رواية خيط الدم الفصل الخامس والعشرون بقلم زينب طالب
من لگيتك چن لگيت الكون محبس
من عقيق و حَاير بيا چف أضمّه .
....
جوري...
ام اكرام :: الك ساعة وحدة اكرام واريد النيشان
گدامي
رجف گلبي لطلبها تقربت بهدوء من الباب اسممع شنو راح يرد عليهاا حچة منفعل بس صوتة ناصي يخاف مني اسمع
اكرام :: شتحچينن يمةة من شووكت عدنة هالهمجية هاااي ؟
ام اكرام :: مااعدنة صح بس حقي بنت مااعرف منين جبتها ودخلتها بينةة اريدد اتأكد ما غلطاان وياها وجااي تستر عليهاا لأن استعجالك حيرني
اكرام :: يمة يمة لاتحچبن هيچ عليهاا ماارضهاا جوري مرتي اشررف واطهر بنت ديري باالچ تحچين هيچ بحقهاا ترةة اخرررب وياااچ وتعرفين شسووي
ام اكرام :: تهددني اكرام وترفع صوتك علية لخاطرها بعدك حتى مداخل عليها وهيچ روحك محترگة وتدافع الهاا
اكرام :: كافي يمة مااريد ادووس ويااچ اكثرر يلةة نزلي وخليهم يصعدوون العشة وشيلي هالموضوع من راسچ لاتخلين خباللي يطلع عليچچ
حچة هيچ وحسيتة راح يدخل بسرعة رجعت لمكاني فحطانة دخل يباوع بوجهي يريد يعرف سمعت لو لا ابتسمت بوجهة ردلي الابتسامة بس چاان ضايج حيل تقرب مني وحچة
ااكرام :: اخذي راحتچ حبيبتي راح افوت اسبح
هزيت راسي الةة اخذ الخاولي وفاات للحمام گمت بسرعة قبل لايطلع افتح البدلة وافكر بكلام امةة معقولة شاكة بية چنت مزوجة لو شنوو وهو ليش
ماقبل يحچي الهم الحقيقة افتح بالسحاب وافكر
فتحتة وگعت البدلة اخذت الروب من الزاوية لبستة
وگعدت گبال المراية انزع الحجاب وراها التسريحة ماتعبتني بسرعة نفتحت لأن بسيطة كلش خلصت طلع من الحمام ينشف بشعرة وباقي بس بالداخليات باوعلي وصفن علية درت وجهي مستحية من منضرة
حسيتة قريب مني بقيت استر بنفسي بس وين شضم مو روب فضيحة شگول عليچ شفق
مد ايدة لزمني من متوني گومني صرت مقابيلة
يباوع بوجهي صافن واني اشتت نضري عنة مستحة
مد ادية على وجهي يمشي اصابيعة بهدوء غمضت عيني لمسلاتة تقرب مني حچة بأذني بصوت ذايب
اكرام :: فتحي عينچ باوعيلي
فتحت عيني اباوع بعيونة چانت تلمع بفرح ابتسمت الة حچة بشوغة
اكرام :: يااامحمدد اروح فدوة لأبتسامتچ
:: هااا
اكرام :: جوريتي احبنچ
::اكرام
اكرام :: عافيتة
:: استحي والله
اكرام :: لالا جوريتي عوفي المستحة بس اليلة
منتضرها من زمااان كلشش من ساعة دخلتي لگلبي وتربعتي بيه
::شگد حلو تحچي
اكرام :: لأنچ تستاهلين كلشي حلو
قطع وگفتنة دگة الباب راح فتحة اخذ الصينة راح خلاها على الطبلة واجة اخذ ايدي گعدني يسويلي لفات وينطيني كلما اريد اگووم يگلي بس هاي لخاطري الى ان شبعت كلش لزمت ايدة وحچيت بترجي
:: والله شبعت كاافي فدوة
اكرام :: ههههه يلة مااضغط عليچ بعد
گمت رحت للحمام غسلت وفرشت اسناني باوعت الحمام بگد غرفتي بذاك البيت شكبرة ويخبل حتى بانيو بيه مثل اليطلع بالتلفزيونات خلصت وطلعت لگيتة يصلي اني همزين متوضية فرشت السجادة وصليت صلاة المغرب والعشاء وصليت ركعتين كملت لگيتة متددد يباوعلي استحيت بقيت بمكاني واگفة
نهض لحيلة لزم ايدي طفى الضوة بقى ضوء خفيف ومشاني للسرير تمدد واخذني بحضنة شبگني حيل وصاح بصووت
اكرام :: اخخخخ وعلي ممصدگ صدگ جوريتي بحضني هسةة
:: هههه هيچ تحبني؟
اكرام :: اعشگچ وحق محمد
:: من شوكت
اكرام :: من دخلت لغرفة المستشفى ولگيتچ نايمة مثل الملااك دگ گلبي وماگدرت بعدهااشگد حاولت ابتعدد عجزت ما الگى الا روحي ترووح عندچ
:: ليش ردت تبتعدد
اكرام :: هواي اسباب اولها حالتچ ووضعچ لكنتِ بيه
:: وثانياً
اكرام :: عوفي ثانياً وتعالي اسولف الچ غير سالفة تفيد اكثرر
حچاها ومد ايدة فتح الروب سحبة مني متت بدمي عززة شگد جرئ على گولة صارم الضباط سرسرسة ديري بالچ منةة
حسيت الروب نشمر بعيد والقطعة الجوه سحبها بخفة ادية وراحت ماخلى شي يستر جسمي غير الغطةة صرت دم من الخجل تقرب مني باسني بهدوء من شفتي بقيت جامدة مااعرف شسوي استحي رفع نفسة باوعلي مستغرب دنگت راسي ابتسم ورجع يبوسني تجاوبت وياه هالمرة حسيت ادية صارت تتجرئ اكثر وحركاتة زادت صحيح چان يعاملني بهدوء وحب بس نفرتة اجت لقطات بعقلي خلت جسمي يتصلب بعد وجهي نزلت دموعي قربة خنگني حس علية رفع راسه شاف دموعي صفن بوجي ابتعد مني وسحبني عليه بدون كلام مسح دموعي وضماني لصدرة
ضمري انبني بچيت بقووة مقهورة عليه هو منتضر هاليلة واني خربتها علية رافع راسة محس دموعي بأطراف اصابعية حچيت بشهگةة
:: اسفةة
ماخلاني اكمل خلى ايدة ع حلگي
اكرام :: اششش لاتتأسفين ممستعجلين يلة غمضي عيونچ ونامي ولاتفكرين بشي بس نومتچ بحضني تسوى الدنيا عندي
من حچة هيچ سكتت مسح دموعي وشدد حضنتة علية كل شوية يبووس بشعري بقت الافكار تاخذني وتجيبني الى ان غفيت ما گعدت غير على دگة الباب
باوعت لاكرام نايم بعمق خفت ازعجة تسحبت بهدوء لبست هدومي وفتحت الباب لگيت المساعدة مالتهم حچت بكلام مكسرر ممفهووة
::ماما چبير يگوول ينززل اخوك جوة
صفنت بوجهة شوية يلة استوعبت أشرتلها اوكي نزلت وعافتني عرفت شفق جوة رحت بسرعة سبحت وطلعت صليت فايتة الصلاة ولبست گلبية حلوة ضفرت شعري خليت مكياج خفيف سحبت شال خلينة على كتفي خاف احد جوة ونزلت بقيت صافنة منين افووت مااندل لگيت المساعدة سألتها اشرتلي على الصالة دخلت شفتها گدامي عبالك مدري شنوو شبگتها بقوة تمنيت ابچي بحضنهة بس
لزمت نفسي هية ذكية سألتي بس غيرت الموضوع
ماحجيت شي وامة گاعدة يمنة
بقت شوية وطلعت وصلتها للباب ورجعت لگيت عمتي على گعدتها اجيت اروح واعوفهاا صاحتني
وگفت گدامهاا حچت بتعالي
ام اكرام :: اختچ جابتلچ ريووگ اكلي منة وذبي الباقي لو تضميه الهاا
::هاا
ام اكرام :: شبيچ طرشة متسمعين
:: لاسمعت
ام اكرام :: زين لعد گولي حاضر لتفهين بوجهي
باوعتلها هاي مو مال واحد يخااف منهاا تاكلة عفتها وصعدت للغرفة بدون مااشوف ردة فعلهاا هسة اشافت مني وهيچ اسلوبها وياي ياولحظ من حظي
شوكت يگعد ماادري رجعت لگيت اكرام ماكو سمعت صوت المي عرفتة بالحمام
لملمت الغرفة ورتبت الچرباية ولزمت تليفوني وگعدت انتضرة شوية وطلع بس بالشورت درت وجهي صاح يضحك
اكرام :: ههه اتعودي حبيبتي اني كلة هيچ لبسي بالغرفة
:: لاعفية استحي
اتقرب مني گومني غمصت عيني باسني بشفتي بوسة سريعة وحچة
اكرام :: صباحية مباركة عروستي
:: شكراً
اكرام :: بس شكراً؟
:: لعد شگول؟
اكرام :: ماوياها بوسة
ضحكت وبستة بخدة
اكرام :: يلة هم نعمة العافية درجاات
:: اكرام
اكرام :: عافيتة
::ضايج مني
اكرام :: ليش اضوج احدد صاحلة يصبح بهالوجه الحلو ويضووج الا متعافي هذا
:لاعالصار البارحة
اكرام :: مو گتلچ لاتخلين أبالچ يلة خليني ابدل ونززل نتريگ لأن جعت لو نجيب الاكل هناا
:: بكيفك وين متحب
اكرام :: لعد خليها هناا ادري بيچ تخجلين جوة
حچاها واتصل مدري بمنو يجيبون الريووگ راح يبدل واني رجعت گعددت وگف يصلي وعيوني تتأمل طولة شگد حلو اسلوبة وياي غمضت عيني وناجيت ربي بيني وبين نفسي
"يارب باركلي بحياتي الجديدة يارب خليني سعيدة مثل باقي البنات الهي اريد العوض منك وتبعد عني كل فكرة ووساس واكمل زواجي منة
بحق حبيبك النبي"
فتحت عيوني لگيتة يتأملني خجلت دنگت بقى صافن بوجهي عززة غير يووخر نضرتة تموتني بدمي
همزين ندگ الباب بهالأثناء نقذني راح فتحة اخذ الريوگ خلاه وصاحني اكل رحت يمة اكل كلما ارفع عيني الگاه يبوعلي ارتبكت غصيت گمت اگح عيوني دمعت انخبص ضل يدگ على ضهري خسفةة
اكرام :: اسم الله اسم الله هااچ شرربي مي حبيبتي شووو رفعي رااسچ
اخذت منة شربت غمضت عيوني حسيت اللگمة نزلت بقيت مغمضة مستحية فشلت من نفسي هسة شيگوول مماكلة قبل لزمني يحجي بخووف
اكرام :: جوري حبيبتي شبيچ تأذيتي ليش مغمضة شوو باوعيلي
فتحت عيوني مدمعة چانت مد ايدة مسح عيوني حچيت بخجل
:: لامابيه شي لاتخااف
اكرام :: اووف طمنتيني يلة كملي اكلچ
:: لابعد شبعت شكراً
اكرام :: بس مااكلتي
:: صدگني شبعت
اكرام :: براحتچ حبيبتي
عفتة يكمل اكلة وفتت غسلت لگيت الكحلة سايلة وصايرة خريطة غسلت وجهي زين وطلعت لگيتة مكمل اكل وواگف يلبس سااعتة من طلعت گاال
اكرام :: ننزل جوة نصبح على الاهل
:: اي هسةة بس اكمل
اكرام :: يلة انتضرچ
راح گعد يگلب بتليفونة واني وگفت على المراية عدت المكياجج وطوختة هالمرة مال عرايس جددت العطر رتبت شعري خليت الشال على كتفي ودرت عليه لگيتة يباوعلي حچيت مبتسمة
:: خلصت
تقرب مني اخذ بووسة سريعة من خدي ولزم ايدي وطلعنة من الغرفة نزلنة الدرج سوية رحنة للغرفة
دخلت على صفحة ميز چبير مال طعام والصفحة الثانية وتخم وطبلة بالنص چانوا امة وأبو گاعدين يشربون قهوة تقربنة منهم حچة هوو
اكرام :: صبااح الخير
گام ابوو مبتسم سحبة حصنة ودگ على ضهرة يباركلة
ابو اكرام :: هلا هلا بالعريس صباح الخير يابة
راح لأمة ماگامت سلمت وهية گاعدة باسهاا بدون كلام ابوه باوعلي ابتسم بوجهي وحچة بحنية
ابو اكرام :: مبروك بنيتي
:: شكراً عمو الله يبارك بيدك
صااح على بنتة
ابو اكرام :: ورود بابا جيبي العلبة وياچ
ورود :: صار يابة
سحبني اكرام گعدني يمة وبقى يسولف وية ابو امة تباوعلي معاجبها درت وجهي منهاا اجت ورود شايلة علبة خشب چبيرة بيدهاا انطتها الابوها وراحت لاكرام گام الهاا باوستة تباركلة
ورود :: مبرووك يروح اختك شايف كل الخير حبيبي
اكرام :: الله يبارك بيچ ام حسن يووم لحسوني
ورود :: بوجودك يارب
تقربت مني گمت الهاا باوستني وحچت
ورود :: يمة فدوة لمرت اخووي مبرووك حبيبتي الله يسعدكم يارب
:: شكرا ً شكراً
ورود :: فدوة مرتبكة
اكرام :: ورود عوفي مرتي ترة خجولة كللش
ورود :: لاتخااف اني اعلمهاا اخليها تصير الساان
اكرام :: لاعيني عوفيها على طبيعتها احبها مثل ماهيةة
ابو اكرام :: عووفو الكلام تعالي بابا تقربي مني
رحت يمة مدنگة فتح العلبة وطلع گلادة چببرة كلش وصلت لبطني اتعجبت كلش حلوة وچبيرة مااعرف شگد سعرهاا مبينة غالية لبسهة الية وباس راسي وگال
ابو اكرام :: هدية زواجج بابا ان شاء الله ماتشوفين غير السعادة هناا
::شكراً عموو مكان الة داعي والله
ابو اكرام :: لاشلوون تستاهلين اكثر من هيچ
اكرام :: مشكور ياابة
ابو اكرام :: حبيبي ابو كرووم يلةة شنو ماتريگونة اليووم
ورود :: لاشلوون هسةة احلى ريووگ سوووزي وينچ
حچتها وراحت للمطبخ رجعت گعدت شوية وصارو ينقلوون الاكل عالطاولة گاموا ياكلون احنة تعذرنة لان متريگن اخذ ايدي وطلعني للحديقة البارحة ماشفتها زين لأن ظلمة فتحت عيوني على جمالها
تخبل تخبل شگد مااوصف مااعبر عن جمالها لازم ايدي ويفتر بيهاا ويعرفني على اسماء وانواع الورود
والاشجار البيها نافورة چبيرة بالنص ومرجوحة چبير ميز وكراسي هم شي خياال يفتح النفس فرني بيها واني منبهرة اخذني گعدني بالمرجوحة صار وراي يهزني غمصت عيوني براحة تقرب حچة بأذني
اكرام :: جوريتي
:: هاا
اكرام :: احبنچ
:: صدگ
اكرام :: وحگ ابو خيمة الزرگة اعشگچ
رفعت راسي باوعتلة مبتسمة دنگ باسني بشفتي بعدت مستحية
:: عزززة اكرام لحدد يجي
اكرام :: محد يجي
حچاها مبتسم سمع صوت گال
اكرام :: خلي حجابج اجةة اخووي
سحبت شالي لبستةة طلع اخوو فتح اديه صااح
كرام :: اخوووي مشتااگلك ماسهرت وياي البارحةة بعتني خووي بعتني
حچهاا وشبگ اخوو يضحك
اكرام :: مرتااح منك يومية تصرررع راسي بسوالفك
كرار :: لااا خوي لاتنشرر غسيلنةة گدامم الغررب
شلونچ مررت اخووي
:: اهلاً بيك
اكرام :: جوري مو غريبة لكك حاچيلها على سوالفك كلهنن
كرار :: يعني انزع قنااع الأدب ارجع لأصلي؟
اكرام :: اي ارجعع
سوة حركة بوجهه علساس نزع القنااع ضربة اكرام على رگبتة ركض طالع من البيتت يصيح
كرار :: تموون ابو المكاررم تموون عريسسس يااب
منگدر نحچي
اكرام :: امششي لك ملطلط
باوعلي لگاني صافنة ابتسم وگال
اكرام :: كرار اخووي بس هو خفيف شووية ودهريي
::هههه لامبين حباب يضحك
اكرام :: هو مال يضحك يشبعج ضحك بس فااشل گعد سنتين بالسادس وبالدفرات يلة طلع منةة
:: ههههه يجوز ميحب الدراسة
اكرام :: كل التزام ميحب يريد يعيش حرر هيچ
اكرام :: الله يحفظة الكم
اكرام :: ويخليچ اليةة زهرتي يلة گومي صارت حارة لاتموعين
ضحكت وگمت دخلنة لازم ايدي عبالك راح اطير منةة دخلنة للمطبخ چانت الأماية واکفة وتوجه
الطباخة شنو تسوي اكل لعرفتة هاي المرية هية تسويلهم الاكل والفلبينة ذيچ تنضف يعني هنة كلشي ميسوون من دخلنة اجت المرة تسلم چانت چبيرة بالعمر وجهه بشوش
ام طه :: الف مبروك استاذ اكرام زواجة الدهر ان شاء الله
اكرام :: الله يبارك بيچ ام طه مشكورة يابة
ام طه :: مبروك مدام
::شكراً خالة الله يبارك بيچ
ام اكرام :: يلةة عاد فضيني عووفي السلام وركزي وياي
ام طه :: اي اي والله فهمت روحي ارتاحي اني اجهز كلشي
ام اكرام :: اريدد شي يبيض الوجه اخوية هو وعيالة راح يجوون همي ايدچ
ام طه:: ادللي مدام ادللي
سحب ايدي اكرام طلعني من المطبخ نقهرت شلوون نترت على المرة وهية اكبر منهاا توجهنة للدرج صعدت هو گال
اكرام :: روحي حبيبتي ارتاحي اني هسة اصعد وراچ
:: براحتك
ابتسم وراح للصالة صعدت فوگ دخلت للغرفة تمددت راس يوجعني لان مانايمة زين غمصت عيوني بسرعة غفيت مااعرف شگد نمت حسيت هو بوجهي فتحت عيوني لگيتة ينفخ بهدوء علية ابتسمت وگعدت حچيت بخجل
:: مااعرف شلوون اخذتني النومة
اكرام :: نووم الهنا حبيبتي يلة گومي صارت الصلاة
::اي گايمة
حجيتهل ونهضت للحمام غسلت وجهي من المكياج
وتوضيت وصليت وراه چان واگف يصيلي خلصت ندك الباب وصوت بنت اختة تصيح
حنين :: خالو يلة تعالوا اجونة خطار تگوول بيبي نزلوا
اكرام :: اي حبيبتي جايين
گف سجادتة ومدلي ايدة گمت بعدني بأحرام الصلاة
باسني بخدي وحچة بهدوء
اكرام :: ننزل حبيبتي
:: منو اجة استحي اني
اكرام :: خالي وعائلتة لاتستحين اني ويااچ
:: احسس كلهم يباوعلي انقيد مااعرف
اكرام :: ههههه لاتتقيدن تصرفي طبيعي انتضرچ لو انزل؟
::لاوين تروح انتضرني عفية
اكرام :: صار يابة
حچاها وگعد ينتضرني لميت السجادة واخذت هدوم غيرت بالحمام لبست گلبية وردي فاتح كلش حلوة مال عرايس سويت مكياج هادىء لبست ذهب عرسي هدية عمي نزعتهاا احسها حيل چبيرة زحمة تنلبس بالبيت لفيت شالي بترتيب رشيت عطر ونداريت گتلة جاهزة نهض اخذ ايدي وطلعنة
دخلنة للصالة راح هو يسلم على خالة واني
تقربت من مرت خالة اسلم
شو هاي بقت گاعدة هية وبنتها تقربت منها تباوعلي مگامت درت وجهي اباوع لأكرام الدمعة بطرف عيني
يباوع الها بغصب نقذت الموقف ورود اجت سحبت ايدي گعدتني يمهاا وحچت
ورود :: شنوو هالجمال جوري شو عيونچ كل ساعة لوون خاف تلبسين عدسات وتضحكين علينة اعترفي
ابتسمت اجاملهااوحچيت بهدوء
::لاهنة يتغيرن حسب الملابس
ورود :: هسة شوفي لونهن عسلي صايرات
::اي صح
ورود :: يمة فدوة لمرت اخوي
حجتها وباستني من خدي حچة خالة من بعيد
ابوشيماء :: مبروك چنتة اختي
::شكراً الله يبارك بيك
حجيتها وراحت عيني لزوجتة تسولف وية عمتي چنها متشوفني وبنتها بصفها اللبس يخزي والشعر مفتوح گاعدة رجل على رجل وتسولف هية وحنين بنت ورود يباوعلي ويتهامسن ويضحكن ورود تباوع لبتنها تخزرهاا وهية ولايمهاا ممعبرة امهاا اختنگت
وضجت ردت اگوم استحيت اكرام يسولف وية خالة وعينة مني عرفني ممرتاحة بهالأثناء دخلت ام طه لأن الغدة جهز گاموا كلهم اجة اكرام ناحيتي اخذ ايدي باسهاا نزلت دمعتي غمض عينة بغضب حچت ورود چانت يمنة تهدي بيه
ورود :: اكرام اهدء فدوة للتطلع اعصابك علينة عيب خطار شوية ويرحوون
اكرام :: لچ شفتيهاا شنوو سوت هية وبنتهاا
ورود :: اي شفت واعرف بيها متقصدة تريدك تحچي وتصير مشكلة بيووم صباحيتك ختولي اني اعرف شلوون اتصرف ويااها الا اخليها تحرم تفووت هناا
وانتِ حبيبتي جوري امسحيها بوجهي اروح فدوة لعيونچ لاتضويجين
::ماضايجة
ورود :: لعد تعالي نتغدة چنچ ماتشوفيهن يلة اكرام جيب مرتك وتعال
حچتها وطلعت باوعلي وحچة
اكرام :: نروح او نعوفهم ونصعد لاتجبرين روحچ حبيبتي
::لا امشي نتغدة لخاطر اختك
اكرام :: اصيلة جوريتي
ابتسمت مجاملة واخذ ايدي رحنة لغرفة الطعام سحبلي الكرسي وگعدني يعاملني مثل الطفلة گعد يمي چان يجب ويخلي گدامي ممعبر اي احد بس اذا ابو او خالة يحچون وياه يرد عليهم گاعدين ودخل كرار وياه ولد لعرفتة حسن ابن ورود سحبوا كراسيهم وگعدوا صااح كرار
كرار :: خيااانة والله ليشش محدد يگلنةة صار الاكل شنوو مامحسوبين
ابو اكرام :: ميحتااج انتَ تشتم وتجي
حسن :: شنوو جدي قابل عتووي هو
كرار :: احتررم خاالك لكك
حسن :: ترةة نفس العمررر لا تبيعهن براااسي
كرار :: لمهم ابقى خاللك يلةة گووم جيبلي ميي
حسن :: موهذا يممك لاتطلع رووحي خليني اكل مامتريگ ترةة
ورود :: يبوو چنة مرتاحين اجتنة الدوخةة كافي كرار خلي الولدد ياكل لاتبزعة
كرار :: ها ابنچ اعزز مني موو
ورود :: يبوو علية
اكرام :: سددو حلگكمم بسس
حچاها متعصب تعجبوا من ردة فعلة صارت هدوء بس صووت الخواشيگ اسمعها اعرفة نقهر علية وبقى ياكل برووحة مديت ايدي لزمت ايدة باوعلي غمضت عيوني اهدي ابتسم بوجهي اكلت شوية وگمت همة بعدهم يسولفون واني ماتحملت ابقى اكثرر متقيدة گمت وعفتهم قبل لااطلع حچت بنت خالةة
شيماء :: عمةة شوو چنتچ متعرف الأصول شلوون تگووم من السفرة واحنة بعدنة ناكل شنوو منين جايبتهاا متگليلي
ام اكرام :: هوو اني الجبتهاا ياعمةة غي...
ماخلاهن يكمل ضررب الميز بقووة ووگف على حيلة صاااح بصووت فززهاا
اكرام :: شيمااااء لززمي حدددچ لچچ ديري بااالچ تتجااوين عليهاا لگدامچ زووجتي واحتراامهاا من احترااامي اذا فكرررتي تقللين منهاا فوووتة على هالبييت مالللچ بعدد سامعةةة
ام اكرام :: لكراام شبيك تخبللت
اكرام :: يمة يمةة سكتييي لاتحچين ترةة وصلت حدهاا وياااچ
ابو شيماء :: تطررد بنتي من بيت اختيي اكراام
اكرام :: اذا بنتك ماتحترم اصحاااب البيت منرريد جيتهاا خالي لاتززعل
ابو شيمااء :: من شووكت صارت من اصحااب البيت
اكرام :: من يوووم لتسجلت بأسمييي وليغثهاا يغثني
ابو شيماء :: عاجبك هيچ حجي جاي ننهان بيتك
ابو اكرام :: ابو شيمياء اكرام ميقصدك وجه كلامة لبنتك لأنها قللت احترامهااا وهو مگالل شي غللط
ابو شيماء :: يعني تشجعية عاشت ايدك يلة گوومن عرفنة قدرنة بهالبيت
ام شماء :: والله زين اول يووم واستولت على البيت گوومي بنتي ماللنة گعدة بعدد
ام اكرام :: يا خووية وين رايح ابو شيمااء معليك بيهم تعالل بس اسمعني
طلعوا وهية وراهم تتوسل بيهم تريدهم يرجعوون
دخلت للبيت شاييية اجت ناحيتي تصيحح بوجهي
ام اكران :: عجبجج هسةةة ارتايحتي اخووي بسببچ طلعع من بيتي زعلااان
:: بس مسويت شي
ام اكرام :: سكتي سكتي لاتجاووبين
اجةة اكرام ووگف گبالي وحچة بعصبيةة
اكرام :: يمةة ماالچ حقق ترفعين صووتج عليها بنت اخووچ هية الغلطت وقبلها قللو من احترامها وماگانو يسلموون وعديتها لعدد شكو جايين المناسبة غيرر الية والها اذا همةة مطايقين العرووس وما محترميهاا شعددهم جااين المن يباركووون الچ يعننييي
ام اكرام :: لك اكرام ترفع صووتك عليةة
اكرام :: ماارفع صوتي بس اگلچ مررتي يمة خط احمررر لاتتجاوزو حتى لا نخرررب، اي چااان انتضرتي كم يووم شديتي حزاامچ من اوول يوووم بديتتي تسمميني
حچاها وسحبني منهاا وصعدني فووگ دخلني للغرفة واخذ الباكيت مالتة وطلع للبلكونة يدخن بدوون ميحجي وياي بقيت بمكاني اباوع لطولة من ورة الجام يروح ويرجع ويدخن بحرگة خفت يصير الة شي بس ماتجرءت اروح يمة حيل عصبي چان
گمت غيرت هدومي وغسلت المكيااج هوو ماال عرررس خررب بحضچ جووري خررب قسمتتچ
هاي ثااني عرس يبدوون ويااچ من صباحيتچ دنتضروا تطلع السبعة عااد لبست شي خفيف وتمددت راسي يووجعني عيوني للسگف لااگدرا انام ولااگدر اروح يمةة بقيت هيچ الى ان هوو دخل للغرفة قفل الباب طفى الضوة وتمدد يمي سحبني لحصنة باسني وضمني حيل بدون ميگول شي واني هم سككت ماحچيت غفيت بحضنة للعصر گعدت على صووتة يگعد بيةة
اكرام :: جوريتي يلةة گوومي حبيبي نرووح
:: وين ؟
اكرام :: نطلع اختنگت من البيت غيري هدومچ
وتعالي وراي منتضرچ جوة
حچاها وطلع من الغرفة كيفت گمتت بسرعة غسلت وغيراتهدومي بنطرون وقميص طويل لفيت شالي ورتبت وجهي اخذت جنطتي ونزلت وراه لگيتة منتضرني يم الدرج ويمة اختةة تسولف وياه من اجيت سكتوا باوعتلي وگالت
ورود :: هلا بجووري شنو عيني وين رايحين ومتگولولي
::مااعرف والله تعالي ويانة
ورود :: يمة شگد فطيرة لاحبيبتي روحوا تونسوا شعندي رايحة بنصكم
اكرام :: يلة جوري
اخذ ايدي ترخصنة منها وطلعنة اول شي اخذني للمطعم لان ماتغدينة اليوم طلب اكل على ذوقة لأن اني ماقبلت اطلب گتلة اي شي مو مهم نزل اشكال والوان تعشينة وهو شررب چاي وطلعنة اخذني
لموول افترينة ايدة بأيدي اشترالي هواي اشياء چنت ارفض بس هو شنو يعجبة الية ياخذة غصب عني شربني عصير وفرني هواي امكان حلوة اخر شي بقينة نفتر بالسيارة شغل اغنية وعلا الصوت اخذ ايدي باسها باوعتلة مبتسة حچة
اكرام :: غيرتي جوو شوية؟
::اي عاشت ايدك چنت محتاجة هيچ طلعة
اكرام :: طبعاً تحتاجين اذا همة تلگووج من اول يووم
:: ميهم لمهم انتَ وياي
اكرام :: اروح فدوة لغمازتج يلة حضري روحچ بااچر
::وين؟
اكرام :: للشمال اسبووع عسلل
::صدگ؟
امرام :: وداعة عيونچ
حچاها وباس ايدي ابتسمت بخجل بقينا ساكتين الى ان وصلنة للبيت الوقت متأخر چان البيت هدوء صعدنة للغرفة عفتة يطلع هدوم الة ودخلت للحمام
سبحت لان الجو حارر مدبگ لبست البرنص ولفيت شعري بالخاولي وطلعت چان منتضرني ملابسة بيدة
تقرب مني بقيت واگفة مستحية خلا وجهه برگبتي سحب نفس منهاا وابتعد رايح للحمام بسرعة بقيت متنصمة بمكاني حركتة مدري شسوت بية نفضت راسي ولمت نفسي ورحت ابدل
ثگلي جوري عيب لاتتسوفلين بعددچ عرووس خليچ ثگيلةة امشط شعري وادردم كملت عفتة مفتووح
ولبست ثوب نووم مريح وخفيف ورحت تمددت بفراشي السبلت مشتغل هستوني اغفة وحسيت بيه تمدد يمي سحبني لحضنة عصرني حيل وناام
كبر بعيني اكثر من ماطلب شي من يمي يخاف اضووج من هالسالفة يالله شنو من رجل هذا رجعت نمت واني مبتسمة گعدني الصبح من وقت حتى نجهز الجنطة ونطلع گمت بسرعة لميت ملابسي الاحتاجهن وملابسة هم اخذت كل شي احتاجة
ودخلت بسرعة بدلت وطلعت وهو هم غير ملابسة چان حاجز النة وية شركة اخذ الجنطة ونزل قبلي راد يگعد المساعدة تسووي ريوگ ماقبلت لأن مااشتهي لگينة اخو كرار گاعدد يوصلنة للشركة حتى نطلع منااك صبحت عليه
وصعدنة نزل اكرام بالطريق للسوبر ماركت گال اجيب كم شغلة للطريق شوية ورجع مسوگ كومة غراض خلاهن بالجنطة لصغيرة لموجودة يمي وصلنة لمكان الباصات لگينة العالم كلها جاية ودعنة اخو ورجنة صعدنة اخذنة مكان لوحدة كرسين خلاه ايدة ورة چتفي حنضني مشى الباص
بالبداية هدوء لأن كلها منعسةة شوية وصارت السوالف نوب اغاني وضحك وشقى الطرق طويل
بس حلو يونس كل شوية يطلع اكرام شي من الجنطة ناكل خلصنة الطريق سوالف واكل ساعات طويلة يلة وصلنة نزلنة بالفندق گالو الكم ساعتين ترتاحوون حتى ناخذكم لمكان يعجبكم
دخلنة للفندق بس غيرنة ملابسنة ونمة تعبانين ساعتين وگعدني بدلنة وطلعنة اخذونة لمكان يخبل عبارة عن خضار وشلالات كلش حلو استمتعنة بيه
وراها رحنة للمطعم تعشينة لليل يلة رجعنة للفندق
اسبووع كان احلى اسبووع بحياتي اكرام چان عبارة عن كتلة من الرجولة والحنية والحب يعاملني مثل بنتة كلامة وحبة الأشوفة بعيونة خلاني اتعلق بيه اكثر واكثر نقضي النهار سوة نتونس ونلعب ونضحك ونسولف وباليل يكتفي ياخذني لحضنة ويناام اليوم اخر يووم النة هناا من بعد اسبووع يخبل ماخلو مكان مااخذونة الة امكان بأحلامي مشايفتهاا چنت منبهرة من جمال الطبيعة عدهم شي يخبل فوق الخيال
خلص الأسبوع وباچر لازم نرجع ولليوم مصاير بينة شي اكثر من البوسة حزمت الأمر وگلت كافي لازم انطي لنفسي فرصة بعدد لأن صدگ بهاي الايام تعلقت بيه حيل عفتة بالغرفة يگلب بتليفوونة واخذت سيت نوم ودخلت للحمام سحبت ولبست السيت لوون ازرق من الجوانب شفاف مرفووع بخيوط يوصل نصف الفخذ نشفت شعري وعفتة مفتووح عيوني تغيرن صارن بلون الملابس طلعت من الحمام مااباوع عليه مستحية وگفت گبال المراية مكيچت وخليت حمرة حمررة سرحت
شعري وتعطرت سحبت نفس قويت نفسي ونداريت علية
لگيت عيونة تباوعلي بحب
خففت الاضائة وتقربت منة وگف على طولة يباوعلي
مد اديه لزمني من خصري قربني عليه رفعت نفسي دنگ يسمعني حچيت بهدوء بأذنة
::اكرام
اكرام :: عيونة
:: مستعدة اصير مرتك
اكرام :: اويلي يابة
كانت كلمتي كافية حتى يعبرلي عن حبة بطريقتة الخاصة سحبني للسرير اخذ شفافي بووسة قوية يعبر عن رغبتةة بقربي عاملني بمنتهى الرومانسية والحنية بخبرتة خلاني اتجاوب وياه فقد علية وية كل قبلة منة ينطق
اكرام :: احبچ جوريتي
بعد كل هالكم من المشاعر الدافية صرت مرتة وامتلك كل ذرة بية روحي وعقلي قبل جسمي سحبني لحصنة وباسني بشووغة ويردد
اكرام :: نعمة الله الية انتِ مبرووك جوريتي
:: الله يبارك بيك حبيبي
اكرام :: حبيبچ
:: حبيبي وحياتي وعوضي من ربي الية
اكرام :: اخخخخ شنو هالكلام الحلو وداعة عيونچ مااتحمل ترة
:: تستاهل كرومي
اكرام :: ههههه كرومي
::اي ادلعك شنو متقبل
اكرام :: كلشي منچ قابل بيه لمهم يسعددچ
بستة بشفتة وغمصت عيوني واني احس نفسي اسعد بنت بالدنيا غفيت بحضنة الصبح گعدنة من وقت حتى نرجع لبغداد لمينة الجنط ونطلقنة للعصر يلة وصلنة تلگانة كرار صعدنة بسيارتة حچة
كرار :: شنوو جبتولي وياكم ولاتگولون كلشي مجايبين ترة هسة انزلكم
اكرام :: كلشي مجايبين شنو نجيبلك يعني
كرار : لابربك لاكرازت ولاعسل ولا شيي عااد حگ التوصيلة شبيكم جلوفة
امرام :: مناا اشتري شنو اروح احمل
كرار :: لااريد مناك شنوو تقشمرني بربچ مرت اخووي شجبتولي
::ههههه لا معليك من اكرام جبنة هواي شغلات بيك خير وادلل
كرار :: هلا والله هاااي الاخباار الزينةة هسة تددلوون اوصلكم لحضن امي مو بس للبيت
ضحكنة لكلامة وصلنة للبيت نزلنة چانو كلهم مجتمعين ينتضرونة سلمنهة عليهم الام كالعادة متگووم واني هم ماتقدمت عليها سلمت علية من بعيد
::شلوونچ عمةة
ام اكرام :: هلااا
باوعت الاكرام هز راسة تحملي لخاطري سكتت بقينة گاعدين شووية اكرام وزع الهم الهدايا شوية وترخصنة منهم نصعد لأن چنة تعبانين هو دخل يسبح واني بقيت اعزل بالجنطة ندگ الباب فتحتة حنين بت ورود حچت بعنتكةة
حنين :: خالي وين
:: بالحماام
حنين :: اووكي
حچتها وندارت تنزل صحت عليهاا رجعت باوعتلي
وحچت
حنين :: نعم؟
:: شبيچ حنين؟
حنين :: شنو بية شمسووية
:: ليش احسچ مطايقتني لو عندچ عداوة وياي شنو مسويتلچ شي ومااعرف
حنين :: هههه هم عوزچ تسويلي شي لاماكو شبطي من لتگوليه لأن اصلاً مشايفتچ حتى اتعادى ويااچ
حچتها بحقد وعافتني ونزلت جوة استهضمت منها وتندمت حچيت وياهاا بقيت صافنة ماحسيت على طلعة اكرام صاحني نداريت عليه
اكرام :: ليش واگفة هناا
:: ها لاماكو شي اروح اسبحح
عفتة ومشيت وگفني دنگت مااريد يشوف الحزن بعيوني لأن بسرعة يعرفني رفع راسي باوعلي وحچة متسال
اكرام :: شبيچ منو مزعلچ ؟
::محد
امرام :: بداعتي احچي لاتضمين علية
نزلت دمعتي وحچيت بغصة
::ليش هيچ امك احسها مطايقتني وحتى بنت اختك وخالك وعائلتة شنو شافوا مني وهيچ
يعاملوني
مسح دمعتي وحچة
اكرام :: مو مهم همة اذا خالي اصلاً هو معايش ويانة حتى تشيلين همة وحنين طفلة يحشوون براسهاا وتمشي وراهم بدون فهم اما امي مسألة وقت راح تتقبلچ وتتغير ويااچ بس لاتبچين على كلشي اريدچ قووية
::منو همة ليحشوون براسها وامك ليش ممتقبلتني شنو تزوجتني وهبة مراضية
اكرام :: جووري مو مهم امي او غيرهاا يرضون بيچ لمهم اني اني ردتچ لأنچ راح تعيشين وراي وتكملين حياتي معليچ بكل شخص هناا لمهم اني احبچ وحياتي بيچ اكتملت لاتهتمين لأي احد لأن همة اشخاث ثانوين بحياتنة
:: بس احنة عايشين وياهم
اكرام :: وان كاان لاتخليهم يأثروون عليچ انتِ عامليهم بأصلچ واذا اضطر الأمر وزادادت الشغلة عن حدها اني اعرف شلوون اتصرف بس لاتبچين دموعچ تحرگ روحي
::ماشي ماابچي بعدد
اكرام :: اروح فدوة للرصعات يابة
ابتسمت ورجعت اكمل تعزيل الجنط هو مشط شعرة ونزل جوة شوية واسمع اصوات جوة علت مااهتميت
كملت و دخلت للحمام سبحت وطلعت اذن صليت ونمت
خصلت عشر ايام واكرام رجع يداوم يروح الصبح للضهر يلة يرجعع اكثر وقتي اقضي بغرفتي امة موضفة دوام وابوه هم مهندس بالنفط هم دوام يرجعون كلهم الضهر ورود معملة حاليا معطلة وبنتها طالبة صف خامس ابنها حسن واخوها كرار طلاب كلية مرحلة ثانية عدهم عطلة حالياً چانت معاملتهم وياي كلهم حلوة وطيبة بأستثناء الام مااطيقني ودائماً تتعمد تفشلني وحنين هم متحبني صرت البسهم ماا اهتم الهم ولااوصل الة شنو يسوون مع العلم هو شگد يسألني بس ماردت احملة همي كافي عليه سوالف الدوام يرجع تعبان اروح اتلگاه بمشاكلي
چنت من اضووج اخابر شفق واسولف وياها وهية تبقى تقسم عليهن كم مرة رادت تجي تعاركهن وصارم يمنعهاا حياتي ماشية بين مد وجزر اكرام مددلني مايمر يوم اذا مايطلعني حتى لو تعبان واني هم مدللتة مامقصرة وياه
اليوم جمعة كلهم گاعدين چنت واگفة بالمطبخ وية ام طه تسوي الغدة واني اسولف وياها واساعدها كلما الزم شي متقبل بس اني ابقى مصرة گعدة البيت بدون شغل ممل ندگ الباب مااهتميت راحت المساعدة فتحتة چانوا همة گاعدين بالصالة كلهم
اجتي حنين وجهت الية كلامهاا
حنين :: تعالي هاي وحدة تريدچ
حچتها وعافتني وراحت غسلت ادية ورحت دخلت للصالة وگعت عيني عليها گاعدة يم عمتي رجف گلبي من جيتهاا وحچيت برجفةة بخفووت
لاياالله هاي شجابها هناا...
شكرا لزيارتكم عالم روايات سكيرهوم
