رواية غرفة العمليات الفصل الثالث بقلم جمانه السعيدي
اسيل....خطوبتنا استمرت ٣ اسابيع
خلال هاي الفتره مابطل يحاول يقرب عليه واني رافضه هذا الموضوع
ومصممه يكون إلقاء بينا بيت اهلي واني لابسه ملابس مستوره وحجاب
وباب الصاله يكون مفتوح
حاول وياي بكل الطرق حتى اضعف كدامه
بحجة اني زوجج واي شي راح يصير بينا يكون عادي
مو حرام
بس اني مااكدر مستحيل اخلي يقرب عليه
اله اكون زوجته وبيته
ماهر... باجر اجي ترحين وياي للبيت حتى ترتبين الغرفه
جيبي ملابسج والشغلات المهمه
اسيل...ادزهن بيد ماما
ماهر...امي موجوده بلبيت واختي
اسيل...ماكو داعي امي تروح ترتب كلشي
ماهر...انتي شنو من بشر
اسيل ... عادي بنيه تحب تحافظ على نفسه الاخر لحظه
ماهر... اي بس زواجنا قرب بعد يومين يعني شراح يصير بهذني اليومين
اسيل...مراح يصير شي بس اني راح اكون مشغوله يمكن اروح للصالون واكمل تجهيز الشغلات الناقصه
مراح يكون عندي وقت اروح البيتكم
ماهر...انتي خايفه مني
اسيل...لا ماخايفه منك ليش اخاف
جمانه السعيدي
راسا ضحك ضحكت انتصار ضحكت فخر وتباهي
ماهر...اقسم بلله العظيم طلبت بنيه مثلج من ورب العالمين انطاني على هواي
كل المحاولات وياج كانت اختبار الاخلاقج
كنت اريد اشوفج فعلا مودبه ومربايه صح
مثل ما الناس حجت عنج
لو هذا مجرد كلام
نجحتي بلاختبار اني خطبت ثنيبن قبلج وفركشت الخطوبه بسبب تصرفاتهن
رب العالمين بعرف شكو بكلبي
شكد دعيت حتى الله يخلي بنيه مثلج بطريقي
الف الف الحمد لله والشكر
البنات الي مثلج عمله نادره
رغم احنا مزوجين اني وياج ومابقى للعرس غير يومين
بس انتي مصممه تحافظين على نفسج الاخر لحظه
حتى من ضغطت عليج وزعلت
مااهمتيتي تراضيني على حساب نفسج
الف رحمه الوالديج على هاي التربيه صار عمري ٣٠ سنه واني مامزوج بسبب تصرفات البنات
والي اشوفه مو طبيعي
كنت ادعي ربي كل يوم حتى التقي وحده مثلج
احب اكلج برافوووو انتي ربحتي بهذا الاختبار
اني بعد مالكيتج مستحيل اتخلى عنج يوم واحد
انتي الوحيده الي تستاهلين تصيرين زوجتي وتحافظين على اطفالي
جبتلج هذا السوار هديه لان انتي ربحتي التحدي
واحتليتي كلبي
الف الف الحمد لله والشكر على هاي النعمه
تقبلين البسج السوار اذا سمحتي
اسيل...اشرت براسي اي انطيته ايدي رفعت الردن شويه وهو لبسني بعدين بأس ايدي
جمانه السعيدي
يوم الحنه سويت حفله بسيطه بس الاهل والاقارب
لبست بدله حمره وشعري كان مفتوح سرحته ام الصالون
نزل على ضهري كذله حلوه مرتبه
اجا ماهر خله الحنه بايدي كان مبين علي فرحان
وكانما لكا كنز
ماهر...الف مبروك يااحلى عروسه
اسيل...الله يبارك بيك
ماهر...عندي الج مفاجئه بليل اتصل عليج
اسيل...تمام
باسني براسي وطلع
بس طلعن البنات نزعت البدله غسلت رفعت شعري
كنت كلش جوعانه تعشيت وصعدت الغرفتي
شويه واتصل عليه ماهر فتح كامرا حتى اشوف اجواء الحنه مالته
يركص وهو فرحان
ماهر...لا تنامين تخلص الحفله واتصل عليج
اسيل...بس مو تتأخر عليه اريد انام تعبت اليوم
ماهر...لا مااتاخر عليج
الساعه ١٢ كمت اغفي
شويه واتصل
ماهر...هاا حبيبتي نمتي
اسيل...لا بعد بس انعس
ماهر...صديقي جهز شقته وفرشه وعطرها وزينها
وانطاني المفتاح
راح نطلع من الزفه كبل على شقته
نخلص اسبوع او عشر ايام بعيد عن عيون كل الناس
وبعدين نرجع
اني ماانطيت عنوان الشقه الاي احد
حتى اهلي مااريدهم يجون ورانا اريد اختلي بحبيبتي
اسيل...خوما بعيده
ماهر...لا مو بعيده مراح اتعبج بس اهم شي بعبده عن عيون الناس
جمانه السعيدي
اسيل..تمام
ماهر...حبيبتي انتي ماتعرفين اني شكد احبج وشكد فرحان بيج
اسيل...شكرا تسلم الله يتمم على خير انشاء الله
ثاني يوم طلعت الصبح للصالون اختاريت يكون البركع حجاب والبدله كانت مستوره ردن كامله والركبه
فتحته زغيره
امالصالون خليت ورده ليلو وكرستال حلوه فوك الحجاب صفح
والمكياج خفيف ومرتب
طلعت الزفه من الصالون والسيارات اجت ورانا
الزفه كانت كلش حلوه
وماهر لازمني بقوه وكانما راح اشرد
كنت امشي واقرا آيات قرآنية اربد كلشي يتم على خير
لان هيج مناسبات دائما تصير بيها مصايب
لو حوادث لو شغلات تخرب العرس
اني وماهر كنا بسيارته وحدنا
وباقي السيارات تمشي ورانا
وكف ماهر واشر للسيارات توكف
اتشكر منهم وطلب يرجعون مايريد احد يعرف مكان الشقه
اصدقائه حاولو وياا بس ماقبل اله يرجعون ونكمل وحدنا
بقه واكف منا لمن السيارات كله رجعت
صعد بلسياره وكال هسه تمام
راح اخطف حبيبتي وانهزم بيها مكان محد يعرفه غيرنا
انتي ماتعرفين اني شكد سعيد اليوم
مشينا تقر يبا ربع ساعه بلسياره
المنطقه كلش حلوه منطقه تجاريه
بس هادئه ومرتبه حيل
ببها محلات ومولات ومستشفى وكراج سيارت
كلش قريب
الشقه كانت دور اول نزل هو بلاول واجا نزلني
لزمني من ايدي وساعدني اشيل البدله
فتح باب الشقه ودخلنا اني ويااا
طبك باب الشقه
ماهر ...الف مبروك ياروحي انتي
اسيل ..الله يبارك بيك
دخلنا للغرفه
ماهر ...اساعدج تنزعين البدله
اسيل...خل افتح الحجاب بلاول
فتحت الحجاب وهو ساعدني بعدين فتح سحاب البدله
اسيل...ممكن تطلع اريد انزع البدله وادخل للحمام ابدل
ماهر...اني راح اخلي السياره بلكراج وارجع الكاج مبدله
لان شارع تجاري وسيارت رايحه جايه يخاف على سيارته
خمس دقايق وارجع عليج
جمانه السعيدي
اسيل...ماكو مشكله
طلع ماهر سمعت باب الشقه انطبكت نزلت البدله
خليتها على صفحه رفعت شعري لان مااريده
يتبلل
اخذت ثوب طويل ابيض نص ردن بي فتحات طوال من الجوانب
ودخلت للحمام غسلت وبدلت طلعت
سمعت اذان المغرب اذن
غسلت وجهي من المكياج ونشفته توضيت طلعت
إسدال الصلا
اني جايبته وياي والسجاده كعدت اصلي واحمد ربي
اني اليوم عدا على خير
اتمنى حياتي تكون مستقره وياا هذا الإنسان وخاليه من المشاكل
وإنشاء الله اكدر احافظ على بيتي وعلى زوجي
وارفع راس اهلي
بعدني اصلي وادعي رجع ماهر من برا
جايب عشى وكرزات وفواكه
ماهر...هاا حبيبي تصلين
اسيل...اي الحمد لله
ماهر...دعيتلي وياج
اسيل...اكيد يله بدل وصلي علما احضر الاكل
جمانه السعيدي
نزع القاط ودخل للحمام سبح طلع لابس دشداشه بيضه
توضأ وبدأ يصلي
اني حضرت الاكل على السفره وخليت الفواكه والعصير
خليت القوري على النار خليت نار هادئه جوا
طلعت صبغ اضافر صبغت اضافري ماقبلت بلصالون يصبغن اضافري علمود الصلا
كمل ماهر صلا
ماهر..هاي شنوو الله حلو صبغ الاضافر بس اني اول مره اشوفج تصبغين اضافرج
اسيل...علمود الصلا مااصبغ دائما
يله ناكل
ماهر...اي اني كلش جوعان
كعدنا على ميز الطعام وبد يوكلني
سمعنا اجت رساله التليفون ماهر
مااهتمينا
رجعت اجت رساله ثانيه وثالثه بنفس الوقت
اسيل...شوف تليفونك
ماهر...عوفي اليله مااريد شي يزعجني ابد
راسا اجا اتصال رن مرتين ونقطع
اسيل...شوف خاف شي مهم
ماهر...راح اشوفه علمودج كام جاب التليفون
يمشي ويفتح بلتليفون حتى يقرا الرسايل
ماهر..هذا رقم غريب خل افتح الرساله اشوفه منو شتريد
يدز رسايل ويتصل بهيج يوم
فتح الرساله وتبسمر بمكانه ملامح وجها كله تغيرت
ركز اكثر وهو يقرا
حسيته فصل عن هذا العالم راح لعالم ثاني
وهو واكف بنفس مكانه اجته رساله
رجعت اجتا رساله ثانيه وثالثه بنفس الدقيقه
ووجها صار اسود وعيونه غوركن
كام يتنفس بسرعه
استغربت من شكله
اسيل...شكوووو ماهر شبيك
شكرا لزيارتكم عالم روايات سكيرهوم
