رواية دار الايتام الجزء الثالث (اللقاء المنتظر) الفصل الرابع والعشرون
أصعب أحساس في الدنيا انك تفوق عن غلط بتعمله بعد ما تقع في غلطه أكبر💔🥺
...........
وصل عامر الشقه بتاعته كان حاسس بخنقه و مضايق انه ساب روكا لكن كان شايف ان هما الاتنين محتاجين يبعدوا و يهدوا
محتاج يسيبها تفكر كويس في اللي قالته بخصوص ليان ومحتاج هو كمان يفكر يا تري الكلام اللي قاله لروكا عن ليان كان من قلبه يا تري رفضه ده هو كمان مقتنع بيه
كان جواه الف سؤال و حاسس بحيره فظيعه هو كمان حب ليان و أتعلق بيها و ميقدرش ينكر ده بينه وبين نفسه أتمني هو كمان أتمني ان ليان تعيش معاهم يمكن قبل روكا ما تتمني ده لكن بمجرد ما فاتحته في الموضوع و واجهته باللي هي عيزاه وبنفس اللي هو عايزه حس من جواه بالرفض مقدرش يتقبل فكره انها تتكتب علي اسمه وهي مش بنته و مقدرش يعرف ليه رافض انها تتكتب بأسمه لكن في النهايه هو رفض ووقف قصاد روكا وهو مش عارف ليه وقف قدامها كم كبير من المشاعر المتلغبطه جواه عشان كده قرر يبعد شويه..
فضل عامر قاعد يشرب في سجاير وسرحان و تايه جوه أسئله ملهاش إجابه. لحد ما رن موبايله.
بص عامر عالموبايل لقاه مهاب
عامر....الووو
مهاب....ايوه يا عامر عامل ايه
عامر...تمام يا مهاب.
مهاب ..بقولك ايه انت فين انا عايزك انا ويوسف.
عامر...في حاجه ولا ايه ومال صوتك.
مهاب....مفيش لما اشوفك هقولك المهم انت فين روحت ولا ايه انا عايزك بعيد عن روكا.
عامر...بقلق بعيد عن روكا ما تقول فيه ايه انا مش ناقص قلق.
مهاب...ياعم ولا قلق ولا حاجه لو هينفع تمام مش هينفع اشوفك بكره.
عامر....لا هينفع انا اصلا مش في البيت انا في شقتي القديمه.
مهاب...بأستغراب بتعمل ايه هناك انت زعلان مع روكا ولا ايه.
عامر...لا مش زعلان ولا حاجه بس كنت قاعد هناك شويه المهم تعالوا يلا مستنيكم.
مهاب....تمام نص ساعه ونبقي عندك.
عامر...بقولك ايه هاتلي سجاير وانت جاي .
مهاب....طيب تمام يلا سلام.
عامر...سلام.
قفل معاه عامر وسمع صوت البطاريه بتاعت الموبايل بتعمل صوت ومحتاج يتشحن قام وقف يدور علي شاحن يمكن يلاقي
وبمجرد ما وقف لقي الباب بيتفتح.
عامر...😳😳😳😳بدر
بدر....😳😳😳عامر
عامر....انت اللي جابك
بدر...الله يخربيتك قطعتلي الخلف😡😡😡😡 انت ايه اللي جابك هنا.
عامر...😒😒علي فكره دي شقتي
بدر....ذل امي بقي شقتي وزفت وسع كده.
دخل وقفل وراه.
عامر...😳😳😳استني هنا يا جدع انت..انت جاي ليه بجد
بدر...اقعد ياعامر اقعد مش ناقص قلبه دماغ الله يرضي عنك.
عامر...🤨لا ياشيخ ايه اللي جابك وايه اللي فكرك بالشقه انت جاي تسرقني يابدر🙄
بدر...😒😒😒اتنيل وانت حيلتك حاجه تتسرق ده كفايه ريحه التراب اللي في الشقه😏
عامر....ولما الشقه وحشه كده جاب ليه يا بدر انت زعلان مع سيلا ولا ايه.
بدر....بقولك ايه اقفل الحوار ده
عامر....يبقي زعلان اقعد اقعد الحال من بعضه.😏
بدر...بصله انت زعلان مع روكا؟
عامر....مش بالظبط بس محتاج أريح دماغي شويه.
بدر....بتنهيده بقولك ايه قوم اعملي قهوه.
عامر...مكانش أتعذر
بدر...طيب شاي.
عامر....بضحكه بسيطه ولع سيجاره ولا ده كمان.
بدر....طيب مايه 😡
عامر....بقولك ايه انا مجتش هنا من يوم ما اتجوزت فا متوجعش دماغي انا تقريبا كنت قربت انساها انت أفتكرتها ازاي صحيح ولسه معاك المفتاح.
بدر...معايا يعني هرميه والغريب ان انا كمان والله كنت ناسيها خرجت من الڤيلا لفيت بالعربيه كتير ولما حسيت اني محتاج أرتاح أفتكرت الشقه بتاعتك تصدق ان لما دياب جه كنت ناسيها خالص لو كنت أفتكرتها كنت قولتلك عليها وقعدناه فيها.
عامر...ياجدع حرام عليك هي دي تنفع يتقعد فيها بردوا دي محتاجه صيانه وتنضيف وحجات كتير
بدر....علي رأيك طلع بدر سيجاره ولعها وبدأ يشرب وفضلوا قاعدين ساكتين الاتنين.
شويه صغيره وسمعوا صوت بره علي السلم وصوت المفاتيح بيتحط في كالون الباب.
بدر....ايه ده حرامي ولا ايه
عامر....لا حرامي ايه ده شكلهم العيال.
بدر...عيال مين🤨
الباب اتفتح وظهر مهاب ويوسف
واول ما شافوا بدر أتصدموا😳
بدر...انتوا كنتوا عاملين قاعده بقي 😏 ايه حنيتوا للشقاوه بتاعت زمان ولا ايه.
مهاب....انت بتعمل ايه هنا يا بدر.
بدر...اكيد مش جاي اعمل اللي كنتوا ناويين تعملوا😏😏
عامر...نعمل ايه يا جدع انت دماغك راحت لفين🤨
بدر....ايه مش مستنين حد جايلكم ولا صدفه انهم يجوا هما كمان الوقت😏
عامر....بضحك انت فاكرنا جايبين نسوان😂😂😂الله يخربتكم هتودونا في داهيه.
مهاب....طب هما وممكن انما تشك فيا انا يا صاحبي😂
بدر....ومشكش ليه يا اخويا جاي بالسبحه والسجاده وانا مش واخد بالي😏😏
يوسف....طب انت ايه اللي جايبك يا شيخ بدر وانت يا عم عامر مقولتش ليه انه معاك.
عامر...بضحك والله انا قاعد في امان الله لقيت اللي بيفتح الباب ودخل ومن وقت ما جه وهو قاعد بمنظره ده بس انا شاكك انه كان جاي يسرق الشقه😂😂😂
يوسف....اتنيل هيسرق فيها ايه وسع كده😏
بدر...قوله والنبي وبعدين يا عم يوسف هو ايه اللي مقولتش ليه انه جاي هو في أسرار ولا ايه.
يوسف...بارتباك بص لعامر اسرار ايه بس يا عم ولا أسرار ولا حاجه انا كنت جاي أشوفه انا ومهاب ونعرف جه الشقه ليه.
عامر.....تشوف مين؟ ووجه كلامه لمهاب انت يالا مش قايلي انت ويوسف عايزني 🙄
أرتبك يوسف هو ومهاب وش عارفين ازاي يسكتوا عامر 🙈
مهاب....ايوه اه بس عايزين يعني نعرف انت مالك وايه اللي جابك الشقه بنطمن يعني وبنشوفك جاي تطمن علي الشقه ولا زعلتن مع روكا.
أبتسم بدر ابتسامه بسيطه وهو باصص علي الارض وبيطلع دخان سيجارته.
بص يوسف لعامر بتحذير عشان يفهم انه مش حابب يتكلم قدام بدر😡 لكن عامر مكانش فاهم لانه عارف انهم مستحيل يخبوا حاجه عن بدر
عامر....انتوا بتشتغلوني وحيات امكم 🤨والله انتوا التلاته شكلكم متفقين وجايين تعملوا عليا حوار ايه عاملني مفجأه ولا جايين تقتلو//ني🤨🤨
أنتوا مش قايلني انكم عايزني في موضوع مهم وياريت بعيد عن روكا قولتلكم تعالوا عالشقه
مهاب...بصوت واطي الله يخربيتك يا غبي🙈
يوسف...غبي🙈🙈🙈
بدر...ضحك وبدأ يضحك بصوت أعلي اكتر وهما باصينله باستغراب وعامر مش فاهم أي حاجه.
عامر...ياجدع انت بتضحك علي ايه🤨
سكت بدر وولع سيجاره تانيه و رجع ضحك تاني
عامر.....الله في ايه ما تفهمني بدل ما انا مش فاهم حاجه.
بدر...وهو باصص علي السيجاره بين صوابعه... مالك يا صاحبي بس سلامه عقلك طول عمري بقول عليك ذكي بتستغبي ليه الوقت.
عامر....مش بستغبي بس بجد مش فاهم حاجه وبعدين فهمني انت في ايه وبتضحك ليه.
بدر....بضحك عشان أتأكدت اني فعلا غبي وكمل ضحك اه والله مش انت بس يا صاحبي اللي مش فاهم واضح كده اني انا كنت سابقك بكتير
عامر...انت يالا سخن ولا ايه ؟🤨
رفع بدر وشه ليوسف ومهاب اللي كانوا ساكتين تماماً
بدر....ايه ماتفهموه يا شباب متحسسوش الراجل انه غبي
مهاب...بأرتباك ابتسم نفهمه ايه يا بدر مش لما نفهم احنا؟
بدر....لا انتوا فاهمين ولو يا سيدي علي تفهموه ايه علي الاقل قولوا للراجل انكم مش حابين تتكلموا قدامي بدل ما هو شاكك فينا اننا جايين نقتله ولا نفاجئه.
عامر....مش عايزين يتكلموا قدامك علي ايه بقولك ايه انا بجد مش فاهم حاجه.
يوسف...بأبتسامه في ايه يا جدع بدر بيهرج وبعدين هو من امته حد فينا بيخبي حاجه عن التاني.
مهاب....ايوه صح من امته احنا كل أسرارنا مع بعض وكمل بأرتباك وبعدين سما كانت بتكلم روكا وقالتلها انها شدت هي وعامر شويه وخرج فا كلمناه عشان نعرف هو فين ونروحله بس.
يوسف...ايوه ايوه ده اللي حصل🙄
عامر....هي روكا بقي اللي عرفتكم.
ضحك بدر ضحك هستيري لحد ما فضل يكح
عامر....في ايه يا جدع انت مصطبح ولا ايه بتضحك علي ايه🤨🤨🤨
بدر....بضحك علي غبائك يا صاحبي مش بقولك كنت اذكي من كده..
عامر....بضحك ياجدع متستفزنيش😂😂🔪
بدر....مش بستفزك والله وبص لمهاب في نظره طويله. مبتعرفش تكدب يا صاحبي هو مش بردو انت قولت انكم قولتوا لعامر عايزينه بعيد عن روكا..ازاي يا صاحبي وانت بتقول ان روكا قالت لسما ان عامر خرج وروكا متعرفش مكانه
عامر....🙄🙄🙄اه صح أزاي
مهاب....ماهو انا لما كلمته كنت فاكره يعني قريب من البيت وهيرجع علي طول فا قولت الحقوا قبل ما يرجع الڤيلا.
بدر...اااااه إذا كان كده ماشي
يوسف...في ايه يا بدر انت كويس
بدر....زي الفل.
عامر...بقولكم ايه انا حاسس كده ان في حاجه 🤨
بدر....قولتلك يا صاحبي بقي اللي فيها هما مكانوش حابين يتكلموا قدامي وانت اللي مش مصدق.
مهاب...ياجدع في ايه مالك ايه اللي بتقوله ده🤨🙄
بدر....ايه يا مهاب طيب عامر ومش هافهم وليه عذره وانا وكنت مغفل ياسيدي معترف بس انت ويوسف لسه حابين تستغفلونى أكتر مصعبتش عليكم.
بصله مهاب بحزن وصدمه هو ويوسف.
يوسف....بدر انت فاهم غلط أكيد؟
مهاب....احنا عمرنا ما أستغفلناك يا صاحبي.
عامر ...لا لحظه انا بجد مش فاهم وواضح كده في حاجه كبيره واقعه مني.
بدر...عمركم ما أستغفلتوني امال تسمي اللي حصل ده ايه يا مهاب عندكم مسمي تاني غير ده.
سكت مهاب ويوسف وفضل بدر باصصلهم وساكت.
عامر....ما حد يفهمني انا بدأت أفقد أعصابي بجد.
بصلهم بدر بحزن انا طلقت سيلا
عامر....😳😳😳
يوسف..😳😳😳
مهاب...😳😳😳
صدمه اصابت التلاته.
عامر....انت قولت ايه انا سمعت غلط صح.
بدر....لا يا عامر سمعت صح.
مهاب....اسمع يابدر قبل اي حاجه صدقني ورحمه امي ولا انا ولا يوسف كنا نعرف اي حاجه غير من ساعه ولا اتنين
يوسف....انت أزاي تعمل كده يا بدر دي سيلا. سيلا يابدر انت اكيد بتهرج صح.
عامر...بعصبيه انا عايز افهم في ايه 😡😡
بدر...في اني كنت اكبر مغفل يا عامر في اني متجوز بقالي سنتين ومعرفش ان مراتي بتاخد مانع للحمل عشان متحملش مني في ان صحابها كانوا عارفين وساكتين في ان واضح كده ان صحابي انا كمان كانوا عارفين وتقريبا صعبت عليهم اخيرا وعشان كده كانوا جايين يحكولك.
عامر...بصدمه انت بتقول ايه😳
مهاب....انت شايفنا وحشين كده يا صاحبي انت متخيل اننا ممكن نعمل كده.
يوسف...مش هحاسبك علي سوء ظنك فينا يا بدر عشان انا عارف انك مش ناقص لكن صدقني والله العظيم وحيات غلاوه نوني احنا فعلا عرفنا من شويه وانا اللي عرفت قبل مهاب لما سمعت ريم بتتكلم مع سيلا في الموبايل وصوتها عالي لما شافتني قفلت مع سيلا بسرعه وخليتها تحكيلي اللي سمعته ده صح ولا غلط ولما حكتلي خرجت وسبت البيت وبعدها بشويه لقيت مهاب بيكلمني و لاقيته عرف و قاللي ان ريم قالت لسما وسما حكيتله وهو كمان خرج و ساب البيت وكنا جايين علي عامر عشان نحكيله ولما طلبنا نحكيله بعيد عن روكا ده عشان مكناش عايزين روكا تعرف لان هما قالوا ان نفسيتها كانت تعبانه جدا بعد زياره ليان انهارده.
عامر...لا لحظه انا بردو مش فاهم هي روكا كانت عارفه.
مهاب...لا ريم وسما بس و مكانوش عارفين من البدايه عرفوا من كام شهر يا بدر
بدر...مش هتفرق كتير يا مهاب المهم انهم كانوا عارفين.
يوسف....بدر انا لا هدافع عن ريم ولا عن سما لان انا اول واحد مش طايقهم وسبت البيت لريم بسبب انها كانت عارفه وساكته بس خلينا نتكلم بالعقل يا صاحبي هما صحاب وطبيعي يخبوا علي بعض عرفت من ريم انهم كلموها ونصحوها كتير وسما قالتلها انها هتعرف روكا عشان ترجع عن اللي بتعمله لكن لازم تعرف انهم عمرهم ما كانوا هيطلعوا سرها ولا يأذوها كل اللي كان في أيدهم انهم ينصحوها.عشان كده متزعلش منهم او تفكر انهم كانوا بيقوها لكده.
بدر....انا مش زعلان منهم يا يوسف العيب مش عليهم هما في الاول والاخر ملهمش ذنب.
عامر...طيب انا بجد مش فاهم ليه سيلا عملت كده اصلا واشمعني روكا اللي مقالتش قدامها وانا عارف ان روكا قريبه لسيلا جدا وانا واثق ان روكا لو كانت عرفت كانت هتقدر تنصحها.
بدر....روكا بالذات اللي مكانتش تعرف يا صاحبي.
عامر....مش فاهم؟
بدر...عشان سيلا منعت نفسها من الحمل عشان خاطر روكا مكانتش عايزه تحمل قبلها مكانتش عايزه روكا تتوجع لو هي حملت.
عامر...😳بصدمه انت بتقول ايه
بدر....زي ما سمعت سيلا قررت انها متحملش لحد ما روكا تحمل عشان متزعلهاش.
عامر.....سيلا اكيد اتجننت هو في حد عاقل يمنع نفسه من الحمل عشان خاطر حد تاني.
مهاب....عامر سيلا غلطت بس كمان خلينا نتكلم بهدوء شويه اكيد مش هنعلقلها المشنقه يمكن غلطتها مش سهله بس هي اتصرفت بدافع حبها لروكا هو تصرف مش مقبول ويمكن مفيهوش اي ذره عقل بس احنا مش تايهين عن سيلا يا بدر انت اكتر حد عارفها فينا سيلا مفيش اطيب منها.
عامر....انا مش هدافع عنها يا بدر بس انت فعلا اتسرعت مكانش ينفع الامور توصل للطلاق ابداً كلنا بنغلط يا صاحبي وسيلا من يوم ما أتجوزتوا ميتهيأليش عمرها زعلتك او غلطت مش من اول غلطه توصل للطلاق ابداً كنت ازعل ابعد امشي لكن طلاق؟
بدر...صدقني انا مكنتش متخيل ان ممكن الامور توصل لكده انا فعلا كنت متعصب جدا و مضايق
بس هي اللي استفزتني يا عامر لاخر لحظه شايفه اني جاي عليها ومش حاسه انها عملت مصيبه دي بتبرر اللي عملته كمان خلتني اتنرفزت عليها وتقريباً يعني مديت ايدي عليها ونوني عصبتني اكتر لاول مره هي كمان تمد ايدها عليا عشان خاطر سيلا في اللحظه دي حسيت اني فقدت عقلي خالص و لاقيت نفسي بقولها انتي طالق.💔
عامر...غلطان يا صاحبي 😔
يوسف...خلاص يا عامر اللي حصل حصل هنسيبهم يومين وان شاء الله كل حاجه هترجع زي الاول واحسن و هيرجعوا لبعض.
بدر...مش هرجع يا يوسف علي الاقل الوقت سيلا لازم تعرف انها غلطت و مينفعش ابداً تكابر في الغلط
مهاب...يابدر هي مش بتكابر هي بتتكلم من وجهه نظرها وفعلا سيلا حسبتها كده.
بدر...بقولك ايه انت وهو قفلوا علي الحوار ده خالص انا دماغي هتنفجر.
عامر....طيب يلا انت وهو روحوا عشان الوقت ميتأخرش.
يوسف...انا مش مروح لو شوفت ريم عارف ان انا وهي هنتخانق
مهاب....وانا كمان متخانق مع سما وعلي اخري وعرفت بابا في الموبايل اني هبات معاك.
هامر...انت بتستعبط انت وهو هي شوطه و جات فينا احنا الاربعه مع بعض😡
بدر...بقولكم ايه اينعم انا مكنتش طايق الجوز دول كمان بس هما فعلا ملهمش ذنب روحوا بالله عليكم.
يوسف...بقولك ايه انا مش مروح
مهاب...ولا انا.
بدر...بتنهيده هز راسه وبص لعامر وانت روكا مدياك بالجزمه ولا ايه
عامر ...بحزن خد نفس طويل من السيجاره شدينا مع بعض جامد كان لازم امشي قبل ما المشكله تكبر.
يوسف....طيب ليه بس يا عامر حصل أيه؟
عامر....روكا عايزه تتبني ليان.
بدر....براحه علي روكا يا عامر البت دي جدعه و بتحبك وانت عارف.
عامر...عارف يا بدر وانا بحبها بس كمان مش هقدر اعمل اللي هي عيزاه ده الدكاتره قالوا انها تقدر تخلف بس هي اللي مش بتبطل تفكير وبالشكل ده عمرها ما هتحمل طول ما هي دماغها مشغوله ونفسيتها زي الزفت يمكن انا محتاج الطفل ده اكتر منها بس كمان عمري ما قولتلها ده ولا عمري حسستها اني مستعجل بالعكس انا حقيقي مش فارق معايا المهم انها جمبي بس هي دماغها زي الجزمه القديمه
مهاب....هي زيها زي اي ست يا عامر نفسها تكون ام.
عانر...عارف يا مهاب بس انا مفيش حاجه في ايدي وفكره النبي انا مش هقدر عليها.
يوسف...طيب مش يمكن ياعامر لو عملت اللي هي عيزاه و أتبنيتوا طفل سواء ليان او غيرها ده يخليها تهدا وتبطل تفكير ويمكن تحمل بسهوله.
عامر...و افرض حملت يا يوسف نرجع البنت تاني انا عارف ان روكا مفيش اطيب من قلبها بس انا معرفش لما هتكون ام هتتصرف ازاي هتتخلي عن البنت و ترجعها وساعتها هندمر نفسيتها و نتحاسب عليها ولا هتسيبها وتهتم باللي هيجي وتهمل في ليان وبردو نتحاسب عليها.
مهاب....ميتهيأليش روكا تعمل كده يا عامر.
بدر....عامر معاه حق انا ضد حوار التبني ده مع اني عارف ان روكا حتي لو حملت ميتهيأليش تفرط فيها.
عامر....مش عارف بس انا نفسي في دوامه دماغي وجعتني من التفكير .
بدر...بقولك ايه متفكرش كتير سيبها علي الله اكيد ليها حل.
عامر...علي رأيك..المهم انت ا ابه هتفضلوا مأنسني هنا كتير.
بدر...انا مش ماشي قاعد علي قلبك.
يوسف....انا يومين كده عشان ريم تتربي🤨
بدر....ياجدع متبقاش رخم هي مالها.
يوسف...هي وسما لو كانوا نشفوا علي سيلا شويه و خوفوها مكانش كل ده حصل ولا كانت وصلت للطلاق يا بدر
مهاب....يوسف عنده حق كلهم غلطوا يتحملوا بقي ده لسه لما يعرفوا اللي حصل و يكتشفوا نتيجه الكارثه دي.
يوسف...بقول ايه انا جعان.
بدر...بضحك جعان مره واحده
عامر...بضحك الطموح قاتله😂
مهاب....انت مش هتأكلنا ولا ايه انا قايم من علي الاكل وجعان اوي
بدر....حضرتك مفيش هنا نقطه مايه حتي نشرب.
يوسف....ليه عايش في مجاعه طيب قهوه ولا شاي.
عامر...ولا الهوا انا لسه بقول لبدر مدخلتش هنا من ساعت ما اتجوزت.
بدر...بقولك ايه انا فاكر كان في هنا سوبر ماركت قريب صح.
عامر...اه في الشارع اللي ورانا ماركت كبير وفاتح 24 ساعه.
بدر...طيب ماتيجي ننزل نجيب شويه حجات كده.
عامر....يلا بينا.
مهاب...بقولك ايه صحيح مفيش هدوم هنا كمان هننام بهدومنا.
عامر...لا في غيارات هنا في الدولاب
مهاب...طيب حلو يلا بينا.
...............
سما....يعني مكلمكيش او تعرفي عنه اي حاجه.
ريم...لا يا سما موبايله كمان مقفول مش عارفه خلصان شحن ولا هو اللي قافله بس ادام مهاب عند عامر يبقي يوسف معاه.
سما...ماهو معاه بس بسألك لو تعرفي هيرجعوا ولا هيفضلوا مع عامر
ريم...هو اصلا عامر ليه في الشقه دي هو زعلان مع روكا ولا تبقي مصيبه عليهم وعلي دماغهم يكونوا جايبين ستات وعملوا نفسهم زعلانين عشان يهربوا مننا😡
سما...الله يخرب عقلك انتي في ايه ولا ايه ستات ايه و قرف ايه امال ان مكانش خارجين وهما مش طايقنا بس عموما شكل عامر كده زعلان هو وروكا
ريم...منك لله يا سيلا الكلب كله منك تلاقيها قاعده بتحب في بدر ولا علي بالها😡
سما.....دي ليلتها سوده بكره مني ادي اخره العند بس دي غلطتنا المفروض من البدايه كنا موافقناش علي اللي بتعمله ده ابداً
ريم...يا اختي انتي كمان ما احنا كلمناها كتير
سما....طيب بقولك ايه اقفلي عشان أُنكل إبراهيم جاي يمكن كلمه تاني ولا حاجه.
ريم.... لو في جديد كلميني
سما...اوك باي.
ريم...باي.
...........
سما....كلمته؟
إبراهيم....ايوه يا بنتي قال انه هيبات مع عامر هناك ومعاه يوسف كمان.
سما...بحزن كده يا مهاب دي اول مره تبات فيها بره وانت زعلان.
إبراهيم....هيرجع يا بنتي يعني هو هيروح فين يمكن بيتكلموا و بيحاولوا يشوفوا حل وبعدين عايزه الحق.
بصتله سما🥺🥺
إبراهيم....أنتوا غلطتوا يا سما مكانش لازم تداروا علي حاجه زي دي.
سما....احنا والله نصحناها كتير بس مكانش في حاجه في ايدنا غير كده يعني كنا هنروح نفضحها مع جوزها.
إبراهيم....لا يا سما بس كان لازم تقولوا لروكا انتوا عارفين انها كانت هتسمع كلامها.
سما....انا هددتها كتير اني اعمل كده فعلا بس بيني وبينك يا هيما انا كمان مقدرتش اقول لروكا خوفت علي زعلها.
إبراهيم....مكانتش هتزعل بس كانت هتنصحها وفرضنا انها زعلت شويه او اتأثرت يومين تلاته وكانت هترجع زي الاول واحسن
سما....يلا الحمد لله انها جات علي قد كده واكيد عامر هيعرف روكا وروكا اكيد هتكلمها المهم انها مجاتش مننا احنا عامر هيعرف يتكلم معاها اكتر مننا.
إبراهيم....الحمد لله يا بنتي وده يعلمك ان لما تتحطي قدام مشكله انتي عارفه ان عواقبها ممكن تبقي كبيره وملهاش حل عندك اتكلمي مع حد بتثقي فيه وعارفه انه هيلاقي معاكي حل.
سما...فعلاً حضرتك معاك حق قدر الله وماشاء فعل.
إبراهيم...طيب يلا قومي نطلع ننام احنا اطمنا عليه خلاص اطلعي نامي وهو بكره هيرجع لما يهدي
سما....حاضر يا هيما تصبح علي خير
إبراهيم...وانتي من اهل الخير يا بنتي ربنا يهدي سركم 🙏🏻
..................
الصدمه كانت شديده علي سيلا مش قادره تستوعب ان بدر طلقها مش قادره تستوعب ان دي النهايه عمرها ما توقعت ان اللحظه دي تحصل بينهم من يوم ما اتجوزت
أحساسها ان بدر هيفضل طول عمره موجود في حياتها من بعد الجواز خلاها رافضه اللي سمعته هو فعلاً طلقها؟
مكانش في اي حاجه قدامها من وقت ما بدر خرج ونوني جريت وراه. غير شريط قصير بيعدي قدامها و أفتكرت اول حبايه خدتها بعد تعب روكا..
حست في الوقت ده انها فعلا غلطت مكانتش قادره تزعل من بدر علي مد ايده و عصبيته حتي طلاقهم لان هو عنده حق في رد فعله وهي غلطانه ومعترفه انها غلطانه او بمعني اصح أعترفت وفاقت بعد ما سمعت كلمه انتي طالق وكأن الكلمه دي كانت بمثابه قلم قوي فوقها.
فضلت سيلا قاعده علي حرف السرير ساكته ودموعها نازله من غير اي كلام.
اما نوني فا من بعد خروج بدر وهي في دنيا تانيه وحزن الدنيا غطي ملامحها وفضلت قاعده جمب السلم مش عارفه تعمل ايه تكلم حد من صحابه يبقي معاه في الوقت ده ولا تستني خرجت من دوامه تفكيرها لما سيلا جات في بالها و حست انها ساكته ومفيش اي حركه وقتها قلبها أتخطف وقامت بسرعه دخلت عليها الأوضه لقتها في مكانها ودموعها نازله وكأنها في دنيا تانيه.
قربت منها نوني براحه وقعدت جمبها.
نوني....سيلا انتي كويسه يا حبيبيتي.
فضلت سيلا ساكته ومش قادره ترفع عينها في نوني وحاسه بالاحراج و الذنب وحاسه انها مضايقه عشان مدت ايدها علي بدر بسببها شعور بالتخبط في المشاعر.
نوني....ردي عليا يا سيلا قولي اي حاجه متقلقنيش انا قلبي واجعني مش ناقصه وجع اكتر من كده.
نزلت دموع سيلا تجري علي وشها.
سيلا....انا أسفه اسفه يا نوني اني خذلتك و خذلت بدر اسفه اني حرمتكم من حقكم مكنتش قاصده صدقيني.
نوني...بدموع مصدقاكي يا سيلا بس ليه مجتيش قولتيلي واتكلمنا سوا.
سيلا....مكنتش عارفه ان الوقت هيطول كده مكنتش عارفه والله ورفعت وشها لنوني بوجع كبير.
بدر طلقني يا نوني انا بحلم صح.
نوني بصتلها بحزن ودموعها نازله
هيرجع يا سيلا هيرجع يا عبيطه ده روحه فيكي.🥺
سيلا....قلبي بيوجعني اوي يا نوني 💔 أحضنيني يا نوني أحضنيني اوي.
نزلت دموع نوني وقربت منها خدتها في حضنها اوي.
وفضلت قاعده جمبها و وخداها في حضنها وبعد وقت بسيط قامت رجعتها تنام علي السرير
وغطتها وفضلت تمشي ايدها علي شعرها وتقرألها قرآن كانت عامله زي الطفله اللي امها ماتت و حست باليتم فجأه.
غمضت سيلا عينها و وهمت نوني انها نامت.
قامت نوني وقفلت النور وخرجت.
.....................
في السوبر ماركت.
مهاب...ايه هنقضيها جبن ولا ايه
بدر...هو في غير جبن اي حاجه بقي.
عامر....هات كيس بطاطس كمان وبيض
يوسف...عايزين مايه كمان متنساش.
بدر....وقهوه وشاي.
مهاب....لا بقولكم ايه استنوا عليا واحده واحده 😡 انا كده هنسي حاجه انا عارف.
عامر...ياض في ايه معصب روحك ليه ما الحاجه سهله ده عشا
مهاب....هو العشاء سهل بردو ما انت مش بتتسحل في الماركت زينا😒
عامر....مين ده طب ده انا اللي بجيب كل حاجه روكا مبتعرفش لازم تنسي حاجه.
مهاب...طيب خليك معايا واحده واحده الجبن دي تمام ولا في حاجه ناقصه.
عامر....هات من دي كمان
مهاب...طيب كده تمام نجيب بقي البطاطس ونروح نجيب زيت عشان البطاطس دي اوعي تقول معندكش حاجه نحمر فيها البطاطس😒😒
عامر....بضحك لا في متقلقش😂
مهاب...طيب كده عايزين زيت وعيش بقي وفينو.
يوسف...وادي البيض اهو
مهاب...اشطا.
فضلوا يلفوا في الماركت وجابوا حجات كتير حتي الفاكهه.
يوسف...بضحك طب والله اليوم شكله حلو😂😂😂
عامر....اه والله يا چو والله زمان يا صيع😂😂
بدر....بابتسامه ايه أشتاقتوا للعزوبيه منك ليه.
عامر...طب بزمتك موحشتكش الايام دي😉
بدر....فين روكا تسمعك الوقت عشان تطين عيشتك😂😂
مهاب ..بقولك ايه احنا نسجله عشان نذل فيه بعد كده🤨
يوسف...بضحك واطي اوي الواد ده😂😂😂
عامر....سيبه ليه يوم.
بص يوسف علي ثلاجات الايس كريم فتحها.
يوسف...الله انا نفسي في الايس كريم
بدر....ما كنت نزلت انا وانت في السريع بدل العيل الصغير ده😡
يوسف...في ايه جدع نفسي فيه طب والله لا هجيب وانتوا هتاكلوا معايا.
بدر...ناكل ايه يالا ما تعقل عيب عالهيبه 🤨
مهاب...بضحك تغور الهيبه يا عم بدر هات يا چو انا هاكل معاك😂😂
بدر...أتفصل يا عم 🤨
عامر....في ايه مالك با عم ما تفك ده ايس كريم😉😉😂😂😂
يوسف...امسك بقي متبقاش كئيب😂😂😂
ضحك بدر وخدها منه ومشيوا الاربعه جمب بعض وهما بياكلوا ايس كريم🙈🙈
بدر...الله يخربيت معرفتكم
مهاب...بضحك تخيل يابدر لقينا اللواء الوقت😂😂
بدر....بضحك هيبقي شكلنا زباله😂😂😂
عامر...بضحك ماشاء الله احنا الاربعه سايبين البيت وكل واحد فينا مطرقع لمراته و ماشيين ناكل ايس كريم😂😂😂
بدر...انا غلطت اني أفتكرت الشقه ما كنت روحت اترزعت في اي فندق
يوسف...بقول ايه ناقصنا حاجه
مهاب....لا كده تمام.
يوسف....ماتيجي نرمي الورق ده ومنحاسبش عالايس كريم😂😂😂😂😂
عامر....بضحك لا معلش بطلنا الحرام😂😂😂
بدر...يا جدع تعالي نمشي انا وانت دول ناويين يفضحونا😂😂😂😂
مهاب....ناويين😂😂😂هما فضحونا خلاص.
يوسف...بقول ايه مين اللي هيحاسب.
مهاب...اكيد عامر.🙄
بدر...طبعا عامر احنا مش قاعدين معاه.
عامر....😒 ده علي اساس اني قولتلكم تيجوا😡 والله أجرسكم فيها.
بدر....ششششش وطي صوت اهلك ده خلاص هتنيل علي عين اهلي وهحاسب انا😡
عامر...بضحك ابو الواجب كله🙄
مهاب....ابو الرجوله😁
يوسف...اللي صارف علينا ديما😎
بدر...وحيات امك انت وهو هتنزلوا بالنقطه امته 😡😡
ضحكوا كلهم وراح بدر عالكاشير حاسب وخدوا الشنط ومشيوا..
..........
عند روكا
فضلت روكا تعيط كتير عارفه ان عامر عنده حق وعارفه انها كمان عندها حق و متقصدش تزعله بس هي نفسها تكون ام حاسه ان ليان دخلت قلبها ومش قادره تبعد عنها يمكن لو مكانتش ليان ظهرت مكانتش فكرت عمرها انها تتبني طفل ولو لبان رجعت لاهلها مش هتعمل حاجه زي دي لان هي اتعلقت بليان اكتر من انها اتعلقت بفكره التبني بس مقدرتش توصل ده لعامر. وفي نفس الوقت مزعلتش منه عارفه انه اتحمل عشانها حجات كتير اوي وعدي حجات اكتر ولو اي راجل تاني في مكانه مكانش عدي حاجه عشانها
متقدرش تنكر انه راجل مختلف
كانت نايمه علي السرير ضامه رجليها ودموعها نازله سمعت صوت إشعار لرسايل الواتس.
مسكت موبايلها لقت رساله من عامر فتحتها بسرعه🥺💔
عامر...طمنيني عليكي؟
روكا...بدموع مش كويسه من غيرك ؟🥺
عامر كان قاعد مع صحابه وبياكلوا وبيهزروا كان منزل الموبايل تحت التربيزه وبيكتبلها وكأنه بيسرق نفسه منهم عشان يطمن عليها.
عامر....ولا انا يا روكا بس لازم ندي نفسنا هدنه عشان نفكر شويه.
روكا....مش عارفه افكر في اي حاجه وانت بعيد عني يا عامر 🥺
عامر....روكا عايزك تهدي و تفكري عايز اشوفك ديماً قويه مش حابب اشوف الضعف اللي في عينك وكلامك ده .
ساب عامر الموبايل جمبه ورجع ياكل معاهم تاني ويتكلم
مهاب....حد فيكم يعمل قهوه بقي
عامر....انا هعملها انتوا نش بتعرفوا.
بدر...حد فيكم يجيب سيجاره سجايري خلصت ونسيت اجيب من الماركت.
يوسف...امسك السجاير اهي بقول ايه محدش فيكم معاه سيجاره عرفي😂😂😂
عامر....انا معايا😂😂
مهاب...انت ياا ابني مش مبطل من زمان😂
عامر...والله واحد صاحبي في الشركه ادهالي مرضتش اكسفه بقالها معايا اسبوعين.
مهاب...ما عشان عارف ان سمعتك هباب😂😂😂
يوسف....ده راجل كفاءه وبيفهم والله هات يا عم لما نلفها😂😂
بدر....والله طول عمري عارف اني هترفد من الشغل بسببك انت وهو 😒😒
قام عامر يعمل القهوه وفتح موبايله.
روكا....انا كويسه يا عامر بس مش عيزاك تزعل مني انا عارفه اني طول الوقت تعباك معايا بس عيزاك تستحملني شويه كمان لاخر مره.
عامر...انا مش زعلان منك يا روكا ولا عمري تعبت منك وعندي استعداد استحملك العمر كله كمان انا بس مش عايز اشوفك كده.
روكا....طيب ارجع يا عامر عشان خاطري🥺💔
عامر....خلينا شويه بعيد ياروكا اعتبريني مسافر اعتبري نفسك في اسكندريه كأننا بناخد هدنه من بعض نفكر فيهم بهدوء صدقيني ده صعب عليا وانتي اكتر حد عارف كده كويس بس انا مش عايز اننا نشد مع بعض لأي سبب.
روكا....خلاص ارجع ومش هنشد ولا هتكلم معاك في حاجه💔🥺
عامر....روكا حبيبتي انا مش ماشي وانا زعلان منك ومش عايز ارجع وانتي تسكتي و متتكلميش
بالعمس انا عايزك تقعدي مع نفسك و تتكلمي كمان مع نفسك وتفكري في كل اللي قولته عشان لما ارجع نبقي عارفين دنيتنا ماشيه ازاي خليني ياروكا علي راحتي ويومين وهتلاقيني عندك.
بعتتله ڤويس فتحه عامر وحط الموبايل علي ودنه عشان محدش يسمع.
روكا....بغضب وصوت باين عليه الدموع. براحتك يا عامر مترجعش ومش عيزاك ترجع اصلا ولا عايزه اشوف وشك وانا غلطانه اني رديت عليك واعمل حسابك انا لا هفكر ولا هتنيل و متبعتليش تاني يا عامر ولا تطمن عليا انشالله يارب اموت حتي😭 سبني في حالي ومترجعش يا عامر انا لا عايزه اشوفك ولا انا فارق معايا بعادك اصلا🥺🥺
أبتسم عامر بعد ما سمع صوتها و غضبها. و كتبلها .
عامر...بحبك يا روكا وعارف اني واحشك زي ما انتي وحشاني واكتر....روكا لو بتحبيني بجد أهدي ولازم تعرفي اني بحبك لاخر نفس في عمري❣️
شافت روكا الرساله ابتسمت ونزلت دموعها اكتر و سابت موبايلها وفضلت تعيط لحد ما نامت💔
.......
في صباح يوم جديد صحيت نوني وقامت تطمن علي سيلا قبل ما تنزل شغلها.
دخلت الاوضه لقتها فاضيه والسرير مترتب ولسه هتنزل علي تحت تشوفها
لمحت ورقه بيضا علي السرير
فكرت انها حاجه خاصه بشغل سيلا راحت مسكتها و أتصدمت 🥺
سيلا....صباح الخير يا احلي نوني في الدنيا انا مشيت يا نوني مشيت عشان بعد طلاق بدر ليا مبقاش ليا مكان وسطكم قوليله يرجع يا نوني بيته مينفعش انا افضل وهو يبعد سامحيني يا نوني عارفه انك اتصدمتي وعارفه كمان انك زعلتي و محاولتيش تبينيلي ده بس يمكن انا عارفه اني غلطت ويمكن فوقت متأخر يمكن كمان طلاق بدر ليا هو اللي فوقني و حسسني بحجم الغلطه اللي غلطتها بس ربنا عالم اني مكنتش اقصد الغلط ده ابداً كل الحكايه اني حبيت اقف جمب روكا يمكن الطريقه غبيه بس اعمل ايه ملاقتش غيرها.
اسفه يا نوني اسفه علي كل حاجه قدمتهالي وانا خذلتك بس لازم تعرفي اني بحبك فوق ما تتخيلي انتي بالنسبالي ام واخت وصاحبه وعيله كبيره وسند انتي كنتي كل حاجه بتكمل الناقص فيا صدقيني مقصدتش اني احرمك من حق ليكي ولا قصدت اجرح بدر سامحوني يا نوني.
انا هرجع الڤيلا بتاعتي وخلي بدر يرجع تاني هبقي اطمن عليكي بس انا محتاجه اكون لوحدي شويه بحبك يا اعظم ام في الدنيا..
قفلت نوني الرساله وهي دموعها نازله بحزن.
وكانت حاسه من الاول انها هتصحي مش هتلاقيها.
راحت مسكت الموبايل بسرعه عشان تعرف بدر لقيته مقفول و جربت تتصل بعامر او حد من صحابه لقت موبايلاتهم هما كمان مقفوله استغربت وطبعا مكانتش عارفه ان هما مع بعض.
حبت نوني تخلص من المهزله دي وتكلم هي روكا و تقابلها وتفهمها كل اللي حصل عشان عارفه ان روكا هي اللي هتقدر تحل الموضوع.
فضل الموبايل يرن ومردتش.
كلمت سما وحكتلها كل حاجه واتصدمت سما من خبر طلاق سيلا وانهارت من العياط
قفلت مع نوني و سابت كريم مع حماها بعد ما حكتله وهي منهاره وجريت علي ريم خدتها وقرروا انهم يروحوا ياخدوا روكا و يطلعوا علي سيلا و ينهوا المهزله دي.💔
....................
اما عند سيلا اتصلت بمراد واعتذرت عن الشغل بحجه انها تعبانه وخدت اجازه وصلت الڤيلا
وهي حزينه ودموعها مش بتقف مش متخيله انها رجعت تاني ولا متخيله ان حياتها مع بدر وقفت لحد هنا.
فتحت سيلا البوابه ودخلت وهي ماسكه شنطتها.
وبمجرد ما شافت الجنينه والڤيلا
هاجمتها كل ذكراياتها
