رواية دار الايتام الجزء الثالث (اللقاء المنتظر) الفصل الثالث والعشرون
عاصفه العلاقات 🌪️🌪️🌪️
............
بصتله روكا بأبتسامه بسيطه
روكا....عامر.
عامر...قلب عامر.
روكا...انا عايزه أتبني ليان🥺
عامر...نعمممم
روكا....عايزه أتبناها يا عامر وارجوك أوعي تعترض.
عامر...انتي جايه تاخدي رأيي يا روكا ولا جايه تعرفيني انتي عايزه تعملي أيه.
روكا...لا ياعامر اكيد جايه أخد رأيك .
عامر...وانا اكيد مش هوافق يا روكا.
روكا...ليه؟ ليه يا عامر ؟
عامر...عشان انا مش حابب اتبني طفل يا روكا حبيتي ليان صعبانه عليكي اياً كان المسمي ايه زوريها ديما اعمليلها كل حاجه نفسها فيها أتكفلي بيها لكن تبني لا ياروكا.
روكا....ولما هو لأ يا عامر كنت انت كمان بتزورها ليه؟ ليه مافَوتش يوم واحد من يوم ما انا سافرت وكنت يوميا بتزورها ؟ وليه معرفتنيش انك بتروحلها؟
عامر...عادي يا روكا روحتلها لانها صعبت عليا لاني حبيت ماسبش مكانك فاضي هي اتعلقت بيكي وانتي كمان بس سافرتي حبيت اني اعمل ده بدالك ومن غير ما اقولك لاني كنت بعمل حاجه بيني وبين ربنا لطفله محتاجه احتواء وامان مش عشان اخبي عليكي
روكا....يعني مروحتلهاش عشان حبتها ودخلت قلبك يا عامر؟ مروحتلهاش عشان حسيت انها لتكمل فيك وفيا جزء احنا مفتقدينه؟
عامر...مانكرش اني حبيتها وانها صعبانه عليا مانكرش انها طفله جميله وهاديه وتدخل القلب لكن مش معني اني احبها اتبناها يا روكا وانا مروحتاهاش عشان تكمل جزء انا فاقده يا روكا يمكن عشان فعلا حبيتها روحتلها
روكا...طيب وايه اللي يمنع انت حبيتها وانا كمان حبيتها ليه مناخدهاش وتعوضنا عن الطفل اللي مش عارفين نجيبه واحنا كمان نعوضها عن اهلها.
عامر...اولا احنا مش محرومين من الخلفه يا روكا الدكاتره قالوا الموضوع مسأله وقت مش أكتر اما هي اللي عرفته من عشق لما روحت ان دياب وصل لمعلومات عنها ومرضيش يقول اي حاجه غير لما يفضي من الشغل اللي في ايده ويجيب باقي المعلومات كامله يعني البنت ليها اهل قوليلي كده لو ظهر أهلها هتعملي ايه هاا هتوافقي وترضي بالامر الواقع ولا هتاخديها غصب عنهم
روكا...اكيد لا طبعا هرضي بالامر الواقع
عامر...خلاص يبقي اعتبري انها راحت لاهلها يا روكا.
روكا....بس هي مراحتش ولا حد لسه يعرف عنها اي حاجه يا عامر.
عامر...روكا انا قولت اللي عندي وياريت تقفلي الكلام في الموضوع ده أرجوكي.
روكا....بدموع لا يا عامر مش هقفله ولو انت شايف ان الموضوع مش فارق معاك فاهو فارق معايا انا.
عامر...بعصبيه روكاااا قولتلك أقفلي الموضوع في الكلام ده عشان صدقيني الموضوع ده هيعمل بينا مشكله كبيره.
روكا...مشكله كبيره؟ ليه ياعامر؟
عامر...بصلها عامر بعصبيه وحزن عشان انا مش هعمل اللي بتقولي عليه ده يا روكا مش هجيب بنت اكتبها علي اسمي وهي مش بنتي اتكفل بيها معنديش مشكله تيجي تعيش معانا من غير ما تتكتب بأسمي معنديش مشكله لكن اتبناها وانا قادر اجيب طفل من صلبي يا روكا لا
روكا....وهتفرق في ايه؟
عامر....هتفرق في انها مش بنتي يا روكا هتفرق في اني راضي اعيش معاكي طول العمر لحد ما نعجز من غير اي طفل و قولتهالك الف مره قبل كده انا لو عايز حاجه من الدنيا دي مش عايز غيرك انتي وبس سمعت كلام كتير من اهلي علي الخلفه وخدت كلامهم رميته ورا ضهري واختارتك انتي مش بعد ده كله هروح اجيب طفل مش ابني واكتبه علي اسمي عارفه كان ممكن اعمل كده امته لو انا او انتي مستحيل نخلف وقتها كنت هتبني طفل ومحدش هيقدر يتكلم لكن انا قادر اجيب طفل وانتي كمان قادره اوعي تفتكري يا روكا اني مش بحن اني اكون اب زيك بالظبط اوعي تفكري ان الموضوع مش فارق معايا زي ماهو فارق معاكي لا با روكا فارق معايا وفارق مع اهلي اللي نفسهم يشوفوني اب لكن كل ده ولا هاممني اللي فارق معايا انتي.
روكا...بدموع وصوت عالي ولما انت فارق معاك ليه طول الوقت محسسني انه مش فارق معاك
عامر....بصوت اعلي عشان انتي فارقه معايا اكتر عشان عايزك انتي ومكتفي بيكي عن كل حاجه
ولو هكون اب يا روكا هبقي اب منك انتي ولو مش هقدر اكون اب منك مش عايز اكون اب كفايه انتي معايا.😡
ايه انتي مش قادره تكتفي بيا يا روكا؟
روكا.....انا عايزه احس اني ام يا عامر عايزه احس اني ست كامله مش ناقصه.
عامر....ولما تجيبي طفله يا روكا مش بنتك هتقدر تعوض النقص ده كلمه مامي فارقه معاكي اوي كده حتي لو مش من بنتك او ابنك.
روكا.....انت ليه مش حاسس بيا؟
عامر...انتي اللي مش حاسه ياروكا
المفروض تحسي ان كلامك ده بيجرحني كاراجل انتي محسساني بالعجز يا روكا في الموضوع ده طول الوقت مع اني انا كويس مفيش حاجه تمنعني اني اكون اب ومع ذلك انا ساكت ومش فارق معايا عشانك امال يا روكا لو العيب كان مني فعلا كنتي عملتي ايه؟
بصتله روكا بعد جملته دي بوجع وسكتت وكأنه بيقولها ان العيب منك.🥺
عامر...بعصبيه ارتاحتي كده مبسوطه😡 اتبسطتي ياروكا لما سمعتك كلام يوجعك ويوجعني اكتر منك اتبسطتي لما حصل بينا مشكله انا قولتلك من بدايه الكلام اقفلي الموضوع ده عشان هيعمل بينا مشاكل خلتيني غلطت وانا مش قاصد اني اغلط يا روكا خلتيني اوجعك وانا طول الوقت بحاول ابعد عنك اي وجع خلتيني اطلع كلام ممكن تحسي اني كنت بفكر فيه وانا عمري ما فكرت فيه ياروكا.
روكا...بدموع وانا مش زعلانه يا عامر ولا اقدر ازعل منك وعارفه انك عندك حق في كل كلمه عارفه انك متحمل عشاني كتير عارفه أنك مكتفي بيا زي ما قولت عارفه كمان ان اهلك عندهم حق من حقهم يشوفوا ولادك ويفرحوا بيهم عارفه ان العيب مش منك
ولو انت مكاني يا عامر مكنتش هعمل حاجه وكنت هرضي من قلبي لاني مستحيل ابعد عنك وكنت هكتفي بيك عن العالم كله زي ما انت بتعمل انا مقصدتش يا عامر اجرح رجولتك زي ما قولت
ولو علي أنك عمرك ما فكرت في الموضوع ده يمكن بس نظره عيونك لاي طفل من ولاد صحابنا
ياعامر كانت بتقول غير كده انا كنت بحس بيك ووجعي كان بيبقي اكبر بعد ما اشوف نظرتك دي انت مبتشوفش نفسك لما طفل فيهم يمشي ويقع بتبقي عامل ازاي مشوفتش نفسك يوم كريم ما تعب كنت ملهوف عليه أزاي..يمكن انت مش بتقول انك بتفكر لكن كل تصرفاتك ونظره عينك بتقول عكس كده
عامر....حتي لو بفكر بيني وبين نفسي كفايه اني باقي عليكي و مخلي تفكيري ده في صمت مخليه جوايا ولا هو حرام افكر بيني وبين نفسي كمان
روكا....لا مش حرام ياعامر لكن انا بعرفك ان الموضوع فارق معاك وعارفه يا سيدي اني من البدايه باجي عليك و بخليك تتحمل حجات فوق طاقتك أتحملت من الاول جوازنا رغم انك عرفت اني كنت متجوزه وجيت علي نفسك عشان بتحبني قدرت تحل مشكلتي مع بابي من غير ما تحس بعد سبع سنين بعاد عن بعض عشان بتحبني استحملت اننا لحد الوقت مخلفناش عشان بردوا بتحبني انت طول الوقت بتيجي علي نفسك بأسم الحب اشمعني الوقت يا عامر.
عامر....بتنهيده طويله عض علي شفايفه بيحاول يكظم غيظه روكا واضح ان اعصابك تعبانه واضح كمان انك بدأتي تخرفي من البدايه قولتلك موضوع جوازك ده تنسيه وميتفتحش تاني ابدا ومع ذلك ولا كأني قولت اي حاجه
مسك عامر المفاتيح بتاعته والموبايل وبصلها😡
روكا....بدموع 🥺انت رايح فين ياعامر.
عامر...انا لو فضلت معاكي اكتر من كده ياروكا صدقيني هنخسر بعض وانا عن نفسي معنديش استعداد أبداً اني أخسرك عشان انا بحبك وعشان انتي فارقه معايا وعشان مش عايز اقسي عليكي انا خارج ياروكا رايح شقتي القديمه مش ماشي وانا سايب البيت عشان انتي عارفه ان ده مش أسلوبي لكن ماشي عشان لازم الوقت حالاً منبقاش قصاد بعض انا علي اخري وانتي أعصابك تعبانه انا هسيبك تفكري يا روكا في هدوء هسيبك تراجعي كل كلامك و تفكري كمان في كلامي
روكا...بدموع خليك ياعامر انا هروح الڤيلا عندي.
بصلها عامر بصه طويله
عامر....لو في حد المفروض يمشي يبقي انا عشان ده بيتك ياروكا انا فيه مجرد ضيف.
بلاش تيجي علي رجولتي اكتر من كده ياروكا من فضلك
بصتله روكا وهي دموعها نازله ومش عارفه تقول حاجه.
قرب منها عامر باسها من راسها وبصلها. لما تحسي انك بقيتي احسن وفكرتي كويس وهديتي وبطلتي الكلام الخايب ده كلميني ياروكا وانا هرجع علي طول وهرجع ناسي كل الكلام اللي حصل بينا ده سابها عامر و خرج علي طول💔
وبمجرد ما خرج قعدت روكا عالكنبه وفضلت تعيط بوجع كبير اوي🥺
...........
في ڤيلا بدر..
وصلت سيلا قبل بدر كانت نوني صاحيه قالتلها سيلا تطلع تنام ولما يجي بدر هتحضر هي العشاء وياكلوا سوا.طلعت نوني وكانت حاسه ان سيلا متغيره بس مرضتش تسألها سابتها لحد ما تبقي احسن وطلعت علي اوضتها.
طلعت سيلا خدت شاور وشالت حاجه شغلها وكان بالها مشغول بروكا مرضيتش تتصل بيها عشان عارفه انها مضايقه
اتصلت علي ريم.
يوسف....ريم موبايلك بيرن
ريم....مين يا يوسف.
يوسف...دي سيلا.
جات ريم في الوقت ده
ريم...هات يا حبيبي....الووو
سيلا...ايوه ياريم.
ريم...ايه ياحبيبتي روحتي.
سيلا...ايوه روحت
خرجت ريم علي الجنينه وهي بتكلم سيلا وسابت يوسف قاعد جوه.
ريم....مكلمتيش روكا
سيلا...انا بكلمك اصلا عشان اتطمن عليها
ريم...بحزن مكلمتهاش سبتها قولت اكيد عامر وصل ومش هتعرف تكلمني اوي وبصراحه خوفت اكلمها وتعيط وعامر يسألها في ايه.
سيلا.....انا كمان خوفت اكلمها عشان كده وكملت بدموع بس انا هتجنن عليها يا ريم.
ريم....بطلي عياط والنبي ياسيلا انا مش قادره اعيط تاني كفايه العياط اللي انا عيطته انهارده بسببها.
سيلا....اول مره أشوفها بالضعف ده كل ما أفتكر منظرها وهي بتتخايل علي عشق وبتقولها هغير من نفسي عشان عشق توافق اتجنن وأسأل نفسي هي دي روكا اللي انا اعرفها واتمني لو اشوفها واخدها في حضني .
ريم....بحزن انا كمان أتوجعت عشانها يا سيلا و متخيلتش انها تنهار كده كانت راجعه مبسوطه لما قابلناها حسيت انها كانت مخبيه وجع كبير اوي وانهارت مره واحده.
سيلا...روكا اتغيرت كده لما عرفت ان عامر بيروح لليان.
ريم....بس ميتهيأليش زعلت انا حسيت انها فرحت انه راح وحسيت كمان انها طلبت الطلب ده لما عرفت انه قرب من ليان
سيلا.....فعلا بس تفتكري عامر ممكن يوافق.
ريم....مش عارفه يا سيلا بس كل اللي اعرفه اني قدام هي لسه قدامها فرصه وفي امل يبقي متفكرش في التبني متعملش في نفسها كده انا بجد اضايقت اوي وانا شيفاها بالضعف ده.
سيلا....بوجع هو أحساس الامومه ياريم يستاهل ان روكا تكون بالضعف ده يمكن انا علي قد ما نفسي اكون ام بس مش حاسه بالضعف ده اوي لان انا اللي مانعه نفسي من الحمل
ريم....ايوه يا سيلا احساس الامومه يستاهل اكتر من كده كمان قبل ما احمل يا سيلا انتي عارفه اني مكنتش عايزه الحمل ده بس بمجرد ما سمعت نبض كريم وحسيت بحركته جوايا بقيت اعد الايام عشان اشوفه واحضنه انا مش متخيله بعد ما شوفت كريم اني احط نفسي في مكان روكا لاني كنت هبقي زيها وكنت هحس بضعفها وحرمانها انا حاسه بوجعها اوي يا سيلا وعارفه هي حاسه بأيه الوقت ارجوكي ياسيلا انتي كمان فكري امنعي البرشام يا سيلا الامومه تستاهل بلاش تكوني في نفس مكان روكا بلاش تحرمي بدر من انه يكون اب.
سيلا...بدموع كفايه ياريم كفايه انا طول الوقت حاسه بالذنب من ناحيه بدر
ريم...يبقي توقفي حالا اللي بتعمليه ده صدقيني ياسيلا روكا لو عرفت اللي انتي بتعمليه ده هي كمان مش هتسامحك وهتزعل منك بجد.
سيلا....حتي لو هبطل ياريم تفتكري بعد أنهيار روكا بالشكل ده ينفع؟ انتي عارفه يعني ايه روكا تفكر انها تتبني طفل يعني فقدت الامل خالص طيب لو بطلت مانع الحمل وحملت وهي عرفت اني حملت مش هتبقي بتتوجع اكتر.
ريم.....بعصبيه لا يا سيلا مش هتتوجع مش يمكن تحس بالامل شويه مش يمكن لما تحملي بعد الوقت ده كله تحس انها هانت خلاص...ليه حاسه انها هتتوجع بالعكس روكا هتفرحلك من قلبها يعني عايزه تقوليلي انها اتوجعت من حملي انا وسما اتوجعت لما خلفنا بالعكس روكا فرحت وطارت من الفرحه. وهتفرح عشانك ياسيلا وكملت بعصبيه ودموع انتي عارفه ياسيلا لو روكا عرفت انك بتاخدي مانع حمل عشان خاطر مش عايزه تحملي قبلها ممكن تعمل ايه🥺
سيلا...بدموع عارفه يا ريم عارفه انها هتزعل عارفه انها لو عرفت اني مانعه نفسي من الحمل عشان خاطرها هتتوجع بس انا غصب عني ياريم يمكن تفكيري غلط يمكن لو كانت لحد الوقت محملتش من غير اي سبب وهي وعامر كويسين مكانش فرق معايا لكن لما عرفت ان هي عندها مشكله وهي عرفت ده لقيت نفسي غصب عني باخد مانع الحمل قولت كفايه انتي و سما حملتوا مش هبقي انا كمان وساعتها هنقضي عليها و هتفضل طول الوقت تفكر قولت يمكن لما تبقي شيفاني انا كمان لسه محملتش هتاخد الموضوع ببساطه وتبطل تفكر وتتعب نفسياها وتحمل بسهوله ووقتها كنت هوقف انا كمان مانع الحمل
ريم.....هو انتي فاكره يا سيلا ان وجع روكا مش فارق معايا انا وسما اكيد فارق معانا واكيد حاسين بيها بس مفيش مجامله ياسيلا بين الصحاب في موضوع زي ده..انا وسما لو كنا حملنا بعد عمليه روكا مكناش هناخد مانع بردو كنا هنحمل يا سيلا عشان الامومه تستاهل اننا منضحيش بيها عشان اي حاجه في الدنيا. مش معني كده اننا مش بنحبها لا بنحبها وبنحبها فوق ما تتخيلي
كمان بس ده رزق ياسيلا مينفعش نرفضه روكا نفسها لو الايه اتعكست وانتي كنتي مكانها او حد فينا مكانتش عملت كده وانتي عارفه روكا بتحبك قد ايه وبتحبنا أزاي بس هو ده الصح وهو ده اللي لازم يتعمل مفيش حد بيجامل حد في موضوع الحمل يا سيلا.
سيلا...بس انا مش بجاملها ياريم انا خايفه اوجعها يمكن بفكر غلط زي ما قولتلك ويمكن روكا لو في مكاني مكانتش فكرت كده بس انا مقدرتش اشوفها بتتوجع ريم روكا بالنسبالي رمز القوه في حياتي مقدرش اشوفها بتتهز تحت اي ظرف روكا عملت عشاني حجات كتير اوي كانت بتدور علي الفرحه عشان تقدر تفرحني انا بعد عمليه روكا مقدرتش افرح واسيبها تتوجع مقدرتش صدقيني ويمكن كنت فاكره الموضوع هياخد شهر اتنين تلاته بس مكنتش عارفه انه هيطول كده.
ريم...واهو طال يا سيلا ودخل في سنتين هتفضلي انتي كمان مستنيه يا سيلا طيب لو ربنا مآرادش انها تحمل هتحرمني نفسك من انك تكوني ام هتقدري تحرمي بدر يا من انه يكون اب مفكرتيش يا غبيه ان كتر المانع اللي بتاخديه ده ممكن يأثر عليكي ومتعرفيش تحملي🥺
سيلا....بوجع فكرت صدقيني فكرت. فكرت في كل اللي بتقوليه ده وكل ما اجي ابطل الاقي حاجه بتوقفني كل ما ابص في عين روكا بلاقي نفسي برجع.
ريم.....لازم تبطلي ياسيلا ولازم توقفي المهزله دي صدقيني لو بدر شك فيكي وقدر يوصل لحاجه وقتها مش هتلاقي حاجه تدافعي عن نفسك بيها لو اكتشف مانع الحمل اللي معاكي وعرف هو ايه ده مش هيسكت وقتها هتقوليله ايه ولا هتبرري ده بأيه هتقوليله كنت بجامل صاحبتي ولا هتقوليله ايه ولا ياتري هو هيصدقك صدقيني ياسيلا اصعب حاجه عالراجل مهما كان بيحبك انه يعرف ان مراته مش عايزه تحمل منه.
سيلا....بدموع بس انا نفسي احمل من بدر انهارده قبل بكره وايوه عملت كده عشان روكا مش عشان انا مش عايزه احمل منه🥺💔
ريم....وتفتكري حتي لو صدقك هيقدر يسامحك يا سيلا🥺
سيلا...بدموع مش عارفه ياريم.
ريم....فكري يا سيلا عشان سما علي اخرها منك وناويه تقول لروكا خليها تيجي منك بدل ما روكا تعرف وتزعل منك ولا بدر يكتشف وساعتها محدش يعرف هو هيعمل ايه...وفجأه حست ريم بحركه وراها بصت لاقت يوسف واقف وعلي وشه ملامح صدمه😳
ريم...بارتباك سيلا اقفلي وهكلمك بعدين اوك.
سيلا....اوك ياريم باي🥺💔
.............
يوسف....انتي عارفه من بدري اللي سيلا بتعمله ده ياريم وساكته.
ريم....بارتباك وخوف هفهمك يايوسف.
يوسف...تفهميني ايه ياريم 😡 انتي عارفه انتي ساكته علي ايه انتي وسكت.
ريم...طيب ممكن تقعد وانا هحكيلك علي كل حاجه.
بصلها يوسف بغضب وراح قعد قدامها وبدأت ريم تحكيله من البدايه.
...............
عند سيلا قفات مع ريم ومسحت دموعها وقامت عشان تغسل وشها و فجأه وقفت متسمره مكانها اول ما لمحت بدر واقف جمب الباب وساكت ومصدوم عروقه كلها بارزه ومش بينطق.
اتفزعت سيلا اول ما شافته وبدات تتلجلج في الكلام.
سيلا...بدر انت انت جيت امته
انت واقف كده ليه🥺 بدر انت كويس.
بصلها بدر و فتح الباب اكتر و دخل بخطوات هاديه وساب الباب مفتوح.
ضربات قلب سيلا كانت عاليه لدرجه انها كانت حاسه انها سامعه كل دقه بتضرب في صدرها.
بدر....طول الوقت كنت شاكك انك مخبيه حاجه خصوصا من كام شهر وده تقريبا نفس التوقيت اللي بدأتي تحسي فيه بالذنب من ناحيتي بس وقتها كل اللي كنت شاكك فيه انك مخبيه حاجه بخصوص شغلك لحد. اليوم اللي رجعنا فيه من المزرعه كنت كل اللي شاكك فيه ان في حاجه بتحصلك وانتي خايفه تقلقيني
افتكرت حادثه سهيله عزام لما اتقتلـ/ت هي وصحبتها وكان القاتل بيهددك وانتي خايفه تقولي عشان محدش فينا يحصله حاجه كل اللي كان في بالي وقتها ان حد بيهددك تاني و الحادثه دي مكانتش راضيه تخرج من بالي وطول الوقت كنت حاسس بالقلق..سألتك كذا مره في ايه وكنتي بتقولي مفيش وحسستيني اني بيتهيألي
لحد ما زورتي الدار اول مره وكنتي راجعه منهاره واتكلمنا واتصالحنا وسألتك تاني يا سيلا فيكي ايه قولتي مفيش قولتلك انا كنت حاسس انك مخبيه حاجه وفي حاجه متغيره فيكي قولتيلي لا مفيش حاولت اصدقك واكدب نفسي بس لما مسكتي فيا وقولتيلي متبعدش عني تاني كنت متأكد اكتر ان في حاجه وانتي خايفه تقوليلي وأفتكرت وقت الحادثه لما كنا زعلانين قولتيلي نفس الكلمه لما اتصالحنا متبعدش عني تاني يا بدر...
بس مكنتش متخيل ابداً يا سيلا السبب الحقيقي ورا تغييرك ده
قوليلي ياسيلا انهي احساس بالذنب بالظبط اللي كنتي حاسه بيه من ناحيتي ؟
أنك حرماني من اني اكون أب؟
ولا أنك مخبيه عليا اللي بتعمليه ؟
ولا أنك محسساني بالنقص؟
ولا أنك حارمه أمي من انها تشوف ولادي ؟
ولا أنك مشيلاني همك في عدم الخلفه وموجوع عشانك؟
ولا اني سكت وعمري ما جبت سيره الخلفه قدامك عشان مجرحكيش؟
انهي أحساس بالذنب في كل دول حسيتي بيه اصل متقنعنيش انك كنتي حاسه بكل ده ومع ذلك مكمله.
سيلا...بدموع بدر من فضلك اسمعني بس انا هقولك🥺
بدر...تقوليلي ايه ياسيلا بالظبط هو انتي عندك مبرر أصلا لكل ده ولا انتي متخيله ان في سبب هتقدري تقنعينى بيه و أصدقه و أسامحك
ولا هتقوليلي زي ما قولتي لريم وسما ان روكا صعبانه عليكي ومنعتي نفسك من الحمل عشانها اصل ده مش مبرر قوي يا سيلا
الست اللي تاخد مانع حمل من ورا جوزها معندهاش غير تفسير واحد وبس واكيد انتي عرفاه ياسيلا..
بس لو فعلا ده المبرر الوحيد والحقيقي اللي عندك تبقي كارثه اكبر ياسيلا. انا اعرف ان المجامله دي تكون في شغلها في حياتها في موقف يفرح عندها في موقف حزن في نجاحها لكن مجامله في الخلفه والحمل جديده دي ياسيلا
روكا صعبت عليكي فا قررتي بدافع الحب اللي جواكي ليها انك تحرمي نفسك وتحرميني من نعمه اي راجل وست يتمنوها.
حبك ليها عماكي عن حبك ليا ولا انتي اصلا من البدايه اللي فارق معاكي روكا؟ ايه ردي روكا فارق معاكي وجعها اكتر مني؟ حبها عندك اهم من حبي عندك؟
طيب انتي ومش فارق معاكي تكوني ام عشان بتجاملي صاحبتك طب وانا ياسيلا مافرقتش معاكي محستيش للحظه ان دي انانيه منك تحرميني من اني اكون اب عشان خاطر صاحبتك وكمل بضحكه سخريه ده انتي حتي خايفه ريم ولا سما يعرفوها عشان متزعلش منك..فرق معاكي خوفك من زعلها لو عرفت انك عملتي كده عشانها اكتر ما فرق خوفك مني يا سيلا بس لأ صحيح انتي كنتي حاسه بالذنب من ناحيتي كتر خيرك والله انك فكرتي فيا وحسيتي بالذنب من ناحيتي
سيلا....بدر أرجوك🥺افهمني بس.
بدر...بصوت عالي وعروق بارزه وعيون محمره وغضب عماه
افهم اييييييييه😡
رجعت سيلا لورا وهي مرعوبه وبتترعش ودموعها نازله
بدر...افهم ايه قوليلي أفهم أنك كدابه ولا انانيه ولا ايه.
أفهم انك طلعتيني مغفل من يوم ما اتجوزنا ولا افهم انك اعتبرتيني مش راجل والقرار في حاجه زي دي مش من حقي اني أخده معاكي.
سيلا...انا لو كنت قولتلك مكنتش هتوافق.
بدر...وهو انا مش من حقي اني ارفض القرار ده ولا عشان مش هوافق ده يديكي الحق انك تاخدي قرار زي ده لوحدك.
سيلا.....بدر قراري مكانش تقليل ليك او لرجولتك انا عملت كده عشان انت عارف اني بحب روكا وعشان عارف هي قد ايه كانت موجوعه. وعارف كمان ان هي عمرها ما أتأخرت عني في اي حاجه ولو طالت تديني او تدي اي حد روحها مش هتتأخر.
بدر....بأبتسامه ذهول هو انتي شايفه ان اللي عملتيه صح يا سيلا معقول مش مقدره حجم المصيبه اللي انتي عملاها دي وبتبرري كمان.
سيلا...انا مش ببرر يا بدر وعارفه اني غلطت بس مش غلط كبير زي ما انت شايف كده.🥺🥺
بدر....مش غلط كبير؟ مش بقولك الكارثه انك مش مقدره حجم الغلط اللي عملتيه. الكارثه ان لحد اللحظه دي مش فارق معاكي اللي عملتيه في حقي ياسيلا.
خرجت نوني في الوقت ده علي صوت بدر وعياط سيلا.
نوني...في ايه يابدر صوتكم عالي كده ليه وسيلا بتعيط ليه.
بدر...بصلها وبص لسيلا قوليلها في ايه لو تقدري تتكلمي دافعي عن نفسك وقولي سبب صوتي العالي واقنعيها يمكن تقتنع ويمكن ابقي انا اللي مش بفهم قولييييي
نوني....بصوت عالي نسبياً وطيي صوتك واتكلم بهدوء معاها في ايه لكل ده الدنيا اتهدت.
بدر...فعلا يا نوني هي اتهدت. عارفه اتهدت ليه عشان عايش معاها سنتين يا امي وهي مستغفلاني بتاخد مانع للحمل عشان متحملش مني
بصت نوني لسيلا بصدمه😳 ورجعت بصت لبدر في صمت.
بدر..... سمعتها بتكلم ريم وتقولها انها حاسه بالذنب من ناحيتي والمصيبه انها بتاخد المانع ده عشان خاطر تجامل روكا عشان خاطر متجرحهاش لو حملت هي كمان فكرت في روكا ومفكرتش فيا مفكرتش اني كنت هتجنن واجيب طفل وأبقي اب ومع ذلك كنت ساكت وعمري ما قولتلها نروح لدكتور عشان مجرحاش كنت مستني علي امل انها تحمل من عند ربنا وقولت احنا لسه في بدايه الجواز عادي بس انا غبي ايوه غبي المفروض كنت حسيت من الاول وشكيت لان مفيش ست بتفضل متجوزه سنتين وبتسكت لو محصلش حمل بس هي كانت مرتبه نفسها كويس وانا كنت الغبي الوحيد في القصه دي.
نوني....بحزن علي حاله بدر طيب ممكن تهدي شويه يا بدر ارجوك واقعد يا حبيبي كل حاجه في الدنيا ليها حل حتي لو في غلط الغلط ليه حل.
بدر...بشهوله كده يا نوني طيب بذمتك انتي مقتنعه باللي بتقوليه انتي عارفه هي عملت ايه يا نوني دي حرمتني من حقي من غير ما تعرفني حرمتك من انك يكون ليكي احفاد من ابنك الوحيد مفكرتش فينا زي ما فكرت في روكا خافت من زعل روكا لو عرفت انها بتعمل كده عشانها ومخافتش من زعلنا كل اللي حست بيه من ناحيتنا هو ذنب مش اكتر.
نوني....بدر انا مقدره اللي انت فيه بس كمان لازم نسمعها انت عارف ان سيلا بتحبك
بدر...حــــب حب ايه يا نوني
سيلا....بدموع ارجوك يابدر اسمعني صدقني انا عمري ما قصدت اوجعك بالشكل ده ولا حتي تخيلت ان كل ده يحصل نوني ارجوكي افهميني انتي لما روكا تعبت وعملت العمليه وبقي احتمال الحمل ضعيف قولت استني شويه خوفت احمل بعد ما ريم وسما حملو خوفت انها تتوجع لما احنا التلاته نحمل ورا بعض وهي لا وقتها كنا لسه متجوزين من كام شهر قولت اخد مانع شويه مش هيحصل حاجه احنا لسه في بدايه الطريق لحد ماربنا يكرمها وبعدين اوقف عادي خالص وأحمل واول حاجه عملتها روحت عملت تحاليل و اتاكدت اني اقدر احمل عادي جداً واني كويسه مفيش حاجه تمنعي فا قولت استني شويه المهم اني اطمنت الوقت كان بيعدي وهي مش بتحمل وكل ما الوقت يعدي هي نفسيتها تتعب اكتر وخوفها من انها تتحرم تكون ام يزيد كانت بتصعب عليا ومكنتش بقدر ابطل مانع الحمل صدقيني يا نوني كنت هبطله من قريب جداً بس بعد ما روحنا دار الايتام وبعد ما روكا طلبت من عشق انها تتبني البنت اللي وصلت الدار وشوفتها وهي ناقص تبوس ايد عشق عشان توافق انها تتبني وعشق رافضه عشان التبني حرام شرعاً كنت هتجنن وانا شيفاها بالضعف ده اه عارفه اني غلط والفتره طالت بس غصب عني كلكم عارفين روكا بالنسبالي ايه عارفين روكا عملت معايا ايه روكا كانت واقفه في ضهري رغم ان سنها صغير كانت بميت راجل كانت هي والبنات اهلي انا كنت لوحدي يا نوني في الدنيا دي وهي عمرها ما حسستني اني لوحدي كانت امي وابويا وكل اهلي كانت ديماً السند والحمايه ليا عمري ما اتعرضت لاي مشكله في حياتي وملقتهاش
روكا عملت معايا حجات كتير محدش يتخيلها كانت معايا في تعبي وشغلي ومشاكلي ونجاحي وسقوطي كانت ديماً موجوده ليه حاسين ان اللي عملته ده مصيبه ليه مش قادرين تحسوا ان ده دعم بسيط اقدر اقدمهولها انت فاكر ان حرماني من اني اكون ام ده سهل صدقني مش سهل يمكن فكرت غلط ويمكن لو هي مكاني مكانتش عملت كده بس انا لقيت نفسي بعمل كده وانا مش متخيله اني هفضل سنتين.
بدر.....كل اللي بتقوليه ده ولا هزني يا سيلا ومش هيشفع عندي غلطتك ابداً😡
نوني.....طيب اهدي يابدر يمكن اللي عملته ده غلط وهي نفسها معترفه بغلطها بس يستاهل اننا نقعد ونهدي ونحل الموضوع كأن مفيش حاجه حصلت.
بدر....بصوت عالي لا في يا نوني ومش ههدي انتي نفسك عارفه ان اللي حصل ده كارثه بكل المقاييس منها ومن صحابها اللي خبوا وداروا عليها وشجعوها وياعالم مين تاني كان عارف وانا الوحيد اللي نايم في العسل
سيلا....لا يابدر صحابي ملهمش دعوه هما معرفوش اصلا غير من قريب من كام شهر وطول الوقت كانوا بيكلموني وكانوا بيهددوني اوقف المانع يا اما هيقولوا لروكا ومحدش تاني عرف غيرهم بلاش تظلم حد.
بدر...قرب منها بغضب اظلم حد انتي تخرسي خالص ومتتكلميش عن الظلم انتي المفروض ملكيش عين تتكلمي
نوني....بدررررر
سيلا....اخرس؟ بدر انت عارف انت بتتكلم ازاي انا اه غلطت بس مش هسمحلك تكلمني كده ابداً عشان انا عمري ما حبيت حد قدك عشان عمري ما خوفت علي زعل حد قد ما خوفت علي زعلك عشان لما عملت كده مكنتش اقصد اقلل من رجولتك زي ما قولت.
قرب بدر اكتر بغضب عاميه ولأول مره في حياته يمد ايده علي سيلا
مسكها بدر من شعرها بغضب صرخت سيلا وجريت عليه نوني تبعده من قدامها
نوني....انت اتجننت يابدر.
بصلها بدر بغضب انتي كمان هتعرفيني اتكلم ازاي انتي ازاي كده مش معقول اكون اتخدعت فيكي للدرجه دي انا حاسس اني واقف قدام حد تاني غيرك ومسك شعرها بقوه اكتر رجولت ايه اللي مجتيش عليها انت دوستي علي رجولتي بأوسخ جزمه حب ايه اللي بتتكلمي عنه يا سيلا انتي متتكلميش علي الحب خالص ده انا محدش حبك قدي ياسيلا عارفه يمكن اتوجعت في حياتي كتير اوي لكن محدش عرف يوجعني قدك.
صرخت سيلا من الوجع والخوف
فضلت نوني تزقه في كتفه وصدره بعيد عنها
نوني...سيبها يابدر بقولك سيبها ومره واحده نزلت علي وشه بالقلم لأول مره في حياتها
ابعد عنها بقي😡😡😡
واول ما القلم نزل علي وشه بصلها بدر بصدمه وكل عروقه برزت بطريقه مخيفه وعينه احمرت ولأول مره تنزل دمعه من عيون بدر😢
مسكت سيلا ايد نوني وهي منهاره
سيلا...لا يا نوني لا ليه كده حطت ايدها علي كتف بدر وهي منهاره
بدر بدر انا اسفه انا اسفه والله اسفه🥺🥺🥺💔
بصتله نوني بوجع ودموعها نزلت اول ما شافت دموعه ومسكت ايدها بعنف كأنها بتعاقبها🥺💔
خد بدر نفس طويل ومسح دموعه وبعد ايد سيلا عنه بغضب وبصلها🥺🥺
بدر....انتي طالق ياسيلا💔
بصتله سيلا بصدمه🥺🥺🥺
وخرج بدر من الاوضه بسرعه ونوني وراه
نوني...لا يابدر لا مينفعش بدر اقف يابدر متعملش فيا كده مسكته من دراعه وهو ماشي بغضب اقف هنا كلمني وفضلت تضرب في كتفه
نوني...عملت كده ليه عملت كده ليه حرام عليك.
وقف بدر وهو دموعه نازله خدها في حضنه اوي وهي بتعيط ومنهاره حرام عليك يابدر ليه يابدر ليه
بدر...بوجع مسح دموعه وابتسملها بوجع انا اسف حقك عليا.
نوني....انا اللي اسفه حقك عليا ياريت ايدي كانت أتقطعت ومتمدتش عليك يا حبيبي.
بدر...بأبتسامه بعد الشر عليكي يا نوني متزعليش مني.
نوني...رايح طيب
بدر....لازم امشي يا نوني مش هقدر اقعد هنا.
نوني...لا مش هتمشي والمشاكل مش بتتحل كده
بدر....صدقيني لازم ارتاح يومين كده هطمنك عليا وهكلمك صدقيني وبص علي الاوضه من بعيد خليكي معاها يا نوني متسيبيهاش ومتخليهاش تمشي
نوني...بحزن طيب كلمني وعرفني انت فين متوجعش قلبي.
بدر...حاضر باس ايدها ونزل بسرعه.
فضلت نوني واقفه ماسكه في السلم وبتعيط 💔🥺
.................
عند يوسف وريم.💔
خلصت ريم كلامها و حكيتله كل حاجه.
يوسف...بغضب وانتي ازاي تدخلي نفسك في حاجه زي دي
ريم...انت مدخلتش نفسي يا يوسف افهم 🥺
يوسف...افهم ايه انتي عارفه انتي مداريه علي ايه دي مصيبه عارفه لو بدر عرف هيحصل ايه😡😡
ريم...بدموع يا يوسف قولتلك انا معملتش حاجه وبعدين كنت عايزني اروح اقول لبدر يعني ويحصل مشكله.
يوسف...هو انتي فاهمه ان لو بدر عرف مش هتحصل مشكله عارفه يعني ايه بقاله سنتين متجوز وساكت علي موضوع الحمل ده ويكتشف ان مراته بتاخد مانع للحمل بني ادمه غبيه وانتي وسما اغبي منها 😡😡
ريم....طيب انت رايح فين بس
يوسف...ابعدي عن وشي يا ريم انا لا طايق ولا طايق نفسي ولا طايق سيلا وسما ولا طايق حد خليني اروح اشوف حل للمصيبه اللي عملتيها دي😡
ريم...استني بس وحيات كريم انت رايح فين اوعي تكون رايح لبدر بدر لو عرف منعرفش هيعمل ايه في سيلا🥺🥺🥺
يوسف...بدر ايه يا غبيه انتي عيزاني اروح اقوله ان مراته بتاخد مانع حمل ومراتي ومرات صاحبك عارفين ومخبيين عليها ابعدي كده 😡😡
ركب يوسف العربيه وهو متعصب.
ريم...بدموع يا يوسف يا يوسف استني والنبي😭😭😭
جريت ريم علي الموبايل تكلم سما.
كانوا بيتعشوا وقاعدين في الجنينه مع بعض. رن موبايلها.
سما...دي ريم المجنونه.
مهاب...سلمي عليها.
سما...الوووو ايوه يا ريموو😳😳
في ايه طيب اهدي بس مش فاهمه.
مهاب...في ايه😳.
بدأت ريم تحكيلها اللي حصل من اول نا سيلا كلمتها لحد ما يوسف سمعها وحمتله وخرج متعصب.
ريم...مشي يا سما وهو قالب عليت ومش عارفه هو راح فين او هيعمل ايه.
سما...طيب اقفلي الوقت اقفلي.
مهاب...في ايه يا سما.
سما...بخوف وأرتباك مهاب بص انا هحكيلك بس انا مليش دعوه بكل اللي بيحصل🥺🥺
إبراهيم...في ايه يا بنتي خير
مهاب...حصل ايه احكي.
بدأت سما تحكي كل حاجه ومهاب ملامحه بتتغير والغضب باين عليه
خلصت سما كلامها.
سما...الوقت يوسف خرج وهي مش عارفه راح فين وخايفه يكون راح لبدر😭
مهاب...بغضب وانتي ازاي متقوليليش علي حاجه زي دي وازاي تدخلي نفسك في مصيبه زي دي
سما...انا مدخلتش نفسي يا مهاب افهم انا عرفت بالصدفه ومن ومن كام شهر مش من بدايه جوازهم ونصحتها كتير والله العظيم أسأل ريم اتكلمنا معاها قد ايه.
مهاب...ريم ايه ماهي مشتركه معاكي في نفس المصيبه 😡
سما....بدموع ممكن اعرف انت متعصب عليا ليه انا بقولك عشان تكلم يوسف وتلحقه قبل ما يعمل مصيبه
مهاب....المصيبه خلاص اتعملت قام مهاب وهو متنرزفش.
إبراهيم...استني يا مهاب انت رايح فين يا ابني.
مهاب...رايح في داهيه رايح اشوف يوسف ونشوف هنحل المصيبه دي ازاي😡
سما....هتحلها ازاي يعني يا مهاب هو انت مالك ومال الحل الحق يوسف وبس.
مهاب....انتي واعيه للي بتقوليه الحق يوسف وبس واسيب سيلا مكمله في المصيبه دي
إبراهيم...يا ابني براحه بس مراتك مالها بكل ده وسيلا اه غلطت بس انت عارف بدر بيحبها قد ايه واكيد هيقدر يفهم ويسامحها.
مهاب....يا بابا براحه ايه سما غلطت هي وريم من البدايه لما سكتوا حضرتك عارف لو بدر عرف يا بابا ان سما وريم عارفين وساكتين هيحصل ايه انا مش بعيد اخسر صاحبي انا ويوسف وممكن يفكر اننا كنا عارفين وساكتين حط نفسك مكانه يا بابا في راجل يتحمل انه يبقي اخر من يعلم ان مراته بتاخد مانع حمل عشان خاطر صحبتها بدر يمكن بيحب سيلا بس محدش فيكم عارف بدر وقت غضبه بيبقي عامل ازاي🥺🥺
سما...بدموع طيب انا اسفه والله مافكرت في الموضوع كده حتي لما كنت بنصحها كنت بنصحها عشانها هي وبدر متخيلتش ان ممكن انت ويوسف تتفهموا غلط
مهاب...بغضب ادعي ان صاحبتك ترجع لعقلها وتبطل الارف ده قبل ما بدر يعرف ولو علي روكا فا هي اكتر واحده في الوقت ده لازم تعرف عشان توقف سيلا لان سيلا غلطت و اتصرفت بعقل اطفال مش عقل ست ناضجه ابداً
سما...ارجوك بلاش روكا انا قولتلك هي كانت عامله ازاي انهارده😭😭
مهاب...يبقي عامر لازم يعرف ولازم يشوف معانا حل للكارثه دي
طلع مهاب لبس بسرعه ونزل علي طول ركب عربيته وخرج وفضلت سما تعيط😭😭💔
...........
فضل بدر يلف كتير بالعربيه وهو حاسس بالوجع مش عارف يروح فين ولاول مره ميكلمش صحابه مش عارف يقولهم ايه مسح دموعه اللي خانته في اليوم ده للمره اللي نسي عدها وبص في جيبه علي مفتاح شقه عامر اللي كانوا بيقعدوا فيها زمان وطلع علي مكان الشقه.
وصل بدر وفتح وأول ما فتح اتصدم لما شاف عامر قدامه😳
