رواية خيط الدم الفصل الرابع والعشرون بقلم زينب طالب
اريدَ اندل هَوى المرتَاح من يا صُوب؟
.......
شفق
صارم :: لغدروني وطعنوني بضهري اجة الوقت لأحاسبهم بيه
:: منو همة؟
صارم :: الأسمهم اهلي
::شمدريك رجعوا
صارم :: ماكو شي يخصهم ينظم علية وهسةة وخري من طريقي لأن بديت افقد مااريد أذيچ
وخرني من طريقة وطلع من الغرفة ركضت وراه لباب الشارع جوري تباوع النة مستغربةة گطعت الطريق عليه امنعة
::رجلي على رجلك صاارم مستحيل اخليك ترووح وحدك
صارم :: تخبلتي انتِ ويين اخذچ وخررري من طرريقي رااح اذيچ شفقق ابتعدددي
:: والله بس تروح ومتاخذذني اجي وراك والله
صارم :: لااله الا الله شلووون تطلعني من طوووري ولچ ووين ترحين وياي شنوو رايح اتوونس اني وخررري
سحبني حيل فاقد اعصابة وگعني بالگااع صرخت متأذية رجعع علية گعد گدامي على ركبتة يسألني خاايف
صارم :: شفق شفق تأذيتي حبيبتي شفق ماادري ماادري اسف والله اسف تعورتي مو أذيتچ اني اي اي اذيتچ
يحچي بخووف اديه ترجف فاقد لزمت وجهه اهدي بيه نسيت وجعي من شفت حالتةة
:: اهدء صارم اهدء مابيه شي شبيك حبيبي ليشش هيچ حاالتك اهدءء
صارم :: اريدد ارووح لاتمنعيني سنين متمني هاللحظة لأگابلهمم بيهاا بس احاسبهم وراهاا عادي امووت
:: ينطيك گلبك تروح وتعوفني وتعرف محد الية غيرك صدگ صاارم تريد تعووفني شلوون گدرت تنطقهاا شلووون
باوعلي بكسررة ونهض بددون ميرد علية
صارم :: أرروح اني
عافني وگاام عرفت نفسي راح اخسررة ماتأثرر بتوسلاتي باايع روحةة حتى بس يحاسبهم طلع من البيت ركضت وراه لحگتة ندار شافني وگف وخزرني معصب لزمت ايدة وحچيت
:: لو تموتني هم ارروح
باوعلي عااجز ضغط على ايدي قووي ويمشي سرريع
اركض احاول الحگ بيه وصلنة للشارع وگف تكسي
أشرلي اصعد صعدت ورة وهو گدام اطة للسايق اسم المنطقة مو نفسها اسم منطقتنة نطلق السايق وهو يستعجل بيه اقل الساعة وصلنة وگفت السيارة مقابيل بيت صغير بس حلو نزلنة حاسب الرجال وراح وگف يباووع للباب واحسة خايف يدخل وينخذل اكثرر نضرتة كسرت گلبي مااعرف شنو جاي يفكر هسةة ايدة على خصرة ويباوع للبيت بكسرة
تقربت منة لزمت ايدة باوعلي بنضرة مردت گلبي حچة شفتة ترجف
صارم :: شلون اواجهم شلون شلون ادخل لهذا البيت بعد ماطلعت من عندة مخذول من اقرب الناس الية امي هناا وبهذا البيت وگفت گبالي ودافعت لأبنها ونصرتة علية وحملتني السبب
هناا وگفت گدام عيني وگالت اخوك حبها وهية حبتة وانتَ السبب عرفت هيةة متحبك وبقيت متمسك بيهاا هنا بداخل هالبيت خذلتني وگالت هاجروا واني راح الحگهم شفتِ مصيبتي شكبرها شفق
نزلت دمعتي لكلامة وكسرتة ضغطت على ايدة اقويه وحچيت
:: فوت صارم فوت واحچي انتَ صاحب حق همة ليخافوون من مواجهتك مو انت احچي بس لاتسوي شي تندم عليه تذكر شفق ماالهاا غيرك لاتكسرهاا
ذب حسرة شكبرها شگت صدرة تقدم دگ الباب قووي اجاه صوت مرة من جووة تصيح
::جاية جايةة انطوا صبرر فلشتوا الباب
فتحت الباب متذمرة باوعتلي مستغربة دارت وجهه
باوعت لصارم فتحت عيونها على وسعهاا وشهگت بقوة داگة ايدهاا على صدرهاا حچت بصدمة واضحة على ملامح وجهاا
:: صارم؟!!
ابتسم بكسرة ودفعها وتقدم داخل البيت دخلت وراه
وسديت الباب باوعلها وجاوبها بأستهزاء
صارم :: اي صارم يم صمدد صارم
نزلت دموعها خايفة مااعرف مشتاقة الةة تقدمت فتحت اديها تريد تحضنة دفعهاا بخفة رافض قربها منةة صارت تبچي بصووت وتحچي
::يمةة صارم حبيبي يمةة خليني اشمك خليني احضنك ولكك روحي مفرفحة عليك لاتحرمني منك يمةة لاتاخذني بذنب غيري حبيبي
رد عليها وعيونة تطاير شرار منهاا
صارم :: ههه اخذچ بذنب غيرچ!
شگد قبيحة لعد موو انتٓ لوكفتتتي گدااامي وحملتني السببب لأن حبيتها وتمسكت بيهااا مو انت ِوگفتي وعينچ بعيني ودافعتتتي لأبنچ لزاني وية مرت اخووو مو انتِ بكل جراءة ردتي ابتعدد بدوون مشااكل واعووفهمم ولچ انتِ انتِ كلةةة منچ انتِ لشرددتيهم وماخليتني اطفيي ناار گلبي بيهمم سنين واني اددور عليهممم سجن ونسجنت مستشفى مجااانين ودخلتت سنين عااايش بووحدة وغربة وخذلانن وكل شعوور يكسرر رجولة الزلمةة حسيتةة تعرفينن شنوو يعني مرتي نامتت ويةة اخووي على فراااشي واني مااخذذت حقي منهاا انتتِ مستووعبةة حجم الكاررثة لو لااا
ولچ يمةةة اخخخخ حراام اگلچ يمةة ولچ ابنچ لربيتةة دللتةة طمع بمرت اخووو وخاان اخوو
حتى يشبعع غريزتةة النگسةةة والااضررب من هيچ اخذوو ابني واختفووا ماخليت مكان مادوورت بيهه يأست من الحيااة الى ان ربچ رحم بحاالي بس ناار خيانتهم تسععر بگلبييي وكلهاا تهوون گدام خذلاانچ انتِ اليةةة وهسةة جااية تگوليين لاتاخذني بذننب غيرييي!
ام صارم :: من خووفي عليكممم ماردتك تكتل اخووك ولابنت خاالتك گلتت الهم اختفووا من گدامة اعرفكك عصبيي وترووح نفسكك خفتت عليك وروح ابووك خفت عليككك تنحبسس
صارم :: ليشش اني مانحبستتت لو مادخلت مستشفى مجانين شفت انواع التعذيب النفسيي والجسديي هناااك ماخفتي عليةة ولو انت شمدريچ اخذتني ابنچ المددل ودرتي وجهجج
شلوةن انطااچ گلبچ تعوفيني بهيچ ووضع وترحين ويااهم وهمةة الغلطانين فهميني رااح امووت ولچ يمةةة فهميني
حچة اخر كلمتة بحرگةة گلب يريدد بس سبب واحد يشفع الهاا عندة حتى يسامحهاا مااكوو رجعت حچت تبرر لنفسهاا
ام صارم :: مااعنددي غيرر حلل ردت اخليك تستقبل الشغلةة حتى لو تتأذة بس ماتكتل اخووك ردت اهوون الشغلة عليكك امي حبيبي انتَ
صارم :: شتهوونين تضحكينن عليةة انتِ مثلل هيچ شغلةة تتهوون اكوو اكبرر من الخيانةة ومن الطرفين هم اخوووي ومرتي ام ابنني، انتِ الكلام ويااچ ضاايع گللي وينهمم رجعووا وياچ اكيدد احچي وينهمم
عافها وفات للبيت يصيح بكل صووتة لحگتةة وصااحت
ام صارم :: محدد هناا لاتعب نفسك
ندار يباوع الهاا بغضب وحجة بنفااذ صبرر
صارم :: وينهمم احچي لاتعيدين الغلط مرتين وتتسترين الهم وينهم يلة گوولي بسرعة بديت افقد اعصابيي احچيي
فزت منةة وحچت بدمووع وصووت عاليي
ام صارم :: ماااتووو
صارم :: ماتو!!
ام صارم :: اي اي ماتووا
صارم :: جذابة مااصدگ بيچ اكيدد تجذبين احچي
احچي احچي
يصيح ويدگ على الباب بقووة نفتحت احدى الغرف وطلع طفل منهاا صغيرر يبچي مبين گاعد من النووم مفزووع ركض لحضن ام صارم اخذتا لحضنهاا وگعدت تهدي بيهه عيني راحت لصارم يباووع للطفل موسع عيوونة رفع ايدة يأشرر بيها وشفتة ترجف
صارم :: منوو هذا
تجاهلت سؤالة واسترسلت تحچي كلشي صار وياهم من ساعة السافرا لليوم
ام صارم :: من بعد ذاك اليوم الأسود سافروا بنين وصمد خارج العراق گدر ابو بنين يعبرهم وية ابنك لأن ماقبلوا الا الاب موجود وبما ان هو يشتغل بالمطار مشاها الهم وسافروا بعدهم بيومن من مواجهتك اليةة لحگتهم اني وخالتك ورجلهاا
چنت خايفة منك وعليك ماعرفت اتصرف عفتك وسافرت وراهم
من وصلت هنااك كسفت احوالهم رزلتهم حتى ضرب ضربتهمم بس مايفيد لان چانوا مقتنتين بالسوه وعذرهم همةة حبوا بعض ومالگوو غير هالطريقةة بنين صلفة واهلها بصفة گدرت تخلي صمد يتزوجهاا مع العلم گتلهاا حرم عليچ ردت علية بصلافةة وجملتهاا لليوم ابالي " گدام الحب كلشي مباح"
رزلتها وحرمتهاا من ابنهاا واخوك عاقبتة وماحجيت وياه بس كل هذا ماهمم سوو لبراسهم وتزوجوا وگعدوا بشقةة وية اختي ورجلهاا لان ماقبلت يدخلون بشقتي بقيت اني وابنك وحدنة عايشين شگد رادت تاخذه عدهاا چنت اهددها بيك اگلها اذا اخذتي راح اخبر صارم احنة وين واخووك چان يمنعها يگلها احنة نسوي واحدد
تقتنع من تمر فترة متحبل ترجع تريد ابنهاا
بكل مرة چنت ارفض ماردت ابنك يربى عدهم وتسقي من اخلاقاهاا چنت اشوفك بيه داريتة وحبيتة من كل گلبي تعلقت بيه وهو هم يصيحلي ماما كلما يكبر يصير يشبهك اكثرر دللتة كلشش چنت اشتغل اي شي حتى مااقصر عليه يمكن
ردت اكفر عن ذبي واربي ابنك
تحچي وهو يسمع الها بتركيز اباوع لأيدة ترجف وحلگة ابيض خفت عليه تقربت لزمت ايدة اطمنة
باوعلي بنضرة اخذت روحي ورد باوع عليهاا أشرلها
صارم :: كملي كملي
ام صارم :: اخوك نغسل عقلة كلش بنين خلتة ينساني ومايسأل عني بعدد صحيح اني اطردة من يجي بس چنت اطمأن من يحاول يراضيني من بعد مامنعتها من ابنهاا وهددتها وگفت بكل صلافة گدامي تگول "حرمتيني من ابني احرمچ من ابنچ وحدة بوحدة"
اشهر نقطعوا عني اختي الوحيدة تخلت عني علمود بنتهاا هنااك ببلاد الغرب وحدي كلما اريد ارجع هناا والمك لحضني چان شي يمنتني ماگدرت ارجع واواجهك چنت مستحية منك وهم خفت خفت لاتجبرني ادليك مكان اهووك وين وتروح تخلص عليه بسس
گطعت كلامهاا ونزلت دموعهاا باوعتلةة بتوسل ودمعهاا تجري
ام صارم :: بس الله ماراد يلووث ايدك بدمهم اخذ حقك منهم وهمة بعيد عنك بيووم اتصلت اختي بية تعيط وتبچي وتحملني السبب عرفت منهاا صمد وبنين مگلوبة بيهم السيارة ميتين بنفس الدقيقة
انصدمت وبچيت اي بچيت ولطمت ابقى ام وهو ابني بس الدنيا غرتةة واختارهاا راح لربة بوجه اسوود وهية وياه رحت لأختي اعزيهاا وردتهاا تشيل همي وتهون عليه طردتني من الباب وحملتني سبب مووتهم
رجعت لشقتي مكسورة خاطرر حبست روحي بالبيت ايام مرت ماطلعت حتى الشغل بطلت منةة الى ان حسمت امري خلااص ارجع شنو يصير خليه يصير لميت ملابسي واخذت جوازي اني وسند ورجعنة للعراق قبل كم يووم مفتاح بيت اختي يمي گعدت بيه خفت ارووح لبيتنة خفت اواجهك بس بماانو ججيت برجلك اليةة قررت احچيلك الصار وهذا الصار صارم صحيح غلطت بس ماتشفع الية تربية ابنك وماخليتها هيةة تربي
والله ربيتة مثل ماربيتك
صارم :: منوو يگول ابني!
فتحت عيونها على وسعهاا صاحت معترضةة
ام صارم :: شتحچي انتَ شتحچي ابنك ولك ابنك
باووع بوجهه شووف يشبهه منووو
تحچي وترفع وجه الطفل المصدووم يباووع علينة وعيونة مدمعةة ركزت بيه زين نسخة مصغررة من صارم انكسرر گلبي عليه باوعت لصارم لگيتة دايرر جهه ميريد يصدگ تقربت منة لزمت ضهرة باوعلي حچيت خايفة من ردة فعلة
:: صارم ابنك
خلة ايدة على حلگي خازرني ويحچي من بين سنونة
صارم :: اششش لاتگولين ابني لاتگولين مو ابني مو ابني ابن صمدد هذا ابن بنين مو ابنيي اشش شفق لاتنقهرين عليهم ديري باالچ تنقهرين وتصدگين بيهمم متعرفيهم ولچ متعرفيهم
يحچي ويرچف ايدة تضغط على حلگي بقوة اختنگت وهو ماحسس على روحة دفعتةة مني حيل
سحبت نفس بقووة مختنکة باوعتلىة يباوعلي بأسف
تقربت منةة وحچيت
:: لايعميك الغضب صارم ابنك هذا حبيبي والله ابنك بس ركز زين عليه باوعلة صارم باوع بعيوونة
وانت تعرف مو چنت تگول ابني شتغير هسةة؟
مغمض عيونة ويهزز راسة رافض يصدگ بعدني اقنع بيه حچت هيةة
ام صارم :: انتِ زوجتة؟
قبل لاارد عليهاا جاوبنها هوو بزمخةة
صارم :: معليچ لاتسأليين معليچ انتِ معليچ والله القتل بيچ حلالل بسس اخخخ هية مقيدتني سمعي لچ ضلچ مااريد المحةة من اليوووم، ابنج ومرتة الله لايرحمهم مااتووا وهم نگسيين كلاااب تمنيتهم بعدهم الا اخذ حقي منهم واندمهم على الساعة لفكروا يغدروني بيهاا بسس اخخخ اله بيها ارادة
تبقين هنات او ترجعن منين مااجيت احسن الچ لردتة عرفتةة بعدد اخذي هذا ابن الحراام وولي
ام صارم :: لااا لتگووول هيچ عليه حراام عليك وللك هذاا ابنكك حرااام تاااخذة بذنب امةةة
دفعني وهجم عليهاا رفعهاا من ملابسهاا وجهه قرريب لووجهةة يصيح بحرگة گلب وهية مدنگة راسهن تبچي
صارم :: حرررام تعررفين الحررراممم انتِ من شووكت تعرررفين الحررام هااا لعددد ليشش اخذتيني اني بذنب اخوووي سواه ورحتي وراااه وعفيتيني هنااا اصارع واعيشش شعوور الخيانةة الخذلان وحدددي ليييش مانصفتنيني ليششش ظلمتيني لووو باقية وياي ومااراضية علية چاان خففتي من المي وكسررتي
بس بسس وگفتچ ويااه كسرتني اكثررر ولچ يمةة كسرتنييي
يحچي بصيااح واعصابة نااار يصررخ بوجها ويعت بيهاا بقووة وهية تتنزل دموعهاا بددون صووت ماتگدر تحطط عينها بعينةة الطفل من شاافة هيچ خااف وصار يصررخ مرعووب
رحت يمةة لزمتة اهدي بيه بس ميسمع مني
:: صارم كاافي صاارم نزل ايددك عيبب مهما كاان تبقى امك
عافهاا وندار علية صررخ صووت نززني
صارم :: لتگوولين امك لتگولين الأمم متسووي هييچ بأبنهاا شفقق لاتصيررين مثاالثة تگدريين تساامحيين امچ بعددد كلشيي سووتةة
:: لااا مستحيل اسامحهاا لو اشوفهاا تمووت گدامييي بسس لاتقاررن صاارم
صارم :: شلووم مااقارن ولچ هااي لگداممچ لاتغرررچ دموعهااا ولچ طعنتي بضهررري شافتني وااگع گدامهاا ماحن گلبهاا عليةة داست عليةة وسافرت وراااه لچ فضللت ابنهاا الغلطاان بحقيي عليه شلووون مااقاررن شلووون
:: كافي اهدء صارم راح تووگع فدوة اروحلك كاافي
مسح وجهه يفتر على نفسة ويحچي بهستيرياا حسيتة راح يفقد عقلةة
صارم :: كافي كافي اي صحيح كلامچ كاافي ميسوون اكررگ دمي علمودهمم موو اي صحح ميسوون
نقربت منة لزمتةة اهدي باوعلي عيونة مدمعةة
وحچةة برووح رايحة
صارم :: تعباان شفق طلعيني مناا مااگدر ابقى اكثرر
سندتة وتوجهت للباب باوعت عليهم گاعدة حاضنة حفيدهاا وعينها لصارم تبچي بنددم بس شيفيدد بعدد ماحطمتةة هسة جاية تبچي
طلعنة من البيت لازمتة يمشي برووح خاوية على اي لحظة يووگع من طولة بقيت وااگفة انتضر تكسي تمرر عيوني عليه وهو يباوع للشارع بيأس الدنيا طالعة من عينة وگفت تكسي ردت احچي خزرني وهو دلاه على بيتنة ابتسمت بهالحالة وغيرتة شغالةة
الطريق كلة ساكتين ابو التكسي يسولف وياه وهو ميرد عليه اخرر شي حس على نفسة وسكت
وصلنة للبيت فتحت الباب دخل قبلي للغرفة تلگتني جوري تسأل خايفة طمنتهاا ماكو شي صحيح مااقتنعت بس سكتت شنوو اگلها وهية اصلاً متعرف
حياتة القديمة عفتهاا وفتت للغرفة لگيتة متمد بملابسة ايدة على عيوونة نفسة يصعد وينزل سرريع خفت عليه من العصبية هااي طلعت عصررت الة عصير ليموون ودخلت للغرفة خليتة على الميز واخذت هدووم ورحت سبحت وطلعت لگيتة على وضعيتة
بدلت ومشت شعري قللت الضوة ورحت گعدت يمة بطرف السرير مديت ايدي على ايدة بعدها باوعلي ورجعها نزلتها غمض عيونة يتهررب مني سحبتة اگعدة مااهتم حچيت بتوسل
:: صارم اگعد حبيبي سويتلك عصير اگعد لاتسووي
بنفسك هيچ مااتحمل اشوفك بهالحالة
صارم :: عوفيني شفق ماريد شي بس اريد انام عوفيني
:: اي ناام بس اشرب هالعصير يبرد اعصابك ويهديك
صارم :: هادىء اني هادىء شفتيني مگطع هدوومي
:: اي صحيح واضح كلشس هادىء اسمع اجيبها الك من الإخيرر اذا متشررب مااعوفك بحالك
باوعلي ضايج گعد على حيلة اخذة من ايدي شرباه جرة وحدة وانطاني لگلاص حچة خازرني
صارم :: اكوو شي بعدد
::اي
رد بنفااذ صبرر
صارم :: شنووو؟
:: انام بحضنك
باوعلي ضايج تمدد وفتح ايدة خليت الگلاص ع الميز وختلت بحضنة شبگتة حيل شدد قبضتة علية بقينة على الحال محد يحجي اسمعة كل شوية يذب حسرة عفتة براحتة ماگدرت اضغط عليه واسألة شي
كافي الصار اليووم لوجه الفجر يلة غفيت ماادري نام اولا
گعدت الصبح لگيتة ماموجود طلعت برة الغرفة جوري كاعدة صبحت عليهاا وسألتها عليه گالت طلع بدون ريووگ خلص اليوم هو ماكو جوري ملتهية بالامتحانات واني عقلي يمة وافكر بالطفل من وگعت عيني عليه واني ايقنت هذا ابنةة الشبه بينهم چبير لدرجة ليش هو رافض يصدگ شنوو ذنب الطفل ياخذة بذنب امةة وينكر افكر بيني وبين نفسي فزيت على صووت الباب عرفتة هو
طلعت استقبلة چان عاگد الملامح ضايج سلمت عليه رد السلام برود ودخل للغرفة لحگتة دخلت وراه وسديت الباب چان فاتح الكنتور يريد ياخذ ملابس يسبح تقربت منة بعدتة وطلعتهن الة خليتها بيدة باوعلي يشكرني بعيونة طلع من الغرفة يسبح طلعت بسرعة حميت الاكل وجهزت الصينة ورحت لگيتة ينشف بشعرة خليت الصينة گدامة شم الخاولي وتمدد
حچيت
::عشة حبيبي
صارم :: مااشتهي
::بس اني ماتعشيت وانتضرتك
صارم :: اكلي بالعافية بس وعيونچ مااشتهي
:: براحتك لعد اني هم مااكل
حچيت وشلت الصينة لزم ايدي ورجعتها گعدت مبتسمة باوعلي گال
صارم :: اكل لخاطرچ
:: اروحلك فدوة
صارم :: اسم الله عليچ لتتحچين هيچ
::يلة اكل حتى يصيرلي واهس ترة جوعانة واذا مااكلت تنسد نفسي
صارم :: اكل اكل
حچاها ومد ايدة ياكل بهدوء بدون كلام عكس عادتة اني هم سكتت اريد ياكل يلة احجي وياه كملنة شلت الصينة غسلتها ورحت لگيتة يگلب بالتليفون من شافني ذباه وتمدد صاح طفي الضوة ماسمعت منة رحت گعدت بصفة فتح عينة خزرني
صارم :: ماسمتتي مو گتلچ طفي الضوة
:: اريد احچي ويااك
صارم :: تعبان شفق اجلي حديثچ بعدين
:: لاميتأجل اگعد واسمعني
صارم :: احچي يلة شنو تردين مو الااگعدد
قويت نفسي وحچيت خايفة من ردة فعلة
::ابنك
نهض لحيلة خازرني حچة معصب
صارم :: شگتلچ اني شگتلچ مو گتلچ مو ابني ولچ موابني لاتجيبين سيرتةة مرة ثاانية گووومي طفي الضوة
:: لامااطفي وراحح تسمعنييي
صارم :: شفققق لاتددخليين بهالمووضوع بسسس
سكتي
::لاادخل اي لتباووع هيچ مادام المووضوع يخصك ادخلل
صارم :: لا اله الا الله الصبررر ياصاحب الصبررر لچ شجاج بهااليل شجااج
::صارررم حرااماات ولد واصل للحلگ وابنك من صلبك تعووفة هيچ شنوو موقفة من يكبرر و يعرف ابوه تخلى عنةة لان شك بيه مو ابنةة گليي شنوو موقفك هاا
صارم :: لأمن هو صدگ مو ابني
:: واذا طلع ابنككك شلوون بهالحالةة
صارم :: ميطلع گتللچ مو ابني سددي هالمووضع يتعبنييي ولچ حسيي بيةةة
:: اني اكثررر بشرر حاسة بيكك بس مااريدك تستعجل صاارم يمكن هالوولد يعوضك لمريت بيهه
صارم :: لالا مااريدة يذكررني بيهاا اسكتي شفق سكتي گتلچ موو ابني
::نقطع الشك باليقين ونشوووف
صارم :: شنوو قصدچ؟
:: نسووي تحليل ونتأكد اذا كاان ابنك اوو لا حتى نسد هالمووضوع للأبدد
صارم :: لالا انسي
تقربت لزمت ايدة باوعلي عيونة تعبانة حچيت بتوسل
:: صاارم الطفل مظلوم ماشفتة البارحة من يبچي كسسر گلبي والله تدري اذا يطلع ابنك وامك اخذتة واختفت مرة ثانية راح تعيش طول عمرك بنددم اسمع مني صارم وسوي هالتحليل وارتاح وريحني ويااك
باوعلي حاير هزيت راسي الة اشجعة تمدد سحبني لحضنة حضنتة وبستة من صدرة بقى ساكت الى ان غفة الصبح گعدت ع صوتة ييدل بالغرفة صبحت علية سألتة
::اسويلك ريووگ
صارم :: لانامي جوري سووت اخذها للمدرسة واطلع مناك
:: وين ترووح
صارم :: اسوي تحليل
:: يعني ترووح لبيت خاالتك؟
صارم :: اي
::اجي ويااك
صارم :: لاشفقق لااا
عاط بيه وطلع من الغرفة شبيك عابت شحچيت هسةة لفيت روحي ورجعت نمت
مرت الايام بين امتحانات جووري وراها زواجهاا
كل مااسألة على الموضوع يتهرب ويسكتني مااعرف سوة تحليل لو لا چنت اشوف القلق بعيونة على الرغم شگد يحاول يخفي وهو يداهر جوري لو يتشاقى وياي بس اعرف لاعقلة ولاگلبة مرتااح الجگاير صارت متفارك ايدة تعب حيل واني وتعبت اكثرر منة منا هو ومناا جوري لتحضر لزواجهاا وراح وتعوفني چنت اجهز بيهاا گلبي ينزفغ مااگدر افارگها مرة ثانية ولاگلبي مرتااح لزواجها بهاي السرعة من اضووج اخابر هدوء واحجي وياهاا وابچي چانت تصبرني تنطي القوة الأگدر اضهر بيها گدامهم
اليوم زواج جوري زفيتها ورجعت للبيت الطريق كلة ابچي وصارم ميگدر يحچي وياي لان رجال غريب ابو التكسي بس وصلنة دخات للغرلة وگعدت على الجرباية دموعي تنزل دخل وراي شافني شمر غراضة على الميز واتقرب گعد يمي مسح دموعي واخذني لحضنة بچيت بقووة عافني افرغ لبگلبي وراهاا سحبني ومسح دموعي مرة ثانية اخذ ادية بين ادية باسهن وبقى لازمهن يمسح عليها بهدوء حچة وياي يهوون علية
صارم :: شفق حبيبتي ليشش البچي ميصلح والله جااي تفاولين عليهاا هاي بدال متدعين الهاا بالسعادة وراحت البال مسويتها منااحة يصير هيچ؟
:: موبيدي صارم والله موبيدي ماعولت رجعت لحضني و الله متت الف موتة يلة رجعت گامت لحيلهاا هسة الحقيرة تزوجت ماصدگت شافت اكرام وباعتني
صارم :: هههه و الله مخبلة چا ترديها تضل طول عمرهاا يمچ هم تريد تكون عائلة بيت جهاال عوفيها لاتبقن تنگين عليهاا
:: شنو قصدك تنگين قابل بومة اني
صارم :: حشاج حبيبتي تعالي گليلي شطالعة اليوم
مسحت دموعي وحچيت بحمااس
::عجبتك؟
صارم :: بكل وقت عاجبتني نووب الاسود يزيدج جمال فوگ جمالج
ابتسمت بخجل مد ايدة بعد شعري باوعلي عيونة ذابلة يتنفس سريع تفاحة ادم تصعد وتنزل بوضوح
ركزت بعينة تقرب مني اكثر رفع وجهي تقرب طبع بوسة على شفافي غمضت عيني حچة بصوت ذايب
صارم :: مشتاگلچ
اتقربت بستة چانت هالقبلة رد مني على كلمتة تقرب مني بكل حب وقبلاتة تتوزع على وجهي ادية تتجول بهدوء على جسمي عبر عن اشتياقة الية طول الفترة الفاتت بلمساتة الناعمة وهمساتة الهادئة
گدري يحتويني وينسيني همي بعد ساعة من حركاتة المجنونة اخذني لحضنة وعصرني حيل رفعت راسي اباوع علية باسني بعيني ابتسمت وحچيت
::تحبني صارم؟
صارم :: احبچ حب ماكو بشرر ينافسچ بيه
:: يعني انتَ مالتي وحدي
صارم :: ومالچ منافس
::تدري شگد احبك
صارم :: لا شگدد
::بگدد حبي بگلبك
صارم :: يهنيالي لعدد
::من شوكت حبيتني
صارم :: من وگعت عيني بعينچ يسمرة يم عيون خضرر
::شگد حلو كلامك
صارم :: مو بحلاة عيونچ
ابتسمت وبستة من لحيتة الخفيقة الأحبهاا ضماني بحضنة حيل ونمت براحة ناسية جوري وامهاا هم
الصبح گعدت على بوساتة على وجهي فتحت عيني ابتسمت حچة بحب
صارم :: صباح عيونچ الحلوات
:: صباحك حبيبي، شوكت گعدت؟
صارم :: مصار هواي رحت جبت ريوگ مو لمفروض ترحين لجوري توديلها؟
:: اي البارحة خالتي ام هدوء گالت يگولون هاي عادات وتقاليد لازم اهل العروس يجبون ريوگ
صارم :: شو امچ البربوگ ماجابتلي
:: هههههه علساس احنة زواجنة نفس العالم صار
صارم :: ها صحيح انتِ طلبتي ايدي تذكرت
ضربتة على ايدة ابتعد مني يضحك
:: شگد خبيث شوكت تنسى عااد
صارم :: اكو واكد ينسى يوم خطووبتة
:: صااارم
صارم :: روحة وگلبه
:: ههههه اليووم الرومانسية صاعدة فوول
صارم :: اعجبج، يلة گومي تأخر الوقت اريد اطلع للشغل
:: تمام گمت
حچيتها ونهضت من السرير اخذت هدووم وللحمام سبحت وطلعت لبست بنطرون وقميص اسود ضفرت شعري تعطرت وطلعت لگيتة مجهز الريوگ النة گعدت وحچيت
:: اليوم مدللني حبيبي
صارم :: غير عرسان
حجاها وغمزلي ابتسمت بخجل ودنگت اكل كملنة وطلعنة بعد مااخذت الريووگ الجايبة هوو اخذنة تكسي ونطلقنة لبيتهم وصلني وگال نصف ساعة واجيج لأن استحى يفووت يگول ميصير اخو العروس يجي بصباحيتها شنو يطمأن عليها ضحكت لتفكيرة ودگيت الباب نفتح طلعت بنية سمرة مو عراقية عرفتها مساعدة حجيت بگلبي مبينين طاگين ذولي
دخلت للبيت وعيوني تتجول على جمال الحديقة تخبل تخبل شنو الورد شنو الخضار بقيت صافنة لو الگراج شكبرة مالتهم حسبت بيه اربع سيارات عالية
هاي شيوصلني للباب الداخلي أشرتلي المساعدة منين افووت وسبقتني رحت وراهاا دخلتني بصالة مال خطاار گعدتني وراحت عيوني تباووع للمكان والفخامةة ابد متصورت همة هيچ طاگين چانت اختة حيل بسيطةة بعدني گاعدة دخلت الاماية
لابسة گلبية تخبل راقية والشعر كاريه مشسوري والذهب متلتل والمكياج مال عرايس
گمت اسلم عليها ردت اباوسهاا مدت ايدةة بسس فشلتني بت السطل ع گولة صارم اشرتلي اگعد وهية گعدت رجل على رجل وتباوعلي معاجبهاا اجيبت اگوم اكفشهاا بس اتعوذت من الشيطاان حچيت
:: لعد جوري وين شنو بعدهي نايمة
ام اكرام :: لاا گعدوا هسة تجي بس مكان الة داعي لهلعادت هااي مال الريوگ وهالسوالف
مو لائقة احسهاا
حچيت اصبر بنفسي
:: بس احنة متعودين هيچ
ام اكرام :: اممم براحتكم، لچ سوزي صيحي مدام جوووري بسررعة اختها مستعجلة
ايا چلبةة وين گتلچ مستعجلة اني تريد تطردني هااي اخخخ جوري شلون راح تعاشريها شنوو من حض عندچ درت وجهي عليها تباوع بتكبر عاد اني خليت رجل على رجل واباوعلها رافعة حاجبي لازم تعاملهاا بالمثل مچتفة ادية وصافنة بيهاا حسيتها تنرفزت گطعت نضراتنة دخلت جوري گمت الهاا شمرت روحهاا بحضني
شبگتها حيل ابووس بيهاا وهية هم عبالك صاار زمن متفارگين بعدت منها گعدت ايدي بأيدهاا سألتهاا
:: حبيبتي اشتاقيتلچ شلوونچ اخبارچ
جوري :: زينة اني انتِ شلونچ صارم؟
::يسلم عليچ استحى يفووت وياي زوجج شلونة ويااچ
جوري :: زين بعدة نايم
باوعتلها عيونها حزينة تحاول تخفيهن علية سألتها بصوت ناصي وامة لهسة موجودة تباوع علينةة
:: شبيچ جوري صاير شي؟
جوري :: هاا لامصاير
::لعد احسچ ضايجة
جوري :: لاماكو شي هسة عووفچ مني كليلي ليش كلفتوة نفسكم
:: اشش شجايبتلچ قاابل عليج الله اكلي تغذي
مو تستحين
جوري :: لا اكل
هاللحظة دگ صارم منتضرني بالباب گمت سلمت عليهاا
:: تليفونچ خليه يمچ من يصير مجال عندج اتصلي عليه مااشي
جوري :: ان شاء الله
:: يلة حبيبتي مع السلامة
جوري :: الله ويااچ
بستها ونهضت اروحح درت وجهى لأمة لبعدهي بمكانهاا سلمت عليهةة
:: مع السلامة حجيةة
باوعتلي بغضب وجوري گرصتني طلعت وخليتهة بحرگتهاا لگيت صارم منتضرني سألني على جوري گتلة زينة اشرلي اصعد بالتكسي صعدت وانطلقنة للبيت وصلني وراح لشغلةة
دخلت للبيت الساعة بعدهي بالعشرة غيرت هدومي وگمت على البيت جلف وغسل هو نضيف جوري قبل فترة طيحت صبغةة بس اريد اقضي وقت اريد اليووم يمشي للصلاة كملت رجعت سبحت ولبست دشداشة قصيرة سودة فرشت السجادة وصليت ودعيت لجوري الله يسعدهاا ويبعد كيد عمتها عنهاا لأنها مبينة شرانية دعيت لصارم يبرد گلبة
خلصت لميت السجادة وطلعت للمطبخ شسوي غدة وهو على جية طلعت نواشف گصصت بتينتة وبيذنحان وطماطمة وكبة هو جايبهاا گليت وسويت زلاطة وانتضرتة تأخر وهو ماكو رحت خابرت رد علية وهووسة يمةة
صارم :: شفق اني اتأخر صارتلي شغلة لايضل بالچ
:: شنوو صارم وين انتَ احچي
صارم :: موهسة موهسة يلة لازم اسد الخط
:: صارم صارم اووگف
ماسمعني سداه بقيت اكل بنفسي والفضول راح يموتني رحت غطيت الاكل وگعدت بالصالة فتحت تلفزيون اتفرج لبين مايجي صار العصر وهو ماكو
دگيت لهدوء اسولف وياها بقينة للمغرب نسولف اذن سديتة منهاا صليت وطلعت للصالة البيت وحشة صار يخنگ راحت عيني على المكان لگيتها بية مكتولة نزلت دموعي مشتاقتلهااا
::بيبي تعالي لية رجعت وحيدة بعد مالميتكم رجعتوا عفتوني وحدي مو تدرين بيه اكره الوحدة
تعالي والله اشتاقيتلچ بس اشمچ وروحي
بقيت اعاتب بيهاا ودموعي تنزل سمعت الباب انفتح عرفتة هو مسحت دموعي وگمت اتلگاه دخل من الباب لازم الطفل بيدة باوعتلة بتساؤل عرف شنو اقصد ابتسم ورد علية
صارم :: سند ابني...
شكرا لزيارتكم عالم روايات سكيرهوم
