رواية كبرياء شيخ الفصل الثالث والعشرون بقلم زينب
كمره: ليش سكتت
احمد: ولا كلمه
كمره: ليش ما سألتك سؤال تعجيزي من حقي اعرف
احمد: كمره سكتي عني ولا تخليني ااذيج رحمه لهلج
كمره: عرفت جوابك
احمد: ٲٳٲسـ๛ۖــۖـتغفـر اللهہ
انه نازل ومن اصعد حسج عينج تذكرين هذا الموضوع
كمره: بس كلي ليش تتهرب هذا مو حل انه لازم اعرف راسي من ساسي
احمد: شتردين تعرفين ٲℓانــتيہ ليش تنبشين وتدورين مصايب
كمره: انه الأدور مصايب هسه مو
احمد: يا بت الناس هذا الموضوع منتهي والنقاش بي عقيم ليش تحفرين بي
كمره:صدكني اذا بعدك تحبها والله العضيم تحلم اخليك تتقربلي
احمد: لج لا تخليني اكتلج هسه كتله غسل ولبس روحي من وجهي (بصياح)
كمره: لا تصيح علي (بصياح)
احمد: واكسر راسج هم ٲℓانــتيہ شايفه روحج
كمره: ما جبرتك علي
احمد: هو ٲℓانــتيہ ما عندج غير هاي النغمه
شو ولي من كدامي عساها ساعة السوده يوم الشفتج بي ويوم الرجعت للعراق جنت بلندن كاعد وراسي مرتاح
كمره: من سمعته • بـٰٚـِْسـ᷈͟ــرعه نزلن دموعي سمعنا دكت الباب راح فتحه بعصبيه طلعت امه حتى ما حاجاها خلا ونزل وهي اجتي يمي
الشيخه: خير يمه شبيكم صوتكم واصل للشارع
كمره: ما جاوبتها بس ابجي
الشيخه: شبيج يمه ليش تبجين
اعتبريني امج وكليلي شبيكم من امس لليوم ما جنكم عرسان احجي بنيتي لا تضمين بكلبج
كمره: عمه راح اكلج
وسولفتلها كلشي
الشيخه: يمه ٲℓانــتيہ غلطانه ليش سألتي هذا السؤال
كمره: عمه مو بيدي لازم اعرف
الشيخه: يمه احمد مر بظروف صعبه بس الله يعلم بيها وظل سنين ياله كدر ينسى ويجوز ما نسى ٲℓانــتيہ ليش تفتحين جروحه
كمره: وانه شنو ذنبي
الشيخه:ٲℓانــتيہ مالج ذنب بس ٲℓانــتيہ هسه مرته حسسي بحبج بقربج خلي ينساها ويتعلق بيج ٲℓانــتيہ طيبي جروحه لا تصيرين ٲℓانــتيہ والزمن علي
كمره: عمه ما يسمع مني كلمه وانه متأكده ما يحبني لو يحبني ما يعاملني هيج كله نتر وصياح وأوامر سوي هيج ولا تسوين هيج عبالك انه سلعه عنده ويتحكم بيه
الشيخه: ٲℓانــتيہ متوهمه لا تكولين هو ابني وامدحلج بي احمد كلبه طيب ولو جان ما يحبج لو تثالث الدنيا ما يبقيج يمه يوم واحد بس هو طبيعته هيج حتى ويه اخوانه
كمره: ما اعرف بس ما جاي استوعبه
ماسويتله شي بس سألته سؤال ما كفرت
الشيخه : بنيتي هذا الموضوع حساس ويه احمد انه امه اتردد مية مره ياله اسأله واخاف من جوابه
كمره: زين اسألج سؤال
الشيخه: سألي
كمره: هي شلون ماتت
الشيخه: ما اكدر اكلج شي بهذا الموضوع بس يجي يوم وهو يكلج على كل شي بس شويه انطي لروحج صبر
وهسه كافي بجي وسدي هذا الموضوع ما راح تحصلين شي ونزلي النسوان جوه يسألن عليج يله كومي بدلي كلها تسأل جنتج الحلوه وين
كمره: ماشي عمه ابدل وانزل
بدلت لبست فستان بصلي مخصر على الجسم وخليت مكياج خفيف وخطيت عيوني بكحل بعناده اعرفه يتسودن اذا خليت كحل واخذت الشال ونزلت رحت للأستقبال شفت بيت عمه جايين كلت بكلبي لا هلا ولا مرحبا شوكت اخلص منها جانت الشيخه يمهم شافتني وصاحت الي رحت يمهم كلت
السلام عليكم
النسوان : وعليكم السلام
ماشاء اللهُ ام احمد جنتج تخبل خاله ما عندج خوات
الشيخه: لا ما عدها احد بس هي على سبع اخوه
النسوان : حرامات
الله يحفظج خاله
سلمى: بكلبها شدعوه قلت نسوان
كمره: ويحفظكم تسلمون
سلمى: شبيج كمره مو على بعضج
كمره: ما بيه شي
سلمى: وشدعوه تنترين سألتج ما كصيت راسج
كمره: سألتيني وجاوبتج شتردين بعد
سلمى: شوفي كلج خلك بت فلاح لا تكبرين راسج علينا وأحمدي ربج احمد اخذج من مزبلتكم وجابج هنا
كمره: هذا الفلاح يسوى راسج وانه ما كلت لإبن عمج ياخذني جنت عايشه بمزبلتنا ومرتاحه ٲℓانــتيہ لو بيج خير جان اخذتي
سلمى: سدي حلكج وسكتي لا تخليني اكوملج هسه كدام النسوان اطلع القضى والمضى كله بيج
كمره: لو بيج خير كومي
سمعتنا الشيخه واجت
الشيخه: شبيجن مو عيب منا النسوان شيكولن عليجن
كلمه وحده ما اسمع منجن فاهمات
وانتي سلمى كومي روحي للمطبخ جيبي الضيافه
سلمى: وليش ما تكوم هي مو الجنه وغصبن عليها تكوم
كمره: عمه خليني انه اكوم
الشيخه: ٲℓانــتيہ كعدي وسكتي النسوان جايات عليج ٲℓانــتيہ العروس لو انه
هي تكوم غصبن عليها
سلمى: كايمه اوووف منج
الشيخه: كومي لا بارك الله بيج همزين خلص ابني من عندج
وانتي كمره لا تطلعين حركتج بيها تولي هي لسانها متبري منها
ظليت كاعده يم النسوان لحد ما راحن فرغ الاستقبال اخذت تلفوني خابرت على امي اشتاقيت الها
ام كمره: الووو
كمره: الووو شلونج يمه مشتاقتلج (بجي)
ام كمره: هلا يمه يا بعدروحي ليش تبجين احد ضايقج
كمره: لا يمه كلبي طك عليكم ابوي شلونه واخواني شلونهم
ام كمره: بخير احنا لايظل بالج
صح ضايجين عليج وابوج متكدر على مودج بس شنسوي نتعود
البيت اظلم بلياج
كمره: يمه لا تزيدين علي حبوبه
ام كمره: كافي يمه لا تبجين جم يوم وأمر عليج
الشيخ شلونه وياج
كمره: بتنهيده
الشيخ زين يمه لايظل بالج علي
خالتي شلونها ليش ما مرت علي
ام كمره: جاي تجيج من الصبح وانه كوه كضيتها
كمره: ليش يمه جا خليتيها تجي
ام كمره: ولج يمه عيب خالتج لسانها متبري منها وتذب الحجايه شكبرها ما تعرف معناها وانتو هسه عدكم نسوان وعالم خليها تفض الوادم وتجيج وشبعي بيها
كمره:• ﺂنٰ شۨـِﺂءۙ ﺂللـِه۫ہ ٰ
اخواني شلونهم
ام كمره: زينين بس ضايجين واحد يباوع لوجه الثاني حتى حسين ابو البلاوي ضايج عليج
كمره: بعد كلبي سلميلي عليهم وخليهم يمرولي اريد اشوفهم
ام كمره: • ﺂنٰ شۨـِﺂءۙ ﺂللـِه۫ہ ٰديري بالج على روحج الله وياج
كمره: مــُ̲ـٰعَ الــُ̲ـٰسـעمـهہَ "̮
صار وكت العشا
احنا النسوان تعشينا لوحدنا والزلم تعشوا بالمضيف احمد بعد ما شفته
ظليت كاعده يمهم الكل راح حتى بيت عمهم صارت الساعه عشره كلتلي الشيخه اصعد لغرفتي ما ردت اصعد حتى لا يجي واشوفه شفت الشيخه صعدت رحت للمطبخ لكيت هديه كاعده ويمها كم بنيه يساعدنها
هديه: هلا بكمره شلونج بالمبارك خيه اعذريني ما شفتج ما فرغت تدرين بيه
كمره: معذوره هديه ٲℓانــتيہ بالذات ما ازعل منج
الله يبارك بيج
هديه: ليش اجيتي هنا اذا رايده شي كليلي وانه اجيبه الج
كمره: لا ما رايده شي وبعدين اذا اريد شي انه اخذه بنفسي
هديه: خيه ما يصير ٲℓانــتيہ صرتي مرت الشيخ لزومن اخدمج
كمره: ازعل عليج اذا عدتي هذا الحجي ٲℓانــتيہ صديقتي وأختي الما جابتها امي واحسبي حسابج انه وياج بالمطبخ بس خل تخلص السبعه ماشي
هديه: يا بعد روحي خيه بس شلون اخليج تشتغلين وياي اخافن الشيخ ما يرضى علي وانه اخافن منه
كمره: ما عليج بي وهو ما يدخل بهاي الأمور وانه ما احب اكعد واحد يخدمني
هديه: هذا هو براحتج
شعجب اجيتي هنا ليش ما صعدتي لغرفتج الوكت تأخر
كمره: وحدي مليت اجيت هنا أضيع وكت
هديه: بس انه شفت الشيخ صعد
كمره: شوكت
هديه: قبل شوي يـ؏ـنـي نص ساعه
كمره: عادي يجوز هسه نام وانه طار النوم مني
اذا تردين ترحين روحي انه شوي واصعد
هديه:لا ما عندي شي خلصت شغلي
كمره: ظلينا ندردش انه وهديه شفته طفت خطيه كتلها روحي نامي وانه صاعده هي راحت وانه ظليت بالمطبخ اكلب بالتلفون شفت الساعه صارت ١٢ انه هم طفيت كلش بس ما اريد اصعد واشوفه
احمد: رجعت الساعه ١١ دخلت للغرفه ما لكيتها عبالي بالحمام هم ماكو
كلت وين ولت هاي المصيبه سبحت وطلعت نفس الشي تمددت وظليت اكلب بالتلفون وهي ماكو عرفت ما تريد تشوفني بس وين تروح بهل وكت اهلي كلهم نايمين كلت يطبها طوب هسه تنعس وتصعد ذبيت التلفون وردت انام ما كدرت كلبي يمها
شلون بالله بهل البلوه انه شفت الساعه صارت ١٢ بعـٌـــٌِد ما كدرت لازم انزل واشوفها وين نزلت جوا رحت للصاله ماكو دخلت للأستقبال هم ماكو كلت وين ولت بهل ليل ما بقى غير المطبخ دخلت المطبخ وشفتها نايمه على الكرسي ومخليه راسها على الطبله والشال نازل من راسها ومنظرها مغري صعد الدم لرأسي هاي شلون بيها لو شايفها واحد من اخواني هيج تريدني ابتلي بيها رحت كعدتها
احمد: كمره (بحده)
كمره: ما دريت بروحي نمت بالمطبخ فزيت على صوت اعرفه فتحت عيوني شفته واكف كدامي مخنزرما جاوبته
احمد: ٲℓانــتيہ شلون تنامين هنا لو احد شايفج شيكول
كمره: ما يكول شي
شوف لو تريد تتعارك من هسه اكلك عوفني هنا
احمد: شو كومي كدامي لا ابتلي بيج هسه
كضيتها من ايدها وصعدنا دخلنا للغرفه هي بعدها دايخه رادت تنام بملابسها
عطت بيه
ٲℓانــتيہ تالي وياج ليش تخليني اصيح عليج
كمره: وهسه انه شسويت اريد انام
احمد: بهاي الملابس تنامين وبهذا وجهج المرسوم رسم بالمكياج
كمره:هاااا صدك نسيت
احمد: هذا اخر يوم تخلين بي مكياج باجر تنزلين كدامي واذا شفتج مخليه قطره وحده
كمره: شسوي يـ؏ـنـي
احمد: شايفه هذا المكياج على الميز كله احركه والله وبدون وجع كلب
كمره: تسويها والله هو انت عندك كلب جاي اروح وصاح
احمد: اوكفي
كمره: شتريد بعد
احمد: الف مره كتلج لا تخطين عيونج
كمره: هو انه خطيتهن بعنادك
احمد: هنا الحجي يـ؏ـنـي صارت شغلة عناد
كمره: ليش اجذبﻋﻠﻴﻚ اي
احمد: وهسه راح اعاقبج
كمره: شلون تعاقبني بالله
احمد: انه اكلج شلون
جريتها من ايدها كضيت وجها وبستها من شفايفها بكل قوه صعدت لعيونها بستها نزلت على خدودها هم بستها رجعت لشفايفها كطعتهن تكطع نزلت لركبتها شلون ركبه عبالك مرمر وترفه ما ردت ابتعد عنها بس انه كلبي شايل عليها رجعت لشفتها عضيتها وهي نزت
كمره: اخ اذيتني هو هيج شبيك
احمد: حتى مرة ثانيه ما تعانديني
كمره: حجيت بيني وبين نفسي (مكروه)
احمد: شحجيتي
كمره: ما كلت شي
عفته دخلت للحمام بدلت ملابسي وغسلت وطلعت لكيته نايم رحت انام شافني ودار وجها للجهه الثانيه كلت بكلبي خفتاً وراحه تسوي فضل
نمت وتغطيت وهم درت وجهي للجهه الثانيه يـ؏ـنـي واحد منطي ظهره للثاني غفيت كعدت الصبح باوعت ما لكيته كعدت دخلت للحمام سبحت وطلعت شفت روحي بالمرايه شفتي مشكوكه وركبتي بيها زراك احجي ويه روحي هذا مو بشر متوحش اكو واحد يسوي هيج
احمد: اي انه عندج مانع
كمره: درت وشفته شجابك انت مو نازل
احمد: اجيت افحصج ادري بيج عنوديه تسوين البراسج
كمره: اكلك هو المكياج بشنو يضرك
احمد: وانتي شتستفادين منه
كمره: يعدل الوجه
احمد: وانتي وجهج بدون مكياج يجيب التايه لا تخليني ابوشج وحق علي
كمره: زين خل اخلي بس حمره اخفي شفتي المشكوكه من يشوفوني شيكولون
احمد: كتلج قطره ماكو ولا تخليني اشك الشفه الفوك واخليهن متساوياة
كمره: اوووووووف
احمد: هاي عليمن
كمره: موتتني ترى
احمد: اللهم طولج يا روح
كمره: خلص لا تتعصب ما راح اسوي شي بس اخلي مرطب
احمد: اباوع لشفتها مشكوكه وصايره حمره كوه لازم ضحكتي عنها تخلي مرطب تريد تخفيها وماكو فايده اخر شي ملت شمرته بعصبيه وكالت يله ننزل
احمد: اوكفي شوي
كمره: شكو بعد
احمد: وشكاكه شو دوري
كمره: درت مرتين وكلت خير
احمد: ماكو شي يله ننزل
نزلنا كعدنا نتريك ويه الأهل بس وكت الريوك ننجمع سوة
صباح الخير
الاهل: صباح النور
وسام :صباح الحب
احمد: انت بالذات تسكت وتنجب
وسام: شكلت هسه انه فوك ما اصبح ؏ـۣۛـٰلــيــۣكُـہۢۛ ۦ✿⇣
احمد: حسابك بعدين
الشيخ: بويه احمد شسويت بسالفة اخوك
احمد: جاي امشي بيها يابه بس متاني الموافقه
عادل: سالفتيش
احمد: دراسة وسام
وسام: من كلكم اريد ادرس هو بكيفكم
الشيخ: غصبن عليك
وسام: يابه ما احب الدراسه ليش تورطوني
الشيخ: وليش انت من دون اخوانك شناقصك كلهم تخرجوا وأخذوا شهادات
وسام: مو كلهم عمار بعده ما متخرج
عمار: هههه ولك ما ظل شي شهر واتخرج
احمد: شوف بس تطلع الموافقه تداوم لو اعرف اجرك جرور
وسام: اهووووو عمي ما اريد طالبيني طلابه
الشيخه: عوفوه يولي ما يريد ليش تلحون وياه
الشيخ: لا شو الا يكمل انه ما عندي احد ما يكمل
همزين بنتي كممره ردت تدرس من سمعت والله فرحتلج بنيتي
كمره: تسلم عمي
الشيخه: هسه لو عندك بنيه هم تخليها تكمل
الشيخ: شلون ما اخليها بس الله ما قسملي
الحمدلله على كل حال الله يعوضني بنسوان الولد • ﺂنٰ شۨـِﺂءۙ ﺂللـِه۫ہ ٰ
الولد ما عدا احمد: • ﺂنٰ شۨـِﺂءۙ ﺂللـِه۫ہ ٰ
وانت عادل شوفلك بت حلال ما دام خلصنا من اخوك
وسام: هههه حيل انوب دار عليك
عادل: يابه ما اريد انه سدوا هاي السالفه
ودار على وسام انت انجب لا اسحلك
الشيخ: مو بكيفك هم اخوك جان هيج مثلك ميبس راسه
وهل تشوفه هل مرته يمه
كمره: باوعتله مدنك من سمع ابوه كال ما رفع راسه وباوعلي يدري بروحه شمسوي اخخخ منك والله لو يرجع بيه الوكت بس لو زرعوها وما خضرت
وعدت الايام بينا طبيعيه خلصت السبعه وبديت اشتغل بالبيت ويه هديه الشيخه ما قبلت تكول عدنا خدم تكفي وتوفي بس انه ما رضيت اكعد واسكت ما متعلمه على الاقل اكضي وكت لحد ما تخلص اجازتي وارجع للدوام والوضع بينا انه واحمد مثل ما هو كله عرك ونكره بينا وهو بحاله وانه بحالي والشيخه درت بوضعنا وما حبت تدخل روحه تدري بأبنها ما ينجرع وملت مني اخر شي طكت روحه وكالت يطبكم طوب منج اله وعادل جكد ابوه حاول يقنعه يتزوج ما يقبل بعده كلبه معلك بسلمى يكول انساها ياله أزوج حاول احمد يقنعه يتزوجها ما قبل كله مستحيل ما دام كلبها مو الي ما اريدها وعمار سافر لبغداد وسام مطنكر ما يريد يرجع للدراسه وأهلي على حالهم بس اهل البنيه الي يحبها صلاح ردوا خبر الهم موافقين بعد معاناة
وراحت امي وخالتي حددوا العقد والمشيه وانه احمد ما قبل اروح ويه امي توسلت بي ما رضى بس بيوم العقد غصبن علي اروح لو اعرف اشرد منه هذا مهما يكون اخوي الغالي صلاح اعتبره ابوي الثاني
جنت كاعده بغرفتي احجي بالتلفون ويه هبه اسألها على الدوام والمحاضرات
صاحتلي الشيخه انزل اكعد يمهم جوه بالصاله كلهم متجمعين ما عدا احمد سألت الشيخه عنه
عمه جا ًوٌَيـن احمد ما هو
الشيخه: والله يمه خابرله شداد وطلع مستعجل ما اعرف وين راحوا
انه كلبي ما مطمن
كمره: ليش عمه شصاير
الشيخه: السالفه الصارت بعرسكم بعده ما معروف صاحبها وانه اخافن يغدروه وهو ادري بي ما يسكت
كمره: عمه خوفتيني كلبي ظل يلعب
الشيخه: هااا هسه طلعت المعزه وين جنتي ضامتها عنه
كمره: عمه انه ما • ﺂكـِٰ̲ﮧـۤـړها بس هو تصرفاته وياي مو زينه
الشيخه: ٲℓانــتيہ تكابرين وهو يكابر وتالي ثنينكم تتندمون
كمره: مو قصة مكابره بس انه اريده بنفسه يعترف الي بحبه ويفتحلي كلبه
هذا كل الاريده والله
الشيخه: • ﺂنٰ شۨـِﺂءۙ ﺂللـِه۫ہ ٰ وداعتج يحبج واخذيها مني حجايه أكيده ٲℓانــتيہ بس سايري ولا تعاندينه وشوفي شلون يظل يعبدج عباده
كمره: • ﺂنٰ شۨـِﺂءۙ ﺂللـِه۫ہ ٰ بس كون يرجع سالم كلشي ما اريد
احمد: جنت كاعد ويه الاهل اتصل علي شداد على مود الرساله رحنا انه وياه لصديقه الي يشتغل بالشركه مثل ما كلت طلع الرقم ما بي اوراق بس كدر يحدد المكان الي انرسلت منه الرساله انطانا العنوان رحنا انه وشداد
على نفس العنوان طلعت بمزرعه قديمه مهجوره دخلنا ما بيها احد فارغه
نبشناها نبش ماكو فارغه اخر شي ايسنا وطلعنا احنا طلعنا وهو اشتغل علينا الرمي كل واحد راح بصوب انه احتميت ورى السياره وشداد صار بالجهه الثانيه ورى نخله همزين ما خذ سلاحي ظليت ارمي عليهم وشداد نفس الشي بس هما مبينين اكثر اخذت التلفون اتصلت بالولد
عادل: جنت كاعد بالصاله ودك التلفون احمد
الووو هاا شيخ
احمد:عادل الحك النا
عادل: شبيك احمد ًوٌَيــن انت وشنو هذا الصوت
احمد: مو وكت الحجي هسه انغدرنا تعالو بسرعه سلاحنا راح يخلص
عادل : جاييكم انطينا العنوان
الشيخ: خير بويه شبي اخوكم
عادل: انغدروا بويه كوم وسام اجمعلي الشباب
وسام:صار خويه
كمره: خويه عادل بي شي احمد
عادل: خويه هسه رايحين وانشوف ديري بالج على امي
شدير بالي ظليت ابجي وكلبي راد يطلع من مكانه لا ربي لا تراويني بي مكروه كلشي ولا احمد والله بس يرجع كلشي اسويله درت على الشيخه شفتها طايحه وانه صرخت شيخه حبوبه اكعدي الحكيلي هديه بصوت عالي
اجتلي هديه تركض انه ارجف وهي واكعه احتارت شتسوي والولد كلهم راحوا طلعت تصيح لأبوها ما لكته رجعت ظلت تلطم ما نعرف شنسوي كتلها روحي للمضيف شوفي احد راحت ورجعت هم ماكو محد بالبيت بس انه وياها ماكو غير حًـل اخابر لصلاح بس هو ينقذني اخذت التلفون ايدي ترجف دكيت علي شاله
صلاح: الووو كموره شلونج
صلاح: خويه الحكلي فدوه الك بسرعه
صلاح: ييج شي احجي
كمره: الشيخه طاحت ومحد بالبيت راح تموت بين ايديه فدوه رحتلك • تـٰ؏ـﺂل بسرعه (بجي)
صلاح: اهدي بنيتي جايج لا تبجين
كمره: سديته منه وظليت الطم وابجي هم على احمد الما اعرف شبي ما بي وهم على الشيخه الواكعه بين ايديه لبسناهنا الشيله والعبايه وانه لبست عبايه وسمعت سيارة صلاح طلعت اركض وابجي اجى شافني وركض على الشيخه وهمزين جاي وياه حسن وامي ردت اروح وياهم ما قبلوا امي كالت
ما يصير تعوفين البيت اخذوها وخلوني ابحدي ما اعرف شسوي بس ابجي صارت روحي بالتلفون ساعه اخابر على احمد ماكو وعلى الولد ماكو وساعه اخابر على صلاح اسأل على الشيخه شويه واجت خالتي يمي واجو بيت عمهم وخوالهم هم سمعوا بالشيخه اخوانها ركضوا وراها للمستشفى
خابرت صلاح كلي ضغطها مرتفع كلش لو ما موصلينها بسرعه جان ماتت
احمد:ظليت اترامي وياهم متقطع لحد ما اخلص الوكت على ما يجولي الولد صارت روحي بشداد ماله ذنب اخاف يلتفون علي ويروح بيها خلص سلاحي وبعد ما عندي غير طريقه لازم اروح يم شداد جازفت ورحت اركض قبل لا اوصله اتصوبت بطلقه اجت بجتفي وصلت يمه وكعت بالبدايه اخذتها بحيلي شداد عاف الرمي والتهى بيه نزع شماغه وضغط بي على ااجرح حتى يوقف النزيف شويه وانكطع الصوت راد يطلع شداد ما خليته كتله هذا فخ يردونا نطلع
كتله طلع التلفون ودك شوفهم وين صاروا
قبل لا يدكلهم وصلونا انه اخذني النزيف اجولي يركضون جاي اسند روحي ما كدرت بعدها ما حسيت بشي
كمره: كاعده يم كرابتهم بس انه كلبي بنار فاتت ساعتين وانه الوب خالتي تهدي بيه ومرت عمهم وماكو فايده صرت شلون الطير المذبوح اريد بس خبر يوصلي منه دكيت على تلفونه يدك ومحد يشيله ورى نص ساعه اجى عمهم بس وجه ما يتفسر ركضتله وكتله
عمي فدوه كول ما بي شي
ابو سلمى : والله يا بتي رجلج اتصوب ونازف هواي وهسه هو بالمستشفى
كمره: هاااا
شلون بس كلي عدل يتنفس ما بي شي كول الله يخليك اروحلك فدوه كلي ما بي شي
ابو سلمى: بنتي اندعيله الله يكومه بالسلامه
كمره: هو كلي هيج وانه شلون الواحد وطلعت روحه منه حسيت غشاوه على عيوني واسودت الدنيا عندي وبعد ما حسيت بشي
::::::::::::::::::::::::::::::::::::::::::::::::::::::::::::
كمره: انتبهت على روحي نايمه بحضن خالتي والنسوان داير مدايري يحجن بس ما افتهم شي منهن بعدني دايخه كمت ردت اسند روحي ما كدرت ردت بس اسمع اي خبر ولو بسيط يطمني عنه ردت اكوم ما قبلت خالتي
فهيمه: ها خاله اسم الله الرحمن وين كايمه
كمره: خاله شنو صار
فهيمه: صار عندج هبوط وكعتي
كمره: ما اسأل على روحي يطبني طوب كليلي احمد شصار وياه
فهيمه: بيش طالبه روحج خاله لحد هسه ماكو اي خبر وانتي شدي حيلج يا خاله ما يصير هيج خليج قويه
كمره: كورت روحي وكعدت خليت راسي بين رجليه وظليت ابجي
فهيمه: خاله البجي لا يقدم ولا يأخر كومي صلي ركعتين طلب حاجه واندعيله واقري قرأن كون الله يشافي ويكوم بالسلامه
كمره: • ﺂنٰ شۨـِﺂءۙ ﺂللـِه۫ہ ٰخاله والشيخه شلون صارت
فهيمه: شويه احسن توها خابرت مرت عمهم وامج جايه بالطريق وافتهمي السالفه منها
كمره: عفتهم وكمت صليت وظليت اندعي ودموعي ما بطلت مرت ساعات وانه على نفس الحاله واجت امي وجكد حاولت وياي وانه ابد ولا يمهم فاصله بغير عالم بس دمعتي على خدي
عادل: وصلنا للمنطقه الصار بيها الحادث بس شافونا الجلاب شردوا ردنا نلحكهم ما قبل ابوي كال خليهم نكضهم ًوين يرحون بس خل نطمن على اخوك وابن خالك وصلنا يمهم شفتا احمد طايح ودمه بطوله ما ظل حيل عندي وشداد مخلي بحضنه كل ظني مات ولو هو شبه ميت ركضناله انه وسام ولد عمي شلناه وخليناه بالسياره المنطقه بعيده وشبه مهجوره والاسعاف ما توصل هنا والنزف ماخذه اخيذه بألف يا علي وصلنا للمستشفى
رإسا دخلوه للعمليات وظلينا بره بس نريد نسمع خبر عنه المستشفى انترست زلم وشيوخ وشرطه وسمعنا امي هم واكعه واصله للموت وهم بنفس المستشفى ظلينا حايرين ما نعرف شنسوي مصيبه وطاحت على روسنا منا امي ومنا اخوي ومنا ابوي على يا ساعه يطيح اباوعله وجها صار اصفر وما يحجي ودمعته بطرف عينه طلعت الممرضه كالت حضرونا دم المريض فاقد دم هواي انطينا دم والباقي جبنا من مصرف الدم فاتت ساعتين وسمعنا احمد واكف كلبه جوه طلعت الدكاتره تتراكض صاحو على دكتور يمكن جبير او اختصاص دخل وياهم ورى ساعه ياله طلع كلنا كمنا وكلنا
هاا دكتور بشر
الدكتور: ما اجذب عليكم حالة المريض خطره فاقد دم هواي العلينا سويناه والباقي على رب العالمين اكثر من مره توقف كلبه داخل العمليه
عادل: دكتور رحمه لهلك كول يعيش
الدكتور: • ﺂنٰ شۨـِﺂءۙ ﺂللـِه۫ہ ٰتفائلوا بالخير تجدوه الاصابه مو خطره بس لأن نزف وجبتوه متأخر منا لباجر اذا عدى على خير وما صار شي كان بها واذا لا بعد هذا امر الله
وسام:شلون دكتور شلون تحجي هيج والله اذا صار علي شي اهجم المستشفى عليكم
الشيخ: وسام تأدب احنا بيا حال وانت تهدد هذا فوك تعبهم وضيمهم
بيه رحم الله والديكم
عادل: انت شلون بيك شلون تحجي هيج ويه الدكتور قابل هو متعمد
وسام: هما دكاتره هاي شغلتهم غصبن ما عليهم
الشيخ: بويه ادري بيك محروك كلبك على اخوك شبيدينا
لا تخافون احمد سبع شوفو منا لباجر يكوم على حيله ويرجع لبيته وأمه ومرته لا تخافون علي هذا الغالي ما يصير بي شي
عادل: يابه بيك شي لا تخوفنا عليك
الشيخ:ما بيه شي
عادل: اباوع لأبوي حيله مهدود ويحجي بحركه عفته ورحت الغرفه ألبيها امي ما اكدر اكلها شي شفتها نايمه بستها وطلعت رجعت اباوع لأحمد بالعنايه والأجهزة علي انمرد كلبي بس لو اعرف هذا يا سافل ابن سافل هيج سوه بيك اخ يا بويه الا اشرب من دمه وحك علي
ظلينا على هل حال للصبح محد منا غمضت عينه صارت الساعه بثمانيه تانينا الدكتور حتى يجي ويطمنا علي شويه واجى دخل جوه وطلع كال تعدى مرحلة الخطر وراح نقله للغرفه ثانيه حتى هم يرتاح وهم تكدرون تشوفونه
ورى ساعه نقلوه للغرفه الثانيه بس بعده مو بوعيه امي كعدت وأول ما فكت عينه سألت على احمد
عادل: الحمد للـهۂ على السلامه يالغاليه هيج تخوفينا عليج
الشيخه: الله يسلمك وليدي وين اخوك لا تكلي بي شي
عادل: يـ؏ـنـي لو صاير بي شي تلكيني يمج وجماله اضحك
الشيخه: وينه هو ليش مو وياك لا تجذب علي
عادل: وداعتج يمه ما بي شي هسه نطلعج ونمر علي وبعيونج تشوفين
الشيخه: وأبوك وين
عادل: هنا الحجي الزين المفروض تسألين على ابوي اول شي هذا عزيز كلبج
الشيخه: ولك يمه تأدب انه بيا حال وانت هيج تكول
عادل: لا يظل بالج ابوي الليل كله ما فاركج وجان واكف على راسج وهسه راح يرتاح شوي ويجيج
الشيخه : اخذني لإخوك
عادل: يمه هسه اوكفي على حيلج ونروح نشوفه طاير هو هسه
الشيخه: اشوفه بعيوني ياله اصدك
عادل: خل يجي الدكتور يشوفج ويطمنا عليج وانه بأيدي اخذج وحك هذا الشارب بعد شتردين
الشيخه: وأخوك الخبل وين شو ماهو
عادل: ههههه صدك خبل راد يهجم على المستشفى امس
الشيخه: عمار درى بالصار
عادل: لا يمه ما وصلناله خبر
الشيخه: لحد يكله شي
عادل: تأمرين امر هسه رايح للدكتور حتى نطلعج
طلعت من امي شفتهم ملتمين يم غرفة احمد ومخبوصين عبالي صاير شي
هااا خير شصاير
وسام: شفت عادل رحت شبكته وابجي
عادل: ولك شبيك كول شصاير لا تطير عقلي
وسام: احمد صحى
عادل: نعله على ابليسك عبالي صارله شي تلام امي من تكول خبل
وسام: ههههه
عادل: ولك ساعه تضحك ساعه تبجي انت صدك مسودن يله روح شوف امك وانه رايح اشوف احمد
وسام: صار
عادل: دخلت علي كاعد ويون من الوجع وجه ذبلان وصاير اصفر وشداد مكابله وكاعد عبالك مرته وكاض ايده
ها شيخ الحمدلله على سلامتك الوكعه مو الك
احمد: الله يسلمك امي طمني عليها (بتعب)
عادل: لا تخاف هسه تجي بنفسها تشوفك
احمد: ابوي وين لا تكلي صار علي شي
عادل: لا الحمدلله ما بيهم شي انت عليك بنفسك صير زين
احمد: شداد انت تعبان روح لبيتك ارتاح
شداد: كلشي ما بيه شوكت ما تطلع اطلع وياك
عادل: شداد صدك روح ارتاح اكلك لكمه انت من امس لليوم على نفس الوكفه واحنا يمه لا تشيل هم
كوه طلعنا شداد ودخلت امي جايبها وسام وابوي شافت احمد ونشغت وظلت تنعى وتبجي
الشيخ: هسه عليمن البجي يا مره هلتشوفينه ما بي شي
الشيخه: شلون ما بي شي موهل تشوفه مدد وكوه فاك عينه
عادل: يمه حمدي الله وشكري وين جنه وين صرنه وهدي شوي لَا يرجع ضغطج يصعد
احمد:يمه بداعتي عندج لا تقهرين روحج وروحي للبيت ارتاحي
الشيخه: والله ما تحرك منا لحد يكلي روحي ارجع للغرفه الجنت بيها بس كون اظل يمك
احمد: عادل اخذها خويه هي وابوي وانت هم روح ارتاح وخلوا بس وسام يمي
الشيخه: كلت ما اتحرك
احمد:خلص انه هم راح اطلع
عادل: شتطلع قابل هو لعب
الشيخ: هدي بويه هسه نروح كلنا لا تشنج روحك مو زين على جرحك
عادل:وسام أخذهم وروح
وسام: الشيخ كال انت تروح وانه اظل
عادل: لا تصير حمار روح وصلهم وجيب وياك ملابس نظيفه لأحمد ومن تجي انه ارجع
وسام:هااا اذا هيج خوش
اخذتهم ورجعنا للبيت لكينا القيامه كايمه وكاعده
انا اخوك هذا احمد اذا شافهم كبل يرجع للعنايه
الشيخ: بويه انت ليش ما تعرف تحجي الناس فوك ما جايه تتحمد النا السلامه
وسام: بويه يا سلامه هسه ما يكولون ناس مرضى تريد ترتاح
الشيخه: بلا حجي وسام روح اصعد لمرت اخوك اخذ ملابس وارجع بسرعه لا تعوفوه وحده
وسام: مو تدلل الغاليه حجيجج أوامر
النسوان تلكن امي ودخلنا للصاله وانه ادور كممره ما هي سألت هديه كالت تعبانه فوك كل ساعه توكع وكعه كلت الله يعينه صعدت دكيت الباب وصحت
مرت اخوي انه وسام
كمره: سمعت صوت وسام وانه طفرت سويت المسافه بين الجربايه والباب شبخه وحده فتحت الباب
هااا خويه بشر (بجي)
وسام: آفا كمره ليش البجي وهاي شصاير بيج
كمره: اولي انه بس كلي هو شلونه
وسام: ما بي شي خويه وداعتج صحى وحجى ويانه وهسه حضريلي اله ملابس على ما اروح اسبح وأبدل واجي أخذهم
كمره: ماشي
دخلت بسرعه حضرت ملابس وخليتهم بجنطه صغيره وحضرت روحي ولبست عبايه شويه ودك وسام الباب
وسام: ها كمره حاضره الملابس
كمره: فتحت الباب وكتله اي جاهزه
وسام: هاي شنو
كمره: اخذني وياك اروح اشوفه
وسام: تخبلتي شلون اخذج وياي
كمره: ما علي اروح يـ؏ـنـي اروح
وسام: خويه اذكري الله بس يشوفج يذبحني ويذبحج
كمره: خويه من امس لليوم انه متكليه تكلي مشموره محد انطاني خبر ولحد كلي هو شبي ما بي لخاطر ربك اخذني وياك
وسام: خويه المستشفى متروسه عالم وشيوخ وزلم وحرس شتحجين انتي
كمره: راح البس بوشيه محد يعرفني حتى لو خمس دقائق بس اشوفه واطلع
وسام: لا حول الله خويه خل اروح هسه وانطي خبر واذا قبل انه بنفسي اجي اخذج بعد شتردين لأن هسه اذا رحنا ودخلنا والله يتسودن اخوي واعرفه زين
كمره:ما راح يقبل
وسام: اذا ما قبل اخلي يتصل عليج تسمعين صوته وترتاحين
كمره: يـ؏ـنـي ما تاخذني
وسام: لا خويه عذريني ما اكدر شلون ادخل بيج للمستشفى
كمره: هذا هو براحتك بس خليني اسمع صوته
وسام: تدللين وهسه نزلي يم امي لا تظلين وحدج عيونج مورمه من البجي وخشمج كبران صايره تخرعين
كمره: ههههه
وسام: اي هسه ضحكي ورجعي كمره
اخذت الملابس ورجعت للمستشفى لكيت عادل نايم خطيه تعبان دخلت علي كعدته وبدلنا لأحمد ملابسه ورجع عادل ظليت وياه ولد عمي بره المستشفى يحرسون والناس شويه خفت عنه الدكتور كال ما يصير هيج لا ترجع حالته تنتكس وهو لو نايم لو يكعد شويه ويرجع ينام ظل على هل حاله لليل وكمره ما فكتني كل ساعه مخابره وهي حقه ردت اجيبها وياي بس خفت هذا مخبل بس يدري يطلع روحي
احمد:شبي تلفونك كل شويه يدك منو
وسام: شلون سمعته مخلي هزاز
احمد: سمعته منو هاي بالله عليمن لاعب هل مره
وسام: شهل السمعه العندي
عمي والله مو وحده منهن
احمد: تضحك عليمن انت
وسام: مصر تعرف مو
احمد: احجي وفضها عاد
وسام: هاي مرتك
احمد: شنووووووو
وسام: اهدي شيخ على كيفك لا تروح زايد
احمد: شهدى طايح الحظ
وسام: آفا شيخ ترى انه اخوك خل اكلك السالفه وبعدين احجي
احمد: احجي
رسام: حجيت اله كلشي
احمد: تعرف لو جايبها جان شربت من دمك وحق هو العباس ابو فاضل
وسام: جااا انه زوج اجيبها ما رايد روحي زايد شنو
زين هسه حاجيها خل تسمع صوتك هم خطيه طمنها حتى لو بس الووو
احمد: انطيني التلفون واطلع بره
وسام: صارت بيها طرده
احمد: اطلع بره لا تعصبني
وسام: عمي طالع بس اهدى دكتور احمد ولا ترزلها ترى والله صايره حالتها حاله
عفته وطلعت
احمد: دكيت التلفون بسرعه شالته
كمره: الووو ها وسام لا تكلي ما قبل والله اذا ما قبل اجي هسه
احمد: غير اكسر رجليج وايديج فوكهن
كمره: احمدددد (بجي)
احمد: هاي شنو لا تبجين ترى أسده والله
كمره: ما حجيت شي بس هو يسمع شهكاتي
احمد: كمره شكلت مو ردتي تسمعين صوتي هاي انه ما بيه شي
كمره: ما كدرت احجي خنكتني العبره كلش واختنكت وطك خشمي دم
احمد: كمره جاي احجي وياج بيج شي وين رحتي
الشيخه: ها يمه لا تخاف ما بيها شي بس من سمعت صوتك ظلت تبجي والعبره كضتها لا يظل بالك
احمد: خل اسمع صوتها
الشيخه:هسه اخليك تسمع صوتها
يمه كمره بعد كلبي احجي وياه حتى لو كلمه وحده يمه هذا مخبل يعوف المستشفى ويجي
كمره: اخذت التلفون منها وكلت احمد
احمد: روحه لأحمد كولي شصار
كمره: لا تخاف ما بيه شي
احمد: كمره احجي شصار صوتج ما عاجبني
كمره: ما بيه شي بس من البجي هيج متغير
احمد: راح اصدكج هسه روحي ارتاحي وانطيني آٱآمـي
الشيخه: هااا يمه شلونك انت هسه
احمد: زين يمه ظال بالي يمج
الشيخه: لا يظل بالك الحمدلله المهم انت ترجع سالم كلشي ما اريد
احمد: يمه كمره ديري بالج عليها ادري بيها تضم بكلبها
الشيخه: توصيني على بنيتي
احمد: ادري بيج ما تقصرين
الشيخه: الله وياك يمه لا تحجي هواي مو زين عليك
سديته منه ودرت على كمره الدم اخذها اخيذه
هاي ليش هيج شصارلج يا ربي نخلص من ضيم نطيح بضيم ثاني
عادل:سمعت صوت النسوان خبصه عبالي امي صارلها شي دخلنا انه وابوي شفتا كمره وجها كله دم وما انكطع
الشيخ: انا غلام ابوي ولج زمرد شصار الها
الشيخه: شمدريني انه حجت ويه احمد واختنكت وطك خشمها دم
عادل: خويه رفعي راسج لا تخافين ما كو شي
يمه خلي راسها بحضنج وهديه ركضي جيبي الها ثلج بسرعه
الشيخه: يمه كمره احجي وياي بيج شي
كمره:.......
عادل:خويه احجي كلمه لا تخوفينا عليج
الشيخ: بويه لبسنها وخل نأخذها للمستشفى لا تروح البت من ايدينا
الشيخه: اصبر عليها شوي لا تنسى هيه مسويه عمليه لخشمها يجوز منها
كمره حاجيني بنيتي لا تخوفينا عليج
كمره: دايخه ما كدرت احجي يمكن لأن نزفت رفعت ايدي بتعب وكضيت ايد الشيخه
عادل: الحمدلله رفعت ايدها
خويه ناخذج مستشفى
كمره: اشرت بأيدي لا
الشيخ: بويه متأكده
كمره: اشرتلهم اي
انكطع الدم هاي الحاله تصير عندي من اضوج او نفسيتي تتعب او اسمع خبر مو زين ظليت ن͡ـا يمه مخليه راسي بحضن الشيخه وهي تمسح على راسي وتقرأ ايات حسيتها امي الله عوضني بيها حنونه وطيبه وتحب الكل وما تفرق وحقانيه شويه وغفيت بحضنها
عادل: يمه شلون صارت
الشيخه: اشوفها زينه وغفت
عادل: يمه خل تصعد لغرفتها هنا نسوان تجي تتفرج عليها
الشيخه: اي يمه صدك هسه شويه واكعدها
الشيخ: بويه شيلها انت هي مثل اختك وصلها لغرفتها
عادل: بويه ما عندي مانع بس ما تعرف حجي النسوان يتؤل
الشيخ: انعل ابو النسوان
الشيخه: شيخ حجي عادل مضبوط ترى المنك وبيك يحجي ﻋﻠﻴﻚ
الشيخ: لا حول الله
بويه اخوها موجود بالمضيف روح صيحه هو يشيلها بس انت لا تكله شي
عادل: بويه شتحجي هدموها كلهن دم
الشيخ: مي خالف بويه روح صيحه
عادل: صار طلعت للمضيف لكيت صلاح صحته وكتله اول ما سمع تخبل عبالك بته
صلاح: خويه بداعة ابوك سويلي طريق
عادل: • تـٰ؏ـﺂﺂل وياي
دخل مفزوع عليها
صلاح: كموره بنيتي احجي وياي شصارلج
الشيخ: عمي شيلها وديها لغرفتها هناك ترتاح احسن
صلاح: عمي من رخصتك خل اخذها وياي لبيتنا ترتاح وامي تعرف حالتها
الشيخ: لا بويه ما يصير هذا الحجي شلون تقبلها انت رجلها ما موجود واحنا ما مقصرين وياها
صلاح: عمي والنعم منكم اعذرني بس سوولي طريق خل اصعدها
الشيخه: يمه اخذ راحتك
صلاح: شلتها واباعلها الوجه ذبلان واصفر ومسنحه يمكن ما مأكله شي انه اعرفها اذا تضوج تترك الاكل صعدتها وخليتها على الجربايه وهي بعالم ثاني غطيتها وطلعت شفت الشيخه صعدت والشيخ وعادل
شيخه ما اوصيج عليها وخليها من تكعد تاكل ادري بيها ما مأكله حتى لو تجبروها جبر
الشيخه: صار وليدي تدلل
صلاح: من رخصتكم
وباجر امي تجيها
الشيخ: بويه لا تكللها وتخوفها بها الليل منا لباجر جيبها بحجة وتعال
صلاح: تدلل شيخ
الشيخ: عادل بويه وصله
عادل: صار
يله خويه تفضل طلعنا انه وياه ما قبل اوصله قبل لا يروح كال
خويه اي شي يصير عليهاخابرني حتى لو نص الليل
عادل: خويه لا تخاف مثل ما هي اختك اختي هم الله شاهد
حسدت كمره على اخوها تمنيت عندي اخت هم هيج اخاف عليها ضحكت على روحي ودخلت لكيت امي صافنه
شبيج يمه صافنه ترى مو الج للعشاك
الشيخه: صاير وسام ولك
عادل: هههه من عاشر قوما ما كتيلي ليش صافنه
الشيخه: خابرت بيبتك راح تجي
عادل: انا اخوك
الشيخه: اسم الله شبيك فززتني
عادل: بويه هسه تستلمنا واحد واحد غسل وتشحيم
الشيخه: بالله انتم تطلعون شويه تفتكون الا انه اظل مكابلتها وكاعده
عادل: اكلج صدك ليش ما اجت بعرس احمد
الشيخه: جانت مريضه والطريق طويل صعب عليها
هسه شيفكني منها
عادل: هونيها ام احمد هاي ٲℓانــتيہ الشيخه كلها تهابج
