رواية كبرياء شيخ الفصل الثامن والعشرون بقلم زينب
احمد شبيك كلما تطلع وتجي تكب بوجهي
احمد: نترت ايدي منها وكتلها
طلعي كمره ما اريد اجادلج
كمره: انه مرتك لو لا
احمد: وتالي وياج كتلج طلعي( بعصبيه)
كمره: طلعت منه مهضومه ودمعتي بطرف عيني نزلت جوا للمطبخ شافتني الشيخه والحجيه وسألتني شبيج وكتله
احمد ما اعرف شبي كلما يطلع ما بي شي ويرجع الغضب الجبار حصره علي اسأله شي يكب بوجهي اخر شي طردني من الغرفه
الشيخه: يمه عذري وتعودي على طبعه هو هيج من تشوفينه عصبي عوفي وطلعي بدون ما تسألي شي
ليلى: تعاي جماره حذاي
كمره: شتردين حجيه
ليلى: تعاي اسولفلج سالفه
كمره: سالفتيش
ليلى: سالفتي ويه عواد هذا يصير رجلي وجد الولد
كمره:سولفي بلكي انسى الصار
ليلى: شوفي جماره اول ما عرست جنت ما اعرف طبعه وهو جان عصبي ما يتحاجى وما يكل للفلك ولك وانه جنت اصغيره وما اعرف شي وجانن النسوان يغارن مني لجن جنت حلوه واخذت الشيخ وبعدني صغيره كلشي ما علمني جان كلما يجي من شغل الكيعان جانت عيونه بكصته وانه جنت خوثه مثلج هسه
كمره: ياااا حجيه نعم الله عليج
ليلى: جا تخليني اكمل
كمره: كملي بعد ما احجي
ليلى: علميني ًوٌَيــن وصلت بالحجي
كمره: من جنتي خوثه
كمره: الغسل كون
كمره: جا شكلج
ليلى: هسه ما علينا جان من يجي عصبي ما اتكفى الشر واكعد واسكت لا ادخل بي تحقيق واشلع افاده وهو ما يتحمل يكوملي بالنطاق يكطعه تكطع علي يزورك جسمي تزوك
ظليت على هل حال شهر وانه يوميه انكتل لحد ما كال لمي خلاكينج بصره وأمشي اردج لهلج
انه هنا انخفت كلبي وظليت لا اخذ ولا انطي
وكتله ما اطلع وشتريد تسوي سوي
كال صارلج شهر ما عرفتي طبعي
المره الما تعرف طبع رجلها ما الها عيشه وياه
كتله انت علمني عليك انه كلشي ما اعرف كلي ٲℓانــتيہ تعلمي من ذاتج انه هسه راح اعوفج مده واذا ظليتي نفس طبايعج اردج لهلج وانه اخذلي مره
ومن اهدها تعلمت كلشي وعرفت شنو يحب وشنو يكره وصرتله الكل بالكل حتى ما خليته يحس بنقص وخليته هو يجي من الشغل ملهوف علي
كمره: الله جكد ‹ حلـِۈۋۏ هيج
ليلى: قصدتج بسالفتي
من تشوفين يتعصب يا بيبي تركي ولا تعمين على رويحتج وتعلمي على طبايعه ترى هو شيخ ودكتور والف وحده تلفه وتأخذه منج وانتي تظلين تعاينين
كمره: حجيه ٲℓانــتيہ هم اخذ عليج مره
ليلى: شحده ما خليته يتنفس
كمره : لو ما خذ شتسوين
ليلى: جا كصيته اله وخليته بحضنه
كمره: ياااااااا حجيه
هههههههه هههههههههه هههههه
اخ يمه بطني شسويتي هههههههه يمه اختنكت وصار وجهي احمر من الضحك ومستمره اضحك
الشيخه: ياااا يمه البنيه اختنكت
حجيه بالله هذا هم حجي تحجبنه الها
ولج كمره كافي كومي غسلي وجهج
كمره: هههههههه عمه ما اكدر بعد هههههه
ورجعت اضحك وآخر شي اختنكت ظلت الشيخه تضرب على ظهري
الشيخه: هديه ركضي جيبي كلاص ماي • بـٰٚـِْسـ᷈͟ــرعه البت اختنكت شكول عليج حجيه
وسام: اول مره اسمع صوت كمره تضحك هيج استغربت وكتلني الفضول ادخل للمطبخ واعرف شبيها وليش تضحك
خير شسالفتكم
اباوعله وجهه احمر وهي مختنكه وامي تغسل بوجها شافتني وعدلت شالها وسكتت شويه ورجعت ضحكت
كمره: هههههه
وسام: اول تالي شصار وخلاج تضحكين هيج
الشيخه: غير هاي جفصات بيبيتك
ليلى: يااا هو انه شكلت
وسام: بيبي بداعتي عندج كولي شنهيه الجفصه
ليلى: كلت اكصه.....
الشيخه: ماكو شي وليدي روح روح هاي بيبيتك اليوم ما ادري شبيها
وسام: ما اطلع اذا ما اعرف شنو السالفه وهاي كعده
ليلى: وانتي جماره كافي شنهي انهديتي
كمره: هههه حجيه راح اسكت الله عليج لا تحجينه بعد
وسام: خويه كليلي شكالت والله تظل حصره بكلبي والليل ما انامه
كمره: ههههه والله استحي اكوله
رجعت اضحك وهل مره كضتني الخنكه ازيد بدخلة احمد
احمد:ما كدرت انام انقهرت على كمره من صيحت عليها وخليتها تطلع من الغرفه وانه مية مره كايللها من تشوفيني مالي خلك خليج بعيده بس عنوديه ما تسمع الحجي
نزلت اشوفها خفت عليها لا تتأزم حالتها من جديد واسمع ضحكه بالمطبخ
ارتاحيت بس من دخلت وشفت وسام شطت نار وانه اشوفها تضحك من كل كلبها وجها انكلب احمر دم وآخر شي اختنكت
الشيخه: ولج مو كتلج بسج ٲℓانــتيہ شجاج اليوم
احمد: بنتر وصياح
شبيج وشنو هل ضحك
كمره: يمه
لا اراديا سكتت وخفت جانت الشيخه واكفه وركضت لبدت وراها
ليلى: شنهي شجاك اجيت تثغب ( تصيح) علينا جنك ثور
وسام: احمد والله كله بسبب بيبيتي هي خلتها تضحك ما ادري شذبتلها من حجايه ها كبرها انه اعترف على بيبي
حجيتها وفلتت لا يجيني نعال من بيبي
كمره: سمعت وسام وانه رجعت اضحك على كيف الخوف يعمي الشوف
ليلى: ياااا يااااا الحمدلله والشكر
انه رايحه اصلي اذن الضهر
احمد: كمره تعاي
كمره: ما اجي
احمد: ما تجين مو
الشيخه:تجيك يمه تجيك بس انت هسه اعصاب وهل تشوفه كل ساع تختنك
احمد: تعاي كتلج
ما اسويلج شي بس كليلي اخذتي دواج
كمره: ضربت بأيدي على راسي ناسيه اخذ الدوه
كتله لا نسيت
احمد: انه صاعد للغرفه اذا دخلت وانت ما اجيتي وراي بدقيقه تعرفين شسوي
الشيخه: بنيتي صعدي لا تكبرين السالفه
كمره: عمه قبل شويه طردني من الغرفه وهسه يريدني اصعد
الشيخه: لو عايفته اول ما اجى بس شلون لازم تنكين علي دصعدي وراه وتكفي الشر
كمره: صعدت وراه ركض اول ما دخلت لكيته واكف وبأيده الدوه
احمد: تعاي اخذي دواج
كمر: اباوعله بصدمه مساع شكل وهسه شكل
اخذت الدوه وشربته وجاي اطلع وهو صاح
احمد: وين
كمره: انزل جوا
احمد: للضحك مو
كمره: .......
احمد: من تعرفين روحج غلطانه ما تجاوبين ينبلع لسانج
كمره: هسه انزل لو اظل
احمد: بكيفج
كمره: حجيت بهمس
خل انزل بكرامتي احسن
درت جاي افتح الباب وما حسيت الا على ايد كضت ايدي وحضنة احمد الي وأنفاسه الحاره على ركبتي وانوب باس ركبتي بخفه حسيت جسمي رجف
وغمضت عيوني مستسلمه لبوسته بوكتها جكد احترقت روحي بسرعه انسى كلشي يسوي بيه وتالي سمعته كال
احمد: اسف كمرتي
ادري بيج زعلتي علي
الف مره كتلج من تشوفيني اعصاب اختفي من يمي ولا تجادليني
درته علي وشبكتها حيل وبعدت الشال عن راسها وظليت اشم بشعرها
كمره: احمد
احمد: روحه لأحمد
كمره: شوكت اسمعها منك
احمد: .........
عرفت شتقصد ما تدري هي صارت بالنسبه الي الهوا الاتنفسه
بس ليش ما عندي جرأه اكلها هل الكلمه
كمره: احمد وخر عني خل انزل
احمد: وخرت عنها وطبكتها على الباب تقربت منها ودارت وجها عني
درت وجها علي بأيدي وبستها من شفتها بهدوء وكتله هذا جوابي الج
كمره: ما جاوبني جكد رخصت روحي اله هو ولا همه نزلت مني دمعه
رفع ايده مسح دمعتي وجاي يحجي وندك الباب وصاح منو
هديه: انه هديه الشيخه اتكول نزلوا تغدوا
احمد: نازلين
يله ننزل
كمره: انزل انت انه انسدت نفسي
احمد: ننزل سوة وبلا عناد ولا تنسين وراج دوه لازم تأكلين
كمره: ما اريد هي كوه
احمد: اي كوه
عدلت شالها وأخذتها من ايدها ونزلنا لكينا الكل على السفره اخذت بنصيحة وسام صرت امثل على اهلي بس حتى لحد يحس كملت غدا وصعدت نمت
كمره: كعدت على الغدا بس مالي نفس اكل ظليت ابلع كوه بس حتى ما اخلي احد يشك بينا خلصنا غدا هو صعد عزلت السفره ويه هديه وغسلنا الاماعين ونظفنا المطبخ تالي اذكرت عندي امتحان لازم اصعد اكمل دراستي بس وين ادرس وهو نايم اخذت كتبي الملازم وطلعت للصاله الفوك محد بيها والكل نايم هسه فرشت كلشي وبديت ادرس لحد الساعه خمسه سمعت باب الغرفه انفتح وطلع مبدل وكاشخ باوعتله ورجعت دنكت
احمد: انه طالع محتاجه شي
كمره: فهيت بوجها اول تالي يكلي انه طالع
اي
احمد: شنو تردين
كمره: اروح لأهلي مشتاقتلهم
احمد: امس منو جان عدهم بس لا خيالج
كمره: ما لحكت اشوفهم عدل وصلني بطريقك واذا ما تكدر اخابرعلى اخوي يجي ياخذني
احمد: لا انه اوديج ولا تخابرين احد واكعدي وسكتي بمكانج
كمره: ليش
احمد: بكيفي
كمره: سكتت عنه مالي خلكه
احمد: دخلي جوا بالغرفه لا تظلين هنا فرجه للرايح والجاي
كمره: مو انه كاعده بالشارع
احمد: لسانج الزمي
الظاهر انطيتج مجال هواي بس من اليوم ورايح انه اراويج بسيطه
كمره:خزرني وراح
لميت الكتب ودخلت جوا بالغرفه ظليت الطم على حظي المصخم الجانبي هنا بعدها دخلت سبحت وبدلت ونزلت جوا كعدت يم الحجيه والشيخه لحد ما اجوا الولد كلهم والشيخ دخل وراهم جانو جايبين عشا من برا تعشوا وكلمن صعد لغرفته بقيت مده جوا تالي صعدت لكيته نايم بدلت ملابسي ونمت
وكعدت ثاني يوم تفاجأت هو ماكو منو ياخذني لكيت كاتب ورقه ومخليها على الميز
احمد: انه عندي شغل اليوم شداد يوصلج ويرجعج
انه هنا انتفضت شنو شداد شنو يوصلني اخذت التلفون اخابر جهازه مغلق
بدلت وكملت ونزلت ادور على واحد من الولد كلهم طالعين ردت ما اروح بس اتذكرت امتحاني وهاي اخر فرصه الي
استسلمت وطلعت لكيت شداد واكف برا بس شفته انخمش كلبي ما اريد اصعد وياه خايفه تالي تشجعت فتحت الباب وكلت صباح الخير وكعدت وهو رجع
شداد: صـُ̲ـٰبـٲحَ الــُ̲ـٰنـَوٓ୬ر
كمره: ظلينا طول الطريق ساكتين لحد ما وصلنا الكليه فتحت الباب جاي انزل كال لحظه
كمره: شتريد
شداد: انه رايح من تخلصين انطيني خبر حتى اجي عليج
كمره: ماله داعي
شداد: ليش ويامن ترجعين
كمره: مو شغلك
شداد: لا شغلي احمد امني عليج اذا صار شي انه اتحاسب
كمره: اخوي يجي علي
شداد: انه راح انطي علم لأحمد وانتي بكيفج
كمره: انطي
عفته ونزلت وطبكت الباب حيل يمكن انكسر دخلت للكليه شفت هبه دخلنا لأمتحان وخلصنا المحاضرات دك تلفوني شفته احمد كلت بكلبي راح يغثني
رفعته الو
احمد: خلصتي
كمره: اي
احمد: انتضري ربع ساعه ترجعين ويه شداد
كمره: اخوي يجيني
احمد: خابرت الهم وحذرتهم وكتلهم لحد يروح عليها
كمره: اخذت نفس وحجيت
صار دكتور احمد أوامر ثانيه
احمد: من ترجعين يصير خير
كمره: طبكه بوجهي ظليت احجي علي انت شنو من بشر جكد مغرور الله ياخذني منك واخلص
هبه: اسم الله عليج شبيج تدعين على روحج
كمره: سكتي عني ٲℓانــتيہ الثانيه انه روحي واصله لخشمي
هبه: يمه اليوم صايره تنتل
ولج شبيج الدنيا ما تسوى بعد كم يوم نمتحن ونخلص هذا الكورس وبعد ما تشوفيني
كمره: لا تزعلين مني اعذريني ٲℓانــتيہ اكثر وحده تعرف ضروفي
هبه: اعرفج زنوبه لا تضوجين
اليوم ابو الخط ما يجي وصلوني بدريكم اذا ما تصير زحمه
كمره: تدللين
يله امشي للكراج هسه اكيد اجى صخام
هبه: هههه منو هذا صخام
كمره: اكثر واحد اكرها بسلفنا
هبه: بس لا هذا الحلو الشفنا قبل يومين
كمره: منيله حلو
هبه: اليوم حظي كاعد راح اشوفه
كمره: ٲℓانــتيہ صدك تحجين عبالي تشاقين
هبه: ولج اشاقه شنو تعاي سمعي كلبي شلون يدك
كمره: الحمدلله ٲℓانــتيہ صدك فايخه
امشي نولي لااطيح حظج
مشينا وشفناه واكف يم السياره هاي الخبله اليمي شافته وساحت
وصلت يمه وكتله
ليش كلت لأحمد
شداد: ما كتله شي هو خابرني اروح عليج اضطريت اكله
كمره: ثنينكم نفس الصنف
شداد: احترمي شوي
كمره: محترمه روحي غصبن عنك
شداد: صعدي تأخرنا
كمره: صديقتي راح تجي وياي توصله بالأول
شداد: تدلل
لو اعرف ليش تكرهني • ﮪل كد جان ارتاحيت
صعدن وانه سألت البنيه الوياها
اخيتي بس وين بيتكم بالضبط
هبه: هااا اخيتك انه
اخخخ شبيج
كمره: كرصته من زندها وكتلها لا تجفصين
هبه: راح اكلك بس نوصل للمنطقه
كمره: وصلنا هبه تالي وصلني دخلت للبيت لكيت بيت عمهم جايين
استغفرت ربي وكلت هو اليوم من بدايته مشؤوم صعدت بدلت ملابسي وغسلت ونزلت للمطبخ شفت هديه وسألته هذول من شوكت اجو
هديه: من الصبح اجو
كمره: شيخلص اليوم راح يصير شطوله
هديه: كمره لا تهتمين لهاي سلمى شما تحجي حكريها
كمره: هي خل تفك عني ياخه لا يمه ولا بكرباها
سلمى: هاي علي تحجن
كمره: وليش اخذتيها على روحج
سلمى:الزمي حدج
كمره: لازمه حدي
سلمى: ٲℓانــتيہ ليش مضغوطه مني
كمره:وليش انضغط منج
سلمى:تغارين مني
كمره: كرمينه بسكوتج
سلمى: واذا ما سكتت شتسوين
كمره: ٲℓانــتيہ ليش كلما تجين تسوين مشكله
سلمى: احترمي نفسج ولا تخليني اكول لرجلج عليج
كمره: تخوفيني
سلمى: غصبن عليج تخافين
كمره: ذاك هو روحي كليله ما مسويه غلط
سلمى: يـ؏ـنـي ما تخافين منه
كمره: مو قصة خوف بس انه اعرف روحي ما مسويه غلط
سلمى:هذا كله وما مسويه غلط
كمره: روحي ولي من وجهي
سلمى: طرديني مو
كمره: لا انه طالعه
عفت المطبخ وطلعت لكيت امها بوجهي حتى ما سلمت عليها
صعدت للغرفه فايره منها هسه لو مخليني ړآيـحـﮫ لأهلي ولا شايفه خلقهن
احمد: كعدت من الصبح ورحت لمزرعة جدي بقيت هناك النهار كله احاول اعرف من اخوان هند ليش هيج سووا وماكو فايده حتى التعذيب ما فاد وياهم
خابرني ابوي كال تعال بيت عمك اجوا
رجعت للبيت سلمت عليهم لكيت وجوهم ثكيله وخاصة مرت عمي سألته شبيكم
ام سلمى: والله يا عمه لو اعرف احنا صرنا ثكال عليكم ما نجي نزوركم
احمد: عمه جيتكم على عيني وراسي وهذا بيتكم
ام سلمى: بس مرتك وجها ثكيل علينا وحتى عبرت من يمي ولا سلمت علي
وتعاركت ويه بت عمك وحتى طردتها
احمد: معقوله ما اصدك
سلمى: بجي والله بالمطبخ لعبت بيه لعب
احمد: وامي وين عنكم
الشيخه: يمه ما ادري جنت بالصاله ما اعرف شنو صار بالمطبخ
احمد: عمه حقج علي يصير خير هسه تنزل غصبن عليها تسلم عليج وتعتذر من سلمى
ليلى: لا تتسرع وليدي ترى حجي النسوان هواي ويحطن علي بهارت
افتهم من مرتك وانوب احكم
الشيخه: يمه بداعتي عندك لا تتصرف بعصبيه
احمد: لا تخافين يمه
صعدت وكلت حسابج كثر يكمره فتحت الباب لكيتها كاعده وكاضه التلفون
حجيت شمسويه
كمره: ما مسويه شي
احمد: ما دام ما مسويه شي نزلي سلمي على مرت عمي واعتذري من بتها
كمره: انزل اسلم عادي بس ما اعتذر
احمد: تكسرين كلمتي
كمره: لا بس ما غلطانه
احمد: انه متأكد غلطانه وتنزلين تعتذرين وغصبن عليج
كمره: ما اعتذر
احمد: شهل صلافه العندج ولج يرادلج تربيه من جديد
كمره: متربايه احسن تربيه
احمد: نزلي كدامي
كمره: وكفت كباله وخليت عيوني بعيونه وكلت ما انزل وشتريد تسوي سوي
احمد: تحجين بكل صلافه وما تخافين مني مو
كمره: وليش اخاف منك
جابني براجدي وكعدني على الجربايه خليت ايدي على خدي جرني وكومني بأدي وعصر وجهي وكلي خمس دقايق تلبسين شالج وتنزلين وراي واذا ما نزلتي اصعد اجنزج فهمتييييييييييي
كمره: عافني ونزل مسحت دموعي لبست شالي وظل طبع اصابيعه بوجهي ما خفيت شي نزلت دخلت للصاله شفته كاعد عبرته سلمت على مرت عمه وكلت لسلمى اعذريني وصعدت بس بوكتها صدك كرهت احمد والموقف الخلاني بي دخلت للغرفه اناشغ وابجي حسيت روحي اختنكت ركضت على الدوه مالتي شربته وشربت مسكن لوجع الرأس وتمددت وطفيت الاضويه ودزيت رساله لهديه كتله انه ما اريد غدا ولحد يصيحني
احمد: صار وكت الغدا والكل اجى ما عدا كمره ظل بالي يمها صح قسيت وياها بس لازم تتأدب صايره صلفه وتلاسن امس انه والصبح شداد وهسه بيت عمي انه اعرف سلمى حقيره يجوز هي مطوخه وياها بس مرت عمي مهما يكون مره جبيره بمقام آٱآمي خليته تعتذر من سلمى كعقاب الها
صحت هديه حتى تصيحه تنزل تتغدا
هديه: شيخ صعدتلها تكول ما اشتهي مأكله بالكليه ولكيته نايمه
احمد: صعديلها وكليلها احمد يكول خل تنزل
الشيخه: لا تصعدين هديه عوفيها ترتاح
وانت هسه اسكت حسابك بعدين لا تشوفني سكتت الك ترى شفت طبع اصابيعك على خدها وشفتها مهضومه خل يرحون بيت عمك وتالي نحجي
احمد: يمه لا تدخلين
الشيخه: ادخل وغصبن ﻋﻠﻴﻚ شكلتلك روحك من كسرت كلبها
ليلى: شجاكم تتبسبسون بينكم
الشيخه: ماكو شي حجيه
ليلى: الغدا ما يشهي بدونرجماره الله لا ينطي الجان السبب
الشيخ: حجيه تغدي وسكتي
ليلى:هيه شنهي كل ساع مسكتيني هذا غداكم هم ما اريده
احمد: ٲٳٲسـ๛ۖــۖـتغفـر اللهہ ربي بيبي لخاطري رجعي
ليلى: شنهي توكلوني كوه ما اريد
ابو سلمى: حجيه وانه مالي خاطر عندج
ليلى: من تضب مرتك وبتك يصير الك خاطر عندي
الشيخه: حجيه فدوه اروحلج كعدي واكلي وما يصير خاطرج الا طيب
لخاطر جماره
ليلى: اي لخاطر جماره اكعد
وسام: يمكن لو كايلين لخاطر وسام تشرين
ليلى: وداعتك اكض نعيلي وأفلت
الكل: هههههه
احمد: تغديت شلون ما جان مالي نفس بعد الصار شربت جاي وصعدت لكيتها نايمه ومظلمه الغرفه تقربت على خدها تلمسته ولعنت ايدي الضربتها
وبستها من خدها وتالي حضنتها ونمت مشتاق الها امس ما احس روحي نايم بدونها
كمره: كعدت العصر ميته جوع شفت روحي بحضن احمد نايمه هذا الإنسان جكد عجيب بس بوكته جنت كلش كارهته سحبت روحي على كيف اخذت تلفوني وطلعت خابرت هديه اسأل اذا بعدهم موجودين
هديه: بعدهم موجودين وراح يظلون على العشا واحتمال يباتون
كمره: لا تكوليها
هديه: اي والله تكول الشيخه لا تنزلين اذا تردين شي انه اصعدلج
كمره: لا ما اريد شي
هديه: ٲℓانــتيہ ما متغديه خل اجيبلج اكل
كمره: جوعانه بس ما اشتهي اكل
هديه: راح تصعدلج الشيخه
كمره: لا ليش
شويه واجت الشيخه جايبه لفه وعصير بيده
الشيخه: هاج آكلي كدامي
كمره: عمه ما اشتهي
الشيخه: قدري انه بنفسي صاعدتلج ولا ترديني خو ما انقهرتي
كمره: اجذب عليج اذا اكلج لا
الشيخه: اعرفج تضمين بكلبج خفت عليج ترجعلج الحاله
كمره: ركضت وشربت دوه بسرعه من شفت روحي اختنكت
الشيخه: الله لا ينطيهن ولا يعافيهن بس وداعتج الحجيه اخذتلج حقج منهن وطلعت الغدا عليهن زقوم
كمره: عمه اطلب منج طلب
الشيخه: كولي
كمره: اريد اروح لأهلي واكيد احمد ما يقبل اروح حاجي ٲℓانــتيہ
الشيخه: بس لا تروحين زعلانه
كمره: لا مو زعلانه بس ما دام راح يبقون ويباتون خليني اروح
الشيخه: ما عليج بيها اذا سوتلج شي بعد انه اوكف بوجها ماشي
كمره: الله يخليج حاولي وياه
الشيخه: احاول بس انه ادري ما يقبل هسه آكلي ما دامج شربني دوه لا ينزل ضغطج
كمره: اكلت اللفه وشربت العصير وهي يمي تعرفني من تنزل اشمر الاكل
شويه ونزلت ظليت بالصاله الفوك اكلب بالنقال ضجت وين اروح
تالي اجتلي فكره اتصل على ابوي وأقنعه يجي ياخذني دكيت على صلاح
صلاح: الووو كمره بنيتي شلونج اخبارج
كمره: الحمد لله انت شلونك
صلاح: بخير اذا ٲℓانــتيہ بخير
كمره: ابوي يمك
صلاح: اي ليش صاير شي
كمره: لا بس اريد احجي وياه
صلاح: صار هاج إياه
ابو صلاح: هلا بويه شلونج عاش من سمع هل صوت
كمره: هلا بيك يابه انت شلونك مشتاقتلك
ابو صلاح:جا ما تجين بويه مو بعيدين عليج
كمره: وانه خابرت عليك تجي علي تاخذني
ابو صلاح: جا ورجلج ليش ما يجيبج
كمره: ما يقبل اجي وانه طاك كلبي عليكم
ابو صلاح: اخاف صاير بينكم مشكله
كمره: لا يابه انت تعال قنعه اروح وياكم برضاته
ابو صلاح : صار بويه نص ساعه واحنا يمج
كمره: شوي تنفست من سمعت ابوي راح يجي كمت دخلت للغرفه بعده نايم
خفيت اثار اصابيعه من خدي بخافي العيوب وبدلت ملابسي وشفته كعد مباشره طلعت من الغرفه نزلت جوه دخلت بغرفة هديه انتظر اهلي شويه وسمعت اهلي بقيت بمكاني انتظر شوي حتى لا تنكشف خطتي
احمد: كعدت المغرب لكيتها كاعده على الميز شافتني وطلعت حتى ما لحكت اشوفه أظاهر زعلت هل مره زعله ثكيله دخلت سبحت بدلت وصليت ونزلت لكيت ابو كمره وصلاح جايين بس هي ما هي استغربت سلمت عليهم
وكال ابوها
ابو صلاح: جا بنيتي وين ما هي
احمد: هسه تجيك عمي شو مستعجل
ابو صلاح: بويه عزيزتي هاي وصارلي هواي ما شايفه
احمد: حقك عمي
كلت لهديه تصيح عليها ورى دقيقه اجت شافت ابوها ركضتله حضنته وظلت تبجي
ابو صلاح: هااا بويه شني السالفه عليش البجي
كمره: مشتاقتلكم يابه اخذني وياكم
الشيخ: هاا بويه شني ضجتي من عدنا
كمره: لا عمي شلون اضوج منكم
ابو صلاح: هو انه اجيت اخذج وياي بعد اذن رجلج
احمد:عمي شسالفه شلون اخليها تروح وياكم
ابو صلاح: عمي جا غير بيت اهلها وطاك كلبنا عليها وهم النا حصه بيها
احمد: عمي ما كلت شي بَس
ابو صلاح : لا بس ولا هم يحزنون جاي اخذ بنيتي جم يوم وأرجعها
ولا تردني
احمد: .......
ابو صلاح: هااا عمي شكلت
احمد: اعذرني عمي ما اكدر تعلمت عليها انه جم يوم اجيبها بنفسي الكم بس ما تبات
كمره: اريد اروح ويه اهلي
احمد: ما ترحين
الشيخه: يمه خليها تروح جم يوم وترجع
احمد: ما تروح
الشيخ: عيب من عمك وليدي خل البت تروح
يله بويه تحضري وروحي ويه اهلج
كمره: سمعت حجي عمي وانه فرحت مسحت دموعي وجاي اطلع وكظني احمد من ايدي وكال
اذا طلعتي هسه من البيت ويه اهلج بعد ما الج رجعه هنا
كمره: ................
