رواية دار الايتام الجزء الثالث (اللقاء المنتظر) الفصل التاسع والعشرون
في حياه كل شخص فينا فجوه زمنيه مدتها بتختلف حسب
الوجع💔💔
.............
مازن...🤝البقاء لله ياروكا.
روكا...🤝ونعم بالله يامازن.
شكراً أتفضل يا مازن
قعد مازن قدامها
مازن...مصدقتش لما عرفت الخبر ولما اتأكدت قولت لازم اجي بنفسي أعزيكي.
روكا...بأبتسامه بسيطه تعبت نفسك يا مازن.
مازن....تعب ايه ياروكا اللي بتقولي عليه ده أقل حاجه أقدر أقدمهالك.
روكا...ميرسي يا مازن.
أبتسم مازن بهدوء متغيرتيش ياروكا لسه زي ما انتي.
روكا....بس انت اتغيرت يا مازن.
مازن...للأحسن ولا الأوحش.
روكا...ولا ده ولا ده عادي بالنسبالي عادي.
مازن...والعادي ده تغيير بالنسبالك
روكا....فوق ما تتصور يا مازن .
مازن...عرفت انك أتجوزتي
روكا...بأبتسامه شكلك متابع اخباري.
مازن....اللي تدخل في حياته روكا النجار مبينسهاش بسهوله.
روكا....اممم انت اتجوزت؟
مازن....عايزه تعرفيني ان انتي كمان مش متابعه اخباري؟!
روكا...بابتسامه بسيطه اللي يخرج من حياه روكا النجار بيتنسي بكل سهوله.
ابتسم مازن وهو بيهز راسه طول عمرك بتعرفي تاخدي حقك بالكلام يا روكا.
روكا...بأبتسامه ياريت الكلام بيرد الحق يا مازن كان زماني واخده حقي من كل حد جه عليا. وأولهم أنت.
مازن....بس انا عمري ما جيت عليكي يا روكا يمكن غلطت زمان يمكن اكون كنت لسه تافهه مش قد المسؤوليه لكن عمري ما قصدت اني اجي عليكي.
روكا....اكبر كارثه في حياتنا يا مازن الغلطه اللي مبتبقاش مقصوده عشان الحساب عليها بيبقي تقيل اوي.. والدليل ان غلطتي الوحيده لحد يومنا ده بحاسب عليها وهفضل احاسب عليها.
مازن....بس اللي اعرفه انك اتصالحتي انتي وهاشم باشا قبل ما يتوفي بكتير.
روكا....اهو الانت بتقوله ده في حد ذاته يا مازن يعتبر حساب.
مازن....علي فكره انا لا جاي افتح في قديم ولا جاي اضايق ولا حتي احاسبك انا جيت عشان بجد حسيت اني عايز أعمل كده
روكا....والحساب اللي بقولك عليه
مقصدتش بيه انت..
مازن....امال ايه؟
خدت روكا نفس طويل وبصت علي كرسي جمب البيسين ديما كان هاشم بيحب يقعد عليه.
روكا...وقت ما بعدنا يا مازن كنت متخيله ان دي نهايه الدنيا وكنت فاكره اني هموت بعدك بس مع الوقت بقيت افضل كتير بس اوقات كنت امشي في اي مكان واتخيل اني اقابلك او اشوفك في مكان كنا بنسهر فيه وأسأل نفسي لو شوفته هعمل ايه؟
طيب هحس بأيه؟
هيبقي واحشني ولا هبقي مضايقه منه ؟ لما كانت المده تطول كنت أسأل نفسي يا تري بقي شكله عامل أزاي زي ما هو ولا أتغير..
طيب شخصيته زي ما هي ولا اتغيرت وياتري للاحسن ولا الأوحش.. كان عندي فضول ديماً بيني وبين نفسي أعرف كل حاجه
لكن بعد ما أتعرفت علي جوزي وحبيته ودخلنا في علاقه واتجوزنا صدقني يا مازن عمرك ما جيت علي بالي وعمري ما تخيلتك بيني وبين نفسي عمري ماسألت عنك جوايا عن اخبارك
وده ردي علي سؤالك اللي سألتهولي لما جيت أتغيرت للأحسن ولا للأوحش؟ يمكن لو السؤال ده سألتهولي قبل ما اتجوز كنت وقتها عرفت ارد عليك لكن الحقيقه اني لما شوفتك حسيتك عادي زي اي حد بشوفه لاهو وحش ولا هو حلو.
بصلها مازن وفضل ساكت.
روكا....يمكن كمان متفاجئتش لما شوفتك لكن الحقيقه يا مازن لما شوفتك مجاش في بالي غير حاجه واحده بس
مازن....حاجه أيه ياروكا؟
روكا.....السبع سنين اللي ضاعو من عمري وانا مش مع بابي ومامي واختي.. غلطه ضيعت من حياتي سبع سنين وانا مش في وسطهم
سألت نفسي هو احنا ليه بنغلط وبنعمل في نفسنا كده في ايه ممكن يكون يستاهل عشان نجازف بحياتنا ونغلط غلطه تخلينا ندفع تمنها عمر بحاله لو مكنتش غلطت زمان يا مازن ومشيت معاك كان زماني قضيت معاهم السبع سنين دول مكانش زماني موجوعه علي فراق بابي بالشكل ده لان السنتين اللي فاتوا اللي رجعنا فيهم من تاني ملحقوش يعوضوا السبع سنين كأنهم يومين مش سنتين .
السبع سنين دول يا مازن خدوا من عمري كتير لدرجه اني حساهم كانوا اكتر من سبعه وكان فيهم تفاصيل متتعدش الدنيا خدتني فيهم لعالم تاني عمري ما تخيلت اني اروحه .
في يوم وليله الحياه أتغيرت ونقلت حياتي من أسكندريه للقاهره. قرارات كتير حصلت وكان لازم أتحملها اوقات صعبه عدت ومكانش ينفع اتكلم مراحل في حياتي ومطبات كنت بحاول أتفاداها علي قد ما أقدر الدنيا شالت فيا وحطت كتير اوي
غلطه ضيعت من حياتي سنين مكنتش متخيله اني ممكن اقدر اخرج من الدايره اللي دخلتها برجلي بس قدرت وخرجت وكملت...صدقني يا مازن الطريق للغلط قصير اوي لكن الرجوع منه أطول يمكن انا رجعت منه ويمكن شوفت طوله اللي كان مموتني وللأسف لما شوفتك حسيت اني هفضل ماشيه في طريقي الطويل ده ومش هوصل عشان هفضل ديماً فاكره السبع سنين اللي ضاعوا من عمري و هاشم النجار مش فيهم السبع سنين دول هيفضلوا نقطه سوده في حياتي يامازن حتي لو اعترفت بغلطي اللي كان مش مقصود💔
مازن....حاسس بيكي ياروكا وعارف اني كنت جزء كبير اوي من وجعك بس انا عايزك تسامحيني و متفضليش زعلانه مني.
روكا...ومين قالك اني زعلانه منك
انا نسيت كل حاجه يا مازن من يوم ما عامر دخل حياتي.
بصلها مازن بحزن وسكت
اما في الداخل.
دياب....ساره مين ده اللي مع روكا ومالك متوتره كده ليه.
ساره...بصوت واطي ده مازن يا دياب معرفش ايه اللي جابه وايه اللي فكره بيها.
دياب...مازن😡
بدر...بقول ايه انا خارج لروكا😡
دياب...استني انت انا عارفه وهخرجله.
بدر...وعشان انت عارفه بقولك خليك انت مش ناقصه سلامات وقاعده تاني انا هخرجله قبل ما عامر يرجع وانا عارف انه هيزعل لو عرف اني سبتها لوحدها.
دياب....طيب اخرج يلا.
خرج بدر وهو من جواه في غضب كبير وحاسس بغيره علي صاحبه قبل روكا.
عند روكا ومازن.
مازن....بس انتي شكلك بتحبيه اوي ياروكا.
روكا...عامر بالنسبالي مش مجرد راجل في حياتي عامر بالنسبالي الراجل الوحيد اللي في الدني.
سمع بدر الجمله دي قيل ما يدخل عليهم اكتر وحس انه مبسوط اوي
بدر....روكاا
ابتسمت روكا تعالي يابدر
بصت لمازن أعرفك العقيد بدر الخياط صاحب عامر جوزي ويبقي صاحبي واخويا
وده يابدر الاستاذ مازن معرفه قديمه.
مد مازن ايده وهو حاسس بالاحراج والخنقه
بدر...اهلاًوسهلاً
مازن....أهلا بيك .البقاء لله
بدر...ونعم بالله شكر الله سعيكم😏
مازن...معلش بقي ياروكا انا مضطر أستأذن مبسوط اني شوفتك واتكلمت معاكي وده الكارت بتاعي.
مسكه بدر منه 😒
بصله مازن بطرف عينه وسابله الكارت.
مازن...البقاء لله مره تانيه.
روكا....ميرسي يا مازن
مازن....اتشرفت بيك يا بدر باشا.
بدر...وهو بيمدله ايده وعينه عالكارت أنا أشرف😎
حست روكا انها عايزه تضحك لكن أكتفت بأبتسامه
مازن...بغضب سلام يا روكا😡
روكا...باي يا مازن.
واول ما بعد شويه.
بدر...😡😡😡أبو تقل دم أمك
روكا....بضحك انا اشرف🙈ده ايه فنون الرد الفظيعه دي.
بدر...دي مش فنون رد انا فعلا اشرف هو ايه اللي جابه ده😡
روكا....بضحك مالك بتطلع شرار من عينك كده ليه؟
بدر...مفيش😒
روكا...يالهوي عليك انت واصحابك يتفاتلكم بلاد مالك بس.
بدر...بصراحه كنت غيران🤨
روكا....عارفه بس ياتري عليا ولا علي عامر.
بدر...عليكوا انتوا الاتنين😒
في الوقت ده كان داخل عامر وحازم بالعربيه ولمح حازم مازن وهو بيركب بعربيته.
عامر....ده مين ده.
حازم...ده ..ده مش عارف
عامر...🤨انت مالك بتهته كده ليه انا حاسس اني شوفته قبل كده
حازم....بقولك ايه أسأل روكا انا مليش دعوه🙄
عامر...أسأل روكا🤨
........
روكا....بأبتسامه حب اطمن يا بدر
مازن صفحه مش بس اتقفلت دي أتقطعت من زمان من اول يوم شوفت فيه عامر.
بدر...بلاش عبط ياروكا انا عارف كويس اوي كل الحكايه اني غيرت عليكي وغيرت علي صاحبي خصوصا انه مش موجود ولا مش من حقي اني اغير عليكم.
روكا....لا طبعا حقك صاحبك جه اهو.
بدر...هما لحقوا🤨
روكا ...فعلا متأخروش.
حازم...مساء الخير
روكا/ بدر مساء النور
عامر...قاعدين كده ليه هنا🤨
سكت بدر و بصلهم حازم.
روكا....كان عندي ضيف جاي يعزيني يا عامر
عامر...اه ما انا لمحت حد خارج وسألت حازم قاللي أسأل روكا
حازم...🙄🙄 طب تعالي يا بدر ندخل نشوفهم كده جوه.
روكا....ده مازن يا عامر
عامر...مازن ؟؟ مازن مين
وقف بدر وقرب من ودن عامر
بدر....مش محتاجه ذكاء مازن طليقها و براحه كده عشان ملعبش في وشك البخت روكا روقته
يلا يا حازم تعالي مشي حازم وبدر
فضل عامر واقف حاسس انه هيموت من الغيره طلع السجاير من جيبه وولع سيجاره وهو واقف
وبصلها..
روكا....اقعد يا عامر عايزه اتكلم معاك.
بصلها عامر ثواني وقعد جمبها.
وفضل عينه بعيد عنها وبيهز رجله
روكا مسكت وشه بايدها
روكا...بصلي ياعامر وقولي مالك
عامر....مفيش ياروكا
روكا....من امته وانت بتكدب عليا؟
اضايقت مش كده
عامر...مش من حقي ياروكا؟
روكا...مين قال كده بس كمان من حقي اعرف اضايقت ليه؟
عامر...انا غيرت عليكي مش اكتر ياروكا صدقيني.
ابتسمت روكا بحب ونامت جوه حضنه.
لف عامر ايده علي كتفها وقربها ليه.
روكا....مش عايزه اقولك كلام تحسه بيريحك و خلاص ياعامر
بس كل اللي عيزاك تعرفه اني مش شايفه راجل في حياتي غيرك ولو هتغير عليا من العالم كله مازن بالذات مينفعش تغير عليا منه.
عامر.... اهو مازن بالذات اللي لازم اغير عليكي منه فكره اني اتخيل انك قاعده معاه وبتكلميه وبيكلمك دي بجد ضايقتني.
روكا...اقولك علي سر؟
عامر....بنظره حب رغم الضيق اللي باين علي ملامحه قولي ياحبيبي
روكا....بحزن لما سبت مازن بعد ما شوفته بعيني علي سريري يمكن اتوجعت اوي لان اكتر حاجه تدبح الست هي الخيانه ياعامر بعد يمكن كنت لسه موجوعه وتعبانه وفضلت مكتبئه شويه لكن مكنتش من جوايا بكرهه يعني اه مش عابزه اشوفه تاني في حياتي لكن مش لدرجه اني اكرهه
بس صدقني يا عامر 🥺 انا لو مكرهتش مازن علي خيانته ليا زمان فا انا الوقت بكرهه عشان اول ما شوفته حسيت ان هو سبب كل حاجه وحشه حصلتلي حسيت انه كان سبب في ضياع سنين من عمري وانا بعيد عن بابي
لو مكانش مازن دخل حياتي مكنتش بعدت عنه كان زماني عشتهم معاه وشبعت منه.
فا صدقني مازن ده اخر شخص ممكن تغير منه
ابتسم عامر بحزن ومسح دموعها
عامر...مصدقك يا روكا وعارف اللي انتي بتقوليه ده كويس اوي
بس ياستي انا غيرت حقي ولا لا يا بت🤨
روكا....حقك🥺 هو انت ايه اللي جابك بسرعه صحيح.
عامر....مفيش خلصنا علي طول اصلا لسنه المعارض مقفوله لاخر الاسبوع بس ادينا حاج امين المرتبات وروحنا نجيب الاكل فا هيتأخر شويه قولنا نرجع وهما هيبعتوه علي البيت هنا.
روكا....ماشي يا حبيبي تعالي يلا ندخلهم
عامر...يلا بينا❣️
.............
جاسر....عامله ايه يا امينه انا بجد مش مصدق اني شايفك.
أمينه...بابتسامه أرتباك وإحراج وفرحه الحمد لله و صدقني انا اللي مش مصدقه اني شيفاك يا جاسر.
جاسر....بأبتسامه ايه هنروح فين.
امينه...بصت للبحر عندك مانع ندخل جوه؟
جاسر...لا خالص بس مش بدل مرمطه الرمل دي كنا قعدنا في مكان أفضل🤨
امينه...تعالي بس جوه هقعدك في مكان حلو.
جاسر...تمام يلا بينا.
دخل جاسر وراها لحد ما وصلوا لمكان قدام البحر وجمبه عشه صغيره لراجل كبير في السن وجمبه كام كرسي وتربيزه بسيطه جدا والمكان هادي والجو حلو جدا.
جاسر...ده ايه المكان ده؟
امينه...معلش بقي مش قد المقام يا جاسر باشا.
جاسر...بالعكس والله ده حلو اوي كفايه انه بعيد عن الدوشه ده عرفتي توصليله ازاي اصلا.
امينه...وهي بتقعد لا ده انا وصلت لاماكن اغرب واجمل من كده كمان
وبيتهيألي الأسكندرانيه نفسهم ميعرفوش يوصلولها😂
أبتسم جاسر وقعد
امينه...قولي بقي تشرب ايه عم حسين.
جاسر...اممم ممكن قهوه
امينه...يبقي اتنين شاي سكر بره يا عم حسين.
حسين...من عنيا يا ست البنات.
نورت يا ابني.
جاسر...شكرا ده نورك...بص لامينه انا قولت قهوه علي فكره🤨
امينه...بابتسامه اصل انت مش فاهم احلي حاجه هنا عم حسين بيعملها هي الشاي القهوه بتاعته مش قد كده.
جاسر...بأبتسامه ايه الصراحه دي.🙈
امينه...أغشك يعني😂
جاسر...بصلها بأبتسامه هاديه عامله ايه يا امينه؟
امينه....بتنهيده عايشه.
جاسر....من اول ما شوفتك وانا عندي فضول أعرف كل حاجه عنك وأولهم ايه اللي جابك هنا وتعرفي هاشم النجار منين.
امينه...وياتري عايزني ابدا من اخر مقابله من 14 سنه ولا من هاشم النجار.
جاسر...هتفرق.
امينه...كتير بس تقدر تقول ان معرفتي بهاشم النجار كان جزء من اللي وصلني هنا.
جاسر...بضحك اوعي تكوني كنتي متجوزاه 🙈
امينه....لا خالص انت دماغك راحت لفين اللي اقصده ان ظهوره في حياتي كان بعد اللي حصلي
جاسر....خلاص احكيلي من الاول.
بعدتي ليه روحتي فين وليه سبتوا السكن بتاعكم ليه حسستيني انك أتبخرتي حتي الجامعه انا كنت في رابعه وانتي لسه تانيه كان عندي امل اني اشوفك في الجامعه في الامتحانات بس اتفاجئت انك سحبتي الملف بتاعك وفجأه تخيلت انك ممكن تكوني شبح.
ابتسمت امينه بحزن والدموع بتلمع في عينها مكانش بأرادتي يا جاسر كل حاجه حصلت كانت غصب عني.
فجأه لقيت الملف بتاعي بيتسحب المكان بيتغير الناس اللي نعرفها مبقتش موجوده الموبايل اتاخد مني اتحبست في اوضه عشان مقدرش اخرج حسيت للحظه اني في كابوس وكنت بعشم نفسي اني هصحي منه لاني متخيلتش ده يحصل معايا بس فجأه الكابوس بقي يزيد مامي تموت من الحزن عشاني اخويا الكبير اتحول مبقاش تقريبا بني ادم بابي بقي نسخه منه ويمكن أسوء وفجأه لقيتهم بيقولولي بعد موت مامي بأسبوع اني هتجوز واحد لا عمري شوفته ولا سمعت عنه كان اكبر مني 22 سنه كان عنده وقتها 42 سنه رفضت وفضلت اصرخ واحاول اقنعهم بس كنت غبيه كنت فاكره اني هصعب عليهم حتي بعد اللي عملوه فيا. بقيت اشوف ضرب و إهانه وتعذيب يومياً حاولت اهرب حاولت انتحر معرفتش مدونيش الفرصه حتي اني احزن علي امي كل ده كان بيحصل بعد وافتها بأسبوع.
مكنتش عارفه ليه بيعملوا معايا كده وايه سر التغيير الفظيع ده يمكن عمري ما كان علاقتي كويسه بيهم اوي خصوصا بابي طول عمره عصبي وعملي واهم حاجه عنده شغله وعمره ما سمعني حتي كنت بحاول اسيبه براحته علي قد ما اقدر لكن انهم يوصلوا لكده متخيلتش وبقيت اسأل نفسي ليه مصممين يجوزوني غصب عني لدرجه اني في خلال الاسبوع اللي كنت محبوسه فيه ده سألت نفسي الف سؤال..
اولهم قولت يمكن حد حاول يوصل حاجه عني غلط يمكن فكروني عملت حاجه مع حد فا بيحاولوا يخلصوا مني .
يمكن بابي بيجوزني جواز مصلحه
عشان شغله أسئله كتير اوي وكل ما كنت اسألها لهم اتضرب ضرب يهد جبال..لحد اليوم اللي قرروا يجوزوني فيه.
كنت مستسلمه خالص وقولت هوافق عشان اخلص منهم يمكن الراجل ده يكون ربنا كاتبلي معاه الخير وهينقذني منهم.
وشوفته لاول مره بعد كتب الكتاب وسمعته وهو واقف مع بابي واخويا و بيقولهم بكل بجاحه وكأنه قاصد يسمعني.
البضاعه وصلت وأدبتكم في شغلكم وامينه انا هعتبرها أعتذار زي ما قولت وبما انها بقت مراتي فا اعتبروني قبلت الاعتذار.
يومها حسيت ان في حاجه غلط ورغم اني گنت مقتوله من كتر الضرب والتشويه سألت بابي بضاعه ايه اللي بيقول عليها.
رد هو عليا وياؤيته مارد قاللي هو انتي متعرفيش يا حلوه ان ابوكي واخوكي بيشتغلوا في الممنوع ولا ايه
سألته ممنوع ايه رد عليا و قاللي
كل حاجه شمال تتخيليلها
مخدر/ات سلا/ح آثا/ر وكانوا فاكرين انهم هيضحكوا عليا باللعبه الخايبه اللي عملوها.
يومها فهمت ان احمد اخويا وبابي حاولوا يغدروا بيه و يجيبوا رجاله لابسه ميري ويعملوا شرطه وياخدوا الحاجه وطبعا هو قدر يعرف رجع البضاعه بتاعته وخد الفلوس بتاعت بابي واحمد ويومها مسك احمد ومضاه علي شيك مقابل انه يسيببه ويرجعهوله بس بعد ما يجوزني ليه و ان جوازه مني كأنه اعتذار ليه منهم ومش بس كده هو كان مهدد بابي انه هيقتل احمد وطبعا كانوا بيضحوا بيا انا عشان هو يرضي عنهم اليوم ده كان اسوء من الاسبوع اللي عذبوني فيه وانا بسمع كم الاعترافات دي بتصدم في بابي واخويا. اللي كنت طول عمري رغم قسوتهم بعتبرهم قدوه ليا كنت فكراهم عملوا كل ثروتهم دي بالحلال وكنت بقول لنفسي حقهم شغلهم صعب..
وطبعا اتصدمت اكتر لما تخيلت للحظه بيني وبين نفسي اني هخرج من سجنهم لراجل بجد ينقذني منهم..
كل اللي قولتهولك ده ياجاسر كوم واللي حصل كان كوم تاني
اللي حكيته ده حصل في شهر واحد بعد اخر مره كنت فيها معاكم ياجاسر صدقني موت امي وتعذيب بابي واحمد اخويا وصدمتي في شغلهم وجوازي
كان اهون كتير من اللي عيشته بعد كده.
قعدت معاه 10 سنين بحالهم طول العشر سنين دول كنت محبوسه في القصر بتاعه اللي مليان حراسه مكانش بني ادم طبيعي كان حيوان الضرب اللي شوفته علي ايده مفيش بني ادم يتحمله كان شخص غريب وراني اسود ايام في حياتي كان مانعني حتي افتح البلكونه اللي في الاوضه وعامل شباك غريب مستحيل تعرف تفتحه الاوضه نفسها كانت في جناح معزول.
كل سنه او كل شهور كنت اشوف بابي واحمد مره وهما اللي يجوا وكل مره كنت امسك فيهم رغم اللي عملوه وافضل اتحايل عليهم وأبوس رجلهم وانا منهاره عشان ياخدوني كنت بقولهم عاللي بيعمله معايا مكانوش بيعملوا اي حاجه غير انهم ينزلوا راسهم في الارض و يقولولي عيشي💔
كان مانع عني اي وسيله اتصال
كان مانع حد من الشغالين يطلعلي كانوا بيحطولي الاكل علي الباب ويمشوا.
كأني مسجونه او كلبه أتنفت في المكان ده.
اوقات كنت اسرح مع نفسي واقول هو معقول اللي انا فيه ده حقيقي انا عمري ما شوفته غير في الافلام اكتشفت اني اللي عشته مستحيل يخطر علي بال مؤلف.
كل ده كوم ولما كان يتقفل علينا باب واحد كوم تاني كان حيوان
كان شخص. ساد/ى مش بيلاقي متعته غير في الضرب والتعذيب
مكانش علاقته عاديه زي اي راجل وست اوقات كتير كنت بحس اني مبقتش بني ادمه كنت بكرهه نفسي وجسمي كنت بكرهه نفسه
كان كل مره يسبني لازم الدكتور يكون عندي لاني مكنتش بخرج من تحت ايده سليمه🥺 ولان الدكتور ده كان تبعه كان بيسكت ادام بيقبض ولأنه مستحيل يقدر يتكلم او يفتح بوئه.
فضلت علي الحال ده سنين بقيت بعاني من اكتئاب حاد ميولي كلها كانت راحه للأنت/حار
اوقات كنت بحس اني حقيقي أتجننت وبكلم نفسي
لحد ما في يوم كان جاي شارب
دخل الاوضه عليا ومسك الحزام وفضل يضرب فيا بطريقه وحشيه
وقرب مني معرفش المده كانت قد ايه لكن كنت حاسه اني بقالي وقت طويل تحت ايده واول ما بعد عني كنت انا سايحه في دمي 🥺 كلم الدكتور كالعاده بس المرادي مكانش قادر يعمل أي حاجه كان عندي نزيف بشع كنت بقسم من جوايا ان اللحظات اللي انا فيها دي اخر لحظات عمري من كميه الدم اللي كنت شيفاها
وكنت لاول مره من عشر سنين 🥺 اخرج من القصر الملعون اللي دخلته من غير اي ذنب لما وصلت كانوا بيحاولوا يلحقوني بأي طريقه دخلوني اوضه العمليات ومكانوش عارفين يسيطروا علي النزيف لاني كنت متدمره وكانت الصدمه الجديده انهم قرروا يعملولي أستئصال رحم طبعا الكل كان خايف منه ومحدش فيهم يقدر يبلغ لما فوقت وعرفت كان عندي هيستريا وانهيار كنت مقرره ان المرادي لو هموت فيها مش هرجع للقصر ده برجلي من تاني
يومها ولحسن حظي كان في ظابط بياخد اقوال حد عامل حادثه. كان في ممرضه بجد هي اللي رجعتلي حياتي من تاني جات بلغتني وقالتلي اعملي اي حاجه عشان الظابط يسمعك اصرخي سمعي كل الناس خلي الناس تصور و هما وقتها هيخافو.
مسكت مقص ومسكتها وقربت المقص من رقبتها وبقيت اصرخ اصرخ بكل حاجه فيا كل اللي كان يحاول يقرب مني يخاف الكل سمعني والظابط جه وكل اللي في الاوض تعبانين مرافقين ناس جايه تزور الكل اتلم وصممت اني مسبهاش غير وفي قوه من الشرطه جايه تاخدني بعدها لقيته اختفي هو ورجالته بهدوء في وسط الزحمه وقدرت ابلغ عنه وبعد الكشف عليا اتاكدوا من اللي حصلي والكشف الطبي اثبت كل اللي قولته وطلع قرار بالقبض عليه وقدروا يجيبوه قبل ما يسافر لانه كان ناوي يهرب وبعدها طلقني في المحكمه واتسجن بس بابي واحمد حاولوا يرجعولي رفضت قولتلهم انهم خرجوا من حياتي للابد واني مش محتاجه منهم اي حاجه....اتعالجت وتابعت مع دكتور نفسي سنتين لاني فعلا كنت متدمره خالص وفي خلال السنتين دول اخويا احمد اتوفي بعد ما كان بيسلم بضاعه وغدروا بيه وقتها بابي حس ان كده خلاص كل حاجه انتهت ولاول مره يعترف ان ده ذنبي كتبلي كل فلوسه باسمي وانا رفضت اخد كل حاجه مخدتش غير مبلغ كان خاص بأمي الله يرحمها بتاع حتت ارض خاصه بيها بعتها وسبت كل حاجه ورا ضهري حتي بابي معرفش عنه حاجه ولا عايزه اعرف ولا حزنت علي احمد ولاول مره احس اني قاسيه اوي كده بس كمان هما دمروا كل حاجه فيا 🥺 واخر حاجه دمروها حرماني من اني اكون ام للابد.
جيت هنا بعد ما خلصت علاج بقالي سنتين وبس وهنا كانت بدايه معرفتي بهاشم النجار اللي في حياتي ما شوفتش حد في طيبه قلبه وجدعنته خدت شقه وكنت عنده في المعرض بشوف حجات بسيطه مؤقته تنفع تتحط للشقه . سألني معاكب عربيه تنقل الحاجه ولا اوفرلك عربيه من المعرض. قولتله معيش حاجه ومعيش حد ومعرفش اجيب منين عربيه ومن هنا ابتدت معرفتي بيه لما عرف اني سايبه القاهره وجيت اسكندريه يومها وصلي الحاجه ومرضيش يخلي حد يحاسبني قاللي ده واجب الاسكندرانيه ولقيت نفسي بعدها بزوره وبطمن عليه لحد ما بقي في بينا علاقه جميله وعرف عني كل حاجه ومن وقتها بقيت بالنسباله زي بنته وهو زي ابويا
كنت انا وهو وعم امين ديما نتغدي سوا في المعرض كانوا هما التلاته عيلتي مكانش ليا حد غيرهم🥺🥺 لحد ما سمعت خبر وفاته كنت حاسه اني مش مصدقه لحد ما اتأكدت ويوم العزاء كنت تالت مره اشوف مدام صفيه لانه عرفني عليها قيل كده وعرفني علي ساره بنته..
كنت حاسه اني مخنوقه اوي لحد ما لقيتك واقف بتشرب سيجاره
مكنتش قادره اصدق واقنعت نفسي اني بحلم لحد ما وقفت قدامك مكنتش عارفه اعيط ولا اضحك بس لاقيت نفسي ببتسم وساكته لما لمحتك يا جاسر فكرتني بال14 سنه اللي طول الوقت بحاول انساهم فكرتني بوجع كبير اوي من غير ما تقصد🥺🥺💔
فكرتني بالدنيا اللي خدتني لعالم مش بتاعي ومكنتش اتخيل اني ادخله فكرتني بالتغيير اللي حصل في يوم وليله وحياتي اللي اتنقلت من القاهره لأسكندريه بدون مقدمات مكنتش متخيله اني ممكن اخرج من ال14 سنه دول يا جاسر غير لما شوفتك والوقت بعد موت هاشم النجار رجعت الدنيا اسودت تاني مصدقت اني شوفتك عشان احس اني لسه عايشه وسط ناس اعرفهم ويعرفوني. هي دي كل حكايتي يا جاسر صدقني مكنتش قاصده اختفي مكنتش عارفه اني هختفي ولا كنت اعرف اني هدخل جوه دايره واتحبس فيها 14 سنه.
جاسر...بحزن ممكن تبطلي عياط انتي الوقت بره واحسن وهتبقي افضل يمكن يا امينه اللي بتقوليه ده محدش يصدقه عشان مفيش ناس بالقسوه دي بس انا مصدقك عشان انا نفسي شوفت ناس قسوتك اكبر بكتير من قسوة الناس اللي كانت في حياتك كنت هتجنن واعرف انتي فين وحصلك ايه بس عمري ما تخيلت انك تمري بكل ده. بس عايز اقولك حاجه يمكن كل ده حصل يا امينه
عشان اشوفك يمكن موت هاشم النجار كان سبب عشان يظهر حد تعرفيه ومتحسيش انك لوحدك انا هفضل معاكي يا امينه ومش هسيبك انتي مش لوحدك .
امينه....بأبتسامه من بين دموعها انا جوايا فرحه لو فضلت اوصفهالك العمر كله مش هتقدر حجمها.
جاسر...بابتسامه حاسسها يا امينه وشايفها في عينك.
كملت بدموع. طيب انت عارف ان انت الشخص الوحيد اللي طول 14 سنه كان ديما في بالي🥺
جاسر....وانتي عارفه ان طول ال14 سنه وانا هتجنن واعرف روحتي فين.
امينه....بجد.
جاسر....بجد يا امينه يمكن لو 14 سنه دول مكانوش مشيوا بالشكل ده مان في حجات كتير اوي اتغيرت
امينه...بابتسامه المهم قولي انت ماشي اكيد انهارده.
جاسر...اه المفروض.
امينه...هو انت صحيح تعرفه منين .
جاسر...هاشم النجار يبقي حما صاحبي واخويا عامر ويبقي والد روكا النجار وهي كمان اختي.
امينه....عارفه روكا شوفتها مره او اتنين في المعرض كانت صدفه و عرفني عليها وعارفه طبعا انها مصممه كبيره
جاسر.. المهم هتفضلي هنا ؟
امينه....معنديش بديل يا جاسر.
مع اني مش عارفه ازاي هفضل من بعد هاشم باشا .
جاسر...طيب ارجعي يا امينه القاهره.
امينه...وشغلي وحياتي انا بقالي سنتين هنا
جاسر....فكري وارجعي خليكي قريبه مني عشان ابقي مطمن عليكي ولو عالشغل وكل حاجه انا هقدر اساعدك بسهوله.
امينه....مش عارفه خايفه يا جاسر
جاسر...من ايه؟
امينه...مش عارفه حجات كتير مش عابزه اشوف حد ولا احتك بأي حد انا حتي هنا بخاف اروح مكان عام كافيه او مطعم والاقي حد اعرفه بقيت ادور عالامكان اللي زي دي واقعد فيها.
جاسر....طيب بصي بقي انا مش هتكلم كتير انتي معاكي يومين او لحد اخر الاسبوع تخلصي كل حاجتك هنا وتعرفيني وتيجي القاهره انتي شكلك كده مستقله بجاسر السيوفي🤨
امينه...بابتسامه لاخالص بس صدقني مش هعرف انا.
جاسر...امينه متوجعيش قلبي عشان خاطري انا لسه محتاج اتكلم معاكي كتير اوي ومش هعرف اعمل كده وانتي بعيد وعشان كمان يبقي في حد.معاكي
امينه....طيب سبني افكر وصدقني هكلمك انا كمان لسه عندي كلام كتير اوي
جاسر...بأبتسامه يبقي اتقفنا
امينه...طب يلا بقي عشان لو هترجعلهم.
جاسر....انا مبسوط اني شوفتك اوي يا امينه.
امينه....صدقني مش اكتر مني
قرب جاسر من راسها باسها ودفع الحساب وخرجوا بره عالكورنيش من تاني.
جاسر....هستناكي تكلميني يا امينه.
امينه....اكيد هكلمك انا مصدقت لاقيتك🥺
ابتسم جاسر بحزن سلموا علي بعض وراح كل واحد فيهم علي عربيته.
وقبل ما يركب جاسر..
امينه....جاسر.
جاسر...ايوه.
امينه...نسيت أسألك انت اتجوزت
جاسر...بأبتسامه ايوه وخلفت كمان معايا تيا.
ابتسمت امينه بحب بتحبها؟
جاسر....بحبها ❣️🥰
هزت امينه راسها وركبت وهو كمان ركب لحد ما طلعت قدامه
كمل جاسر طريقه ورجعلهم
واول ما رجع كان مبسوط جدا رغم ان امينه وجعت قلبه.
كلوا مع بعض تمارا كانت لسه مش مرتاحه لكن كانت ساكته.
وطبعا جاسر مكانش قادر يبعد عن نظرات عامر ليه🙈
خلص الوقت بسرعه الكل جهزوا ليل والشباب ودياب ولمار بدر والشباب
وفضل نوني وسيلا وعامر مع روكا سلموا علي بعض
بدر...سيلا خلي بالك من نفسك كل شويه هكلمك ماشي.
سيلا...حاضر بدر لسه زعلان مني
بدر...بابتسامه بسيطه خلاص ياسيلا مش زعلان
سيلا....بحبك يا بدر.
بدر...وانا بحبك خلي بالك من نفسك ومن نوني ومن روكا ماشي.
سيلا....حاضر طمني عليك ومتقفلش موبايلك خالص.
بدر...حاضر.
الكل بدأ يسلم لكن عامر وجاسر كانوا في حته تانيه.
عامر...بصوت واطي ايه المشوار كان في رمل ولا ايه.
جاسر...بارتباك رمل رمل ايه .
عامر...ايه مشوفتش الجزمه بتاعتك 😉
جاسر...اه اصلي كنت ببص يعني علي البحر كده شويه.
عامر...بضحك بقولك ايه حاول تلاقي كدبه عشان تمارا تصدقك وتقدر تخلع من غير مشاكل.
جاسر...ياجدع انت ما تحل عني كدبه ايه 🤨🤨ولعدين انا بدأت اشك انك عايز توديني في داهيه.
عامر...انا؟؟ طب ده انا بحاول الاقيلك مخرج عشان شكلك غشيم ومهروح في داهيه.
جاسر...ليه بقي ان شاء الله.
عامر...بضحك وصوت واطي عشان ياصاحبي انت خرجت تجيب لبس وراجع زي ما جيت لابس نفس لبسك ومش جايب حاجه في ايدك 😂😂🙈
جاسر....🙄🙄🙄🙄🙈🙈
عامر...بضحك قابل بقي وابقي دور علي كدبه تقولها بدل ما تترفع😂😂🙈
جاسر...طب امشي امشي😡😡
عامر...هتوحشني يا صاحبي هبقي اطمن عليك 😂😂🙈 بقولك ايه كده بقيت اتنين صفر.
جاسر....😡😡😡🔪
مشيوا كلهم والتوتر كان باين علي جاسر.
اما عامر فكان بيضحك بينه وبين نفسه عليه.🙈🙈
................
مر يوم واحد بس بعد ما الكل وصل واطمنوا عليهم..
ومن بعد اليوم ده.........🙄
