رواية كبرياء شيخ الفصل الواحد والثلاثون بقلم زينب
احمد: طبعا اختار كلبي وكلبي يكلي ٲℓانــتيہ بس بنفس الوقت ضميري ما يطاوعني اخذل بنيه انه السبب بدمارها
كمره حاولي تخلين نفسج بمكاني وجربي شوفي شنو تحسين
كلبج يطاوعج اشمره
كولي اذا تردين هذا الشي يصير ما عندي مانع
كمره: انه ما كتلك اشمره ولا كتلك لا تساعده
بس انو تعقد عليها هذا الشي بالنسبه اليه مستحيل ما اكدر
اكو غيرك يكدر يساعدها مو الا انت
احمد :وليش احمل غيري ذنبي
اني مو عاجز
كمره: من الاخير راح تعقد عليها لو لا
احمد: انطيت كلمه لأهلها كدام العالم والناس والشيوخ
مو انه الارجع بكلمتي
كمره:نزلت دموعي وانه
مثل السجين ونغرزت بكلبي
بعدين على شنو متأمله انه يطبني طوب استاهل كله من ايدي درت علي وكتله
: معناها انت اصلا اختاريتها ومن زمان اصلا هاي المحاضره ما الها داعي
خلص كل واحد من عدنا يروح بحال سبيله
احمد: شهل الخرابيط هايه شجاي تحجين
جاي اكلج احبج اعشكج ٲℓانــتيہ صرتي روحي والهوا الاتنفسه
تكليلي كلمن يروح لحال سبيله
ٲℓانــتيہ تحلمين بيوم من الايام اعوفج
كطنه وشيلها من بالج
كمره:ما دام فضلتها علي انه شكو بعـٌـــٌِد
المفروض تكيف مهدتلكم الطريق
هاي حبيبتك من سنين وهسه رجعتلك
عوفني ما اريدك بعـٌـــٌِد ما اتحمل اشوفكم سوى اموت تعرف يـ؏ـنـي شنو اموت يـ؏ـنـي عذاب على البطيئ
احمد: سمعيني من الاخير
مكانج هنا يمي طلعه منا ما الج ابد
قبلتي وإلا ما قبلتي غصبن عليج فاهمه
كمره:تجبرني أعيش وياك هذا حلمك
اذا صارت على ذمتك دقيقه ما ابقى هنا
وشتريد تسوي سوي تريد تموتني
عادي شو انه كل ساع اموت موته
احمد:شما احجي وياج ما راح تفهمين بس راح يجي يوم وتتندمين على كل كلمه كلتيها
كمره: بس كال هيج وكعت دموعي عافني وطلع وركع باب الغرفه بكل قوته
مسحت دموعي وكلت لازم اتصرف مستحيل أتقبل الجاي يصير
بس شلون تلفوني ما ادري بي وين حتى اهلي ممنوع احجي وياهم
كتلني التفكير وعلى يا ساعه ينفجر راسي من الوجع كمت شلون ما جان ادور مسكن اريد بس ارتاح لبست شالي ومشيت على كيف نزلت الدرج بايه بايه بعدني دايخه دخلت المطبخ شافتني هديه وظلت تحجي عليه
هديه:كمره شبيج تخبلتي شلون تنزلين وانتي مريضه ما تخافين تلزمج الدوخه وتوكعين من الدرج
كمره: راسي ذبحني وجع اريد مسكن عفيه بسرعه
هديه: جان انطيتني خبر الا تنزلين
كمره:شلون انطيج خبر بالاسلكي
هديه: صدك انه هم ثوله تعاي اكعدي هنا هسه اجيبلج حبايه واجي مو تكومين
كمره: شويه واجت جابتلي حبايه شربتها سندت راسي على الميز بالمطبخ
بتعب اريد الوجع شوي يبطل ظليت مده حسيت الوجع خف سألته
منو موجود جوا بالصاله
هديه: الولد كلهم طلعوا والشيخه فوك بغرفتها بس الشيخ والحجيه كاعدين
كمره راح اكلج شي بس مو تكدرين خاطرج
كمره: هههه
سامعه المثل الي يكول كثر الدك يلين الحديد
صرت هيج ما احس بشي بعد كولي
هديه: ٲℓانــتيہ سألتيني شوكت يعقد عليها وانه سمعتهم يحجون وعرفت بـۧـٰاجر العصر يجي السيد يعقد الهم
كمره: جنت متأمله لحد اخر لحظه يغير قراره بس طلعت غلطانه
هذا هواحس انتهى كلشي بيه يمكن ًحتٍٍٍى فقدت الإحساس
هزيت براسي الها وما نطيت اي ردة فعل عفتها وطلعت للصاله لازم احجي ويه الشيخ وافهمه شفته كاعد هو والحجيه يمكن يحجون بنفس الموضوع من شافوني غيروا السيره ما يدرون انه عرفت كلشي
الشيخ: ها بويه الحمد للـهۂ على سلامتج شلون صرتي
كمره: احسن شويه
عمي اريدك بموضوع
الشيخ: كولي بنيتي
كمره: اريدك تساعدني
الشيخ: عد عيناج بس امري
كمره: شوف عمي انه ما راح اوكف بطريق احمد وامنعه يتزوج اذا هو قرر فهذا الشي راجعله
وهو اختار طريقه بس انه ما اكدر أتقبل هذا الشي احسه فوك طاقتي
الي اريده منك عمي تقنع احمد يطلكني
الشيخ: شتحجين بنيتي ليش تهدمين بيتج بأيدج ترى احمد سوى كل هذا بس حتى البت تتعالج وانتي جاي تكولين خلي يطلكني
ترى هاي لا صايره ولا دايره
ليلى: شو أنتي كمتي تمسلتين وما تعرفين تحجين
اكو وحده تسلم رجلها بأيدها
كمره: عمي يا بيت التحجي علي اشو هو انهجم وراح
عمي انه جاي اترجاك أبوس ايدك خلصني تريدني أبوس رجلك هم اسويها بس خلصني فدوه اروحلك انه
الشيخ: بنيتي شجاج ٲℓانــتيہ بس فهميني جاي نكلج مو زواج فعلي ليش تخربين على روحج
ليلى: يمه عوفه هاي لا تاخذ وتنطي وياها من الضخونه كامت تهلوس
منا لباجر تحس على روحها وتسكت
كمره: حجيه والله ما اسكت اطلك يعني اطلك واذا ما طلكني اكتل روحي
الشيخ: ٲٳٲسـ๛ۖــۖـتغفـر اللهہ يا ربي بويه هسه يجي وأحاجي
بس ٲℓانــتيہ لا تتهورين
ليلى: يا وانت من كل عقلك تسايرها
كمره: حجيه انه واحمد وصلنا لطريق مسدود
الي يحبها طول عمره رجعتله انه شكو بعد
ليلى: ولج يا حب يا خرابيط بنيتي تهدي وكعدي وانعلي الشيطان
محد يتأذى غيرج
كمره: وانه شبعت اذيه كافي بعد ما اتحمل
عمي راح اعتمد ﻋﻠﻴﻚ انت املي الوحيد
عفتهم وصعدت ادري انه جاي اضغط عليهم بس لازم اخلص
احمد: جنا كاعدين بالمضيف اجاني ابو جبار كلي الشيخ يريدك بسالفه لازم تجي ضروري انه خفت لا صاير شي لكمره كمت على السريع ودخلت شفته كاعدين بالصاله شوي اطمأنيت لأن شفتهم هادين
الشيخ: ها وليدي تعال رايدك بسالفه بس ما اريدك تتعصب اريد توعدني
ما تتهور
احمد: احجي يابه لا تخوفني
الشيخ: مرتك جانت يمي قبل شوي وطلبت مني احجي وياك بموضوع
احمد: يا موضوع
الشيخ: تريد تطلك منك
احمد: وانت شكتلها
الشيخ: مو مهم شكتلها بس يا وليدي جاي اشوف كلبك مشلوع
طلكها وخلها تروح بحال سبيلها
احمد: يابه انت مقتنع بحجيك
الشيخ: البنيه جاي تكول ما اريده بعد هو اختار طريقه طلكها بويه وخل تشوف طريقها
احمد: ما اكدر لو اكدر ليش جاي أتعذب كل الوكت
كلشي ولا تكلي طلكها معناها كلي موت
الشيخ: بس فهموني وتالي وياكم انت تكبس وهي ترفع ولعبت روحنا من هل السالفه
احمد: انت معليك يابه انه احلها بس والله الا اندمها
سمعت ابوي وانه شطت غضب ومدري شنو صعد لرأسي
ما همني ركضت صعدتلها واحجي ويه روحي اليوم لو انه لو انتي
كمره:كمت كوه رحت على الكنتور طلعت جنطه وبديت اخلي الملابس
صفطتهن شلون ما جان وانه جسمي يرجف وكوه واكفه سمعت ركعه بالباب وانفتح قوي درت وجهي شفته اجى علي وكال
احمد: شجاي تسوين
كمره: مثل ما تشوف
احمد: ما ترحين يـ؏ـنـي ما ترحين
كمره: اروح وغصبن ما عليك
جرني حيل من زندي وحجى
احمد: ولج ٲℓانــتيہ شو مالج رداد ترديني اموتج بأيدي واخلص
كمره: والله تسوي فضل على الاقل اخلص منك حجيت بصياح
ترى جزعتني جاي اكلك ما اريدك بعـٌـــٌِد خلاص فكني حس شويه خلي عندك كرامه
انه حجيت وما اشوف الا رفع ايده رأسا غطيت وجهي عبالي يضربني بس سمعت صوت تكسر قوي شلت ايدي شفته ضارب مراية الكنتور بوكس بأيده وشفت حتى دم طلع من ايده انه هنا صدك خفت اول مره اشوفه هيج عصبي بقيت واكفه ومتصنمه وهو حجى بصياح بحيث البيت كله سمعه
احمد: كافي ترى تحملتج هوايه ونفذ صبري منج راح اكلج من الاخير طلاك ماكو على كص ركبتي تطلكين وطلعه ما الج منا وزواج أزوج وغصبن عليج رضيتي وإلا ما رضيتي يطبج مرض
كمره:شفته كلش انهار ماًحجيت شي ظليت ساكته
ما اعرف شنو صارله بحيث حتى خشمه طك دم وجه صار احمر انتبهت علي شلت ايدي ردت اكضه اهدي كضني من ايدي قوي وحجى
احمد:اصحج تسوين شي الي مفهوم
اخذت كلينسه وخليتها على خشمي وقبل لا اطلع درت عليها وكلت
والله لو ما مٰٓريضه جا طلعتج جنازه منا على كلامج هذا وان ما خليتج تعضين اصابعج ندم ما اتسمى انه الشيخ احمد
طلعت من الغرفه لكيت آلامه كلها واكفه
اجتلي امي تركض وشهكت
الشيخه: عزا صخام الصخمني يمه شصارلك
عمار: احمد • تـٰ؏ـﺂﺂل اكعد اقيس ضغطك اكيد ارتفع هسه
بس احسن طك دم لو ما طاك جا صارت عندك جلطه
الشيخه: يمه جا راح وليدي مني لهنا وكافي لازم ادخل كمره كلش طغت لازم احطلها حد شافتنا ساكتين
دخلت لغرفتها لكيتها واكفه ويمها جنطتها
سمعيني كمره لهنا وكافي تماديتي هواي وتصرفاتج جاي تزيد حدها وصايره ما تنطاقين انه ادري بأبني غلطان وكلنا وكفنا وياج وحملناه كل الغلط وهو لو ما مجبور ما يسوي هيج
ابني لو ما الله ستر جا طكته جلطه هسه انه لو رايح ابني شحصل
تهدي وكعدي ولا تتعافين
ٲℓانــتيہ مو اول وحده رجلها يتزوج عليها ولا اخر وحده وكلنا فهمناج شنو سبب هذا الزواج بس ٲℓانــتيہ شسويتي نغصتي علينا عيشتنا وكرهتينا بيج
صارلج ٣ ايام مطلعه روحنا نقنع ونرد لي ورى وانتي شنو الجان الحايط يفهم ٲℓانــتيہ لا ارضي بقسمتج وسكتي وصوتج ما اريده يعلى بعد فهمتي لو لا عفتها وطلعت لكيت وسام بوجهي
وسام: يمه ليش هيج سويتي
الشيخه: تمادت هواي ولازم تراجع اغلاطها ولازم تعرف احنا شنو
وسام: ترى هواي قسيتي عليهاً
الشيخه: خليها تتعلم وتعرف انو هي غلطانه
وسام: انه اعرفج ٲℓانــتيہ محترك كلبج على احمد ادري بيج تبيعين حتى ابوي على موده بس ترى هي حقها مو بيدها تحبه
الشيخه : لو تحبه جان وكفت وياه وساعدته ما جان وكفت بطريقه ونغصته روحه من اجى من بغداد وهو ما شاف الراحه بس يحاول يرضيها
وهي ابد تكول حجاره وكاعده
وهسه كلي اخوك شلون صار
وسام: زين عمار قاس ضغطه لكاه مرتفع شوي صار احسن
الشيخه: خل انزل اشوفه عساها بحضها وبختها
وسام: يمه لا تسوين هيج كلشي ولا تدعين حرام هي الي بيها مكفيها
الشيخه: والله لو ما اخوك مجلب بيها
اخلي يطلكها ويوديها لأهلها
بس شسويله اخ كله مني انه الحيت علي بس هين منا وهيج الا اراويها وجه الشيخه عدل
وسام: يمه سكتي لخاطر محمد لا يروح يصير بيج شي روحي شوفي احمد
راحت امي وانه كلت خل اسأل على كمره خطيه اعرفها تصرف مو بوعيها
دكيت الباب
كمره: اول مره تسمعني الشيخه حجي جان مثل السم كوه جرعته وسمعت كل حجيها هي وسام احسها كرهتني بعد بس المفروض تفهمني انه مو بيدي هذا الشي قررت بعد معليه بأحد بيهم راح اسكت وانجب واشوف وين توصل ظل عندي امل واحد هما اهلي بلكي يوكفون وياي ويخلصوني من جهنم احمد سمعت الباب ندك لبست شالي وفتحت الباب شفته وسام
وسام: كمره ظل بالي يمج شـلون صرتي
كمره: لا تخاف ما يصيرلي شي
وسام: لا تزعلين من امي تراها محروك كلبها على احمد واعذريها هو ابنها من شافته ما اتحملت
كمره: عاذرتها خويه
اسألك شلون صار احمد
وسام: بعد كل الصار وتسألين علي
كمره: مو بيدي احبه وما يهون علي
وسام: اذا تحبينه صدك كمره اوكفي وياه ولا تعوفي لا تصيرين ٲℓانــتيہ والزمن علي احمد اكثر واحد بينا ما ارتاح
كمره: ما اكدر كلما اذكر باجر يعقد احس السجين تنغرز بكلبي
وسام: حقج ما الومج بس على الاقل لا تعوفي
كمره:الله كريم
اكدر اخذ تلفونك
وسام: عذريني كمره ما اكدر رجلج محلفنا كلنا طلبي اي شي الا التلفون
كمره: هذا هو ما صار شي
وسام:هسه اخذي راحتج ولا تضغطين على نفسج ولاتنسين دواج
كمره: • ﺂنٰ شۨـِﺂءۙ ﺂللـِه۫ہ ٰ
احمد: بعد الصار نزلوني اخواني كعدت بالصاله جوا عمار مدري شنطاني من حبايه حسيت روحي صرت شوي احسن ظليت متمدد وايدي على عيوني وكلما اتذكر حجيها وانه شياطين الدنيا كلها تظل تكمز كبالي
والله لو ما وضعها جا عرفت شلون اادبها بس بقى عندي حل واحد وهو اهلها لازم اروحلهم وأفهمهم كلشي بلكي يكدرون يقنعونها
ليلى: ها جده شلون صرت كلبي تفرفح عليك
احمد: زين بيبي لا يظل بالج علي
ليلى: شلون بيبي وانه اشوفك مشلوع كلبك منا ومنا
على يا ساعه تطك وتروح من ايدينا واحنا ربحنا بيهن خل يولن بيبي اتركهن
احمد: بيبي ما اكدر هند انه دمرتها
وكمره ما اكدر بيبي اعوفها انه عشكتها وبخبال هم
بيوم الما اشوفها احس روحي مخنوك بس هي ما جاي تفهمني اجيتلها بكل الطرق وهي معانده ما تسمع حجايه من احد تعبتني وتعب كل البيت وياها
بس كليلي شسويلها
ليلى: اتركها بيبي تروح لهلها وابعد عنها مده وخليها هي تجيك حفي لا تركض انت وراها كلما تركض وراها تعاند اكثر
احمد: ماكو غير هاي الطريقه راح اتجاهلها بس وهي هنا اذا ما زوعتها كل كلمه كالتها الي واراويها النبي عربي بس خل تصبر علي واخلص من سالفة هند وانه انه وكمره كمره
هديه: شيخ صبينا عشا تعال انت والحجيه
احمد: انه ما اشتهي بس صعدي لكمره خل تتعشى وتشرب دواها
هديه: صعدتلها هم ما رادت
احمد: وتالي شلون وياها
اخذيلها اي شي خفيف وحاولي تجبريها
هديه: صار شيخ هسه اصعدلها
ليلى: وانت بيبي كوم اكلك لكمه على لحم بطنك من الصبح تركض منا ومنا
ولا تنسى البت وامها هم خطي من جبتهم لسه ما سألت عليهم كوم بيبي تنحل ما تظل هيج
احمد: ما اشتهي العسل هسه بيبي ٲℓانــتيہ كومي معليج بيه
ليلى: اذا ما تكوم انه هم هاي كعده ولا تنسى وراي دوه اذا ما اخذته اتخربط وانت السبب
الشيخه: كوموا يله ثنينكم ما اريد اي حجه
احمد: يله بيبي كومي امري لله بعد حجت زمرد خانم ما نكدر نكول لا
الشيخه: عابتلك فوك ما كلبي عليك مو صوجك
احمد: افا زعلتي علي شيخه زمرد شو انطيني راسج ابوسه
الشيخه:كوم اتعشى وانه ما ازعل عليك
احمد: وانه اكدر اكلج لا كايم
هديه:صعدت عشا لكمره ادري بيها ما تاكل بس شسوي لازم اخليها تاكل دخلتلها
كمره: مو كتلج ما اريد ليش جبتي
هديه:خايبه شبيج ٲℓانــتيہ كلهم جوا جاي يتعشون وما هامتهم ٲℓانــتيہ
جاي تعاقبين روحج عليمن (بكلبي ربي جاي اجذب عليه اريدها بس تاكل)
كمره: نارهم تاكل حطبهم
شلي شغل بيهم
هديه: كمره والله حرام الجاي تسوينه بروحج كافي الفاس وكع بالرأس
ما تكدرين تغيرين شي هج هاي اللفه اكليها ومعليج بحد عليج بروحج التهي بدراستج وبس
كمره: ⊱# تـُـٰـُــَدرين صح حجيج جيبي اجبر روحي كوه حتى اخذ دوه وأخمد بلكي ما اكعد بعد
هديه: اسم الله عليج شفتي حتى كمتي تدعين على روحج
كمره: والله يا هديه ما عادت الروح عزيزه شيصير خلي يصير
:تعشيت وشربت دوه اخذت مخده وبطانيه ونمت على القنفه بعد كلشي صار بينا بالنسبه اليه احمد انتهى
ما انكر لسه احبه وما اكدر أعيش بلياه بس لازم اتعود
الي سواه كلش صعب وما ينغفر حتى لو جان زواج شكلي
لو جانت وحده عاديه يجوز أتقبل
بس هاي حبيبته الي ترك كلشي وهج على مودها
الي عانى وظل عاشكها سنين
شلون اشوفهم سويه شلون اتحمل
بعد التفكير الكتلني غفيت فزيت الصبح باوعت الجربايه على حالها
يـ؏ـنـي ما اجى هنا البارحه تلكاه راحلها
تالي اذكرت اليوم شراح يصير اليوم راح أخسره نهائيا
ظليت اكل بروحي اخذ الغرفه طول وعرض شلون يا ربي شسوي
كلت خل انزل اشوف الوضع
نزلت جوا للمطبخ لكيت الشيخه الي ما باوعت بوجهي ولا حتى ردت السلام
عذرته شسويلها شافتني الحجيه صاحتلي
ليلى: تعاي بنيتي يمي رايدتج بشغله
كمره: رحت كعدت يمها وكتلها خير حجيه
ليلى:خير بوجهج تريكي اول مره ولا تكولين ما اشتهي
كمره: اكلت شوي وكتلها خلصت كولي حجيه
ليلى: بنيتي راح انصحج لله
تركي عنج كل السوالف وديري بالج على رجلج ترى يحبج ويموت عليج
جنت شاكه بي بس من شفت ولا مره دخل على هند وامها وسأل عليهم من جابهم لسه وكل شويه يسأل عليج هديه خايبه يموت عليج وحاير شيسوي
كلشي لخاطرج ويضوج وما ياكل من شافج ما تاكلين
نصيحه مني الج لا تخسرين واحد يحبج هلكد وتضيعينه بتصرفاتج الطايشه
وانتي وراج ناس يدورن خرابكم
كمره: ما رديت عليها اصلا اكتفيت أهز براسي بس
بعد ما عندي اي حيل وخصوصا من سمعت كلام الشيخه عني امس
بس كتلها ما يحتاج توصيني
اصلا مالي كلمه هنا قبلت وإلا ما قبلت شيريد يسوي خل يسوي
ليلى:اووووف منج يمه موش بت توغفين على الكلب
يبس لساني وانه احجي وتالي هذا ردج الي
ٲℓانــتيہ بعد بكيفج انه هم راح اسحب ايدي منج
هديه: كمره اهلج اجو بره يردون يشوفوج
كمره: بس سمعت اسم اهلي طفرت بسرعه دخلت للصاله شفت امي وابوي وصلاح وعباس ركضت لأمي حضنتها بعد ما دققت منو موجود عبالي راح اخلص ظليت ابجي بحضنها مثل الطفل المضيع اهله رفعت راسي وحجت
ام صلاح: كافي بجي بعد روحي عليمن كل هذا
أجينا نشوفج تكضيها علينا بجي
كمره: شنو جايين تشوفوني يـ؏ـنـي ما جايين تاخذوني
ابو صلاح:وين ناخذج بويه هنا بيتج تردين تجينا زياره اهلا وسهلا
بس مال تجين زعلانه لا بويه
كمره:كمت وكفت على حيلي ما مصدكه درت شفت احمد كاعد ويهز برجله
يـ؏ـنـي غاسل دماغ اهلي يـ؏ـنـي يمكن حتى الحجي بعد ما يفيد جاي اتعب روحي على الخالي بلاش
مسحت دموعي درت وجهي جاي اروح وكفني صوت صلاح
صلاح: كمره شهل تصرف هذا
غمضت عيوني ما اريد ادور واشوف بعد واحد بيهم جاي اتحرك
اجى ودارني علي
صلاح: مو جاي احجي وياج ليش ما تحترمين احد
كمره: احجي اسمعك كول شتريد
صلاح:كمره ترى هواي جاي تتمادين اريد اكلج الي سواه الشيخ عين العقل
لو انه بمكانه اسوي ازيد منه احنا ما ربيناج على الحقاره
كمره:انت كلت لو انت بمكانه بس مــُ̲ـٰعَ الاسف انت مو بمكانه اذا خلصت حجي كلي حتى ارجع للسجن الي انفرض علي
ام صلاح: ولج يمه شجرالج ليش هيج متغيره هواي
صلاح: يمه لا تعبين روحج الظاهر الحجي وياها ما يفيد مو صوجها صوجنا احنا أجينا حتى نشوفها
كمره: لا تكول اجيت تشوفني
اجيت حتى تقنعني ارضى أعيش بذل هنا
ما حسيت غير على راجدي اجاني من صلاح فرني فر طفر علي عباس والشيخ
عباس : شجرالك يخوي من يمته انت تمد ايدك عليها
الشيخ:ابني اهدا مو هيج الحل شلون تضربها كدامنا
ابو صلاح:اخوها وضربها خل يأدبها شيخ
طولان لسانها ويرادله كص
صلاح: خل تولي شيخ
ٲℓانــتيہ بس كليلي عليمن شايخه تحترمين روحج وتسكتين
رجلج ما غلط ولا زنى ولا سوى شي حرام يجوز بالبدايه جنت متررد
بس هسه مقتنع كلش بعد تصرفاتج الي شفتها هسه
كمره: ما انطيت اي رد فعل جنت خاله الدوه بجيب الدشداشه حسيت الخنكه اجتلي بعدت روحي عن صلاح بسرعه طلعت الدوه بس ايدي كلها ترجف
فتحت حبايه طاحت بالكاع ما سيطرت عليها ركض علي وسام جان كاعد يمهم اجى اخذه مني فتح الي حبايه وانطاني جان اكو ماي جايبينه لأهلي اخذه وانطانياه وكلي شربي اخذته بس كوه كاضه الكلاص ايدي ترجف
عاد اجى عباس راد يكض ايدي دفعته عني شربت الدوه ومشيت ما درت على اي واحد بيهم رجعت للغرفه اناشغ وابجي انكطع اخر امل عندي
احمد قضى على كل شي بحياتي وجبرني أتقبل كلشي غصبن عني
هو جان كاعد يمهم بس ولا عبالك موجود حتى ما اتحرك ساكن
ولا كلف روحه
احمد: بقى عندي امل واحد وهو اهله رحنا انه وابوي سولفت الهم كل السالفه بالبدايه سكتوا ما انطوا اي ردة فعل بعدين ابوي حجى وياهم قنعهم
اقترحت عليهم يجون حتى بلكي الله وتقتنع بس اتفاجأت بيها شنو من عناد شايله حتى اهلها ما اكترثت الهم بس من شفت اخوها ضربها انه هنا كأنما
ضربني بكلبي ومن شفتها تخربطت درت وجهي عنها لأن دمعت عيني عليها ما ردتها تشوف دمعتي
انه الشيخ احمد وكعت دمعتي اول تالي جنت ناسي حتى شلون ابجي
احس كلبي انمرد عليها بدي اكوم احضنها وامسح خدها الضربها بي
شفتها راحت كمت وكتله
شوف صلاح ادري انت اخوها والك حق عليها بس مال تضربها وكدامي
لا هاي واكفه سويتها هسه بس ان عدتها مره ثانيه
انه جبتكم حتى تقنعوها مو تضربوها كادر انه اضربها واكسر راسه بس بعينك شفت حالتها
ابو صلاح: عمي اهدأ خليها تتعلم درس من الصار
احمد: لا عمي ما ينحل شي بالضرب هــ͒ــسه تزيد بعنادها
الشيخ: •کَِٰٖــۧﺂﻓِٰــۧيٖ بويه هذا الحجي بعد ما يفيد
صعدي خويه ام صلاح شوفي بنيتج شـْ◌ـّـلون صارت
ام صلاح: خويه شصعد بتي واعرفها كلش زين بعد حتى ما تباوع لوجهي
ابو صلاح: خلونه بويه نمشي جيتنا ما منها فايده
كمره:ظليت بالغرفه وحدي وهما ملتهين بزواج الغالي اسمع بس اصواتهم
وطكطكتهم وكل طكه احسها تنغز بكلبي
صار وكت الغدا جانت هديه تجيبه الي يوميه هسه حتى هديه يمكن نستني
انه قررت مالي شغل بيهم بس ما اكدر وانزل واشوفهم وأموت قهر ظليت على هل حاله العصر جنت متمدده على الجربايه دايره وجهي للجهه الثانيه
سمعته دخل عرفته من عطره ما اكترثت ودرت سمعت فتح الكنتور طلعله ملابس لازم يتحضر العريس دخل للحمام وانه كمت طلعت من الغرفه ما ردته يشوف انكساري كدامه نزلت جوا كبل دخلت للمطبخ لكيت هديه
شافتني افور وأغلي سألته منو اجى
هديه: بيت عمهم اجو وبيت خاله بيت اهل شداد واخوانه موجودين وأهل البنيه ابوها وعمها
ٲℓانــتيہ ليش نزلتي روحي لغرفتج لا تحركين كلبج
كمره: خل ينزل العريس واصعد
جنت كاعده ودخلت عليه للمطبخ مرت عمهم وبتها باوعلي بشماته وضحكهن شاك حلكهن انه بوكتها بدي اكوم اكتلهن اكطعهن بيدي شو هي فاتحه وخسرانه بس نعلت الشيطان عفتهن وطلعت جاي اصعد الدرج صعدت يمكن ٣ بايات وشفته هو نازل لابس دشداشه بيجيه وغتره بلونها
ومتعطر صدك طالع عريس خليت عيوني بعيونه بس هل مره جانت نظرة عتب مو حقد باوعلي دار وجها ونزل
صعدت للغرفه دخلت بس روحي راحت وياه تالي سمعت هلهوله
ما انطاني كلبي طلعت وصلت لنص الدرج صاير كبال الصاله الجبيره
جان وكته جاي السيد وشفته هي وامها هي شفت بس ظهرها جانت كاعده على كرسي متحرك وأبوها جان وكيلها بحكم هي ما تكدر تنطق
ما جنت مكترثه من تكول هي نعم جنت اريد اسمعه من احمد وفعلا سمعته بصوته الي اكدر أميزه من بين الف صوت
بوكتها فعلا حسيت روحي انعزلت عن العالم بحيث ألهو ما كدريدخل ريتي
بس بوكتها ما بجيت
رجعت صعدت لأن احس ضغطي صعد وعيوني غوشن من القهر والوجع
خلاص انتهى كلشي بالنسبه الي
شمرت روحي على الجربايه بس استغربت ولا دمعه نزلت مني ما اعرف ليش بس استغربت من خالتي دخلت علي فجأة كعدت وشفتها اجت شبكتني وانه حضنتها بقت هي الوحيده من اهلي بس ما حجت شي بس تباوعلي ومستغربه
فهيمه: ليش حابسه دموعج طلعيهن لا تظلين خانكه نفسج
طلعي الي جواج وارتاحي ترى تعبين اكثر محد يحس بيج
ابجي واحجي لا تظلين ساكته محد يلومج ادري بكلبج حمل جبير
ٲℓانــتيہ ما كادره علي
كمره: ويه حجي خالتي نزلن دموعي لان صدك ما ردت ابجي حتى ما أهين نفسي اكثر شمرت روحي بحضن خالتي وظليت ابجي بكل طاقه عندي وهي تبجي وياي صدك موقف ما تتمناه حتى لعدوك ظليت بحضن خالتي لحد ما غفيت
احمد: صار العصر وكت جيت السيد حتى اكمل العقد احس حمل على ظهري صارلي يوم كامل انه ما داخل للغرفه ما اريد ادخل واشوفها واشبع قهر ادري صعب عليها تتقبل هل الشي بس مو بأرادتي مجبور علي
حجوا علي الولد اصعد ابدل
صعدت وفتحت الباب شفتهانايمه ودايره ضهرها طلعتلي ملابس ودخلت للحمام طلعت ما لكيتها عذرتها يمكن ما تكدر تشوفني حقها
كسرت الكلب مو هينه بدلت وكملت وطلعت جاي انزل الدرج وشفتها صعدت ردت اتحاشها بس عيوني غدرني لازم اشوف ولو نظره منها بس يا ريت ما شفت عيونه كلها عتب كرهت روحي بوكتها والله لو ما عيب الناس
اخرب كلشي
كملت العقد وتعهدت لأهلها بس تخلص المعامله نسافر
والولد كتلهم باجر يجوكم فضت العالم والناس ظلوا بس بيت عمي
دخلت وشفتهم كاعدين ردت اطلع صاحلي عمي
ابو سلمى: بالمبارك وليدي شايف الف خير
احمد: ستحيت من امها جانت كاعده هي ادري بيها ما تفهم شي بس من تشوفني تبتسم كتله
الله يبارك بيك عمي بس بثكل بس هاي مرت عمي صدك خبيثه
ام سلمى: عمه شو جنك ما فرحان هاي هنوده عشك صباك المفروض تفرح من كلبك
احمد: ومنو كلج ما فرحان شترديني مثلا اسوي حفله ما تشوفين حالتها
خل تعرف بالاول هي متزوجه
ليلى: ٲℓانــتيہ ما توبين من سوالفج المكسرة
تنهانين ياله تفوخين
الشيخه: حجيه موكت هذا الحجي هسه ما نريد ضيجة خلك
ليلى: ٲℓانــتيہ خوب كاضه لساني
بيج خير صعدي شوفي جنتج عايشه ميته من امس لليوم لا اكل ولا شرب ما اعرف عليمن عايشه
بس عرفتي رزلتيها ومسحتي بيها الكاع
احمد: منو رزل منو
الشيخه: ماكو شي يمه روح شوف خطارك بره
احمد:يمه انه مو طفل وتضحكين علي شسويتيلها
الشيخه: ما سويتلها شي بس حجيت وياها حجي خلاها تصحى
احمد: رفعت ايدي نزعت الغترا والعكال وفركت وجهي وراسي بعصبيه وزفرت
منا وهيج الي اسمعه حاجاها لو غثها بحجايه لو مرزلها ولو غاثه ولو بكلمه
والله العضيم ما يلوم الا نفسه
وصحت بعلو صوتي هديه
هديه: هاااا شيخ امر
احمد: كمره تغدت لو لا
هديه: هااا شيخ لا
احمد: ليش انه شكايلج مو كتلج وكت الاكل يصعد الها فوك كلت لو لا
هديه: شيخ والله نسيت عبالي تنزل تاكل
احمد: ترحين تسوين اكل الها وتصعدينه كدامي وانه راح اطلع للوادم شويه وارجع واصعد الها مفهوم
هديه: مفهوم شيخ
سلمى: شدعوه هل دفاع المسلح
احمد: ترى سمعتج بصياح
لا تخليني اهينج مالج شغل بيها لا عبالج كلما تجين تغثينها يجوز مره سمعتج برضاتي ولخاطر عمي ساكت الج بس بعد لا ما اسكت
عفتهم وصعدت لكيتها نايمه بحضن خالتها وخالتها تبجي
شبيها ليش تبجين
فهيمه: لا شيخ ما بيها شي ابجي على حالها تكسر الكلب
احمد: شبيدي عليها والله انه متعذب ازيد منها وهي صادتني
دزيت عليج لأن ادري بيج تعزينها وانتي الوحيده الي تكدرين تطلعيها من حالتها هاي
جبتج تحجين وياها مو تبجين عليها
فهيمه: صار شيخ بس اليوم ما اكدر
لا تلومها جرحها بعده طري اخاف احاجيها وتتخبل عليه انه اعرفها بت اختي مربيتها على ايدي
احمد:براحتج
بس لا ترحين هسه حاولي تخليها تاكل
اليوم كله ما ماكله شي
هديه شويه وتجيب الاكل
فيهمه: ظل يمها ربع ساعه انه راح انزل اسويلها اكل بإيدي
احمد: ماشي
راحت خالتها اجيت بمكانها اخذتها من حضنها وهي نايمه تمددت وخليتها على صدري شبكتها حيل بكل قوتي بدي أضمها بصدري
وما اخليها تطلع بعد ظليت احجي وياها وهي نايمه
ولج والله احبج وما اعوفج للموت
ولج عشكتج عشك مخابيل حبيتج حتى اكثر من روحي
كمرايتي أتمنى تسمعيني هسه وتشوفيني شلون متعذب من دونج
والله حبيتج ازيد من ما جنت احب هند
والله من شفت هند عبالي كلبي يرجع يدك الها بس ما دك
بس من اشوفج يصير طبل ًحتٍى عبالي يريد يطلع من صدري
حسي بيه عاد مستعد كلشي اسوي الج بس لا تحرميني شوف عيونج
احسهن مخدراتي
جنت احجي عبالي نايمه بس من نزلت اريد أبوس راسها شفتها فاتحه عيونها وتباوعلي
ٲℓانــتيہ كاعده
كمره:............
::::::::::::::::::::::::::::::::::::::::::::::::
انه دفتر عشك للمرأه ما مطروق
مو كلمن يحب يفهم معانيه
كتبت هواي لكن صعب معناه
الما عاشك صدك لا يفهم شبيه
::::::::::::::::::::::::::::::::::::::::::::::::::::::::::::::::::::::::::
كمره: سمعت كل كلمه كالها يجوز صدك الي يحس بي بس بعديش
بعد خراب مالطا وخرت عنه وكتله
عوفني انت ليش هنا
احمد: انه هنا بغرفتي يم مرتي وحبيبتي
كمره: ههه
مرتك بس مو حبيبتك انت غلطان
حبيبتك هسه هي جوه وصارت عروستك حرام عايفها تنتظرك
احمد: وتالي وياج كمره لوين تردين توصلين فهمتج الوضع بس ما جاي تفهميني شسويلج بعد
صعبه والله صعبه ومليت من البجي حتى عيوني من كد البجي صارت تحركني دخلت للحمام سبحت وبدلت وردت انام ما كدرت التفكير شل عقلي
وكل ما انام أفز يمكن نمت وجه الصبح هذا كله
وهو ما موجود بكلبي كلت درب الصد ما رد
كعدت وغسلت وبدلت ملابسي اخذت صينية الاكل ونزلت دخلت للمطبخ محد موجود بس هديه
هديه: يااا كمره شنزلج بعد وكت كاعده من هسه
كمره:هو ليش انه غمضت عيني
هديه: حقج خيه هو الصار مو هين عليج ارضي بنصيبج وسكتي
كمره: راضيه ومنجبه وساكته
اسألج الشيخه وين
هديه: راحت تحضر السفره لبين ما اسوي الريوك
كمره: ساعدتها بالريوك حضرنا كلشي اجت الشيخه بست راسها وكتلها تعذرني على تصرفاتي وفهمتها جنت اتصرف بدون وعي حسيتها بعدها ما راضيه علي شسويلها العلي سويته نقلنا كلشي على السفره بدوا الولد يجون واحد ورى الثاني متفاجأين من شافوني بس محد حجى كلها واحمد ماكو ما اعرف وين انطى وجها امس
تالي شويه واجى هو وبيبيته جان كاضها من ايدها يمشي بيها من شفته ارتاحيت حسيت روحي ضايعه لو شما يسوي بيه ابقى احبه عمري ما مجربه الحب ولا حتى إعجاب هو عرفني بي وخلاني احبه
كعدنا كلنا على الريوك انتبهت علي تعبان ولا حتى باوعلي كلت بكلبي كله منك انت جبت الاذيه لروحك اتحمل كلشي يجرالك جنت اكلب بالأكل وصافنه فزز صفنتي وسام
وسام: كمره حضري روحج بعد يومين دوام وانه راح اصيرلج شوفير
بعد شتردين
كمره: دوام شنو
وسام: ست كمره وين عقلج طار الاحد يبه دوامج شنو ناسيه
كمره: لا ما ناسيه انه قررت ما اداوم هذا الكورس
شفت الكل رفع راسه من الاكل وظلوا يباوعولي واحمد خزرني خزره تسوة عمري
احمد: شو ٲℓانــتيہ تقررين بكيفج
كمره: مالي خلك اداوم
الدراسه يرادلها خلك وتعب وانه ما بيه حيل لذني
وسام: والله احلى خبر اذا كمره ما تداوم انه هم بعد ما اله داعي اداوم
