رواية حب مابعد عداوه الفصل الثالث بقلم نورينا
قالت واحده منهم
/ مات.ت !!
بصو لبعض برعب من الي ممكن يحصلهم من الظابط هوا أكد عليهم أنها مت..وتش
قالت واحده تانيه وهيا بتقرب من اسيل وبتحاول تفوقها
/ انتي يبت انتي قومي انتي هتعمليلي فيها مي..ته
ولاكن بلاى جدوي
جه عسكري من وراهم بزعيق
/ خلاص كفا... يخربيتكم انتو عملتو اي اوعو تكونو قت..لتوها
بصولو برعب وخوف
/ والله ي بااشا احنا ضربنا زي اي واحده بتيجي هنا هيا الي طلعت ضعيفه
جري العسكري بسرعه ع مكتب الظابط وقاله
/ ي باشا البنت الي اجت الحجز من شويه تقريبا كدا مات.ت
بصله العسكري بغضب وهوا بيمسكو من ياقه القميص
/ البت دي لو حصلها حاجه انا هوديكو ف ستين داهيه انتو فاهمين فوراً تنقلها ع المستشفي
خد العسكري اسيل ووداها المستشفي وشويه وخرج الدكتور وقال
/ محتاجه راحه تامه بسبب العن.ف الي اتعرضتله دا غير أنها باين مكلتش حاجه لازم تقعد اسبوع هنا ع الأقل
/ تمم اتفضل انت
بيطلع تلفونه وبيرن ع الظابط
الظابط
: تمم هات اتنين عساكر يكونو قدام الباب محدش يدخلها ولا تطلع مفهوم
العسكري
: مفهوم يباشا
بعد مرور أسبوع بتكون اسيل خرجت من المستشفى بتقعد ف الحجز
بتيجي اماني وبتكلم الظابط
اماني
: لو سمحت يباشا عايزه ادخل لأسيل
الظابط بسخريه
: ادخلي يختي نص ساعه وتخرجي .. عسكري هات الي اسمها اسيل دي
بيخرج الظابط وبيسيب اسيل وأماني بتتصدم لما بتشوفها شكلها اتغير جدا وخست ووشها فيه كدامات
بتقرب عشان تحضنها بتبعدها اسيل بجمود وبتقول
: خير ي اماني جايه لي
اماني بدموع
: غصب عني معرفتش اعمل حاجه جوزي هددني مليش علاقه بيكي ولا ادافع عنك يأما هيطلقني بالله عليكي سامحيني
اسيل بجمود
: تمم لسه عندك كلام تاني
اماني بدموع
: اسيل عشان خاطري متتعامليش معايا كدا
اسيل بدموع متجمعه ف عينيها
: امشي ي اماني وانسو أن ليكم بنت تانيه
اماني بعياط
: مش هسيبك ي اسيل وحياتي عندك تسامحيني
اسيل
: اسامحك وانتي واقفه متحركتيش ولا دافعتي عني اسامحك وانا بستنجد بيكي تدافعي عني ووقفتي ومهزكيش شعرايه حتا .. مسحت دموعها بقهر وقالت .. امشي امشي يأماني ومتجيش هنا تاني
وقفت اماني بعياط بتحاول تقرب منها بس بتنده اسيل العسكري وبتقول
: انا عايزه اروح الحجز
العسكري
: قدامي يلا
بتمشي اماني بعياط وبتوصل للبيت وبتدخل بتبص لفوزيه بعتاب ودموع
: كنتي عارفه انها مظلومه ومحاولتيش تدافعي عنها تعالي شوفي بنتك شكلها عامل ازاي ف الحجز
فوزيه بلا مبالاة
: مش بنتي وانتي عارفه وبعدين م يمكن الصور دي صح
اماني بدموع
: مش بنت بس انتي الي ربيتيها من وهيا لسه بيبي ازاي قلبك جابك تعملي فيها اي عشتي معاها كل لحظه ليها ف حياتها شوفتيها وهيا بتكبر قصاد عينك ازاي قدرتي تكرهيها كدا
فوزيه
: انا اتجبرت اربيها من البداية مكنتش عايزاها اصلا بس اعمل اي ابوكي الي صمم أن ناخدها
اماني بدموع
: انتي كدابه انتي وافقتي عشان عرفتي انها بنت ناس اغنيه وأنها اتخطفت منهم والناس الي خطفوها حطوها ف ملجأ ولما عرفتي بموضوع الوصيه من احمد قررتي تتفقي معاه ع العبه القزره بتاعتك
فوزيه بتوتر
: انتي بتقولي اي انا معملتش حاجه ومكنتش اعرف اصلا
اماني بسخريه
: والله بجد مكنتيش عارفه امال مين الي ساعد احمد ف أنه يلاقي صور ل اسيل بشعرها وهوا طبعا بتقنيه ال AI الجديده قدر يركب صورتو مع صورتها ف بيته وحاول يهددها عشان توافق لأن مفيش حد فيكم هيعرف يجوزها لأن مفيش حد فيكم وكيلها وهيا كبيره ولازم موافقتها وهيكون الجواز باطل لو رفضت ف عملتو القصه دي عشان توافق وكملت بسخريه اكبر بس لعبتكم مجتش ف صالحكم والبنت اتحبست ظلم
فوزيه بسخريه
: وانتي يعني الي بريئه م انتي فضلتي واقفه ومدافعتيش عنها ولا قولتي حاجه
اماني بدموع
: جوزي هددني لو اتكلمت ف الموضوع دا هيطلقني
فوزيه بضحكه سخريه
: لا والله انتي عايزه تقنعيني انك مرضتيش تدافعي عنها عشان جوزك مش عشان خايفه من ابوكي يعرف انك كنتي تعرفي ومخبيه عليه
اماني بتوتر
: انا مكنتش مخبيه احنا كنا هنكلمه بس الز..باله احمد قالو قبلنا
فوزيه
: والله هوا خلاص هيا اتحبست وابوكي اتبري منها يعني حتا لو طلعت منها مش هتدخل البيت دا تاني
اماني بسخريه
: عايزه تفهميني أن انتو هتسيبوها تمشي حتا لو طلعت
فوزيه بمكر
: والله ملكيش دعوه بقا
اماني بتحدي
: مش هخليكم تقربولها وانا هعرف اسيل بكل حاجه
فوزيه بغيظ وغضب
: اقسم بالله لو عرفتي اسيل بحاجه لكون معرفه جوزك انك روحتيلها وانتي عارفه جوزك كويس لما بيغضب بيعمل اي
سكتت أمل بخوف وحزن
: يعني اي هنسيبا كدا
فوزيه بغضب
: ملكيش دعوه بيها انتي مش اختها عشان تخافي عليها
أماني
: لا اختها احنا اتربينا سوا
فوزيه
: خشي جوا نامي وسط عيالك وياويلك لو عرفت انك قولتي لأسيل علا حاجه
سبتها ومشيت بتقعد اماني بحزن وقلة حيله
عند اسيل ف الحجز
واحد من الي معاها ف الحجز
: انتي مبتاكليش لي
اسيل
: مش عايزه يمروه
مروه بحزن
: عشان خاطري كلي انتي من ساعه م جيتي هنا وانتي مبتاكليش حاجه
اسيل بحزن
: مش قادره ي مروه ارجوكي سبيني علا راحتي
مروه
: لو سيبتك علا راحتك هتم.وتي ي اسيل
اسيل بتهنيده
: ياريت ياريت ام.وت يمروه
واحده تانيه بسخريه
: متاكلي يختي ولا انتي هتعملينا فيها بنت البشوات وتقولي الاكل وحش
مروه بغضب
: سبيها ف حالها ي كبيره
اسيل بتوهان
: سيبك منها يمروه مترديش عليها
كبيره بغضب
: دا انتي قليله الادب بقا ومحتاجه تتربي قومو نربيها
بيهجمو عليها الستات وبيضربوها ومروه بتحاول تدافع عنها بتمسكها واحد ست تانيه وبتكون شايفه اسيل وهيا بتتضرب بإنهيار وبيمر الحال بيها علا كدا كل يوم...
بعد مرور تلت اشهر
عند فوزيه
فوزيه
: انت متأكد من الي انت هتعمله دا
احمد بمكر
: اه دي الطريقه الوحيده الي هتخلي اسيل توافق
فوزيه
: ربنا يستر وتوافق
احمد
: هتوافق غصب عنها كمان
فوزيه
: هتروح لها امتا
احمد بمكر
: النهارده يلا سلام
ـــــــــــــــــــــــــــــــــــــــــــــــــــــــــــــــــــــ
قعد أسر بتنهيده ع الكرسي وغمض عينه وقام خرج برا الشركه وركب عربيته ووصل عند بيته بيدخل البيت وبيلاقي صوت زعيق وليتفاجيئ بأخر شخص ممكن يشوفو ف المكان دا !!
أسر بزعيق
: انتي اي جابك هنا انا مش قولت مش عايز اشوفك هنا تاني
كوثر بحزن
: يبني حرام عليك انا كل مره اجي هنا واقولك اسمعني وانت مش بترضي اديني فرصه واحده
اسر بسخريه
: اديتك بدل الفرصه 100 وبرصو مكنتيش بتقولي حاجه
كوثر بحزن
: اقسم بالله غصب عني انت متعرفش انا كنت عايشه ازاي انا كنت بموت
أسر بجمود
: ميفرقش معايا ويلا اطلعي برا ومشوفكيش تيجي هنا تاني
كوثر بحزن ودموع
: بتطرد امك ي أسر
أسر بجمود
: امي ماتت من ساعه م قت.لت اختي
كوثر بعياط
: مقتلتهاش ي أسر اختك لسه عايشه
أسر بأهتزاز
: عايشه ازاي انتي بتقولي اي انا شوفتها مي.ته بنفسي
كوثر بعياط
: مكنتش مي.ته صدقني اختك عايشه انا اتطريت اعمل كدا
أثر بعدم فهم
: أنا مش فاهم حاجه
كوثر بحزن
: بن عمك السبب رجع من السفر وقتها واتطريت ابين وقتها انها مي.ته
أثر بصدمه
: هوا رجع من السفر امتا .. و لي تعملي كدا اصلا
كوثر بحزن
: هقولك كل حاجه
ـــــــــــــــــــــــــــــــــــــــــــــــــــــــــــــــــــــ
عند اسيل وهيا واقفه قدام الباب وبتقول
: عسكرييي عسكريييي حد هنا .. حد يرد علياااا
العسكري بزعيق
: في اييي صوتك عالي لييي
اسيل بجمود
: عايزه اقابل الظابط
العسكري بسخريه
: لا والله هوا اي حد يقول عايز اقابل الظابط بيقابله
اسيل بغموض
: ارجوك المره دي بس
العسكري
: هعرف الظابط الاول
اسيل
: تمم
بعد وقت بيجي العسكري وبيقول
: تعالي الظابط وافق
بتخرج اسيل
الظابط بسخريه
: خير عايزه اي هتدافعي عن نفسك تاني لو هتدافعي عن نفسك وفري ع نفسك التعب
اسيل بجمود
: أبداً مش عايزه ادافع ولا نيله انا بس عايزه اوصل رساله
الظابط باستغراب
: رساله اي
اسيل
: لأهلي وليك ولكل الي ظلمني وبعدها مش عايزه اي حاجه
الظابط بأستغراب
: قولي
أسيل بدموع
: حضرتك لو انا بنت وحشه ومش متربيه وفعلا عملت الخطيئه دي اي هيخليني اروح لأختي اعرفها اصلا واي هيخليني اروح لأمي واحكيلها طب م كنت هخاف أن حد فيهم يقول حاجه
ولو كنت فعلا بنت مش كويسه أو بحب احمد الي المفروض انا معاه ف الصور اي هيخليني أرفض اتجوزو طب م كنت هوافق أن انا اتجوزو
دا غير يباشا أن تقنيه ال AI بقت متطوره جدا وحضرتك عارف دا وان في بيوت كتيره جدا اتخربت بسبب الموضوع دا وفي بنات اتهددت زيي كدا
بس حضرتك ممكن تفهمني انت لي مودتش الصوره لواحد مختص بالحجات دي كان بكل بساطه هيعرف أنها فيك وان انا اتظلمت
حضرتك أمرت بتعذيبي منغير م تتحقق من التهمه الي عليا وهتقولي المفروض أعين محامي وهوا الي يدور ع الحجات دي معاك حق بس انت شوفت اهلي الي المفروض اول ناس تقف جنبي سلمتني للشرطه بنفسها
انت بقا دورك ك ظابط متقبلش ب الظلم تدور عشان ضميرك حتا عشان تكون عادل وتتأكد من كل تهمه منسوبه للمتهم الي عند حضرتك حتا لو مش مجبر تعمل كدا بس ع الأقل عشان متكونش ظالم حد
انت كمان حكمت عليا منغير متتأكد زيهم بالظبط وتعتبر شريك معاهم ف ظلمي وف كل وجع حسيت بيه كل يوم كنت بتضرب فيه خلال التلت شهور دول كلكم مش مسمحاكم ومش مسامحه اي حد صدق عني كلمه مش فيا والحمدلله انا بخاف ربنا قبل اي حد وان لو هخاف ف هخاف من ربنا مش من حد تاني اخر حاجه هقولها لو بينكم وبين الجنه ذنبي مش مسامحه لا دنيا ولا آخره
واتفضل لو سمحت رجعني الحجز تاني
بيتكلم الظابط بتوتر
: طب اقعدي ثانيه هعمل حاجه
اسيل بسخريه
: لا لا هقعد ثانيه ولا اتنين انا مش عايزه اي حاجه ولا محتاجه من حضرتك يباشا حاجه انا خلاص معتش محتاجه الدنيا ف حاجه ولا في سبب يخليني عايشه بسببه اصلا
الظابط بأستغراب
: يعني اي
اسيل بغموض
: يعني ترجعني للحجز تاني يباشا
الظابط بتفكير
: تمم .. عسكري رجعها الحجز
بترجع اسيل للحجز وبيقعد الظابط بحيره ع الكرسي بيقطع تفكيره صوت شخص بيقتحم المكتب وبيقول
: أنيس فينك يعم مختفي فين
أنيس بغضب
: مش في زفت بابا تخبط عليه
سامر
: اممم طلاما متعصب كدا يبقي في حاجه
أنيس بحيره
: القضيه الي من تلت شهور دي
سامر
: قصدك مين فيهم
أنيس
: البنت الي جايه بتهمه زن.ا دي
سامر بتفكير
: اه مالها
بيحكيله انيس الي حصل بيرد عليه سامر وبيقول
: مش يمكن تكون فعلا مظلومه انا مشوفتش واحده متمسكه بأقوالها بالطريقه دي واضح جدا أن في حاجه غلط
أنيس بحيره
: طب م انا اتأكدت وبعت الصوره لواحد وقالي أنها حقيقيه تماماً
سامر باستغراب
: غريبه دي
أنيس
: مش عارف بقا المهم سيبك عامل اي مع خطيبتك لسه الموضوع متعقد
سامر بخنقه
: اوف متجبليش سيرتها بجد خنقتني
أنيس
: لي يبني كدا
سامر بزهق
: كل شويه هاتلي كذا اشمعنا بنت خالتي واشمعنا صحبتي لما زهقت
أنيس
: م انا ياما قولتلك أنها ماديه ومسمعتش مني
سامر بتنهيده
: والله م انا عارف يصح...
قطقعه صوت العسكري وهوا بيقتحم الأوضاع بخوف
أنيس بعصبيه
: لا بقااااا مش كل شويه كدااا
العسكري بخوف
: اسف يباشا بس البنت الي اسمها اسيل دي
أنيس ببعض الخوف
: مالها
العسكري بخوف
: واقعه ع الأرض غرقانه ف دم.ها البنت انت.حرت !
شكرا لزيارتكم عالم روايات سكيرهوم
