رواية حب مابعد عداوه الفصل الثاني بقلم نورينا
اتجمدت مكاني وعيني اتملت ب الدموع لما شوفت الصور الي مع احمد وقولت
: اي الصور دي يحي..وان انت ازاي تعمل حاجه زي كدا انا هوديك ف ستين داهيه
اتكلم احمد ب استفزاز وقال
| والله انا حاولت اجيبك ب برضاكي ومرضتيش ف نجيبك ب الغصب بقا وكمل ب بسخريه تفكري لما اهلك يشوفو الصور دي هيعملو اي انتي يحلوه متطره توافقي تتجوزيني ي أما الصور دي هتتنشر ع كل مواقع التواصل الاجتماعي
اتكلمت بثقه
: اهلي مستحيل يسدقو عني حاجه زي كدا الصور دي باينه جدا انها فيك واهلي بيثقو فيا وانا هبلغ عنك وهعرفك ازاي تحاول تهددني
ضحك احمد ب استفزاز
| امممم يعني مش خايفه عموما انا هديكي مهله 24 س لو مردتيش عليا خلال الوقت دا انتي عارفه الي هيحصل يلا باي
قعدت ب انهيار
ياربي اعمل اي انا لازم اعرف بابا وماما ب الكلام دا ولازم نتصرف مع الحي..وان دا
قومت وروحت البيت وفتحت الباب ودخلت
: احم ماما عايزه اتكلم معاكي شويه
/ مش فاضيه مش وقته
: ي ماما بالله عليكي اسمعيني انا ف مصيبه
بصتلها فوزيه بشك
/ في اي يبت هببتي اي
اتكلمت وعيني بتملاها الدموع
: ي ماما احمد بيهددني عامل صور ليا فيك وبيهددني لو مقبلتش اتجوزو هينشر الصور دي
فوزيه بغضب
/ صور اي يبت انتي عملتي اي اوعي تكوني وطيتي راسنا ف الطين
اتكلمت بتبرير وصدق
: انتي بتشكي فيا ازاي ماما انا مستحيل اعمل كدا هوا والله مفبرك الصور دي دلوقتي ال AI بقا متطور جدا لدرجه ان بيبان الصور كأنها حقيقي 100٪ ماما ارجوكي رني عليه واتصرفي
سكتت فوزيه بتفكير وردت بمكر
/ طب م تتجوزيه وكدا مش هيحصلك حاجه
صدمه احتلت كياني
: انتي بتقولي اي انا بجد مش مصدقه
فوزيه بمكر
/ وفيها اي لما تتجوزيه هوا عشان بيحبك عمل كدا انتي اتجوزيه ومش هيحصلك حاجه
قومت من مكاني ودخلت اوضتي وانا لسه ف صدمه كل مره صدمتي ف امي بتكبر قعدت بانهيار ع السرير وانت بفكر اعمل اي ف المصيبه دي شويه ودخلت اماني واتكلمت بقلق لما شافت حالتي
| اسيل اسيل مالك في اي بتعيطي لي
اسيل بعياط وهيا بتحكيلها كل الي حصل
ـــــــــــــــــــــــــــــــــــــــــــــــــــــــــــــــــــــــــــ
عند اسر ف المكتب
بيدخل معتز المكتب بسرعه وتوتر ولسه بيتكلم بيقاطعه اسر بغضب
: ايييي هيا زريبه مفيش باب تخبط عليه
معتز بخوف
| انا اسف جدا يفندم بس في مشكله كبيره انا اكتشفت أن في حد قدر يخترق نظام الكاميرات الي ف شركه و..
اسر وقد اسودت عيونه من الغضب
: ازاي حاجه زي كدا تحصل مشغل معايا ناس مبتفهمش فورا تعرفلي مين الي عمل كدا وتغيرلي نظام الكاميرات كلها وتجيبلي طقم احدث وتبعتلي الموظفين المسؤولين عن نظام الكاميرات دلوقتي حالااااا
معتز بخوف
| حاضر يفندم
بعد وقت كانو الموظفين ف مكتب أسر
: ممكن افهم دا حصل ازاي وانتو كنتو فين وبتعملو اي انا مش سبق وقولت أن الغلطه عندي برفد
ارتعب الموظفين بخوف وقال واحد منهم
| والله ي فندم النظام اخترق بطريقه احترافيه جدا ومظهرش أنه اخترق مع اننا معانا اجهزه حديثه بتظهر دا ولاكن مظهرش
واحد تاني قال
| الظاهر يفندم ان الي عمل كدا حد بيفهم اوي ف شغل الكاميرات وعارف هوا بيعمل اي ولي غرض معين من دا لأن اكتشفت أن الاختراق بيفتح ف وقت معين
اتكلم اسر بجديه
: وانا جايبكم هنا عشان اي مش عشان تطلعو كل الي عندكم ف الشغل و طلاما غلطو لازم تترفدو انا هجيب غيركم يقدرو يعرفو من الي عمل كدا ويشغلو نظام جديد
اتكلم واحد بخوف وقال
| ادينا فرصه ي فندم نقدر ندور ع الي عمل كدا ونجيبه لحضرتك واوعدك أن مش هيصدر مننا اي خطأ تاني
: فرصه واحده بس قدامكم يومين بس تعرفولي مين الي عمل كدا
كلهم بصوت واحد تمم يفندم اعتبروا حصل
: تمم اتفضلو ع شغلكم
قعد أسر بتنهيده ع الكرسي وغمض عينه وقام خرج برا الشركه وركب عربيته ووصل عند بيته بيدخل البيت وبيلاقي صوت زعيق وليتفاجيئ بأخر شخص ممكن يشوفو ف المكان دا !!
ـــــــــــــــــــــــــــــــــــــــــــــــــــــــــــــــــــــ
قعدت اماني بصدمه بعد أما سمعت كل الي حصل
| بصي ي اسيل احنا لازم نعرف بابا ب الي حصل دا ف اسرع وقت وبابا هيعرف يتصرف معاه
اسيل بعياط
: انا خايفه يصدق عني الكلام دا دي ماما شكت فيا انتي متخيله
اماني وهيا بتحاول تطمنها
| لا بابا هيصدقك انتي عارفه بابا تفكيره غير ماما وان شاء الله هتتحل سيبيها ع الله
بتقعد اسيل لوحدها بتفكر ف الي بيحصل وبتحاول تلاقي طريقه تحل بيها المشكله ولاكن بلا جدوي بتتهند بتعب وبتفتح تلفونها ب الصدفه بتلاقي امل بعتالها massage ك الآتي
" انتي برضو بتلعبي معايا وعايزه تاخدي احمد مني "
" فكرك مش هعرف ان كتب كتابكم الاسبوع الجاي "
" هدمرك ي اسيل "
" وافتكري كلامي كويس "
جيت ارد لقيتها بلكتني
ااووف مش هخلص ياربي اعمل اي ياربي مليش سِواك بتقوم تصلي ركعتين قيام اليل وبتعدي ان كل المشاكل تتحل وبتخلص وبتقوم تنام
بتفوق اسيل تاني يوم وبتخلص شغل البيت وبتقعد بتفكير هترن ع باباها وتقولو ازاي وبعد وقت كانت بترن عليه
بابا حبيبي وحشني اوي عامل اي .... الحمدلله يحبيبي والله... احم بابا كنت عايزه اعرفك بحاجه ضروري ... معلش ي بابا اسمعني مش هطول عليك ... بابا .. الو .. انت سامعني
اوووف بقا دا وقته التلفون يفصل ياربي هيا متعقده كدا لي حلها من عندك يارب
بتتفاجئ بحد بيخبط ع الباب بتقوم عشان تفتح بتلاقي احمد ف وشها
بتبصلو بنظرات كلها غضب وكره
: انت وصلت بيك الحقا..ره انك تيجي لحد هنا
احمد ب استفزاز
| انا سايبك تغلطي براحتك عشان عارف أن مصيرك هتيجي تحت ايدي وساعتها هندمك ع كل دا
اسيل بغضب وصوت عالي
: اطلع برا يز..باله ومتجيش هنا تاني انت فاهمم
اجت فوزيه ع صوت الزعيق
| في اي بتزعقي لي .. اهلا احمد انت جيت انتي سيباه واقف ع الباب اوعي كدا وزقتها ودخلت احمد الشقه وقالت
اتفضل اقعد عبال أما اجبلك الشاي
وقفت اسيل بصدمه
: هوا اي الي بيحصل
احمد وهوا بيحط رجل ع رجل
| جاي اتفق مع حماتي وحمايا ع كتب الكتاب
اسيل بقرف
: انت فاكر أن ممكن اتجوز واحد زيك تبقي غلطان انا اموت اهون من أن أفكر اتجوزك
احمد بغيظ
| مش بمزاجك يحلوه انتي ناسيه الصور الي معايا اقدر اعمل بيها اي
اسيل بقوه
: الصور دي انت تبلها وتشرب مايتها انا مش خايفه من حد طول م انا ع حق مخفش من اي مخلوق خلقه ربنا وانا متأكده من بابا وماما محدش فيهم هيصدق الصور دي
احمد بمكر
| اممم يعني متأكده أن ماما وبابا مش هيصدقو طب ممكن اعديها دي طب والناس بقا برضو مش هيصدقو
اسيل بثقه
: ميهمنيش كلام الناس طول م انا علا حق
قاطعتهم دخول فوزيه لما قدمت الشاي وقعدت
اتكلم احمد بجديه
| انا برائيي ي حماتي أن اسبوع كتير انا بقول كتب الكتاب يبقي بكرا وكدا كدا عمي نازل بكرا وانا هكون جهزت كل حاجه
فوزيه بسعاده
/ ايوا انا كنت لسه بفكر ف كدا برضو خلاص انا هعرف عمك وان شاء الله يبقي بكرا
ابتسم احمد بانتصار
بصتله اسيل بكره وقالت
: لو أطبقت السما ع الأرض مش هرجعلك ي احمد وجواز ومش هتجوز
وخرجت برا ورزعت الباب وراها
فوزيه بغيظ
/ سيبك منها انا هعرف ازاي هضغط عليها
احمد بمكر
|هيا كدا كدا هتوافق بسبب الصور الي معايا
فوزيه ببعض التوتر
/م تفكك من الصور دي وانا هخليها توافق احنا برضو لينا سمعتنا
احمد ب سخريه
| بقولك اي ي فوزيه متعمليش فيها خايفه عليها احنا عارفين الي فيها انا اهم حاجه دلوقتي لازم اتجوز اسيل ف اسرع وقت أما تتم ال 25
فوزيه باستغراب
/ اشمعنا يعني
احمد بغموض
| دا سر ومحدش لازم يعرفه ابدا ولا حتي جوزك
فوزيه ب استغراب اكبر
/ سر ! سر اي دا
احمد بغموض
| انا قدرت اوصل لأهل اسيل الحقيقين وللاسف عرفت انهم بيدورو عليها ف لازم اتجوزها بأسرع وقت عشان اقدر اخد منها الأملاك
فوزيه بصدمه
/ اهل اسيل دي تبقي مصيبه لو عرفو مكانها وكملت برعب دا مش بعيد يخلصوا علينا
| عشان كدا انا بقولك لازم اتجوزها بكرا لأن بكرا اسيل هتم ال 25 وساعتها الوصيه هتبقي رسمي والملاك بقت بأسمها هنمضيها عليهم وبعدين نهرب برا مصر بحالها
فوزيه باستغراب
/ طب واشمعنا لما تتم ال 25 مخصوص
احمد بزهق
| لأن ابوها الله يرحمه كاتب ف الوصيه أن لما تم ال 25 تتنقل الأملاك بأسمها قانونياً لأن وقتها هتبقي كبرت كفايه أنها تقدر تتحكم فيهم
فوزيه بطمع
/ لا طلاما كدا يبقي لازم نتصرف بكرا بس البنت دي منشفه دماغها ومش راضيه
| انا هتصرف حتا لو طلب بيا الأمر أن انا انشر الصور هعمل كدا
/ لا انت لو عملت كدا أهلها هيقدرو يوصلو ليها بسهوله
|لا مش هيعرفو لأنهم مشافوش اسيل لما كبرت هما لما ودوها الملجئ كانت لسه بيبي
فوزيه بخوف
/ انا خايفه يعرفو
احمد بسخريه
| متخافيش يختي خليكي بس اتعاملي مع اسيل زي م انتي ومتخليهاش تشك ف حاجه
/ خلاص ماشي
| يلا هستأذن انا
قعدت فوزيه بتفكير بعد وقت اجت اسيل وبصت ل فوزيه بطرف عينها ودخلت اوضتها
غيرت هدومها ولحق صلاه العشاء وقعدت تقراء ف المصحف لحد اما غلبها النوم ونامت مكانها
صحيت تاني يوم ع كسر باب اوضتها ودخل ابوها جابها من شعرها وسط صراخها
: اااه... شعري ي بابا في اي اسمعني بس
\ انتي ليكي عين تتكلمي اخرسييي بعد أما وطيتي راسنا ف الطين مع الي اسمه احمد انا معرفتش اربيكي بس انا هربيكي من اول وجديد وانهال عليها ب الضرب
فوزيه واقفه بتبص عليها بشماته
اسيل بعياط وصوت متقطع اثر البكاء
: ب.بابا ا. انت ازاي تصدق حاجه ز. زي كدا انت عارفني مستحيل اغلط
يصفعها خالد ويقول بعصبيه
\ اخرسييي انا هعيد ترتبيتي فيكي تاني
قاطعتهم دخول الشرطي واتفاجئت فوزيه لأنهم كانو مخططين أنهم يعاقبوها بجوازها من احمد مش ب السجن
خالد بيقول
\ خدها ي حضره الظابط خدها الزانيه دي مش عايز اشوفك تاني لا انتي بنتي ولا اعرفك من النهارده انتي موتي
بصتلهم اسيل بصدمه وقهر
: هتندم ي بابا هتندموو ع ظلمكم ليا وربنا مش بيسيب حق حد اتوقعت انك انتو الي تقفو ف صفي بس انتو اول الناس الي اتخلت عني وصدقت دا انا بجد مصدومه فيكم
خالد بصرامه
\ الصور موضحه كل حاجه
اسيل ب عياط
: والله ي بابا فيك والله العظيم مظلومه كل دا كدب انا مظلومه والله مظلومه اسأل اماني انا قلتها حتا ماما عارفه ماما انتكلمي انتي ساكته لي انا مظلومه والله
اتكلم الظابط وهوا بيقول
\ حطو الكلابشات يلا وهاتوها
بتصرخ اسيل بأنهيار
: انا مظلومهههه والله مظلومه ابعدو عنيييي
بتنزل اسيل ووكل الي ف الشارع بيتفرجو منهم الي شمتان ومنهم الي بيبص بنظرات اشمئزاز وغيرهم وبياخدوها العساكر ف البوكس وبيمشو
ف مركز الشرطي
الظابط بيبصلها من فوق لتحت بشمئزاز وبيقول
/ برضو مش هتتكلمي
اسيل واقفه ووشها ف الأرض وبتبص لركن معين بتوهان
الظابط بيتعصب
/ عسكرييي خدها ع الحجز وخلي الي الستات تربيها بس اوعو تم..وت فاهمين
بياخدو اسيل للحجز وبيقرب منها مجموعه من الستات وهيا بتبصلهم بخوف وبينزلو ضرب فيها لحد اما بيتفاجئو بأرتخاء جسدها وتحوله للون الازرق وإنقطاع نفسها !
قالت واحده منهم
/ مات.ت !!
