رواية عدوي الحبيب الفصل الثاني بقلم رزان عزالدين
بصيت للماية و وعدت نفسي
هثبت لحسام اني عكس م هو فاكر
ونطيت...
حاولت متشتتش، مفكرش في اي حاجة
هدفي واحد، نهاية البسين، و...
واني اثبت لحسام اني قوية
وفعلا في تلت دقايق كنت وصلت اخر البيسين
طلعت وانا بحاول استجمع نفسي، بعدين رفعت راسي وبصيتله بنصر
اما عن نظرته؟ معرفتش احدد معناها
يوسف جالي وهو بينشف بفوطه وادالي فوطه
-عاش ي تغريد
خدت منه الفوطه وابتسمت
-شكرا
-الماية ساقعة اوي
-فعلـ...
قبل ما اكمل عطست
محمود ضحك بسخرية وقال:
-اوعي تعدينا بس
يوسف:لا يعم تعدينا ايه احنا مناعتنا فـ...(عطس)
محمود:يا حلاوة
ضحكت عليهم وفجأة قاطعنا صوت حسام الحاد:
-انتوا جايين تهزروا ولا تتمرنوا ي اساتذة؟!
اتفضلوا ع اماكنكوا!!
بصيتله بغيظ وروحنا نقف في الصفوف
عدي حوالي ربع ساعة واخيرا كل الجنود طلعوا من الماية
حسام وقف قدامنا واتكلم:
-التمرين الجاي هيبقي ملاكمة
هنادي الاسماء اللي هيقفوا ضد بعض
بدأت ينادي اسماء كتييييير اوي
-محمود وعبد المنعم
محمود بص لعبد المنعم اللي تقريبا قده اربع مرات وبلع ريقه بخوف
-يوسف وطارق (ماية عشان شرقت هعهعهع، احمم سوري ي عزيزي القارئ🌹)
يوسف بص لطارق، كان تقريبا نفس حجمه
-تغريد وسامي
بصيت لسامي
الحمدلله قدي...قدي عشر مرات
بصيتله بصدمه وبصيت لحسام اللي كان بيضحك بشماته
كمل باقي الاسماء وروحنا مكان التدريب
كله استعد مكانه
وانا استعديت
-واحد، اتنين، تلاته، ابدؤوا
اول م اتكلم سامي حاول يضربني بس لاحظت واتفاديت الضربه
منكرش، كان من اقوي الناس اللي لعبت ضدهم في حياتي
بس؟
خبرتي خلتني اعرف اوقعه
اول م وقعته حسام وقف قدامنا وقال:
-تغريد كسبت، اتدرب اكتر ي سامي
سامي قام وبصلي باندهاش بعدين قال لسامي:
-حاضر ي حضره العقيد
ومشي
حسام بصلي بغضب
بعدين قال بصوت واطي:
-متفتكريش ان عشان عديتي من دول هسيبك تكملي، انا لسه علي وعدي
-اعمل اللي عندك ي حضره العقيد، بس انا مش هتهز
بعد اذنك
وروحت وقفت مع محمود ويوسف عشان خلصوا
عدت ايام، وحسام فعلا كان بيشتغل جامد اوي ع وعده
كان بيدربني مع اقوي رجاله
مش بيسيبني ارتاح ثانية
في تدريب السباحه بيعتمد يخليني اول واحده
وانا طبعا م سايباله فرصه يحس اني ضعيفة
بعد م خلصنا تدريبنا روحنا العنبر، حاولت انام بس معرفتش
فطلعت اشم هوا واجيب ماية عشان عطشانة
-انتِ صاحية ليه لحد دلوقتي؟
بصيتله بعد م خدت ازازة الماية وقعدت ع الارض:
-م عارفة انام ي حضرة العقيد
مردش وقعد جنبي وهو بيشرب ماية فيها تلج
-م ناوية تستسلمي؟
-ابدا
-عنيدة وعبيطة
-م انا عارفة
ضحك بسخرية وشرب من الماية
و وهو بيشرب سمعت صوت التلج في بوقه بيتكسر
-غلط تكسر التلج باسنانك، مع الوقت ممكن ضروسك تتكسر او تتشرخ
بصلي ورفع حواجبه
-انتِ قلبتي دكتورة بقا
-مهو انا دكتورة سنان فعلا
-دكتورة سنان وجايه للمرمطه دي ليه!
-عادي، ده حلمي من وانا صغيرة عشان بابا كان لواء
-بجد؟ اسمه ايه؟
-خالد الچافني
-يلهوي!
خالد الچافني ابوكِ!!
-اه
-ده كان قدوتي وانا صغير!
ابتسمت وهزيت راسي
-بس برضو هطلعك من الجيش يعني هطلعك
ابتسامتي اختفت وقولت بغضب:
-انت عايز تخرجني ليه؟!
-عشان البنات مكانهم مش الجيش ي تغريد
-بس انا قوية كفاية اني افضل فيه!!
-بعد كده ممكن تتعبي!
-متقولش حاجات لسه محصلتش ومش هتحصل!!
-لأ هتحصل
صوتي علي غصب عني:
-م هتحصل!!
بصلي بحده وقال:
-صوتك مايعلاش!!!
بصيت قدامي وهمست:
-آسفة...
-روحي العنبر يلا الوقت اتأخر
-مش عايـ...
زاعق:
-انا قولت قومي!!
قومت والقيت التحية وروحت العنبر نمت، نمت وانا بوعد نفسي اني مش هطلع غير لو بقيت جـ*ـثة
عدي شهر من وانا في الجيش
رغم قسوة حسام إلا اني لاحظت ان هو لطيف شوية في حياته العادية
وتافه
بس ده نادرا م بيظهر
-هات الكريييييب
قالها حسام ليوسف وهو بيشد منه الكريب
-جرا ايه ي حسام م تروح تجيب واحد
برقله وقال:
-ده انت يومك مش معدي!!
حسام حاف كده!!
-ا... اقصد جرا ايه ي حضرة العقيد حسام روح جيب واحد
-مش قادر ي يوسف بقاا
-هو احنا اللي كنا بنتدرب ولا حضرتك؟!
-معلش بقا رجلي وجعتني من الوقفه
يوسف ساب الكريب ومشي وهو بيبصله بغيظ
حسام كَل الكريب وهو بيضحك وقعد جنبي
-بصالي كده ليه
-انت طفل اوي
زاعق فجأة:
-اتلمي يا بت!!
-احم
سكتنا شوية بعدين بصلي وقال:
-مبتاكليش ليه؟
-مش جعانة
-روحي جيبي كريب
-مش جعانه
-مافيش حاجة اسمها مش جعانة، اقولك حاجه
مدلي الكريب قدام بوقي وقال:
-خدي
ولا تقرفي؟
-م عايزة بجد
زاعق:
-انا قولت خدي!!
اتخضيت بصراحة وقطمت حته صغيره
-يوغتي نمنمه؟
ده ايه ده ان شاء الله؟
-يا حسام والله مش عايزة
-هتتعبي والله
-لأ م هتعب
-انتِ حرة
يوسف جيه وقعد جنب محمود كَل
بعد شوية انا سألت حسام:
-بقولك ي حسام
-همم؟
-التمرين الجاي ايه؟
-انتوا اتدربتوا ملاكمة ودفاع عن النفس
يبقي كده ناقص السباحه
-تمام
يوسف بصله وتنح بعدين قال:
-انت سايبها تقولك حسام كده عادي؟
-اه
-اشمعنا هي؟!
-مالكش دعوة
-ربنا ع الظالم والمفتري
-امم
كلوا وخلصوا بعدين طلعنا عشان التمرين
واللي اتفاجئنا منه ان اللواء عماد هيشرف هو كمان علي التمرين
كلنا وقفنا ومستنيين دورنا واخيرا جيه دوري
وقفت قدام الماية بستعد عشان انط
بس فجأة حسيت اني دايخة
-يلا ي تغريد
حاولت اتحرك بس ماكنتش قادره
لما متحركتش حسام زاعق:
-تغريد!!
يلا!!
محستش بنفسي غير وانا بقع في الماية بدون ارادتي وراسي اتخبطت في حاجة...
ـــــــــــــــــــــــــــــــــــــــــــــــــــ
"حسام"
نزلت في الماية بطريقة غريبة
كأنها وقعت..
فضلت سابت بالظبط ثانية ولقيت البيسين اتملي دم فنطيت وراها
شديتها من الماية وانا مش فاهم حاجة
بصيت لوشها لقيتها مغمضه عينها وجسمها سايب
شديتها لطرف المسبح وطلعت وراها وحاولت اسد الدم اللي طالع من دماغها بايدي، اللواء قال:
-في ايه ي حسام؟!
-تقريبا اغمي عليها واتخبطت في البيسين!
يوسف جيه جري وقعد علي ركبته جنبها وحط ايده علي كتفها، زاعقتله بجنون:
-شيل ايدك!!!
اتخض وشال ايده وبصلي باستغراب
معرفش ليه اتدايقت لما لمسها
اتأكدت انها بتتنفس بعدين اتنهدت
كنت هموت من القلق عليها
ايه سبب قلقي؟
مش عارف
بس كنت قلقان جدا
بدأت همهمات الجنود تعلي حواليا و وتروني اكتر م انا متوتر اصلا، فزاعقت بصوت عالي:
-اخرسوا!!!
بصيت للواء وقولت:
-بعد اذن حضرتك، هوديها المستشفى
-ماشي
شيلتها و وديتها المستشفى
الممرضة كشفت عليها وانا فضلت برا قاعد ع اعصابي
الممرضة طلعت بعد شوية فروحتلها بسرعة:
-هي كويسة؟!
-هي...
شكرا لزيارتكم عالم روايات سكيرهوم
