رواية مكتوب علينا نتقابل الفصل الثاني بقلم أميرة صابر
سلمى: لا لا، أنا شايفة في عينك… هي السبب.
نعمة: سيبي أخوكي في حاله بقا، ما تلحسيش دماغه برغيك ده.
سلمى: في إيه يا ست الكل؟ ده أنا حتى كلامي قليل جدًا.
نعمة بتريقة: واضح واضح.
سلمى: حب الأم برضو.
وائل: سيبيها براحتها يا نعمة… دي وردة البيت.
سلمى: يلهوي! يا جماعة بدوب والله، بحبك يا وائلتي.
نعمة: شوف البت!
كلهم ضحكوا، فسلمى غمزت: بتغيري ولا إيه؟
نعمة خدت الشبشب ورمته عليها: امشي يا بت روحي ذاكري.
سلمى حطت إيدها على راسها بوجع مصطنع: كده؟ بتطرديني يا ست الكل؟ خليكوا شاهدين يا بابا ويا عمر… لما أهج من البيت ده محدش يلومني.
ضحكوا طبعا على منظرها.
…دخلت أوضتي، وبعدها عملت كباية قهوة كبيرة (لأن الفنجان مبيسندش في المذاكرة)، وبدأت أذاكر.
استغفرو
بقلم اميرة صابر
وبعد 3-4 ساعات، كان كله نام.
فتحت الواتس، قعدت أتكلم مع نورهان شوية… وراجعنا مواد سوا زي ما متعودين من زمان.
إحنا من أيام الإعدادي مع بعض… على الحلوة والمرة، دايمًا بتساندني. حتى لما خلصنا ثانوي، قررنا ندخل نفس الكلية: كلية العلوم.
إحنا زي الأختين بالظبط.
لحد ما النوم غلبني…
~~~~~~~~~
تاني يوم الصبح
نعمة: قومي بقى يا كسولة هانم.
سلمى (بنعاس): خمس دقايق بس… (وترجع تنام تاني).
نعمة: خمس دقايق إيه يا عسل! الساعة 10 دلوقتي، وانتي عندك محاضرات ولا نسيتي؟
سلمى (قامت بفزع): 10؟! إيه ده إزاي!
قامت بسرعة تبص على الساعة، لقتها لسه 7.
حطت إيدها على قلبها وقالت براحة: يا نهار أبيض… والله يا ماما هتموتيني في يوم من الرعب ده.
نعمة (وهي خارجة من الأوضة وبتضحك): قومي يا بت بدل ما أرجعلك بالشبشب.
سلمى: لأ والنبي ما تتعبي أستاذ شبشب معانا… خليه يرتاح. أنا قمت أهو.
دخلت الحمام، أخدت شاور سريع، صليت، وطلعت لقيتهم بيفطروا. قعدت معاهم بسرعة، أكلت لقمتين بالعافية، وخدت الشنطة وخرجت أجري كالعادة.
بعد رحلة عذاب في المواصلات، وصلت الجامعة أخيرًا.
ولقيت نورهان واقفة مستنياني كالعادة.
(تسريع للأحداث) خلصنا اليوم الطويل، وودعت نورهان ورجعت.
---لا إله إلاّ أنت سبحانك إني كنت من الظالمين ~
بقلم الكاتبة اميرة صابر
البيت
وأنا طالعة على السلم بدندن:
"يا صباح الخير يا اللي معانا… يا اللي معانا"
وفجأة، حد خبط فيا جامد. صرخت بوجع:
سلمى: مش تفتح يا جدع إنت!
انحنيت بسرعة أشيل شنطتي اللي وقعت، ولما رفعت راسي…
سلمى (بصدمة): إنت
شكرا لزيارتكم عالم روايات سكيرهوم
