحه اللي وحشتني.
صفيه...بألف هنا يلا تعالي اقعدي
روكا...فين بابي.
صفيه....بيغسل ايده وجاي.
راحت روكا تساعدها وثواني وكانوا قعدوا كلهم ياكلوا مع بعض
هاشم كان بياكل وهو مبسوط وبيضحك
صفيه....هاشم نفسه أتفتحت لما جيتي يا روكا مكانش بياكل خالص.
روكا....ده علي كده بقي انا هفضل معاه لحد ما صحته ترجع زي ما كانت.😍
هاشم....ياريت وانا موافق❣️
فضلوا يتكلموا شويه ويضحكوا
وملأت روكا البيت طاقه وحيويه ونشاط وضحكه صوتها مسمع الدنيا بحالها..بعد وقت بسيط
خلصوا وعملت روكا قهوتها هي وهاشم وصفيه وبدأوا يشربوها مع بعض ويتكلموا حست صفيه انها محتاجه تنام لانها متعوده تنام بدري أستأذنت منهم وفضلت روكا مع هاشم
روكا....مش هتنام يا بابي.
هاشم...لو هتنامي هنام لو هتفضلي صاحيه اديني صاحي معاكي وبشبع منك.
روكا...بحب طيب ادام كده بقي تعالي نطلع نقعد في البلكونه بتاعت اوضتي وحشتني اقعدتنا مع بعض.
هاشم...بحب يلا بينا.
............
في ڤيلا بدر ❣️
عامر...تسلم ايدك يا نوني
نوني...بألف هنا يا حبيبي.
بدر...عد الجمايل 😒
عامر...ياعم أنت هتذلنا باللقمه 🤨
بدر...بضحك طبعاً😂😂
نوني....ملكش دعوه بيه يا عامر ده مترباش😒
بدر...بقي كده يا نااهد😒
نوني...ناهد في عينك😡
عامر....انا عارف جبتيه منين ده وبعدين انتي عندك غيره يا نوني ما كنتي ربتيه وتعبتي روحك شويه😒
نوني...ما تتلم انت كمان هتسوق فيها🤨🤨
سيلا...بضحك جبته لنفسك ما هي كانت في صفك😂😂
بدر...لا ما ده لسانه طويل زي مراته🤨
سيلا....ملكش دعوه بمراته🤨🔪
بدر...هي بقت كده 🙄
عامر...بضحك ملايكاتها حاضره😂😂
سيلا....طبعا وانا كمان حاضره اغلطوا بس كده وشوفوا انا هعمل ايه ده غير اني هفولها وشوفوا هي هتعمل ايه🙈🙈
بدر...بضحك طب بلاش هي دي قادره وانا عارفها😂😂
نوني....طب والله القاعده وحشه من غيرها.
عامر...والله يا نوني ماعرفت ادخل الڤيلا وهي مش فيها فضلت قاعد في الجنينه وهي اللي قالتلي اجيلكم.
نوني...ربنا ما يحرمكم من بعض ابدا وترجع تنور الڤيلا تاني.
عامر...يارب يا نوني.
سيلا...انا هعمل قهوه تشربوا.
عامر...انا هشرب
بدر...وانا كمان.
نوني...هي جات عليا اعمليلى معاكم.
سيلا....بابتسامه عيوني❣️
............
في البلكونه الخاصه بأوضه روكا
قعدت روكا علي الكرسي ورفعت رجلها الاتنين وقعد قدامها هاشم.
روكا...قولي بقي شويه برد يعملوا فيك كده حضرتك شكلك تعبان بجد.
هاشم....يمكن العضمه كبرت بقي
روكا....احيييه عضمه ايه اللي كبرت بس يا هاشم🤨 طب تصدق بالله انت شكلك اصغر من عامر 😂
هاشم...بضحك يا بت يا بكاشه.
روكا...مش بكاشه والله انت لسه شباب وطول عمرك مهتم بصحتك ايه اللي حصل بس
هاشم...برد علي شويه وجع في الكلي مع الضغط العالي علي طول حسيت اني مش قادر بقي وروحت للدكتور طلب مني راحه تامه.
روكا...بقي بالذمه يبقي عندك كل ده وكل ما اكلم حد فيكم تقولوا برد🥺
هاشم....احنا عارفين انك مشغوله في العرض وبعدين هتيجي تعملي ايه بس اديني اهو الحمد لله بعد العلاج بقيت أفضل.ولما شوفتك خفيت خالص يا روكا.
روكا...ياحبيبي يارب ديما بخير وتفضل طول العمر منور حياتنا.
هاشم....قوليلي بقي عامله ايه في حياتك شغلك عامر صحابك يعني مبسوطه ياروكا.
سندت روكا ايدها علي خدها بأبتسامه حضرتك شايف ايه.
هاشم....بأبتسامه يعني لو قولتلك اني شايف حجات حلوه وحجات مش حلوه هتقوليلي انا صح ولا غلط؟
روكا....بأبتسامه وأرتباك بسيط بقيت خبير في قرائه العيون ولا ايه.🧐
هاشم...الشعر الابيض ده مش وراثه يا روكا ده عمر وحياه ومواقف وعشره و إختلاط بالناس يعني كل شعرايه بيضه فيها خبره
خلتني ابص في وش اللي قدامي اعرف اللي جواه مبالك بقي لو اللي قدامي دي بنت عمري.
ابتسمت روكا وبصتله شويه.
روكا....كل حاجه كويسه اصحابي دول نعمه ربنا عليا رزق حقيقي في حياتي لو اتكلمت عليهم من هنا لحد ما امشي مش هوفيهم حقهم وهظلمهم ومش البنات بس لا الشباب كمان بدر ويوسف ومهاب اخواتي بجد وحضرتك اكيد شوفتهم كتير وعارف ان اللي بقوله ده صح. حكيتلك انا علي الصدفه اللي جمعتني بدياب ومراته وقولتلك اني اتعرفت علي ناس جديده وبجد يمكن مش بقالنا كتير اوي نعرف بعض بس هما كمان دخلوا قلبي واتعلقت بيهم مش زي اصحابي اوي بس بقوا جزء مهم في حياتي واكيد حضرتك عارف ان مش سهل حد يدخل حياتي غير لو انا مرتحاله.
هاشم...عارف يا روكا طبعا طيب وعامر.
أبتسمت روكا بحب وفضلت تلعب في ضوافرها وبصتله.
روكا...عامر انا خلصت فيه كل الكلام زمان يا بابي لما كنت صغيره وكنت تيجي تقولي عقبال ما اشوفك احلي عروسه كنت بقولك مش هتجوز غير لو لقيت حد شبهك وقتها كنت اقصد بالشبه ده الشكل او بمعني اصح مكنتش قادره اعبر اوي يمكن عامر مش شكلك ولا حتي في منك في الملامح لكن صدقني هو توأمك في الطباع عامر بالنسبالي بجد هو كل حاجه الاخ اللي بحس اني مسنوده عليه والصاحب الجدع والصديق الوفي اللي عمره ما يسيبك بير اسراري قوتي وقت ضعفي وقت جهلي بأي حاجه بيبقي هو الدليل اللي بيرشدني
سبب نجاحي اكتر طموحي اللي بيزيد مع الوقت وانا من غيره مع اي حد بحس اني قويه وقادره أعتمد علي نفسي لكن في وجوده بحس اني طفله بحس اني مبسوطه بضعفي معاه بتبسط من تحمله مسؤوليتي لما بواجه اي ضغط او تعب بروح ارمي عليه وانا معنديش شك انه هيقدر يشيل بدالي. وكملت بأبتسامه لما أتجوزنا كنت في الاول مرعوبه اي مشكله تحصل بينا يفكرني بغلطتي وان هو جه علي نفسه واتحمل ووافق يتجوز واحده كانت متجوزه منت خايفه يعايرني بأي حاجه غلط عملتها وقت عصبيته بس اتفاجئت بشخصيته اللي كل مره يثبتلي فيها انه راجل بجد ندمت اني سلمت قلبي لمازن في يوم من الايام وحسيت اني قد ايه كنت تافهه لما فكرت اني حبيته واتاكدت لما اتجوزت مازن اني عمري ما حبيت قبل كده
هاشم....بسعاده اولا انا شهادتي مجروحه في عامر لاني واثق في كل اللي قولتيه ده وعارف ان الكلام ده شويه عليه بس اللي مفرحني اكتر هو انتي يا روكا وطريقه تفكيرك واللي قدرتي توصليله مبسوط اني شايفك سعيده وحقيقي أتغيرتي يا روكا يمكن الاول انتي مكنتيش مصدقاني ان مازن قليل عليكي وانتي كتير اوي عليه طول عمري شايف انك ملكه محتاجه راجل يحطك تاج علي راسه وكنت عارف ان مازن مش الراجل ده كنت شايف اللي انتي مش شيفاه في نفسك كنت خايف يجرالي حاجه قبل ما تفوقي يا روكا بس انا الوقت لو جرالي حاجه هموت وانا مطمن عليكي.
روكا...بحزن بعد الشر عليك والنبي ما تقول كده لو عامر وجوده في حياتي كل اللي قولت عليه ده فا انت وجودك ضعفه انا عايشه عشان عارفه ان ورايا ضهر
هاشم...بحب وطول ما انا عايش هفضل ضهرك يا روكا.
روكا...ربنا يخليك ليا.
هاشم...طيب قوليلي في ايه تاني مخبياه بقي يمكن الحلو اللي قولتلك عليه انتي قولتيه اما الوحش بقي مستنيكي تقولي عليه.
روكا....بابتسامه حزن صدقني يمكن مفيش اي حاجه وحشه في حياتي
هاشم....يمكن بس في حاجه وجعاكي يا روكا صح.
بصتله روكا بحزن وابتسمت نفسي ابقي ام يا بابي🥺💔
هاشم....هتبقي احلي واجمل واحن ام يا روكا بس كل حاجه بوقتها
روكا...عارفه وعارفه كمان اني لو فضلت بدل السنه عشره عامر عمره ما هيحسسني بس انا حاسه بيه نفسي افرحه نفسي يبقي جوايا جزء منه عمري ما فكرت في الامومه مع مازن لكن كل يوم بفكر اني اكون ام وانا مع عامر
هاشم....الدكاتره قالوا انك تقدري تحملي عادي يعني الحكايه مسأله وقت.
روكا....بس الوقت طال يا بابي اوي انا بفكر في حاجه وخايفه عامر يرفض.
هاشم...حاجه ايه؟
روكا....بفكر اننا نتبني طفل وبدات روكا تحكيله عن الدار بتاع عشق والاطفال اللي شافتهم وبدات تحكيله حكايه ليان وتعلقها بيها وان هي كمان حاسه انها مشدوده ليها.
روكا....من امبارح من وقت ما شوفتها وانا بفكر والصبح لما روحتلها فضلت افكر طول الطريق
وانا جايه بس خايفه عامر يرفض لو فاتحته.
هاشم....انا شايف ان خطوه زي دي مش وقتها يا روكا خصوصا ان انتي يا حبيبتي حملك مش مستحيل والدكاتره اللي اكدوا كده بس لسه ربنا مآذنش يبقي نستني تقدري تقوليلي لو أتبنيتي البنت دي وبعد فتره بسيطه حملتي هتعملي ايه هترجعيها تاني والبنت نفسيتها تتحطم ولا هتسبيها بس اهتمامك كله يروح لابنك او بنتك وتظلميها.
روكا....بس انا عمري ما هسيبها صدقني انا بجد حبيتها واتعلقت بيها يمكن مشوفتهاش غير امبارح بس حساها بنتي بجد
هاشم...انا عارف يا روكا ان قلبك كبير وعارف انك عمرك ما هتقسي عليها بس كمان انتي مش لوحدك معاكي عامر طرف مهم في الموضوع تفتكري هيوافق.
روكا....مش عارفه خايفه اقوله يرفض وخايفه اتوجع من رفضه وخايفه افتح باب للمشاكل بينا صدقني مش عارفه🥺
هاشم....فكري الف مره قبل ما تفاتحيه في الموضوع ده أسألي نفسك كتير قبل ما تاخدي الخطوه دي ولو عالمشاكل انا عارف ان عامر هيتناقش معاكي من غير اي مشاكل بس خطوه زي دي لازم انتوا الاتنين تكونوا متفقين عليها عشان لو حصلت تكونوا ام واب ليها بجد متظلموهاش في يوم كفايه اللي هي فيه وطبعا الكلام ده مش المقصود بيه البنت دي بالذات لان وارد اهلها يكونوا موجودين وترجعلهم انا بتكلم علي فكره التبني عموما متظلموش اي طفل معاكم يا روكا فهماني.
روكا...فهماك يا بابي انا هفكر تاني ولو حسيت ان فعلا هو ده اللي انا عيزاه هفاتح عامر وربنا يستر بقي.
هاشم....انا اهم حاجه عندي مش عايز اشوفك موجوعه ومتستعجليش علي رزقك لسه ربنا مآذنش يا روكا رزقك متشال
محدش هيقدر يقرب منه فهماني
ربنا عادل ياروكا وديماً اختياره لينا احسن من اي امنيه بنتمناها
روكا...ونعم بالله
غيروا الكلام وفضلوا يتكلموا كتير لحد ما بدأ الصبح يطلع وبعد كده راح هاشم ينام وسابها ترتاح.
..................
في صباح يوم جديد نزل عامر شغله والوقت كان بيجري وهو قاعد بيشتغل لكن باله مشغول
قام عامر خد حاجته من علي مكتبه ونزل ركب عربيته وساق وهو مش عارف يركز ولا قادر يفهم هو بيعمل أيه لحد ما لقي نفسه قدام الدار🥺
دخل كانت عشق وتمارا موجودين سلم عليهم وطلب يشوف ليان
وفعلا جات ليان وقعد معاها كان جايبلها حجات معاه فضل يتكلم معاها ويلعب معاها وهو مبسوط جداً وليان كمان كانت طايره من الفرحه.
الايام كانت بتعدي عامر مفتقد روكا وكل شويه يتكلموا مع بعض
ومن غير ما يقولها كان كل يوم يلاقي نفسه بيروح لليان ويقعد معاها.
بدر وسيلا رجعوا زي الاول لكن لسه بدر عارف ان سيلا مخبيه حاجه وسيلا لسه حاسه بالذنب.
دياب مشغول جدا بالقضيه بتاعته ووصل لحجات مهمه في حكايه ليان لكن مش قادر يركز فيها اوي بسبب القضيه وبسبب النقل لڤيلتهم الجديده اللي خلاص قرب
كان مستني بس ينقلوا عشان يجيب اخر معلومات تخص ليان ويفضي خالص ليها.
ليل وجاسر وتمارا مركزين جدا مع شركه كروز
عشق..مستنيه اللحظه اللي توصل لاي معلومه تخص ليان.
كل واحد فيهم كان مشغول بحاجه معينه.
قبل ما تمشي روكا بيوم سافر عامر أسكندريه من غير ما يقولها
كانت عارفه انه مش هيقدر يجي خلاص وعرفته انها هتيجي بكره
لكن هو حب يفاجئها ووصل عامر علي المغرب قدام الڤيلا.
وفجأه سمعت روكا صوت تحت 😳
خرجت جري من اوضتها ونزلت بسرعه.
روكا....😳😳عااااامر🙈🙈😍
