رواية اختفاء امي الفصل الثالث بقلم جمانه السعيدي
ماسه...انخبصنا خبص ابوي يتصل بعمي
وصعد سياره أجره خاصه ورجع المحافضتنا
وعمي راح الكل اقاربنا ومالكها
وراح سئل بلمستشفى وماكووو
ساعتين ونص وابوي وصل
بابا..اول مادخل بعصبيه اربد التهم وين راحت
عمي...انت اخر مره يمته حجيت وياها
بابا...اني كتله جيبي الفلوس وتعاي علمود نشتري الكاع
من طلعت اتصلت عليه
بعدين كالت اني صعدت سياره تكسي رايحه للكراج
كالت تليفوني مابي شحن ويمكن البطاريه متحركه
لا تخاف اني جايه
هاي كانت اخر مكالمه وياها
بعد اتصلت وماردت عليه كلت اكيد تليفونه مابي شحن
وبقيت منتضره بس اتاخرت وقلقت عليه حيل
اتصلت ببك
وين راحت النوب شايله مبلغ جبير ١٦٥ مليون فلوس الكاع
هسه شلون
طبعا حنان كاعده وتسمع كل الحجي
ثاني بوم قدمو بلاغ بمركز الشرطه ورجعو سئلو بلمستشفى
العشيره كله دخلت انذار كله ادور عليه وماكوو
خوالي راحو ؤسئلو بمستشفيات بغداد ونزلو اعلان بلفيس
وكلشي ماكوووو
واني واخوي باانكس حال لا ناكل ولا نشرب ولا نروح للمدرسه
ابوي تعب هو وعمي وامي ماله اثر باي مكان
رابع يوم كاعدين كلنا ابوي وعمي وجهال عمي واني واخوي بليل وحنان حصرت العشى وجابته
جمانه السعيدي
خلت الاكل واكو على السانه كلام
حنان ...اني اريد احجي شي جنت ضامته عليكم
بس مو قصدي اضم عليكم
بس مااريد مشاكل
عمي...انتي تعرفين شي احجي اذا تعرفين شي
ماسه كلنا جنا نباوع عليه ومنتضرين القنبله الي راح تفجرها علينا
حنان...لا بطلت خاف تصير مشكله بسببي
عمي...لو تحجين ونفتهم شنو قصدج لو تسكتين لان كلوبنا خلصانه وتعبانيبن
حنان...اني سمعت شي واريد احجيلكم عنه
عمي...اي كولي
حنان...اني سمعت ام ماسه تحجي بلتليفون قبل لا تطلع
وتكول الفلوس عندي واني جايتك
ناخذها وننهزم اني وياك ومحد راح يعرف مكانه ابد
ماسه...جذابه ولله جذابه
حنان...اي طبعا انتي بته ومدرستج الكلام
بيومها طلعتن سووا من البيت ومن سئلته وين راحت تكولين ماادري
اني ردت اتاكد من الكلام الي سمعته بلتليفون
بابا...مستحيل مااصدك
حنان...بكيفك لا تصدك قابل اني شنو مصلحتي اجذب عليه
مهمه يكون احنا بيت واحد
وحتلو اكو بينا خلافات ماتوصل احجي عليه
بس اني سمعت هذا الكلام باذني
اني اكول هي أخذت الفلوس ونهزمت وياا واحد الله اعلم شكد صار تعرفه
لان هي جانت تكول ولله مليت من هاي العيشه
يمته اخلص
جمانه السعيدي
كانت دوم تشكي من غياب ابو ماسه وكل الحمل عليه
ويجوز جانت اجمع بلفلوس حتى تاخذهن وحدها
ماسه...بابا بدا يشك بامي
حنان...لا تنسى انت عايفه كل الوقت وحدها وعليه كل المسوليه عود تجي يوم لو يومبن
والمره بس تزوج بعد ماتكدر بدون زوجه ابد
عمي...الله يستر
ماسه...بابا لاتصدك كلامه كله جذب امي موهيج
حنان...لعد منو يدافع عنه غيرج
بابا....اي وبن راحت يعني اخذت هذا المبلغ ووين اختفت
لو متعرضه الحادث جان عرفنا
لو ميته وين جثته
كلام حنان مقنع حيل المبلغ مو شوبه
اكيد اخذته ونهزمت بس ليش هيج اسوي ببه هذا تعب سبع سنوات وغربه راح اموت من التفكير وين صارت
يعني اني هسه امسح ابدي بلحايط
صاع كلشي مني
بعد كلام حنان ابوي بطل يدور مثل قبل
يعني مايدور بنفس اللهفه يسئل بس سواله بارد على امي حنان شيطانه وكدرت تقنعه
واختفاء امي بدون اثر زود الموضوع سوء اكثر واكثر
بقه اسبوع وقرر يعوفنا تحت رحمة حنان ويرجع الشغله
ووصا عمي إذا يسمع خبر بمركز الشرطه عنه يتصل علي
رجعنا للمدرسه اني واخوي وهلمره ابوي مادز اي فلوس
وحنان ماتقبل عمو يصرف علينا
من نرجع ناكل الباقي من اكلهم
وبس تتامر عليه النهار كله
جمانه السعيدي
سوتني خدامته وابوي حتى مايفكر يتصل يطمن علينا
كرهنا اني واخوي لان صدك حجي حنان
وحلفانه الكذب على امي
ماسه...هاي أصعب فتره مرت عليه بحياتي هواي مسوليه عليه
المدرسه واعتني بااخوي وانضف واقرا اخلص كل شغل البيت واني ساكته
اسكت حتى لا اسمع كلام جارح من حنان
لان حنان كانت تعيرني باامي كلمه والثانيه وكالت امج
امج انهزمت وياا صاحبه
امج خلت راسنا بلتراب
كل هذا وعيني على الباب منتضره امي ترجع
لان اني مامصدكه كلام حنان
عيني على الباب طول النهار
تحملت مسوليه اكبر مني ومن عمري
فات شهرين واحنا حالنا بأسوء حال وابوي مانزل ولا مره
عمي كان ينطينا مصرف بسكوت من حنان
لان ماتقبل ابد
بهاي الفتره كامت اخت حنان تتردد على بيتنا
اخته عمرها ٣٥ سنه سمره وضعيفه مخلص ابتدائيه
عصبيه بشكل مو معقول
لان اتاخرت بلزواج النهار كله تتعارك وياا نسوان اخوته
وتخلق المشاكل خلق
حتى تفشر عليهن وتضربهن ماتخاف من اي احد
ومحد يكدر عليه ابد
بدن يخططن ثنيبنهن شلون نضال تاخذ ابوي
ويتشاركن بلبيت وبكلشي
وهنا اجا دور حنان تقنع عمي حتى هو بدوره يقنع بابا يزوجه علمود أدير باله علينا
عمي المسكين شمدري بخططهن
اتصل على بابا
عمي...ليش ماتجي تسوف جهالك ذوله شنو ذنبهم
بابا...اني راح تعب عمري كله مسحت ايدي بلحايط
ضاع كلشي مني
كرهتهم مثل ماكرهت امهم الي اكلت تعبي ونهزمت
نزلت راسي كدام الناس
عمي...مانتهت الحياة عادي ازوج وابدي من جديد
بابا...ازوج
عمي...وهلمره العروسه احنا اختارينه الك لاتخاف على مسوليتي وحتى ماتطلب منك مهر
وشريفه ونعرفه ونعرف كلشي عنه
بابا...مااريد ازوج
عمي..لا تزوج وتعيش حياتك وتستقر اني راح اخطبلك نضال اخت حنان
هلمره بعد ماكو مشاكل هي واخته
والبيت جبير ودير باله على جهالك بغيابك يكسرون الخاطر لا ام ولا اب
بلبدايه بابا ماقتنع بس حنان مستمره ازن على عمي
وعمي يقنع بابوي وماكووو
فات اربع اشهر خلصت المدرسه ونجحنا اني وعلاوي
نجحنا بمعجزه
رب العالمين كان واكف وبانه
الشهر الخامس على غياب امي يله رجع ابوي للبيت
بس شحاله لحيته شطوله
وعيونه ذبلانه رجع حتى يزوج نضال
لان اقتنع امي خانته وباعت العشره ونهزمت وياا واحد ثاني
شكرا لزيارتكم عالم روايات سكيرهوم
