رواية معاناة ارملة الفصل الثاني بقلم مجهول
كثره الكتمان تجعل قلوبنا تتأثر من أي شيء ..
فاطمة...ومرت الايام وعلئ نفس الاحوال بكره وحقد وخبث يتعاملون وياي
وبعد مرور حوالي سنه وبدايه عام جديد قررت ارجع للدوام
طبعا لاقيت معارضه من قبل حمويني معارضه شديدة
بس كلمت عمتي وهي اقنعتهم
طبعا حماي الي هو اصغر من زوجي عصبي ومتشدد ودائما يريد يمشي الكل بكيفه واحسه يكرهني يعني يشوف زوجته ويصيح عليه أو يفشر واني محترمته ولا ارد عليه عندي طاقه تحمل ما عتقد عند شخص ثاني
اسمعهم يحجون عليه واعديها وامشي
ورجعت للدوام وداومت وحسرة عليه البس أو اعدل بنفسي هاي زوجه حماي توكفلي هي وزوجها بالباب يفحصوني يله يخلوني اطلع اخاف البس شي ضيق أو اخلي مكياج وحتئ العطر ما يقبلون اخليه واني متحمله وساكتة المهم اني احس الدوام فرصه حتئ اطلع من جوهم الكئيب وأنفه عن نفسي
وطبعا بنتي اخذها وياي لان شكم مرة اخليها بالبيت اجي الاكيها تبجي جهالهم يضربوها ومحد الها واجي الاگي اثار الضرب بجسمها .وايضا اني ساكته ما حجي
وبيوم من الايام حماي محمد المهندس كال اني اوصلج بعد ممنوع ترحين وي سائق غريب
طبعا زوجته تخبلت من سمعت هيج كالي وشفتها اني نگلب وضعها
وتجنبا للمشاكل .كتله لا مايحتاج اني وي صديقاتي مأجرى واروح لا تعب نفسك
كال اني كلت ممنوع تعانديني شنو
كتله هذا هو براحتك
عفتهم ودخلت لغرفتي وكالعاده ادخل لغرفتي ابجي وابجي ع حظي وع جاسم الي تركنه وراح
وصار الصبح واني بدلت ملابسي وطلعت انتظر حماي محمد يوصلني اني وبنتي للدوام
بين ما اني كاعده اجت زوجته
ام سلام...لج ادب سز سمعيني اذا فتحتي حلكج وسولفتي وي زوجي أو باوعتيله اموتج بأ يدي هنا ادفنج خليني ع بالج من تريدين تفكرين غير تفكير ادب سز
فاطمة...تحملتج بما فيه الكفايه اي كلمه زايدة اندمج عليها كافي طفح الكيل منجن كافي حقد وكراهيه ولا تخافين ما اخذ رجلج منج خل يطمئن قلبج
وعفته وطلعت
واجا وراي محمد
صعدت بالسياره ورا
وهو صعد
هلو صباح الخير شلونج. ام رهوفه
فاطمه ...شعجب هذا يسلم شو بالبيبت بس يصيح عليه
ها خويه الحمدلله 🥴
ام رهوفه خاف محتاجه شي امرلج للأسواق أو وين تريدين
لا خويه شكرا تاخرت عن الدوام ماريد شي
بكيفج ام رهوفه
حبيبتي رهوفه اذا تريدين شي تعاي كوليلي اني مثل بابا
اني هنا ختنگت شنو انت شجابك ع جاسم تروح فدوة لاسمه
ونعم منك خويه ما تقصر
يله ماما رهوفه خل ننزل
وما صدگت وصلت للمدرسه
وكعدت افكر هذا شبيه بالبيبت وجه وهسه وجه ثاني
بس يحوز كسرت خاطره لان شاف زوجته ونسوان إخوته مو زينات وياي
يله الحمدلله بلكي كلهم هيج يصيرون زينين وياي
وومن خلص الدوام طلعت. واشوفه واكف بالباب عايف دوامه وجاي النه
🤮
ورحنا صعدنا وهم نفس الأسلوب عيني واغاتي
بالله استرنا شنو راح يصير بالدنيا
ورجعنا للبيت وصلنه ورجع لدوامه
وهم اجتي زوجته تحقق هو ما حجيتي وياه أو. أو أو
يأبه شبيج فكيني ما حجيت وياه
دخلت لغرفتي وسديت الباب
أوووف يا ربي شيخلصنه بعد
وصار محمد كل يوم يوصلنه بالبيت وجه وبالسيارة وجه ثاني واني منطيته السكته ما احجي وأكثر المرات اشوفه بالمرايه يباوع عليه
لا لا مستحيل محمد حاسبني مثل أخته ما ينظرلي غير شي
بس من وصلنا نزلت بسرعه خفت نسيت جنطتي ورجعت اخذها هو نطانياها بس بحجه الجنطه لزم ايدي
اني سحبت ايدي ومشيت
هذا تخبل شبيه
ومن رجعنا
محمد ....فاطمه اني اسف مساع ايدي بالغلط لمست ايدج
لا عادي ما صار شي
بس خلصنه خل نوصل
أوووف ياربي شنو هلضيم هذا...وصارت العطله عطله نصف السنه
اي الحمدلله راح اخلص منه شكم يوم
ورحت خليتنا اكل اني وعمتي وكعدنه ناكل لان ما يقبلن ناكل وياهن من يوم ما خلصت عدتي ولسه اني وعمتي. ورهوفه ناكل لوحدنه
كاعدين ناكل ونسولف واجا كاظم
طبعا كاظم ..شاب طايش وطلعات وجكاير ووو سوالفه مو زينه بس ما التقي بيه هواي بس بالصدف ياكل وي اخوانه ويكعد وياهم ما اشوفه دائما
اجا كعد يمنه كال اريد اكل وياكم نوب ماكل وياهم ما يسوولي واهس
احنا احسنلي
اكلج فاطمه...اريد اطلب منج طلب
كول خويه كاظم بخدمتك
تسلمين ام رهوفه
اني تدرين بيه سادس علمي وصعب
عندي الإنكليزي صعب كلش وانتي معلمه انكليزي بلكي تدرسيني
اي خويه تدلل شوكت ما تريد اجي ادرسك هنا يم عمتي ادرسك
اوك خويه مشكوره
تدلل
...
ورا يومين صارت ساعه ١١ بالليل وندك باب غرفتي
هاي شنو منو اريد انام من. جايني بهيج وقت
منوو
ها فاطمه اني كاظم
ما فارغه ندرس
ايي لحظه هسه اجيك
لبست شالي وطلعت اله يله روح لغرفه عمتي واني جايه وراك
لا امي خطيه نايمه
خل ندرس بغرفتج
عاااا.مو رهوفه نايمه خطيه خاف تكعد
لا ما تكعد ندرس بهدوء
يله براحتك
خليت كتبه واقلامه وبديت ادرس بيه
بس هو غبي باله مو يم الدراسه ابد
اشرح ع الفاضي
شكرا لزيارتكم عالم روايات سكيرهوم
