رواية خيط الدم الفصل السادس والعشرون بقلم زينب طالب
مخنوگ خنگه مِن هَاي التبچي..
....
شفق
سمعت الباب انفتح عرفتة هو مسحت دموعي وگمت اتلگاه دخل من الباب لازم الطفل بيدة باوعتلة بتساؤل عرف شنو اقصد ابتسم ورد علية
صارم :: سند ابني
نرسمت ابتسامة چبيرة على وجهي ضحكت ممصدگة الأسمعة هز راسة يضحك
صارم :: اي اي طلع ابني شفق سند ابني لحرموني منة سنين طويلة هسة رجع لحضني
تقربت منة لزمني يباووع بعيوني مستغرب حچة بقلق
صارم :: شبيهن عيونچ حمر چنتِ تبچين؟
::لا عوفك مني گلي صحيح صاارم اتقبلت وصدگت هو ابنك
صارم :: ماگدرت الا اتأكد لأن الشك چان موجود خفت اجيب الولد واظلمة ردت اتأكد يلةة
::مو گتلك بس انتَ متقتنع تعال حبيبي
دنگت لمستوى يباوعلي بعيون بريئة سألتة
::شنو اسمك تعرف؟
سند :: اي اعرف لعد شنو اني جاهل
::لاانتَ رجاال يلة گلي شنو اسمك؟
سند :: اسمي سند صارم عمري ست سنووات بيبي گالت السنة التجي اروح مدرسة واشتري جنطة ودفاتر
::تحب المدرسة؟
سند :: اي احبهاا
::يمة فدوة للشاطر انتَ راح تبقى يمنةة صحيح
سند :: لا بس اشوفكم واروح بيبي بقت وحدهاا خطية تخااف
::لعد تعووف ابوك وحدة
رفع راسة باوع لصارم ورد باوعلي گال
سند :: انتِ يمة بس بيبي محد يمهاا هية گالت محد عندي انتَ سندي
:: بس انتَ ماشتاقيت لأبوك صار هواي عايش يم بيبي غير ترجع الةة
سند :: لعد خلي بيبي تجي هناا
صارم :: لاااا
صيح گمز الطفل نزلت دموعة اخذتة لحضني حچة بشهگة
سند :: إروح لبيبي ودوني
::لالا ميصير تبچي مو تگول اني رجاال
سند :: اي رجال
::لعد الرجال ميبجي عيب
سند :: بس بيبي بقت تبچي علية وبابا عيط عليهاا واخذني منهاا
::كلما تشتاق الها تروح تشوفها
سند :: لاا اريدهاا
::بس بابا صار هواي يدور عليك ويبچي عليك شلون تعوفة خطية متحبة انتَ؟
سند :: لا احبة بس هو يخووف مرات
::ههههه لاميخووف بس الناس لتأذي يخوفهم بس انتَ يحبك ميأذيك
سند :: لعد ليش عيط على بيبي
:: بينهم شغلة منعرف شنو من تكبر راح يخبرك عليها متفقين؟
سند :: بكيفچ خالة
::هههه يمة فدوة لا گول ماما
سند :: ماما بس اني امي ماتت
::اني اريد اصير امك شنو متريدني
سند :: لاانتِ حلوة عادي صيري امي
صارم :: هاولك خليت عينك عليها
::عززة صارم شيفتهم اسكت فدوة خليني اتفاهم وياه
صارم :: بكيفكم رايح اتمدد اني
عافني ودخل للغرفة اخذت الولد ودخلت لغرفة جوري باووع للغرفة گال
سند :: هاي المن الغرفة
::شنو رأيك اسويها الك
سند :: ليش محد بيها
::اختي چانت بيهه
سند :: وين راحت
::تزوجت
سند :: خاف تزعل
::لا ناخذ هاي الصفحة واسويها الك شنو رأيك
سند :: مالمن هاي الصفحة
::مال بيبي
سند :: وينها بيبيتچ
::ماتت
سند :: مثل امي يعني راحت للسماء
::اي حبيبي
سند :: بكيفچ
::ماشي متفقين باچر نروح نجيب غراض حلوة ونرتبلك المكان اليوم تنام يمنة بغرفتة شتگول
سند :: خاف بابا ميقبل
::لا يقبل اصلاً يفرح
بقى ساكت عيونة حزينة تقربت منة بستة وحچيت وياه بحنية
::جوعان حبيبي
سند :: شوية
::يلة امشي نسوي اكل
اخذتة وطلعت من الغرفة حميت الاكل واني اخليه يساعدني اريدة يتلهى حتى ينسى بس شينسي بيوم وليلة تعال عيش عد نااس متعرفهم وعوف بيبيتك لربتك حتى لو طفل بس يفتهم وذكي مبين ماشاء الله عليه خلصنة الصينية اني وياه دزيتة يصيح ابوه اريدة يتعود علية طلع صارم من الغرفة شايلة
گعدنة سوة ياكل ويوكل الطفل ويوكلني وياه حبيت جمعتهم سوة تمنيت الطفل يتعود ويتقبل وضعة الجديد خلصنة اكل اخذة ابوة للغرفة واني نضفت المطبخ ودخلت عليهم لگيتة مخليه على ايدة ويسولف وياه گعدت يمهم حچة صارم
صارم :: وهاي ام عيون الخضر لأخذت گلبي
سند :: بابا حلوة زوجتك من اكبر اريد وحدة حلوة مثلهاا
صارم :: ماتلگة هية وحدة واني اخذتهاا
سند :: بابا بيبي خطية هسة وحدهاا
صارم :: لعد شنو صار ساعة احچي مو گتلك كلما تريد اخذك الهاا ووافقت ميصير الرجال يرجع بكلامة
سند :: صار يلة اريد انام
صارم :: طفي الضوة شفق
سحبة لحضنة نومة منضرهم يخبل طفيت الضوة وطلعت مجايني نووم گعدت بالصالة عيني للباب وافكر صارم چان رافض ابنة ونافرة سبحان الله لغير رأية بيوم وليلة وهسة مخليه على گلبه ساعة وطلع صارم من الغرفة گعد يمة واخذني لحضنة
صارم :: ليش طلعتِ هناا
::مجايني نووم شنو نام؟
صارم :: اي تعبان من الصبح افتر بيه
::وين رحتوا وشنو صار ويااك احچيلي
صارم :: خابروني اليوم بالمستشفى الصبح طلع التحليل لسويتة قبل فترة من گلتي اليه رحت اخذت شعرة من راسة وسويت عاد اليوم خابروني طلع مطابق حسيت ربي فتح بابة بوجهي مرة ثانية بعد ماحسيتة نسد من سنين
::بس الله ميسد بابة بوجه احد صارم
صارم :: الشي لصار وياي ولعشتة حسيت الله تخلى عني وطردني من رحمتة لأن الصار العقل ميستوعبة بقيت سنين اكول الله ميحبني وساد بابة بوجهي الى ان طلعتِ انتِ وغيرتي حياتي حسيتة ربي فتح بابة علية ومن طلع التحليل مطابق حسيتة فتح بابة مرة ثانية شفق لحسيت بيه قبل اكثر من خمس سنواات شي ميستوعبة العقل اخخخخ كلما اتذكر اتمنى اطلعهم من گبروهم وارجع اقتلهم بيدي
::صاارم كاافي انسسى وادفن هالمووضوع وياهم مثل ماندفنوا همةة اخذو عقابهم بالدنيا قبل الاخرة وابنك رجع لعندك كاافيي عيشش حياتك مثل العالم
صارم :: اتمنى اتمنى اجذب عليچ اذا اگلچ اگدر انسى يجووز اتناسى بس انسى لاا ابد
::وامك شسووت من اخذت سند
صارم :: شسوت تخبلت رحت دگيت الباب عليها وسحبتة منهاا بقت تعيط وتتوسل بية مارف گلبي عليها قيد الشعراية سحبتة منها وطلعت خليتها ادگ وتلطم علية
::وهو سكت
صارم :: وين سكت من الصبح لهسة اني افرفر بيه واحجي واقنع وياه يلة سكت راد يمووت من البچي
::حقة صارم حقة
صارم :: واني مگايل شي بس اريد منچ تنسيها الة شفق بداعتي عليچ
::احاوا والله بس لاتمنعة هالفترة منها اخذة انتَ بيدك يشوفها ورجعة لا يتعقد الولد
صارم :: مااتحمل اشوفهاا بس لخاطرة اسوي كلشي
::يمة فدوة لرجلي ولگلبة الحنون
صارم :: مو بحنيتچ تعالي مشتاقلچ
سحبني لحضنة باسني من عيوني ميبطل هالعادة بقيت بحضنة شوية وراها گمنة للغرفة اخذت فراش فرشت لسند بالگاع شالة صارم وخلاه بهدوء ونمنة على فراشنة بقى يتحارش بيه عضيتة وحجيت
::لم روحك الطفل نايم
صارم :: اريد حقي شبيچ
:: اشش ماكو اليوم عيب الولد هناا
صارم :: ناايم يابة
::ميخالف حتى لو نايم حرام
صارم ::حرام عليچ
::لامو حرام وباچر اريدك تجيب كم شغلة اريد ارتب الة الغرفة واعودة عليهاا بلكت يصير الة واهس
صارم :: شجيب يعني
::اني اكتبهم الك باچر يلة ناام مو طالع من الصبح ماتعبت
صارم :: اي والله تعبان
::لعد متنام احد لازمك
صارم :: اي مشتاقلچ
::يبوو صارم شگلنةة
صارم :: كاافي كافي سكتتت
شبگني ونام واني هم تعبانة بسرعة غفيت الصبح گعدت على صووت بچي فزيت مخترعة لگيت سند بحضن صارم يبچي وهو يهدي بيه بقيت صافنة عليهم اريد اركزز ووين يلة استوعبت طفرت يمهم اخذتة لحضني شبگني يشهگ حجيت بخووف
::سند شبيك يروح ليش تبچي احچي شبيك حبيبي
سند :: بيبي
::شبيها بيبي
سند :: مشتاقلها اريد اروح اشوفهاا
::اي تروح لييش تبچي
صارم :: شفق شتحچين
::صارم اخذة يشوف بيبيتة شوية وجيبة خطية صارم طفل شحچينة البارحة
صارم :: استغفر الله
::لخاطري حبيبي
صارم :: اخذة اخذة يلة گومي سوي ريوگ
::يلة سنودة نگوم نغسل حتى نصلي ونسوي ريوگ وتروح وية بابا تشوف بيبي وبعدها تروح للسوگ تجيب كم شغلة لغرفتك
سند :: اي ماما
::يمة فدوة اروحلك يلة تعال
اخذتة من ايدة دخلتا للحمام دخل غسل وعلمتة شلون يتوضى اريد من هسة اعلمة على الصلاة
كملنة اخذتة للغرفة صارم چان يبدل فرشت الة سجادة بصفي وبقيت اصلي واحچي بصوت وهو يردد وراي من كمل اخذة ابوه واني عدت صلاتي لان بصوت عالي صليتها خلصت وطلعت حضرت الريوگ وهمة يمي صارم يتشاقى وياه ويوعدة شنو راح يجيبلى اليوم خلصت خليت الصينة وتريگنة همة راحو واني نظفت المطبخ والبيت وطلعت لحم يموع اسوي غدة
رجعت للغرفة شلت فراش بيبي سفطتة وملابسها كلهن احضنهن وابوسهن قطعة قطعة واسفطهن بالجنطة ودموعي تنزل وية كل قطعة اخليها ماردت اضم هدومها ردت اخليهن من ريحتها بالغرفة كلما تضيگ بيه الدنيا اشمر روحي على فراشهاا بس
لخاطر الطفل مااريد اكسر خاطرة ولااخليه بمكان جوري خاف تتحسس خليت مكانها على حطتة
فرغت الكنتور كلش سديت الجنطة وخليتها جوة الچرباية
طلعت لگيت اللحم مايع گصصتة وسويت تمن ركبت تاجينة علمتني عليها جوري هدرتة سمعت الاذان رحت سبحت لأن عرگت وطلعت اصلي كملت طلعت من الغرفة خابرت جوري اطمأنيت عليها بعدها اتصلت على هدوء اسأل عليها مابقى شي على ولادتها خايفة عليها
صارت الوحدة سمعت الباب انفتح گمت اتلگيتهم دخل سند يركض بيدة علاكة يصحيح
سند ::ماما تعالي شوفي بابا شنوو اشترالي
ركضت حضنتة فرحانة لفرحتة
:: تروحلك فدوة امك يلة شووفني شنو جبتوو
سند :: شووفي هاي ملابس هواي بابا جابلي وغراض برى حلوة فراش جديد ارزق مال سبايدر مان احبة
::بلة تعال نشووف بابا شنو اشترى
اخذتة من ايدة وطلعنة لگيت صارم يدخل بالغراض
حجيت
::الله يساعدك حبيبي
صارم :: ويساعدج عمري شفتِ غراض سنود
::اي يخبلن يلة ندخلهن جوة
حچيتهاا ونقلنة الغراض
:: غسلوا وبدلوا حتى نتغدة ونرتب الغرفة
سند :: حااضر ماما
::ههههه يروح ماما
اخذة ابو وراحوا يغيرون اني صبيت الغدة تغدينة سوية همزين طلعت الاكلة طيبة مشيت على المقادير
كملنة غسلت المواعين ودخلنة للغرفة چان جايب الة ميز وكرسي مال دراسة لون ارزگ گعد يشد بيهن واني رتبت ملابسة بالكنتور وهو يتنقل بينة يساعدني ويساعد ابو الابتسامة مرسومة على وجهة خلصت كنتورة
فرشت النزلة مالتة ورتبتها صارم كمل الميز خليتة وعلية گلوب صارت الصفحة مالتة تخبل فررح بيها رااح تمدد بفراشة واگاال
سند :: يلة روحوا اني چبير انام بغرفتي
::انام يمك سنودة
سند :: لالاماما روحي اني رجال
صارم :: اني اريد اسولف ويااك شوية سوالف زلم
سند :: يلة اذا هيچ تعال يمي
راح ابوه تمدد بصفة اشوفة شلون يبوسة بشووغة عيوني عليهم متمدد ويسولف وياه وهو مركز وية ابوه طفيت الضوة عليهم وطلعت للغرفة خففت ملابسي وتمددت بفراشي نصف ساعة ودخل صارم
گال نام طفى الضوة وتمدد يمي سألتةة
::وديتة لبيبتة؟
صارم :: اي شافها شوية واخذتها خلصهه بچي الى ان نسيتة بالغراض شوية
::خطية
صارم :: هيچ تتعب نفسيتة اريد احرمة منهاا
::لاصارم دير بالك خطية هو من يكبر يفتهم ويتعوود اصبر مصار يومين
صارم :: خايف عليه
::لاتخاف ما عليه شي
صارم :: شكراً شفق
::على شنو؟
صارم :: على معاملتچ لأبني
::عيب تحچي هيچ صارم ابني هذا من اول ماشفتة دخل گلبي حبيبي
صارم :: تحبيه شفق
::اموت عليه والله
صارم :: منو تحبين اكثرر اني لو هوو ولچ
::ههههه
صارم :: ليش تضحكينن احچي
:: طبعاً انتَ حبيبي احبك اكثرر من روحي حتى
صارم :: عباللي يلة تعالي اريد حقي
::يا صارم شبيك هيچ تحجي عبالك تطلبني
صارم :: هاتردين رومانسية موو
::يااا شجااك
صارم :: يلة لعد بوسيني لچ
::درووح صاير مدري شلوونك
ابتعدت منة ردت اگوم سحبني يضحك وعصرني بحضنةة
صارم :: هههههه احب عصبيتچ
::تحرگ گلبي بسووالف
صارم :: الحرگة بگلبي ولابگلبچ
::يووو صارم شجااك اسم الله لاتحجي هيچ
صارم :: خفتِ عليه شفق
::شلوون مااخاف شعندي غيرك لعدد انتَ كل هلي
صارم :: اروحلچ فدوة اني وكل هلي
حجاهاا بلسانة وصار يعبر عنهاا بأفعالة باسني بشفتي بوسة العطشاان ويريد يرتوي انسجمت وياه كالعادة وگدر ينسيني كل همي .. نمت بحضنة براحة
ايامي مرت بين روتين البيت وبين سند صرت الة ام واكثر ملى علية البيت وصرت اعلم بيه شنو تعلمت من بيبي علمتة على الصلاة وعلى ايات قصيرة يحفضهن نبقى نردد بيهن كل يووم واني اشتغل وهو وراي يقرة واني اصحح الة علمتة الاحرف والارقام اريد اقووي قبل لايسجل يوم نلعب يوم نرسم يوم نصلي ماهليت شي ماسويت الةة حتى قلل يطلب يرووح لبيبتية مو مثل اول مااجة
اما صارم د ومة مخليه على گلبة ما يدخل للبيت وايدة فارغة لازم يجيب الة شي ومن يشووف معاملتي ياخذ ايدي ويبوسهاا ممتن ابد ماچنت احس اني متفضلة عليه ابدد احسة ابني وهذا واجبيبي تجاها
اليوم گاعدين نقرة اني وياه الارقام جاي اعلم بيه مد ايدة لزم الگلادة مالتي ابتسمت بوجها سألني
سند :: ماما منو هذا بالصورة؟
::هذا الإمام علي (عليه السلام)
سند :: هذة لنذكرة بالآذان من نصلي
::اي هو نفسة مو من نصلي نگول اشهد ان علياً ولي الله
سند :: زين منو هو
:: ابن عم النبي(ص) وزوج فاطمة الزهراء (ع) بنت النبي وابو الحسن والحسين (ع)سيدا شباب اهل الجنة
:: زين ليش مخلية صورتة هناا مو جابها الچ بابا؟
::لا مو بابا جابهة الية ابوية گال من توگعين بشدة ندبي مايرد لينخاه بجاهة عند ربة
سند :: وينة ابووچ
::ماات كتلوا
حچيتها ونزلت دمعتي واني اتذكر شلوون ماات تقرب بأدينة لصغيرة مسح دموعي وشبگني وحچى برائة
سند :: لاتبچين ماما اني اصير ابووچ مو انتٓ صرتِ امي
::يرووح امك الله يحفظك الية
دنگ على الگلادة وباسها وخلاها على گصتة ابتسمت على فطرتة مجرد حديث بسيط عن الامام علي (ع) حباه وباس صورتة لأن حب الامام فطرة تنزرع بينة من الصغر مثل مانزرعت بگلب هالطفل من اول حديث بستة ورجع لمكانة خلصنة درس اليوم
بعدها رحت اگعد صارم لأن گال العصر نطلع
حضرت ملابس سند علمتة هو يبدل اني اجهز الة هو يبدل راح سبح وطلع يبدل كمل سويت شعرة وعطرتة وطلع بالطرمة يفتر بالبايسكل جابة الة صارم البارحة بس يخاف عليه ميخليه يطلع برة
باقي يلعب بالطرمة رغم صغر مساحتها
دخلت لصارم نايم بعمق تعبان حبيبي نايم على وجهة تقربتة منه شعرة نازل على عيونة منطي جاذبية اكثر ضهرة عاري وعضلاتة الأموت بيهن مبينة مشيت ايدي بهدوء على ضهرة ماحس بعدت شعرة عن عيونة صرت العب بلحيتة حچة وهو مغمض
صارم :: تتحارشين بيه يبنة
::احب اتحارش بزوجي عندك اعتراض
صارم :: لايابنة منو معترض
حچاها وسحبني عليه صارر يعض بيةة من بطني واني اصرخ
::عززة صاررم عووفني يااا أذيتني والله وخرر الولد رااح يجي صااارم يبووو وخرر ههههه يمةة بطني لاا فدووة عوووفني
صارم :: تتحاررشين بعددد
::ابد ابد التووبة بس وخررر
صارم :: يلةة گوومي جباانةة
عفتة وگمت وگفت يم الباب
::لاتگول جباانة مو جبانةة اني
صارم :: اوگفي بمكانچ لعدد
حچاها ونزل من الچرباية فتحت الباب وشردت ماعندة مانع يحبسني هناا ...
طلعنة من البيت اخذنة للمول نفتر دخلنة محل ملابس رجالية گال
صارم :: تعالوا اريد اخذ بنطرون الية
::يلة تعال ماما سند
لزمت ايدة ودخلنة ورة صارم تلگتنة بنت تباوع لصارم وتحجي
::اهلا وسهلا نورتوا تفضل استاذ بشنو اساعدد
صارم :: نتفرج نريد
::تعال تعال مناا اليوم وصلتنة بضاعة تخبل تلوگ الك
شو هاي لزمتة من ايدة سحبتة ونووب الأخ استلسم وراح وراها بقيت باهتة بمكاني ندار علية سحب ايدة منهاا وهيةة تشوفة الملابس وهو يباوعلي دخنت رحت قريب منهم هو توتر يلووب وهية لاطشة اخذت بدي ابيض عرضتة الة وحچت
:: شوف هذا الخامة تججن يلوگ وية سمارك وهو اقل النص اذا لبستة يطلع عضلاتك ويفصل جسمك يخليك تجذب النضر الشباب كلها عاجة عليك طبعا بس الحلوين نفسك
هية حجت هيچ واني گبيت بيهاا
:: هييي انتِ شووو متستحينن واگفةة تتغزلين بالرجال ومرتة گداامچ شگددد صلفة
_على كيفچ حبيبتي شحچيت غير هذا رزقي داافرجة البضاعة
:: ورزقج تتغزلين بأجساام الزلم شنوو انتِ غبية لو بربوگ حددي
_لا عفية لاتتجاوزين لزمي حددچ
::انتِ تلزمين حدددچ وترحين تگعدين بيتچ وتسكتين لاتطينين راس ابووچ لأن مبينةةة دودتچ چبيرررة
حجيت هيج سحبني صاارم وطلعني من المحل عتيت ايدي منةة وصحت نسيت اني وين
:: لاتلززمني وخررر خليني اسحلهاا هالادبسسز هاي
صارم :: كافي العالم تبااوع صووتچ
::انتَ تسككت صارم اني الك بالبيت يلةة رجعني
صارم ::امشي نتعشةة هستونة طلعنة
::والله مااروح اخذني بسررعة ترة اسوي ساالفة اتندم عليهاا امششي
عفتة ورحت قبلة امشي وهو وراي يتوسل يريدني ارجع بس اني وين ماا گدامي بسس نضراتها الةة وكلامها وهيةة تتغزل بيه والاخ ساكت لحگني لزم ايدي قووي باوعتلة معصب مااهتميت اخذني يمشي وگفلي تككسي ورجعنة للبيت دخلت للبيت قبلهم بوجهي للغرفة دخلت ورگعت الباب شمرت الجنطة وگعدت
دخل وراي وسدد الباب حچة متعصب
صارم :: شنوو معنى هالتصررف كسرتي فرحة الطفل ورجعتينة هاا شبيچ تخبلتي
::من وراااك لاتذبها براااسي شنوو واگفةة تتغزل بيك وحضرتك سااكت شنوو مكيف انتَ عاا صاارم احچي كيفت موو
صارم :: لچ باابا شنوو مكيف شايفتني مرااهق گداامچ بس هيةةة صلفة شسويلهاا ارزلها يعنني نااوي اطلع من المحل بس حضرتچ فلتي لساانچ چنچ لساان دلالة شيلززمچ بعدد
::يا تطلع غيررر صرت بيدهاا عجينة ورحت وراهاا ولا چن واگفةة يمك هااي گدامي هيچ من وراي شسوووي
صارم :: ولچ واللله انصدمت ماادري راح تسووي هيچ شمدريني تسحبني من صدمتي رحت وراهاا وداعة عيوونچ
::عووف عيووني ريتهن نعمن ولاشفت الشفتة اليووم
صارم ::اشفتي وولچ شنوو شفتيني ناايم وية وحددة
::صااارم اسكت اسكت لا تخليني اطلع حرگة گلبي بيكك
صارن :: وانتِ ماطلعتيها هسةة كافي سكتي عليمن ترجفين لايصير بيچ شي
::معليك مني يلةة اطلع مااريد اشوفك
حچيتها وگعدت فحطامة اجة يمي اخذ ايدي يحچي مبتسم
صارم :: تغارين عليه شفق
باوعتلة صفح مارديت
صارم :: يمة فدوة شگد حلوة غيرتچ لو ادري يومية احچي وية وحدة حتى اشوف غيرتچ علية
::حتى اشنقك
صارم :: برعة تسويهةة يلة امشي خلي نطلع
::نكسر واهسي بعد وخرر مني
صارم :: لخاطري حبيبتي امشي
::لاوالله مااروح بعد خليها غير مرة سند وين
صارم :: بغرفتة
::وخرر اروح اشووفة
صارم :: اروج فدوة لحنيتچ
ابتسمت مجاملة ورحت لگيتة مبدل وجاي يسفط هدومة دخلت گعدت صحتة اجة يمي شبگتة وحچيت
::زعلت مني لان رجعنة
سند :: لامضجت عادي نطلع غير مرة
:: يمة اروح فدوة للولد ليفتهم يلة نصلي ونسوي عشة متفقين
سند :: متفقين
:: بستة وگمت غيرت هدومي وتوضيت وصليت وطلعت اسوي عشة سند يحوس يمي وصارم يباوع تلفزيون كملنة العشة وبقينة بالصالة نتفرج بقى مزاجي متعكر طول اليووم ماگدرت اهضم الموضوع
بسهولة
ثاني يوم صارم عوضنة على الطلعة لخربت البارحة لخاطر سند خطية ماخلا مكان ماودانة الةة تنونسنة
حيل رجعنة باليل كلش
مرت الأيام بهدوء بيوم گاعدين اني وسند اني اسوي غدة وهو يحچي وياي ندگ الباب تعجبت منو لأن لاوقت صارم ولا جوري ولاهدوء لأن من يجن ينطني خبر تقربت من الباب سألت منو اجاني صوتهاا استحيت ماافتح الباب الها فتحت الباب دخلت ركض عليها سند شبكتة وشالتةة تشم بيه وتبوس بيه أشرتلة دخلت گعدت بالمطبخ حجيت
:: فوتي جوة خالة
ام صارم :: لا خليني هناا مو غريبة اني
:: براحتچ
:: قدمت الها مي شربت وبقت تحجي وية سند وهو مكيف بيهاا طلعت كم شغلة مشتريتهن الة باوعتلي بتركيز استحيت من نضرتهة درت وجهي حچت وية سند
ام صارم :: بيبي اخذ غراضك وروح للغرفة اريد احچي كم كلمة وية شفق
سند :: صار بيبي
اخذ العابة وطلع يركض رفعت راسها باوعتلي ابتسمت بحزن
ام صارم :: اي شفق سامعة باليگول يامن تعبت يامن شگة يامن على الحاضر لگة هذا المثل ينطبق علية وعليچ
::علية!
ام صارم :: اي عليچ ليش مستغربة مو تعبت بصارم وربيتة وسويتة رجال وصار الچ وهسة يكرهني ربيت ابنة وگلت هذا العوض بدال ابوه هم اخذتي صفيت وحيدة لاولد ولاحفيد
:: كلمن يحصل نتيجة اعمالة انتِ لخسرتي صارم بيدچ وبرغبتچ محد جبرچ لاتدخليني لأن من تخليتي عن ابنچ چنت اني لا اعرفة ولاشتيفتة موصح؟
ام صارم :: صح صح بس اني ام وخفت على ابني تردين اخلي اخوه يقتلة
::بس هذا هم ابنچ وچبيرچ مو تخليه يقتلة هو شررد انتِ ليش عفتيه ليش تخليتي عنةة شنو السبب
ام صارم :: ماتخليت ماتخليت گلت يرتاح فترة وينسى وارجع اخذ ابنة وارجع استسمح منةة
::وشنو لأخررچ
ام صارم :: ماگدرت استحيت منة استحيت اخلي عيني بعينة
::مو عذر هذا انتِ خنتي ثقة ابنچ وتخليتي عنة لاتبررين لنفسچ انتِ ام صح بس تگدرين تلزمين العصى من النص وما تنصفين احد على حسااب الثاني مع العلم ابنچ الثاني هو الغلطان انتِ زيديتي الطين بلة وكبرتي الغلط بدل متلميه
ام صارم :: هسة عوفيني شي راح وفاات مجاية عليه اني
:: لعد عليمن جاية؟
ام صارم:: جاية اريدچ تحاچين ابني تخليه يسامحني تخليه يتقبلني بحياتة بأخر عمري يلمني محد الية بس هوو لو يرجعلي حفيدي اني لربيتة مو من حقة ياخذة وينطي الچ اني بيبتية اولى بيه
:: اعذريني مااگدر احچي وياه على شي اني مقانعة بيه ليغلط يتحمل نتيجة غلطة وسند ابنة اول وتالي مرجعة لأبوو كافي لسنين لنحرم بيها منة
ام صارم :: انتِ ليش حقيرة وخبيثة اعتبريني امچ هيچ تعامليني
:: امي لو اشوفها تموت گدامي مايرف گلبي عليها انتن حرام تسمن امهاان سوالفچن لتسونها ويانة العدو ميسويها
ام صارم :: ها لازم امچ مسوية ويااچ شي چبير وجاي تطلعيها بيها
::لااطلعهه بيج ولاشي شعندي ويااچ قابل بس گتلچ الشي الأني مامقتنعة بيه ماااقنع صارم بيه وحتى لو حجيت وياه مستحيل يقبل لو يعرف بيها حياتة لايسامحچ وللينطچ ابنةة شيلي هالشي من راسچ
ام صارم :: موو بكيفچ هسةة اخذة واريد اشووف شلوون تمانعين سنددد وينك سننند
عافتني ودخلت للبيت تصيح طلع الطفل من الغرفة شالتة وتريد تطلع وگفت بوجهةة حچيت
::نزلي الطفل لاترعبيه نزلي ومن ايجي ابوه تفاهمي وياه مو بس يمي تحچين
ام صارم :: ماانزلة وخرري من وجههي وخرري لچ
::كل عقلچ على جثتني تاخذيه امانة صارم هذا ابني جيبيي
ام صاارم :: وليي منين صاار ابنچ شنو عااگر لازم وچلبتي بيهه
::مااريد اتجاوز عليچ لخاطر سندد عووفيه گتلچ
ام صارم :: مااعووف شتسووين بلةة
اكثر من نص سااعة اني وياها نتعارك لاهية تقبل تذب الطفل ولااني افتح الها الباب الباب والطفل بالنص يبچي خايف بهالأثناء اجة صارم وخرت عفت الباب شافها عدنة لو تخبل تقرب اخذذ سند منهاا وعااط بيهاا
صارم :: هاي شجاابچ هنااا منين عرفتي بيتي امشي طلعي امششي
ام صارم :: صارم اسمعني حبيبي لاتخلي الحقد يعميك وتغضب ربك بأمك
صارم :: مو امي امي ماتت من سنين لگدامي وحدة غدارة مااعرفها طلعييي منااا وحتى سندد مااجيبة الچ بعدد
ام صارم :: لاصارم اروحلك فدوة لاتحررمني منة ولك مااگدر افارگة لايصير گلبك صخرر عليه
صارم :: انتِ لعميتي على روحچ بجيتچ هااي چنت اجيبة الچ بسس انتِ طمعتي بالأكثرر اتحملي لعدد
ام صارم :: مااعيدهاا بعدد فدوة اروحلك بس لاتحرمة مني والله مااجي لبيتك بعدد
صارم :: طلعي هسة طلعي مااگدر اشوفچ بعدد
ام صارم :: اي اي طالعة
باوعتلي وحچت بحقد
ام صارم :: حسبي الله عليچ
حجتها وطلعت من البيت صارم اخذ سند يسكتة واني بقيت اكمل الغدة وافكر بكلامها نووب ذبتها برااسي ياولحظ من حظي اي والله طول اليوم صارم بقى ضايج حتى ماطلع من البيت وسند هم نكسر واهسة وصارم بقى حاير بيه حتى صخن بالليل من القهر بچيت عليه الطفل بالگوة تقبل وضعة بجيتها خربت كلشي
يومين يلة گاام على حيلة اخذة صارم يشوفهاا ومناك يطلعة بقيت اني بالبيت ماالي خلگ اطلع اليوم تعبانة وجسمي مكسرر گال لاتسوين غدة اني اجيب اني هم كيفت غسلت مواعين الريوگ بصعوبة كملت جاي اروح للغرفة سمعت باب الشارع يتحرك باوعت من الباب شفت احد يصعد على الباب
خفت بسرعة قفلت باب المطبخ وسلقيتة ركضت جبت تليفوني ادية ترجف باوعت طفر من الباب وصار بالطرمة فتحت عيوني على وسعهاا واني اشووف الباشا صاحب المطعم
احتاريت شسووي بدون تررد اتصلت على صارم خفت وماردت اكرر الغلط ماحسبت حساب لأي شي ثااني اباوعلة واگف يباووع للباب ميشوفني بس اني اشووفة رد صارم ابتعدت من الباب حچيت بصووت يرجف
::صارم وينك تعاال
صارم :: شكو شفق شبيچ صاير شي؟
::اي اي الباشا هناا
صارم ::يااانعال وين هناا احچي شفق
::صاارم بالطرمة وااگف فدوة تعالل خايفة لايسووي شييي واني وحددي
صارم :: جاااي جاااي شفق لاتفتحين الباب ديري باالج لزمي السچينة واوگفي اذا دخل لاتترددين لحظة وحظة تكتليه بمكانةة المهم مايوصل الچ
::اي اي بسس دير باالك من الطريق فددوة
صارم ::تليفوونچ بيدچ لاتعووفية بس ادگ لاكرام واخباررچ
حچاها وسداه تقربت من الباب خايفة اشوفة ينزل بيدة الباب صار يدگ قووي اني جسمي يرجف حچة بصووت عالي
الباشا :: فتحي الباب لااكسررة ادري بيچ جووة شفق فتحححي
::رووح مناا شعندك هناا لايجي يشووفك والله يعدمك حيااتك
الباشا :: ههههه منو يعدني رجلج لمخبل فتحي الباب اگلچ مااسوي شي بس احچي ويااچ
:: ماكو كلام بينة اطلع مناا
الباشا :: والله مااطلع اذا مااكسر خشمچ بسيطة شفق
حچاها وابتعد يدوور شاف حديدة ورة الباب مخليها صارم جابها وصار يكسر الجاامة بقيت اصررخ
:: لككك شسوووي انتَ روووح مناا الله يلعننك روووح راحح يجي يكتلك وتبليه امشششي اطلعع
الباشا :: هلاااا بيه اني اريدة يشررف الا انبت الحديدة هااي براسة
بقى مستمر بالدگ واني ادگ على صاارم رد علية
صرخت خاايفةة
::الحگني صااارم كسررر الباب رااح يفووت تعاللل فدوووة
بعدة ممجاوبني نكسرت الجامة مد ايدة فتح الباب بسهولة وگع التليفون من ايدي وصوت صاارم يصيح
تقدم علية والنية واضحة بعيوونة رجعت ليورة لزگت بالكاونتر حچيت اهددة
::دير بالك تتقرب ديرر بالك اندك ترة
الباشا :: راح اتقرب واريد اشووف شلون تندميني
حچاها وتقرب مني يضحك بأستفزاز ....
شكرا لزيارتكم عالم روايات سكيرهوم
