رواية ليلي والذئب الفصل الثاني بقلم جمانه السعيدي
ليلى...بديت اتابع القضيه واذا احتاج اي
أوراق اتصل على ميمون
ليلى.... البصمه طلعت صحيحه
ميمون....يعني شنو راح البيت بس اني متأكد جدي ما ما متنازل عن البيت
ليلى....دقيقه خل افهمك عمك ممكن ينسجن بهاي القضيه
ميمون...شلون فهميني مو تكولين البصمه صحيحه
ليلى....هسه افهمك عمك كاتب كليشه تنازل عن البيت
يم مكتب من المكاتب
ورايح على جدك مستغل الفرصه يكون وحده ومخلي يبصم على الورقه
وهذا الشي ما ماشي عدنا بالقانون العراقي
هذا بس بالافلام والمسلسلات
لان الي يكتب تنازل يجي الدائرة العقاري
واذا كان مريض مثل حالة جدك ومايكدر يطلع من البيت
يطلع مدير الدائره بعد ما الشخص المستفيد الي هو عمك
يقدم طلب وياا تقرير بحالة المريض
وعدم مقدرته على الحضور للدائره
يطلع المدير وياا واحد. ويروح على المريض ويسئله
اذا هو يريد يتنازل بوجود شهود ثنيين
وعلى شرط يكون المريض بكامل قواة العقليه يعني عقله سليم ويتأكد هو يريد يتنازل
وساعته يبصم المريض على التنازل وهيج يكون التنازل
قانوني
اما عمك محضر ورقة التنازل ومبصم جدك عليها
وهذا يعتبر تزوير وما يمشي بلقانون العراقي
ميمون...هسه اني شسوي
ليلى...تجي ترفع قضيه ثانيه على عمك وتتهمه بلتزوير
وراح اللجنه تطابق هذا الكلام ويا التنازل
وهيج عمك راح ياكل اقل شي ٣ سنوات سجن
ميمون....ولله انتي تستاهلين شهادة المحاما الف رحمه على والديج يعني عمي مراح يطلعنا من البيت
ليلى...هو راح يتوسل بيكم حتى اطلعونه من السجن
ميمون...اي هسه ارتاح كلبي ولله اني من البداية عرفت هاي الشغله بيها ملعوب
ليلى...اصلا عمك بهذا التصرف راح يروح بمسائله
قانونيه وسجن راح يتندم على اليوم الي قرر يبصم جدك على هاي الاوراق
ميمون....انتي انقذتينا ماتعرفين ابوي شكد يحب بيت العائله ومتمسك بي
ليلى...بلعافيه راح يبقى بهذا البيت حاولو ادفعون
حصة عمك حتى تبقون بلبيت
ميمون.....صار شكد نتوسل بي ياخذ حصته ويعوف البيت
يكول لا هذا بيتي وانتم اطلعون منه
جمانه السعيدي
ليلى...تجي باجر ترفع قضيه تزوير على عمك
ميمون...تلكيني قبلج بلمحكمه
ليلى...هاي هي تمام
ثاني يوم وصلت للمحكمه لكيت ميمون واصل قبلي
اول ما شافني رفع ايده يسلم عليه و ابتسم
نفس الاناقه والترتيب والباقه بلكلام
مشينا اني وياااا بلاجراءات وما طلعنا اله الشرطه دزت
ثنيين شرطه يبلغون عمه يحضر باجر للمركز حتى يحققون وياااا
كسبت هايةالقضيه وعم ميمون فعلا انحكم علي
٣ سنوات سجن
بعدين دز ابنه على ابو ميمون يطالب بحصته من البيت
ويطالب اخو يتنازل عن القضيه
ليلى خلصت القضيه بلنسبه اليه وأخذت اتعابي كامله
بعدها باربع ايام اتصل عليه ميمون
ميمون...هلو ست ليلى
ليلى...هلو ميمون شلونك
ميمون...الحمد لله اريد احجي وياج بتطور قضيتنا
ليلى...هااا خير شنو الجديد
ميمون...عمي دز على ابوي يريد حصته من البيت
ويريد ابوي يتنازل عن القضيه حتى عمي يطلع
ليلى...اي وابوك شنو موقفه
ميمون...ابوي كلبه حن على اخوووو عمي هذا ما يستاهل الرحمه
من جان جدي مريض ابد ماكان يزوره لو يطمن علي
يمكن بلشهر مره كان يحسب يوم يوم يمتى يموت جدي ويخلص منه
وبيوم الي جاب ورقة التنازل وبصم جدي
اجا الصبح بس امي للبيت
امي تكول اذكرت هو اجا مره الصبح محد اكو بلبيت بس اني
دخل وطلب منها جاي طلع الاوراق بصم جدي وطلع من البيت امي تكول طلعت مالكيته
امي بوقتها ماانتبهت الإصبع جدي لان هو مريض
وعلى طول نايم
جمانه السعيدي
بعد ما مات جدي عمي حاربنا حرب نفسيه
كل شويه جاي كدام العالم يهوس علينا ويغلط
انتم حراميه تردون تاخذون البيت
هسه من وكع جاي يتوسل أنطوني حصتي وتنازلو عن القضيه
ليلى..انت تريده يبقى بلسجن
ميمون...لو عليه ابد مااطلعه من السجن احكم علي مؤبد
مايستاهل يطلع من السجن
ليلى...انطي فرصه هلمره ايجوز عرف غلطه
ميمون...مستحيل هذا انسان طماع خبيث
ليلى...اذا انطيتو حصته خل يستلمها بلمحكمه وكدام شهود
ميمون....غصبا عليه لازم اسمع كلام ابوي واطلعه من السجن
ليلى...بعد لا تتعاملون ويااا
ميمون...اني اصلا مااريد اشوف وجها
ليلى....خلاص انطو حصته حتى تخلصون منه
ميمون.. هو هم هيج
بعدها اتصل عليه ميمون يكول استلم عمي حصته
والبيت صار باسم ابوي
ليلى...مبروك الف مبروك رجع الحق الاصحابه
ميمون...بفضل رب العالمين وفضلج
ليلى...هذا شغلي
جمانه السعيدي
بنفس اليوم اجاني بكج عطور ومرطبات ومكياج كامل
من ميمون كله اشياء راقيه
طلعت التليفون رنيت علي
ليلى...هلو ميمون شلونك
ميمون....الحمد لله
ليلى...شنو هاي ليش هيج مكلف نفسك
ميمون...هذا شي قليل بحقج تستاهلين اكثر
ليلى...بس اني اخذت اتعابي
ميمون...اعتبريها عربون صداقه
ليلى...شكرا جزبلا
ميمون...بلخدمه ممكن طلب
ليلى...اتفضل
ميمون ....ممكن نكون اصدقاء يعني اذا احتاجيت
اسئلج على مسئله قانونيه او اخذ رائيج بموضوع
ليلى....ممكن ماكو مشكله
من بعدها تقريبا يوميه يتصل عليه ميمون اتصال شبه يومي
نكعد نحجي ونسولف على الأشياء الي نصادفها يوميه
الحد ما تطورت العلاقه وصارت حب واهتمام بين الطرفين
اتلث اشهر واحنا على علاقه
وتقريبا نحجي كلشي يصير ويانا ونلتقي مرات
خارج إطار العمل بمكان عام
زاد الاهتمام بينا
ميمون...اني اريد اعترفلج اعتراف صريح
ليلى....فرحت من سمعت هذا الحجي اي اعترف
لان اني متعوده على الاعترافات بحكم شغلي
ميمون.. اني حبيتج بعقلي و كلبي
اول مره عقلي وكلبي يتفقن على شي
ليلى...اوكف خل ادون اقوالك واخليك توقع عليهن
خاف تتراجع
ميمون....شلون اتراجع بعد وكعت خلاص
ليلى....والمطلوب شنووووو جمانه السعيدي
ميمون....اني اريد اتقدملج خلاص اني عرفتج وعرفت اخلاقج وانتي هم عرفتيتي
ليلى...تعال احجي وياا اهلي
ميمون...اخذيلي موعد وياا ابوج
ليلى...بس اني عندي شرطين حتى يتم هذا الزواج
ميمون...كولي اشرطي وادللي
ليلى...اني بعد الزواج مراح اعوف شغلي لاي سبب من الأسباب مستحيل اعوف شغلي
ميمون...بس شغلج متعب وممكن ياخذج مني
ليلى...تعودت علي واحبه واحبك
ميمون... موافق والشرط الثاني شنو
ليلى...نسكن وحدنا اني عندي عمل وعملي هذا يخليني مشغوله مراح اكدر اعيش ويا اهلك
حتلو نأجر مشتمل زغير لو شقه اني موافقه
ميمون...اني موافق على شروطج حددي موعد حتى اجي ازوركم بلبيت
ليلى...احجي وياا بابا وماما وارجعلك خبر
ليلى بليل كعدت وياا اهلي وحجيت كلشي شلون تعرفت على ميمون
وهو يريد يطلب ايدي للزواج
بابا...لازم نسئل عنه وعن عائلته ونشوف اذا كان مناسب
ياخذ احلى محاميه
بدا بابا يسئل عنه وعن عائلته وحتى رايح مكان عمله
يشتري منه عطر حتى يشوفه ويشوف اسلوبه
وهيج تمت الموافقه المبدئية على هذا الزواج
اول شي جلسة تعارف بين العائلتين
كلشي جان سهل وبسيط ومريح وتم الاتفاق على كلشي
وحددنا يوم المهر
حجزت صالون ورحت اشتريت فستان خردلي مشغول
فصاله يخبل ورحت حجزت صالون
هاي اول مره يشوفني ميمون بدون حجاب
بس شافني ابتسم قرب عليه همسلي تخبلين
كلعاده كاشخ لابس قاط اسود وقميص ابيض
طالع يخبل الفرحه بعيونه زايدته جمال
عقدنا والحفله كانت كلش مميزه
من بعدها بدا ميمون يدور سكن شهر كامل يله لكينا
شقه طابق ثاني قريبه على بيت اهل ميمون
وبدا ميمون يأثث الشقه
واني هم ساعدته اشتريت ثلاجه وابوي جابلي بلازمه
اختي جابتلي كاونتر مترتين
والثانيه جابت طباخ
امي جابت البردات فراش البيت وغرفة النوم
والسبلت جابهم ميمون
وهيج بيتنا كمل اثاثه بعد ٣ اشهر حددنا موعد الزواج
ليلى...شنو رائيك بفلوس العرس نسافر نتونس
ميمون...اذا مااسوي زفه امي تتخبل هذا اليوم امي منتظرته من زمان
بعد الزواج اخذج ونسافر شهر كامل نتونس
ليلى....بكيفك ردت اوفر عليك فلوس الزواج
قبل العرس بأسبوع بدت الاحتفالات بيت اهل ميمون
كان يصور مقاطع الحفل ويدزلي
اهله واقاربه كلهم فرحانين
جمانه السعيدي
يوم عرسنا يخبل يخبل كان حلو ومميز بشكل
بعد زواجنا بأسبوع سافرنا الاربيل خلصنا اسبوع ورجعنا البيتنا
من بعدها رجعنا كلمن الشغله
ميمون رجع الشغله واني رجعت الشغلي
كنا متفاهمين بشكل هو متفهم طبيعة شغلي واني
متفهمه شغله
اني طبيعة شغلي حتى بلبيت ارد على المكالمات والاتصالات من الزباين
وهو كان متفهم هذا الشي
اكعد الساعه ثمانيه من النوم اسبح وابدل واحضر الريوك
الساعه تسعه اكعد ميمون نتريك ونطلع كل واحد الشغله
ميمون مايرجع الضهر يبقى بشغله
اني ارجع الساعه ثنيين من المحكمه
اتغدا واسبح وابدل واطلع للمكتب
بليل نلتقي اني وميون بيتنا نكعد نسولف وناكل
الساعه وحده بليل انام
هذا كان روتين يومي
بعد ست اشهر من زواجنا اكتشفت اني حامل
قررت اسوي مفاجئه الميمون
شكرا لزيارتكم عالم روايات سكيرهوم
