رواية كبرياء شيخ الفصل الثالث 3 بقلم زينب

كمرة بعد ما صعدت بغرفة الشيخه وتركتني وحدي ونزلت اخذت دشداشه منها وردت ابدل وبديت افتح دكم الدشداشه الابستها ما احس الا الباب انفتح

ورفعت راسي واشوف الشيخ احمد وانه ردت اصرخ هو تقدم علي رأسا سد حلكي بأيده وطبعا مثل ما قريتوا شنو كال انه نصدمت معقوله هذا شيخ وانه ام لسانين شبيه نلصمت ما عندي غير بس الدمعه بشنو شايف روحه اذا هو شيخ ودكتور انه كمره الكل تتمنه ظفري بس هين يا شيخ الايام بينا وراويك حلمي شلونه مسحت دمعتي وكمت وبهل الاثناء دخلت عليه هديه 

هديه: خايبه وينج شصار بيج امج خبصتني خبص عليج شبيهن عيونج حمر شنو باجيه 

كمره:اي لان الماي حار وتأذيت وما ردت اكل لأمي خفت عليه تنجلط

شكللها كله بسبب • ﮪل شيخ المغرور 

هديه: يله خوش بدلي بسرعه خل ننزل انه اتانيج بره

احمد: بعد ما طلعت من غرفة امي دخلت بغرفتي بس بكلبي نار تجوي انه شسويت هسه شتكول علي خل تكول الي تكوله بعدين انه ليش افكر بيها اهوووو شون سالفه هاي 

كمره: نزلت جوه شفت امي تلوب خطيه هي اجت تركض علي 

ام كمره: خومابيج شي يمه كولي لا تجذبين علي 

كمره: والله يمه ما كو شي لا تخافين هاي انه شوفي كلشي ما بيه 

ام كمره: كله مني ما ردتي تجين يله يمه امشينا نروح يله فهيمه تجيہٰٰن يو لا

فهيمه: لا انه شوي اظل بعد وكت

كمره:طلعنا من بيت الشيخ انه وامي واشوفه من بعيد واكف يم ابو جبار رأسا دنكت قررت بعد ما اباوع بوجها لان ما يستاهل واذا شيخ مو معناها ياهو الي يشوفها كدامه يدوس عليها شنو من حقد شايل وجبروت بس الله كريم يجي يوم واوكف بوجه كلش انقهرت من كلامه 

احمد: نزلت جوه احس الغرفه جنكتني بعد الي صار كلت لازم اروح اشوفها حتى لو من بعيد لأن اذا اسأل آٱآمي عليه هسه دخلني بسين وجيم طلعت بره وكفت يم ابو جبار وأشوفها طلعت هي وامها بس ولا رفعت عينها ولا عبالك موجود كدامها امها سلمت علينا وراحن ما اعرف ليش ضجت بس كلت يمكن حقها الي كلته الها مو هين وبنفس الوكت كبريائي يمنعني اعتذر منها بس خفت لا تحجي والسلف يعرف بالسالفه واذا سمع ابوي من باجر يزفه الي لازم الكه طريقه حتى احاجيها واطم السالفه

كمره: رجعنا للبيت لكينا ابوي والولد واصلين قبلنا انه كبل اخذتلي ملابس ودخلت للحمام لان احسن الدسم دخل لذاني سبحت وطلعت امي صاحتلي على العشا ما ردت ما الي نفس بعد الي صار كلمااذكر الموقف الي انطيت بي لا وكدام منو كدام الشيخ المغرور واذكر شـْ◌ـّـْ﴿💜﴾ـّْـ◌ّـْلـّوْنّ شافني بلا حجاب والدكم مفتوحه متت بدمي يمكن اهلي لو دروا يعلقون مشنقتي على النخله شلون ياربي شـٓسـٰﯛي كلت ما كو حل غير انام بلكي باجر اكعد ناسيه

ام كمره : دخلت على كمره انه كلبي كا رصني شفتها نايمه شبيج يمه شو نايمه من هسه انتي شو ما عاجبتني صاير شي كولي وليش ما تردين عشا

كمره: يمه ما كو شي بس اكلت هواي بالغدا وأحس الاكل كاعد على كلبي

وتعبت اليوم كلش اريد بس انام وارتاح 

ام كمره: نامي يمه ولو انه ما مطمنه 

نرجع لبيت الشيخ

الشيخه: صحت على فهيمه اسألها على كمره الصراحه كلش عجبتني جمال وطول وشعر وترافه واخلاق ونداره وهي هم دارسه كلت اجس نبضها اشوف من احجي عليها لأبني تقبل وليش ما تقبل هو اكو وحده ترفض الشيخ احمد فهيمه خيه اريداسألج سؤال

فهيمه: اسألي شيخه 

الشيخه: كمره اذا اخطبها للشيخ تقبل لا شدكولين انتي خالتها وانه ادري هواي خطبوها وهي ترفض 

فهيمه: والله يا شيخه ما ادري شكلج مخليه الدراسه براسه معنده الا تكمل جامعه وتكول ما دام ما خلوني اكمل دراستي فلا اقبل اتزوج 

الشيخه: بس الشيخ ما ينرفض وهو هل تشوفينه بعينج شناقصه 

فهيمه: اسألها واردلج خبر وان شاء الله خيربس انه الادري الشيخ شايل الزواج من باله 

الشيخه: انتي معليج بهل سالفه بس رديلي الخبر وانه اطبخ الطبخه

فهيمه: • ﺂنٰ شۨـِﺂءۙ ﺂللـِه۫ہ ٰ'💛ۦ⇣ 

الشيخ ابو احمد على العشا طبعا العائله كلها موجوده

الشيخ: ها بويه احمد شقررت

احمد: بشنو يابه

الشيخ: على الزواج ابني

احمد : بويه انه مو كتلك لو المشيخه لو الزواج وانه اخترت المشيخه 

الشيخ: انه ما خيرتك بس كتلك اأجل الموضوع فتره 

احمد: خير بويه انت كلت فتره خل تعدي والله كريم 

عادل: بويه اذا احمد ما يريد انه موجود خل الشيخه تخطبلي من باجر طاح حظي وانه اتاني شوكت الفرج

الشيخ: محد يتزوج قبل احمد 

احمد: بويه خل يتزوج ليش واكف بطريقه

الشيخ: موانه الواكف بطريقه انت الواكف ورافض ومعاند وراسك يابس فكها ابني العناد والرفض ما يرجع الراح

احمد : الله كريم 

الشيخه: يمه انت بس أشر وكول • واللّــُهةِّ اخطبلك احلى البنات

الشيخ: وانا كتلك اذا رايدلك راده بس كول واذا لا بت عمك موجوده هم دارسه ومثقفه وحلوه 

احمد: انه الادري سلمى اخوي عادل يحبها من سمع ابوي رأسا شرك بالأكل 

لا بويه ما عندي رايده وسلمى اذا تريد تخطبها فعادل موجود انه ما اهواها وهي دلوعه ما ترهملي

الشيخ : صدك ولك عويدل حاط عينك على بت عمك

عادل: بويه انت كلت بت عمي وانه احبها ومثل ما يكولون عينك على حلالك دوه

الشيخ: الله كريم بويه • ﺂنٰ شۨـِﺂءۙ ﺂللـِه۫ہ ٰ'💛ۦ⇣ خير

احمد: انه اترخص اصعد انام تصبحون على خير

الكل: وانت من اهله

احمد: صعدت لغرفتي وانه نفس النار بكلبي شلون يا ربي شيفض سالفة الزواج وبعدين ذكرت كمره منظرها ولا يروح من بالي وجها وجسمها وشعرها الأسود النازل على متونها وكلما اتذكر وهي بين ايديه ودمعتها ما اعرف شصار بيه معقوله هاي انه احمد جكد مرت علي بنات بغداد ولندن ما كدرت وحدة تأثر بيه شجالك احمد اصحى لازم تحط حد لهاي السالفه ما اريد اضعف مره ثانيه حتى لا انجوي وظليت اكلب بالنقال لحد ما نمت

كمره: كعدت الصبح على صياح امي الساعه ٩الصبح بهذا الوقت احنا عدنا ظهر اجت وكفت على راسي

ام كمره: شولاج لهسه نايمه كومي ساعديني وجريلي التنور 

كمره: اي يمه كايمه كلت وانه ما شابعه نوم للصبح ظليت كاعده واتكلب صابني ارق من الصار اخاف من السلفه تكبر وتشوه سمعتي وسمعة اهلي 

كمت غسلت وجهي وتريكت جنت كلش جوعانه لان ما متعشيه وردت اروح اوجر التنور اندك الباب صحت منو 

فهيمه: خايبه انه خالتج فهيمه

كمره: كلت بكلبي اجت ام العلوم اكيد جايبتلها سالفه جايده 

اي خاله جايتج وفتحت الباب

فهيمه: صباح الخير خاله شلونج 

كمره: صـۣۛـبۣۛـ﴿أإلۣۛـۣۛـخـۣۛـۣۛيـرۭۢ﴾ۣۣۙـاحـۣۛـہۛۦ✿

فهيمه: امج وين

كمره: جاي تشنك نريد نخبز تعالي وياي خل نوجر التنور

فهيمه: ها اي خوش ورايدتج بسالفه بس كون امج م تدري

كمره: كضيت كلبي كلت لا هاي هيه نشهرت خير خاله خوفتيني كولي شصاير

فهيمه: خايبه شمالج امشينا لا امج تسمعنا

كمره: امشي وراها بس ما احس برجليه اسحهن سح وهي تضحك وكلبها بارد شويه طمنت 

فهيمه: كمره خاله امس الشيخه خطبتج مني

كمره: هااااااااا

فهيمه: وعلا وسلا شمالج خل اكمل شمالج غصيتي

كمره: خاله لا تكملين فدوه

فهيمه: خايبه لغسل لهل وجه الحلو اكلج الشيخه خطبتج للشيخ احمد 

كمره:😟😟😟😟😟 المن

فهيمه: للشيخ يعني راح تصيرين مرت الشيخ احمد 

كمره: خاله انتي مصخنه متأكده

فهيمه: اي والله هي كلتلي جسي نبضها وانه ما الكى احسن منها للشيخ

كمره: خاله فدوة سدي الموضوع من يمج ولا تجيبين طاري لا ابوي ولا اخوتي ولا امي ويرحم روح رجلج بكبره

فهيمه: ٲℓانــتيہ صدك تحجين خايبه البنات كاتلات روحهن علي وانتي تمضيكين

كمره: اي هنه كاتلات روحهن علي مو انه خل يروح يختار وحده منهن انه شكو

فهيمه: خايبه ٲℓانــتيہ صدك غمه اكو وحده ترفض الشيخ

كمره: اي انه يمكن اول وحده وآخر وحده خاله فدوه هذا الموضوع سدي ولا تفتحينه ابد

فهيمه : وانه هسه شكل للشيخه 

كمره: كليلها ما قبلت وخلص 

فهيمه: ياااااا ٲℓانــتيہ صدك ما عندج عقل هاي الشيخه مو وحده من نسوان السلف عبالج تسكتلج من ترفضين

كمره: شتريد تسوي خل تسوي 

فهيمه: براحتج بس انه ما مسؤله على الراح يصير انه بس مرسال

كمره: ميخالف ٲℓانــتيہ شعليج بعدين هو مو رافض يتزوج شغير رأيه

فهيمه: ما ادري خل اروح ارد الخبر 

ام كمره: ها شعدجن من صباح الله خير تبسبسن

كمره: يمه ماكو شي خالتي اجت تطمن علي عبالها امس تأذيت بالماي الحار

فهيمه: شنهي

كمره: كرصتها لخالتي من زنده ادري بيها لسانها متبري منها ما تسكت

فهيمه: خايبه اخ وجعتيني شولاج

ام كمره: شمالجن عدجن سالفه شضامات علي

فهيمه: لا خيه ماكو شي اجيت اتطمن على كمره يله انه اترخص مناك جهالي تأخرت عليهم

كمره: يمه انه راح أوصل خالتي للباب وارجعلج

خاله فدوه ما اوصيج سدي السالفه من يمج

فهيمه : الله كريم خاله اودعناج

رحت لبيت الشيخ حتى ارد الخبر للشيخ بس شكللها انه خايفه وهاي كمره الغمه لا وصلت وتلكتني الشيخه

الشيخه: هلا بفهيمه شلونج ها بشري ولو ان وجهج ما يبشر بخير

فهيمه: بكلبي شبشر حتى ما اعرف شحجي الله لا ينطيج يكمره على هل سالفه اكو وحده ترفض الشيخ 

والله يا شيخه ماكو نصيب 

الشيخه: شنهي كمره ترفض ابني انه الشيخ احمد الي كل نسوان السلف تتمنى حجايه وحده منه 

فهيمه: والله انه هم كتلها يا شيخه بس هي هذا ردها شسوي بعد انه 

الشيخه : هين يا كمره يصير خير وانتي يافهيمه ردي لهلج

فهيمه: شيخه لا يظل بخاطرج انه مالي خص 

الشيخه: هذا هو يا فهيمه 

احمد: جنت كاعد بالمضيف يم الزلم وإخوتي ظلت سالفة كمره تلعب بعقلي كلت خل أكوم اشوفلي حل خل اشوف شلون ترهم واحجي وياها وأسد السالفهواترخصت واطلعت من المضيف شفت فهيمه عرفت من شداد هي تصير خالة كمره كلت احجي بيني وبيها على مود كمره شفتها دخلت للطبخ تبعتها واسمعتها تحجي ويه امي وتكللها انو كمره رفضت الزواج مني انه هنا بعد ما عرفت شكول ظليت مصدوم.........

كبرياء شيخ