رواية ظلم القدر الفصل الثاني 2 بقلم داليا منصور

 رواية ظلم القدر الفصل الثاني بقلم داليا منصور 

-اتقي الله يا جليلة واعرفي انتي بتقولي ايه زين ولدك مبقاش صغير لتتحكمي فيه اكده.. 

باسل بعصبية: 

- انا مش هتجوز والا بنت اخوكي والا بنت صاحبك يا بوي انا بحب مرتي وبدور عليها مش لقيها واصل. 

-جتك خيبة لساتك عدور على الخاطية دي مش خابرة عتحب فيها ايه دي.. 

باسل بعصبية: 

- متقوليش على مرتي حاجه ياما قولتك اكده قبل سابق بس انتي مصرة تتكلمي عليها في الطالع والنازل... 

جليلة سابته بعصبية وابوه قال: 

- ياولدي صدقني انا حاسس ان مرتك هترجع بس لميتا هتقعد من غير جواز اكده رايدك تتجوز وتخلف منى عيني اشوف ولادك يا ولدي والعمر بيجري.. 

باسل قال: 

- وانت رايدني اتجوز علي تسنيم يا بوي.. 

-رايدك تتجوز وميمنعش لم ترجع تكون متجوز التنين الشرع محلك اربعة يا ولدي والا ايه، وقبل مترفض لحلفك بتسنيم لتوافق انت مش حمل تقعد اكتر من اكده.. 

باسل فضل يفكر في كلام ابوه وهز راسه..

بعد اسبوع كانت مي واقفة قدام المراية وبتلبس النقاب ابوها من وراها: 

- رايحة فين يا بتي اكده. 

-رايحة اجيب رواية يا بوي كانوا عارضينها وبيقولوا حلوة قوي الحقها قبل الطبعة الأولى متخلص.. 

عليه العوض في خلفتي كلياتها تعرفي لو تروحي تشتري المدعوج ده تاني انتي حرة هتيلك حاجه تنفعك يا بتي.. 

مي بضحك: 

- بهزر مغاك يا بوي انا اكيد مش لابسة اكده غير علشان اشوفلي شغل ولقيت في مصنع ملابس قريب من اهنيه وبيقولوا المرتب حلو قوي وانا اتغيرت معتش هقراء روايات تاني هنتبه لمصلحتي.. 

غانم حط ايده على راسها وبيقول: 

- ربنا يوفقك يا بتي انا هدعيلك انها تبقى فرصة زينة ليكي.. 

في شركة باسل كان قاعد ومنتظر الموظفين الجداد ودخلت مي وقتها وهي شايلة الملف بتاعها وبتقدمه وتقول: 

- اتفضل ده ملفي وانا جاية اقدم على شغل اهنيه.. 

لف باسل الكرسي وتصدم من وجودها وقال:

- انتي تاني هو الواحد مش قادر يهرب منك واصل بتنطيلي منين مروح .. 

مي بهزار: 

- لقيتك موافقتك قولت اجيلك اهنيه لتوافق.. 

باسل ضحك وهو بيقول: 

- انتي مخبولة والله قولي جاية اهنيه ليه جاية اقدم الملف هكون جاية ليه عاد لشتغل كيف الخلج اهنيه.. 

باسل وقف وهو بيقول: 

- معنديش موظفين بيشتغلوا بنقاب اهنيه.. 

يعني عاوزني اقلع نقابي علشان اشتغل داهية الشغل على اللي يشتغل هات الملف قوام رايدة الحق اشوف شركة تانية الف مليون شركة تتمناني بس البعيد لوح مبيفهمش...  

-لمي لسانك ده وكومان انتي مقبولة بس بلاش شغل خياطة عتشتغلي سكرتيرة اهنيه معاي.. 

مي بفرحة: 

-يا بركة دعوتك يا غنوم يا قمر والله يا ولاد شكل السنارة غمزت وحبيتي صوح.. 

-حبك برص امشي من اهنية مش رايد ابص في خلقتك.. 

خرجت مي وهي مبسوطة وباسل فتح الملف بتاعها واول مفتحه قال بصدمة: 

- دي هي بعينها كيف حصل اكده.. 

مسك تليفونه وهو بيكلم صالح وبيقول: 

- ها عملت ايه في اللي وكلتك بيه كل ده تأخير عاد... 

صالح: 

- انا جايلك حالاً عرفت معلومات عن اللي وكلتني بيه.. 

وبعد دقايق جيه صالح وكان بيقول: 

- انا عرفت حاجه ان مدام تسنيم يوم مخرجت من عنديك راحت على محطة القطر وكانت لوحديها ومفيش حد معاها واصل، بس بعد اكده اختفت .. 

باسل افتكر الورق اداه لصالح وبيقول: 

- خد الورق ده وشوف مين البت دي وكيف بتشبه مرتي ياسمين اكده.. 

هز صالح راسه وخرج وباسل طلب قهوة وقعد وهو بيفتكر زكرياته مع مراته قاطعة صوت مي وهي متعصبة وبتقول: 

- اتفضل دي قهوتك وانا مش هشتغل اهنيه واصل انا مش جاية علشان اشتغل قهوجي على اخر الزمن.. 

باسل بصلها وقال: 

- امال كنتي عاوزة تشتغلي ايه يا استاذة اقعدك مكاني اهنيه ومسكك الشركة بتاعتي امال.. 

مي بغرور قالت: 

- لاع مش للدرجة دي كنت رايدة اشتغل كيف العالم والخلج وكمان اشرف على العمال كلياتهم اكده.. 

باسل قال: 

- من اول يوم رايدة تشرفي على العمال ليه اتخبلتي امال مش عاجبك الشغل الباب اهنيه يفوت جمل.. 

مي بعصبية: 

-انا كنت هقدم استقالتي مريداش اشتغل اهنيه قال اشتغل قهوجي على اخر الزمن.. 

وكانت هتمشي بس باسل وقفها وهو بيقول: 

- قبل متمشي من اهنيه ادفعي الشرط الجزائي اللي في العقد.. 

مي بردح: 

- شرط ايه يا عنيا سمعني اكده اصل طبلة ودني فيها مشكلة واعرة قوي.. 

باسل بمكر: 

- بقول الشرط الجزائي اللي مضيتي عليه في العقد والا تتحبسي وتدفعيهم فكة كل سنة تدفعي مبلغ.. 

مي بتكبر: 

- وقدين الشرط ده وانا هدفعة على الجزمة.. 

باسل بضحك:

- مليون اجنيه...

مي بتسرع:

- هدفعهملك على الجز...ايه! انت بتقول ك.. كام مليون اجنيه ودي جنبها كام صفر اه يا قلبي يا اللي وقف سندني ابوس على يدك مقدراش اقف مليون قال دانتوا لو لقيتوا معايا عشرة جنية نعمة وكمان سرقاها من البت هنية اجي بيها مواصلات..

باسل كان عاوز يضحك على منظرها بس قال: 

- يبقى ترجعي شغلك ومن غير كلام كتير وكومان مخصوم منك اسبوع بسبب طولت لسانك، ويومين بسبب القهوة اللي متتسربش دي.. 

مي بصدمة: 

- وبقى ايه عاد من الشهر انت مشغلني اهنيه ببلاش والا ايه طلاما انا ممنيش عازة اكده مشيني انا مريداش اشتغل الست ملهاش غير المطبخ على رأي اللي قال ستر الولية احسن من مليون كلية.. 

باسل قال: 

- روحي اعمليلي قهوة كومان راحت مي تعمل قهوة وباسل كان بيبص على اثرها بحب وبيقول: 

- قلبي بيقول انك انتي مرتي تسنيم يارب تطلعي انتي فعلاً. 

كان قاعد مستني مي تجيب القهوة فجأة سمع صوت الباب بيخبط وصالح دخل وهو بيقول: 

- الحق يا باسل انا عرفت لا انا متأكد ان دي مرتك تسنيم اللي عتدور عليها من سنين.. 

باسل وقف بصدمة وقال: 

- كنت متأكد بس كيف وصلت للناس دول وكيف عتقول ان اسمها مي ومش فكراني واصل انا مخي مش قادر يستوعب واصل اللي بيحصل.. 

صالح بتفكير: 

- مش ممكن اتكون فاقدة الذاكرة ومش فكراك والا انت والا حد بس لو مش فاكرة كيف طلعت شهادة بأسم بنت تانية اكده وليه لابسة نقاب وهي مش منتقبة... 

باسل بتفكير: 

- مش خابر اللي بيحصل وليه وصلت لهنيه.. 

خرج صالح وباسل بيقول: 

- أخيراً لقيتك يا حبيبت قلبي مش هسيبك واصل بس اعرف انتي وصلتي لكده كيف لازم اعرف اللي حصل معاكي وليه سيبتي البيت وامي بتقول عنك هربتي... 

مي كانت خارجة وعمالة تشتم وتقول: 

- جايبني اعمله قهوة وبس راجل لئيم ومتكبر ومغرور. 

ومنتبهتش وهي خارجة خبطت في شخص.. 

-اه مش تحاسب مش كفاية المدير ده عليا.. 

بصلها انور وهو بيضحك وبيقول: 

- كل اشوية قهوة قهوة وانا أصلاً مليش في القهوة الواحد يحطله دوا اسهال علشان يطرني بقى من اهنيه. 

ضحك انور على الأخر وهو بيقول: 

- دمك حلو قوي انتي منين يا بقى يا قمر انا انور وانتي.. 

مي بحزن: 

- محسوبتك الهو الخفي يوه ايه اللي عقوله دي قصدي مي اعزرني الأفلام دخلوا على الروايات اللي بقرأها ونفوخي سيحهم وطلعوا الكائن ده.. 

انور ضحك زيادة وهو بيقول: 

- علشان دمك شرباط كيف اسمك انا هعلمك تعملي القهوة كيف الخلق بدل متتعبي نفسك وقدميها انتي على اساس انتي اللي عملاها وخلصت المشكلة كلياته .. 

مي بفرحة: 

- الهي تنجبر دنيا وأخرة قوام يا خويا قبل ميقولي حاجة.. 

راح انور وهو بيضحك وعملها القهوة وخدتها وادتها لباسل وكانت خارجة نادى عليها بعصبية وبيقول: 

- انتي كنتي واقفة مع مين ده تصرف بنت ناس محترمة.. 

مي بعصبية: 

- مخبرش ده شخص زين قوي وعمل بدالي القهوة وانا نسيت اسألة هو مين.. 

باسل قام وقف وهو بيقول: 

- يعني واقفة مع راجل وعتحدتي معاه ومش خابرة هو مين اتخبلتي اياك.. 

مي بعصبية: 

- انت ملكش صالح بيا واصل انا اهنيه بشتغل في المصنع بتاعك وبس مش جوزي والا اخوي علشان اتقولي اكده.. 

سابته وخرجت تقعد بره عبال اليوم مخلص كانت خارجة من المصنع وهي لسة متعصبة وبتقول: 

- يطلع مين ليتحكم فيا اكده انا هسمع كلام بوي ومعتش هخرج من البيت واصل وهشوف هيعمل ايه معاي.. 

فجأة شافت عربية بتقف قصادها وبيفتح قزاز العربية وبيقول: 

- لساتك عتفكري في اللي عمله فيكي المدير قلبك قاسي قوي.. 

مي بعصبية: 

-اقولك ايه عاد نقطني بسكاتك انا متنرفزة قوي من اللي عمله معاي وكمان تعال اهنيه انت مين وكنت بتعمل ايه في المصنع اصل معرفكش.. 

الفصل الثالث من هنا