رواية كبرياء شيخ الفصل الثاني والثلاثون بقلم زينب
كمره: كلشي لا تسوي خلي كلشي على حاله انه هم تعبت
كل الاريده منك خلك بعيد عني وشتريد تسوي سوي
تزوج بعد تسافر تطلك هذا شي راجعلك
بالنسبه الي انت انتهيت
ما جاي اتقبلك
مجبوره اظل يمك مو بيدي حتى لو اروح لأهلي انه متأكده ثاني يوم يرجعوني الك
عيش حياتك مثل ما تحب ولا تحسب حسابي بعد
كمره: كلشي لا تسوي خلي كلشي على حاله انه هم تعبت
كل الاريده منك خلك بعيد عني وشتريد تسوي سوي
تزوج بعد تسافر تطلك هذا شي راجعلك
بالنسبه الي انت انتهيت
ما جاي اتقبلك
مجبوره اظل يمك مو بيدي حتى لو اروح لأهلي انه متأكده ثاني يوم يرجعوني الك
عيش حياتك مثل ما تحب ولا تحسب حسابي بعد
احمد: من كلبج هذا الحجي
كمره: ما بقى عندي كلب انت هشمته من كلت قبل ساعه نعم لحبيبتك هند
بوكتها من سمعت صوتك حسيت بكلبي انعصر وحتى النفس كطعته
كافي شيخ انت تعبتني وانت هم تعبت ليش تجيب لروحك الاذيه
عوفني واخلص
احمد: خلص الي تردي يصير
كل الاكوله الج طلاك ماكو
طلعه من البيت ماكو
مشاكل ما اريد ويه اهلي
امي من باجر تنزلين تسلمين عليها وتبوسين راسها
وتعيشين وياهم عادي وكأن اي شي ما صار بس اذا خلفتي بواحد من هذن الكتلج عليهن الي تصرف ثاني وياج
كمره: صار شيخ تدلل
من باجر انزل واسوي كلشي كلته الي بالمقابل انت تبتعد عني
وانه متأكده يجي يوم وانت بأيدك ترجعني لبيت اهلي
احمد: ماشي كلشي يجرالج
بس احب اكلج هذا اليوم الكلتي علي ما موجود بقامسج
صح وافقت على كل حجيها بس داخلي ينزف عرفت شلون تعاقبني
بس المهم هي موجوده يمي من اشوفها ترد روحي حتى لو صعب عليه
اتقرب منها بس انه متأكد يجي يوم وهي تجيني برجليها
تقربت منها خليت راسها بين ايديه وبستها من شفايفها اخر بوسه
ظليت ابوسها حاولت توخر مني ما خليتها اخذت ايديها ونيمتها على الجربايه ورجعت أبوس بشفايفها وما ودي اوخر منها كلما احس الهوا انكطع عنها ابتعد عنها اخليها تاخذ نفس وارجع اكمل عليها طولت وياها
لحد ما سمعت دكت الباب وخرت عنها وانه الهث وهي كوه تجر النفس
والشفايف تكطعن ورمن
كمره: ليش سويت هيج انه شكتلك قبل شويه مو كتلك خليك بعيد عني
وممنوع تتقربلي
احمد: وانه كتلج من باجر هاي اعتبريها مسك الختام وهسه اجت خالتج جابت الاكل الج بس قبلها دخلي غسلي وجهج وشفتج كلها دم
صحت على خالتها وكتلها تفضلي
دخلت خالتها وسألت عليها كتلها دخلت للحمام
فهيمه: طولت كمره بالحمام خفت عليها دكيت الباب وحجيت
كمره بيج شي خاله
كمره: دخلت للحمام اباوع على شفتي مورمه ومشكوكه الله يهلكك احمد سويت بيه هسه خالتي تشوفني وهسه تشهرني وتخزيني اذا هي فضيحه
غسلت وجهي وطلعت شافتني ونشغت
فهيمه: عزززا هاي شمسوين عودك ٲℓانــتيہ زعلانه
كمره: خاله سكتي عني انه روحي طالعه
فهيمه: الي يشوف وجهج يكول روحج راده ما هي طالعه
كمره: خاله يرحم روح رجلج سكتي عني انه الي بيه مكفيني
فهيمه: راح اسكت يا بعد خالتج بس لا تتنرفزين تعاي اكلي وسندي روحج
وخلي كلشي ورى ظهرج ترى محد يفيدج لو راحت صحتج كلمن يكول يا روحي
كمره: خاله عبالج الحجي سهل خاله انه متكطعه من جوا تعرفين شنو
خاله انه بعدني ما مكمله وياه ٣ اشهر تزوج علي وتزوج منو حبيبته
تعرفين انه شحس محروكه حرك خاله انوب هنا كدام عيوني صار كلشي
والعلي اسمع واشوف واسكت حتى اهلي وكفوا وياه وتركوني
معقوله انه الغلط بس فهميني
فهيمه: كافي خاله لا تبجين رحمي عيونج
انه اعرف كمره القويه المحد كدرله وينها
لا تخلين الصار اليوم يهزج خليج قويه وخلي عينج بعيونهم
كمره: كمره انتهت خاله انكسر كلبي
فهيمه: لا خاله لا تكولين هيج تعرفين كلبج شوكت ينكسر من ينسد عليهم الباب وحدهم بذاك الوكت كلبي الكون عليهم
هسه سايري وشوفي وين يوصل مو يكول أعالجها وكلشي ينتهي
خل نتبع العيار لباب الدار
كلها شهر شهرين وتتعالج البنيه واذا صارت زينه والشيخ وفى بوعده
خير على خير واذا لا حلت بعينه ورادها مره اله بذاك الوكت انه اوكف وياج بوجهم وبوجه اهلج والله يا كمره اطلعلج حقج من عيونهم
هسه اكلي كدامي خل اروح مناك جهالي عايفتهم يم عمتي هسه مسودنينه
وتتلكاني من الباب بذاك الحجي اليعجبج
هسه تكلي عايفه شواذيج عليه وتفترين
كمره: هههههه
فهيمه: اي ضحكي يا خاله الدنيا ما تسوى رجعي كمره الحلوه
ٲℓانــتيہ شايفه روحج شصايره تخزين
مو زين الشيخ لسه مخليج هنا انه منه اكطفج بالزريبه
كمره: ههههه كافي خاله فدوه والله حتى مالي واهس اضحك
فهيمه: انه هسه رايحه امرلج باجر ومثل ما كتلج اجي الكاج عروس
كمره: راحت خالتي اكلت شويه وظليت كاعده كلما اذكر الصار اموت
احمد: اول شي سكتت وهدأت ما ردت تصير مشكله على الريوك من الصبح كدام اهلي تالي حجيت برود
الاحد تداومين وسام يوصلج ويرجعج واذا صار عنده شغل شداد بمكانه هذا اخر حجي عندي
وسام: هي كوه البنيه تكلك ما تريد ليش. تجبرها
احمد: انت انجب وتداوم انت هم وغصبن عليك
كمره:هههههه
خلص وسام ما اريد ااثر عليك راح اداوم لخاطرك
وسام:لخاطري شنو بويه ٲℓانــتيہ وياي لو علي
كمره: لا وياك ولا عليك
وسام: شوف احمد هاي مرتك اكبر خبيثه
احمد: اكل تبن واسكت
ليلى: يااا شجاكم من الصبح تكاضيتوا
وانت بيبي عوفه يولي درس والما درس شخاش بجيسك يولي
الشيخ: لا حجيه لا تشجعي انه كلت لأخوه يرجعه شفرقه عن اخوانه كلهم تخرجوا جا هو وحد
ليلى: عكب ما شاب ودوه للكتاب
وسام: بيبي لا عاب حلكج اول مره تحجين حجايه بيها حظ
ليلى: خايب انت تظل طول عمرك مخسبك انت بالله مال دراسه
وروح رجلي ما اسرح بيك بنعجتين
كمره: ههههههه
احمد: كمره بلا ضحك
ليلى: خلي البت تضحك كاض حلكها خليها تتنفس شبعت بجي وضيم من وراك
الشيخه: حجيه الله عليج لا تذكرينا بالصار احنا ما صدكنا افتكينا
كمره: خلصنا الريوك وكلمن راح لشغله صعد احمد للغرفه بسرعه صعدت وراه وكتله
شيخ العصر اريد اروح للسوك ويه خالتي محتاجه شغلات وراح يبدي الدوام
احمد:منو ياخذكم
كمره: ما اعرف بس اذا ماكو احد نأجر تكسي
احمد:خلي واحد من الولد يوصلكم واذا محد موجود منهم ماكو روحه
كمره: اخابر واحد من اخواني
احمد: والله تسوين فضل ويا ريت يبقى وياكم لحد ما ترجعون عفتها ودخلت للحمام اذا ابقى دقيقة يمها يمكن اجرم بيها شلون كعدت متغيره وتحجي برود ورسميه وياي عبالك موضفه عندي وانه مشتعل ابو ابوي
كمره: صار العصر
خابرت على اخوي حسين يجيب خالتي ويجيني
رحنا للسوك اخذت كلشي احتاجه طبعا ما اخذت منه فلوس
جانت فلوس الصبحه مالتي ما صارفتهن اجى وكتهن واخذتهن رجعنا تقريبا بالليل الساعه بثمانيه دخلت للغرفه لكيته كاعد على الحاسبه دخلت ما سلمت ذبيت الغراض على القنفه واخذت ملابس ودخلت للحمام سبحت وطلعت لكيته واكف ومتخصر
احمد: منين جبتي فلوس
وليش ما كلتيلي حتى انطيج
كمره: عندي الله لا يعوزني الك
احمد:نرفزتني عطت عليها
سألتج منيييين جبتي الفلوس
كمره: ما جبت من احد لا تخاف فلوس صبحتي
احمد: والله لو سامع ما خذه من احد فلس واحد يا كمره اطلع روحج بيدي
وليش تأخرتوا هل كد
كمره:اكلك هو تحقيق
احمد: جاوبيييي
كمره: السوك ازدحام وانه ما يعجبني شي بسهوله
احمد: اذا ما تشبعين فره شلون ترتاحين
وهذا كله لوحدكم ٲℓانــتيہ وخالتج وليش ما خابرتي وكلتي راح أتأخر
كمره: لا حسين ظل ويانا
وشلون اخابرلك وانت ما خذ تلفوني
احمد:لا طلعين حجه
كولي شلون اخابرله يطبه مرض هو شنو حتى اكله
كمره: هسه شتريد بعد تعرف ترى جايه وتعبانه واريد انام اذا خلصت كلي
احمد: شوفي كمره لا عبالج بهاي تصرفاتج وعنتكتج تخليني اعوفج لا بالله احسها مثل العسل على كلبي واذا ٲℓانــتيہ عنيده انه احب العناد وكلما تزيدين خبال انه ازيد خبالات
كضيتها من ايديها وقربتها علي اكثر بحيث طخت بصدري تقربت من آذانها وهمست يجي يوم تجيني برجليج
ما وخرت عنها ظليت اشم بريحتها اريد اشبع ريتي منها وهي توها طالعه من الحمام الريحه تسطر والوجه يضوي عبالك كلوب
كمره: شفته تقرب علي كلش وانه ذبلت بين ايدي تالي وعيت على حالي انه شجاي اسوي راح الثكل كله بعدته وكتله
وخر عني كتلك تعبانه واريد انام كلتها بخدر
احمد: هههه
ادري بيج ما تقاوميني ظلي كابري براحتج بس • واللّــُهةِّ اتعبج
وهسه روحي خمدي
كمره: كلت بكلبي خمدت ﻋﻠﻴﻚ الطوفه بيش طالبني
عفته ونمت على القنفه وكعدت الصبح كالعاده نزلت جوه بس اليوم لكيت الحجيه كاعده صبحت عليها
ليلى: صباح العافيه والوجه الحلو شلونج بيبي اليوم
كمره: على الله حجيه عايشه الحمدلله
تالي كعدت الشيخه وهديه وبدينا نحضر الاكل وكالت الشيخه
الشيخه: بعد الريوك تحضرن نسوي غدا اليوم بيت حماي جايين
كمره: باوعت للشيخه
كلت بهمس لا هلا ولا مرحبا جكد يجون هنا
الشيخه: كلتي شي كمره
كمره:لا شيخه ما كلت شي
كملنا الريوك وبدينا نحضر الغدا تقريبا الشيخه كملت كلشي وانه وهديه جوا ايديها اخر شي طلبت مني اسوي اللبن جاي اخلط بي ودخلت ام سلمى وسلمى اجو يسلمون على الحجيه والشيخه
الشيخه اخذت ام سلمى وراحن للصاله بقت بس هاي العوبه يمنا بحجت تحجي ويه ببيتها بس كل حجيها تقصدني انه بالبدايه سكتت عنها شافتني ما جاوبتها ظلت تلح اكثر بوكتها كلش تحملت عليها
سلمى: اكلج بيبي العروسه شلونها
ليلى: وانه شمعرفني ما شفتها من اهد المهر
سلمى: اكلج بيبي هو الشيخ هم يبات يمها
ليلى: ٲℓانــتيہ شمالج مغسوله ذاك الشيخ روحي سألي
سلمى: وليش اسأل الشيخ مرته موجوده اروح اسألها
اكلج كمره صدك رجلج هم يبات يم هنوده
كمره: ادري بيها تريد تستفزني حتى تصير مشكله حجيت برود
ما اعرف دوري على ابن عمج وسألي انه شعلي بيهم
سلمى : شلون شعليج بيهم ٲℓانــتيہ مو مرته
هااا نسيت حبي ٲℓانــتيہ مرته الاولى
كمره: وهسه شتردين كفي شرج عني لا تخليني اطلع خبالاتي عليج
سلمى: شتسوين مثلا
انه اكلج كلشي ما تسوين تعرفين ليش لأن كل الصار الج حوبتي مثل ما اخذتي احمد مني اجت التاخذه منج لو تعرفين جكد متشمته بيج
كمره: انه اسمعه بس كلبي ظل يفور جانت بيدي دولكة اللبن درت عليها وشمرتها بوجها نكعتها من فوك لي جوه كل هذا ما شفى غليلي منها
سلمى: ولج شسويتي يا حقيره يا ساقطه
كمره: انه سمعتها كالت ساقطه وانه اهجمت عليها طكيتها راجدي ظلت تصرخ واكضها من شعرها وين اليوجعها طلعت حركة احمد بيها كلها
اجوا على صياحها وسام وعادل وامها والشيخه ركض عليها عادل يريد يفكها مني ماكو مجلبه بشعرها
ليلى: بويه هلا خايبه كمره صابج جني هدي الفرخه موتيها
عادل:خويه هديها فدوه اروحلج انه
كمره:اليوم لو انه لو هي موتتني كلما تجي تسويلي مصيبه
عادل: هديها وانه اتصرف وياها عليج بداعة كل غالي عندج
الشيخه: كمره سمعي حجي حماج وهديها كافي عاد مصختيها
كمره: هديتها بطلاع الروح وانه انهد حيلي بيها هل التافه ظليت اجر النفس كوه
عادل: كمره خويه اهدي شوي اخذي نفس
ام سلمى: ٲℓانــتيہ شجاج على بتي جاي تكلينا بعد لا تجون • شَـٰمسَويْهَہ بيها الله لا ينطيج • ﺂنٰ شۨـِﺂءۙ ﺂللـِه۫ہ ٰ
الشيخه: ما اسمحلج ام مرتضى خل نسمع بالاول شنو صار وبعدين احجي
عادل: هسه ارتاحيتي
كليلي شنو صار وليش هيج سويتي بيها
وسام: هاج هذا كلاص ماي شربي واخذي نفس واحجي
كمره: راح احجي كلشي
اول مره استفزتني وانه ساكته تحجي ويه الحجيه وتبسمرني بالحجي واخر شي اجت سألتني على الشيخ ومرته ما اتحملت غركتها باللبن وتالي تجاوزت عليه التافه
سلمى: جذابه انتم ليش تصدكوها
عادل: شكالت خويه
كمره: تكلي ٲℓانــتيہ وحده حقيره وساقطه
يمكن اتجاوز كلشي الا الغلط
الشيخه: أيا طايحة الحظ شلون تغلطين هيج عليها
سلمى: بجي وصريخ والله جذابه جذابه تريدكم بس تكرهوني
كمره: كل الكلته صح وهاي الحجيه موجوده وهديه هم واكفه
الحجيه: الله شاهد كلشي كالته صح
مو زين منها ذبت عليج لبن انه منها افرغ فوك راسج تيزاب
وسام:ههههههه بيبي هسه وكتج
ام سلمى: حجيه ٲℓانــتيہ لـيش تكرهين بتي واكفتلها على الصاعده والنازلة
ليلى: انه مااكرها هي حفيدتي حالها حالهم بس بتج ما عرفتي تربيها ترديني اشهد جذب على تالي عمري كلشي صار كدامي
عادل: عمه اخذي بتج خل تبدل تسبح شوف شتسوي وحسابها بعدين
راح اوصل كلشي لعمي وابوي خل يأدبوها
ام سلمى:لا عمه على بختك كلشي ولا ابوها هسه نحلها بينا وما تعيدها مره ثانيه
الشيخه: خل تعتذر من كمره
كمره: ما اريدها تعتذر بس خل تكفني شرها مليت منها انه شعلي ما كلت لأحمد • تـٰ؏ـﺂﺂل اخذني وعوفها حاقده عليه حقد مو طبيعي
احمد: شصاير هنا
كمره: بِسْم الله منين طلع صرت ورى عادل وانه وجهي ظل ينطي الوان
عادل: شبيك تصيح غير تعرف بالبدايه شصاير
احمد: اباعلها لبدت ورى عادل وانه روحي شاطت
كمره شمسويه
الشيخه: مو كمره يمه اخذ مرتك واتفاهموا فوك وانه هنا راح اتصرف ويه بت عمك
يله كمره روحي ويه رجلج
كمره:صعد هو كدامي وانه صعدت وراه اول ما فتحت الباب اخذني من ايدي وكال
احمد: شعدج لابده ورى عادل
كمره: خفت منك
احمد:وليش خفتي مني الا اذا مسويه مصيبه
لويت ايدها
كمره: اخ شبيك ايدي اذيتني عوفني وانه احجي
خفت لا تضربني على مودها نفس ذيج المره
احمد: عفتج احجي يله
وبدون جذب
كمره:بت عمك هي البدت وتجاوزت علي وانه ما اتحملت هجمت وكتلتها
واجى اخوك فكها من بين ايدي
احمد: كتلتيها
كمره: ملختها مو بس كتلتها
احمد: وتعترفين
كمره: اي انت مو كلت بدون جذب
احمد: ههههههه
لا والله ٲℓانــتيہ وين اكو مثلج صايره عراكه وشرانيه
كمره: ما كلت شي يضحك كتلك تجاوزت علي وتكلي ساقطه انه لو ساقطه انت ليش اخذتني
احمد: هي كالت هيج
كمره: والله والحجيه موجوده وهديه هم
احمد:انه مو كتلج ما اريد مشاكل
كلت لو لا
كمره: اذا هي تتحرش بيه تريدني ابلع واسكت لا والله بعد ما اسكت اذا ما اخذ حقي بأيدي فلا ارتاح
احمد: ٲٳٲسـ๛ۖــۖـتغفـر اللهہ
هسه شسويلج انه ظلي هنا لا تنزلين بعد خل انزل واشوف شنو صار جوا
عفتها ونزلت وانه هل مره صدك ضحكت من كلبي لاعبه بيها خلقه
الصراحه سلمى تستاهل نزلت لكيت وسام كدامي يضحك
شبيك تضحك ولك
وسام: احمد بشرفك منظر سلمى ما ضحكك
احمد:ولك اسكت كوه ساكت عيب من عمي
وسام: هاي مرتك طلعت نسره عفيه عليها ادبتها
ههههههههه
احمد: ولك كافي فضحتنا
دخلنا للصاله لكينا عمي مطيح حظها جنت ناوي عليها بس من شفت عمي ومرتضى مرزليها سكتت انوب اعتذروا مني
ابو سلمى: عمي امسحها بوجهي الظاهر ما عرفت أربي عدل وراح احرم عليها حتى دخلت بيت عمها
احمد:لا عمي ما اريدها توصل لهل مواصيل بس خل تتجنب مرتي فضت راحت
كمره: تغديت ونمت مرتاحه فوخت كلبي بيها كون بعد افوخ كلبي بأحمد جان ارتاحيت بس يجي يوم مر اليوم عادي وانه كله فوك ما نزلت صعدتلي هديه لفه وعصير اتعشيت بيهن ونمت من وكت باجر ابدي اداوم
كعدت الصبح دخلت للحمام غسلت وفرشت أسناني وبدلت وطلعت لكيت احمد نايم اتحرك بهدوء حتى لا يكعد ويحقق وياي كملت كلشي وجاي افتح الباب اجاني صوته يرعد
احمد: اوكفييييي
كمره: بِسْم الله فززتني انت مو نايم شكعدك
احمد: مو نايم جنت اراقبج من كعدتي لحد ما ردتي تطلعين جنج حرامي
كمره: مو قصدي ما ردت اكعدك
احمد: لبسج ضيك
كمره: ما بي شي مثل كل مره لا تطلعلك حجه
احمد: ما الله هداج وتلبسين عبايه
كمره: والله ناذره نذر من تطلكني البسه
احمد: يا فتاح يا عليم صبحنا للحجي الماسخ
كمره: شتريد مني انأخرت على وسام
احمد: تعاي هاج
كمره: شفته فتح المجر طلع نقالي وانطانياه واخذ جزدانه طلع ٢٥ وانطاني كتله
بس النقال كافي الفلوس الك ما اريده
احمد: وانه ما جاي اخيرج تاخذيها
اخذيها وانتي ساكته
كمره: امري لله جيبها اكو بعد شي
احمد: الحمرة مسحيها مو عبالج انه ما شفتج
كمره: ما مخليه حمره
احمد: تمسحيها بأيدج لو امسحها الج بوسه
كمره: جاي اكول ما مخليه ليش تلح
احمد: معناها تردين بوسه شو تعاي
كمره: لا خلص خلص راح امسحها
اخذت كلينسه ومسحتها وكتله اطلع لو اكو شي بعد
احمد:شوفي مو تلعبين بذيلج وطلعين من الكليه ترى انه مراقبح وخطواتج توصلي وكت بوكته ديري بالج وخليج حبابه
كمره: اووووف
عفته ونزلت وسام خبص آلامه علي بهورن السياره
صعدت وكتله صباح الخير
وسام: صباح النور اخرتينا
ما تكليلي جنتي تسوين
كمره: الي يشوفك يكول ميت على الدراسه شحال لو ما ساحيك سح
وسام: هههه اي والله صدك
كمره: لايكلك لبس الزي الجامعي ههههههه
وسام:شسوي لهذا رجلج الله مسلطه بس علي
كمره: وعلي
وسام: احتمال بالرجعه ما اجيج
كمره: اشتغلت رحمة الله ليش
وسام: عندي شغله ويه صديقي يجوز أتأخر عليج
راح اخلي شداد يجي عليج
كمره: اووووو هم شداد
وسام: شبي ليش تضوجين منه ترى ما اسمحلج هذا ابن خالي وصديق حبيبج احمد
كمره: وسام اسكت لا تغثني من الصبح
سمعت دكت تلفون
هذا تلفونك وسام
وسام: اي سمعته
هذا احمد شيريد
مسويه شي كمره كبل لا تطلعين
كمره: لا والله افتحه شوفه شيريد
وسام: الو هااا شيخ
احمد: هسه ترجع وبسرعه
وسام: ليش ترى تأخرنا
احمد: ترجع هسه كلت
وسام : عمي راجع بس اعصابك شويه هدي
كمره: شبي شراد منك
وسام: يكلي هسه ترجع هذا رجلج احتمال فيوزاته طبكن
كمره:رجعنا وسام وكف السياره يم الباب انفتح الباب البره وطلع احمد
دك الباب اليمي فتحته
احمد: هسه ما راح احاسبج بس انطيني ايدج
من ترجعين يصير خير
كمره: انطيته ايدي لبسني الحلقه جنت ناسيته فتحت عيوني مستغربه عباله نزعتها متعمده جاي احجي
احمد: اشششش ولا كلمه كلاواتج مو علي
اذا نزعتيها مره ثانيه
وهسه روحوا
كمره: طبك باب السياره حيل ودخل
باوعت على وسام شفته يضحك
وانت شبيك تضحك
وسام : هيج احسنلج لو لابستها من الاول خليتي يرجعنا
كمره: والله ناسيتها مو متعمده انزعها بس هذا اخوك الله يعيني علي
اكلك عفيه بالرجعه • تعال انت لا تخلي شداد يجيني
وسام: اخاف اتأخر عليج وتظلين واكفه
كمره: ارجع بالخط ويه صديقتي
وسام: لا هاي هي ربحنا
حتى احمد يخليني انه وياج بالاصطبل ويخلي العنود تفرجنا برجليها الحلواة
كمره: العنود منو
وسام: الفرس مالته
هاي يحبها حتى اكثر منج
كمره: ههههه
اول مره اشوف احمد جان راكبها وراد يدوسني بوكتها بس سبحان الله من شافتني وكفت
وسام: العنود مدربها تدريب خاص
جان كل زياره يرجع من بغداد لو لندن ما نشوفه يكضي وكته كله يمها
جنا نسميه مرته
كمره: وصلت للكليه ونزلني هو راح
التفتت لكيت هبه واكفه وياها بنيه اسمها فاطمه
شفتهن رحت سلمت عليهن وبوستهن
فاطمه: لج هاي شصايره ٲℓانــتيہ منين تجيبين هذا الجمال هاي عود ما مخليه مكياج
هبه: كش برد حيلج لا تطكين البنيه بعدسه تخليها تموت لو تنام بالفراش اسبوع
كمره: شبيجن لا تتعاركن على مودي خل ندخل تأخرنا
فاطمه: هذا منين الصاك الوصلج
كمره: هذا حماي الصغير وسام
هبه: يشبه الدكتور احمد بس شكله اصغر
فاطمه: لا الدكتور احمد هيبه وشخصيه يخبل
كمره:اي وشنو بعـٌـــِد اسمعج كملي
فاطمه: هااااا لا يعني جاي امدحه الج
هبه: ولج لا تحجين هاي بالغيرة فول
كمره: امشنا لا اطلع حركة الدكتور احمد كلها بيجن
رحنا اول مره لرئاسة القسم اخذنا نتائجنا انه الحمدلله ناجحه بس هبه خطيه واكعه بدرس وفاطمة بثنين ضجت عليهن
انوب توجهنا للقاعه أخذنا محاضره دكتور سيف
وطلعنا رحنا تريكنا
وتالي رجعنا دخلنا محاضرة دكتور اسعد
طول المحاضره لاحظت عينه ما شالها مني استغربت ليش هيج يسوي هو اكيد يعرفني متزوجه واكيد يعرف منو متزوجه حتى كمت ما ارفع عيني من يشرح استحي اباوعله هو مبين جرئ خلصنا المحاضروجاي نطلع كال
اسعد: زينب اذا ممكن اريد من وقتج دقائق تجيني للغرفه
كمره: كتله صار رجعت باوعت على هبه
هبه: راح ترحين
كمره: لازم اروح شسوي يـ؏ـنـي
هبه: نصيحه مني لا ترحين هو مبين عينه منج واليوم تأكدت من • ﮪل شي
ومو بس انه الطلاب كلها ملاحظه
كمره: مين تجيبين هذا الحجي رايحه اشوفه شيريد قابل راح يغتصبني
هبه: ولج لا يوصل الحجي للدكتور احمد وتصيرلج مصيبه
كمره: يا حجي والله محسستني مسويه جريمه
هبه: بكيفج العليه نصحتج انه راح انتظرج بره بنفس مكانا
كمره: قبل لا اروح دك تلفوني شفته وسام شلته الو
وسام: الو كمره ما اكدر اجي لا تنتظريني راح اخابر لشداد يمر عليج
مو تجين وحدج عفيه ستري علينا
كمره: ماشي خل يجي امري لله
سديته منه ظل التلفون بإيدي وصلت لغرفة الدكتور اسعد دكيت الباب سمعته كال تفضلي دخلت وظليت واكفه
اسعد: ليش واكفه تفضلي كعدي
كمره: كعدت على كرسي تقريبا صاير مقابيله وكتله تفضل دكتور شنو رايد مني شفته يباوع على الحلقه بأيدي
اسعد: ٲℓانــتيہ متزوجه مو
كمره: اي دكتور
اسعد: زوجج الدكتور احمد
كمره: اي نعم دكتور
اسعد: وانتي مرتاحه وياه
كمره:دكتور هاي حياتي الشخصيه ما احب احجي بيها
اسعد: على العموم هذا مو موضوعنا
اريد اطلب منج طلب يا ريت ما ترفضين
كمره: اذا اكدر دكتور ليش ارفض
اسعد: اريدج تصرين ايدي اليمين للمرحله الاولى
يعني اي شي يخص الطلاب اريدج تكونين مسؤله عنه
من استنساخات واسأله وشكاوي وأي شي
كمره:أتصور هذا الموضوع يهتم بي ممثل الشعبه وهو موجود
اسعد:لا انه طبيعتي تختلف اريد بكل مرحله شخص يمثلها نيابه عني فقط
كمره: وليش انه بالذات
اسعد: ٲℓانــتيہ طالبه كفوءه وممتازه ومؤدبه ومبينه تدبرين الشغله
كمره: اسفه دكتور ما اكدر
اسعد: ليش ما تكدرين
كمره: اولا ما عندي مجال
وثانياً امري مو بيدي
اسعد: هذا ما راح اعتبره جواب فكري بالموضوع بعدين رجعيلي خبر
كمره: بدون ما افكر ما اكدر اعذرني تكدر تشوف احد غيري
اسعد: على العموم براحتج بس اذا غيرتي رأيج انطيني خبر
كمره: ما راح أغير رأي وهسه إسمحلي دكتور
اسعد: تفضلي على راحتج
كمره:عفته وطلعت متنرفزه هذا الشايف روحه
رحت لهبه وبدت تحقق وياي
هبه: شراد منج الدكتور التحفه
كمره:صدك تحفه ما عندي شغل وعمل تعاي صيري ايدي اليمين
هبه: ولج هذا يريدج قريبه علي
كمره: والله بديت اخاف منه هسه لو احمد يداوم جان ارتاحيت
هبه: هو من شاف الدكتور اخذ اجازه طويله كلك خل استفرد بيها
كمره: بالله ٲℓانــتيہ لا تخوفيني
خل اخابر على وسام اشوفه شوكت يجي شداد شو تأخر
ظليت ادور على تلفوني ماهو فرغت الجنطه وهو ماكو وين راح هذا
هبه: شبيج انخبصتي هسه تلكينه وين يروح
اخر مره مو جان بيدج
كمره: اي
عززززا نسيته بغرفة الدكتور اسعد وهدني الله ياخذه منين طلعلي هذا
هبه: روحي جيبي قبل لا يطلع ويقفل الغرفه
شداد: اتصل علي وسام اجيب كمره جان ما عندي رقمها وداه الي وظليت اتصل بيها ما تشيله الله اعلم ليش يجوز رقم غريب
اخر شي مليت دكيت على احمد
الووو شيخ جاي اتصل عليها وما تشيله يجوز رقم غريب اتصل عليها وانطينها خبر
احمد: هسه اتصل عليها انت وصلت
شداد: اي وصلت قبل مده
احمد: اتصلت عليها ماكو يدك ومحد يشيله
وين راحت اووووف منج كمره الا تشلعين كلبي
رجعت اتصلت دك مره ومرتين والثالث ياله شالته
الوووو كمررررره وينج صارلي ساعه ادك عليج
اسعد: الطالبه زينب نست تلفونها عندي اول شي دك رقم ما معروف
بعدين دك رقم كاتبه علي شيخ كلبي عرفته رجلها ظل يدك مستمر ضوجني وانه عندي شغل فأضطريت اشيله
: الووو دكتور احمد ليش اعصاب
احمد: منو حضرتك وليش تلفون مرتي عندك
اسعد : انه الدكتور اسعد زميلك بالجامعه
احمد:...............
