رواية كبرياء شيخ الفصل الثاني 2 بقلم زينب

شداد: شكله انه احبها وأهواها وهي ما تطيقني ولا تكبلني خل اسكت احسن

احمد : شو سكتت احجي 

شداد: ماكو شي هيج لا تشغل بالك خلنا نروح الشيخ ينتظرك بالمضيف

ام كمره :رحنا لبيت الشيخ انه وفهيمه حتى نشوف الشيخه ونتحمد السلامه الها

الشيخه: ياهلا وكل الهلا بأم صلاح شلونج فهيمه عساج بخير

فهيمه: الحمد لله شيخه عايشين

ام كمره: الحمدلله على سلامة وليدج • ﺂنٰ شۨـِﺂءۙ ﺂللـِه۫ہ ٰيوم الي تشوفينه عريس وتفرحين بي

الشيخه: الله يسلمج • ﺂنٰ شۨـِﺂءۙ ﺂللـِه۫ہ هيج وكون يقتنع الله يسمع منج 

ام كمره: • ﺂنٰ شۨـِﺂءۙ ﺂللـِه۫ہ ماكو شي يصعب على رب العلمين بس كولي ياالله

الشيخه: الله كريم بشريني كمره شلونها سمعت بيها دراستها بغداد

ام كمره: اي والله يا شيخه بس محد رضى تروح كلنا ما نأمن عليه وهي بس هل وحيده عندي 

الشيخه: موعندج اخيج بغداد هناك خلها تروح يمه وعينه عليها

ام كمره: لا والله يا شيخه اخافن عليها هي حلوه وتجذب النظر واخوي موش كوي مثل الاول وعنده وليدات اخافن واحد يحط عينه عليها ويأخذها لبغداد حتى لو ابن اخوي ما تحمل اريدها يميتزوج

فهيمه: انتي ظلي هيج لاهدا ولا ذاك حطيها بقفص احسن الج

الشيخه: هههههه والله يا فهيمه عليج سوالف هي أمها حقها ٲℓانــتيہ هم عدج بت من تكبر تسوين اكثر منها

فهيمه: لا وداعتج شيخه عمرها ١٢ اعرسلها

الشيخه:هههههه على بختج 

ام كمره: احنا نترخص شيخه راح يجون ولدي من الزرع لزومن نمشي يله فهيمه كومي

الشيخه: مو وكت طلعه وكت عشة هسه محد يطلع من بيت الشيخ بدون ضيافه

ام كمره: غير مره شيخه اودعناج

الشيخه: مودعه بس رايده منج شغله 

ام كمره: كولي امري

الشيخه : ما يأمر عليج ظالم يوم الجمعه الشيخ مسوي عزيمه للسلف على مود رجعة احمد والكل يجي وأريدكم تعاونوني ٲℓانــتيہ وفهيمه وكمره

ام كمره: صار من • ﮪل عين لهل عين

الشيخه: مشكوره

احمد: وصلنا للمظيف انه وشداد على مود سالفة الي رايدني بيها ابوي 

كول بويه انه جاهز شتريد مني

الشيخ: والله يا ابني انت مثل ما تعرف انه كبرت بعد مالي حيل تعب وانت جبير اخوتك ولازم تستلم المشيخه وانت ابني ترباتي ادري بيك عادل وتحكم بالحق 

احمد: بويه انه ما عشت يمكم هواي كضيتها كله مسافر وهل أمور موثوبي خل واحد من اخوتي يستلمها وانه اساعده ما كصر وياه

الشيخ: افااا عليك انه الازامط بيك يم العشاير وكول ابني واتنومس بيك تالي تنزل راسي لا وانا ابوك ما هكيتها منك 

احمد: بس يا بويه قاطعه الشيخ.....

الشيخ: لا بس ولا هم يحزنون انت الشيخ هي كلمه كلتها ما غيرها ها ولازم تزوج الي بعمرك تزوج وشبع 

احمد : بويه ضربتين على الراس توجع اذا على المشيخه انه حاضر بس اتزوج لا يبوي بعدني ما مستعد

الشيخ: وشبيك بالله شناقصك اشو شيخ ودكتور والكل تهابك واذا على البت انت بكيفك تختار من السلف امك تجيبلك احلى وحده واذا انت رايدلك راده اشر وكول حتى لو بلندن انه اروحن واجيبها 

احمد: لا يبوي سد موضوعك مو وكته بغلاتي عندك 

الشيخ: راح ااجل هل موضوع فتره ها ترى الجمعه سويت عزيمه للسلف هم بمناسبة رجعتك وهم انصبك شيخ

احمد: براحتك يبوي انا اترخص

الشيخ: مرخوص

احمد: صعدت فوك لغرفتي بس ما طايق روحي انه وين وهل أمور وين لا وانوب سالفة المشيخه شيخلصها وفر عقلي الزواج بس شلون اتزوج وانه ادري ببوي ما يسكت ولا يهداله بال لحد ما يزوجني 

الشيخه: صعدت فوك واشوف احمد مثل النار صاير دخلت لغرفته وسألته 

شبيك يمه صاير شي

احمد: يمه ابوي حملني فوك طاقتي وانه ما اكدر اردله طلب شوريني يمه كولليلي

الشيخه: شكلك ابوك معند محد يكسر كلمته واذا على المشيخه سهله يا وليدي تدبر

احمد: يمه هاي سهله بس ما ⁽ اريـﹻٰ۫ﹻـۧـد اتزوج يا يمه افهميني

الشيخه: ليش يمه بعدك ما ناسي الي صار وليددي مرت سنين لازم تشوف حياتك وتشوف وليداتك ترى هذا كله ما يرد الميت

احمد: شنسى يا يمه الغربه ما كدرت تنسيني نار مشتعله بكلبي ما تطفى صدكيني

الشيخه: الله كريم يمه وداعتك يجي يوم وتحب من جديد وتنسى كل الصار بس كول يا الله

احمد: الله كريم يمه

كمره: وصلنا للبيت انه وأبوي واخوتي تلكتنا امي 

ام كمره : الله يساعدكم شويه واذهب العشه تعاي كمره ساعديني

كمره: صار يمه جايه 

ام كمره: شعلامج يمه وجهج اصفر صاير شي

كمره: لا يمه ما كو شي امي ولا يفوتهه شي لو اكللها على اصار تخليني احلم بالطلعه همزين هذا الخيال غريب جا طشت سالفتي بالسلف

ام كمره: اكلج الجمعه نروح لبيت الشيخ ويه خالتج فهيمه الشيخه طلبت نساعدها

كمره: خليني ما اروح روحوا انتم هسه يجن النسوان وتصير هوسه وما اطيح من حلوكهن

ام كمره: لا ولج هي طلبت وانه استحيت بيت الشيخ افضالهم علينا جثير

كمره: واذا أفضالهم جثير تردين نصير الهم خدم

ام كمره: هي طلبت مساعده ما كالت خدم والشيخة ما عدها بنات 

كمره: بيت الشيخ متروس خدم بس هي تحب تذلنا 

ام كمره:انتي شولاج على المره ترحين غصبن ما عليج فهمتي يو لا

كمره: بعد انتي حكمتي اروح اكدر اكول لا

ابو كمره:شبيجن تناكرن جنجن شرايج ذهبن العشا خل تزقنب

ام كمره: ذاهب العشا بس تخلصون صلاة 

ام كمره على العشا

ام كمره: سمعتوا بالعزيمة يوم الجمعه 

ابوكمره والولد اي سمعنا كلنا نروح وفد مره الشيخ ينصب ابنه شيخ

ام كمره: وانه كمره هم نروح الشيخه طلبت

ابوكمره: اي ليش لا

كمره: طبعا ما تكدرون ترفضولهم طلب

ابوكمره: ها بويه شصاير شبيج متذمره ترى احنا لوما الشيخ بويه جا حالتنا حاله

كمره: هذا هو بويه ما كلت شي

واجى يوم الجمعه كرهت هذا اليوم من كل كلبي رحنا انه وامي لبيت الشيخ خالتي قبلنا راحت وصلنا للباب شفنا ابو جبار سلمنا علي ودخلنا اول ما دخلت شفت الخيال هو والشيخ واكفين على باب المضيف صفنت علي وانه اكول يمه هذا شجابه هنا وهو هم عرفني ظل صافن بوجهي مصدوم امي حست بيه جرتني من ايدي ودخلتني كبل لمطبخ القصر مال الشيخ 

ام كمره: شبيج تسودنتي صفنتي على الزلمه هسه شيكول عليج بت ابو صلاح خفيفه 

كمره: شكول شكللها هو هذا راد يسحكني بالفرس مالته وانه مرعوبه منه جا غير تحبسني وتحرم على فتحة الباب

ام كمره: يله دخلي بسع ليجوه 

كمره: دخلنا وتلكتنا الشيخه وخالتي والنسوان بالسلام 

الشيخه: ياهلا ومرحبا زارتنا البركه هلا بكمره شلونج 

كمره: الحمدالله شيخه 

الشيخه: تفضلوا هنا ساعدن البنات

كمره: ظليت اساعد البنات انه مو كلش أعرفهن اعرف بس هديه هي خدامه بيت الشيخ هما ربوها بحكم ابوها ابو جبار يشتغل حارس عدهم

هديه: شلونج كمره اخبارج ولا تسألين عليه 

كمره:هو انه اكدر اتنفس امي كاتمه على كوة اكدر اطلع بالحلال شوي وأردن ويه اهلي الغروب

هديه: حقها تخاف عليج عيون السلف كلها عليج وتحجي بجمالج 

كمره: شدعوه يابه هو منو الي مخرب علي غيرة شحصلت منه ًحتٍٍٍـــى دراستي نحرمت منها

هديه: بعدج تحجين بهاي السالفه ما ايستي

كمره: لا فلا اايس هم يجي يوم وتسمعين كمره دخلت الجامعه

هديه: اإآلله كريم

كمره: اكلج شو ماكو سلمى بت اخو الشيخ المكروهه

هديه: ولج خلصنا منها مسافره ويه أمها لبيت اجدادها لوهي هنا جا خبصتنا خبص

كمره: اكلج منو الي جان واكف يم الشيخ يم المضيف

هديه: ما عرفتي هذا منو

كمره:لا 

هديه: هذا الشيخ احمد ابن الشيخ الدكتور ليش سألتي علي اخافن وكعتي بشباكه ترى ما يتحاجى ولا يعجبه العجب ورافض يتزوج 

كمره: على كيفج اكلتيني بكشوري هو انه شكلت شفته غريب اول مره اشوفه وسألت 

هديه: خايبه اتشاقه وياج وانه اعرفج انتي اعند منه بهل سالفه ويوميه شداد يسأل عليج

كمره: اهو هم شداد هو انه ما اخلص منه 

هديه: شبيج علي هوترى يجبج ويهواج من زمان وهو زلمى معدل وبن اخو الشيخه ويدللج وحتى كلي اذا تريد اخذها لبغداد تكمل دراستها

كمره: ما احبه ما اطيقه لو مو ياخذني لبغداد لو يحطلي الشمس بأيد والكمر بأيد هم ما اريده

هديه: دظلي بعدين تتندمين

كمره: ظلينا نساعد ونظف القصر وصبوا الاكل وانه بوكتها كلش تعبت كمت ما اكدر اعين نفسي صاحتلي هديه اشيل وياها الجدر ثكيل بي مي حار بس موكلش حار بس شلته ما صيطرت علي راأسن وكع علي وبللني من فوك لي جوه امي رأسن صرخت صخام اصخمني يمه بنيتي احتركت

وركضن الشيخه وخالتي والنسوان يشوفني وامي تبجي حالتها حاله والشيخه بوكتها كلش خافت انه رأسن صحت ما بيه شي مو حار الماي امي كالت متأكده والشيخه كالت هسه اصيح على الولد ياخذوج للمستشفى كتلهم وقسمت يمين ماكو شي بس تبللت هدومي والله ماكو شي امي كالت هسه تمشين للبيت اشوفج واتطمن بعيوني ياله

كمره:والله يمه ما بيه شي الماي مو حار دافئ بس ابدل ملابسي لان صارت دشداشتي دسمه من الجدر

الشيخه :كمره تعالي وياي نصعد فوك تبدلين ما يصير تطلع هيج وبعدها روحوا 

ام كمره: خوش بس اصعد وياج 

كمره: لا يمه شل قصه هي ربع ساعه اصعد ابدل واجي

الشيخه: تعالي وياي

كمره:صعدنا للطابق الثاني اول مره اشوفه طبعا ماشاء اللهُ صدك لو كالو بيت شيخ ودخلتني على غرفتها تفاجئت عبالك غرفة عروس تخبل ظليت صافنه عليها هي كالت هذا يمج اختاري اي شي يعجبج ولبسي وطلعت الشيخه ظليت وحدي بالغرفه

احمد: صار يوم الجمعه طبعا البيت كله مخبوص أولهم ابوي وإخوتي وهم فرحانين ظلوا يحضرون بالمضيف والحديقه لان المضيف ما يكفي الناس 

وانه ما خلوني اسوي شي بحكم انه رآآح اصير شيخ ظليت واكف يم ابوي باب المضيف وما اشوف الا دخلت المهره نصدمت كلت شجابه هنا وهي هم نصدمت تباوعلي أمها حست عليها وسحبتها من أيدها ودخلتها وتالي تغدوا العالم وخفت الناس وطبعا ابوي نصبني شيخ كدام الشيوخ الكبار وكبارية السلف ورحبوابيه ليش لا طبعا ابوي اذا حجى كلمه منو يكله لا وتالي راحت الشيوخ كلت خل افلت قبل لا يفتح موضوع الزواج ابوي واعرفه كلش زين

ترخصت وطلعت على غرفتي ارتاح من صعدت سمعت حركه بغرفة امي الي اعرفه امي اذا يمها نسوان ما تطلع ابد كلت خل اتأكد فتحت الباب ويا ريت ما فتحت شفت نفس البنيه بغرفة امي تريد تبدل جانت فاتحة دكم دشداشتها وطالع قسم من صدرها مو صدر عبالك مرمر هاي البنيه توكع اكبر شيخ هي رأسن فتحت عيونها شافتني ورادت تصرخ تقدمت عليه بسرعه حاوطتها من خصرها قدمتها على صدري وبأيدي الثانيه لزمت حلكها وكتلها اشششش ولا كلمه هي ظلت ساكته مصدومه بس تباوعلي وانه صفنت بوجهه عبالك كاض بين أيدي تفاحه وهي نفسها يصعد وينزل وهي بين ايدي احسها ذبلت وانه خفت ما اسيطر على روحي كتله راح اهدج بس ما تفتحين حلكج وتحجين الصار ترى تصير فضيحه سمعتي هي تأشرلي براسها اي دفعتها من ايدي بكل قوه وكعت بالكاع انه كتلها اذا حجيتي انه رجال وشيخ وانتي حرمه سمعتج تدمر وسمعة اهلج واخوانج انه ما يهمني شي هي ظلت تبجي الصراحه كسرت خاطي صح جرحتها بالحجي بس لمصلحتها اذا دروا بالصار اكيد سيرتنا تصير على كل لسان وخصوصي البيت متروس نسوان عفتها وطلعت وقبل لا اطلع درت وجهي عليها وكتلها لا تحلمين بشي مو كدج........

الفصل الثالث من هنا