رواية غرفة العمليات الفصل الثاني بقلم جمانه السعيدي
اسيل...ثاني يوم بليل اتصلت ام ماهر
ام ماهر....شلونج عيوني ام اسيل من رخصتج ماهر يربد يجي يشوف اسيل حتى يتعرف عليه
وتتعرف علي
امي...اهلا وسهلا من حقه عيوني خلي يجي
سدت التليفون امي واجتني اني بلمطبخ
امي...ماما اسيل عوفي كلشي وروحي بدلي خطيبج راح يجي
اسيل...شيسوي جاي
امي...لازم يتعرف عليج وتتعرفين علي
اسيل...ولله استحي
امي...اي هو ليش يربد يجي حتى هاي الحواجز بينكم تنشال
لازم تتعودين علي بعد راح يصير زوجج
اسيل... غسلت وصعدت الغرفتي لبست ثوب طويل سمائي ردن طويله ولبست شال اسود وبي خط مسائي
خليت مكياج شي كلش قليل وتعطرت
استحي من بابا
شلون يشوفني هيج مبدله
شويه واجت لمار عليه
لمار...يله انزلي ماهر وصل
كلش جنت مستحيه
بقيت كاعده ومتردد انزل
صعدت امي
امي...ليش مانزلتي
اسيل...استحي
امي...شنو تستحين انزلي
اسيل...تعاي انتي وياي
امي...يله امشي ندخل اني وياج
نزلنا امي لبست عبايته ودخلت قبلي سلمت
واني دخلت وراها
اسيل....السلام عليكم
ماهر...عليكم السلام
كعدت امي وبابا كاعدين يسولفون علي
شويه امي طلعت وصاحت على بابا
اسيل ضجت اعرف هاي حركات امي تربدنا نكعد وحدنا
حسيت الحراره صعدت براسي
جمانه السعيدي
ماهر...شلونج اسيل
اسيل...الحمد لله
ماهر...شوفي شنو جبتلج تليفون هذا الاصدار الجديد
اسيل...شكرا
ماهر...بس هيج
اسيل.... سكتت
ماهر...ماكو شكرا حبيبي تسلم تعاي على الاقل اخذي
اسيل...مارديت علي لان جنت كلش محرجه
بكلبي اكوول منو عاتب عليك اجيب تليفون
اني عندي تليفون
ماحسيت غير كام من مكانه واجا كعد بصفي
ابتعدت عنه شويه
ماهر...شبيج ترا اني صرت زوجج رسمي وكاعد ببتكم
وبعلم اهلج
اسيل...مااكدر اريد وقت حتى نتعود على بعض
ماهر...اي شلون نتعود على بعض وانت هيج شارده مني
مد ايده حتى يلزم ايدي وماقبلت كمت من مكاني ورحت كعدت على الكرسي حتى لا يكعد بصفي
ماهر...هاي ليش هيج
اسيل...رجاء اني مامتعوده اريد وقت اتعود عليك
ماهر...تمام ماكو مشكله
اسيل...بس لاتزعل مني اكيد راح اتعود عليك احنا
ماتعرفنا كبل خطبه وعقد انت بلنسبه اليه غريب
الحد مآ نتعود ناخذ ونعطي وياا بعض
ماهر....ماكو مشكله يمتى نعقد بلمحكمه لان احتاج العقد حتى اقدم على اجازه
خلي ابالج اني بس تكمل كل الترتيبات نزوج على طول
اني مو زغير
اسيل...يمتى ماتحب نعقد ماعندي مانع بس امي تروح وياي بلعقد
ماهر...هههه تعرفين انتي ضريفه خلي تجي امج ماكو مشكله
اسيل...شكرا
جمانه السعيدي
ماهر... اني حبيتج من اول مره شفتج
قبل اني مامقتنع بلحب من النضره الاولى
بس مااعرف اوصفلج الاحساس الي حسيته من شفتج
فعلا احساس مختلف
اني شايف هواي بنات وحتى موضفات اكو وياي بس اني رجال عندي نضره للمره
بس اشوفها اعرف هي شنو
واوعدج بس تعرفيني اكثر راح تحبيني اني انسان اروح بطريقي وارجع بطريقي
حتى ماادخن ومااعندي هواي أصدقاء ومااحب الاختلاط
حافظ نفسي ولله الحمد
انشاء الله راح نتوافق اني وياج
اسيل...انشاء الله
ماهر...احجيلي شويه عن نفسج
اسيل....ماعندي شي احجي غير الي عرفته عني
ماهر...ميخالف اريد اسمعج تحجين
اسيل...عمري ٢١ خريجة محاسبه اعرف بشغل البيت
ماهر...شنو تحبين
اسيل...من اي ناحيه
ماهر...الاكل شنو اكلتج المفضله
اسيل...احب الباميه احب التبسي احب الدجاج الشوي
ماهر...شنو هوايتج
اسيل....احب التصوير
ماهر...خوش حتى تصورين عرسنا
اسيل...شلون العروسه تصور عرسها
ماهر.. ...يله نخلي عمو يصور عرسنا
سكتنا شويه
ماهر...تحبين تجين نختار غرفة عرسنا
اسيل...انت اختار على ذوقك الغرفه مو مهمه اهم شي
العشره والتعود والاحترام
ماهر...ولله كبرتي بعيني اكثر ونعم التربيه والاخلاق
أسيل ...تسلم
ماهر...احنا راح نكعد بيت اهلي الجناح الثاني راح يكون النا وحدنا
اني عندي قطعة ارض راح اسحب عليه قرض وابنيها
وبس تكمل ننتقل نعيش وحدنا
اسيل...تمام
ماهر...هسه مراح تجين تشوفين التليفون
اسيل...اني عندي تليفون
ماهر...بس هذا هديه من عندي يعني مميز واذا تردين خط جديد هم اجيبلج
اسيل...لا اني احب رقمي لان مميز ولأن هديه من بابا
ماهر..ماكو مشكله
اريد رقمج حتى نحجي اني وياج
اسيل...اي سجل يمك
انطيته الرقم شويه ترخص وطلع
جمانه السعيدي
اخذت التليفون ورحت صعدت يم البنات وهنا هجمن عليه
شكالج شكلتيله
اسيل...بس كعد بصفي انهزمت استحي مامتعوده علي
بس كلامه حلوو واسلوبه هادء
لمار...يمه الحب يمه
نها...يالله راح تنفتح الجبسه
اسيل...جابلي تليفون
لمار... اي بيها الخير
اليوم الي بعدا اتصل وكال حضري نفسج راح اجي اخذج للمحكمه حتى نعقد
صممت امي تروح وياي مستحيل اروح وحدي
لو امي تروح وياي لو مااروح
امي من شافتني مصممه على رائي اجت وياي
كل الكلام كان بينا رسمي
بحضور امي اكيد
تم العقد ولله الحمد
اليوم الي بعدا اجا علينا العصر مصور كم غرفه وجاي ياخذ رائي بيهن
لبست بنطرون جوزي قماش عريض وقميص بيج طويل وحجاب وشويه مكباج وطلعت علي
سلمت وكعدت
ماهر...ممكن اعرف ليش تلبسين حجاب ترا اني زوجج
اسيل...مااعرف مجاي اكدر اشوف نفسي بدون حجاب كدامك
ماهر...خاف كرعه احجي الصدك
اسيل...فتحت عيوني متعجبه من ردت فعله
ماهر...ليش مستغربه يعني وحده عاقده شيخ وعاقده محكمه وماتقبل تنزع الحجاب كدام زوجها
اسيل...فتحت الدنبوس ونزلت الحجاب جنت رابطه شعري ليوره هذا شعري
ماهر...الله شنو هذا الشعر الحلو بشرفج ليش ضامته عليه
اسيل... اني استحي من تجي علينا وخاصه اذا بابا كان موجود
ماهر....بس اني هسه صرت زوجج
اسيل...اي محتاجه وقت اتعود عليك اني مااعرفك
صار ست او سبع سنوات ماصار غير
اسبوع من اتعرفت عليك
ماهر...ولله حقج يله تعاي هنا حتى تشوفين الصور
كمت واني متردده وكعدت على طرف الكرويته
جمانه السعيدي
ماهر...وين كعدتي تعاي قربي
اسيل....اشوف منا احسن
كام هو من مكانه وقرب كعد بصفي
فتح الفون وبدأ يشوفني الصور هو يقرب عليه واني ابعد جسمي وراسي عنه
ماهر...بعد اشردي شبيج راح توكعين
اسيل عدلت كعدت هو قرب علبه رجعت بعدت راسي عنه
ماهر...بعد اشردي مني شبيا وصخ ريحتي مو طيبه
اسيل...لا
ماهر..ليش جاي تنهزمين مني
اسيل...سكتت ماعندي رد
خله ايدا ورا ضهري حتى لا ابتعد عنه
وبدأ يحرك بلصور لمن اندمجت اباوع على الصور
ماحسيت غير وهو يبوسني من خدي
راسا طفرت من مكاني
ماهر...هاي شبيج ترا ماسويت شي غلط انتي زوجتي
اسيل...رجاء لا تعيدها مره ثانيه
لمن اكون زوجتك وبيتك ساعته اكون تحت امرك
رجع راسه ليوره وغمض عيونه وكال اخ يابويه
تعاي اكعدي خل نكمل الصور
اسيل...انطيني التليفون واني اشوف الصور
ماهر...اي والى متى راح تبقين شارده مني
اسيل...إلى أن نكون اني وياك بيتكم مزوجين وزافينا الاهل والاقارب
ساعته راح اكون الك وبس
ماهر...انتي شنو ووين اكو بعد بنيه هيج تتصرف بهذا الوكت عيني ترا اني امشي بلشارع والعروض من البنات تنهال عليه
اسيل...كلمن واخلاقه وكلمن وترببته اني تربيت على هذا الشي ومااكدر اغيره بين يوم وليله
ماهر.. انتي ماعندج صديقه مزوجه ووحده انخطبت قبلج
مايحجن كدامج ماتغارين
اسيل...كلمن حر بنفسه بعدين اكو مثل امي تحجي بي دائما تكول من شاف قصر الناس خرب كوخه
ماهر...تعاي اكعدي بعد مااقرب عليج أمري لله
اسيل...لا انطيني التليفون اني اشوف الصور
سكت شويه
اكلك ماكو داعي انت اختار الغرفه الي تعجبك اني ماتهمني الغرفه
ماهر...كل هذا لان بستج بخدج صدك تحجين
اسيل...اي احجي صدك شلت الشال رجعته على راسي
وكعدت بعيد عنه
صرت كباله بقه كاعد يباوع عليه
ماهر...اني راح اطلع بس زعلت عليج ومااقبل اله تصالحيني
طلع من بيتنا واني صعدت الغرفتي بدلت ملابسي ومااهتميت جمانه السعيدي
بليل دزلي مسج
ماهر...بعدني زعلان
مارديت علي رغم شفت الرساله
ماهر...ليش ماتصالحيني
اسيل....اني مازعلتك حتى اصالحك
ماهر...لا زعلتيني
اسيل....مو من حقك تزعل اني متربيه على الاحترام
وحفظ الامانه
اني بعدني بيت ابوي ولازم احترمه
وجسمي وشرفي امانه عندي لازم ماافرط بيهن الحد يوم زواجي
حتلو كنت انت زوجي اني ماضامنه هذا الزواج راح
يكمل ايجوز لا قدر الله صار اي شي
وخرب هذا الزواج شلون راح أواجه اهلي
أنت زوجي على عيني وراسي واحترمك بس ممنوع تقرب عليه منا اليوم عرسنا
ماهر....اكو واحد يشوف حلاوه كدامه ومايضوكه
اسيل...اي لازم تكون صبور شويه
ماهر...انتي شايفه أصدقائي شلون يحجون عن ايام الخطوبه يكولون احلى ايام
بله بشرفج انتي اطلعين عليه لا بسه طويل ولا بسه حجاب عبالك عمج لو خالج
يمكن ماتطلعين هيج كدام عمج لو خالج
اي فكيه شويه البسي شي قصير مفتوح من اجيكم
احضنيني بوسيني
ولج اني زوجج
اسيل.....مستحيل ومن سابع المستحيلات اني مراح افرط
بنفسي ولا اسمحلك تقرب عليه منا اليوم عرسنا
واذا ماعاجبك تصرفي كدامك خيارين
اما تعوفني بعدنا على البر
او تبطل تجينا منا اليوم العرس
بكيفك اختار اي شي يعجبك وراح احترم قرارك
جمانه السعيدي
ماهر...هذا اخر كلام عندج
اسيل...اي
ماهر......زعلت
اسيل...كتب هاي الكلمه وقفل التليفون
الشي الي جاي يطلبه مني مستحيل اني تربيت على
هذا الشي ومااكدر اغيره
وان كان زوجي كم زواجه بزواجه توصل اليوم الزفاف وتخرب
بعدين اذا قبلت يبوسني شويه شويه راح يجرني للغلط
مهما يكون هو انسان غريب عليه واني بعدني مااعرفه زين
ثاني بوم لا اتصل عليه ولا اجا للبيت
بس اني مقتنعه برائي ومراح اغيره ابد
اليوم الي بعدا نفس الشي خليت احتمال راح يغير رائيه
بهاي الزواجه
لليل اجا البيتنا
اجت لمار
لمار...خطيبج هنا ويريدج ماكدر يتحمل يومين مايشوفج
لبست نفنوف اسود طويل بي حزام احمر ولبست شال
ابيض ونزلت
دخلت لكيته وحده كاعد
أسيل ...السلام عليكم
باوع عليه صفح ماعليج سلام اني زعلان
اسيل...ليش اجيت اذا زعلان
ماهر...حتى تصالحيني
اسيل...شلون اصالحك
ماهر...تبوسيني وتكولين اني تحت امرك
اسيل....تحجي صدك
ماهر...اي اكيد تعرفين رب العالمين يغضب على المره الي بنام زوجها غضبان عليه
اسيل....لمن أتم هاي الزواجه واصير بيتك ساعته مراح تنام زعلان
ماهر...يعني شنو مراح تصالحيني
اسيل....اعذرني مااكدر
ماهر...هو شنو ماتكدرين تعاي هنا اكعدي بصفي
بوسه زغيره على خدي وكلشي يصير تمام
اسيل....مااكدر
ماهر...هلمره راح ازعل من صدك
اسيل...بكيفك اذا الصلح وياك مايتوافق وياا مبادئي وأخلاقي ارفض اصالحك
رغم اني مازعلتك
ماهر...انتي متاكده
اسيل...اي متاكده
قصه جد
