رواية دار الايتام الجزء الثالث (اللقاء المنتظر) الفصل الثاني والثلاثون
وتحولت عاصفه العلاقات إلي نسمات جمبله🥰❣️
.............
رفع زكريا راسه بمجرد ما عامر نطق أسمها.
زكريا🥺🥺🥺
حضنتها روكا اوي
عامر....سيبيها يا روكا سيبيها.
روكا....هزت راسها بلا🥺
عامر...متخافيش عليها مسك عامر ايد ليان واخدها بهدوء من روكا ومشي ناحيه زكريا.
قامت عشق بسرعه قربت من روكا
اللي دموعها نزلت مسكت ايدها كانت متلجه.
عشق...بصوت واطي متخافيش.
قرب عامر من زكريا وقعد علي ركبته قدام الكرسي بتاعه وحضن ليان وبصلها.
عامر....كان بينا وعد اننا ندور علي مامي وبابي لحد مانلاقيهم يمكن الوعد مكملش اوي بس قدرنا نحقق جزء منه عارفه مين ده.
هزت ليان راسها من غير ما تتكلم وكأنها متاخده.
عامر...ده جدو زكريا طاحون.
بصتله ليان وابتسمت بهدوء حضرتك جدو
مكانش قادر زكريا يسيطر علي دموعه مدلها ايده بهدوء.
بصت ليان لعامر بخوف أبتسملها وهز راسه❣️ كأنه بيطمنها
قربت ليان ايدها منه واول ما لمست كف ايده قربها زكريا لحضنه وهو بيتنفسها وبيشم ريحتها في نفس طويل خرجت بعده ااااااه من قلبه.
زكريا.....ااااااه يابنتي ااااااه يا ابني يا حبيبي حجم عليا يا بت الغالي حجك عليا يارتني موت ولا شوفت اليوم ده يارتني موت ولا شوفتك متبهدله وكلاب السكك بينهشوا فيكي وچدك لساته عايش علي وش الدنيا...اااااااااه يارب ااااه. خرجت ليان من حضنه
وبصتله.
ليان....حضرتك عارف فين مامي وبابي🥺
غمض عينه بوجع وفهم انها متعرفش عن موتهم حاجه.
بصت ليان لابراهيم اللي كان قاعد علي الارض دموعه نازله.
ليان....أُنكل إبراهيم 😳
بصلها إبراهيم باحراج وحزن ومش عارف يقول ايه نزل وشه وخباه بايده وفضل يعيط
راحتله ليان وقفت قدامه.
ليان.....انا دورت علي حضرتك كتير وفضلت انادي عليك كنت فين وليه مجتش لقيت مامي و بابي🥺.
فضل إبراهيم يعيط ومش عارف يقول ايه اللي عمله هو عارف انه ملهوش علاقه بالرجوله ولا النخوه
ليان...حضرتك ليه مش بترد عليا هو انت زعلان مني انا دورت عليك كتير🥺
زكريا....بوجع هيجولك أيه يا بتي هيجولك انه كان جاصد اللي عمله هيجولك انه رمي لحمه ولا هبجولك ان البراءه دي مجصرتش في جلبه الحچر🥺😔
إبراهيم بدموع...حجك عليا يا ابا اني عارف اني غلطت صدجني ومستعد أعمل اي حاچه عشان ترضي عني ومستعد اعمل اي حاچه أعوض بيها بت اخوي بس سامحني انت عارف اني طول عمري تحت طوعك عارف ان اخوي كان روحي اني عمري ما زعلت حد فيكم عمري ما غلطت
زكريا....ويوم ما غلطت ماكنتش اي غلطه
إبراهيم...سحر والله يا ابوي هي السبب كل همها كان الورث والفلوس. الاراضي انت عارف يا ابوي عمري ما فكرت في نفسي عمري ما فكرت اشتري لروحي هدمه چديده أنت اللي كنت دايماً تجولي كفياك شغل فكر فحالك صدجني يا ابوي عمري ما فكرت في اي حاچه سامحني أحب علي رچلك سامحني ولو عايزني أطلجها يا ابوي هطلجها.
دخلت سكينه في الوقت ده.
سكينه....حاچ زكريا ست سحر مش في الدار لا هي ولا العيال
زكريا.....بحزن روحي يا سكينه
بص لابنه بعجز فاكره انها هتهرب
انت عارف اللي جاهرني ايه اللي جاهرني اني حاسس روحي كاني متكتف أبلغ عنيكم طب وعيالكم
اجتلك واغسل عاري بيدي منيك
طيب وعيالك.
إبراهيم ...هطلجها يا ابوي .
زكريا....انتوا التنين لايجين علي بعض سهل اجولك طلجها لكن هرچع واجولك والعيال.خساره فيكم عيالكم هي متنفعش تكون ام لان اللي عنديها عيل تخاف علي كل العيال الصغيره لكن هي معندهاش جلب يحب ويخاف ويضلل وانت لا تنفع تكون اب ولا تنفع تكون بني ادم من الاساس
بس ارچع وأجولك ديماً الغلط لازمله واجفه عشان يتصلح وكل حاچه ترچع لاصلها من تاني.
الفلوس اللي خوفت عليها انت ومرتك هترچع لبت اخوك هچيب المحامي وكل حاچه هكتبهالها علي حياة عيني ولما تتم 21 سنه تبجي حره في ملكها واني عمري ما كنت راچل ظالم هديك حجك يا إبراهيم بس من بعد اللحظه دي ماعيزش اشوف وشك لا انت ولا مرتك اشبعوا بالفلوس يمكن ترتاحوا بس صدجني عمرك ما هتشوف راحه وعمرك ما هتتهني وهتفضل العيله الصغيره دي الكابوس اللي هيطاردك وانت صاحي وانت نايم.
من بعد موت اخوك كنت يوماتي ادعي ربنا ياخدني ويريحني بدل رجدتي وجلبي اللي جايد نار عليه
بس اني الوجت عرفت ليه ربنا ما أستجابش دعايا وليه طول في عمري 💔عشان البت مبجيلهاش غيري عشان حجها اللي فاضل في الدنيا تاخده غصب عنيك
قربت روكا وهو بيتكلم ودموعها نازله قعدت قدامه علي ركبها
و مسكت ايد ليان
روكا...من اول ما شوفتها و روحي
أتعلقت بروحها كان في غيرها كتير بس قلبي أختارها يمكن في الاول أتعاطفت مع حكايتها بس بمجرد ما مسكت فيا وقالتلي انتي شبه مامي وقالتلي متسبنيش وقتها حسيت ان قلبي اتخلع من مكانه ومسك فيها🥺
قربت ايدها من ايد زكريا مسكتها اوي.🥺
روكا....انا صعب اني احمل واجيب اطفال محتاجه اكون أم وليان محتاجه تلاقي أم..سيبهالي ارجوك سيبهالي نكمل في بعض اللي ناقصنا وانا أوعدك اني هخليها احسن حد في الدنيا حضرتك اكيد شوفت كتير في الدنيا وتقدر تميز بين الناس يمكن انا عارفه ان اللي بقوله ده صعب علي راجل صعيدي انه يتقبله بس حكم عقلك قبل ما ترفض🙏🏻
ليان وجودها معايا هو الانسب ليها..لو فرضنا ان كل ده محصلش تفتكر البنت كانت هتقدر تعيش معاكم هنا ولو قدرت واتعودت مع الوقت تفتكر نفسيتها هتكون كويسه ولا هتفضل طول عمرها تقارن حياتها مع امها وابوها وحياتها هنا في الصعيد طيب بعد اللي حصل هتقدر تآمن عليها هتبقي مطمن وهي بين ناس حاولوا يتخلصوا منها هتآمن عليها مع عمها بعد ما بسببه عرضها ليوم عمرها ما هتقدر تنساه طفله سبع سنين سابها في قطر لوحدها وفجأه تلاقي نفسها وسط عالم كبير هي مش باينه فيه يسيبها تتعرض للاغتصاب يسيبها تعيط وتصرخ وتتعب وتنام في الشارع يسييبها من غير اكل وشرب يسيبها بردانه بدل ما ياخدها في حضنه ويعوضها ويطبطب عليها
قولي هتقدر تكون مطمن عليها
أرجوك🥺🙏🏻 ليان معايا هتبقي في امان ومش عيزاك تكتبلها اي حاجه صدقني انا هعمل عشانها كل حاجه بس سيبهالي انا محتجالها اوي 💔🥺
ابوس ايدك متخدهاش مني.
أسأل قلبك وقوله حاسس بأيه أسأله لو كنت هعتبرها بنتي ولا بضحك عليك أسأله وخليه للحظه يحس بيا صدقني لو سألت قلبك هيقولك اننا جينا الدنيا انا وهي عشان نكمل بعض🥺💔
زكريا دموعه مكانتش بتقف وعشق كانت واقفه مش قادره تسيطر علي دموعها حتي عامر اللي كان قاعد علي ركبه ورا روكا وليان وحاطت ايده علي كتفهم من الجانبين.💔🥺
طبطب زكريا علي ايد روكا.
و أبتسم من وسط دموعه تعرفي انك فيكي من امها كيف ماجالت
كانت طيبه جوي 💔 شوفي يا بتي الصعيدي لا يفرط في أرض ولا عرض وليان بت ابني يعني عرضي.. حفيدتي الغاليه وزي ما بيجولوا أعز من الولد ولد الولد
اللي هتجوليه ده صعب جوي عليا
روكا...بصوت هامس أرجوك🙏🏻🥺
زكريا...البت أني اجدر احميها لحد اخر نفس في عمري بس بالعجل مين فينا ضامن عمره
جلبي بيتجطع يابتي كيف ما انتي جلبك بيتجطع💔
بس لازم حد فينا يدوس علي جلبه عشان خاطر ليان تعيش صح.
شوفي يابتي اني راچل كبير شوفت ياما في الدنيا دي وكيف ما يجول ا أفهمها وهي طايره ميغركيش السن والصحه اللي بجت عل كدها. من أول ما دخلت الأوضه وشفت الچماعه جلبي جاللي ان في حاچه غلط مصدجتش انهم چايين في شغل كيف ماجالوا جلبي شوكني وجاللي في سر وراهم لكن مكنتش اعرف ان السر وراه بنت ابني لما حكولي اللي حوصل كنك چيبتي مطرجه وضربتيني بيها علي راسي ممصدجش كيف ابني اللي من صلبي اللي ربيته وكبرته يعمل إكده كيف يعمل في بنت اخوه إكده وكيف چاله جلب من الاساس علي جد ما فرحت ان البت عايشه لكن كان نفسي اللي بيتجال يكون كدب 🥺
ابتسم زكريا من وسط دموعه لما شوفت چوزك الراچل الچدع كيف ثار وغضب ورفع السلاح في وشه عشان بس جال انه سأل بنفسه والبت ماتت وجتها سألت روحي ليه أتنفض إكده ليه دافع عنيها بجلبه جوي إكده لحد ما جالي وجعد جدامي كيف ما انتي جاعده وجالي نفس الكلام اللي جولتيه ..شوفت في عينه حب وحنيه كبيره وأطمنت لحد ما شوفتك يا بتي وعشان اني راچل شوفت كتير وأجدر أميز كيف ما بتجولي ..فا انا مصدجك ومصدج چوزك مسكتك في البت وانتي واجفه كامها بتك وخايفه عليها
جعدت چوظك وراكي انتي وليان دلوك في ضهركم تخليني اجول ان البت مينفعش تكون غير معاكم
وطت روكا في اللحظه دي راسها علي ايده وفضلت تعيط🥺💔
ابتسم عامر رغم دموعه🥺
زكريا.....أني موافج يا بتي انك تكوني ليها أم وچوزك يكون ليها اب بس انا طالب منيكم طلب
رفعت روكا عينها ليه.
عامر....طلباتك أوامر يا حاچ زكريا
زكريا...بدموع حطوها في جلبكم اكرموها حنوا عليها أحموها من الايام نسوها اللي شافته خلوها أمانتكم ليوم الدين عوضوها عن جساوه الدنيا و عوضوها عن ظلم أجرب الناس ليها💔🥺
عامر....اوعدكم اننا هنخليها أحسن ما بتتمني.
زكريا...واني مصدج وعدك يا ابن الاصول.
بس كمان ليا شرط
دياب...قول كل شروطك يا راجل يا طيب.
زكريا....اليومين دول نخلص كل حاچه ليها رسمي وانت ياولدي جولت انك ظابط عايزك تساعدنا كل حاچه تكون جانوني والبت معاهم تتنجل من وصايتي لوصايتهم وحجها يتكتب لها وكل ورجه ليها تكون أمانه معاكم لحد ما تتم 21 سنه
عامر....كل اللي عايزه هيحصل بس صدقني ليان معانا مش هتحتاج اي مليم انا هنقدر نوفرلها كل حاجه وهنأمنلها مستقبلها.
زكريا....ده حجها يا ابني ريحني خليني احس اني عوضتها عن اللي حوصل فيها خليها لما تكبر وتعرف الحكايه تفتكر ان كان ليها چد عادل مرضاش بظُولمها وأمن مستجبلها وحاول يعملها اي حاچه في يده🥺💔
ليل...حقك يا حاج وزي ما دياب قالك في الاول لو في اي حاجه عايز نعملهالك عشان تطمن اكتر انها فعلا في ايد امينه هنعملهالك
زكريا....الچواب باين من عنوانه يا ولدي البت كانت معاكم في الوجت اللي كنت فاكرها فيه ميته كنتوا احن عليها من اللي من دمها
وجفتوا معاها وجفه راچل موجفهاش عمها اللي اسمه علي اسمها كيف بعد كل ده أخد عليكم ورج ولا إثبات 🥺 اني بعد اللي حوصل ضامنكم برجبتي
بص زكريا لليان
زكريا....بتحبيهم يابتي
ليان....بابتسامه بسيطه ايوه
زكريا....طيب ايه جولك تعيشي إهنه معايا ولا تروحي تعيشي معاهم مسكت ليان في ايد روكا اوي من غير ما تتكلم.
زكريا...لروكا امسحي دموعك يا بتي وخديها في حضنك مبروك عليكي بتك🥺🥺
نزلت دموع روكا بوجع وشدت ليان خدتها في حضنها جامد.
إبراهيم كان قاعد يعيط ومش لاقي اي كلام يقوله.
زكريا.....ليان يا بتي اني هسيبك تعيشي معاهم بس عايزك تعرفي حاچه وتفضلي فكراها طول عمرك
اوعاكي لما تكبري تزعلي مني يا بتي اوعاكي تفكري اني رميتك او فرط فيكي لاه اني شوفت مصلحتك وسبتك بيدي في يد امينه هتحافظ عليكي حضنها زكريا وهو بيعيط بوجع غصب عني يابتي علي عيني بس مفيش في يدي حاچه أعملها صدجيني
ليان مكانتش فاهمه اي حاجه بتسمعه وخلاص ومش فاهمه ليه بيعيط اصلا بصتله ببراءه.
ليان....طيب مامي وبابي هيجوا يخدوني امته.
سكتوا كلهم مش عارفين يقولولها ايه مش عارفين هتقدر تستحمل الخبر ولا مش هتحسه عشان هي لسه طفله.
بصلها زكريا بقهر مسح دموعه وابتسم.
زكريا....تعرفي يا ليان ان ربنا چميل جوي.
ليان....ايوه عارفه.
زكريا....طيب تعرفي انه بيحبنا وعمره ما بيظلمنا.
ليان....مامي كانت بتقولي ان ربنا بيحبنا كلما عشان هو اللي خلقنا
زكريا....الله يفتح عليكي شاطره طيب تعرفي ان في اوجات لو حد تعب جوي ومبجاش جادر يتحمل ربنا بياخده عنديه.
ليان...ايوه اعرف بابي قالي ان اللي بيموت ربنا بياخده عنده في الجنه.
زكريا....طيب دي حاچه حلوه ولا لاه.
ليان....ايوه حلوه عشان بيوديه الجنه والجنه فيها حجات حلوه خالص ومش بنتعب هناك ولا بناخد حقنه.
زكريا....صوح طيب جوليلي تزعلي يا ليان لو ابوكي وامك راحوا الچنه.
ليان....لا مش هزعل.
زكريا.....خلاص يبجي كل ما تفتكريهم تدعيلهم عارفه ليه؟ عشان هما لما عملتوا الحادثه تعبوا جوي ومكانوش جادرين يستحملوا فا ربنا خدهم الچنه عشان يرچعوا كويسين .
ليان...بملامح صدمه يعني انا مش هشوفهم تاني هما راحوا عن ربنا
🥺🥺
زكريا.....ايوه يابتي بس مينفعش نزعلوا لازم نفرح ليهم وندعيلهم واكيد هيچي يوم ونروحلهم هيبجوا مستنينا هناك في الچنه وفرحانين انهم شافونا.
نزلت دموع ليان من غير صوت مسحتها بكف ايدها ببراءه وبدأت دقنها تترعش🥺
بس هما قالولي انهم هيفضلوا معايا ليه مش خدوني معاهم🥺
زكريا....كل واحد يابتي ليه يوم يروح فيه عند ربنا بس لسه يومنا احنا مجاش وبعدين جبل ربنا ما ياخدهم عنديه چابلك ام واب تانين غيرهم مش بردك انتي بتحبيهم.
ليان...بحزن ايوه بس انا عابزه مامي وبابي بردو🥺
شدتها روكا لحضنها عارفه يا لولي لما سافرت وسبتك انا مكنتش في شغل زي ما عرفتي بس انا كمان بابي مات زي بابي ومامي كنت زعلانه اوي بس احنا لازم نكون اقويا ومنزعلش صح لازم انا وانتي نفضل مع بعض ونستني لحد ما نروحلهم انا هاخدك معايا البيت بتاعي انا وعامر هجبلك اوضه جميله وهنجيب فيها كل اللعب اللي بتحبيها هنروح المدرسه وهنعمل كل حاجه مع بعض اتفقنا🥺💔
هزت ليان راسها وحضنت روكا وفضلت نايمه علي كتفها.
قدر زكريا بحكمته يوصل الخبر لليان من غير ما يكون تأثيرها كبير علي نفسيتها اطمن عليها اكتر من تعلقها بيهم وحبها الواضح تجاه روكا وعامر.
عامر.....اهم خطوه يا حاج زكريا عملتها انك سهلت علينا مهمه صعبه كان يهمني انها تعرف من غير اي وجع.
زكريا.....الحمد لله يا ولدي الوجت البت بجت معاكم بتكم مفاضلش غير طلب واحد.
عامر....أؤمرني .
زكريا....أچي وياكم علي مصر أطمن عليها بعيني ونخلص كل حاچه هناك وصدجني مش عشان اني مش واثج فيكم او مش مطمن لكم لاه يا ولدي كمل بدموع 💔🥺
اخاف تمشوا وولدي يعمل فيا حاچه ويخلص مني جبل ما اطمن ان البت بجت معاكم رسمي وساعتها الجانون في صفه هياخدها منيكم وياعالم هيعمل فيها ايه تاني صدجني اللي يعمل كيف ما الخسيس ده عمل في بت اخوه سهل يجتل ابوه🥺
نزل إبراهيم راسه بوجع وندم من ثقه ابوه اللي اتعدمت فيه لدرجه انه مش مستبعد انه يعمل فيه حاجه.
عامر....بس كده ده انت تيجي وتنور و تقعد معانا يومين كمان في بيتنا وتشبع من ليان ومش هتبقي اول او اخر مره انا هجيلك بنفسي كل اسبوع لو تحب تقضي معانا كام يوم وتقعد مع ليان تعوضها وتلاعبها وتقربها منك
دياب....اطمن يا حاج زكريا محدش هيقدر يلمسك و اظن هو مش بالغباء ده عشان يودي روحه في داهيه. بس زي ما عامر قال لازم تيجي وتقعد معاها عشان دي حفيدتك.
زكريا...تشكروا يا ولاد الاصول دجيجه واحده سكينه تحضرلي شنطتي عشان أچي معاكم وطلع من جيبه مفتاح خزنته ومد ايده لعامر وطلب منه يفتحها ويجيب ورق معين خاص بورث ليان.
وقبل ما يمشوا بص لإبراهيم
زكريا.....لو عليا مش بس عايز اسلمك للشرطه وافضحك في البلد لاه اني عايز اجتلك بيدي لكن اللي مانعني من الفضايح عيالك اللي هيكبروا وميبجوش طايجين يبصوا في وشك انت وامهم اني هسيبك مش لضميرك عشان اللي زيك معندهوش ضمير لكن هسيبك لربنا ولنفسك اللي ربنا يسلطها عليك ليوم الدين.
اول ما أرچع ما عيزش اشوفك في الدار ومن الوجت ده أعتبرني مش موچود في حياتك واني هعتبر ابني الوحيد مات في حادثه ومعنديش غيره جلبي وربي غضبانين عليك ليوم الدين
خرجوا كلهم مع بعض روكا كانت طايره من السعاده حاسه انها نفسها تجري وتصرخ بفرحه نفسها تروح لصحابها تقولهم نفسها تجري علي صفيه تقولها دع تك استجابت نفسها تروح تزور هاشم وهي ليان في ايدها. كان نفسها في حجات كتير اوي
ركبوا العربيات كلهم وطلعوا علي الطريق وخرجوا من الصعيد كلها
وهما راجعين بفرحه كبيره 🙏🏻❣️
.................
سيلا....يعني ممكن الحمل يتأخر.
الدكتوره....ان شاء الله لا انتي كويسه وزي الفل بس زي ما قولتلك انتي بقالك سنتين بتاخدي مانع حمل فا اكيد مش هتبطليه انهارده تحملي بكره يعني هقولك مثال تخيلي ياسيلا انتي بتاخدي علاج هو مصنف جدول مبتبقيش كويسه أو بتحسي بالتغيير إلا لما الجسم يطرد كل آثار العلاج ده مانع الحمل بالظبط زي ادويه الجدول الجسم اتشبع منها فتره كبيره فا طبيعي عشان يرجع يشتغل زي الاول محتاج فتره الجسم يتخلص من اثار مانع الحمل ده عشان تقدري تحملي
سيلا....يعني ممكن الوقت يبقي كبير.
الدكتوره... لا خالص في ناس سبحان الله بتبطله وتحمل بسرعه ناس تاخد شهر اتنين تلاته ممكن سنه كل جسم حسب حالته
سيلا....طيب ليه حضرتك طلبتي مني ابعد عن ايام التبويض في العلاقه.
الدكتوره...هقولك ليه لان زي ما قولتلك كل جسم ليه حالته في ناس بمجرد ما تبطل الوسيله اللي بتاخدها تحمل علي طول والحمل يكمل وفي ناس بتحكل بس الحمل يقعد شهر او اتنين وينزل لان بأختصار طبيعه الجسم دي لسه رافضه الحمل وحاسه ان في حاجه غريبه مش متقبلاها فا انا مش حابه اننا نجرب ونجازف خصوصا ان لو الحمل حصل ونزل كذا مره ده بيبقي مؤشر مش حلو وممكن يأثر بالسلب بعد كده علي الحمل اكيد بتسمعي عن حالات كتير حملت وحملهم مثبتش لانهم استعجلوا ومدوش الجسم حقه في الراحه عموما احنا هنتابع مع بعض وانا في الوقت المناسب هقولك خدي بالك من ايام التبويض بس اطمن ان جسمك عنده استعداد يستقبل الحمل ده
اتفقنا🙂
سيلا....اتفقنا.
الدكتوره....المهم بقي الوقت انا كتبتلك علي شويه مقويات وڤيتامينات نظبط الاول جسمنا لان انتي ضعيفه جدا تاخدي بالك من اكلك كويس عشان لما يحصل حمل يبقي جسمك جاهز.
سيلا....ان شاء الله شكرا بجد
الدكتوره.....علي ايه بس ان شاء الله قريب اوي هتكوني مامي .
سيلا...بأبتسامه لاول مره تحس معني الكلمه يارب🙏🏻
..................
عدت كام ساعه كان الكل عرف اللي حصل مع روكا طمنتهم عشق في الشات كانوا فرحانين جدا ومستنينها توصل عشان يكلموها
..........
في ڤيلا بدر.
وصل بدر كانت سيلا لسه موصلتش طلع خد شاور ونزل وقف مع نوني في المطبخ
كانت قاعده تحضر في الاكل
بدر....في ايه يا نوني انا جعان اوي
نوني....ياساتر عليك 😒مفجوع كده علي طول الاكل قرب خلاص وبعدين مش انت اللي قولتلي استني شويه علي تسويه الاكل عشان سيلا جايه في الطريق.
بدر....انا عارف هي اتأخرت ليه هي كمان.
نوني...زمانها جايه والاكل عموما قرب يخلص.
دخلت سيلا في الوقت ده كانت حاطه ايدها ورا ضهرها
سيلا....مساء الخير ❣️
بدر...اهي جات اخيرا كل ده يا سيلا.
نوني....مساء النور يا حبيبتي
سيلا....الطريق والله زحمه
نوني....انتي لسه هترغي روحي يلا اغسلي ايدك بدل ما المفجوع ده ياكلنا.
سيلا....بضحك فاضحنا كده علي طول😂
بدر....والله لو مأكلتوني هفضحكم علي حق 🤨 بصلها بأستفسار
ايه اللي ورا ضهرك ده🤔
سيلا....بضحك وانت مالك حشري اوي🙄
بدر....بقي كده🤨
سيلا....دي حاجه لنوني حبيبتي.
نوني....ليا انا وريني طيب
قربت منها سيلا وطلعت من ورا ضهرها بوكيه ورد شيك اوي وحواليه شيكولاته كتير.
نوني....الله حلو اوي🙈
سيلا....مش طلبتي ورد وشيكولاته انتي تؤمري❣️
بدر...ورد وشيكولاته😒 انتوا ايه هااا🧐. مش مطمنلكم قعدتكم مع بعض مش مريحاني مجبتلهاش خاتم وهتنزلي علي ركبك تلبسيه لها بالمره🤨
نوني....شوفي الواد اللي مترباش بيشك فينا وفي اخلاقنا🤔
سيلا....بضحك ده غيران مننا يا نوني.
بدر....غيران كمان🤨 وايه مناسبتهم بقي🤨
سيلا....انت مالك انا جيباهم عشان بحبها.
بدر....طب اشمعني انا 🙄 مجبتليش حاجه معاكي😒
بصتله سيلا بحب وطلعت من شنطتها روشته العلاج و وقفت قدامه بابتسامه بسيطه.
سيلا...بيتهيألي الهديه دي هتكون أفضل بالنسبالك و اعتبرها اعتذار مني يا بدر عن كل حاجه حصلت
انا روحت للدكتوره انهارده عشان اعرف المفروض اعمل ايه الفتره الجايه عشان اقدر اجيب بيبي وهي قالتلي اني محتاجه اخد فيتامينات كتير عشان ابقي مهيأه للحمل وقالتلي كمان ان ممكن الحمل نستني عليه شويه عشان نطمن ان المانع اللي كنت باخده خرج من جسمي شويه وميأثرش علي الحمل لو حملت والمفروض انها هتتابع معايا من انهارده
🥺🥰
ومش بس كده انا كنت راحه انهارده استقيل من الشغل
بصلها بدر بصدمه😳
سيلا....مستر مراد رفض وقاللي خدي وقتك ومضالي علي اجازه طويله يعني تقدر تقول كده اني قعدالكم قاعده لنوني عشان نرغي ونتكلم ونتسلي ونعمل اكل واختراعات وقعدالك عشان اقرفك زي اي ست مصريه رايح فين وجاي منين واتأخرت ليه🤨
ورجعت ضحكت بحب يمكن يكون ده تعويض بسيط اوي عن اللي عملته لو كان في ايدي اعمل اكتر من كده كنت عملت صدقوني
انا في حجات كتير حسيت اني مقصره فيها وجه الوقت اللي اخد اجازه طويله اصلح كل اللي عملته وطبعا انتوا كالعاده هتساعدوني وأول واحده هتساعدني نوني وتعلمني الاكل والحلويات وتخليني ست بيت شاطره جدا عشان لما ازهق بدر في عيشته افضل اقوله انا واقفه طول اليوم وعملتلك الاكل 🙈🙈
ابتسم بدر بحب من غير ولا كلمه هو ونوني 🥰
سيلا....بضحك وعموما ياسيدي لو اللي قولته ده معتبرتوش هديه ومعرفتش اضحك عليك🙄 امري لله هجبلك هديه بكره.
بدر....بحب لا يا ستي عجبوني واوي كمان باسها من راسها ورجع كشر 🤨🤨
بس بعد ايه بقي شكرا يا اختي خلي نوني تنفعك😒
نوني...بضحك يا عيني متغاظ اوي🤭🤭
بدر....بابتسامه طب هاتي شيكولاته جعان والله🙈
نوني....صعب عليا خلاص امسك اختار بس هي واحده.🤨
بدر....ماشي هاتي مسك منها البوكيه وخد منها كذا شكولاتيه
سيلا....انت بتعمل ايه😳😳
قام بدر من مكانه جريت وراه سيلا وهي بتضحك هي وبدر
وقفت نوني تبص عليهم وهي قلبها بيرقص من الفرحه واتأكدت ان طريقتها مع سيلا بحب وتفاهم جابت نتيجه وقدرت تحس بغلطها الكبير قدرت نوني تعالج الموضوع من غير ما تكبر المشكله ولا تولع الدنيا قدرت بحكمه تنقذ موقف كبير بينهم مع انها من جواها كانت بتتقطع علي بدر وكانت من جواها مضايقه من تصرف سيلا لكن قررت انها تكون الطرف الهادي اللي بيعالج من غير ما يقسي و للحظه شالت من جواها جزء الحما وحطت مكانه جزء الام
وفعلا كانت طريقه مرضيه جدا لنوني ودعت من قلبها قريب تكون سيلا حامل وتكمل فرحتهم
................
اخيرا بعد ساعات وصلوا كلهم الڤيلا عند روكا
زكريا كان رافض يفضل معاهم وكان طالب منهم يحجزولوا في فندق لحد ما يخلص كل حاجه لكن عامر رفض بشده و جهزوله اوضه و بعد إقناع كتير منهم وافق اخيرا اختارت ليان اوضه ليها تنام فيها وعدتها روكا ان في اقرب وقت هيختاروا احلي اوضه تليق بالبرنسيس الصغيره.
في خلال اليومين دول تقريبا اتعرف زكريا عليهم كلهم شاف عيشتهم شاف شغلهم والمراكز القويه ليهم في شغلهم كان مطمن جدا علي ليان واطمن اكتر لما شاف نوني وسهام ومني واتكلموا معاه لما شاف باقي البنات حس ان ليان ربنا عوضها بعيله كبيره وعزوه كان من جواه فرحان علي قد الحزن اللي كان جواه ..فضلوا ماسكين فيه قعد معاهم اسبوع وخلال الاسبوع ده كان خلص زكريا كل حاجه تخص ليان واتنازل عن وصايته لليان لروكا وعامر وخلص كل ورق قانوني ممكن يعطلهم في اي حاجه من سفر لتنقلات لورق مدرسه كل حاجه بقت رسمياً المسؤول عنها روكا وعامر ..كتبلها ورثها كله وهو حاسس انه مأمن مستقبلها ومطمن عليها واي حاجه ليها مش هتقدر تاخدها غير لما تتم السن القانوني وثقوا كل حاجه واخيرا حس زكريا انه ارتاح بجد.🙏🏻
طول الفتره دي اتحسنت صحه زكريا اكتر بقي يضحك و ديما مبسوط مع ليان بيلعب معاها بيقعد يحكيلها حواديت في الجنينه.
لحد ما جه اليوم اللي قرر يرجع كان عامر مستنيه يجهز عشان يوصله لحد الصعيد.
ليان كانت زعلانه اوي انه ماشي
حتي روكا اللي حبت الراجل ده اوي وعدهم انه هيجيلهم تاني وسلم عليهم وفضل واخد ليان في حضنه وبعد وقت بسيط مشي هو
وعامر..
..................
في نفس اليوم ده راحت عشق لروكا تطمن عليها هي وليان.
روكا....انا مبسوطه اوي انك جيتي ياعشق❣️
عشق....انا اكتر والله كنتي وحشاني اوي انتي ولولي.
روكا.....حبيبتي يا عشق انتي اكتر والله قوليلي تشربي ايه.
عشق...ولا اي حاجه انا جايه بس اتكلم معاكي شويه وهمشي.
روكا...بردو هتشربي ايه قهوه ولا نسكافيه ولا عصير.
عشق....مصممه يعني طيب خليها نسكافيه.
روكا.....اوك لولي خليكي مع طنط عشق لحد ما اجي اوك
ليان...اوك روكا🥰
راحت روكا عملت النسكافيه والقهوه بتاعتها وعملت عصير لليان ورجعت
روكا...لولي تعالي يلا اقعدي هناك مع الالعاب بتاعتك لحد ما اخلص انا وطنط كلام اتفقنا.
ليان...اتفقنا
عشق...طيب تعالي هاتي البوسه بتاعتي الاول😍
راحت ليان عليها باستها وراحت بعيد عنهم شويه.
روكا....ها ياستي خير في ايه.
عشق...خير يا روكا اولا انا مبسوطه جدا انك بقيتي احسن كتير عن الاول
روكا...الحمد لله ليان جاتلي في وقتها بجد.
عشق....ربنا بيأجل كل حاجه للوقت الصح يا روكا مهما استعجلنا عليها وحسينا اننا محتاجين الحاجه دي في وقت معين ربنا بيأجلها لوقت هو بس اللي يعلمه وبيختار الوقت المناسب.
روكا....عندك حق ونعم بالله.
عشق....مش عيزاكي يا روكا تزعلي مني ابدا علي طلبك في تبني ليان صدقين كان غصب عني وصدقيني ربنا عالم انا كنت عامله ازاي وقتها عشانك
روكا....انتي عبيطه يا عشق مش زعلانه منك طبعا وعارفه كمان انك كنتي بتتكلمي من ناحيه الدين بس انا وقتها كان غصب عني مكنتش قادره افكر غير في اني محتجاها وبس.
عشق...عارفه بس كان لازم اجي اعتذرلك بنفسي والحمد لله ربنا قدر يعوضك بطريقه صح البنت بقت معاكي و محتفظه بنسبها وبموافقه جدها الاهم بقي ياروكا الوقت انتي بقي عليكي حمل كبير اوي في تربيه ليان عارفه انك هتبذلي كل جهدك عشان تسعديها وتعوضيها بس انا عايزه انصحك نصيحه يمكن متبقيش واخده بالك منها الوقت.
روكا...قولي ياعشق.
عشق....ليان الوقت بنتك اوعي في اي وقت تعامليها علي انها غير كده اوعي تنفذي كل طلباتها وتقولي لنفسك كفايه انها اتحرمت من اهلها صدقيني يا روكا الدلع والحنيه الكبيره زياده عن اللزوم ممكن تضيعها اتعاملي عادي
معاها غلطت تتحاسب وتتعاقب عملت صح تتكافئ خلي كل حاجه ليها وقتها الام ياروكا هي اللي بتقدر تظبط علاقتها بولادها الموقف اللي يعدي ويحتاج اننا نشد لازم نشد لو موقف محتاج اننا نرخي لازم نرخي ساعتها هتتأكدي انك ربيتي صح اوعي عاطفتك تجاه حكايه ليان تخليكي تضيعيها دي امانه هتتحاسبي عليها علميها وذاكريلها خليها تبقي من الاوائل خرجيها وفسيحها في الوقت المناسب علميها اصول دينها عرفيها الصح والغلط عرفيها النظام اللي تحبي انها تمشي عليه ولو قدرت تمشي عليه صح كافئيها لو غلطت خاصميها وخليها تحس بالندم البني ادم اللي بيحس بالندم يا روكا بني ادم سوي ولما بيكبر ديماً بياخد باله من تصرفاته وبيحكم عقله شوفي انتي عيزاها تكون أزاي لما تكبر وأسسيها صح وهي صغيره عشان توصل للي انتي عيزاه.. ومش قصدي ابدا اعدل عليكي بس شوفي ايه بتعمليه غلط وبطليه الام قدوه ياروكا لازم ولادنا يشوفونا زي ما بنتمني نشوفهم التناقد في العلاقه بيأثؤ بالسلب يعني مينفعش اطلب منها تصلي وانا مش بصلي مينفعش اطلب منها تحفظ قرآن وانا مش بحفظ
مينفعش اقولها اهتمي بدروسك ومذاكرتك وانا مش مهتمه بشغلي زيها.. كلنا بنغلط انا نفسي بغلط بس بحاول احط سليم قدام عيني
واتخيل انه غلط نفس الغلط ده واسال نفسي انا هوافق علي الغلط ده ولا لا فا بحاول اصلح من نفسي محناش ملايكه ياروكا بش بنحاول ونجاهد نفسنا عشان نكون صح مش شرط نبقي مثاليين لكن عالاقل غلطاتنا تكون بسيطه ونشتغل عليها عشان عالاقل نبقي واخدين الاتجاه الصح صدقيني ياروكا لو قدرتي توازني علاقتك بليان وتمشي علي اللي بقولك عليه هتلاقي نتيجه مرضيه في تربيه ليان هتبقوا اسره مفيش منها علاقتك انتي وعامر اللهم بارك من اجمل العلاقات اللي شوفتها ازرعوا حبكم جواها ياروكا وكمان حابه اقولك حاجه انا عندي يقين انك في اقرب وقت هتكوني ام وهيجيلك اخ او اخت لليان ازرعي فيها الحب من الوقت عشان لما يجوا للدنيا تحس بحبهم ومتحسش بنقص انتي عليكي حمل كبير اوي ياروكا صدقيني الكلام اللي انا بقوله ده بقوله عشان انا اكتر واحده حاسه بليان ويمكن عشت تجربه اسوأ منها هي كان ليها حظ جميل ان ربنا يبعتلها ام وام حلوين زيكم وقلبهم مفيش زيه لكن انا وتمارا وزهره تعبنا بجد في حياتنا ومع كل ده جاهدنا اننا نكون افضل والحمد لله عرفنا وطبعا انا معاكي في اي حاجه تحتاجيها اي موقف مش عارفه تتصرفي فيه هتلاقيني جمبك بنصحك وبنعالجه صح فهماني ياروكا اتمني متكونيش زعلتي مني ومن كلامي صدقيني انا بحبك وبحب ليان وحابه ان علاقتكم من البدايه تكون صح.
روكا....بابتسامه حب عمري ما ازعل منك ابدا يمكن انا كنت محتاجه كلامك ده اوي لان الموضوع جديد عليا وصدقيني انتي لفتي نظري لحجات مهمه يمكن انا كان ممكن فعلا ادلع واعوض واقول انها اتحرمت زي ما قولتي ويمكن كمان كنت انسي خالص ان ممكن ده يضرها وحابه كمان اقولك حاجه يمكن تكون حلوه ولنا نفسي مستغرباها من يوم ما ليان جت هنا وانا محطتش سيجاره في بوقي بقالي اسبوع تقريبا ودي حاجه كانت مستحيل تحصل بس لما جربت اعملها حسيت اني محرجه وفعلا حسيت بشعور الام من جوايا محبتهاش تشوفني كده
عشق...بفرحه براڤو عليكي ياروكا هو ده يمكن كنت حابه اتكلم في موضوع السجاير كمان بس محبتش اضايقك لاني كلمتك فيها قبل ليان وكان علي صحتك. فرحتيني ياروكا فوق ما تتخيلي وعارفه انك هتكوني ام عظيمه 🥺🥰
روكا....انتي جميله ياعشق وحقيقي انا مبسوطه انك في حياتي اوي❣️
عشق....انا اللي مبسوطه ان كل ما الايام بتعدي ربنا بيرزقني بناس جميله تملأ حياتي وتعوضني بجد بتمني من قلبي اشوفك مبسوطه ديما وسعيده في حياتك وتقدر ليان تعوضك وتقدري تعوضيها ورينا يرزقك بأجمل طفل يكون ليكم انتوا الاتنين احلي هديه وعوض من ربنا انتي يرزقك جمال الامومه وهي يرزقها جمال احساس الاخوات 🥺❣️
قامت روكا حضنتها بحب وسعاده كبيره وبعد وقت بسيط مشيت عشق❣️
................
الايام كانت بتعدي بسعاده علي الجميع رجعت من تاني الحياه والروح بينهم كل واحد فيهم مر بمشكله كانت درس قوي ليه.
مر حوالي اسبوعين في خلال الاسبوعين دول حصل حجات كتير سافرت روكا لصفيه وعرفتها علي ليان وعلي حكايتها كانت طايره بيها لكن كانت بتدعي من قلبها ان ربنا يرزق روكا بأبن او بنت وطبطب علي قلبها اكتر ويكمل فرحتها.
في خلال الاسبوعين دول نزلت روكا وليان وعامر واختارت ليان اوضه جميله تشبه الاميرات وجابولها لبس ولعب وكتب و اختاروا المدرسه اللي حابين تدخلها عشان يقدمولها فيها من بدايه السنه الجديه. كانت تغييرات كلها إيجابيه و فرحتهم مكانتش تتوصف.
في خلال الاسبوعين دول علاقه سيلا وبدر بقت اقوي واعمق و قدروا يتخطوا مع بعض المطبات اللي مرت في حياتهم.
في خلال الاسبوعين دول حصل حدث سعيد وهو حمل زهره ادم كان طاير من الفرحه وكل البنات كانوا مبسوطين.
كريم كان في تحسن ملحوظ بيلعب و بيتجاوب وبقي انشط من الاول وبدأ يجري ويضحك من قلبه ريم ويوسف كانوا فرحانين من قلبهم لفرحته وقدر يملأ البيت فرحه ودفئ
لمار ودياب كانوا حاسيين بالاستقرار في بيتهم الجديد جدا وكارمن اتعودت خلاص علي الوضع اللي كانت رفضاه وطول الوقت كانت مع لمار علي النت وكأنهم مع بعض.
حاله الحزن كانت لسه مسيطره علي صفيه خصوصا لما يرن المنبه الخاص بالموبايل ويفكرها بعلاج هاشم يفكرها بوقت صحيانه للشغل لما كانت تلمح الموبايل تبتسم بوجع وتنزل دموعها وتدعيله من قلبه🥺💔 وحشها بس تعمل ايه هو ده حال الدنيا
نوني....كانت مبسوطه بكل حاجه بتحصل في حياتهم من تغييرات وكل ما كانت تقعد مع نفسها تسرح في حال الدنيا اللي عمرها ما استقر ايام صعبه وايام سهله وجميله لكن كانت واثقه ان الصعب اللي بيعدي عليهم بيقويهم وبيقوي علاقتهم و بيفهمهم الدنيا صح.
سهام كانت مبسوطه عشان حمل زهره وكانت فرحانه من قلبها عشان ادم ماهو في الاول والاخر ابنها مش ابن اختها❣️
زكريا كان يوميا بيكلم ليان في التليفون ويفضل يرغي معاها هي وروكا مكانش بيعدي يوم غير لما يطمن عليها ويضحك معاها من قلبه.
اما إبراهيم فا بعد قرار زكريا راح بيته ورغم محاولاته مع زكريا إلا انه رفض زكريا انه يسامحه طول الوقت كان بيعيط وندمان علاقته بسحر شبه اتقطعت لكن فضلت مستمره عشان خاطر ولادها حست هي كمان بالجُرم اللي ارتكبته في حق طفله صغيره ودخلت في حاله إكتئاب لدرجه انها منعت الاكل والشرب والكلام وبقت حالتها تسوء حتي ولادها مبقتش قادره تهتم بيهم كل حياتها في لحظه اتهدت علاقتها بجوزها وجع ضميرها الورث اللي كانت بتحارب عشانه كله راح في لحظه وحست وقتها ان الدنيا اصغر بكتير من الجري وراء شهواتها وطمعها ولما حست انها بتضيع ومبقتش قادره حتي تهتم بولادها وكأنها متكتفه قدرت تحس ان ده ذنب ليان وعدل ربنا عايشه من غير اي مرض لكن متكتفه حتي الكلام اتحرمت منه وكأن عقاب ربنا ليها انها تكون سجينه في الدنيا...وللحظه اتمنت انها تتعب او تموت او حتي تتسجن وتتعاقب هيبقي اريح لها من انها تكون بصحتها وربنا ابتلاها بالسجن النفسي والوحده والضمير اللي مش بينام واتحولت حيات سحر وإبراهيم لجحيم وبعد ما كان إبراهيم يتمنالها الرضي بقي مش طايقها وبقت حياتهم كئيبه من غير روح كلها حزن وعذاب ضمير وده اسوأ عذاب ربنا يبتلي بيه العبد.💔
...............
في خلال الاسبوعين دول
وصلت أمينه. القاهره جهزلها جاسر شقه و وفرلها شغل في مكان يكون بعيد عن اي حد تعرفه.
وكان بيزورها ديما كان بيشوفها وبيتكلم معاها وبيحاول يعوضها عن اللي شافته.
امينه كانت طايره من السعاده انها قدرت تلاقي حد من الماضي اللي افتقدته و حست ان حياتها بتتغير
لكن فضلت امينه مخبيه عن جاسر حاجتين مهمين. واحتغظت بيهم لنفسها💔🥺
...............
رمضان كان بيقرب عليهم و روايحه كانت بتقرب اكتر وقبل رمضان بحوالي اسبوع كان في ندوه مهمه لعشق اللي بتتكلم عن حقوق الطفل ومعاناه الطفل المشرد وسلبيات دور الايتام ودي كانت من اهم الندوات اللي عملتها قبل كده لانها كانت بتتكرم عن دورها الفعال ونجاحها في دار الحلم الخاصه بيها ونجاح البنات بشكل ملحوظ في دراستهم وأنشطتهم وطلبت من الجميع انهم يحضروا.
وفعلا حضر الكل في القاعه ووقفوا يستنوا كلمه عشق.
........................
طلعت عشق وقفت ومسكت المايك وبدأت الكلام عن فرحتها بتكريمها عبرت عن فرحتها بنجاح البنات واعتبرت ان ده اهم من التكريم اتكلمت عن تعبها معاهم عشان يقدروا يوصلوا للي هما فيه اتكلمت عن مواهبهم اللي قدرت تنميها انكلمت عن احلامهم اللي بتحاول تكون قدها وتقدر توصلهم ليها اتكلمت عن سلبيات الدور والمعاناه اللي بيعيشها اطفال كتير
اتكلمت عن الاهالي اللي بيرموا اطفالهم بكل وجع وكأنها بتتكلم عن نفسها💔🥺 فضلت تتكلم كتير اوي لحد ما جه وقت كلامها عن دور الدوله في إنقاذ الاطفال من الشارع ومن الدور الغير امينه
عشق بدموع وصوت باين عليه الوجع.
عشق....انا لو هتمني حاجه من الدنيا مش بس هتمني اني اكون قد الحمل الكبير اللي شيلاه علي ضهري في خروج البنات من الدار بامان و هما رافعين راسهم لفوق وقادرين يواجهوا المجتمع بثقه.
هتمني انهم يرفعوا راس بلدهم لقوق لكن قبل ما يرفعوا راس بلدهم وبلدهم نفتخر بيهم اتمني ان البلد تقدر تقف جمبهم تمنع المصيبه من قبل ما تحصل 💔
انا عندي حلم وهو اهم احلامي
واتمني الدوله تاخده بعين الاعتبار
مش كل الاطفال اترمت من اهلها في اطفال اتخطفت وفي اطفال تاهو من اهلهم عشان كده انا عندي حلم بسيط يمكن يقدر يخفف او يحد من القضيه دي اتمني لما الطفل يتولد زي ما بيتكتب فصيله دمه يتكتب الdna الخاص بيه اتمني ينزل قرار بتحليل dna لكل الناس ويتوثق في اوراقهم الشخصيه عشان يوم ما طفل يضيع من اهله نقدر بسهوله نجيب البيانات المشابهه للطفل ده نقدر نوصله لاهله نقدر نلم شمل اسره ضاع نقدر نمنع ان ناس كتير تغلط وترمي اطفالها لو القانون ده اتنفذ الشباب والبنات هيبطلوا يغلطوا لانهم عارفين ان الطفل اللي رموه وخافوا انهم يتفضحوا بسببه هيرجعلهم من تاني نزلت دموع عشق وقتها بس مش هيبقي في طفل يتيم مش هيبقي في طفل مشرد مش هيبقي في طفل نايم في الشارع مش هيبقي في طفل عايش في دار ايتام واهله عايشين علي وش الدنيا مش هيبقي في طفل بيتعاير بذنب مش ذنبه💔🥺
انا واثقه ان حلمي هيتحقق في يوم من الايام ووقتها هحس اني عملت حاجه كبيره اوي ومش عايزه حاجه بعدها🥺🙏🏻
وقف الجميع في اللحظه دي صقف بكل قوته ليل كان واقف باصصلها بحزن وفرحه ودموع بتلمع في عينه وفخر مشاعر كتير متلغبطه محسش بنفسه غير وهو طالع علي مكان عشق قرب منها باس ايدها وراسها وضم كفها في كفه بتملك وحب🥺❣️
..................
قبل رمضان بثلاث ايام.
دخل عامر الڤيلا واتفاجئ من المنظر😳😳😳😳
عامر....انتوا بتعملوا ايه🙈
روكا وليان كان كلهم دقيق ومتبهدلين وواقفين في المطبخ.
روكا...بضحك بنعمل كيك😂
عامر....انتوا ملاقيتوش صنيه فا بتحطوا علي وشكم🤨
روكا...بضحك تعالي ساعدنا.
عامر....وابقي زيكم لا ياستي الله الغني😂😂
ليان...تعالي ياعامر يلا ساعدنا عشان نأكلك معانا😍
عامر....طيب هتبهدلوني 🤨
ليان....لا خلاص احنا خلصنا هنعمل بس الشوكلت ونزينها
عامر....اممممم طيب انا هزين معاكم
روكا...بحماس يلا بسرعه قلع عامر الچاكيت وشمر القميص وراح وقف جمبهم وفضلوا يسيحوا الشوكولاته في الميكروويڤ لحد ما طلعت الكيك
ليان...انا اللي هزين بالشوكلت
عامر....انتي ايه 🤨🤨 انا اللي هزين انتوا عملتوا الكيك
ليان...بضحك لا طيب نعمل مع بعض🙏🏻🥰 بليز
عامر....بضحك بقيتي نسخه من روكا 🙄 بتضحكي عليا يالولي طب يلا يا ستي
روكا كانت واقفه مبسوطه منهم
وبتساعدهم حطوا الشوكولاته علي الكيك حطت ليان صوباعها في الشوكولاه السايحه وقربتها من عامر.
ليان....دوق كده🥰
عامر...امممم قرب منها عامر وقبل ما يقتح بوئه حطتهاله في مناخيره بهدلته وبقت تضحك من قلبها هي وروكا.
عامر.....بتتفقوا عليا طب والله ما انا سايبكم🏃🏃🏃
صوت ضحكه ليان كان مالي القلوب فرحه
مسكها عامر في الجنينه فضل يزغزغ فيها وهي تضحك بسعاده
كان في بوادر للنور والامل بتقول انهم حقيقي هيكونوا اسره جميله
غيروا هدومهم ورجعوا كل حاجه زي ما كانت وقعدوا اتعشوا مع بعض وكلوا الكيك اللي كانت اول تجربه لروكا ولليان كانت تجربه الي حد كبير مش بطاله وقرروا يجربوها مرات كتير.❣️
قبل رمضان بيومين اتفقت معاهم نوني ان السحور هيكون عندها وافق الجميع وكانت اول مره هيتجمعوا فيها كلهم في سهره ليها طابع خاص🥰❣️
............
