رواية دار الايتام الجزء الثالث (اللقاء المنتظر) الفصل الخامس والعشرون
الفراق أصعب شعور ممكن يمر علي شخص 💔🥺
............
خرجت سيلا من الڤيلا بعد ما اتأكدت ان نوني نامت حضرت شنطتها ومشيت الصبح راحت علي الڤيلا.
دخلت سيلا الڤيلا بتاعتها وقفت قدام البوابه ونزلت شنطتها واول ما بصت علي الڤيلا نزلت دموعها بوجع.💔🥺 وبدأت ذكرايتها تهاجمها.
بصت علي المرجيحه من بعيد ودموعها نازله تجري علي وشها💔
فلاش باك..
بدر...سيلا سيلا
سيلا...اممم انت جيت
بدر..ايه اللي نيمك هنا
سيلا....مش عارفه
بدر...مش انا قولتلك خليكي جوه لحد ما اجي
سيلا....انا قولت أستناك هنا.
بدر....طيب يلا قومي ايه الجمال ده.😉
باااااك
أبتسمت سيلا بوجع وهي دموعها نازله وبصت علي البوابه مكان عربيتها وأفتكرت موقف تاني.
فلاش باك..
بدر...ملبستيش ليه كل ده
سيلا...ماانا جاهزه اهو ومستنياك
بدر...جاهزه ايه انتي هتخرجي كده
سيلا...في ايه ماله لبسي.
بدر...اطلعي غيري يا سيلا ومتعصبنيش😡
سيلا....اعصبك ليه بس ماهو البدي كويس اهو.
بدر....هو ايه اللي كويس البدي ابيض ومبين لبسك من تحت وبعدين صدرك باين😡 يلا غيري
بااااك.
مسحت دموعها ودخلت بهدوء علي الڤيلا فتحت بالمفتاح وهي باصه علي الباب وافتكرت لما جالها.
سيلا....بدر في حاجه
بدر...اه في جعان اوي وجاي اكل معاكي.
سيلا...بأبتسامه بجد.
بدر....بجد😉
مسحت دموعها ودخلت جوه وقفلت الباب وفضلت واقفه في وسط الڤيلا تبص علي كل مكان كان ليه ذكري معاها فيه.
ودموعها بتجري علي خدها من غير اي صوت وكأن صوتها رافض يطلع.
فلاش باك.
بدر...سيلا سيلا انتي نمتي
سيلا...لا لا معاك كمل
بدر...كمل ايه انتي طرتي يلا اطلعي نامي وانا هروح عشان الحق انام شويه.
سيلا...خليك معايا شويه
بدر...بلاش دلع بقي ويلا قومي الساعه اربعه.
سيلا...طيب هشوفك انهارده.
بدر ..هكلمك ونشوف مع بعض
قرب بدر يبوسها من راسها.
بدر....انتي قصيره اوي😉
سيلا....ده انت اللي طويل اوي
بدر...في دي عندك حق😉
بااااك..
بصت سيلا علي المطبخ.
بدر...تعالي يا ستي انا هعلمك القهوه بتتعمل ازاي
سيلا...ماشي انا شيفاك.
بدر...لا تيجي جمبي عشان تعمليها بنفسك.
قربت منه بأحراج ومسكت كرسي عشان تطلع فوق الرخامه وفجأه لقت بدر شالها من وسطها رفعها عالرخامه🙈 وقف يشرحلها وهي تعمل زي ما بيقول وبعد ماخلصت
سيلا..ايه رأيك.
بدر...تجنن تسلم ايدك😉
موقف ورا موقف ورا موقف وهي بتلف حوالين نفسها تبص علي كل مكان جمعها ببدر وفجأه بدأ صوت عياطها يطلع وأتحول لصراخ من قلبها وهي بيتردد في ودنها كلمه بدر.
أنتي طالق ياسيلا.
سيلا....ااااااااااااه ااااااااااه بدرررررر
وقفت تصرخ وتكسر في كل حاجه تقابلها بعنف لحد ما حست انها خلاص كل قوتها استنفذتها في الصريخ و التكسير و العياط
قعدت علي الارض وسط التكسير ده كله وضمت رجلها ونامت.
................
وصلت سما وريم قدام الڤيلا بتاعت روكا.
ريم....بقولك ايه هو احنا هنقولها.
سما....مش عارفه ياريم بس هي لازم تعرف ولازم تيجي معانا نروح لسيلا.
ريم....طيب مش نستني شويه يمكن عامر رجع
سما...عربيته مش موجوده وشكله بات معاهم نوني قالت انه راح عند شقه عامر واكيد كلهم مش هيسيبوه بعد اللي حصل وهي لسه مخرجتش عربيتها موجوده.
ريم...طيب بقولك ايه ايه رأيك نقولها ان سيلا عندها مشكله مع بدر و سابت الڤيلا و ناخدها معانا وتعرف هناك علي طول انا بصراحه اخاف لو قولنالها تقلب علينا وتقلب علي سيلا و مترضاش تروحلها.
سما...انا بقول كده بردو.
ريم...طيب يلا خبطي .
رنت سما الجرس مرتين واستنت روكا تفتح.
سمعت روكا الجرس نزلت تجري كانت مفكراه عامر.
أول ما فتحت ولقت سما وريم أختفت أبتسامتها و اتصدمت من التوقيت اللي هما جايين فيه.
روكا....انتوا ايه اللي جايبكم الوقت😳
ريم....طب قولي صباح الخير اتفضلوا😒
روكا...بت انتي انا مش فيقالك علي الصبح الساعه عشره ولا داخله علي عشره في ايه بجد
سما...طيب دخلينا بس هنقولك.
روكا....بقلق ادخلوا.
دخلوا وقفلت روكا وراهم.
روكا...فهموني بقي في ايه انا مش ناقصه قلق.
ريم...بصراحه بقي احنا جايين ناخدك.
روكا....تاخدوني علي فين يابت انطقي انتي وهي سيبتوا أعصابي.
سما...يابنتي مفيش بس سيلا شكلها متخانقه مع بدر وسابت البيت
روكا....نعم يا اختي انتي وهي يعني ايه متخانقه ويعني ايه سابت البيت.
سما....معرفش انا لاقيت نوني بتكلمني وقالت انها كلمتك و مردتيش و حكتلي وكانت عايزه تطمن علي سيلا وتعرف هي فين.
روكا....اكيد راحت الڤيلا ولا يمكن اصلا مزعلتش وراحت علي شغلها وهترجع بليل عادي.
سما...لا ماهي كلمتني تاني وقالت انها خدت شنطه هدومها🙄 فا اكيد راحت الڤيلا.
روكا....نهار ابوها اسود خدت شنطه هدومها سيلا وبدر مستحيل اكيد في حاجه غلط.
ريم...بقولك ايه مش وقت كلام تعالي يلا نروحلها عالڤيلا ونطمن عليها
روكا....اترزعي هنا انتي وهي لحد ما ألبس بسرعه 😡 الله يخربيت أسطباحتكم علي الصبح جوز بوم🦉 مبيجيش من وراكم خبر عدل
😡😡
سابتهم روكا وطلعت تلبس.
ريم....🙂🙂🙂 نهار اسود امال لو كانت عرفت 🙆♀️
سما...الحمد لله اننا مقولناش
ريم...بقولك ايه ما تاخديها وتروحي انتي وانا شويه واحصلكم🙄
سما...والله ابدا رجلي علي رجلك انا حاسه اصلا ان في مصيبه هتحصل🥺🥺
ريم...اكتر من اللي احنا فيه اقفلي بوئك ده عالصبح والنبي ليها حق تقول علينا جوز بوم 🦉
فضلوا قاعدين شويه لحد ما روكا نزلت
روكا...😡😡يلا قومي انتب وهي لسه بتحكوا
سما....احنا نطقنا ما احنا قاعدين مستنينك اهو🙄
ريم...بقولك ايه هتركبي معانا ولا هتركبي عربيتك.
روكا...لا هركب العربيه عشان هطلع علي الشركه.
ريم...اوك يلا.
خرجوا البنات ورا بعض وبعد مده مش طويله وصلوا ادام الڤيلا بتاعت سيلا وأطمنوا لما لقوا العربيه بتاعتها.
ريم....ايه ده دي سايبه العربيه مفتوحه والبوابه مفتوحه والشنطه بتاعتها هناك عالباب كمان مدخلتهاش.
سما....لا يكون فيها حاجه بقولكم ايه انا خايفه ادخل🥺
روكا...بت انتي وهي انا مش نقصاكم انجري قدامي انتي وهي بدل ما أرتكب في حد فيكم جريمه😡
ريم...طيب ادخلي انتي الاول🙄
روكا....ده علي اساس ابقي في وش المدفع يعني واطيه😡😡
دخلت روكا ووراها سما و ريم
قربت روكا من الباب وفضلت تخبط هي والبنات علي الباب
قامت سيلا علي الصوت راحت براحه علي الباب وفتحت
كان منظرها يصدم شعرها مش مترتب باين علي وشها وعينها انها بتعيط بقالها كتير ايدها عليها دم وعينها دبلانه تشبه الاموات
روكا....بصدمه في ايه انتي كويسه.
قربت منها سما وهي دموعها نازله خدتها في حضنها اوي
ريم...سيلا ردي علينا حبيبتي.
روكا...في ايه يابت لكل ده
ريم...طيب تعالوا ندخل بس الاول.
سابتها سما ومسكتها من ايدها ومشيت بيها علي الكنبه.
روكا كانت ماشيه تبص علي منظر الڤيلا والتكسير اللي حصل فيها
روكا....يانهار اسود و منيل ايه اللي حصل في الڤيلا و ايه اللي حاصل في ايدك مين عمل فيكي كده انتي مبترديش ليه وعامله في نفسك كده ليه عشان مشكله عبيطه اوعي يكون هو اللي عمل فيكي كده ما تنطقي يا سيلا.
سيلا...بضياع بدر طلقني يا روكا وبدأت الدموع تجري علي خدها من غير أي تعبير علا ملامحها
حطت روكا ايدها علب بوئها بصدمه😳🙊
سيلا....طلقني و سابني لوحدي
روكا...انتي بتقولي ايه بدر مستحيل وليه حصل ايه بصت لسما وريم اللي بيعيطوا علي سيلا.
روكا....ماتنطقي انتي وهي انتوا كنتوا عارفين.
ريم....ممكن تهدي ايوه عرفنا بس مرضيناش نقولك غير لما تيجي معانا.
روكا...وانا لو كنت عرفت مكنتش هاجي انطقي يابت انتي وهي وإلا وغلاوه ابويا اكسر عضمك انتي وهي😡😡
سما...طيب اهدي واحنا هنحكيلك كل حاجه.
سيلا....مشكله عبيطه ياروكا وشدينا لحد ما وصلت لكده صدقيني مفيش حاجه.
روكا....يعني ايه مشكله عبيطه اللي تخلي بدر يطلقك مش فاهمه.
ريم...لا ياروكا مش مشكله عبيطه كفايه بقي ياسيلا بوظتي حياتك بغبائك وتفكيرك.
سما...روكا لازم تعرف كل حاجه ياسيلا كفايه اللي حصل اوي كفايه المشكله كبرت ومهاب ويوسف سابولنا البيت احنا كمان وانتي بدر طلقك هيحصل ايه اكتر من خراب البيوت يا سيلا.
روكا....كانت بتبص علي كل واحده فيهم وهي بتتكلم بصدمه ومش فاهمه اي حاجه لكن اللي كانت متأكده منه ان في حاجه كبيره هما مخبينها عليها.
روكا....يوسف ومهاب سايبنلكم البيت وبدر طلق سيلا و بتتكلموا عن خراب بيوت انتي عملتي ايه انتي وهي وكملت بصوت عالي وفقدت اعصابها انطقوااااا هببتوا ايه.😡😡😡
وفي ايه بينكم مخبينوا عليا في ايه بينكم انا معرفهوش.
سما....بدموع انا هحكيلك ياروكا
سيلا...اسكتي ياسما🥺
سما....لا مش هسكت ومكانش لازم اسكت من البدايه كان لازم روكا تعرف.
زقتها روكا بعنف في كتفها وهي دموعها نازله انطقيييي في ايه.
سما....بدر سمع سيلا وهي بتتكلم مع ريم في الموبايل وعرف انها بتاخد مانع للحمل من بعد الجواز
روكا....مانع للحمل انتي بتقولي ايه وليه هو مش انتي لسه محصلش نصيب زي ما قولتيلي يا سيلا.
سيلا...بدموع اسكتي يا سما عشان خاطري😭😭😭
روكا....يعني ايه بتاخدي مانع حمل انطقي بدل ما ارتكب فيكي جريمه ياسيلا مش عايزه تحملي من بدر ليه مش بتحبيه انطقيييي
ريم....سيلا بتاخد منع الحمل بسببك ياروكا🥺🥺💔
بصتلها روكا وهي مش مستوعبه وبتهز راسها بأستفهام ودموعها نازله بسببي انا ؟ انا يعني ايه مش فاهمه عملت ايه يخليها تعمل كده بسببي.
سيلا....ابوس ايدك ياريم اسكتي امشواااا امشوااا كلكم انا مش عايزه حد معايا.😭😭😭💔
قربت منها روكا بغضب انتي تخرسي خالص فاهمه🥺😡
روكا...يعني ايه ياريم يعني أيه يا سما.
سما....هفهمك يا روكا🥺💔 الموضوع ده احنا عرفناه من كام شهر بس سيلا بتاخد مانع حمل من بعد ما انتي عملتي العمليه وهي قررت انها تاخد مانع حمل عشان انتي متتوجعيش خصوصا ان انا وريم حملنا بعد الجواز فا خافت انها تحمل زينا بعد العمليه بتاعتك خافت توجعك وقررت بينها وبين نفسها انها تاخد مانع حمل لحد ما انتي تحملي لما قالتلنا غلطناها كتير وكتير انا هددتها اني هقولك بس هي كانت مكمله لحد امبارح بدر سمعها وهي بتكلم ريم وبيتكلموا في الموضوع ده أتصدم وطبعا المشكله كبرت وحصل اللي حصل وفي نفس الوقت ده يوسف سمع ريم وهي منفعله علي سيلا ولما سألها في ايه وايه اللي سمعه ده حكيتله وطبعا سابلها البيت وهي كلمتني وانا اضطريت اعرف مهاب
ولما عرف عمل زي يوسف و ساب البيت هو كمان وراحوا عند عامر
وكان لازم نعرفك هو ده كل اللي حصل.
روكا كانت واقفه ثابته وجامده دموعها بتجري علي وشها وملامحها مرسوم عليها الصدمه وعدم الإستيعاب الكافي للي بتسمعه من سما والكارثه اللي سيلا عملتها وكأن حد ضربها بحاجه في دماغها خلاها فقدت التركيز .
روكا...يعني ايه ؟ هااا يعني سيلا أتطلقت بسببي؟ يعني انا قاعده في البيت ومعرفش اي حاجه وانتوا الدنيا و العه معاكم بره.
واحده تطلق واتنين أجوازتهم يسيبولهم البيت و يمشوا طب ليه؟ ليه مقولتوليش من اول ما عرفتوا عن القرف اللي هي بتعمله
ده انتوا طول عمركم قبل ما تعملوا اي حاجه تجروا عليا الوقت جايين تجروا عليا بعد المصيبه ما حصلت. طب قولولي المفروض اعمل ايه هااا اعمل ايه اروح لبدر اللي زمانه مش طايق يبص في وشه ماهو حقه واحد اتحرم من انه يبقي اب سنتين بسبب ان مراته مانعه نفسها من الحمل عشان صحبتها حقه ميبقاش طايقني. ولا اروح ليوسف ومهاب اقولهم حقكم عليا انا كنت السبب في ان حياه صاحبكم تبوظ انا اللي كنت السبب ان صحابي يخبوا عليا و يشتركوا في مصيبه زي دي. اقولهم ايه فهموني انا دماغي واقفه
سما....بدموع ياروكا افهمي احنا كنا خايفين نقولك عشان منوجعكيش كنا بنحاول نحل الموضوع بعيد عنك
روكا ..وحليتوا يا سما ؟ طب بلاش حليتوا تفتكري انا الوقت متوجعتش لما عرفت ده انتوا وجعتوني و دمرتوني وشيلتوني حملكم اكتر🥺💔
انا مش طايقه أشوفكم أنتوا التلاته من امته وانتوا بتخبوا عليا حاجه بتتفقوا وتخبوا وبقي في بينكم اسرار ده احنا طول اليوم بنتكلم أزاي قدرتوا تخبوا عليا أزاي انا محستش ان في حاجه بتحصل من ورايا.
سيلا....بدموع روكا ارجوكي اسمعيني انتي ملكيش ذنب في اي حاجه بس انا كمان مقدرتش طول عمرك بتعملي عشاني كل حاجه طول عمرك واقفه جمبي طول عمرك مستعده تفديني بروحك كان اقل حاجه اعملها عشانك اني استني وأجل الحمل لحد ما اشوفك حامل لحد ما أشوفك مبسوطه. عملت كده عشان بحبك
نزلت روكا بعزم ما فيها بالقلم علي وش سيلا وهي دموعها مغرقه وشها.
سما....روكاااا.
حطت سيلا ايدها علي وشها بصدمه وريم حضنتها.
ريم...بدموع لا يا روكا بلاش الموضوع يوصل لكده أرجوكي.
روكا بعصبيه وصوت عالي وانهيار
انتي عملتي كده عشان غبيييييه
عملتي كده عشان متفهميش
قربت منها وهي بتزقها في كتفها وريم وسما بيحاولوا يبعدوها عن سيلا.
روكا...كنتي بتحسي بأيه وانتي بتاخدي كل يوم حبايه يا سيلا هاااا قوليلي كنتي بتفكري ازاي وقتها عملتبها ازاي دي يا جاااااحده وكملت بأنهيار ده انا قدامك بموت كل يوم عشان اجرب أحساس اني ابقي أم 💔 محستيش بأن الامومه دي حاجه تستاهل وانتي شيفاني بحاول أقنع عشق اني أتبني ليان مشوفتنيش وانا ناقص أبوس رجلها عشان توافق مقولتيش لنفسك روكا عامله في نفسها كده ليه؟ اليوم اللي كنت اضعف فيه مخلوقه علي وجه الارض مخلكيش تحسي انك لازم توقفي القرف ده وقربت منها تاني وهي بتزق فيها بعنف قوليلي كنتي بتحسي بأيه وانتي بتاخدي المانع
سيلا....بدموع وقهر مكنتش بفكر في حاجه غير فيكي ياروكا مكنتش حابه اشوفك بتتوجعي مكنتش قادره احمل وافرح وانتي بتتوجعي قدامي. صدقيني ياروكا انا يمكن اكون غلطت بس عملت كده عشانك.
روكا.....عشاااااان غبيه مش عشاني💔 يابت انا لومكانك كنت مستعده أقدملك روحي إلا أني اعمل كده عشانك..
انا لو مكانك كنت مسكت في كل فرصه بأيدي وسناني تخليني اكون أم..
لو مكانك مكنتش هفكر فيكي وقتها يا غبيه كنت همسك في رزقي اللي ربنا باعته واحمد ربنا عليه مش ادوس عليه بالجزمه زي ما عملتي انا كان كفايه عليا اشوفك معاكي طفل زي ريم وسما ايه كنتي مفكراني هزعل شيفاني وحشه شيفاني مستكتره عليكم رزقكم من الدنيااا💔
بتجامليني في ايه يا حيوااااانه فاكره لما حياتك باظت وحرمتي نفسك من الامومه انا كده هبقي مبسوطه.
انتي لو شيفاني كده يبقي انا مستاهلش اكون صاحبه مستاهلش اكون سند زي ما بتقولوا.. اللي عملتيه ده مش حب دي شفقه يا سيلا شفقه عمري ما هقبلها
سيلا...لا ياروكا انا مفكرتش كده صدقيني.
روكا...هي ملهاش تفسير غير كده يا سيلا عشان مفيش حد بيجامل حد علي حساب نفسه وحياته مصعبش عليكي نفسك مكنتيش مشتاقه للأمومه مصعبش عليكي بدر اللي طول الوقت بيحاول يخليكي اسعد واحده في الدنيا أستكترتي عليه فرحته أستكرتي عليه تجامليه بحاجه زي ما جاملتيني يا ستي نوني مصعبتش عليكي وهي معندهاش غير بدر تفرح بيه وبولاده..انتي مفكرتيش في اي حاجه للاسف يا سيلا كل اللي فكرتي فيه انا وياريتك فكرتي فيا بطريقه صح💔
دمرتي حياتك ودمرتيني معاكي أكتر حرام عليكي ياشيخه حرام عليكي.
ريم...روكا اهدي والنبي عشان خاطري😭
روكا....انا مش عايزه أشوف وش واحده فيكم ولا عايزه أسمع صوتكم انا هروح أحاول اصلح العك اللي عملتوه وبعدها مش عايزه اتكلم معاكم
سما...ياروكا والنبي متقوليش كده انتي عارفه اننا بنحبك احنا غلطنا ومعترفين بغلطنا بس متخليش الموضوع يكبر بينا اكتر من كده.
روكا...بوجع الموضوع اكبر مما تتخيلوا يا سما للاسف 🥺💔
الموضوع كبر لدرجه انه خلص وانتهي وانا بعد كل القرف اللي عملتوه ده لازم انا بردو اللي أصلح وراكم وكملت بدموع وقهر
بس المرادي انا هصلح وراكم وانا سبب في الخراب ده من غير اي ذنب ربنا يسامحكم ربنا يسامحكم علي الوجع اللي في قلبي💔
خرجت روكا بسرعه من الڤيلا وسما وريم بيجروا وراها.
ريم...استني ياروكا والنبي استني متسوقيش وانتي في الحاله دي.
سما....طب انا هاجي معاكي استنب والنبي.
روكا...امشوا من وشييييي مش عايزه اشوف حد فيكم ولو حد فكر يطلع ورايا هتكون نهايتكم معايا ابعدووووا
ركبت روكا العربيه و داست بكل قوتها علي البنزين لدرجه ان العجل عمل صوت قوي في الارض.
ريم....سما احنا لازم نكلم عامر او اي حد لازم حد يلحقها.
سما....مهاب موبايله مقفول😭
ريم...ويوسف لازم نجرب بدر وعامر.
سما...تعالي بسرعه
دخلوا تاني لسيلا كانت واقفه في مكانها زي ماهي دموعها نازله وكأنها تايهه وضايعه روحها بتتسحب منها بدر وروكا خسرتهم بسبب غبائها .
ريم....بدموع سيلا انتي كويسه
سما....اوعي تزعلي من روكا كويس اوي ان رد فعلها وصل لكده انتي عارفه انها بتحبك وبتحبنا ومستحيل تبعد عننا هي بس ترتاح كام يوم وهنكلمها
ريم....الصدمه كانت كبيره عليها ياسيلا ومد ايدها عليكي ده من حبها وخوفها عليكي روكا اتصدمت من طللقك لما حست انه بسببها صدقيني.
سيلا...بتوهان روحوا وراها أرجوكم متسيبوهاش روكا محتاجلكم الوقت اكتر من اي وقت عدي.
ريم....احنا لازم نكلم عامر هو الوحيد اللي هيقدر يسيطر عليها في الحاله دي.
سيلا....طيب روحوا يلا وراها الاول وحاولوا توصلوا لعامر
سما...بدموع طيب هنرجعلك تاني ماشي .
سيلا...انا كويسه روحوا لروكا.
باستها سما وباستها ريم وخرجوا بسرعه يمكن يلحقوا روكا.💔
..................
روكا كانت بتسوق بسرعه فظيعه وحاسه انها مش شايفه الشارع من كتر الدموع اللي في عينها حست انها محتاجه تكلم عامر
اتصلت عليه لقيته مغلق اتصلت علي بدر لقيته مغلق جربت يوسف ومهاب هما كمان مغلق مكانتش تعرف ان كلهم خلص منهم الشحن ومحدش فيهم معاه شاحن في شقه عامر. فا قررت انها تروحلهم.
لكن حست انها محتاجه تكلم هاشم اوي في اللحظه دي حست انها محتاجه تنفجر من العياط معاه وتخرج وجع كبير اوي جواها
اتصلت عليه وهي منهاره.
الخط أتفتح.
روكا....بدموع بابي محتاجه أتكلم معاك.💔🥺
جالها الرد في الوقت ده اللي خلاها حست ان الدنيا لسه بتديها فوق دماغها من غير رحمه
صفيه...بدموع ايوه ياروكا انتي فين بكلمك من بدري مكنتيش بتردي.
روكا...😳مامي في ايه الموبايل صوته كان مقفول مسمعتش بابي في حاجه💔
صفيه....هاشم تعبان من بليل ياروكا اوي وروحنا بيه المستشفي ورجعنا تاني الساعه سته الصبح هاشم مش دريان بالدنيا ياروكا وطلب انه يشوفك تعالي ياروكا بسرعه عشان خاطري💔💔😭
قفلت روكا معاها الخط وهي في حاله ذهول وحست للحظه ان الدنيا وقفت شايفه كل حاجه حواليها ثابته وهي بس اللي بتتحرك داست علي البنزين بكل قوتها وطلعت علي أسكندريه من غير ما تقول لأي حد وكل اللي همها انها تلحق ابوها وتنقذه سما وريم كانوا بيتصلوا عليها كتير
مسكت الموبايل قفلته وداست علي البنزين وطلعت علي الطريق كانت سايقه بسرعه جنونينه و كأن كل اللي كان واجعها وشاغل بالها أتبخر ومبقاش في في عقلها غير هاشم توأم روحها💔
..................
عند لمار خلصت الڤيلا كلها وفرشت والمفروض مانت هتمشي بليل علي الڤيلا وكانت مقرره انها تعرف البنات و دياب يعرف الشباب انهم هيتجمعوا عندها يوم الجمعه. وكانت مستغربه من أختفائهم فقررت تدخل تسأل غليهم علي الشات..
لمار...صباح الخير يا بنات عاملين ايه وليه مختفيين كده محدش بيدخل ليه طمنوني عليكم انتوا كويسين.
نور....صباح الفل يا قلبي بخير الحمد لله بس تاليا تعبانه شويه وعدت سليم فا كنت مشغوله معاهم انا وعشق وطبعا تمارا وزهره اللي شايلين الشغل علي دماغهم.
لمار...الف سلامه عليهم يا حبيبتي ربنا يشفيهم يارب طيب عما احسن الوقت.
نور...اه الحمد لله كنا فين وبقينا فين.
تمارا....صباح الفل انا هنا اهو اخيرا حد دخل قال حاجه في الشات ده.
لمار...تيمو عامله ايه ياقلبي غصب عني والله انتوا عارفين اني كنت مطحونه واخيرا خلصت والمفروض اننا كنا هنمشي انهارده ودياب كان هيقابل ليل عشان يديله مفتاح الشقه وقولت ادخل اشوفكم واعرفكم ان كلكم غصب عنكم هتيجوا يوم الجمعه وتبقي اول عزومه ليكم في الفيلا الجديده وتشوفوها بعد ما خلصت
عشق....السلام عليكم عامله ايه يالمار مبروك ياقلبي يارب تكون وشها حلو عليكم وسامحوني اني مشغوله مع سليم كاموا واخدين دور رخم بس الحمد لله عدت علي خير.
لمار....عليكم السلام الف سلامه عليه يا عشق. عذراكي يا قلبي تعبهم مقرف اصلا بس انا قلقت عليكم مش اكتر.
عشق...البنات كمان محتفيين انا كنت ناويه اطمن عليهم انهارده سيلا و روكا وريم وسما طمنونا عليكم يا بنات انتوا فين.
تمارا...فعلا مختفين خالص ومحدش فيهم ظاهر يارب يكون خير طمنونا يا بنات.
عشق....انا هكلمهم وأشوفهم كده واطمنكم.
لمار...وانا هكلم روكا اشوفها
تمارا...طيب طمنونا.
قفلوا البنات الشات ودقايق ورجعت لمار.
لمار...انا بكلم روكا يا بنات تليفونها مقفول واتصات علي سيلا برده مقفول وسما وريم مش بيردو.
عشق...انا كمان بتصل عليهم مش بيردو وفعلا سيلا وروكا مغلق.
تمارا....كده في حاجه تقلق مش بعاده يعني سيلا وروكا بيضحوا بدري لشغلهم وسما بتصحي بدري برده عشان تفطر حماها وابنها.
زهره...اذيكم يا بنات عاملين ايه طيب ما حد فيكم يكلم نوني يطمن منها .
عشق....ايوه صح انا هكلمها وارجعلكم.
لمار...عامله ايه يا زهره.
زهره...الحمد لله حبيبتي بخير مبروك علي الڤيلا❣️
لمار...الله يبارك فيكي يارب ❣️❣️
عشق...بنات نوني كمان مش بترد انا كده بدأت أقلق بجد.
لمار....ربنا يستر ان شاء الله
تمارا....طيب خلينا نستني شويه يمكن مش شايفين او مشغولين صدفه يمكن ولو محدش رد نعرف جاسر وليل يكلموا الشباب ويطمنونا.
عشق....ماشي يا ياتمارا خير ان شاء الله هقفل شويه اشوف سليم وأرجعلكم.
لمار....ماشي يا حبيبتي
........
سما....البنات بيتصلوا.
ريم...انا مش قادره ارد علي حد الوقت ولا قادره احكي واكيد صوتي باين عليه.
سما...وانا كمان بقولك ايه هنعمل ايه روكا قفلت موبايلها و الشباب كلهم تليفوناتهم مقفوله
ريم...بغضب يوسف ليلته سوده علي قفل الموبايل ده😡
سما....انا شاكه ان يا اما مفيش شبكه او الشحن خلص خصوصا بدر ومهاب مستحيل يقفلوا موبايلاتهم عشان شغلهم
ريم....مش عارفه بقي ومعرفش كمان راحوا الشغل ولا لا بقولك ايه انتي عارفه مكان شقه عامر دي عالاقل يمكن هو اللي هناك.
سما...لا معرفش بقولك ايه نكلم نوني يمكن تقدر هي توصل لحد فيهم باي طريقه.
ريم...استني هكلمها اتصلت ريم علي نوني مكانتش بترد خالص
مبتردش.
سما....يارب عالقلق لا يكون تعبت ولا حصلها حاجه بسبب اللي حصل.
ريم...بقولك ايه اطلعي علي الڤيلا عند نوني بسرعه نطمن عليها ونشوف هنعمل ايه.
سما...اوك
........
عدي حوالي ساعه إلا ربع وصلوا عند نوني خبطوا بعد وقت بسيط فتحتلهم نوني.
سما...الحمد لله يارب
ريم...انتي كويسه.
نوني...بحزن تعالوا يابنات انا بخير طمنوني حصل ايه
ريم...طمنينا انتي بس عليكي ومبترديش ليه.
نوني....مش عارفه حطيت في الموبايل بقالي اكتر من ساعه بدور عليه وتقريبا كده الصوت مقفول مسمعتش وتعبت من التدوير ضغطي مش مظبوط.
سما.....طيب تعالي يا حبيبتي ارتاحي واحنا هنشوفه.
دخلوا كلهم وحكولها كل اللي حصل كانت نوني حزينه وباين علي ملامحها اللي أتبدلت علي غير العاده.
نوني....حاسه اني في كابوس يا بنات ليله واحده تتقلب علي الكل بالشكل ده لطفك يارب.
ريم...بحزن نوني انتي شكلك تعبان اوي
نوني ..انا بخير عايزه بس اطمن عليهم
سما...انتي سبتي الموبايل فين طيب .
نوني...والله ما فاكره ياسما
سما...طيب خليكي احنا هندور عليه انا وريم.
ريم...بدر مكلمكيش
نوني...كلمته بليل اخر مره لما سبت سيلا تنام وقالي ان موبايله احتمال يفصل هو والولاد عشان مش معاهم شواحن طبعا خرجوا ومش عاملين حسابهم كل ده يحصل ومكانش في عند عامر في شقته القديمه بس قاللي الصبح هيجيب شاحن ويطمني.
سما....طيب الحمد لله المهم انهم بخير بس الوقت احنا عايزين نطمن علي روكا نعمل ايه حاسه ان دماغي هتقف سايبه تيم من الصبح لأُنكل إبراهيم وعايزه اروحلهم في شقه عامر وعايزه ارجع اطمن علي سيلا وعايزه حد يطمني علي روكا وكملت بدموع هو ايه اللي حصل بجد🥺
نوني....اهدي يا سما روكا اكد راحتلهم هي مش قالت هتروح تصلح اللي عملتوه يبقي اكيد ريحالهم احنا نستني شويه وانتي وهي روحوا اطمنوا علي ولادكم او هاتوهم وتعالوا تاني متسيبونيش لوحدي يا بنات انا كمان حاسه اني تايهه ودماغي هتنفجر.
ريم....انا هروح بسرعه اطمن علي كريم ولو لاقيته كويس هسيبه في حاجه هجيبه هو والبيبي سيتر عشان مبقاش قلقانه وهرجعلك
سما....وانا هروح اجيب تيم واجي حرام أُنكل إبراهيم مش هيقدر عليه وبردو هرجع بسرعه قبل ساعه هكون عندك.
ريم....طيب قومي نبض علي الموبايل بسرعه الاول
سما...يلا فضلوا يدوروا عليه لحد ما لقوا ورا ڤازه علي بوفيه السفره.
نوني....تعبتكم يا بنات
سما...تعبك راحه يا حبيبتي هنرجعلك علي طول وخلي بالك من الموبايل الساعه الوقت واحده اتنين هنك ن عندك ان شاء الله
نوني...ان شاء الله هدوا بالكم من نفسكم واللي فينا يوصل لحاجه يطمن التاني
ريم...حاضر يا نوني سلام يا حبيبتي.
..................
الوقت كان بيمر والدنيا مقلوبه والشباب نايمين في دنيا تانيه
ومحدش فيهم عارف اي حاجه
اما عند روكا كانت حاسه ان الوقت مش بيجري ساقت كتير اوي خرجت من عند سيلا قبل 12 والوقت الساعه داخله علي واحده ونص وتقريبا وصلت ساقت في وقت قياسي مشوار حوالي ساعتين ونص خدته في اقل من ساعتين مكانتش بتهدي العربيه ولا بتهدي في اي رادار كانت طايره علي الطريق حرفيا ومش شايفه قدامها واخيرا وصلت روكا
الساعه اتنين في الڤيلا.
كانت شايفه في حركه قدام الڤيلا مش طبيعيه حطت ايدها علي الكلاكس لحد ما شخص من الموجودين فتحلها البوابه دخلت بأقصي سرعه عندها وقفت العربيه وجريت بسرعه لقت حازم جوز ساره واقف وكان بيتكلم في الموبايل اول ما شافها قفل.
روكا.....في ايه يا حازم بابي فين.
حازم...بحزن اطلعي ياروكا هو فوق.
روكا....طيب هو كويس صح.
حازم....شدي حيلك ياروكا😔
وقفت روكا مش مستوعبه وكأن الدنيا وقفت لحظه ومش قادره تترجم الجمله😳 لمحتها ساره وصفيه من بعيد جريوا عليه
ساره...بابي مات يا روكا مات 😫
صفيه...من بليل بيسأل عنك مكانش بيقول اي حاجه غير أسمك ياروكا😭 كلمتك كتير الساعه اربعه عشان تيجيلوا بسرعه مكنتيش بتردي.
وعامر تليفونه كان مقفول مكنتش عارفه اوصلك.
ساره....كان نفسه يسمع صوتك كان عايز يحضنك.
صفيه... اخر حاجه قالها قالي أقولك انه عمره ما زعل منك عمره ما غضب عليكي قالي اقولك انك كنتي اهم حاجه عنده في الدنيا.
روكا...بعدم أستيعاب انتوا بتقولوا ايه انتوا أزاي تقولوا كده علي بابي انتوا اكيد بتهزروا صح انتوا عاملين فيا مقلب عشان اجي مش كده بابي بابي مشيت روكا بسرعه علي السلم. وهما وراها بيجروا
حازم استني ياروكا الناس قربت تخلص وهتدخلي تشوفيه.
روكا....ناس مين ويخلصوا ايه🥺
حازم...بحزن الناس فوق بتغسله وبيجهزوه انا نزلت عشان اخرج أستقبل العربيه وكنت ببلغ باقي الناس بمكان المدفن.
روكا...بانهيار انت اتجننت انت بتقول ايه ابعد من وشي
ساره...بدموع استني ياروكا
روكا....جوزك بيقول ايه ياساره انتوا اكيد اتجننتوا او عايزين تجننوني🥺🥺🥺
في اللحظه دي لمحت روكا كام واحد نازل ومن ضمنهم عم أمين الراجل اللي عمره ما سابه لحظه وطول عمره دراعه اليمين في الشغل جريت عليه روكا.
روكا...عمو امين بابي كويس صح انت بتحبه انا عارفه انك مش هتكدب عليا.
عم امين بدموع شدي حيلك يابنتي البقاء لله.😔
حست روكا ان جسمها بيسيب صرخت ساره ومسكتها هي وحازم وصفيه
نطرت روكا ايدهم وهي بتصرخ
روكا...ابعدوا عنيييي بابييي
جريت روكا علي فوق بسرعه وهما وراها
وقفت روكا قدام الاوضه حطت ايدها علي الاوكره بهدوء وهي حاسه ان قلبها هيخرج من بين ضلوعها.
فتحت براحه ورفعت وشها بهدوء لمحته وهو نايم علي السرير ملفوف بالكفن وكان أقل رد فعل ليها انها رفعت ايدها حطيتها علي قلبها💔
قربت روكا براحه وهما وقفوا علي الباب وهما منهارين دخلت روكا بخطوات بطيئه وهي بتنادي عليه.
روكا....بابي بابي انا جيت يا حبيبي ايه يابابي مش هتقوم تاخدني في حضنك بابي انت كويس يا حبيبي قوم قولهم عشان خاطري انك كويس قوم عرفهم انك بخير عرفهم انك مستحيل تمشي من غير ما تودعني صح يا بابي 🥺 بابي انت كنت بتسأل عليا انا جيتلك يا حبيبي وحيات غلاوتي عندك قوم يا عمري
قوم طيب خدني في حضنك وامشي وانا والله ما هزعل بس متمشيش من غير ما تودعني قوم طمني وقولي انك هتفضل ديما في ضهري قوم قولي زي ما كنت بتقول ديما انك هتقف قدام اي وجع يقابلني في الدنيا طب ده انا كنت بكلمك عشان ارمي حملي عليك في اصعب لحظه مرت عليا الاقيك بعدت كده مره واحده قوم يا بابي عشان خاطري خدني في حضنك لاخر مره عشان اقدر اكمل قوم اديني جزء ولو بسيط اعيش عليه وافتكره انا كلمتك لما مشيت من عندك وكنت كويس وكلمتك تاني يوم كنت كويس كنت محتاجه احكيلك حجات كتير. طيب انت عارف اني كنت ناويه ارجعلك تاني قبل ما انزل الشغل انت عارف اني كنت محتجالك وحاسه اني لسه مشبعتش منك لسه. فضلت تمشي ايدها علي الكفن وهي مصدومه ومنهاره.
ثوم يا بابي خليني اعوض السنين اللي فاتتنا ده انا لسه ملحقتش اعوض فيهم حتي لو جزء بسيط
قوم عشان خاطري ده انا محدش في الدنيا محتاجك قدي .
انت الشخص الوحيد اللي مخليني لسه متمسكه بقوتي لو روحت كل حاجه فيا هتروح معاك قوم اسندني قوم اقف في ضهري انا من غيرك ضهري هيتكشف من غيرك ضهري هيتكسر يا حبيبي
وفضلت تهز فيه بقوه
قوممممم قووووم يا هاشم يا نجار قوم وخلي في علي الاقل وداع😫😫😫😫😫😫
متسبنيش من غير ما اودعك واشوفك والمسك واحس بحضنك ونفسك ااااااااااااااااااااااااااااااااه
بابـــــــــــــــــــــــــى
قرب منها حازم وساره وهما بيشدوها من عليه.
روكا.....بابــــــــــــــــــــــــى قوم يا هاشم يا نجار روقيه من غيرك هتموت 💔
الوقت كان بيجري والعربيه وصلت والناس بدأت تيجي والخبر انتشر و الصحافه خدت خبر و قدروا بصعوبه يدخلوا الاوضه يا خدوا هاشم من روكا بصعوبه عشان يلحقوا يصلوا عليه العصر قبل الدفن.
كان وقت صعب وصلوا المسجد عشان يصلوا عليه روكا حاسه انه تايهه وضايعه شايفه وشوش كتير ملهاش عدد شايفه صحافه ومعارف ورجال اعمال وناس كتير
لكن مش قادره تركز في ملامحهم ولا هي معاهم من كتر الدموع اللي في عينها حاسه انها شايفه ضباب مش شايفه غير اخر صوره لهاشم وهو بيودعها هو وعامر وبيفتحلها ايده وياخدها في حضنه اوي وكأنه بيودعها وصلوا المدافن وهي مش عارفه وصلت أزاي عينها كانت علي الخشبه بتاعته مش عارفه ازاي هي ماشيه ولا ازاي الدنيا في يوم وليله تتقلب بالشكل ده اخر حاجه كانت ممكن تتوقعها هو موت الضهر والسند والروح اليوم ده عمره ماكان في حسابتها.
وفي اللحظه اللي شافت فيها جثمان هاشم بيخرج من التابوت
كأن روحها خرجت من جسما وفضلت تصرخ بكل كيانها وكأنها اخر صرخه وأخر صوت وبعدها وقعت روكا بين ايديهم وهي عينها علي هاشم وهو بينزل قبره ومع أختفاء الكفن الدنيا أسودت في عينها و غمضت بأستسلام 💔
.....................................
رجعت ريم وسما لنوني تاني
وفي الفتره دي البنات كانوا حسوا بالقلق لما محدش دخل رد ولا حد رد علي مكالمتهم فا قرروا يعرفوا ليل وفعلا ليل قلق لما هما الاربعه كان موبايلهم مغلق. وحس ان في حاجه كلم دياب في الوقت ده.
ليل...الووو
دياب....ليل حبيبي كنت هكلمك
ليل...عامل ايه
دياب...الحمد لله بخير
ليل...بقولك ايه متعرفش حاجه عن بدر والشباب
دياب....لا والله يا ليل انا قلقان بكلمهم لان لمار قالت ان البنات مختفيين ولقيت موبايلاتهم مقفوله وكنت محتاج سيلا لان في اخبار حلوه عن القضيه اللي شغالين عليها مش بترد.
ليل....طيب كده في حاجه تقلق فعلا.
دياب...انت فين طيب خلصت ولا لا.
ليل....اه خلصت مفيش شغل كتير انهارده وكنت همشي انا والشباب.
دياب...طيب ما تقابلني ونروح لنوني نطمن
ليل....طيب تمام هقابلك واشوف الشباب كده لو حد هيجي معايا.
دياب...خلاص انا هخرج حالا من المكتب.
ليل...اشوفك هناك.
.............
زهره وتمارا روحوا مع السواق وراح الشباب علي نوني عشان يطمنوا عليهم
قابلوا دياب علي الطريق و وصلوا الڤيلا فتحتلهم سما ودخلتهم.
ليل...ايه يانوني قلقتونا عليكم خير في ايه انتوا كويسن وفين بدر وانتوا فين مهاب ويوسف
سكتوا البنات مش عارفين يقولوا ايه وده زود قلق الشباب اكتر.
دياب...في ايه يا جماعه انتوا قلقتونا اكتر ما احنا قلقانين
نوني...بحزن مشكله كبيره يا ولاد ولأول مره احس اني مش عارفه احلها حاسه ان الدنيا أسودت مره واحده وكل الحلول خلصت.
جاسر...ليه بس كده حصل ايه طمنينا.
نوني....بدر طلق سيلا.
دياب...ايه😳
ليل....ياساتر ليه بس كده في ايه.
نوني...مشكله كبيره والمشكله مش فيهم بس المشكله طالت الكل انا هفهمكم وبدأت نوني تحكيلهم مكانتش عارفه اللي هي بتعمله ده صح ولا غلط بس لاول مره تحس بالضعف ده ولاول مره تحس انها محتاجه حد يفكر معاها.
ليل...طيب اهدي ان شاء الله خير معلش ساعه شيطان واكيد كل حاجه هتتحل.
سما...بدموع المشكله كمان الوقت في روكا مبتردش و موبايلها مقفول من ساعت الصبح ومش عارفين نوصلها روحت بصيت في الڤيلا مش موجوده وهما كلهم قافلين موبايلاتهم خايفه عليها هي خرجت في حاله صعبه اوي
وروكا اصلا سواقتها وحشه وسيلا كمان سايبنها في وضع وحش ومش قادرين نسيب نوني لوحدها انتوا شايفين منظرها عامل ازاي
ريم...كمان سيلا كانت متعوره في ايدها جامد مكسره البيت كله واحنا أتلهينا خرجنا ورا روكا
ليل....اهدوا يا بنات انا هكلم عشق و البنات عشان يكونوا معاكم ومع سيلا واحنا هنروح للشباب انتوا عارفين عنوان الشقه
نوني....انا عرفاه ياليل روحولهم يا حبيبي والاهم طمنوني علي روكا
دياب....هنروح متقلقيش وانا هكلم لمار تجيلكم برده
نوح....عرفها ان في عربيه هتروحلها وتجيبها اكيد هي مش معاها عربيه
دياب.... بشكر ياريت يانوح تسلم يا حبيبي.
نوح...علي ايه بس يلا احنا بس نتحرك وهما هيجوا هنا وهيفضل معاهم السواق عشان لو هيروحوا لسيلا يطمنوا عليها.
.........
في خلال ساعه كان دياب وليل والشباب وصلوا
والبنات كمان وصلوا عند نوني
ولسه محدش يعرف اللي حاصل في روكا.
........
خبط دياب علي الباب كتير لحد ما فتح يوسف وباين عليه النوم.
يوسف...دياب.
دياب...صحي النوم يا اخويا منك ليه ايه انتوا فين
يوسف...تعالي ايه ده ليل والشباب تعالوا تعالوا في حاجه ولا ايه
ليل....ابدا قالبين الدنيا عليكم وانتوا موبايلاتكم مقفوله.
يوسف...الشحن خلص مننا ومش معانا شاحن وسهرنا للصبح ومحدش فينا نزل الشغل ونمنا قولنا لما نصحي نشتري شواحن
مهاب....ايه ده في ايه.
ادم....يا اخي قلقتونا حرام عليكم.
خرج بدر وعامر وسلموا عليهم كلهم .
دياب....ينفع القلق ده.
بدر...حقكم علينا مش عارف احنا نمنا أزاي اصلا.
بص دياب علي الطفايه وبصلهم ماهو لو مكنتوش عاملين دماغ كان زمانكم صحيتوا.
ضحك عامر وولع سيجاره.
بدر...بقولك ايه انا والله ما لمستها هتعمل عليا ظابط مباحث هلعب في وشك البخت الاتنين دول اللي عاملين دماغ
عامر...بضحك يوسف السبب
جاسر...طب لما انت ليك في الكيف مش تصبح ياعم🤨
عامر...بضحك مابلاش احسن تتعلق.
ليل....بضحك هو شكله فعلا عايز يتعلق زي ما انتوا هتتعلقوا بالظبط الدنيا مقلوبه عليكم وروحنا لنوني سما وريم معاها وهي هتتجنن عليكم وحكيتلنا يابدر.
بصله بدر وسكت.
ليل...احنا مش جايين عشان نتكلم في اي حاجه احنا جينا نطمن عليكم ونعرفكم اللي بيحصل
عامر...في ايه يا ليل
بدر...نوني فيها حاجه؟
ليل...أهدي مفيش حاجه بس سيلا مش في البيت رجعت الفيلا بتاعتها زي ما نوني قالت
بدر...ايه؟
دياب....هي بتقول صحيت ملاقتهاش ومش دي المشكله
بدر..... بخوف قام وقف سيلا فيها حاجه؟
دياب..اقعد ريم وسما راحوا لروكا وخدوها عشان يروحوا علي سيلا لان نوني طلبت منهم يروحوا يطمنوا عليها وقالتلهم ان روكا اللي هتحل كل حاجه.
شال عامر السيجاره من بوئه روكا عرفت؟
عامر....ايوه والبنات بيقولوا انها خرجت من الفيلا وحالتها مش حلوه وقالتلهم انها هتجيلكم هنا
عامر...الكلام ده كان أمته
ليل...بيقولوا الضهر.
عامر...ضهر ايه دي المغرب خلاص هتأذن انا عايز تليفون بسرعه
دياب...امسك كتبت عامر رقم روكا بسرعه واتصل كان مغلق اتصل تاني اداله مغلق.
عامر...مقفول
بدر...اهدي بس اكيد روحت يمكن جات واحنا نايمين ومسمعناش
عامر.. العربيات تحت قدام البيت يعني كانت هتفضل تخبط لحد ما نفتح روكا حصلها حاجه💔
يوسف...ياعم أهدي اكيد في الڤيلا
جاسر....سما بتقول انها راحت هناك مش موجوده
ليل...اهدي بس وقوموا غيروا وانت يابدر سيلا محتجاك ونوني محتجاك اوي شكلها تعبان وحزين
انا قولت لعشق والبنات يروحولها وزمانهم وصلوا
بدر...قوموا غيروا بسرعه يلااا
مهاب....ان شاء الله خير.
مسك دياب الموبايل اتصل علي لمار وعرف انها وصلت وقفل معاها وكان بيبص علي الموبايل ومره واحده قام وقف😳😳😳
دياب...عااااامر😳
عامر...في ايه😳
دياب....روكا في أسكندريه.
عامر....ايه اللي عرفك؟
دياب....هاشم النجار!!
عامر...بلع ريقه بصعوبه ماله؟
قرب منه الموبايل وكلهم وقفوا
اتصدم عامر لما لقي خبر وفاه هاشم ومعاه صور كتير ومن ضمنهم صوره روكا وهي باين عليها الانهيار.
عامر...روكا💔😳
بدر...لا حول ولا قوه إلا بالله
عامر...انا لازم اسافر حالا
بدر...يلا ياعامر انا جاي معاك
ليل....انت كمان جاي معاك
دياب...هبلغ لمار والبنات وانا كمان جاي معاكم.
مهاب...عايز اكلم سما لازم تيجي عشان تقف مع روكا.
ثواني وكانت الدنيا اتقلبت واتصدمت ريم وسما وانهاروا لانهم عارفين حاله روكا عامله ازاي وصمموا البنات كلهم يروحوا وكان اولهم نوني اللي أصرت انها تروح رغم تعبها
مشيوا الشباب ورا بعض و خدوهم في طريقهم من عند الڤيلا
واتصلت عشق بسهام بلغتها عشان تبقي عارفه وتخلي بالها من سليم وتاليا وراح السواق خد المربيه بتاعت تولين وودوها هي كمان عند سهام وبلغ جاسر مني ووصاها علي تيا وطلعوا علي أسكندريه.
وفي الطريق طلب دياب انس وقاله انه هيكون هناك وعرفه انس انه عرف بالخبر و هيروح العزاء و هيقابلوا هناك.
عامر كان سايق بسرعه جنونيه قدامهم وهما بيحاولوا يلحقوه
في الطريق أفتكرت رسم انهم سابوا سيلا اتصلت عليها الموبايل كان أتفتح ومش بترد علي حد بعتتلها رساله
ريم....بدموع سيلا بكلمك ومش بتردي سيلا روكا باباها اتوفي واحنا رايحين علي اسكندريه كلنا
معرفش ازاي نسيت اقولك بس الخبر صدمني وصور روكا جننتني روكا منهاره يا سيلا اروجوكي كلميني وتعالي روكا محتجانا اوي💔
قفلت ريم وهي بتمسح دموعها وكريم في حضنها.
يوسف....اهدي ياريم شويه.
ريم...اهدي ايه انت متعرف روكا زمانها عامله ازاي.
يوسف...هنروحلها وهنبقي معاها وهتبقي كويسه مكانش لازم تقولي لسيلا انا خايف تبجي لوحدها عالطريق علي الاقل احنا مع بعض.
ريم....مانا كمان قلقانه عليها مبتردش ونسيت خالص اننا نروحلها يوم صعب اوي كل حاجه بتحصل ورا بعض وانت كمان مش موجود حاسه اني لوحدي وحاسه اني تايهه مش عارفه اتصرف من غيرك.
مسك يوسف ايدها باسها وقربها منه باس راسها حقك عليا كله هيعدي سامحيني كنت متعصب شويه مكنتش عارف ان كل ده هيحصل.
فضلت ريم تعيط كتير.
والحال كان عند سما نفس حالها
نوني كانت مع بدر في العربيه كل شويه يبص عليها ويمسك ايدها يبوسها.💔
............
الشباب كانوا طايرين علي الطريق العربيات ورا بعض وكأنه موكب يخض ويخوف.
اما عند سيلا خرجت بصعوبه من المطبخ كانت بتدور علي مسكن عشان أيدها بتوجعها لمحت موبايلها منور راحت مسكته ولقت رساله من ريم فتحتها عشان تطمن علي روكا وتعرف حصل ايه
وكانت الصدمه لما سمعت الخبر فتحت التليفون وفضلت تبص علي الخبر وهي دموعها بتجري علي خدها وكل اللي كان في بالها حاله روكا الوقت
😳😳😳😳😳😳
ومحستش بأي حاجه غير انها بتاخد المفاتيح بتاعت العربيه بتاعتها والموبايل وجريت علي عربيتها بنفس شملها وهدومها والدم اللي نشف علي ايدها وعلي التيشرت وطلعت بسرعه علي الطريق💔💔💔💔💔💔
...............
اما عند روكا اتنصب اكبر صوان جمب الڤيلا مقدروش يعملوه في مكان لان العدد كان مهول فا أضطروا يعملوا بطول الشارع الجانبي للڤيلا واتقسم اتنين لكن مفتوحين علي بعض وصممت روكا تاخد عزاء والدها بنفسها مع ان حالتها مكانتش تسمح بعد ما وقعت وتعبت جالها انهيار وركبولها محلول لكن صممت تخرج وابدها فيها الكانولا وشكلها يشبه الاموات كانت واقفه ساكته خالص مش بتنطق عقلها واقف عن إستيعاب الصدمه.
الصوان جهز والعشاء آذنت وبدأت الناس تيجي بغزاره من كل شكل ولون هاشم كان شخص معروف علي مستوي اسكندريه والمحافظات كان شخص ناجح وكل الناس بتحبه وكان من اكبر عائلات اسكندريه.💔
بعد العشاء بساعه
وصلت عربيات الشباب قدام الصوان.
ولمح عامر من بعيد روكا واقفه بتاخد بنفسها العزاء لكن مش هي دي روكا اللي بعرفها💔
