رواية ليلي والذئب الفصل الثالث بقلم جمانه السعيدي
ليلى....هذا اليوم ماطلعت للمكتب
اتصلت على المساعده تروح للمكتب وحدها
هاي البنيه المساعده محاميه تخرجت السنه واجت تستغل ياي اسمها زهراء
طلبت كيكه حاهزه وفواكه وكرزات
نظفت البيت حضرت عشى دجاج شوي
سبحت بدلت ميكب وعطر
اتصلت على ميمون
ليلى... هلو حبيبي
ميمون...هلو حبي
ليلى...شكد بعد وترجع
ميمون...مثل كل يوم ليش
ليلى...اني شويه تعبانه ممكن ترجع من وكت
ميمون...خير خوفتيني
ليلى...مااعرف عندي وجع اريدك ترجع من وكت
ميمون...هسه راح اجي
الساعه تسعه بليل رجع للبيت طبعا قبل موعد رجعته كل يوم
فتحت الباب شافني مبدله وكاشخه على الاخر
ميمون...خير شكووو خوفتيني
ليلى...مشتاقتلك مايصير
ميمون...لا يصير بس ليش كلتي مريضه
ليلى...حتى ترجع بسرعه
ميمون....شنو هاي الكشخه والترتيبات اوكفي خل اذكر
اليوم مو عيد ميلادج ولا عيد ميلادي
ليلى....لا اليوم راح يكون يوم مميز محضرتلك مفاجئه
جمانه السعيدي
ميمون...شنو هاي المفاجئه
ليلى.. احزر
ميمون....مااعرف احزر احجي شكووو
ليلى...راح يجينا ضيف
ميمون....ضيف يجي هسه
ليلى...لا بعد كم شهر
ميمون....باعي احجي بسرعه لان اني مالي بالالغاز
ليلى...هاي شبيك اليوم اني حتى للمكتب مارحت حتى احظرلك هاي المفاجئه
ميمون.....مارحتي للمكتب علمود هاي المفاجئه
ليلى...اي
ميمون...زين احجي شنو هاي المفاجئه لان اني مااعرف
شكووو
ليلى...خربت المفاجئه
ميمون...شو تعاي هنا بصفي اكعدي تعاي قربي
هاي بوسه بس احجي شكووو
ليلى...اني اني انييي
ميمون...اي انتي شنووو
ليلى...اني حامل
ميمون...تحجين صدك
ليلى...هاك هذا التحليل
ميمون...ياحبيبي مبروك الف مبروك اي هذا احلى خبر
ليلى...الله يبارك بيك
ميمون...تعرفين امي اكلت راسي ليش السه ماكو حمل
ليلى...اني امي هم كلما اروح عليهم تسئلني نفس هذا السوال
ميمون...الحمد لله خير انشاء الله
ليلى....الف الحمد لله والشكر
جمانه السعيدي
مرت فترة الحمل بسلام صح كنت اتعب لان شغلي حيل متعب المحكمه والمكتب
بس كنت اتحمل لان شغلي هواي صار احسن من قبل
الحد ما وصلت للولاده وجبت
يافرحة ميمون بابنه طاير بي
سما علي وهو يخبل نسخه من ابوووو
اهلي ميتين علي وبيبته ام ميمون ما مصدكه هذا حفيدها الاول
اسبوعين واني ما واصله للمكتب ولا المحكمه
كلفت ولد محامي وياي يمشي بلقضايا الي عندي الحد ماا
ارجع للشغل
من بعدها رجعت للشغل
الصبح اخذ ابني اخلي يم امي ويا ملابسه والحليب
واطلع للمحكمه الضهر ارجع البيت اهلي
اتغده وانام
ساعه واطلع من بيت اهلي للمكتب
والمغرب ارجع الاهلي اجيب ابني وارجع البيتي
احضر العشى وابقى منتظره ميمون
لان طول النهار ماشايفته
بس اتصل اطمن علي وهو هم يتصل يطمن عليه
جمانه السعيدي
من صار عمر ابني سنه وحده بدت العلاقه بيني وبين ميمون يصير بيها فتور
لان شغلي ماخذ كل وقتي وابني هم يريد عنايه
ارجع للبيت مهدود حيلي من التعب
اريد بس انام وارتاح وهو رجال وعنده احتياجاته
يريد يرجع يلكاني انتظره
ومحضره اكل طيب شي كون طبخ بيت طيب
مو جاهز يريدني اكعد احجي ويااا
واسئله عن يومه شغلات اهتمام الزوجه بزوجها
واني ماعندي وقت ولا خلك
حتى من ارجع للبيت اكون تعبانه اريد بس ارتاح
وابني مرات يكون مريض
طفل بهذا العمر يريد يلعب يريد اهتم بي
واني ارجع راسي صاير طبل من الزباين
وفوكاها من اوصل للبيت تليفوني مايسكت ابد
كل شويه واحد متصل لو وحده عدها سؤال
اني هيج عملي مابي وقت ولا بي راحه
بدت تصير مشاكل بيني وبين ميمون
بدا ميمون يضوج من شغلي وقلة اهتمامي بي
ميمون...ممكن تقفلين تليفونج لان راسي يوجعني هلكد ما يرن
ليلى...بس ارد على موكلي جاي يسئلني عن أوراق القضيه
ميمون...كافي الصبح محكمه والعصر مكتب
كافي بيتج أولى بهذا الوقت والنوب تكملين شغلج بلبيت
وتليفونج مايسكت
ليلى...بس هاي طبيعة شغلي
ميمون...يعني شنووو مااخذ راحتي بيتي ترا انتي
صايره مهمله
ليلى...ممكن تقدر وضعي هذا الشي مو جديد عليك
انت من ازوجتني تعرف طبيعة شغلي
ميمون...بس مو هيج انتي جاي تخلصين عملج برا
من توصلين للبيت اغلقي تليفونج
حتى نكعد نحجي اني كمت مااشوفج
ماجاي اكدر اكعد وياج لو تحجين بلتليفون لو
علي يبجي لو تردين تنومينه
لو تغسلين ملابس لو عندج قضيه جاي تراجعيها بلبيت
اني وين الوقت الخاص بيه ليش هذا الاهمال
جمانه السعيدي
ليلى...ولله مجاي اكدر ارتب وقتي يعني شنو مااروح للمحكمه لو اعوف المكتب وكل القضايا تجي على المكتب
لو ماارد على التليفون واني نص شغلي يخلص بلتليفون
لو من ارجع للبيت ماانظف واغسل ملابسنا واسكت ابني وانومه
النهار كله عايفته ابني وياا امي بليل محتاج اهتم بي
حتى اني جاي اشتاقله
ميمون... واني ذكرتي كلشي وحددتي وقت الكلشي
واني وين وقتي
ترا اني زوجج وبعدني شاب ليش هذا الاهمال
ليلى....انت تعرف ضرفي زين لازم تتفهم موقفي
ميمون...والى متى راح أتفهم موقفج شهر شهرين
شكد وراح يخلص هذا الوضع
هاي شغلتج ماله نهايه شغله طول العمر
لا انتي موظفه وتداومين من الصبح للضهر وباقي النهار بلبيت حتى اكدر
اقدر وضعج
اطلعين من الصبح لليل واني اجي تعبان
ليلى...ماعندي حل انت عندك حل
ميمون...عوفي شغلج وانتبهي للبيت انتبهي الحياتنا
ليلى...ترا اني جاي ابذل جهد مضاعف
دوام ومكتب وشغل بيت وطفل زغير اني مو خارقه
هذا الي اكدر علي
ميمون...عوفي الشغل
ليلى...مااعوف شغلي اني توني كبر اسمي وصرت معروفه
وصار عندي زباين تريدني اعوف كلشي واكعد بلبيت
بعد كل هذا التعب والجهد
مااعوف شغلي وانت بمكان ماكاعد تحجي عليه ساعدني
ميمون...اساعدج شلون اساعدج اطلع للمحكمه بمكانج
لو ارد على المكالمات الي ما تخلص
لا ليل ولا نهار
لو اكعد بلبيت أدير بالي على علاوي واكنس وامسح
واطبخ حتى حضرتج تكونين اسم وسمعه
بابا افتهمي المره مكانها بيتها وجهالها مادام اني مكفيكم من العيشه اكعدي واسكتي
ليلى....مااكعد واسكت هذا شغلي عملي كياني وجودي
وانت تعرف كلش زين اني مااكدر اتخلى عن هذا العمل
وهذا كان شرطي من البدايه
جمانه السعيدي
ميمون...صوجي اني اني غبي ووافقت على هذا الشرط
طلع ميمون من البيت زعلان
اعرف اني غلطانه بس هاي طبيعة شغلي
هو مجاي يحاول يساعدني بمكان ما يحجي عليه
يساعدني بشغل البيت
يساعدني بعلاوي ياخذه مني ويعوفني اخلص كم شغله
هو يريد يكعد واني اركض كدامه
منيين اجيب الخلك منيين اجيب القوه
تعبت وماعندي اي حل لا اكدر اعوف المحكمه
هي مصدر عملي ولا تكدر اعوف المكتب
شلون يعني الغي حياتي واكعد بلبيت
يعني هو طول النهار غايب عن البيت وملتزم شغله
واني الي لازم اعوف شغلي واكعد اكابل الحياطين
علمود حضرته من يرجع بليل اكون بنتظاره
واحاول اخفف عنه التعب
هاي اني يريد يقبلني بهذا وضعي اهلا وسهلا
لازم يقدم شوية تنازلات
ليش اني الي لازم اضحي بعملي واكعد بلبيت
ليش هو ما يتفهم طبيعة شغلي
هو تعرف عليه من شغلي هسه صار شغلي موزين
ليلى...تعبت ونمت وميمون مارجع للبيت
الصبح كعدت لكيت فراشه فارغ
اتصلت علي جهازه مغلق سبحت بدلت تريكت اني وعلاوي
اخذته خليته يم امي ورحت للمحكمه
رجعت اتصلت علي جهازه مغلق
للضهر يله رد عليه
ليلى...وينك ليش البارحه مارجعت للبيت
ميمون...رحت بيت اهلي ماردت ارجع خاف تكبر المشكله
ليلى...خلاص اني راح احاول انظم وقتي علمودك
وبعد مارد على التليفون بلبيت
ميمون...بليل ارجع للبيت
ليلى...تمام انتظرك
ليلى...قررت اخلي المكالمات يجن على زهراء هاي البنيه
المحاميه ومن اوصل للبيت أغلق تليفوني
وارجع للبيت قبل اذان المغرب
واحاول اضغط على نفسي حتى ميمون مايزعل مني
شسوي شغلي متعب ومااكدر اعوفه
ولا أكدر اهدم بيتي واضيع حياتي
شكرا لزيارتكم عالم روايات سكيرهوم
