رواية اختفاء امي الفصل الثاني بقلم جمانه السعيدي
ماسة...زعلت زوجت عمي وأخذت جهاله وطلعت وهي ادردم
وابوي حيل ضايج لان المشكله صارت بسبه
بابا...ليش هيج صلاح عفته تطلع
صلاح...يطبه مرض خاله نفسه بكلشي لا عايشه صح ولا عايفه الناس بحاله
هسه ترجع لا تشغل بالك واني عد كلمتي اذا تحتاج فلوس اني بخدمتك
بابا...تسلم اعرف ماتقصر
جمانه السعيدي
ابوي كعد الصبح بدل وتريك واخذ جنطة الفلوس وطلع
امي ماكدرت تنام حضرت الريوك العمي وكعدته اتريك
وبعدين احنا كعدنا تريكنا وطلعنا للمدرسه
امي بقت منتضره تليفون من ابوي يطمنه ان خلاص تمت البيعه
بس صار شي مامتوقعته بليل ابوي اتصل عليه
ابوي اتصل وكال
بابا...هلو ام ماسه
ماما... هلووو هااا بشر مااتصلت اطمني بقيت كاعده على نار وماعندي رصيد اتصل عليك
بابا...خربت البيعه اختلفو ببنهم على الحصص وخربت البيعه
ماما...شنو اختلفو على الحصص
بابا.... واحد منهم الولد الجبير يكول من اشترا ابوي الكاع احتاج فلوس
واخذ مني اليه حصه اكبر
والولد الثاني ماقبل يريد حقه كامل
وخربت الببعه
ماما...عرفت بس حنان نغطت وراي عرفت كلشي راح يخرب
بابا...ماصار شي ابقه ادور لازم الكه شي يفيدني
ماما...استغفر الله يافرحة ماتمت
بابا...لا اضوجين حبيبتي إذا مقسوم النا شي نحصله
ماما...انشاء الله خير
بابا...باجر ارجع علمود الفلوس لان اخاف ابقيهن يمي خاف
ينباكن مني
ماما..بكيفك
ماسه...امي بقت طول اليوم ضابجه وتحسب على حنان
تكول لو ماهي تنغط وراي جان اشترينا الكاع وخلصنا
من رجع عمي من الدوام امي حجتله كلشي صار
عمي...لا اضوجين ميخالف اكو صالح بلموضوع
ثاني يوم بابا رجع للبيت رجع الفلوس الامي
ورجع بنفس اليوم البغداد
جمانه السعيدي
بعد اسبوع رجعت زوجت عمي للبيت وهي مشمته باامي لان مااشترينا الكاع
وتسمع امي حجي
امي ساكته الخاطر عمي لان زين ويانا كلنا
بعد عشر ايام رجع بابا اتصل
بابا..هلو ام ماسه...الج عندي خبر بمليون دينار
ماما..هواي مليون كون يسوا الخبر
بابا...الكاع الي ردنا نشتريه رجع الولد اتصل عليه ويكول الكم ماتصير الغيركم بس يريد الفلوس باجر ويتكاتب ويانه عليه
ماما...خير انشاء الله
بابا...يريد يسافر ويريد الفلوس باجر واني ماقبلو ينطوني اجازه شلون
ماما...ماتعرف احد ثقه ندزهن بايده
بابا...وين اكو ثقه بهاي الايام خل اتصل بصلاح
ماما...لا فدوه مااريد حنان تعرف بس تعرف تخرب الشغله
بابا...شلون مو خاف اضيع الكاع من عدنا
ماما...شنو رائيك اني باجر اجيبهن واجي
بابا...انتي
ماما...اي اطلع الجهال للدوام واطلع وانت انتضرني بلنهضه اسلمك الفلوس وارجع قابل شكو عليه
هلمره خل نخلص شغلتنا بسكوت
حتى الرسول ص يكول استعينوا على قضاء حوائجكم بلكتمان
خل هاي الشغله تخلص بسكوت
ومن تصير عود نحجي الصلاح تعرف حنان يوميه تسمعني كلام اشكال واللوان ومتشمته بيه لان ماشترينا
بابا...زين باجر من اطلعين اتصل بيج
ومن توصلين تكليني منتضرج
بس ديري بالج زين على الفلوس ترا ذني تعب عمري
ماما..انشاء الله
جمانه السعيدي
امي بقت هاي السالفه بينه وبين ابوي حتى احنا مانعرف
بس وصتني بليل
ماما. اسمعي ماسه باجر اني عندي شغل كلش مهم اطلع وياكم من اطلعون للمدرسه
خاف تجين واني بعدني ما واصله
تلكين الغدا بلثلاجه مرك فاصوليا وتمن تغدي انتي واخوج
وسدي بابكم عليكم
واي واحد يسئلج كولي هسه تجي ماما انا الساعه بلثنتين اكثر شي ارجع للبيت
انتي جبيره وتفتهمين بعد مايحتاج اوصيج اكثر
ماسه...وين ترحين ماما
ماما...من ارجع اني احجيلج كلشي صار انت مو غيره وتفتهمين
ماسه...انشاء الله اني هنا عمري ١٣ سنه بلضبط
صف اول متوسط
الصبح كعدنا تريكنا وطلعنا كلنا سوا شفت امي أخذت الجنطه الي ببه فلوس وطلعت
بس ماسئلته ابد
لان هي كالت لا تسئلين اي سوال من ارجع احجيلج كلشي يصير وياي بس ديري بالج على علاوي اخوج
طلعت امي وخاله حنان بقت تباوع ورانا من طلعنا
اني رحت للمدرسه خلصت دوامي
ومريت على مدرسة علاوي جبته واجيت للبيت
طلعت الاكل من الثلاجه احمي حتى نتغدا
حنان.. امج وين راحت
ماسه...ماادري
حنان..شلون ماتدري ونتن طلعت سوا من البيت
ماسه..مااعرف
حنان..هاي الجنطه شبيه الي امج اخذته
ماسه..ماادري
حنان...شنو ماتدرين كلشي تعرفين بس انتي حيه مثل امج
مااطلعين الكلام
بس اني اعرف وين راحت
ماسه...سكتت لان اعرف اجذب عليه تريد تسحب الساني
صبيت الاكل ودخلت جوا نتغدا اني واخوي
كملنا غسلت المواعين وضميت الاكل الزايد
وبقيت عيني على الساعه منتضره ماما ترجع للبيت
الساعه بلثنتين كمت طلعت الاكل احمي حتى ماما من تجي تتغدا
بقيت عيني على الباب ومنتضرته
ساعه ثنتين ونص وهي ماكووو
بتلاثه ماكوووو
بلاربعه ماكوووو
الساعه بلسته وهي ماكوووو
اجا عمو صلاح للبيت
دخل وهو يحجي وياا بابا بلتليفون
اسمعه يكول هسه اشوفه خاف بلبيت
عمو...ماسه وين امج
ماسه..طلعت الصبح كالت عندي شغل ومارجعت
راسا عمو رجع اتصل بابا
صلاح...الو ابو ماسه طالعه وبعدها مراجعه للبيت
