رواية كبرياء شيخ الفصل الرابع والعشرون بقلم زينب
الشيخه: الله كريم خل اصعد اشوف البت اخاف تكعد وترجع حالتها اظل يمها اليوم
عادل: يمه ٲℓانــتيہ هم يرادلج راحه خلي هديه يمها لو سلمى لو رفل المن موجودات
الشيخه: هديه المكروده تعبانه تركض من الصبح لليل ورفل صغيره وسلمى شلون اامن اخليها يمها غير تخنكها
عادل: ........
الشيخه:يمه لا تزعل مني مو قصدي
عادل: لا يمه ليش ازعل حجاية الحق ما تزعل
الشيخه: الله يطلعها من كلبك • ﺂنٰ شۨـِﺂءۙ ﺂللـِه۫ہ ٰ
عادل: امين
يله يمه انه صاعد ارتاح وانتي هم صعدي ارتاحي
صعدت ردت انام توني مطروح على الفراش سمعت دكت باب
صحت منو
سلمى: ما كلت انه بسرعه فتحت الباب ودخلت
عادل: شتسوين هنا
سلمى: اجيت اطمن ﻋﻠﻴﻚ واشوف شمحتاج
عادل: ما محتاج شي تكدرين تطلعين
سلمى: شبيك عادل ليش جاف وياي انه شسويتلك
عادل: سلمى ما اريد احجي بهذا الموضوع رجاءا طلعي
سلمى: ما اطلع عادل ادري بيك تحبني وتكابر
عادل: يا حب يا صخام التحجين علي من كل عقلج
سلمى: عادل انه تغيرت والله ومستعده حتى احلف الك
عادل: هههه صدكتج
سلمى: بس اسمعني ....
عادل: تطلعييييين لو شللللللون
سلمى: لا تصيح الله يخليج والله راح اثبتلك والأيام بينا
عادل: يا ايام ولج غرفتي بصف غرفة احمد اخاف يجي يوم وتخربطين بالغرف
سلمى: ليش تحجي هيج شكلولك علي بت شارع انه ولك انه بت عمك
عادل: ما خليتي شي لبنات الشوارع جانت عندج فرصه وضيعتيها
سلمى: يا فرصه التحجي عليها انتم ما تحبوني هاي لو كمره توجفون عليها رجف
عادل: اصحج تجيبين اسمها على لسانج أنتي ما توصلين ذره من شرفها وأخلاقها ♯ވلــ๋͜͡ج صارلها عشرين يوم عدنا ما يوم سمعت الها صوت ولا رفعت عينها بعين واحد من الولد ولا تجاوزت على احد تقارنين روحج بيها
سلمى :يجي يوم وكلكم تتندمون وانت اول واحد واذكرك
عادل: هسه طلعي وبعدين نشوف
سلمى: عفته وطلعت وانه اتوعد لكمره الله ياخذج ونفتك منج وجه الفكر من اجتنا جابت الفكر كله وياها
عادل: يلعن ابو طاهرج بالله انه شحبيت بيها
احمد: ظليت الليل كله الوب ظل بالي يمها ما مطمن كلبي يكلي صاير الها شي وهذا وسام الزفت خامد ويشوخر على راسي بالله هذا جابوه يمي ينام نعله على ابليسه ما اكدر اتحرك التلفون يمه شيكومني اخذت بطل ماي يمي بأيدي الصاحيه وشمرته على راسه كعد مخروع
وسام: هاااا بويه شصاير خيررر شيخ ما بيك شي
احمد: شكلك بالله هسه انه شخيرك كعد المرضى كلهم اجت الممرضه كالت نصوااا الصوت
وسام: شيخ وداعتك تعبان امس كله ولا نايم ساعه
احمد: انطيني التلفون وارجع اخمد
وسام: اخ والله حلم فززتني منه هسه شلون ارجعله
احمد: غسل اي والله
اخذت التلفون وخابرت عليها يدك وماكو رد الساعه عشره مو مال واحد ينام اخاف جوه وما تسمعه وانه منبها الف مره كايللها تلفونج يمج دكيت على امي مره ومرتين والثالثه شالته
الشيخه: ها يمه وسام خير اخوك بي شي
احمد: يمه هذا انه احمد
الشيخه:هاا بعد امك وروحها خو ما بيك شي
احمد: لا يمه ظل بالي ادك على كمره ماكو ما هي
الشيخه: لا يظل بالك يمه نايمه وانه يمها
احمد:شبيها يمه احجي الصدك انه كلبي يلعب
الشيخه: وداعتك وغلاتك ما بيها شي بس ما تاكل وصار عدها هبوط
احمد: ليش ما تاكل هاي مخبله
الشيخه: يمه طبيعي يصير بيها هيج شتريد منها تشوف رجلها بين الحيا والموت وهي تكابل الصينية وتآكل
احمد: والله لو يمها انه اجتفها وأوكلها كوه
الشيخه: لا تخاف حتى اخوها هم يعرفها وكال هيج وراد ياخذها وياه
احمد: شلون ياخذها وياه هيته هي شنو
الشيخه: غير اخوها وخايف عليها ولا تخاف ابوك ما قبل ياخذها
احمد: يمه كمره ما تتحرك من البيت واذا اجي والكاها رايحه احرك بيت اهلها واكلب عاليها واطيها
الشيخه: على كيفك تهدى شبيك ما راحت البت • ﮪل نايمه يمي من تكعد انه اخليها تخابرلك وانت ارتاح وأخوك وين الشفيه
احمد: يشوخر
الشيخه: ههههه ما منه فايده هسه روح ارتاح وليدي لا يظل بالك كم يوم وتطلع وتشبع منها وتملها
احمد: الله كريم يمه
سديته وكلت شمل منها هو خل استفتح انه حتى امل
ظليت اسبوع بالمستشفى واجى يوم الاطلع بي للبيت طلعنا ولكيت آلامه مكلوبه كلها كدامي دخلوني للمضيف مخلين جربايه هناك حتى ارتاح عليها وهم ما يصير اتحرك هواي ظليت لليل ما خلصت العالم ناس تروح وناس تجي وشيوخ اجت من العماره ومن الناصريه والكوت وانه تعبان وكوه فاتح عيوني بألف يا علي كفت الناس ظلوا بس الاهل اريد اشوف امي ومرتي طاك كلبي عليهم بس شلون ما يصير يجن هنا تحججت بملابسي ابدلهن كلت لوسام اريد اطلع ابدل ملابسي
وسام:شيخ قبل شوي بدلت
احمد: انجب ولك تعبت اريد ارتاح
وسام: كول مشتاق لمريتي اريد اشوفها
احمد: ولك صوتك ابن...
لا تخليني اسبك هسه بنص المضيف امشي دخلني جوه سافل
وسام: هههه عمي امشي بس راح تتلكاك حجيه ليلى انه ما علي
احمد: لا بشرفك خليني كاعد هنا احسن
وسام: هااا شيخ آفا ﻋﻠﻴﻚ هذا انسحاب تكتيكي
احمد:والله ولا اكوم منا
وسام: ولك لو شايفه استلمتني غسل ولبس
احمد: ول ولك شلون تحجي هيج اخوك الصغير انه
وسام: ااااه تسكت لو اصيح حجيه ليلى
احمد:هسه الصمك على حلكك
كمره: اليوم طلعت احمد من المستشفى البيت مستنفر من الصبح انه تحسنت صرت احسن من قبل واليوم جان عندي حماس راح يجي احمد اريد بس اشوفه احس شي ناقصني مثل الفراغ بس شوفته تملي بهل الاسبوع الفات تأكدت انه مو بس احبه لا وأعشقه هم اشتاقيت لكلشي لشكله لعركنه لأوامره حتى لخزراته طلع من الصبح بس ظل بالمضيف خلص اليوم كله وهو ماكو
وانه كاعده على نار راحت العالم ظلوا بس الاقارب كلت هسه يجي بس ماكو نزلت كعدت يمهم بالاستقبال بعـٌـــِد ما ايست من جيته وتلكتني الحجيه
ليلى: هلا بسورهن ونورهن تعاي بعد رويحتي هاي النسوان الترد الروح
الشيخه: يااا حجيه جا احنا شبينا
ليلى: كلشي ما بيجن جنجن هوايش
سلمى: بيبي شبيج ويانا انتي نظرج ضعيف
ليلى: جيره لهل حلك شمالني اشوف عدل
الشيخه: على بختج حجيه من تجيبين هذا الحجي
ليلى: من الجيران وشمالج تسودنتي منها
الشيخه: كمربنيتي قبل لا تصير جنتي عليمن اتسودن
ليلى: اكولن بعد عمه وجنه وعدج الحساب ( تعوج بحلكها)
اكولن هذا رجلج المصوب ما اجالج
كمره: لا حجيه يمه ناس اكيد ما يكدر يجي
ليلى: يماا افيش شلون تحجي
سلمى: والله بيبي محسستنا جايبيها من اوربا شدعوه انه احلى منها
ليلى: الغسل اي والله شجاب الثوم على الحلقوم
سلمى: يااا بيبي شجاج علي انه مو بت ابنج ترى ازعل والله
ليلى: وزعلتهم
دارت على ام سلمى
ٲℓانــتيہ هي المسمومه سكتي بتج لا اكوم انعل سلفا سلفاها
ام سلمى: حجيه عيب شنو مسمومه
ليلى: جا صدك مسمومه قابل انه مجذبه
دارت على الشيخه
خابري على ولدج هسه كلهم يجون يمي واولهم هذا ابنج المصوب
والله متحلفه بي يا يابه يا بويه بس خل اكضه
الشيخه: بداعتي عندج حجيه لا تحجين وياه ترى توى طالع وتعبان خلي يصير زين ومنج اله
ليلى: خابريهم هسه اربعتهم وانتي المسمومه هم خابري على ولدج خل يجون
الشيخه: صار حجيه امري لله
كمره: سمعت بالولد راح يدخلون وانه كمت ردت اطلع
ليلى : شو كمتي وين رايحه
كمره: حجيه راح يدخلون الولد واحمد ما يقبل
ليلى: دكعدي شحده وجكده يفك حلكه
الشيخ: يااللله ها حجيه شنو اليوم عندج اجتماع ويانا
ليلى: هلا بيك يمه بعد امك هلا بهل الصوت وين ولدك شو سطرهم جدامي
الشيخ: دخلوا بويه عدكم تحقيق اليوم
ابو سلمى: شلونج حجيه عاش من سمع صوتج
ليلى: هلا يا بعد طوايفي انت هم حضر ولدك
كمره: دخلوا الولد والبنات كلهم للاستقبال سلموا على الحجيه وباسوا راسها اخر واحد دخل احمد انه شفته شلون الروح وردت بجسمي هو شافني أتفاجأ يدري بيه ما ادخل اذا اجوا ولد عمه هو محذرني بس شسوي الحجيه خلتني بموقف لا احسد علي بس اشوفه تعبان كوه يمشي وسام كاضه من ايده ما كدر يدنك يبوس بيبيته هي شافته ودارت وجها
احمد: آفا حجيه ليش هيج وياي
ليلى: لا تحجي وياي وبعدين انه بيبيتك مو حجيه
احمد: اسف بيبي شو دنكي راسج
ليلى: شسوي بي
احمد: ابوسه شسوي بي
ليلى: ما اريد بوستك
احمد: بيبي مبين زعلج ثكيل
ليلى: ثكيل وبس هاي فوك سوايتك شلون تعرس بدون علمي
احمد: غير مريضه ٲℓانــتيہ والطريق مو زين عليج
ليلى: هذا مو عذر كوم من يمي ما احاجيك
وسام: بيبي لخاطري
ليلى: هذا يا هو الحجى المسربت
الكل: هههههه
وسام: بيبي شبيه مسربت شو شحلاتني وشخصيه والنسوان يموتن علي
ليلى: امده النسوان التحبك
احمد: وسام اسكت سحلتك هواي
ليلى: انت هم اسكت خليني ساكته عليك
عادل: حجيه جا هو وحد هم سحلي
ليلى: والله جاي اسحله سحله معدله بس شفعتله هاي الجماره مريته
كمره: عزااا العزاني كلها انتبهت علي انوب جماره كلساع مطلعتلي اسم
احمد: حجيهههه
ليلى: شبيك ولك ما ادري اشافت بيك وخذتك
الشيخه: حجيه ما تعبانه من الطريق كومي ارتاحي
ليلى: ما عليج ٲℓانــتيہ بيه مرتاحه
الشيخ: يمه صدك كومي ارتاحي ٲℓانــتيہ تعبانه والوكت تأخر واحمد لازم يرتاح
ليلى: جا ما يكوم كاضته
احمد: خلص بيبي انه اريد ارتاح
وسام تعال وياي كضني
ليلى: شني هذا السربوت يكضك مو عندك مريه
وسام: بيبي لازم يبات بالمضيف ما يكدر يصعد فوك
ليلى: جا هو مكسح الطلقه بجتفه موش برجله
شو كوم تعالي جماره كضي رجلج واخذي صعدي لفوك
احمد: بيبي اسمها كمره مو جماره واسكتي عنه
ليلى: يمه حتى اسمها شحلاتها
وسام: بيبي لو ما اعرفج مره جا كلت نصبتي عليها
ليلى: محد ينطيني نعال خل البكه بي
الكل: هههههه
احمد: انه اترخص يله كمره تعالي
كمره: كمت سندته من ايده وطلعنا من الاستقبال بس هو وجها محتقن عرفته عليمن صعدنا الدرج على كيف وصلنا للغرفه دخلنا وسديت الباب
رجعت كضيته وصلته للجربايه وخرت اللحاف بس قبل لا اكعده تجرأت
وحضنته حضنه قويه حتى ما حسبت لجرحه
