رواية دار الايتام الجزء الثالث (اللقاء المنتظر) الفصل السادس والعشرون
الوجع يحتاج ضهر وسند لكي يمر
فا سلاماًعلي من يمر بوجع وليس
له ضهر يسنده 💔✋
.............
صدي صوت القرآن كان تقريياً مسمع في كل مكان كل ركن في أسكندريه كان حزين علي هاشم اغلب المحلات مشغله قرآن
كان شخص كريم بطبعه ليه ذكري حلوه في قلب كل شخص عرفه أو أتعامل معاه علي المستوي الشخصي.. الصوان كان كبير جدا لدرجه انه يكفي اكتر من الف شخص ومع ذلك كان في ناس بره كتير موظفين المعارض والمصانع والمحلات لوحدهم يعدوا ال500 شخص غير المعارف والناس الكبيره في البلد .
روكا كانت واقفه تايهه وباين عليها التعب وحاسه انها في دوامه كبيره كابوس بتتمني تصحي منه وفجأه دموعها وقفت كلامها اتقطع خالص واقفه جامده وساكته وكأنها ميته معالم الصدمه باينه عليها.
كان حازم واقف جمبها بياخد العزاء وناس كتير من الاهل هي مش معاهم خالص كل اللي بتعمله بتمد ايدها وتهز راسها لأي حد بيواسيها.
ساره وصفيه كانوا قدامها في الجنب المخصص للسيدات وهي وقفت تاخد بنفسها عزاء هاشم
وكأنها من بدايه الصدمه نسيت كل اللي حصل نسيت عامر وسيلا واصحابها وكل حاجه لكن من جواها حاسه انها تايهه في حاجه نقصاها حاسه بفقدان ذاكره مؤقت محتاجه حاجه تفوقها بس هي مش عارفه ايه؟
قربت منها ساره
ساره...روكا حبيبتي تعالي اقعدي شويه انتي تعبانه🥺
روكا..........💔💔💔💔💔
ساره....روكا ردي عليا عشان خاطري وغلاوه بابي عندك اقعدي شويه وارجعي تاني الدكتور قال مينفعش تخرجي وانتي صممتي اسمعي الكلام وتعالي ياحبيبتي طيب اتكلمي عيطي اصرخي اعملي اي حاجه.
حازم....سبيها ياساره براحتها
ساره....بدموع شكلها تعبان يا حازم هي مقعدتش خالص ومن وقت ما جت وهي حالتها وحشه انا خايفه عليها🥺
حازم.....متقلقيش انا جمبها
قربت ساره من حازم واتكلمت بصوت واطي.
ساره...عرفت توصل لعامر.
حازم موبايله مقفول مش عارف في ايه.
ساره...مامي بتقول ان روكا لما كلمتها كانت بتعيط وبتقول لبابي انها محتاجه تتكلم معاه شكلها كده متخانقه معاه او عامر في حاجه.
حازم... مش عارف بس الأكيد انه فيه حاجه كان لازم يكون معاها وصراحه عامر مش بيتأخر خالص عن اي واجب اكيد في حاجه منعته.
ساره...يارب تكون خير انا واثقه لو جه هيخرجها شويه من اللي هي فيه🥺
حازم.....ان شاء الله خير وانا هفضل وراه لحد ما يرد المهم روحي انتي لطنط متسيبيهاش لوحدها وانا مع روكا متقلقيش
ساره....ماشي يا حازم🥺
رجعت ساره وقفت مع صفيه
وفضلت روكا علي حالتها الوقت بيعدي والناس مش بتقل دي بتزيد اكتر والصحافه في كل مكان.
وأخيراً وصل عامر والشباب بالعربيات ورا بعض بشكل يخوف وليل كالعاده وراه عربيات الجارد كان المنظر يخض لدرجه ان في ناس بصت بخوف وللحظه حسوا ان في حاجه هتحصل وفجأه كل المصورين راح تركيزهم علي العربيات اللي شكلها يخوف وبتقف ورا بعض وكأن شخص مهم جاي العزاء..
نزل بسرعه عامر من العربيه ونزل وراه كل الشباب
رفعت روكا عينها ولمحت عامر
وكل الشباب وراه والبنات ونوني
سما وريم حاسه انها بتفوق من صدمتها وبتفتكر كل اللي حصل
وبسرعه اتجمعت الدموع في عينها وهي باصه علي عامر بيقرب
وباصصلها بحزن كبير.
واول ما وقف قدامها سحبها بكل قوته دخلها جوه حضنه وحضنها بأيد واحد في اللحظه دي روكا حست انها خلاص بتضعف والجمود والقوه اللي كانت فيهم راحت.
روكا....بابي ياعامر بابي مات ياعامر بابي سابني
عامر.....أهدي أسف أسف والله اسف
روكا....اااااه بابي مات ياعامر وسابني
حط بدر ايده علي راسها بحزن
بدر...روكا حبيبتي اهدي احنا معاكي.
رفعت روكا وشها وهي بتتكلم بتوهان.
روكا.....بابي سابني يابدر بابي مات وكسرني يا نوني.
نوني...بدموع ادعيله ياروكا
قربت منها ريم وحضنتها بكل قوتها هي وسما وانهاروا التلاته
روكا.....بابي راح قبل ما أودعه يا سما
سما...بس بس عشان خاطري
ريم...بوجع لو بتحبيه بجد اهدي عشان خاطره وخاطرنا اهدي والنبي احنا اسفين مكناش معاكي ولا كنا نعرف حقك علينا
روكا....ااااااه
عشق....روكا اهدي عشان خاطري ادعيله.
روكا....ادعيله انا محتجاه هو يرجع ويدعيلي ياعشق انا مشوفتهوش ياعشق راح من غير ما اشوفه لاخر مره.
قربوا منها البنات وهما بيحاولوا يهدوها وهما منهارين كلهم معاها صوتها وعياطها والااااه اللي طالعه من قلبها قطعت قلوبهم وفكرت كل واحد فيهم بوجع واولهم كانت نور اللي افتكرت حاج محمد والبنات اللي عاشروا لمار اللي أفتكرت خالد وهو سايح في دمه
والاهم نوح اللي كان واقف ساكت وواخد جمب و باصص علي شكل الصوان وكأنه في دنيا تانيه.
قرب منها الشباب يعزوها
خدها بدر في حضنه وفضل يطبطب عليها.
بدر....البقاء لله شدي حيلك ياروكا.
روكا...بابي راح يابدر
ابتسم بدر ابتسامه حزن ادعيله هو محتاجك تدعيله ياروكا
روكا....كان نفسي اعرف بدري شويه عشان اشوفه كان نفسي ياخدني في حضنه💔💔🥺
بدر....روكا شكلك تعبان واللي بتعمليه ده هيتعبك اكتر مامتك محتجاكي و اختك هما ملهمش غيرك الوقت فين روكا القويه
روكا....خد كل حاجه معاه يابدر
بدر...بحزن اهدي عشان خاطري.
قرب منها يوسف وباس راسها وفضل يواسي فيها وهي منهاره
قرب مهاب بحزن طبطب عليها وباس راسها وفضل يهدي فيها
قرب دياب اول ما شافته نزلت دموعها اكتر.
روكا....هاشم النجار كسرني يا دياب💔💔
خدها دياب في حضنه وهو حزين جدا لانه يعرفه معرفه شخصيه وعارف علاقت روكا بيه
دياب....ادعيله ياروكا واجمدي اجمدي يابت مش عايز اشوفك كده.💔
قرب منها ليل باس راسها
ليل....شدي حيلك ياروكا
روكا....بوجع شكرا ياليل
ليل....علي ايه يا عبيطه انتي اختي وعامر اخويا حقك علينا مكناش نعرف وإلا كان زماننا معاكي من بدري.
جاسر.....روكا البقاء لله ياحبيبتي
باسها من راسها
روكا...ونعم بالله💔
سلموا عليها كلهم ريم وسما كانوا جمبها واحده مسكاها من ايدها والتانيه ماسكه ضهرها وكأنهم بيقولولها احنا ضهرك و معاكي.
وقفوا كلهم جمب روكا وحازم ورفضوا يقعدوا وقفوا عشان ياخدوا العزاء معاها
نوني والبنات راحوا قعدوا عرفتهم سما وريم بساره وصفيه وقدمولهم واجب العزاء ودخلوا قعدوا معاهم قدام روكا
بعد ما الكل سلم عليها بصلها عامر بحزن مسك ايدها باسها.
روكا....هاشم سابني عامر ملحقتش اشوفه لاخر مره
قرب عامر منها خدها في حضنه
عامر....اسف يا روكا مكنتش اعرف سامحيني.
روكا....كنت محتاجلك كنت بموت من غيرك كنت بدور عليك وانا مش عارفه بدور علي ايه كنت تايهه لحد ما شوفتك
عامر....انا جمبك وعمري ماهبعد عنك مهما يحصل تاني سامحيني
روكا....بانهيار مش هشوفه تاني ياعامر💔💔🥺🥺🥺🥺
في اللحظه دي الشيخ صدق وبدأت ناس تمشي وتسلم علي الجميع عامر واقف جمب روكا اللي رافضه تسيب مكانها والشباب كلهم واقفين جمبها
قربت منها سما وريم تاني ورجعوا عيطوا تاني وفضلوا جمبها شويه
الناس بتسلم وبتدخل ورجع بعد عشر دقايق الشيخ بدأت تاني
مشيت سما وريم مكانهم
جاب عامر كرسي ليها وصمم انا تقعد.
اما عند نوح كان حاسس انه بيتخنق من بدايه ما وصل كان بيتحمل علي قد ما يقدر بس مكانش قادر بعد شويه عنهم
ليل كان حاسس بيه من بدايه ما وصلوا لكن مكانش في فرصه يكون معاه.
ادم كان واقف جمب ليل ويوسف
قرب ادم من ليل ويوسف كان سامعه.
ادم....ليل نوح.
بص ليل مكان ما ادم شاورله.
يوسف...في حاجه ولا ايه.
ادم....نوح مش مظبوط من وقت ما جينا.
ليل....هروحله.
يوسف....استني هاجي معاك.
ليل...تعالي خليك معاهم يا ادم.
دياب....علي فين.
يوسف...جايين جايين.
قرب ليل ويوسف من نوح كان مديهم جمبه ومش شايفهم بس هما كانوا شايفينه.
ليل...نوح.
بصلهم نوح وهو عينه حمرا وبص لليل كأنه طفل صغير ونزلت دموعه🥺
خده ليل في حضنه من غير ولا كلمه.
يوسف...ايه ده في ايه ماله ياليل.
ليل...اهدي اهدي بلاش كده يوسف مش عايز حد يشوف نوح بالشكل ده.
يوسف...طيب طيب ناخده علي العربيه بهدوء بس فهمني في ايه.
ليل...انا بس الاول عايز اخرجه من هنا قبل ما المصورين دول يلمحونا.
يوسف...نوح اهدي من فضلك عشان نعرف نخرج من قدامهم بهدوء .
كان نوح منهار في الوقت ده
ليل...بوجع انشف يالا 😡 متعصبنيش.
يوسف...براحه ياليل نوح ايه يا صاحبي فيك ايه صلي عالنبي بس بقولك ايه امسك المناديل دي امسح وشك عشان هاخدك ونخرج من هنا.
مسك نوح المنديل وهو باصص في صدر ليل مسح وشه.
مسك ليل دقنه رفع وشه ليه وهو باصصله ارفعلي وشك كده واجمد انا قولتلك متجيش وانت كنت عارف اني مش عايزك تيجي عشان كده لو شوفتك بالحاله دي تاني هكسر وشك فاهم😡
هز نوح راسه بوجع.
ليل....انا جمبك يالا فاهم
نوح...فاهم ياليل🥺
ليل...خده يا يوسف من هنا ولما يهدا رجعه.
يوسف...حاضر يا ليل روح انت يلا وانا هخرج معاه واهدي انت كمان.
هز ليل راسه وخد يوسف نوح وخرجوا مع بعض ركب عربيته
يوسف....انا مش عارف حاجه ولا فاهم في ايه بس الاول تحب نمشي بالعربيه.
نوح....ابعدي بس شويه عن الناس والصوت متمشيش بعيد.
يوسف...ماشي يا صاحبي دور يوسف العربيه وبعدوا شويه عن العزاء ووقف العربيه وبصله لقي دموعه نازله.
يوسف...ادينا ركنا ايه ياصاحبي صلي علي النبي كده وفهمني في ايه.
نزلت دموع نوح بوجع وهو مش قادر يسيطر علي نفسه ولا قادر يتكلم.
يوسف....نوح في ايه متقلقنيش انا اول مره اشوفك كده متعود عليك بتضحك وبتهزر علي طول ودايماً حاسس انك مش شايل للدنيا هم وضاربها صرمه في ايه بقي مالك
مكانش قادر نوح يرد عليه خالص.
يوسف...طيب انا هسكت واسيبك براحتك لحد ما تهدي خرج كل اللي جواك واعتبرني مش موجود.
فضل يوسف ساكت ونوح جمبه
منهار فضل ياخد في نفسه بهدوء لحد ما حس ان هو هدي شويه
خد نفس طويييييل اوي وخرجه بهدوء.
نوح....كنت قريب من ابويا اوي
بصله يوسف لما سمعه بيحكي وسكت لكن كان مهتم يسمع.
نوح....يمكن بابا الله يرحمه كان ليل اقرب ليه لان هو اللي كان دراعه اليمين من وهو صغير
ليل تقرييا شغال في الشركه من وهو في ثانوي وبعدها بقي شغال رسمي في الشركه اول ما دخل الجامعه كان بيشتغل ويروح الجامعه ليل طول عمره ذكي جدا وبيحب الشغل جدا وبجد ناجح اوي بابا كان بيعتمد عليه في كل حاجه ..انا بقي رغم حب بابا الفظيع لليل لكن كنت انا ليا بردو جزء خاص عنده يعني الصغير اللي مدلع وطلباته اوامر ليل كان للجد والشغل وانا للهزار والدلع كان بيخاف عليا اوي وبيحبني وانا كنت بحبه اوي كان بالنسبالي قدوه بجد لما كنت اشوفه جمبي كنت احس اني اقدر اقف قدام الدنيا بحالها كنت متعلق بيه بطريقه فظيعه كان هو السند والقوه وكل حاجه لما مات انا كنت تقريبا عامل زي روكا تخيل شاب يوصل لحاله الانهيار دي مكنتش مصدق وكنت رافض اصدق حتي بعد ما مات.
يوسف...بتأثر كان عندك قد ايه.
نوح....بأبتسامه لا بابا مات وانا كبير علي فكره كان ليل خلص جامعه بقتله شويه حلوين وكان وقتها ليل السيوفي وانا كنت نازل معاهم بقالي كام سنه اصل بابا الله يرحمه كان اول ما واحد فينا يدخل سن المراهقه يسحبه للشغل ويشغله كان بيقول السن ده محتاج انه يتشغل في خاجه كان ديما يقول السن ده مصايبه كتير وكمل بأبتسامه والشهاده لله كان عنده حق كنت بجيبله مصايب الدنيا عكس ليل طول عمره اعقل واهدي.
ابتسم يوسف وسابه يكمل.
نوح...فا انا أشتغلت من اول ما دخلت ثانوي طول الاجازه كنت ببقي معاهم لحد ما دخلت جامعه وبقيت معاهم بجد.
يوسف...بس انت كنت كبير.
نوح....صدقني ملهاش علاقه بالسن خالص يمكن لما اتوفي كنت كبير واعي بس صدقني يا يوسف انا كنت شبه منهار وكان عندي صدمه عصبيه بابا الله يرحمه مات بدون مقدمات يعني حد قاعد بيضحك وبيهزر معاك وفجأه تلاقيه مات
ولانه مكانش بالنسبالي اب عادي انا حرفيا كنت بموت يوم العزا كنت رافض اسمع صوت القرآن مش عشان حاجه بس في اصوات معينه كده بتسمعها مرتبطه معانا كلنا بالموت يعني شيوخ اول نا اسمع صوتها أتقبض مش عشان صوتهم وحش بس صوتهم مميز في وقت العزاء بعد ما بابا مات احنا تعبنا بجد الشركات بدأت تضرب فينا بدأوا يوقعونا من كل إتجاه من زمان وليل بيتهاجم بغباء ووقتها كنت انا في دنيا تانيه وهو واقف يعافر بطوله وكان معاه ادم. طبعا وقعنا كتير وخسرنا كتير وكان ليل اول ما يقوم يقف علي رجله يلاقي ح
بيديله من تاني ويوقعه لحد ما كان جايب اخره وفي يوم كان ليل مش موجود في البيت ولا هو ولا ادم وحتي ماما كانت عند مامت جاسر وقتها انا كنت منعزل في الاوضه وفجأه سمعت صوت ضرب نار فظيع علي الڤيلا من كل مكان ولما بصيت من الشباك لقيت هجوم غير عادي علي الڤيلا ناس مسلحه ومنظرهم يخوف بجد ووقتها كان لسه بابا متوفي وانا لسه تحت تأثير الصدمه وكنت حاسس ان ليل بعيد عني وفي بينه وبين ادم اسرار كل ده كان تاعبني اول ما شوفتهم كنت عامل زي العيل الصغير اللي خايف ومش عارف يتصرف ومكانش عندي قدره حتي اني اواجه في الوقت ده كنت مفتقد بابا فوق ما تتصور عارف يعني تحس انك فقدت الامان والسند والقوه فجأه حسيت اني أتعريت قدام نفسي استسلمت وخلاص مستنيهم يطلعوا.. وفجأه سمعت اصوات اعلي من بره ضرب نار وصوت عالي وشرطه في كل مكان
حاولت ابص تاني من الشباك من وسط ضرب النار ده لمحت ليل بس كأني بشوفه لاول مره حد تاني مختلف جبروت بمعني الكلمه ودي كانت اول مره ليل يتحول فيها والسوق كله بره وجوه يشوف ليل بالشكل ده ويبقي ليل عزام السيوفي اللي مفيش شنب في مصر ما بيخافش منه وقتها لما شوفته يا يوسف حسيت كأن في حاجه غريبه بتحصل جوايا وكأنه بيبعتلي قوه جوايا من غير ما يحس وفي اقل من عشر دقايق كانت كل حاجه خلصت الشرطه صفت ناس وقبضت علي ناس وطلع ليل وهو مرعوب و بينادي عليا بصوت مرعب لحد ما فتحت الاوضه واول ما شافني حضني حضن عمري ما هنساه بس وقتها انا كنت حرفيا منهار قفشت فيه زي العيل الصغير اللي مستني حد يحميه ووقتها ليل قرر انه يحول شخصيتي يمكن انا مكنتش جبان بس ثقتي في نفسي كانت مهزوزه من صدمه موت بابا ومن بعد ليل وادم عني اللي اكتشفت بعد كده انهم كانوا عارفين ان هيحصل كده ومن بعدها ليل مبقاش يمشي من غير جارد وانا يمكن متغيرش فيا كتير بضحك بهزر لكن بقيت اقدر اقف في وش اي حاجه ليل كمان يمكن شخصيته معانا غير بره في الشغل لكن هو دمه خفيف يمكن اخف مني طيب حنين في صفات حلوه بجد هو مخبيها. ليل بالنسبالي يا يوسف ابويا مش اخويا رغم ان فرق السن بينا مش كبير.
يوسف....طيب بردو انا مش فاهم ايه سبب الانهيار الفظيع اللي كان حاصل جوه ده.في حاجه مضيقاك او حاجه حصلت.
نوح...خالص بالعكس والله بس زي ما قولتلك صوت القرآن مع شكل الصوان اللي كان شبه صوان بابا بالظبط مكنتش تشوف غير بني ادمين مترصصه عشان تعزي .والاهم روكا يمكن انا حضرت من بعد بابا عزا كتير اه مكنتش بطول و بمشي بسرعه لكن كنت ببقي عادي الوقت اللي وجعني اوي يوم موت حاج محمد والد نور بس يمكن كنت بمسك نفسي شويه لان كنت حاسس بمسؤوليتي تجاه نور فا كنت بحاول اكون قوي عشانها لكن روكا بجد وجعتني اوي نفس وجعها ونفس احساسها ونفس حزنها انا مريت بيه يمكن هي لما كانت بتحكي عن نفسها لما اتعرفنا علي بعض وشرحت علاقتها بوالدها مكنتش بردو متخيل اوي انها وصلت لدرجه علاقتي بأبويا بس لما شوفتها حسيت ان في شريط اسود بيمر قدامي من اول ما جيت ولمحت الصوان والناس وصوت القرآن كنت متاخد اوي وبعد ما شوفتها حسيت اني مش قادر فا حاولت ابعد وليل جالي والباقي انت عارفه.
يوسف...بأبتسامه بس ليل شكله بيحبك اوي.
نوح....قولتلك ليل انا بالنسبال ابنه مش اخوه وهو ابويا مش اخويا وبس ليل بيتعب لما يشوفني كده وبيبقي هاين عليه يقتلني عشان ميشوفنيش في الحاله دي.
يوسف...بضحك اه شوفته كنت حاسس انه عايز يضربك بس اقولك حاجه ربنا يخليلك ليل كفايه انه موجود في حياتك و بصله بحزن غيرك يا نوح لا ليه اخ ولا ليه اب علاقته بيه تبقي شبه علاقتك بوالدك. صدقني يا نوح مفيش حد فينا حياته كامله كلنا مليانين وجع علي لغبطه والدك ربنا اختاره كل ما تفتكره ادعيله وامسك في ليل بايدك وسنانك ومتخليش اي موقف وحش يفكرك بذكريات انت بتحاول تنساها عدي ياصاحبي وعيش
نوح ..حاسس انك بتتكلم عن نفسك؟
يوسف...يمكن مليش غير اخت مسافره بره وتقريبا أقلمت حياتها علي السفر امي و ابويا موجودين لكن هما في دنيا وانا دنيا تانيه بنتعامل وكله تمام لكن مش بحس ان علاقتنا أفضل حاجه او بمعني اصح اللي اصحابي ونوني نفسها تعرفه عني هما ميعرفهوش وبيتهيألي عمرهم ما هيعرفوه.
المهم سيبك مني و فك كده وروق يا صاحبي وخليك جامد واعمل زي ما ليل بيقولك متخليش الظروف الوحشه تكسرك او تضعفك.
نوح....بأبتسامه حقك عليا جات فيك انت ياصاحبي بس بجد مكنتش اعرف انك جدع كده.
يوسف...بابتسامه ياعم لا جدع ولا نيله انا خوفت من اخوك اللي اتحول وبقي شبه هولاكو😒
ضحك نوح غصب عنه..والله ده طيب.
يوسف...كيب ايه يا جدع والله خوفت اسيبك في ايده يروق عليك قولت اخدك من وشه بسرعه🙈
نوح....تسلملي يا صاحبي.
يوسف...حبيبي يا نوح انت اخويا الصغير واي وقت تحس انك محتاج تتكلم تعلالي او كلمني هتلاقيني عندك وابعد عن هولاكو ده .
نوح...بضحك حاضر.
يوسف...ايه نرجعلهم ولا تستني شويه.
نوح...لا ارجع انا زي الفل.
يوسف...😒ما كان من الاول لازم الفرهده .
نوح...بضحك خلاص بقي حقك علينا ياعم🙈
رجع يوسف بيه تاني قدام العزاء ونزلوا هما الاتنين ومشي جمبه يوسف ليل كان باصصله من بعيد وحس براحه وهو شايفه جاي فارد ضهره وكأن مفيش حاجه حصلت.
وقف يوسف جمب جاسر ومهاب ورجع يوسف وقف جمب ليل وادم من غير ولا كلمه.
بصله ليل بهدوء ..شكرا.
يوسف...بأبتسامه مفيش بينا شكر ياليل نوح اخويا الصغير
ابتسم ليل وبص قدامه.
ورجع الشيخ صدق وبدأت ناس تخرج وتسلم عليهم وعلي روكا ورجال اعمال من معارف هاشم يدعموها ويتكلموا معاها.
وبعد دقايق رجع الشيخ يقرأ من تاني.
بعد بدر عنهم شويه واتكلم في الموبايل.
بدر...ايوه ياعماد فينك كل ده وصلت
عماد....اه يابدر انا بره الڤيلا اهو
بدر....طب وايه الباب مفتوح في نور في حد.
عماد...البوباه مقفوله من بره نور الجنينه بس مفتوح والڤيلا ضلمه
بدر...طيب والعربيه موجوده.
عماد...لا مفيش عربيه
بدر...طيب متعرفش تشوف من اي مكان وتتأكد يمكن تكون جوه.
عماد...بقولك البوابه مقفوله هشوف ازاي انط من السور.
بدر...بدر بعصبيه اتصرف ياعماد هو انت حرامي انت ظابط.
عماد....ياجدع اهدي مفيش حد والله جوه انا واثق
بدر...بقله حيله طيب ياعماد وحقك عليا انا اعصابي بايظه شويه.
عماد....عيب ياصاحبي متشلش هم وعموما لو في اي حاجه تاني عرفني وانا معاك.
بدر...متحرمش منك يا صاحبي انا هقفل الوقت.
عماد ..ماشي في رعايه الله
بدر...سلام.
رجع تاني وقف جمب عامر وروكا.
عامر....روكا كفايه اوي كده انا سمعت كلامك وسبتك كتير تعالي يلا اوديكي عند صفيه ونوني واقعدي شويه انتي كده هتقعي من طولك
روكا....بدموع مش هسيب مكاني يا عامر انا هاخد عزاء ابويا بنفسي
عامر....قووولت يلااا سمعتي
بدر...براحه شويه ياعامر يلا ياروكا يلا حبيبتي
روكا....والنبي يابدر اخليه يسبني براحتي🥺🥺🥺
بدر...ياروكا انتي مش شايفه شكلك انتي من بدري علي كده ارتاحي شويه وبعدين ما انتي قدامنا اهو
مسك عامر ايدها وبص لبدر راجع تاني.
روكا....عامر سبني عشان خاطري.
سحبها عامر ومشي بيها وبصلها عشان خاطري انا ريحيني عشان شكلك تاعبني انا ممكن
مشيت روكا معاه وقرب من صفيه ونوني.
عامر....صفيه خلي روكا هنا عايزها ترتاح.
صفيه...من بدري بقولها ياعامر بس انت عارف دماغها ناشفه.
عامر....اهي معاكي خلوها تقعد واياك تقومي🤨
روكا....بدموع ارحموني شويه والنبي ارحموني محدش فيكم حاسس بالنار اللي جوايا سيبوني براحتي محدش ليه دعوه بيا.
نوني...يابنتي حرام عليكي نفسك انتي اتبدلتي خالص هو خايف عليكي.
عشق...روكا حبيبتي وحدي الله انتي كده بتتعبي نفسك وتتعبيه.
روكا...جوايا وجع كبير محدش حاسس بيا ياعشق في الم في قلبي مش عارفه اوصفه والله غصب عني.
ريم...والنبي كفايه بقي😭
عشق...كلنا والله حاسين بيكي بس اهدي شايفه مامتك عامله ازاي عشانك
صفيه...بدموع هتموتني والله يابنتي من الصبح قلبي مقسوم عليها وعلي هاشم كانت هتروح مني هي كمان.
سما....اسمعي الكلام بقي اهدي شويه ياروكا.
صفيه....هو انا مش غاليه عندك ياروكا متوجعيش قلبي يا بنتي
بصتلها روكا واترمت في حضنها.
روكا...اااااااه يا امي اااااه.
صفيه...بس بس بقي والنبي كفايه.
لمار....طيب ما تدخلوها جوه شويه يا جماعه😭
ساره...مش راضيه والله هي اصلا المفروض كانت فضلت في المستشفي بس مرضيتش بهدلتني انا وحازم.
تمارا....طيب خلاص سيبوها هي هتهدا
قامت نور وقربت منها قعدت علي ركبتها وهي منهاره زيها.
نور...عارفه يا روكا انا حاسه بيكي والله اوي بس الفرق بيني وبينك اني مكانش ليا غيره في الدنيا ولا اهل ال ولا اهل ام كان هو كل حياتي عملت زيك كده بس بعدين اكتشفت ان كل ده من غير اي فايده لانه مش هيرجع بس بدأت كل ما افتكره ادعيله وأقرأ له قرآن واصلي لحد ما حسيت اني افضل لو العياط الوقت هيريحك عيطي بس لازم تهدي شويه وتعرفي ان حواليكي ناس كتير واولهم مامتك ربنا يديها الصحه ويحفظهالك روقي ياروكا وادعيله حبيبتي.
روكا....انا تعبانه اوي💔💔
نور...عارفه و هتاخدي وقت كمان بس صدقيني هتبقي كويسه وبكره تفتكري كلامي. مسكت ايدها وطبطبت عليها وقامت باستها من راسها ومسحت دموعها ورجعت تاني قعدت مكانها💔
خدتها نوني في حضنها وايدها كانت في ايد والدتها وسكتت شويه ورجعت تاني للسرحان 🥺
ثواني ولمحت لمار كارمن وانس داخلين من بعيد عليهم وشافت دياب بيبعد وراح لانس وراحت هي بسرعه لكارمن اللي كانت حاسه انها طايره من السعاده انها شافتها رغم حزنها علي حاله روكا.
ابتسمت كارمن بهدوء وقربوا وحضنوا بعض بقوه
لمار...بدموع وحشتيني اوي
كارمن...😭😭انتي اكتر وحشتيني اوي
لمار.. لينا فين.🥺
كارمن...سبتها مع ماما🥺
قرب انس سلم علي لمار وهي سلمت عليه
وحضنه دياب بأشتياق كبير وسلم علي كارمن وخلاهم يروحوا عند روكا وخد انس سلم عليهم وعرفوا بيهم وانس عزا عامر وحازم ووقف معاهم
........
لمار....روكا دي كارمن صاحبتي اللي حكيتلكم عنها
بصتلها كارمن وهي دموعها نازله
كارمن قربت منها
كارمن....البقاء لله يا روكا شدي حيلك حبيبتي.
روكا...بدموع ونعم بالله🥺
كارمن...بحزن كان نفسي اتعرف عليكم في ظروف احسن من دي بس الحمد لله علي كل حال ربنا يصبرك يا حبيبتي.
روكا....يارب💔🥺
سلمت علي صفيه وساره وعزتهم وسلمت علي باقي البنات وقعدت جمب لمار
................
الوضع فضل زي ما هو شويه القران يقف والناس تمشي وشويه والناس تيجي المصورين زي ما هما والعدد كبير لسه
بعد جاسر شويه وقف ولع سيجاره يشربها وتمارا عينها عليه من بعيد وفجأه لمحت جاسر بيسلم علي بنت و بيبوسها و لمحته مبتسم وواضح انه متفاجئ وسعيد وفضل ايده في ايدها وبيتكلم ومركز اوي وهي من بعيد حاسه بنار جواها هتتجنن وتعرف مين دي😡
بعد حوالي عشر دقايق مشيت البنت وركبت عربيتها بعد ما مسك الموبايل وشكله كان بيسجل رقمها
وده هي كانت واثقه فيه لما هي كمان رفعت موبايلها وهزت راسها وابتسمت وسلمت عليه مره تانيه وباسته ومشيت..
خلص جاسر السيجاره ورجع تاني وقف مع اصحابه ومش واخد باله من عيون تمارا اللي كانت مراقباه
وكانت هتتجنن من الابتسامه اللي اترسمت علي وشه فجأه🥺
الوقت كان بيمر وروكا هاديه واقفه تسلم علي الناس اللي بتدخل وشويه وتقعد
الساعه بقت 11 والناس الي حد كبير رغم انهم كتير لكن كان العدد اقل من الاول.
وفجأه الكل عينه راحت علي مكان الدخول لما سمعوا صوت عربيه بتعمل صوت عالي في الارض وظهرت قدامهم عربيه سيلا بص بدر بصدمه
لما شاف سيلا نازله من العربيه شكلها يخض التيشرت عليه دم ايدها عليها دم شعرها مش مترتب خالص منظرها وشكل وشها وعينها اللي وارمه من العياط
وقف الجميع حتي البنات لما شافوها .
سيلا كانت ماشيه بخطوات بطيئه بتبص حواليها شايفه بدر والشباب شايفه البنات شايفاهم كلهم حاسه انها لوحدها مش عارفه ترفع عينها فيهم محرجه منهم خايفه يكونوا خلاص مبقوش عايزنها وسطهم بعد ما غلطت واتسببت في زعلهم من بعض كان شعورها بانها فقدت روكا وبدر والاتنين بعدوا عنها قاتلها محسسها بالوحده والخوف ومع كل ده مقدرتش متروحش لروكا في اصعب وقت هي محتجاها فيه يمكن خافت من رد فعلها لكن مقدرتش تمنع نفسها ..كان شكلها وهي ماشيه وحاسه بالخوف كده والاحراج يقطع القلب
وقفت روكا بصدمه من شكلها وفضلت تقرب منها وسيلا بمجرد ما لمحتها بتقرب وقفت ثواني
وفجأه دموعها نزلت جامد وهي بتقرب. ووقفت سيلا وهي باصه لدموع روكا في اللحظه دي مقدرتش تمسك نفسها.
سيلا...ااااااه.
قربت منها روكا والاتنين حضنوا بعض بكل قوتهم و الااااه طالعه من قلوبهم.
جريوا عليهم صحابهم بسرعه.
سيلا....انا اسفه والله اسفه
روكا....بابي مات سيلا اااااه
سيلا...سامحييييني ااااه
روكا.....قلبي واجعني يا سيلا اوي
سيلا.....اااااه حاسه بيكي والله انا اسفه اني مكنتش معاكي اسفه اني زعلتك
جم صحابها جري وهي بتتكلم ومنهاره هي وروكا.
عامر...سيلا اهدي روكا كفايه من فضلك
يوسف...تعالي ياسيلا تعالوا بعيد
سيلا....انا اسفه يا يوسف اسفه ياعامر اسفه يامهاب حقكم عليا كلكم والله ما كنت اقصد ازعلكم مني وبصت لروكا سامحيني ياروكا كان لازم اكون معاكي من الاول اسفه اني زعلتك بس متبعديش عني متبعدوش عني كلكم🥺🥺🥺🥺🥺💔
عامر...قرب منها وحط ايده علي راسها نبعد عنك ايه ياعبيطه اهدي ياسيلا محصلش حاجه
روكا....قربت ايدها تمسح دموعها وهي نفسها منهاره كنت محتجاكي اوي💔💔
مسك سيلا أيدها باستها انا جمبك وهفضل جمبك
ليل....اهدوا شويه انتوا الاتنين المصورين بيصوروا والصخفيين موجودين خلاص كل حاجه هتبقي تمام
قربت سيلا من روكا تاني وفضلوا الاتنين حاضنين بعض ومنهارين وروكا بتصرخ في حضنها كأنها كانت مستنياها تيجي
نوني...بدموع بس بس انتي وهي هيجرالكم حاجه كفايه💔💔🥺
دياب....عامر خد انت روكا بعيد مش هينفع كده الاتنين تعبوا وفي اللحظه دي دخل من وسطهم بدر
عامر بعدهم عن بعض شويه لمحت سيلا بدر وقفت مصدومه دموعها نازله وخايفه منه خايفه ترفع عينها خايفه تتكلم عارفه انه مش.عايز يبص في وشها وفجأه وهي بتفكر في كل ده لف بدر ايدها علي راسها وخدها في حضنه فضلت سيلا تعيط وهي ماسكه في هدومه جامد.
وكل البنات واقفين منهارين من العياط وفجأه حس بدر ان ايدها بتنزل من علي هدومه وجسمها كله ساب.
بدر....سيلااااا.
روكا....سيلااا فيها ايه.
بدر....شالها بسرعه وبص لعامر عديني بسرعه من هنا يا عامر.
عامر...تعالوا علي الڤيلا جوه.
جاسر....طب انا هروح اشوف دكتور.
عشق...استني ياجاسر هي اكيد ضغطها وطي انا معاها.
روكا....في جهاز ضغط فوق
عشق...طب تعالي معانا انتي كمان يلا.
جريت وراها ريم وسما ونوني وساره اخت روكا.
دخل بدر بيها بسرعه علي الڤيلا
روكا...تعالي علي الاوضه بتاعتي فوق يا بدر.
بدر...لا لا خلينا هنا عشان لو محتاجه دكتور.
عشق...في جهاز الضغط
ساره....لحظه هطلع اجيبه بسرعه
عشق....هاتي معاكي اي برفيوم بسرعه.
ساره...حاضر حاضر..
عشق فضلت تدوس بين قورتها جامد اوي عشان تفوق.
بدر....انا بقول نوديها للدكتور افضل.
عشق...استني بس يابدر متقلقش هي بخير والله.
ساره....نزلت جريت ادتها جهاز الضغط
عشق... رفعت ايدها اللي كانت غرقانه دم ولمحت جرح كبير بالطول..
الجرح ده محتاج يتطهر وشكله كده كان محتاج خياطه.
بدر...بصدمه ايه ده
ريم....لما روحنالها كانت متعوره بس مشوفناش الجرح .
بدأت عشق تقيس ضغطها
عشق...سما قرب حطي برڤيوم علي ايدك وشمميها.
سما...حاضر🥺
نوني...استر يارب.
عشق...الضغط عالي اوي
بدر...طب ايه ؟
بدأت تفوق سيلا في الوقت ده
سيلا ...اممممم
عشق...الحمد لله اهي فاقت
قعد بدر علي ركبته سيلا سيلا حبيبتي سمعاني.
عشق...قومي ياسيلا سمعانا حبيبتي.
فتحت سيلا عينها وهي ماسكه راسها بوجع قام بدر رفعها شويه وقعد جمبها وخدها في حضنه وفضلت تعيط.
روكا....بدموع حرام عليكي انا ناقصه ياشيخة🥺
عشق...ساره من فضلك هاتي اي عصير بسرعه لسيلا
ساره...حاضر ثواني
عشق...تعالي انتب كمان اقيسلك الضغط انتي شكلك تعبان اكتر منها.
روكا....انا كويسه ياعشق.
عامر....اسمعي الكلام مش شايفه منظرك.
جات ساره بسرعه فتحت العصير وخده منها بدر يشرب سيلا.
ساره....هي كمان ليها علاج تاخده والمفروض كان في محاليل تاني عشان كده الدكتور سابلها الكانولا في ايدها.وواجعه قلبي انا ومامي من الصبح🥺🥺
عشق...وريني كل العلاج بتاعها ياساره وهاتي المحاليل انا هركبهلها .
بدر....طيب انا عايز اشوف اي دكتور هنا يا عامر او مستشفي حد يشوف الجرح اللي في ايد سيلا ده.
سيلا....بدموع انا كويسه
بدر...ايدك محتاجه تتخيط كويسه ايه.
نوني...ياحبيبتي انتي مستحمله الوجع ده ازاي بس.
سيلا ...والنبي يا نوني انا كويسه والله بلاش الخياطه دي كفايه اطهرها بس🥺🥺
عشق...طيب بقولك ايه .ايه رأيك انا اخيطهالك متقلقيش مش هتحسي بحاجه وهعملهالك تجميل كمان وهديكي بنج انا ايدي خفيفه اوي🥺
بدر...هتعرفي ياعشق وبصلها باحراج مقصدش والله بس
عشق...بابتسامه متقلقش مش اول مره وبعدين انا بتعامل مع مرضي تلنيبن بس يمكن اتعاملت مع البشر اكتر كمان.
ابتسم بدر باحراج ماشي طيب انتي هتعملي كده ازاي
عشق...في شويه حجات محتاجاهم ضروري لو بس في ورقه وقلم ياريت وانا اكتبهم
ساره...لحظه هجيبلك.
عامر...روكا ايه ظروفها
عشق...روكا ضغطها واطي اوي اوي في دوا للضغط حلو جدا بس كمان هي محتاجه تاكل وتاخد شاور وتهدي شويه وياريت لو تنام
عامر...طيب اكتبيلي الدوا بردو.
دخل حازم في الوقت ده ومع باقي الشباب وصفيه
حازم...عامر الدنيا بره خلاص فضيت بس في ناس عايزه تسلم عليك.
عامر....تمام يا حازم استني جاي معاك.. وبصلهم دقايق وراجعلكم
ليل...خليك براحتك.
صفيه....ايه بابنات عاملين ايه الوقت وبصت علي ايد سيلا يالهوي ايه ده 🥺
نوني....الحمد لله جرح في ايدها محتاج خياطه بس.
صفيه...طب اجري ياساره اتصلي بالدكتور بسرعه اللي كان بيجي لهاشم.
عشق...متقلقيش حضرتك انا هعمل كل حاجه مفيش لزوم.
تعالي حضرتك ارتاحي.
صفيه...شكرا يا حبيبتي
روكا...بحزن اهم هما دول يا صفيه صحابي واخواتي واهلي اللي كنت بحكيلك عنهم طبعا انتي عارفه صحابي وعارفه الشباب واكيد دياب
صفيه...طبعا بس حقكم عليا الباقي انا اول مره اشوفه.
ليل...اتشرفنا بحضرتك اكيد كنا نتمني نشوفك في ظروف افضل من كده.
صفيه....الشرف ليا يا حبيبي
عرفتها روكا علي الباقي حتي انس وكارمن
صفيه....ليها حق روكا تحبكم ونعم الصحاب
عشق...روكا دي اختنا وغاليه علينا
صفيه....حبيبتي تسلمي يارب🥺
عشق...العلاج اللي هحتاجه اهو
بدر...هقوم انا اشوف اي مكان
جاسر...هات يابدر خليك انت مع سيلا.
بدر...هتعرف انت حاجه هنا.
جاسر...ياجدع عيب عليك انا كل كام يوم في محافظه شكل المهم محتاجين اي حاجه تاني.
عشق...لا انا كتبت كل اللي محتجاه.
دخل عامر في الوقت ده حازم كان بره مت العمال بيفكوا الصوان الناس بره مشيت.
بدر...اخو عامر جه.
عامر..ايه فين الورقه
جاسر...خليك انت كنان انا رايح
عامر..استني انا جاي معاك عشان اجيبلهم عشا محدش فيهم كل اي حاجه .
جاسر...طيب يلا بينا.
مشي عامر وجاسر..
وبعدها بشويه أستأذن دياب.
دياب...طيب ياروكا احنا هنمشي الوقت وهنرجعلك بكره بدري.
روكا...ايه ده هتروحوا فين انتوا مش جاين كل ده عشان تمشوا محدش فيكم اصلا ماشي.
دياب...نمشي فين يابت انتي عبيطه انتي ناسيه اني اسكندراني ولا ايه انا هروح اشوف انا ولمار الجماعه بقالنا كتير مشوفناهمش وهنطمن علي الڤيلا هنا وهنيجي الصبح وبعدين ابويا وامي سبقوني ومشيوا ومستنينا نعدي عليهم
روكا....انتوا بتهرجوا.
لمار...يابنتي هنرجع وبعدين ما احنا هنا قريبين ولينا مكان يعني مش هنقعد في الشارع هنطمن علي ماما وبابا وهنجيلك.
روكا....ماشي يا لمار وبصت لكارمن شكرا يا كارمن
كارمن...علي ايه بس انا معملتش اي حاجه هجيلك بكره مع لمار
روكا....تنوري
صفيه...تنوروا ياحبيبتي .
انس....ربنا يجعلها اخر الاحزان ويصبركم.
صفيه...يارب يا حبيبي
دياب....ماشي روكا تمام يا صفيه هكلمكم قبل ما اجي بكره
صفيه....ماشي يا دياب سلموا عليهم ومشيوا
وفضل صحابها وليل وباقي الشباب مستنين رجوع عامر وجاسر اللي لأول مره يتفقوا ويخرجوا مع بعض لوحدهم.
