 |
رواية دار الايتام الجزء الثالث (اللقاء المنتظر) الفصل الثاني والعشرون بقلم اميرة اسامة
الخريف الفصل الذي يمثل مرحلة في حياتنا التي تسقط بها أوراقنا بعد أن كنا أشجاراً نضرة. تظهر حقائق الحياة في خريف العمر
فا رفقاً أيها الخريف👌💔
............
نزلت روكا جري علي السلم وأول ما شافت عامر تحت بيسلم علي والدها ووالدتها واختها وعينه عليها وهو مبتسم.
جريت روكا عليه وهي طايره من السعاده زي الطفل اللي حس بالامان في وجود امه.
روكا...عاااامر😍😍😍🏃🏃
ضحك عامر واول ما قربت منه خدها في حضنه بشوق وكأنها غابت عنه سنه مش كام يوم
روكا....كده ضحكت عليا.
عامر....بصوت واطي في ودنها وحشتيني❣️
بعدت روكا وهي مبتسمه وباصه في عينه بحب.
عامر....لنا قولت افاجئك انا كنت عايز اجي قبل ما ترجعي بيومين بس مكانش نافع خالص عشان الشغل انتي عارفه. فا قولت كفايه اجي قبلها بيوم ونقضي اليوم ده مع بعض وكلمت صفيه وهاشم باشا و عرفتهم😉
روكا....عشان كده يا ست صفيه عملتي اكلت السمك الكبيره دي لا وتقولي ايه عشان تبقي كلتيها مرتين قبل ما تسافري.
صفيه....بضحك يعني افتن مثلا هو حابب يفاجئك.
هاشم...بضحك بوظتلك انا المفجأه اللي كنتي هتعمليها فيا واحنا اللي عملنا مفجأه فيكي.
روكا...بضحك ماشي يا هاشم قاعد معايا طول اليوم وانت مخبي عليا ملحوقه😒
هاشم....خلاص بقي قلبك ابيض مش المهم ان المفجأه عجبتك
روكا...بسعاده طبعاً🙈❣️
هاشم....اهو ده المهم يلا خدي جوزك بقي ياخد حمام ويظبط نفسه و أنزلوا عشان ناكل
صفيه....شكرا يا عامر علي الحلو اللي جبته ده كله.
عامر...عيب يا صفصف مفيش بينا شكر ده بيتي ولا ايه.
صفيه....طبعا يا حبيبي يلا اطلعوا بقي الاكل خلاص خلص هنظبط السفره انا وساره لحد ما تنزلوا
روكا....بت يا ساره انتي كنتي عارفه😒
عامر...بضحك يا شيخه اطلعي بقي😂😂
ساره...بضحك عرفت بس الصبح والله😂😂😂
روكا...بضحك ماشي يا سوسه.😂😂😂
طلعت روكا وهي ماسكه ايد عامر ومعاه شنطه صغيره فيها غيار بسيط ليه.
فتحت روكا الاوضه ودخلوا واول ما قفلوا الباب
شدها عامر ليه وقرب من شفايفها بشوق كبير وبادلته روكا بحب
بعد ثواني بسيطه بعدت روكا وحضنته من رقبته رفعها عامر من علي الارض خالص.
عامر....عارفه لو بعدتي عني تاني يا روكا هقتــ/لك وحشتيني اوي
روكا....انت وحشتني اكتر والله فوق ما تتخيل بس غصب عني
عامر....عارف وعلي فكره انا بجد مشغول جدا بس مقدرتش اني مجيش انهارده
روكا....انت فين عربيتك صحيح؟
عامر...لا انا جاي في أوبر مجتش في العربيه عشان اروح معاكي ما انا مش هسيبك تركبي لوحدك في الطريق وانا لوحدي بقولك وحشاني🤨
روكا...بضحك احسن بردو عشان انت تسوق وانا اقعد زي الهانم😎
عامر....ست الهوانم كلهم ❣️😉
روكا....يلا ادخل خد شاور بسرعه
عامر....طب ماتيجي معايا اصلي جاي تعبان 😉
روكا....بضحك اتلم يا عامر انت جاي مش سايق ويلا اخلص🤨
عامر...بضحك رخمه😒😒
روكا...اه رخمه واخلص بقي يلا هنمـ/وت من الجوع
عامر...ماشي هعديها المرادي بس
روكا....بضحك شكرا لكرم اخلاقك😂😂😂😂
دخل عامر خد شاور سريع
وبعد شويه بسيطه خرج ملقاش روكا عرف انها نزلت تساعد صفيه وساره..اتسرح وظبط نفسه ونزل علي تحت.
هاشم من بعيد.تعالي ياعامر
عامر...بابتسامه ايه هما فين انا جعان🤨
هاشم....خلاص جهزوا اهم معرفش بيعملوا ايه تاني.
روكا....خلصنا خلاص يا ساتر فضيحه😒😒 انا علمتك كده
هاشم....بس يابنت ده بيته
عامر...اهو قالك😛 واصلا الكل ده معمول عشاني يعني ممكن موافقش انك تاكلي😎
روكا....مين ده🤨
صفيه....ايوه حقه انا عامله كل ده عشانه😂😂
عامر....حبيبتي يا صفيه تسلم ايدك يارب 😍 وبص لروكا 😛😛
روكا....بضحك بردو هاكل
هاشم...افضلوا عاندوا في بعض انا قايم اكل وهسيبكم
عامر...استني خدني معاك😂😂
راحوا مع بعض وقعدوا كلوا وبعد الالكل عملت روكا القهوه وساره جابت الفاكهه وقعدوا كلهم في الجنينه سهروا لحد الفجر الكل كان مبسوط والضحكه كانت مسمعه الڤيلا كلها وطبعا روكا كانت قاعده في حضن هاشم
عامر كان من جواه حاسس بالغيره لكن كمان مبسوط انها سعيده هي وهاشم قضوا وقت طويل و نامت روكا علي كتف هاشم وهو بيتكلم مع عامر في الشغل والسوق وحجات كتير
هاشم...روكا هي نامت ولا ايه.
عامر...بضحك دي نايمه من بدري😂😂😂
هاشم...يخرب عقلك روكااا تعالي صحبها تطلع تنام يلا وانت كمان اطلع نام وارتاح.
عامر...بضحك قرب من روكا روكا السمك نيمك ولا ايه 😂😂
روكا...بأبتسامه السمك والهوا أتسطلت تقريباً
هاشم...طيب يلا يا حبيبتي اطلعي نامي فوق الجو هوا وجوزك كمان خرج من الشغل علي هنا محتاج يرتاح
روكا...فين مامي وساره؟
هاشم....ساره ولادها ناموا طلعت تطلعهم وتنام هي كمان و صفيه طلعت انتي عارفه بيناموا بدري
روكا وهي بتقوم والنبي ما في غيرك شبهي بنام ساعتين تلاته في اليوم.
عامر....انا مشوفتش زيك بصراحه
روكا...بابي كمان كده علي فكره ممكن ينام الفجر ويصحي الساعه سبعه او ثمانيه وفايق
هاشم....طيب يلا اطلعوا عشان الحق اقعد معاكم بكره شويه قبل ما تمشوا
روكا ...حاضر يا حبيبي يلا اطلع انت كمان.
هاشم...يلا انا قايم اهو.
طلعوا التلاته مع بعض وقفل عامر الباب وأمن علي الڤيلا وطلع مع روكا
طلعت روكا علي السرير بتعب وطلع جمبها عامر نامت جوه حضنه.
عامر...اهو انا كده هنام وارتاح
روكا....بنعاس حضنك وحشني
عامر...اوي🤨
روكا...اوي❣️
ابتسم عامر وفضل بلعب في شعرها لحد ما راحت في النوم هي وهو.
.................
في صباح يوم جديد فطروا مع بعض كلهم وكانت روكا محضره نفسها هي وعامر بس صفيه صممت يتغدوا مع بعض الاول
خرج عامر وهاشم في الجنينه
وفضلت صفيه في المطبخ وروكا وساره بيساعدوها.
ولعت روكا سيجاره تشربها قبل ما هاشم يجي.
صفيه...ارحمي نفسك شويه😒
روكا....ده انا خففتها شويه يا صفصف ومن وقت ما جيت مش عارفه اشرب خالص هاشم قافش فيا.
ساره...بضحك عاملك كمين😂😂
روكا....فين سولي وسيدرا.
ساره...بيلعبوا بره
روكا....ابقي قولي لحازم اني مش هعديهاله مجاش غير مره من ساعت ما جه.
ساره...انتي عارفه ان شغله رخم اوي والله لسه مكلمني الصبح وقالي قولي لروكا حقها عليها وسلم علي عامر في الموبايل
روكا...ماشي يا ستي هعديها المرادي..وبصت لصفيه
صفيه ما تشوفوا يوم وتيجوا تقعدوا معايا كام يوم عشان خاطري.
صفيه...انتي عارفه انا معنديش اي مانع بس هاشم هو اللي مبيعرفش ميقدرش يخرج من اسكندريه اصلا.
روكا...انا هتحايل عليه وانتوا بردوا زنوا عليه. وانتي كمان يا ساره.
ساره...والله انا معنديش مانع ولا حازم هيعترض
في الوقت ده دخل عامر وهاشم عليهم المطبخ وهي مش واخده بالها انه شاف الدخان طالع منها
عامر...احمممم😳🙈🙈
اتصدمت روكا وخبت السيجاره ورا ضهرها بسرعه😳😳🙄
هاشم....🤨😒😒 ده علي اساس اني مش شامم ريحه المطبخ
عامر وساره وصفيه وقفوا يضحكوا علي منظر روكا.
روكا.....انا انا مفيش حاجه ده الاكل اتحرق يا مامي 🙄
هاشم...الاكل بردو اللي اتحرق ولا صدرك 🤨
روكا....بصت لعامر 😒😒 ماشي يا عامر
عامر...بضحك وانا مالي😂😂🙈
فضلوا يضحكوا مع بعض والوقت جري بسرعه وجه وقت الوداع.
نزل عامر شنطت روكا في العربيه.
صفيه....متتأخريش علينا يا روكا
ساره...هتوحشيني🥺
روكا....انتوا اللي هتوحشوني وبطلي عياط يا بت عشان مضربكيش هجيلكم تاني🥺
حضنتهم روكا وسلمت عليهم وراحت لهاشم حضنته اوي هتوحشني يا بابي.
هاشم...بابتسامه حزن وانتي كمان يا روكا خلي بالك من نفسك ومتتأخريش عليا.
روكا....لا مش هتأخر هعدي شويه كده وهعمل كام حاجه في الشغل وهجيلكم تاني قبل ما ارجع أتضغط في الشغل وعشان خاطري فكر في اللي قولتهولك وتعالي اقعد معانا كام يوم.
عامر...ياريت والله تيجوا كلكم.
هاشم...ان شاء الله ربنا يسهل والله المهم انتوا اللي متطولوش علينا.
عامر....ان شاء الله هنجيلكم تاني تخلص بس روكا اللي وراها وهنيجي.
هاشم...ان شاء الله يا حبيبي خلي بالك من الطريق .
عامر...متقلقش ربنا يستر.
هاشم...يارب يلا عشان متتأخروش والدنيا تبقي ليل.
روكا....خد بالك من نفسك وتكمل العلاج انا سيباك كويس اياك ارجع الاقيك تعبان🤨
هاشم...بضحك علب حسب لو اتأخرتي عليا هتعب لو جيتي هتلاقيني كويس.
روكا...بحب ربنا يديك الصحه يا حبيبي يلا باي.
راحت مع عامر علي العربيه وهما راحوا وراها وقبل ما تركب روكا بصت لهاشم بحب وفتحلها ايده تاني وحضنها بحب❣️
بعد وقت بسيط كانوا خرجوا بالعربيه ومشيوا❣️
............
وصلت روكا بعد حوالي 3 ساعات طمنت هاشم وصفيه عليها
واصحابها اطمنوا انها وصلت والكل سلم عليها.
واتفقت معاهم لمار ان الاسبوع الجاي يوم الجمعه هيكونوا عندها في الڤيلا وعرفتهم انها خلاص فاضل حجات بسيطه وتخلص وتنقل هي ودياب.
واتفقت روكا مع عشق انها هتروح الصبح الدار تشوف ليان والبنات قالوا انهم هيروحوا هما كمان عشان يشوفوا روكا
.............
تاني يوم راحت روكا والبنات فضلت سيلا تحضنها كانت وحشاها اوي.
عشق....وحشتينا اوي😍
روكا...يالهوي انتوا اللي وحشتوني والله😍😍
تمارا....بباكي عامل ايه الوقت.
روكا...احسن كتير الحمد لله وانهارده الصبح الحمد لله نزل المعرض اخيرا
زهره....ربنا يطمنك عليه يارب ويشفيه.
روكا...يارب يا زهره.
وبصت لعشق انا عايزه اشوف ليان.
عشق....ماشي استني اخلي الداده تنادي عليها بيقولوا انها سألت عليكي كتير هتفرح لما تشوفك
روكا....هي كمان وحشتني اوي.
دقايق بسيطه وجات ليان تجري علي روكا بفرحه
روكا....وحشتيني اوي اوي
ليان....حضرتك كمان وحشتيني اوي هتسافري تاني.
روكا....لا خلاص انا رجعت يا روحي.
فضلت تتكلم معاها وهما واقفين معاها ومبسوطين.
روكا....ده ايه العروسه الجميله اللي انتي مسكاها دي مين جبهالك و فين عروسه عامر 🤨
ليان...بابتسامه كبيره ما دي بردو عروسه عامر 😍
روكا....بأبتسامه أستغراب عروسه عامر ايه بس عروسه عامر انا اللي اخترتها بنفسي مش دي.
ليان...ايوه عارفه بس دي الجديده وفي لعب تاني هو جابها تيجي افرجك عليها.
عشق....هو انتي متعرفيش ان عامر كان بيجي لليان هنا❣️
روكا...بصتلها بصدمه عامر جه هنا من غيري.
عشق...ايوه فكرتك عارفه ده حتي اول امبارح جه وانا كنت موجوده مع مامت ليل وقال ان هو جاي يسلم علي ليان ويعرفها انه هيروح يجيب روكا ويرجع.
ليان...ايوه هو قالي ان هو هيسافر يوم ويرجع وهترجعي معاه عشان انا سألت عليكي.
روكا...بأبتسامه وشرود يظهر كده انكم بقيتوا صحاب.
ليان...ايوه بقينا صحاب خالص
بصوا البنات لبعض مكانوش عارفين يفسروا ملامح روكا هي زعلانه ان عامر خبي عليها ولا مبسوطه .مكانوش عارفين انها مبسوطه و حست ان عامر اختصر عليها حجات كتير اوي.
فضلوا مع بعض كتير وليان معاها بتلعب وهما بيتكلموا وبعد وقت طلعت ليان عشان معاد نومها سلمت علي روكا والبنات وطلعت
تمارا....ايه يا عشق مش هنمشي بقي.
عشق...تمام يلا بينا.
روكا...عشق لحظه انا عيزاكي
قعدت عشق جمبها خير يا روكا.
بصت روكا علي البنات وسكتت شويه.
نور...طيب تعالوا يابنات احنا نسيبهم لوحدهم شويه.
روكا...لا لا خليكوا يا نور مفيش حد غريب اصلا.
عشق...قلقتيني يا روكا في ايه.
روكا....مفيش قلق بس انا كنت عابزه اطلب منك طلب.
عشق...لو اقدر اعمله مش هتأخر عنك يا روكا.
روكا....بأبتسامه حزينه انا عارفه انكم لسه موصلتوش لاي معلومه تخص ليان بس انا كان ليا طلب لو مقدرتوش توصلوا لاي معلومه عنها انا عايزه أتبني ليان🥺
صدمه اصابت البنات واصحابها بالاخص🥺
سيلا....روكا انتي بتقولي ايه.
روكا...انا مقرره يا سيلل ومش حابه حد يتناقش معايا ابداً في القرار ده.
سما...ايوه يا روكا بس.
روكا....مفيش بس يا سما انا هكون مبسوطه.
ريم...طيب وعامر يا روكا.
عشق...لحظه يا بنات المشكله مش في عامر ولا حتي في روكا
روكا...امال في مين ليان انا حاسه انها اتعلقت بينا وبتحبنا وانا هقدر اعمل كل حاجه عشانها.
عشق...ولا ليان يا عشق.المشكله اولا اني مش حابه انك تتعلقي بيها بالشكل ده لان ليان ليها أهل زي ما احنا عارفين والاهم ان دياب قال لليل انه قدر يوصل لحجات مهمه خاصه بليان لكن مستني اهم حاجه هيتحقق منها ومقالش اي معلومه لانه حاليا مشغول جدا بالنقل للڤيلا بتاعتهم وبقضيه سيلا شغاله معاه فيها.
سيلا...ده حقيقي فعلا دياب مشغول بالقضيه اللي انا شغاله عليها اوي
عشق...بالظبط ده اللي قاله عشان كده لسه مركزش في ليان اوي يعني من الاخر كده هي ليها اصل وليها عيله وده واضح من كلام دياب.
روكا...بحزن وانا قولت يا عشق لو حصل ومقدرش يوصل.
عشق....واللي بتقوليه ده اهم لان لو فعلا ده حصل انا مش هقدر يا روكا اديلك ليان حتي لو ملهاش اهل او معرفناش نوصلهم.
روكا....بصدمه وحزن ليه؟ ياعشق انتي شايفه اني حد مستهتر او مش مسؤول
عشق...بحزن لا لا والله مقصدش كده خالص بس ياروكا انا ضد التبني لان ده حرام وانا مقدرش اعمل اي حاجه حرام البنات هنا بناتي مقدرش اولا اديهم لاي حد ولا اقدر اشيل ذنب التبني حابه تتكفلي بيها معنديش اي مانع ولو اني برده رافضه حكايه التكافل دي وانا والبنات وليل والشباب قادرين نشيل المسؤوليه كامله حتي التعليم المفروض ان في مدرسه هتكون خاصه بالدار قربب هتخلص وهتبقي لحد ثانوي عشان نبقي ضامنين ان البنات بيتعلموا صح ومحدش بيضايقهم
وانا مستنيه اعرف اخر حكايتها عشان لو فعلا ملهاش حد هنبلغ عشان نخلي مسؤوليتنا ونخلص ورقها ووقتها هتبقي موجوده هنا بصفه رسميه.
بس لو حابه تتكفلي بيها معنديش مانع يا روكا لكن تبني اسفه مش هقدر.
روكا...بدموع ارجوكي يا عشق متقوليش كده انا اتعلقت بيها ومش هقدر انكر ده
سيلا...بدموع روكا ممكن تهدي.
روكا....قولولها حاجه يا سيلا قولولها اني هقدر اتحمل مسؤوليتها ولو ياستي عشان السجاير هبطلها لو عشان حاسه اني مختلفه عنك في حجات كتير هغير من نفسي بس ارجوكي وافقي.
سيلا....روكا ايه اللي انتي بتقوليه ده روكا انتي اقوي حد في الدنيا محبش اشوفك بالضعف ده🥺
قربوا منها البنات وقربت منها عشق قعدت قدامها ومسكت ايدها وهي دموعها نازله اوعي تفكري ان عشان طريقه لبسك مختلفه او بتشربي سجاير ده يخليني ليا الحق احكم عليكي بطريقه وحشه انتي حد جميل يا روكا وقلبك اجمل مش همكر اني اول مره شوفتك انتي والبنات كنت حاسه اننا مش هنبقي صحاب لكن بمجرد ما قعدنا واتكلمتا وكلما مع بعض حسيت ان قلبكم نضيف وجميل وحبيتكم من اول قاعده ده بجد صدقيني الموضوع مش فيكي يا روكا لكن التبني حرام شرعاً ولو تمارا او زهره او نور مكانك بردو مكنتش هوافق عشان هو حرام مش عشان ثقتي فيهم او فيكي .
روكا....بس انا اتعلقت بيها يا عشق هي اخر امل ليا اني احس اني مبسوطه واحس معاها بأحساس الام اللي اتحرمت منه.
سما...بدموع انتي بتقولي ايه يا روكا بلاش هبل الدكاتره قالوا انك بخير والموضوع وقت.
روكا....وامته هيجي الوقت ده بس انا تعبت🥺.
زهره....انا اسفه في السؤال يمكن كان عندي فضول اعرف من بدري ليه مش عندك ولاد انتي وسيلا بس اتحرجت بس بما ان سما بتقول دكلتره يعني كان في مشكله بس الاهم انها بتقول الدكاتره بيقولول ينفع تخلفي صح.
روكا...هما قالوا كده لكن لحد الوقت مفيش حاجه حصلت المفروض اني من بعد الجواز بشهرين تعبت اوي وكان عندي وجع فظيع في جمبي اليمين ولما روحت المستشفي الدكتور بعد التحاليل والاشعه قال اني لازم اعمل عمليه حالا وقال ان المبيض اليمين في التهاب شديد من فتره عمل خراج كبير ولازم يتشال المبيض كله وفعلا انا كنت بحس بوجع علي فترات ومكنتش بهتم عشان الشغل بمجرد ما اخد مسكن وارتاح انسي عملت العمليه وبقيت عايشه بمبيض واحد بس
الدكاتره قالوا اني اقدر اخلف عادي بس المشكله ان المبيض اللي اتشال هو اللي كان شغال بكفاءه اعلي من الشمال ومن وقتها محصلش حمل وانا مستنيه بس تعبت خلاص.
عشق....بلاش عبط يا روكا ناس كتير بتحمل بمبيض واحد كل الحكايه شويه وقت وصبر
روكا...بدموع طيب عشان خاطري فكري ارجوكي.
عشق....بحزن يا روكا صدقيني ده حرام مش هقدر غصب عني والله
فضلوا البنات يهدوا فيها وقدرت سيلا تعدي سؤال زهره وهربت من الاجابه عليه وهما اتشغلوا في روكا...وبعد وقت بسيط الكل مشي لماهدوا روكا شويه وفضلت عشق تكلمها بالدين وتصبرها وتقنعها متفقدش الامل.
وصلت روكا البيت وفضلت تفكر كتير في كلام عشق وكل ما تحاول تقتنع بكلامها تيجي في وشها صوره ليان تحس انها مش قادره تسيبها🥺
دخل عامر الڤيلا سلم عليها وحس انها متغيره.
عامر...مالك يا روكا في ايه ❣️
روكا...بابتسامه عامر.
عامر...قلب عامر 😉
روكا....انا عايزه أتبني ليان🥺
عامر...😳😳نعمممممم
