رواية خيط الدم الفصل الواحد العشرون بقلم زينب طالب
اكرههم كره بَس الله يعرف بي
واكول للروح احقدِي وبالحقد زيدي..
ولو لحم البَشَر ما ينوكل مكرُوه
آكل من لحمهم لو وگع بيدي
..........
شفق..
بعد ماطلعوا صارم وجوري رجعت نمت بعد وقت للغدة والبيت نضيف تلفلت ونمت للعشرة يلة گعدت
گمت ركض اكلت لگمة واني واگفة طلعت المرگة خليتها على النار تحمة ونگعت التمن، فتت لبيت كنست ومسحت وسويتة يلمع طلعت للطرمة غسلتهاا ودخلت ركبت التمن مبارك بس هذا اعرفلة وهم ماضابطتة بس قابل اطي بنفسي گدامهم لاابد
انتضرتة ينشف هدرتة ورحت اسبح قبل لايجي
سبحت وطلعت لبست تراكسوود اسوود خطية ام هدوء تسوگت النة هدوم سود اني وجوري اطيتها فلوس ماقبلت تاخذ لو شمااسوي مااجازيهم
ضفرت شعري وتعطرت وطلعت طفيت المرگة والتمن اكلت شوية بالخاشووگة ايععع ماصخ استغفر اللة عزززة نسيت الملح شبيه اني شگد ثولة رشيت علية ملح ورجعت ضگتة گام يگرط نوب صار مالح
احتاريت شسووي يربي اخر شي طفيتة وعفتة هسة
يذوب الملح على البخار يصير توب
سويت زلاطة وحضرت كلشي رحت صليت لان هسة على جية همةة كملت وگعدت اقرة قراءن وهديتة لبيبي ولبابا باوعت الساعة فوگ الوحدة المفروض هسة جايين لفيت السجادة وطلعت للمطبخ انتضرهم
وعيني على الباب البيت سنطة وحشة علية
چانت بسوالفها الحلوة تونسني هسة بقيت وحدي
عافتني من وقت وراحت عافتني واني محتاجة الهاا بعدني نزلت دموعي بقهر شگد مااريد اكابرر وامشي يومي مااگدر كلشي يذكرني بيهاا صوتهاا احس صداه بالبيت بعددة
خليت راسي على الميز وابچي اخخخ الله لايطهم من حرمونة منچ وخلوني اعيش اليتم مرة ثانية والله جرح ابوية لهسةة ماطاب وچملتيني بروحتچ
بقيت ابچي واعاتب بيهاا والصوت يرجع عليةة
راسي صاار يوجعني گمت غسلت وجهي باوعت للساعة ثنتين وربع دب الخوف بگلبي وين راحوا
مو بالعاادة يتأخرون لهساعةة اكثر شي للوحدة ونص همة بالبيت سحبت تليفوني ادگ على صارم يدگ ميشيلة قلقت اكثر صرت اروح وارجع بالطرمة اوصل للباب اريد اطلع وارجع خايفة بقيت على الحالة فوگ الساعة سمعت سيارة شخطت ابابنة ركضت للمطبخ دخلت وقفلت الباب علية اباوع من الجامة نفتح الباب ودخل صارم مستعجل وعيونة بگصتة من العصبيةة فتحت الباب تلگيتةة فاات گعد على الكرسي ويمسح بوجهه يهدي روحة رحت وراه
سألتةة خايفةة
صارم وين رحت ليش تأخرتوا؟ صدگ جوري وين اختي وين صاررم احچي لاتسكت جوري وين يلةة احجي ولك گلبي مايتحمل بعدد وين اختي
باوعلي بنضرة يأس اخذت روحي ورد بتعب
صارم :: أنخطفت
هو گال هيچ گعدت على بالگااع مهدوم حيلي دنگ علية گعد گبالي لزم ايدي يفرك بيهاا ويحجي وياي يطمني
صارم:: شفق حبيبتي لاتخافين والله ارجعهاا ارجعها مااغمض عيني اليووم اذا مو جوري
تبات بيتهاا بس صيري قوية لاتخلين بالي يمچ شفق تسمعيني
:: صارم اختي رااحت
صارم :: مترووح مترووح ترجع والله ترجع بس لاتفاولين عليهاا
::دورت عليهاا؟
صارم :: دورت وشفت الكامرات سيارة سودة اخذتها من الباب اتصلت بأكرام راح يتابع باقي الكامرات لان اني مااگدر
::اكرام عرف؟
صارم :: لازم يعرف وحدي مااگدر اسوي شي حتى كامرات المدرسة مقبلت اشوفهن بنت الحلوة الا هوو اجةةمن شافوا ملابسة يلة قبلت الشريفة
::منو صارم منو اخذ اختي صاارم لايسووين بيهاا شي فدوة الحگهاا الحگهاا جوري تخااف عفية روح جيبهاا
صارم :: رايح والله ماارجع اذا مو هيةة وياي بس انتِ شلوون اعوفچ اخااف عليچ شفق
::ماعيلة شي روح هسة اتصل بهدوء تجي يمي
_باوعلي بحيرة ورد
صارم :: الباب ماينفتح شفق الاتتأكدين منو وباب المطبخ قفلي لاتعاندين فدوة اروحلچ
::ميخالف والله مااعاند بس روووح فدووة
باسني براسي وراح للغرفة يركض رحت وراه فتح الكنتور طلع فلووس وطلع سلاحة خلاه بخصرة
وطلع من البيت وهوو يوصي بية اقفل الباب قفلتة وفتت للمطبخ واني ارجف من الخووف وين اختي وين راحت ياربي دخيلك لاتوجع گلبي بيهاا والله ماعندي غيرهاا بس هيةة بقت من ريحة العزاز
دگ تليفوني باوعت هدوء رفعتة بسررعة سمعت صوتهاا تبچي
هدوء :: صدگ شفق صدگ هالحچي جوري ماكوو مخطووفة؟
:: اي ولچ هددوء اختي اخذووهاا يردون ياخذون كل احبابي هددوء تعالي ليةة تعالي گلبي يوجعني ولچ رااح امووت لحكي عليةة
هدوء :: جاية والله جايةة من گالي جعفر لهسةة روحي مفرفحة هسة مسافة الطريق واصير يمچ
_سديتة منهاا ودموعي تنزل عليها اتخيل راح يسوون بيهاا شي لو يقتلوهاا مثل بيبي بقت الافكار السودةة تجي على باالي ندگ الباب رحت فتحتة بعد ماتأكد منو دخلت هدووء حضنتي تبجي ويااي
::اختي هدوء اختي اخذوهاا مني
هدوء :: كاافي لاتفاولين عليهاا هسة صارم يرجعهاا والله متأكدة ترجع سالمة بس لاتبجين
::وين يلگاها بعد وينن ولچ خاطفيها من باب المدرسة
هدوء :: بمنوو تشكين شفق منو الة مصلحة يسووي هيچ
::مااعرف مااعرف والله راسي افتر مااگدر حتى افكرر
هدوء :: أمچ
:: شنو؟
هدوء :: ركزي وياي مو امچ اجتِ قبل كم يووم ورادت تاخذها ويااها اكيدد سووتهاا شغلة عنااد واخذتها غصباً عنچ وعنهاا
:: عزززة هدووء بس لاتزوجهاا لرافددد بس لايسوولهاا شيي يمةة اختي
هدوء :: اهدي وخابرري زوجج وگليلة شووفي شيگوول
سحبت تليفووني ادگ علية مرتين مارد بالثالة يلة جاووب مخبووص حجيت بسرعةة
صارم امي اكيد امي اخذتهاا ماكوو غيرهاا صارمم هيةة اجت هددت هناا تريد ترجعهاا لرافدد
صارم :: بدون متگولين رحت لبيتةة مقفوول محدد بيه هسة طلعنةة دورية لبيت رافدد
::منو ويااك
صاؤم :: اكررام يلة روحي وبطلي بچي ماارجع اذا مو هيةة ياي
سديتة منة حچت هدوء بعد ماسمعت الكلام الدار بينةة
هدوء : اكيد امچ الها يدد بالموضوع لعد ليشش نهزمت من البيت؟
::ليشش هيچ تسووي ولچ هدوء رااح اتخبل ولچ وين اكوو ام تسووي هيچ بناتهاا !
هدوء :: امچ بربوگة شفق لاتزعلين
:: شزعل ولچ شزعل الله ياخذهاا ويخلصني منهاا
هدوء :: خااف تطلع مو هيةة وشلنة غيبتهاا
:: لالاهية بس چنت ماافكر ولأكدلي كلام صارم هية مو بالبيت وبيتهم مقفول حتى الطلي مالها ماكوو اكيد مشاركهاا
هدوء :: تعالي خلينة نفووت جووة ياا عزة نسيت جعفر برةة
عافتني وطلعت بالباب شوية ورجعت
::هاا وينةة
هدوء :: رايحح
:: شگد عيب غير تحچينن
هدوء :: والله نسيت يلة امشي نفووت
اخذتني ودخلننة للبيت بقيت گاعدة على ناار واني انتضرهمم هية تسولف وياي وتشاقيني اعرفهاا تريد تلهيني وهية الخوف واضح بوجها اكثرر مني
تأخر الووقت وصاار الليل ومحد بين ادگ علي ميرد گلبي انقبض والنفس ضااك علية
بقيت ابچي واندب بحضي وهدوء يمي تهوو ن بيةة
ولچ هددوء مالگاهاا اكيد موو همة ماخذيهاا ولچ اختي ووين ليشش لهسة مابينوو ا يمة گلبي ولچ گلبي يووجعني هدووء
هدوء :: اهدي اروحلچ فدوة شفق شگد صايرة ام دميعةة ولچ مااعرفچ هيچ وين شفق القووية وينهاا
::ماتت ولچ كتلوهاا ما خلوو منهاا شي اني اليووم اضعف مخلووق بالدنيا وافشل شخص لاگدرت اخذ حق ابوي ولاگدرت احمي بيبي وهسة اختي ولچ اختي ماگدرت احافظ عليهاا شلوون بية اذا صار عليهاا شي
هدوء :: لاتحچين هيچ الصار كلةة مو بيدچ انتِ اقوة وحدة والله لسوويتي زلم متگدر تسووي
لميتي اهلچ وحافظتي عليهم بس الدنيا غدارة
يومية تطلع الچ بسالفةة الصووج مو بيچ
::الدنيا شعليها هدوء گولي النااس تغيرت النااس صارت ووحوش والضعيف ينووكل ميعيش بيهاا
الدنيا بعدهي بخيرر بس ناسها مو اوادم
هدوء :: گومي صارت الصلاة مدي سجادتچ وادعي ربچ وان شاء الله ميخيب ضنچ حاشى لله
يلة گومي
مسحت دموعي وسمعت منهاا گمت توضيت ووصليت سجدت وبقيت ابچي واناجي ربي يردها
اليةة سالمة والله ماعندي غيرهاا يارب يارب احلفك بحبيك النبي تردهاا اليةة
بقيت على هالحال ابچي سمعت الباب انفتح رفعت رااسي على صيحةة هدوء طلعت اركض واشوف...
.......
جوري...
_طلعت وراهاا خايفة باب المدرسسة مفتووح والحارس ماكو طلعت سيارة طابگةة گبال المدرسةة
سودة درت راسي اسألها وينهاا البنية اختفت بعدني اباووع ادور عليهاا مااحس الا نسحبت من ايدي حيل وصعدوني بالسيارة ونطلقت بيةة بكل سرعتهاا
دفعت الشخص المقيدني درت وجهي اصررخ
منووو انتووو بعدني ممكملة فتحت عيني على وسعهاا واني اشوفهاا گاعد ليگدام تخبلتت اضربب بالكششن من ورةة الچلب ماللها مقيدني بقيت ادفرر
واصيحح بيهاا وهية مااهتززت ابدد
هاااي انتِ لچ انتِ شلووون تسووين هيچ شلووون
تتجرءين تخطفيني من من مدرستتتي شنوو عصابچيةةة حضرررتچ نزليني لچ نزلينيي لااشتكي عليچ والله اشتكييي مو ااحچي وياااچ ردددي عليةة رددي لاتسكتين شكوو خاطفتنييي
سهام :: يوووو مصدگة روحهاا شنوو اخطفچ لچ اني امچ ولازم تگعدين عنددي مو تطلقين وتديحين بكيفچ شنووو گاعدة عنددد ذاك المخبل وعايفةة بيتت امچ
::اني ماااعندي ام ماعندي هيةةة ام وحدةة ومااتتت انتتتِ مو امييي ماتعنين اليةة شي نزليني اگلچ ووگفي السيااارة
سهام :: ههه والله خوووش صرت هسةة مو امچن ماتسوون شگت البطن نچبي اگلچ رجعة ماااكو انسييي الا اربيچ من جديد اذا ذيچ متسبعةةة بالمخبل مالهاا انتِ محددد عندچ تمشيين بكيفي بكيفي انيييي
::مووو بكيفچ مو بكيفچ اگلچ اووگفي لو تموتين مااعيشش يمچ ساامعةة هسةةة صرت عزيزة عنددچ مو ردتي بس تخلصين مني وزوجتني لذاك الكلب وماسألتي عنييي بعدد شكو هسةة ترديني هاا شكوو؟
سهام :: اريد اربيچ نووب ارجعح لرجلج من سمح الچ تتطلگين شوو بكيلچن تلعبن انتن ذيچ تزووجت بكيفهاا وانتِ تتطلگين بكيفچ شنوو ولچن ماالچن چبيررر انتن
::لاوالله ماالنةة چبيررر الكباار ماتوو بقيتِ بس انتِ ورجلج الزباالةة شنوو ناخذ شووركم
ندارت علية لطتمني علي حلگي
سهام :: لساانچ لچ بسيطةة جوري بسيطة اذا مااربيچ اليووم بس خلي اوصل بعيني
تخبلت من ضربتني بقيت اصرخخ عليها اريدد افتح الباب مااگدر هذا الثوور لبصفي لازمني قوووي ولااگدر افلت منةةة مد ايدة سدد حلگي عضيتهاا قووي ولاچنةة بقة لازمني واني ارافسس مشت السيارة مسافة هواااي يلةة وگفنةة فتح الباب ونزلني اني شفت بيت رافد لو تهسترت رجعع علية
ذاك اليووم الاسوود لقتلوني بيه بقيت انگززز
:: وينن جايبتني هنااا وخررو عني عووفوني ماافوت والله ماافووت وخررو لااا ولچ يمةة لاا فدووة لا دخليني هنااا مااگدر امووت والله امووت عوفوني
ولاچنها تسمعني ددگت الباب فتحووه وسحلوني للبيت واني اصرخ محدد منهم حن گلبة علية اني شفتةة لو تهسترت بقيت اصررخ عليه
رافدد كلببب شدسوووي والله صاارم يعدمك والله خليهمم يطلعووني مناا يلااا حااچيهممم يلةةة
سهام :: كاافي صووتچ فضحتينةة وسممم دخلوهاا جوة شمتضررين وانتَ جبتت الشيخ فضني لحدد يجي اريددد اولييي
رافد :: اي اي جبتةة بس شلوون توافق دشووفيهاا راح تتخبل
سهام :: معليك انتَ اني اعرف شلوون اقنعهاا بس حضرر الفلووس مااريدهن ناقصاات ربع
رافد :: اطيتهنن لرجلج مو گلتِ
سهام :: يلة ماكوو فررق وانتوو يلة فوتوهاا
سحبوني لداخل البيت واني كل زاويةة منة تذكرني بالظلم العشتةة هنااا جسمي صاار يختض مثل السعفة تبندت ماگدرت بعدد ادافع على روحي دخلوني لغرفتي السابقة وقفلوا الباب عيني صارت على الچربايية تذكرت لصاار وياية نزلت دموعي بقهر ورعب ماگدرت اتفرج اكثر درت وجهي للباب صرت ادگ بيهه بكل قووتي واصررخ بصووت يطلع من نص گلبي
وينكممم كلااااب فتحووا الباب فتتحووا جبنااء ولكك رافدد الاغمممم تدري اذا عرررف بيك شيسوووي بيكك الا يصلخخ جلدددك حقيررر طلعني منااا افتتتح لك افتتح اگلك
على صووتي نفتح الباب دخلت سهاام دفعتني وسدت الباب تقدمت لزمتني من شعرري وتعت بية
وتحچي بحقاارة وخبث
سهام :: عرامة شفق تعووفيها على صفحةة موبقيتي يمهاا كم شهر ملت عقلچ وگوتچ عليةة شگلچ تنفذين والا والله ياجوري اخليه يدخل عليچ هسة ويكسررچ بدوون عقدد وخلي العنااد يفيدگ
باووع بعيونهاا بكره ذرة رحمة مابيهن ولاحنية معقولة امي هااي ؟رديت عليهاا متعجبةة من صلافتهاا
:: انتِ ليش تسووين هيچ ليشش كل يووم اتعجب من صلافتچ شنوو انتِ شنووو زالله عقلي مجااي يصدگ ولچ يمةةة شبيچ
سهام :: وغمة لتغمچ كووون لاتبقين تحچين حجي زايدد تسووين الأگلچ عليهه لو ادمرچ
::لو تموتين تعرفين شنوو لو تموتين عبالچ اني جوري الطفلة لقشمرتيهاا وهددتيها بكم كلمة وخليتها توافق غصب عنهاا لااا اصحي الضرباات الاكلتهن على راسي صحني لزمااني وقوني وبعدين اني تحرمت عليةة للأبد طلگني ثلاث مراات
سهام :: باطل طلاگچ لأن هوو مراضي يطلگ وتحت التهديد خاف من ذاك الخبل
::اي مو هوو مرة وتحت التهديد شوو مدري شلون تحچين
سهام :: هسةة متوافقين موو؟
:: مستحيل اخليچ مرة ثانية تنفذين خططچ براسي لو تستفاددين مستحيل
سهام :: هاا هيچ موو بعيني جووري
حچت هيچ ودفعتني فتحت الباب وصااحت لرافد
اجةة على صووتهاا يسألهاا
رافد :: هاا بشرري وافقت
سهام :: لااا اسمع اني بعتهاا الك شنوو تريد تسووي سووي هية يمك والشيخ برةة واني رايحة
لقتنعت اعقد ماكو اخذهاا بدوون عقدد
رافد :: واذا عرفوا هيةة عندي واجوي شسووي
والله هذا الضابط ضربتة لهسةة ادگ بگلبي
سهام :: مشكتلتك بعدد دبرر راسك وصير رجالل جبتهاا لبيتك شسويلك اكثرر يلة وخرر مني وخرر
خليني الحگ ذااك لاياكل الفلووس عليةة
حچت هيچ وطلعت لحگهاا يوصلهاا بسرعة قفلت الباب خايفة هذا ثوور اذا اجاني مستحيل اگدر اقاوومة گعدت وراه متعجبة على صلافتهاا عافتني وطلعت بگلب باررد ندك الباب عرفتة هوو رجف گلبي حچة متوسل
رافد :: جوري حبيبتي فتحي الباب خلي نتفاهم
::روح رافد ماا وخليني اطلع ترة تتندم والله صارم هسة يدوور علية واكيد يجي هناا شيخلصك منةة ساعتها
رافد : مخاطفچ اني مرتي ورجعتچ لمكانچ ولچ احبچ شبيچ انتِ
:: اكل نعل ولتتگول احبچ وخليني اطلع مناا احسلك ترة والله ميصير خير
رافد :: زين فتحي الباب بس نسوولف مااسوي شي مااخذ كلامم امچ واسوي شي بدون رضااچ بس احچي اوعدچ
::ههه شبية مخبلة واثق بيك احچي مناا اسمعك
رافد :: جوري خلينة نرجع سوة فدوة اروحلچ
:: ولك تحرمت عليك اني ميصير بعدد انت غبيي؟
رافد :: لالا ماتتحرمين هو ذاك الحقير خلاني اطلگچ غصب عني والله اني احبچ ماتحرمتي لاتحچين هيچ لاتحچين
:: اكلك ولي مناا چنك زعطوط استحي على كبرتك ليش تخليني اتجاووز عليك شنوو لزگت خوما لزگت خلصن النسووان بس اني
رافد :: اريدچ انتِ مااريد غيررچ جوري
::اي مو اخذتني عن حب ومچلب بيةة شو گضيتها ويااك اكلان نعل انت الهايشة مالتك الله لايردهاا
شبعتوني تكفخ ومغمة وشكو شي يلعب النفس شفتة يمكم اخر شي ختمتوهاا بقتلي لو ماالله سترني چان اني هسةة بعداد الموتى
رافد :: اسم الله عليچ كون اني ولاانتِ
:: ان شاء الله رافد ان شاء الله تموت واخلص منك
رافد :: لاجوري لاتصيرن قاسية ولچ اني احبچ وروحي معلگة بيچ شلوون تدعين علية هيچ هاي جزاتي يعني؟
:: اهووو اگلك انتَ متتعب من الحچي ترة مللتني
شووكت تخليني ارووح
رافد :: كل عقلچ اخليچ تطلعين مناا ماصدگت رجعتج اليةة
:: هم گاال رجعتچ شنووو خبل انتَ اكلك مااريدك
رافد :: هسة شلوون نگضيهاا هيچ فتحي الباب گتلچ لااكسرةة
:: اي هو هذا اسلوبك شكوو صار ساعةة تتصنع وتبعيهن برااسي تريد تكسب عطفي واني اعرفك شنوو من خيسةة بس بعيني رافد اذا ماخليت صارم يتووبك مااطلع بت ابووي
رافد :: خلي اسووي الأريدة وراها شيسوي خلي يسووي
حچة هيچ وصااح للولد البررة طلب منهم يكسروون الباب رجف گلبيي صحت بيهه خايفةة
:: رافدد لاتتخبل وتسووي شي تنددم عليهه
رافد :: كسروو شمنتضرررن
صارو يردموون بالباب بكل قووتهم رجعت ورة خايفةة وعيوني تراقب وادعي بگلبي صارم يندل مكاني ويجي نفتح الباب ودخل رافد سحبني من ايدي قووي واني افلت منةة
لاتلزمني اگلك عوووفني وخررر رافدد الله يلعنك وخررر مني
رافد :: اششش سكتي شلعتي گلبي وينك شيخناا
دخلني للصالة شمرني على التخم وحچة وية الشيخ
حتى يعقدلي صحت بيه
انتت تخبلتتت لو تمووت مارجعلك لو تمووت
رافد :: مو بكيفچ يلةة شيخماا شمنتضررر
حچة الشيخ چنة مرتشي ابد مااعترض اني شفتها صاارت صدگ والحماية يمة والسلاح بيدهم ماكو مفرر اجت برااسي بسررعة شمرت نفسي بالگاع وگلبت عيوني بقيت ارعص بمكااني مثل البيه صررع اجاني يرركض انخبصص مايگدرر يسيطر عليةة الشيخ يصيحح البت بيهاا صررع رااح تمووت ولكم راح تگطم لساانهاا خلوو شي بقوو مخبوصين يردون شي يخلوه بحلگي ماكوو اني اسمعهم ومستمرة بالتمثيلية
اخرر شي خلة راافد ايدة بحلگي واني صكيت عليهاا حجة بحجتين هوو يصيح من الوجع واني ازيد بالرعصصص والعض شووية يلة هديت بس بقيت امثل اني فاقدةة وهوو يمسح بووجهي ويبچي مثل النسووان حملني حرامم ابن الكلب
رافد :: جوري حبيتي جوري تسمعيني والله مااسويلچ شيي جووري بس گعددي والله ارجعج لهلچ شبيچ حبيبتي مريضةة لحگووني لكم صاارت زرگةة
الشيخ :: اخذهاا للمستشفى البنت رااح تمووت
رافد :: وين اخذهاا غيررر يحبسووني لالا هسة تصحة هيةة بطلة جووري تسمعيني جيبلي مي بسرعةةة
لاياالله بس لاراحح يذب عليةة ميي انكششف جذابةة بعدني افكررر دار بطل ميي علية شهگت فاازو فررح هوو اداركت نفسي وبقت صاافنة مثل المصدوومة يحجي وياي واني صاافنة صااح الشيخ
الشيخ : البنت انصدمت شوفهاا شلوون صافة
رافد : انتَ اسكتت راح تخبلني جوري احچي تسمعيني..
الشيخ :: اضنها صارت خرسةة
رافد :: يمعوود شبيك امشي رووح اطلع برةة
الشيخ :: والعقددد؟
رافد :: بطلنة روووح خلي تصحة وبعدين نعقدد رووح شگد فگررر
طلع الشيخ وهوو بس يحچي وياي واني صافنة ولاارمش مووع اذاني بالحچي مرر وقت طوويل على وجودي هناا يروح ويرجع عليةة واني مسوية روحي مواتةةة هناااك واسمع خبصة بالشارع دخل واحدد من الحماية يركص صاااح سيدي الحگ الشررطةة بقى محتاررر ميعررف شيسووي يوصل للباب ويرجع عليةةة اخر شي سحبني من ايدي
طلعني بعدني بالطرمةة وندفر الباب يمةة اني شفت صارم چني شفت ابووية
عتيت روحي وركضت علية حضنتةة ابچييي
الحگني صاارم يريد يعقدد عليةة صاارم هو وامي امي خطفتنيي
بعدني من حضنة انتبهت لروحي مسح على راسي
صارم ::لا تخافين خلصت
حچة هيچ وتقدم بأتجاه رافد لصاير فارة جوة ادين اكرام سحبة ضربه كلةة خلة خشمة يجري دمم صاار يضررب بيه فقد رادو الشرطة يدخلون منعهم اكرام الا ان صاار جنازة سحبةا كرلم و راح داس على راسة بالببسطال وحچة
اكرام :: والله لندمك على اليووم الأجيت بيه للدنيا والله شيلوووو
صااح بالجنوود تخذوا وهو عبارة عن جثة هادمة طلعووا من البيت تقرب مني حچة والخووف بعيوونة
اكرام :: خوما أذوچ
:: لامالحگوو
اكرام :: لعد ليش هيچ حالچ؟
باوعت لروحي هدومي منگعة ابتسمت واني اتذكر المشهد التمثيلي لسويتة حچيت مبتسمة
::ماكو شي ليضل بالك
تحولت النضرة من الخوف للحب عيونة تلمه گال
بصوت ناصي
اكرةم :: اروح فدوة للرصعات يابة
ابتسمت مستحية اجة صاارم خلة ايدة على چتفةة وحچة
صارم :: الزززم حدك لاتخليني اتجاوز عليك استحي من رتبتك
اكرام :: ها عديل گلبت عليةة
صارم :: بعدني مصاير عديلك لاتتلوگ
اكرام :: شلوون يخليني اخذة يوونس حجي رافدد
صارم :: مااگول لااا ماشفيت گلبي بيه
اكرام :: والله الا اصلخ جلدة
صارم :: وسهام؟
اكرام : : الزمهااا وين تروح تطيرر
حچيت اني
ترة وليد هم مشارك بس ماشفتةة
صارم :: ساس البلة هوو وامچ طايحة چفي عليه
اكرام :: يلة امشووا اوصلكم
صارم :: لايابة روح احنة ناخذ تكسيي مااصعدهاا بسياراتكم
اكرام :: بس اني ومحمد شبيك
صارم :: مااروح لاتلح وانتِ يلةة لحگيني اختچ راح تمووت عليچ
حچة هيچ وجعني گلبي عليهاا طلعت وراه اكرام سلم وراح بسيارة تابعة الهم واحنة اجرنة تكسي
للبيت وصلنة الدينا ظلمة حاسب الرجال وفتح الباب
دخلت للبيت اركض لگيت هدوء گبالي شافتني صرخت وركضت علية تلگيتها خايفة عليهاا لاتوگع
شبگتني بقوووة وتبچي اريد اسكتهاا ماكو
هدوء :: يمةةة ولچ شلعتي گلوبنةة جوري وين رحتي ويننن شفق ماتت عليچ
:: اهدي بس اهدي والله مابيةة شي يمعودة شبيچ لايصير بالطفل شيي على كيفچ
على صوتنة طلعت شفق تركض باحرام الصلاة رحتلها اركض گعدت بالگااع فاتحة اديهاا ودموعهاا يصبن دنگت عليهاا ضمتني لصدرهاا حيل وتشهگ مثل الجهاال حچي متگدرر تحچي بقيت ابچي ويااها
رفعت وجهي ضمتة بين اديهاا وتبووسني بكل مكان بوجهي وترددد بشهگة
شفق :: الحمد لله الله
::شفق!
شفق :: اخخخخ ولچ جوري متت الف موتة ورااچ گلت خلاص اختي مااشوفهاا بعد گلت رااح يقتلوها ويحرگون گلبي بيهاا يمةة الوقت مايشمي بلايچ وين رحتي ويين منوو اخذچ گليلي ولچ گليلي لاتسكتين احچي
دموعهاا تنزل فتقدت اجة صارم سحبهاا لحضنةة يهدي بيهاا وهية تفرفخ بيدة
شفق :: صارم عوفني خليني اعررف وين راحت منوو اخذهاا منو يريد يحرگ گلبي بيهاا ولچ احجي احچي
صارم :: شلوون تحجي وانتِ هيچ حالتچ هدي نفسچ حتى نفتهم منهاا يلةة تعالي گعدي
سحبها من ايدهاا گعدهاا على الكرسي اشرلي اتقرب عليهم گمت واني امسح دموعي هدوء واگفة يمي
سألني
صارم :: احچي جوري شنو الصارر ويااچ من اخذووج لهساعةة حرف متضمين علينةة
مسحت دموعي وقويت نفسي وحچيلتهم شلون البنية جذبت عليةة وشلون اخذوني وشگالت سهام وشنو سوة رافدد ماخليت شي ماحچيتة احچي وابچي بس خلصت شفق گامت تنگزز
شفق :: لچ سهاااام الله لايوفقچ شنوو تردين مني بعددد شنوو طلعت من بيتچ ومااخلصتتت ولكم يااناس ياعالمم شنوو من ام هاااي وين اكوو ام تسووي هيچ بنااتهااا كلةة علموود الفلووس لو علموود الزلممم اخخخ يابةة تعال شووف شووف المرة لأمنتهاا على بيتك وبنااتك شنوو سووت بينةة ياابة اطلع وشووف شصار بينةة من بعدك
بس والله مااسكت مااسكت هالمرة
نترت ايد صارم وگامت تطلع لحگهاا رجعهاا بقت تتلتوي وياه
شفق :: عوفني ولك عوفني خليني ابردد گلبي بيهاا لك صاارم لاتمنعني اذا مااخذت حقي منهاا اموت من القهررر عوفنييي
صارم :: ثبتييي وين رايحة شبيچ تخبلتييي انتِ!
شفق :: اي تخبلت تخبلت امي خبلتي ماخلت بيةة عقل لك تريد ترجعهاا لرفدد حتى يقتلهاا مرة ثانية شفق الصلافةة لو لاا عوفني خليني اروووح
صارم :: مترحين وطلعة من البيت اذا طلعتي اكسرر رجلج حق جووري اني اخذة وامچ احاسبهاا لاتضيعين كلشي بغبائج شفق
شفق :: لاتگوول غبيةة لاتگوول محدد يحس بالناار البيةة محدد
صارم :: حاسس بيچ والله حاسس بيچ بس اذا رحتِ راح تضيعين حق اختچ بيددچ بعدين امچ مو بالبيتت اكيد هسةة وصل الهاا خبرر وماترجع للبيت الا تبردد السالفة
شفق :: ماتبردد صارم ماتبرد مو سهلة هاي جريمة خطف تدري لو لااا
صارم :: مادام امهاا لأخذتهاا من المدرسة متتعتبر جريمةة بس راح تتحاسب مو بس هية كل واحدد الة يد بهالسالفة اولهم رافدد وحتى مديرة المدرسة وحراسهاا على الاهمال العدهم والطالبة الصاحت الچ تعرفيهاا جورري
:: لامااعرفهاا
صارم :: سهلة تنعرف اكرام اتكفل بالمووضوع لاتشيلين همم
هزيت راسي عافت صارم واجت علية ضربتني راجدي لزمت خدي مصدوومة حچت منفعلةة
شفق :: انتِ غبيةةة شلوون تطلعين من المدرسةة
بدوون علم الادارة شعنددي اجيج انيي مسوويتهاا قبل وجاية لمدرستج حتى صدگتيهاا شبيچ ثوولة
::شمدري عبالي صاار بيكم شيي
شفق :: واذا صارر بينة انتِ تحليها يعني اخخخخ منچ اخخخ لچ راح تموتيني
صارم :: لاوالله اني لراح تموتمي انهل ابو السااعة لحبستچ بيهاا عندي طيحتي حضييي وحق علي
حچة هيچ وعافنة وفاات للغرفة لحگتةة هيةة تصيح
شفق :: تعاال شنوو قصددك متندم على زواجك منييي!
نطبگ الباب وابتعد صوتهم ضحكت هدوء
هدوء :: والله مخابيك ذولي مااعرف شلون متراهمين
:: متراهيمن لاتخافين عليهم بعدين شفتيهاا شلوون سطرتني وقبل دقايق باستت حتى خشمي
هدوء :: ههههه مو ماشفتِ شصار بيهاا ماتت الف موتة وهية تباوع للساعةة وكلما يتأخر الوقت تفقد الامل برجعتچ
:: شسووي قابل بيدي غيرر امي تريد ترجعني لرافدد مدري شكد قابضة منةة
هدوء : بسس والله طلعتِ مو هينةة خووش مسودنتةة
:: ههههه سكتي كلما اتذكر اضحك نوب ابن اةنعال جااب مي ونگعني حتى بأذني دخل بس احسن ضيعت وقت چان هسةة عاقدلي والله چان قتلت نفسي ولاخليتة يلمسني
دنسولف ودگ تليفونهاا زوجهاا اجة عليهاا رحت دگيت لباب على سارم يطلع للزلمة عيب طلعو شفق وهو وراهاا طلع لجعفر واحنة سلمنة على هدوء وتشكرنة منهاا وراحت اجت حضنتني
ها خيرر وخري وخري هذا استقبالچ اليةة تضربيني شقق
شفق :: والله من حرگة گلبي وخوفي عليچ ماتدرين شصاار بيةة والله گلت راحت اخيتي ومااشوفهاا بعدد
:: تحبيني شفق
شفق :: نچبي نچبي شنو هالسؤال الخايسس يلة روحي بدلي خليني احمي الاكل متنة من الجووع
صارم :: اي والله من ورة حضرة جانب جوري الفاهيةة لااكل ولاشرب امشيي بدلي ينعل شكلگ
:: انتو اهل انتو اكو واحد مخطووف هيچ يسنقبلوونةة لو باقية وية رافد ولاهالعيسةة
صارم :: امشي ام الصررع
:: ههههه راح تلزگ بيهاا شسووي مو زين اجت براسي والا چان اني هسة حررم الاستاذ رافدد
الحريمةةة
صارم :: من گلتي حريمة تخيلتة ابوو بدر
::لاعمي ابو بدر اهوو منةة
شفق :: كاافي ولچ روحي بدلي وتعالي بسررعة
:: رايحة رايحةة
عفتهم فتت للغرفة اخذت هدومي وبوجهي للحمام جلفت نفسي لعبانة روحي من روحي طلعت بسرعة صليت وسجدت لله سجدة شكر خلصني منهم والا چان شنو حالي هسةة سمعته يصيحون علية لميت السجادة وطلعت بقيت بأحرام الصلاة گعدت يمهم حچة صارم
صارم :: ها علوية شو تحجبتي بس لاتبتي ولچ
::ههههه ماتكيف اتووب
صارم :: اكيف ليش لاا
:: لاهذا هوو قررت بعدد
شفق :: خيرر شقررتي؟
:: اتحجب
شفق :: تتحجبين؟
:: اي اتحجب كافي احس رب العالمين دينطيني انذار ويريد مني التزم واني مو ابالي بس هالمرة قررت ومن قناعتي اتحجب واكمل ديني حتى الله يرضة عليةة وماانزعة منا لما امووت
صارم :: الله يهديچ ان شاء الله احسن قرار والله يووم لأختچ
شفق :: اني مو هسةة
صارم :: چا شمنتضرة الا تنخطفين يلةة؟
شفق ::صاررم
صارم :: عيونة؟
شفق :: لاتلح وياي
صارم :: اخااف عليچ من نار جهنم حبيبتي
شفق :: خاف على نفسك وعوفني وانتِ جوري بالعافية عليچ حبيبتي يووم الالية الله يهديني
والبسةةة عن قناعةة
::امين يارب
خلصت ورحت لغرفتي ارتااح تمددت على فراش بيبي من يوم ماتت واني انام عليه حضنت دشداشتهاا وحچيت ويااه
بيبي حبيبتي تحجبت بيبي مو چنتِ تتمنين تشوفينا بالحجاب هاي تحجبت تعالي شوفيني رجعلي بس احضنچ وروحي والله روحي مفرفحة عليچ حبيبتي
نمت واني الدمعة بعيني ثاني يووم بدلت ملابسي و ضفرت شعري وضميتة جوة الصدرية لان اذا الفة يصير عمامة سحبت حجاب اسوود عندي لفيتة باوعت لروحي لايگلي حيل رشيت عطر وطلعت شافني صارم گاام يصفرر
صارم :: نزعي عمي نزعيه صرتِ احلى بعدد لاتنحسدين
شفق :: صارم شنو هاي تصوفر چنك مطيرچي
صارم :: اني چنت مطيرچي حبيبتي
شفق :: مااستبعدد
:: هسة شنوو نروح
شفق :: تعالي اكلي وروحي
:: مااشتهي
شفق :: مو بكيفچ تعالي
گعدت مجبورة اكلت شووية وطلعنة وهية ثبرتني توصي بيةة حتى من الصف متريد اطلع وتوصي بصاارم
وصلت للمدرسة رحت لصفي شافتني عبير حضتني تبچي مسحت على ضهرها اضحك
:: خيرر شبيچ؟
عبير :: ولچ صدگ نخطفتي جوري لو هااي اشاعة
:: شمدريچ؟
عبير :: شنوو شمدريني البارحة صاارت هووسة واجوي الشررطة حتى ماطلعونة من وقت خافووا نوب هذا الولد رجل اختچ ليووصلچ لعب جولة بالمديرة وضررب الحاارس وحملة المسؤوليةة
:: يستاهلون ماكو حرص على الطلاب عايف الباب مفتووح ومدري وين مولي لو موجود ماصار كل هذا
عبير :: منو خطفچ لتتگولين رافدد
:: هههه اي هو بس امي الاخذتني مناا باعتني مرة ثانية الةةة شفتِ حضي؟
عبير :: اخخخ امچ بس اريد الزمهاا الا اعيد صياغة وجهاا مرة ثانية بعدين تعالي لچ شنوو هالجمال تحجبتِ؟
:: اي مو احسن
عبير :: والله احسن ولو زايد جمالچ بس احسن واستر الچ شعرچ يجيب التايه يمعودة
::من زمان ابالي هالخطوة وهسة اجةة وقتهاا
عبير :: الله يثبتچ يارب
::حبيبتي
التهيت وياها لنصف الدوام دزت علية المديرة تتعذر مني وتسأل علية مبينة مرزليهاا تفهمت منهاا وطلعت
لنهاية الدوام طلعت وبقيت بالباب قريبة يم الحارس
صارت بيةة خوفة شفتة اجة من بعيد مبين چان منتضرني مشيتة وهيبتة تخلي البنات يصفنن عليه
نزع البيرية لزماهاا بيدة وباوع علية متعجب بمنضري الجديد حچة كلامة بلهفة وبدون مقدماات
اكرام :: شليتي حالي يم غمازة ماحن گلبچ علية
وتخلينة نعقد؟....
شكرا لزيارتكم عالم روايات سكيرهوم
