رواية كبرياء شيخ الفصل التاسع والعشرون بقلم زينب
كمره:ومنو كلك اريد ارجع
احمد: كمررررررره
ابو صلاح: لا يابه مو هيج انه ما جاي اخرب بينكم اذا رجلج ما راضي هذا هو بنيتي
كمره: لا يابه اخذني وياك
كمره: لا يابه اخذني وياك
ابو صلاح:لا بنيتي ما يصير تعاندين زلمتج انه ما ربيتج هيج
كمره: بس يابه ....
ابو صلاح: لا تكملين بنيتي هو كال بنفسه يجيبج النا كلها جم يوم اصبري
يله بويه كوم احنا نترخص
الشيخ: لا ابو صلاح وكت عشا ما تطلع هسه
ابو صلاح: لا شيخ اعذرنا غير مره • ﺂنٰ شۨـِﺂءۙ ﺂللـِه۫ہ ٰ
كمره: باوعت لأحمد بحقد وهو واكف يباوعلي بشماته رحت ورى ابوي قبل لَا يطلع الباب دار علي وكال
ابو صلاح: بنيتي اذا صايره مشكله بينج وبين رجلج وهذا واضح من تصرفاتكم ما يصير تعوفينه وتجين تكبر السالفه وتصير مو هينه ما اوصيج بعد بنيتي ادري بيج عاقله وما تسوين الغلط بس هاي قسمتج وتحملي وياما مشاكل راح تصير وما اريدج تطيحين من اول مشكله ما اًريد الناس تكول ابو صلاح هجم بيت بته على ادنى مشكله تصير سمعتيني بويه
كمره: باسني من راسي وسلموا علي وراحوا ما رجعت للصاله كبل صعدت للغرفه مهضومه حتى هاي الخطه ما نجحت شسوي احس روحي مخنوكه نزعت الشال شمرته بالكاع هو والصايه وكعدت بزاويه من زوايا الغرفه بس ابجي وخليت بصفي الدوه بطل الماي ‹ ـِﭑخـِۧﭑﺂڣ اختنك وارجع انزف
ماًكدرت احجي ما دريت الحب هيج ذله بكلمه منه أطير وبكلمه ثانيه ينزلني لسابع ارض
الشيخ: شسويت انت ما استحيت من عمك رجال بكبر ابوك ما قدرته ولا قدرت شيباته فشلتني ويه الرجال
احمد: لحد يدخل بيني وبين مرتي والي يدخل يلكى مصيره مثل ابوها
الشيخه: شجاك انت اليوم اصحى على حالك الجاي تحجي وياه ابوك مو احد غريب
احمد: مرتي ما اريدها تروح لهلها وبس وبكيفي
الشيخه: لو ما شايفه الضيم منك ما رادت تروح
الشيخ: خلي يا مره جاي يطغى هواي الظاهر ما عرفت أربي
احمد: سمعت حجى ابوي بغصه احس شي انكسر جواي انه شلون اكله هيج
رحت يمه شبكته وبست راسه
احمد: يابه اعذرني مو قصدي ما ردتها تروح وهي زعلانه مني
اذا راحت ما ترجع بعد انه اعرفها عنوديه
الشيخ: وليش مزعلها منك تراها فقيره وما ينسمع صوتها
تصعد تطيب خاطرها اذا تريدني ارضه عليك وأريدها كدامي تنزل للعشه
احمد: يدلل الغالي
بس مال تنزل للعشا هاي ما اضمنها الك بعد الصار خليها على راحتها هسه تلكاها صايره نار كبره من العصبيه
الشيخ: انت اصعدلها هسه واذا ما قبلت انه بنفسي اصعد الها وأنزلها
احمد: صار بس كون راضي علي
الشيخ: شلون ما ارضى عليك وليدي
احمد: صعدت الها ادري بيها هسه ما طايقتني ما يهم المهم عندي ما راحت
فتحت الباب اباوع مشمره ملابسها بالكاع وكاعده بزويه وتبجي عفيه دموع الما تبطل رحت كعدت يمها جانت مخليه ايديها على وجها وتبجي بحركه
اخذت ايديه وكتلها
رفعي راسج
كمره: بحده: عوف ايدي
احمد: ما اعوفهن كومي منا الكاع بارده
كمره: معليك بيه عسى ما اموت
احمد: لج لا تجيبين طاري الموت مره ثانيه فهمتي
كمره: ليش بشنو ذكرك
احمد: كمره لا تلوصين بالحجي
كمره: عوف ايدي وخر عني ما اريد اشوفك
احمد: مو بكيفج راح ابقى كبالج للدوم
تكومين بأرادتج لو اشيلج ترى أنتي خفيفه بسع تنشالين
كمره: اطلع من وجهي وانه اكوم
احمد: صار تدللين بس تكومين كدامي تغسلين وجهج وتنزلين تتعشين ترى هاي وصية الشيخ
كمره: ههههه
انت صدك تحجي تريدني انزل واكابل مرت عمك وبته بعد الي سونه
لو تنطبق السما على الأرض ما انزل لو اعرف تسحني سح هم ما انزل وهاي انه كدامك تريد تجنزني عادي اصلا تعودت ولا تخاف علي هذا الدوه مخليته يمي كلمااختنك اشرب حبايه مو على مودي انه يطبني طوب. بس ما اريدك تسوي فضل علي
احمد: ترى تعبتيني والله العظيم كليلي شنو تردين
كمره: ما اريد شي بَس خلقتك ما اريد اشوفها
احمد: بصياح
الف مره كايلج لا تجاوزين علي وخلقتي غصبن عليج تشوفيه وكل يوم هم فهمتي
انه هسه نازل راح تصعدلج هديه تجيب العشا والله العظيم اذا اصعد والكاج هنا تعرفين شسوي
كمره: نزل وانه احس روحي ارتاحيت من سمعته الحجي حتى يحس على روحه كمت ودخلت للحمام سبحت وطلعت شوي ارتاحت نفسيتي كعدت اقرا باجر اخر امتحان عندي بعدها بيومين تبدي امتحانات نهايه الكورس شويه وصعدت هديه جابت العشا وظلت يمي شوي
هديه: لا تزعلين من الشيخ ترى هنه عبن براسه
كمره: سكتي هديه لا تجيبن طاريه وليش يعبن براسه هو ما عنده عقل ويعرف الصح من الغلط وكلشي صار كدامج
هديه: اي صح بس ٲℓانــتيہ مو تزعلين مني انت تراددينه بكلشي
ولا تنسين هو اخوانه يرجفون منه رجف مو انوب ٲℓانــتيہ حرمته
كمره: طبيعتي شسويلها ما اعرف اسكت عن الغلط
هديه: والله يا كمره انتي صايره تغثين
انه راح انزل محتاجه شي
كمره: لا
بقيت ادرس شويه وتالي نعست طفيت الاضويه ونمت
احمد: نزلت منها فاير بس ما بينت تعبتني هل كمره ما راضيه تفهمني لاكاني ابوي
الشيخ: ها بويه بشر
احمد: شبشر يا بويه كلش قافله
الشيخه: يمه عوفها هسه منا لباجر تهده وانه احاجيها
احمد: عفتها عفتها يمه شسويلها راسها يابس
ليلى: انه كتلك حجي نسوان ما خذت بحجايتي هسه احسنلك هيج مشلوع كلبك
احمد: بيبي سكتي عني انه هسه مسموط جد جدي
ليلى: حيل بيك من ايدك ما تعرف تصرف مدري شلون سلموك المشيخه
الشيخ: هسه شجاب هاي لهاي
امشونه نتعشى وسدوا هل موضوع
ليلى: هو الحجي الما يعجبك يفشخك
الشيخه: حجيه لخاطري سكتي وسدي السالفه راح نكعد على العشه لا تجيبين طاري شي منا ولدج وعيب منهم هما هم خطار
ليلى: جا هنه مو عيب عليهن سون مشكله بين البت ورجلها
الشيخه: حجيه بعد صار الصار وهسه امشينا عيب منهم خلي تعدي الليله على خير
احمد: كعد الكل على العشا حجى عمي
ابو سلمى: عمي شو مريتك ما هي لا شفتها على الغدا ولا على العشا شنو تستحي مني
احمد: لا عمي عدها امتحان وجاي تدرس
الشيخه: خويه احنا اهل البيت ما نشوفها هواي
ابو سلمى: بعد بت ابو صلاح والنعم منها حافظ عليها وليدي ما تلكى ظفرها
احمد: باوعت لسلمى بخبث
عمي هاي مريتي صارت تصعد وتنزل ويه روحي
شايف عيوني هذن هيه صارت نور عيوني
وسام: شيخنا صاير شاعر عفيه عليج مرت اخوي
ليلى: هي جماره هم تنكره شو شحلاتها
احمد: بيبي منا الولد عيب
ليلى: وانه شحجيت
احمد: كملنا عشا كعدنا ويه ولد عمي بالمضيف شوي ترخصت منهم وصعدت كتلهم وراي دوام جذب ردت اصعد اشوفها روحي تلوب عليها انه اليوم غثيتها هواي بس شسويلها من لسانها دخلت للغرفه لكيتها نايمه على القنفه دخلت للحمام غسلت وطلعت بدلت ملابسي شلتها من القنفه خليتها على الجربايه وتمددت يمها درت وجها علي مشتاق الها ظليت أبوس بي بوسات خفيفه حتى لا تحس وتكعد تهجم علي وتالي شميت ركبتها اوووف يا ريحتها دوختني بيها وتالي خليتها على صدري ونمت
كعدت الصبح على صوت المنبه باوعتها بعدها نايمه بحضني ودافنه وجهه بصدري بديت اتحارش بيها اخلي خشمي على خشمها لو اخلي لحيتي على وجها احسسها كعدت متفاجأه فتحت عيونها على وسعهن كتلها
صباح الخير
كمره: لا رد
احمد: شبيج كعدتي مخروعه
كمره: شجابني هنا
انه مو كلت ما اريد اشوفك
احمد: انه جبتج وانه كلت مو بكيفج
يله كومي ورانا دوام
كمره: ما رديت علي فلتت روحي منه وكمت دخلت للحمام غسلت وطلعت اخذت ملابسي ورجعت بدلت بالحمام هو احسه يراقبني بكل خطوه اخطيها يمه طلعت لكيته مبدل وكاشخ ليكول عريس تعالوا وزفوه يله هسه انه شعلي بي شلون شعلي اوووف يا ربي هسه انه الا احبه كعدت على ميز المرايا بديت اخلي مكياج هو شافني تفاجى ما اهتميت اله اخذت قلم الكحله جاي اخلي ما حسيت الا كمش القلم من ايدي وحاوطني من ورى باسني من خدي وكال
احمد: لا تحاولين تستفزيني بالمكياج
لبسي شالج خل نطلع
كمره: سكتت عنه ما اريد اجادله من الصبح لبست شالي واخذت كتبي وقبل لا يطلع كتله
اسمعني
احمد: كولي
كمره:راح ننزل هسه واكيد اهلك جاي يتريكون لا تجبرني اكعد اتريك
أولا ما اشتهي اكل وثانياً ما اريد اشوف بيت عمك واذا جبرتني اخلي واطلع
وأدري بيها تصير مشكله لأن انت اكيد راح تتعصب وتظل تصيح علي وتضربني وانه ترى صار عندي عادي
احمد: خلصتي
كمره: اكو بعد هواي حجي بس خليها لغير وكت
احمد: جاي تخزننين مو
موافق بس بشرط
تتريكين وياي بالكليه
كمره: تحلم
احمد: خلص امشي ننزل جوا نتريك وصدكيني الحجي الكلتي قبل شوي كله أنفذه
كمره: فكرت بحجيه هذا يسويها خزرته وكتله ماشي موافقه على شرطك
احمد: هاي العيون هواي تخزر هل ايام
يله امشينا
ها نسيت اكلج اذا شفتي عمي جوا سلمي علي امس سأل عنج ما اريد اجبرج بس هو ما اله دخل بالصار
كمره: صار
نزلنا مثل ما توقعت لكينا الكل كاعد سلمنا عليهم وسلمت على عمه وشفت هاي العله هي وامها شـلون تخوزر بيه جكد كرهتها بعد الصار امس بس استغربت من احمد كض ايدي كدامهم ومشينا حسيت بروحي انتصرت عليها شفتها شلون انصدمت عبالها بسوايتها امس تخلي يكرهني ويعوفني ظليت كاضه ايده كدامها ومن طلعنا نترتها منها هو ظل يضحك
احمد: ليش مو جنا حلوين
كمره: خزرته وصعدت للسياره الطريق كله ساكته ودايره وجهي للجامه ولا باوعت بوجه جكد حاول يحجي وياي ابد ولا نطيته مجال لحد ما وصلنا كال نزلي يــْﮧ͡ــلـه جاي انزل افتح الباب ما ينفتح
كمره: خزرته وصعدت للسياره الطريق كله ساكته ودايره وجهي للجامه ولا باوعت بوجه جكد حاول يحجي وياي ابد ولا نطيته مجال لحد ما وصلنا كال نزلي يــْﮧ͡ــلـه جاي انزل افتح الباب ما ينفتح
احمد: ليش ما تنزلين تردين انه انزلج ترى ما عندي مانع
كمره: الباب ما جاي ينفتح
احمد: كلتي الباب مو
تقربت عليها حتى افتح الباب قربت وجهي عليها كلش وانه افتح الباب بستها من خدها وكتلها يله نزلي الباب انفتح
كمره: انت تعمدت تقفل الباب
احمد: اي عندج مانع
كمره: ما جاوبته نزلت وعفته يقفل بالسياره ورحت للقسم تأخرت على الامتحان جان اول محاضره امتحنت وطلعت رحت كعدت على مصطبه اتاني هبه شويه واجت
هبه: هلوووو
كمره: هلا بيج
هبه: شبيج مو على بعضج ما جاوبتي بالامتحان
كمره: لا علواه على الامتحان غير شي صار
هبه: شنو صار
كمره: سولفتلها كلشي لأن صارت قريبه علي احسها مثل اختي واكثر والوحيدة الارتاحلها هنا
هبه: وانتي شلون تسكتيلها هاي لو انه اكضها من شعرها واسح بيها المطبخ ذهابا وإيابا
كمره: هههه جكد عنيفه
هبه: اوووف يا برودج انه محترك كلبي وانتي لا
كمره: شسويلها لعبتها صح علي
هبه: ودكتور كلبج سامحتي ها
كمره: لا مرمرته من امس لليوم
بس اتذكرت الريوك
هيه: يا ريوك
كمره: يريدني اتريك وياه مجبوره هددني الصبح قبل لا نجي
هبه: لج ما عندج كرامه ٲℓانــتيہ
كمره: ٲℓانــتيہ حبي بالاول شوفي تظل كرامه عندج
هبه: ولج حبيت حبيت لا تذكريني
كمره:وهذا ياً مكرود حبيتي
هبه: هذا الوصلنا ذاك اليوم الي اسمه شداد
كمره: هاااااا
هبه: وعلااااااا
كمره: ولج هييي شجاي تحجين عبالي تشاقين
هبه: يا شقه ولج صورته بالي ماجاي تروح
كمره: شوفي ٲℓانــتيہ صديقتي وانه احبج انصحج لله بعدي عنه وشيلي من بالج ما اريد اخسرج
هبه : ليش هو متزوج خاطب مرتبط يحب ياهي منهن كولي
كمره: شكللها كسرت كلبي
شمدريني ما اعرف عنه شي
هبه: سألي رجلج هو مو قريب علي
كمره: حتى صدك يذبحني
هبه: يـ؏ـنـي ما راح تساعديني
كمره: اطلبي غير شي انطيج عيوني بس هذا الموضوع لا
هبه: حاولي حبابه لخاطري والله حبيته شبيج
كمره: ما اوعدج بس احاول
ظلينا كاعدين واجتلي رساله من احمد مكتوب بيها
احمد: يله حبيبتي اتانيج بالكافتريا اليم الاداره تعالي هناك
كمره: حبيبتك 😟😟
هبه: هاي شبيج تزوملتي جا غير هو رجلج يـ؏ـنـي حبيبج
كمره: هااا اي يله انه رايحه اله مالي خلكه باي اشوفج بعدين
رحت للكافتريا لكيته واكف ولابس نظارته الشمسيه ومجتف ايدي واكف يمه
دكتور سيف يحجي وياه بس جان شكله يجذب حسيت روحي بفتره سحت بس بعدين تذكرت مصايبه وياي وصلت يمه كضني من ايدي ودخلنا جوا ردت اسحب ايدي ما كدرت كاضها قوي شوي وكعدنا وكعدني على كرسي قريب يمه وكال اطلبي شنو تردين
كمره: ما اريد شي بس انه على مود تهديدك اجيت
احمد: كمره لخاطر الله كافي حسي بيه عاد شنو تردين اسويلج بعد
كمره: سكتت عنه ما جاوبته عاد طلب هو اكل بدينا ناكل وما حجيت شي
خلصنا جاي اطلع واجت دكتوره ساره تتموع علينا شفتها ورجعت كعدت هو شافني وكوه لزم ضحكته
ساره: مرحبا شلونك احمد شخبارك اشتاقينا
احمد: هلا بيج دكتوره الحمدلله تمام
كمره: فاكه حلكي واباوع عليها شلون تحجي وتتمضيك يمه جرت كرسي وكعدت يمنا وحجت
ساره: اذا ما تصير زحمه ممكن اتريك وياكم ولو انه اكل شي بسيط لأن مسويه دايت
احمد: براحتج دكتوره
كمره: شفتها كعدت وانه صخنت كتله
انه رايحه راح تبدي محاضرتي
احمد: تانيني نروح سوة هاي المحاضره انه ادخللكم
ساره: حبيبتي اخاف ضجتي مني ترى عادي انه واحمد اصدقاء لا تنزعجين مني
كمره: وليش انزعج عادي اكعدي براحتج بس استعجلي شويه حتى نلحك المحاضره
ساره: هههههه جكد صريحه انتي
احمد: كمررره
كمره: شنوووو
ساره: شنو كلت كمره ليش هي مو زينب
احمد: اي مو هي كمرتي الي
ساره: الله يهنيكم يله انه اترخص
كمره: انكلعي لا بارك الله بيج
احمد: كمره عيب تصرفاتج على الاقل قدري هي دكتورتج
كمره: خل تحترم روحها كاعده وتتموع كبالك وانت مكيف
احمد: هااا هنا الحجي
كولي غيرانه منها وفضيها
كمره: مثل ما تغار انت انه أغار
احمد: هههه اموت على اليغار انه
يله كومي اذا تأخرتي على المحاضره اطردج لا تنسين هاي اخر محاضره
راح اسلم السعيات
كمره: دخلنا للمحاضر وكملنا هاي اخر شي وكبل لا نطلع انطى السعيات لكل الطلاب ما عدا انه ظليت فاهيه ليش هيج سوى اباوعله ولا قلدلي ولا انطاني اي تلميح كمل وطلع ما لحكت اطلع رأسا دخل وراه دكتور اسعد
وهذا هم ما يتحاجى كمل المحاضره وقبل لا يطلع كلي
اسعد: زينب اذا ممكن تجين وراي
كمره: باوعتله مستغربه طلع وانه طلعت وراه دار علي طلع ورقة الامتحان ونطاها الي وكال
اسعد: هاي ورقتج ما شاء الله عليج ممتازه ظلي على هذا مستواج
كمره: والسعي شوكت اعرفه
اسعد: اول يوم الامتحان لأن ما الحك هسه
كمره: ماشي
ظل يباوعلي بنظرات غريبه ما عرفت أفسرها انتبه على ايدي جنت بوكتها ما لابسه الحلقه تعمدت ما لبستها بعناد احمد جنا واكفين بالممر راح ودرت شفت احمد واكف ومتخصر يمكن جان واكف قبل فتره اجى علي وكال
احمد: شراد منج
كمره: انطاني ورقة الامتحان وسألته على السعي
احمد: وليش ما انطاجياها بالقاعه ليش هنا بنص القسم
كمره: والله ما اعرف ذاك هو روح اسأله
احمد: اذا خلصنتي حتى نرجع
كمره: خلصت بس اسلم على هبه والبنات وارجع لأن اليوم اخر يوم قبل الامتحانات
احمد: روحي انتظرج بالسياره مو تتأخرين
كمره: تٌـٌـمـــ😻ـٌـٌإأإآم
رحت سلمت على البنات وهبه ورجعنا للبيت لكيت بيت عمهم رايحين تنفست شوي صعدت للغرفه جاي انزع ودخل هو اتذكرت السعي ليش ما انطانيياه سألته
ليش ما نطيتني السعي
شفته ابتسم ابتسامته الخبيثه
احمد:تردين تعرفي
كمره: اي وحد قابل انه حالي حال الطلاب
احمد: انطيجياه بس عندي شرط
كمره: شو شروطك كثرانه هل ايام
احمد: شسوي ما عندي غير هذا الحل حتى اكسر عنادج
كمره: كول شنو شرطك
احمد: كولي مواقه اول مره
كمره: شايفني غبيه حتى أوافق غير اعرف شنو
احمد: لا حشاج وافقي تعرفين ما توافقين بكيفج
كمره: خلص موافقه كول شنو هو
احمد: متأكده ما تتراجعين
كمره: متأكده
احمد: ابوسج مو حيا الله بوسه اظل بكيفي اتفنن بيها وين ما اريد
كمره: لا والله خلي السعي يفيدك ما اريده
احمد: بعد ٲℓانــتيہ وافقني مو بكيفج
كمره: لا بكيفي اول تالي اعرف السعي
احمد: والله العضيم ما اخليج تعرفي حتى امتحانج النهائي احرمج تعرفين درجته
كمره: ليش تخبث وياي
احمد: ٲℓانــتيہ بكيفج داخل اسبح انه اطلع الكاج محضره ملابسي وروحج للبوسه تمام ياًحلوه مو تغسلين مثل امس
كمره: دخل للحمام وكلت والله لو تموت لا احضر ملابسك ولا انطيك بوسه
بدلت نزلت جوا دخلت للمطبخ لكيت بس الشيخه سألت على الحجيه
رايحه ويه بيت عمهم لأن ابنها لاح عليها وزعلان لأن ما راحت الهم
الشيخه: شخباركم اليوم
كمره: على حالنا بس نكره
الشيخه:شكلكم بعد الله يهديكم
كمره: صبينا غدا الشيخه تصب بالماعين وانه وهديه نتقل على السفره كملنا وكالت روحي صيحي رجلج ينزل كتلها خل تصعد هديه كالت
الشيخه: بنيتي كافي عناد لا هاي اول مشكله ولا اخر مشكله اتكفي الشر وروحي صيحي
كمره: صدك انه ليش اعاند من امس لليوم طلعت روحه يحتار شلون يراضيني وانه مطنكره بس يستاهل اجى ضربني على مود هاي بت عمه الجلبه وما فكر حتى يسمعني ولا حتى اعتذر مني بس تذكرت ما حضرتله ملابس هسه شيخلصني منه
صعدت فتحت الباب لكيته واكف ولاف المنشفة على خصره بس صاير اعصاب بلعت ريك ودخلت قفلت الباب ودرت مشيت بهدوء على الكنتور
فتحته جاي اطلع ملابس اله عتني من زندي قوي وطبك باب الكنتور قوي وطبكني على الباب وخلى ايدي على منا ومنا وحجى
احمد: تحملتج هواي وصبري نفذ منج لهنا وكافي كولي من الاخير شتردين
كمره: باوعتله وكلت الشيخه تكول انزل تغدا
احمد:لا تسوين روحج غبيه
كمره: ما اريد شي
احمد: نزلي
كمره: وانت
احمد: معليج بيه
كمره: عفته ونزلت شويه واجى وراي بس ابد ما باوعلي الكل كعد على السفره محد حجى عبالك الوضع متكهرب بس وسام كسر السكوت
وسام: والله فكدت بيبي مكانها خالي
عادل: فكدتها هي لو فكدت نكرتها وياك
وسام: هسه هي ليش راحت ادري بيها ما تتحمل بيت عمي
الشيخ : عمك لح وياها وكوه اخذها بس ترى حقه هو هم ابنها
عادل: العصر تجي انه متأكد بيبي اعرفها ما تتحمل
كمره: كملنا الغدا هو صعد بسرعه حتى ما شرب جاي وانه ظليت يم هديه أساعدها ما صعدت للغرفه وجنت كلش تعبانه بدي انام بس اخاف اصعد
ظليت تقريبا ساعه جاي اصعد وسمعنا صوت الحجيه اجت استغربنا ليش
تلكيناها
الشيخه: خير حجيه ليش رجعتي
ليلى: ما كدرت اظل هناك هاي المسمومه ما ارتاحلها من رحنا لحد ما اجيت هي تحجي على جماره
كمره: رحت يمها كابلتها وكعدت هي عرفت عندي شي
ليلى: ها ولج شو كابلتيني
كمره:راح اكلج كلشي وانت حكمي
سولفتله شنو سويت وياه
ليلى:من اكلج غمه وخوثه تزعلين
كمره: حجيه شهل الحجي
ليلى: وثوله هم
كمره:بعد السواه امس ما اله حق يزعل علي
ليلى: تستاهلين كله من ايدج
كمره: حجيه حتى ٲℓانــتيہ علي
ليلى:ربيتيله عله من امس لليوم يراضي بيج وانتي تتعززين ما تعرفين تصرفين جنج جاهل
كمره: هسه شسوي
ليلى: سوي التردينه شلي شغل بيج
كمره: لا حجيه عفيه والله راح اموت
هو اكيد هسه ما اهمه بعد
ليلى: ولج شلون ما تهمينه تلكين هسه مفرفح عليج بس مل وجزع منج ومن لسانج يجيبج يمنه ترحين يسرا ما بيج خير شو عوفيني خل اخذلي غفه انسطرت من ورى هاي المسمومه
كمره:عافتني وراحت اضطريت اصعد للغرفه لكيته نايم تمددت على القنفه مو مال اتمدد يمه بس اروح يمه يدفرني من الجربايه بعدها غفيت كعدت المغرب لكيت • رﯛحـ̲ٓۛـي متغطايه باوعت ما هو بدلت ونزلت جوا سألت علي كالت امه طلع ويه الولد صار وكت العشا محد اجى منهم بقينا بس احنا النسوان تعشينا خفيف وتالي صعدت ظليت أراجع شوي للامتحان ضجت احس روحي مسويه وياه غلط لازم احاجي ما يصير هيج فوك ما هو غلطان وياي عفت الكتب زفرت بعصبيه وشمرت الملزمه بدخلته باوعلي دار وجها ودخل للحمام شويه وطلع اخذ تراكسود اسود لبسه وهو ابيض صار يضوي
كفخت راسي ولج بسج تباعيله وهو ما مقلدلج راح تمدد على الجربايه وظل يكلب بتلفونه شويه طفى الاضويه ونام هذا كله وانه أراقبه
بس ضحكت من طفى الاضويه عليه وانه ادرس فتحت ضوه النقال لميت الكتب وبدلت ملابسي لبست ملابس نوم خفيفه ورحت تمددت على الجربايه
هو داير وجها منطيني ظهره هسه شـْ◌ـّلون انام تعودت على حضنه ظليت احوس ما جايني نوم اذا انه كاعده المغرب
احمد: جكد تحوسين خليني انام وراي دوام اذا ما تردين تنامين نزلي جوا
كمره : ترى هواي صاير تطردني من الغرفه والله ما عندي مانع اخذ فراشي وانام بالصاله البره
احمد: من اسلوبج جاي اطردج
واذا ٲℓانــتيہ مره سويها واطلعي
كمره: اسويها ليش لا
احمد: كمره لا تمتحنين صبري كولي شتردين
كمره: درو علي
احمد: درت عليج يله شتردين
كمره: رحت فتحت ايدي ونمت على صدره طز بالكرامة تعودت ما اعرف انام الا هيج
احمد: من الاول كولي اريد انام بحضنك ليش تكابرين
كمره: مو معناها صالحتك بس ما اعرف انام الا هيج
احمد: اخ من لسانج وعنادج
شبكتها حيل وبستها من كصتها ظليت العب بخصلات شعرها وكتلها راح أنفذ الشرط
كمره: احمد
احمد: هاا
كمره: اكعد عاقل
وديني لهلي وانه اخليك تنفذ الشرط
احمد: رجعنا لنفس القوانه
كمره: رفعت راسي وكتله
والله مشتاقتلهم وديني حتى لو ساعه بس اشوفهم راح تبدي الامتحانات والتهي بيها ما اكدر اروح بعد
احمد: بستها من شفتها وكتلها تدللين باجر العصر حضري روحج اوديج وبالليل ارجع عليج ورى العشا ما تباتين لأن مو بس ٲℓانــتيہ تعودتي على حضني حتى انه ما اكدر انام بلا ما اشم ريحتج
كمره: شبكته حيل مشتاقتله والله احبه ما اكدر مو بيدي
احمد: كمره
كمره: هاااا
احمد: اذيتج من ضربتج امس
كمره: ما تأذيت من الضربه تأذيت من وجعت كلبي
احمد: لا تصورين ضربتج على مودها ادري بيها حقيره وغلطانه هي بس
ٲℓانــتيہ تأذيني من تعانديني
شو رفعي راسج خل اشوف خدج
كمره: شسوي بي
احمد: شعليج
رفعت راسها كضيت خدها بيدي تلمسته وظليت أبوس بي على كيف جريتها صارت جواي بستها من شفتها الفوك على كيف نزلت للشفه الجوا وحجيت
صارلج يومين حارمتني منهن شلون انطاج كلبج
كمره: هااااا
احمد: جكد احب الها من تحجيها
رجعت ابوسها بس هل مره اعنف حسيتها داخت جواي نزلت على ركبتها سويتها خريطه الها بديت اجردها من ملابسها شوي شوي وهي سكرانه رايحه بعالم ثاني اخذت حقي منها وتالي حضنتها وانه أبوس بوجها والله حبيتها هل البنيه سوت بحالي
كمره: كعدت الصبح هو ماكو اتذكرت عنده دوام هو دكتور لازم يداوم احنا الطلاب كعدنا حتى ندرس مر اليوم طبيعي وداني العصر لبيت اهلي واجى علي ورى العشا
بدت الامتحانات والتهيت بالدراسه ما خلوني انزل جوا حتى الاكل يصعدلي فوك وهو ساعدني بالدراسه ولو مرات ما افتهم شي منه يكضيها علي بس يتحارش
خلصت الامتحانات على خير وبدت عطلة نصف السنه عمار اتخرج ورجع للبيت سوله عزيمه بمناسبة التخرج مالته
والحجيه قررت تسافر بس تخلص العطله تكول بتي مناك ما تكدر تعوفها هواي هي ارمله وعدها جهال عيالها ما يخلونها تطلع بجهالها
عايشين انه واحمد تمام بس لا انه اكله احبك ولا هو كلي ادري بروحي احبه وما اكدر ساعه بلياه صار روحي من الدنيا جكد جنت • ﺂكـِٰ̲رها وما اطيقه بس هسه لا وهو نفس الشي احسه يحبني بس يكابر يكوله ما اعرف ليش
بس لازم يجي يوم واسمعها
واجى اليوم الأسود الي ظلم وكطع كل امل عندي وياه
جنا كاعدين بالصاله وسمعنا أصوات عاليه من المضيف ظلينا بقلق
شويه واجى الشيخ وجه اصفر ما يتفسر باوعلي وصفك بأيدي
انه استغربت ليش هيج سوى سألته الشيخه
الشيخه: شبيك شيخ شنو صار وهذا الصوت العالي المن
الشيخ: هاي سوالف ابنج المصون
الشيخه: احجي لا تخوفني مابيه حيل هبطات جديده
الشيخ: تعرفين هذول منو
هذول اهل هند اجو يدورون على ولدهم ابنج الشيخ كاضهم وخافيهم
وهما دروا بالسالفه
الشيخه: وليش هما شلهم بالسالفه
الشيخ: طلعوا هما ورى سالفة ابنج بيوم العرس وصوابه
الشيخه: وهسه جاي تلوم ابني جي اخذ حكه بأيده
حيل بيهم يستاهلون
الشيخ: يا مره حك ابنج ضاع بهاي سوايته لو جاي من البدايه ومورجني كلشي جا ما صار الصار بس اخ من ولدج طلعوا كلهم يدرون وانه صرت هل كدوتني كدام الوادم
الشيخه: واحمد وين
الشيخه: ابنج طار لبغداد
الشيخه: شيسوي ومنو راح باه
الشيخ: شلون احجيها والله مـٰٰ͜ﺂلـٰي كلب احجيها
الشيخه: احجي شسالفه
الشيخ: اخ يا مره طلعت البت ما ميته
الشيخه: يا بت
الشيخ: يا بت بعد
البت هي..........
::::::::::::::::::::::::::::::::::::::::::::::::
كن وحيدا ولا تكن مع شخص يسد بك فراغات يومه
.....................................................................................
الشيخ: هند
الشيخه: صدك تحجي انت وشلون ما ميته وابني تعذب كل هل السنين وهي عدله
الشيخ: صدك يا مرة صدك
كمره: انه بس اباوع بعيوني بس هل مره ما نزلت الدمعه لسه ما اعرف ليش درت على الشيخ وكتله
واحمد شيسوي راح لبغداد لا تكلي راحلها
الشيخ: بنيتي راح افهمج كلشي
كمره: شتفهمني
اجى عليه كضني من جتافي وكعد وكعدني كباله وكال
الشيخ: بنيتي سمعيني
قبل شويه سمعتي الصايح هذوله اهل الولد الي رجلج كاضهم قبل شهر ويجوز ازيد هما نفسهم الصوبوه وهجموا على العرس ورجلج خافيهم
ظلوا الناس يدورن على ولدهم لحد ما واصللهم خبر هما هنا والماخذهم احمد اجوا اليوم يردون حكهم ولدهم من عدنا رجلج ما قبل يهدهم ويرجعهم لأهلهم كلهم عندي شرط تدلوني على كبر المرحومه ياله اهدهم وحكي أتنازل عنه هم كام عم البنيه كله يا مرحومه كله هند
كله عمي البت عدله ما ميته
بوكته رجلج انتفض وهجم على الرجال وكله شلون ما ميته هسه تفهمني كلشي وبطلاع الروح فكوا الرجال من ايدين احمد وبدى يحجي كلشي
الصار جانت عدنا عداوه بين العشيرتين ورجلج حب البنت وخطبها وهما رفضوا واكثر من مره خطبناها وهم رفضوا
صارت نهوة على البت من ابن عمه جان ما رايده بس في سبيل ما ينطيه لأحمد بسبب العداوه بس البنيه ما سكتت جانت رايده احمد رفضت ابن عمها وكفت بوجه اهلها وكلتهم اذا ما نطيتوني لأحمد اشرد بليله ظلمه اخليكم سالفه بالسلف هنا اخوتها وكفوا بوجها وكلوله تطلع جنازتج قبل لا تشردين
وياه هي ما سكتت هم وكفت بوجه اخوته وكلتلهم ما اخذ غير احمد واذا زوجتوني غصب انتحر وابليكم عاد واحد من اخوتها كام وكاتالها كتلة اخت الموت وحده من الطكات جايه براسه ومسسببتله أعاقه بالدماغ البت بوكتها فاقده وداخله غيبوبه فأهلها خافوا لا تنتشر السالفه وتصير فضيحه بالسلف باعوا كلشي يخصهم هنا وهجوا البغداد وكالوا وشيعوا البت انتحرت وماتت
حتى يوصل الخبر لأحمد ويأيس منها
ظلوا شهور يعالجوها بغداد صرفوا عليها كلشي بس ما كوا فايده ورى مده صحت من الغيبوبه بس البت مو هي نفسه فاقده كلشي عقلها عقل طفله كلشي ما تعرف رجعوا ودوها لأحسن الدكاتره كلوهم نسبة شفائها قليله هاي اذا ما ماتت بالعمليه هنا بالعراق بس اذا بالخارج نسبة شفائها اعلى ويجوز تتحسن بمرور الوكت بس ما عدهم الإمكانية يسفروها فظلت على حالها هاي الها سنين امها اداريها مثل الطفله
قبل زواج احمد بجم يوم واصللهم خبر زواجه وحجوا بي يمها هي سامعه هل الشي وراجعه حالتها منتكسه ودوها للطبيب كلهم هاي إشارة زينه خلوها تسترجع ماضيها يمكن تتحسن بس البت كلما جاي حالتها تسوء فأخوانها احترك كلبهم على أختهم اجوا وهجموا بيوم العرس وبعدها صوابه
هاي كل السالفه بنيتي
كمره: هو يحجي وانه دموعي الصب ما ادري عليها شلون تعذبت مدري على مصيبتي هو وهي ميته يحبها مو انوب عدله
هههه لا ربحتي يكمره
الشيخ: بويه ٲℓانــتيہ وياي
كمره: هااا عمي ما ادري ما جاي استوعب كلي
انه هسه شسوي
الشيخ: خل اكمل السالفه
كمره: ليش شكو بعد
الشيخ:بعد ما عمها كمل السالفه
كله هسه سمعت كلشي انطينا ولدنا
كلهم على جثتي اوديهم الكم جنازه صار مصايح بينهم ورادت تصير مصيبه بالمضيف لولا الناس الخيره ادخلت
كام احمد كلهم اطلعهم بس عندي شرط
كلوله شنو شرطك كلهم انه أعالجها وارجعها مثل الاول واحسن هما ما قبلوا
رجع المصايح من جديد ورادت تكبر الطلابه كام واحد من الشيوخ حجايته مسموعه انطى الحل للطرفين
كمره: وشنو الحل
الشيخ: رجلج يسفر البنيه يعالجها ووو
كمره: وشنووو
وبصفتها منو حتى تسافر وياه
الشيخ: رجلها يـ؏ـنـي يعقد عليها
كمره:ما سمعت شكلت
الشيخ: بنيتي حتى تفض هاي الطلابه ونخلص
كمره:وهو اكيد قبل
الشيخ: اي بنيتي قبل
كمره: وانه شنووو هااا عمي باوع بوجهي لا تدور وجهك احجي ليش سكتت
الشيخه: بنيتي اهدي رحمه لهلج
كمره: ليش انه اهدأ خلوني خلوني يطبني حمس انه منو وشنو كلي خلك وحده ما يعترف بيها ابنكم لو معترف بيه جان اجى قبل لا يسافر وضحلي هسه مثلك عمي(هنا فقدت احجي وابجي)
جاوبوني لا تسكتون احجوا شبيكم ليش ساكتين هاا كسرت خاطركم مو
شافتني الشيخه فقدت اجت شبكتني حيل وكالت
الشيخه: ولج يمه كافي كسرتي كلبي الله لا ينطيك احمد
كمره: عوفيني لا تكليلي يمه
امي ما ورطتني بواحد ما يحبني ولا يريدني هسه عرفت ليش يعاملني هيج
دفعتها ظليت اصرخ وابجي والطم التم البيت بوكتها فقدت ما عرفت منو صار كدامي جان عمار موجود هو الوحيد ما رايح ويه احمد سمعني اصرخ واجى
عمار: شبيها يمه
الشيخ: بويه عرفت كلشي
عمار: ليش يابه انت مو تعرف حالتها مو كتلك خلي احمد هو يجي ويكلها
كمره: حتى انت وياهم هم عبالي انت العاقل تريدني اظل ما اعرف لحد من اول وتالي اعرف
مسحت دموعي وكفت اله وكتله وديني لأهلي
عمار: لا خويه ما اكدر بهاي حالتج ما طلعين منا
كمره: شبيها حالتي كلشي مابيه دقيقه بعد ما ابقى اذا ما توديني اروح وحدي وشيصير خل يصير بعد ما عندي شي اخسره
عمار: كمره الجاي تسوي غلط خل يجي احمد ونفهم منه كلشي
كمره: اي انه الغلط واحمد هوالصح
(بجي)
كافي تعبت والله العظيم ارحموني والله ما بيه بعد حيل انه وهي ميته كاتلني التفكير وهي ميته يحبها والله اخاف يجي يوم ويغلط بأسمها
احلفك بربك اذا عندك اخت وهيج هي بمكاني تقبل عليها هاااا
احجي شو سكتت اكيد ما تقبلوها تعرف ليش لأن هي بت شيخ مو انه
عمار: كمره كافي ارحمي حالج شوي
خلص الي تردي يجرالج بس اهدي شوي
كمره: ت ت و و ديني هاااا
بيها غمضت عيوني وكمت ارجف
الشيخه: يمه شبيها عمار الحكها وليدي
عمار: كمره شبيج باوعيلي
شفتها كامت ترجف وبدت تختنك كضيت راسها وخرت الشال عنها اريدها تاخذ نفس خليتها بحضني بدى خشمها يطلع دم
هديه اركضي جيبي دواها بسرعه
الشيخ: بويه اخذها للمستشفى
عمار:لا يابه هسه تصير زينه انه اعرف حالتها
اجت هديه جابت الدوه انطيتها حبايه كوه شربتها ظلت مده وتالي شفتها ظلت تتنفس طبيعي بس بعدها مبنده ما تكدر تكوم
الشيخه:هااا يمه شلونها
عمار: شويه احسن يمه
الشيخه: ليش سنحت يمه
عمار: تأثير الدوه هداها
وبدت تغفي
الشيخ: بويه شيلها صعدها لغرفتها لحد ما يجي رجلها ونشوف شيصير
وانتي هديه ظلي يمه ما تركيها دقيقه
عمار: جكد تراقبها ساعه ساعتين بس تكعد ترجع انوب ازيد
الشيخه: جا يمه شنسوي هاي دكايك اخوك وهي الله يهديها حتى ما انطت لروحها فكه
عمار:لحد يلومها بشي حقها لو شما سوت
الشيخ: وليدي احنا شبدينا
عمار: شلتها وصعدتها للغرفه خليت هديه تغسل وجها
باوعتلها والله ما تستاهل اليجرالها بس شنسوي
باوعت على الميز شفت موبايلها اخذتها
بس تكعد وتشوفه اول ما تخابر لأهلها وانه احمد حذرني تخطي خطوه وحده بره البيت
هديه عينج عليها رايح اجيبلها ابر مهدئة احسن من الحبوب ما اطول ساعه واجي واذا كعدت بيبي خليها تصعد الها هي شوي تسمع حجيها ماشي
هديه: ماشي
عمار: واذا حاولت تطلع اقفلي الباب واتحمليها لبين ما اجي
نزلت شفت امي حاطه ايدها على خدها رحتلها بستها من راسها وكلت
لا تضوجين يالغاليه كلشي ينحل
الشيخه: شيحلها يمه هاي صدمه منو يتوقع تطلع عدله هسه شحال اخوك
شلون يشوفها بعد كل هل سنين وهاي البنيه الله يعينه بعدها عروس شتتحمل
عمار: والله يمه السالفه تعقدت وبس احمد عنده الحل
يمه انه رايح للصيدليه شويه واجي اخاف تكعد كمره عينج عليها
الشيخه: روح بس لا تتأخر بس انت تعرف تهديها
عمار:بيبي وين شو مالها حس
الشيخه: نايمه
همزين بوكتها ما موجوده جا ارتفع ضغطها وعلك السكر عدها
هي جانت من قبل ما تكبل هند مو انوب هسه
عمار: الله كريم يمه انه طالع بعد ما اوصيج وانتي هم لا تضوجين ولا تنسين روحج
الشيخه: لا تخاف علي
كمره: كعدت لكيت روحي بالغرفه كوه انهضت من الفراش راسي يريد ينفجر من الوجع من كد ما صرخت وبجيت شفت هديه متمدده يمي بس غافيه درت على الميز ادور نقالي ماهو كمت بيه ما بيه ادور بالغرفه
ماهو تهسترت ظليت اطلع بالغراض واشمر خليت حركتي بيهن كسرت شكو شي على الميز فزت هديه اجت يمي كالت
هديه: كمره بعد اخيتج هدي فدوه اًروحلج انه
كمره:موبايلي وين
هديه: ماادري بي شسوين بي
كمره: تدرين بي كولي وين
هديه: ما ادري وين صدكيني
كمره: كضيت راسي من الوجع موتني ملخت شعري
عطت بيها
ولج احجي كلييييلييي ويبيييين
هديه: كافي كمره الله يخليج موتي روحج والله ما ادري بي
اكعدي وانه ادوره الج
كمره: لا لا دورين شي انطيني موبايلج
هديه: شسوين بي
كمره: شسوي بي يـ؏ـنـي شصخم بي اخابر اهلي
هديه: ما انطيجياه والله الشيخ يذبحني
كمره: باعيلي ٲℓانــتيہ مو صديقتي
ترديني اتوسل بيج ما عندي مانع ما اكول اخذت موبايلج بس انطينياه
حبابه دقيقه وحده بس
هديه: ما اكدر لا تجبريني
كمره: زين ساعديني اطلع منا
هديه: شلون اساعدج شلون والله اخاف
كمره: منيييييين تخافين هاااا ولج
هديه: شفتها فقدت كلش ركضت طلعت وقفلت الباب ونزلت اركض للشيخه
شيخه لحكي بعد ما اكدرلها
الشيخه:يمه شلون شسوي هسه انه روحي كعدي الحجيه بس لا تخرعيها وانه صاعده بين ما يجي عمار
ربي فدوه رحتلك حلها من يمك انه هم تعبت
صعدت الها اركض الباب مقفول عليها فتحت الباب لكيتها مكسره كلشي بالغرفه وهي كاعده ومخليه راسها بيه رجليها شافتني واجت ذبت روحها بحضني وظلت تناشغ وتبجي
كمره: عمه حبوبه وديني لهلي ما اكدر اظل هنا فدوه اروحلج انه
الشيخه: بنيتي شبيدي عليج والله لوبيدي اخذج بيدي بس شسوي
كمره: شلون ما بيدج شي ٲℓانــتيہ الشيخه كلمتج مسموعه محد يكلج لا حتى ابنج ما يكدر يكسر كلمتج
اذا تحبيني وديني
ٲℓانــتيہ مو تكوليلي بنيتي لو انه بتج صح جا انكسر كلبج علي وديني لخاطر الله ما اتحمل يدخل وهي بيده اموت والله والله والله
الشيخه: ظليت ابجي على حالها كسرت كلبي ما اتحمل بعد خطيه شذنبها
يله كومي اوديج
كمره: صدك والله مو جذبين علي
الشيخه: كومي اوديج ما اتحمل بعد اشوفج هيج شذنبج ٲℓانــتيہ
كمره:كايمه
كمت على السريع خليت ملابسي بجنطه اخذت شي قليل بعدين تجي خالتي تاخذ الباقي هسه اريد بس اطلع منا قبل لا يجي
لبست شال وصايه وطلعت من الغرفه جاي انزل الدرج ولاكاني عمار
عمار: كمره ما ترحين
كمره: لا توكف بطريقي الله يخليك خليني اروح
عمار: ما اكدر اخليج ترحين اعذريني
جريتها من ايدها دخلتها لغرفتها وقفلت الباب درت عليها وكتلها
سمعيني شوي ادري بيج محروك كلبج وهذا حقج بس اهدي شوي وفكري بعقل خلي احمد يجي وفهمي منه الصح وبعدها قرري
كمره: يا صح الافهمه منه فهمت كلشي لا تحاول تبرراله
بيوم الأحمد يدخل للبيت وهو على ذمته مره ثانيه انه انتهي تعرف شنو انتهي خليني اروح واخلص على الاقل ما اشوف بعيني
